Dr. Kalam ngaihnatna program thupitak in zat in om
Lamka, Oct 16: Churachandpur District a khota khat Bunglon khua India President in a vehding chih kuaman mang in leng manpha lou a, himahleh, President in a vehna toh kisai Bunglon khomite leh Manipur singtangmite ading in mangngilh theih vual ding hilou hi. India President Dr APJ Abdul Kalam in kumlui October 16 ni in Bunglon khua vehna nei a, huai in Manipur Government ana sawiliing zou mahmah hi.
Tuni in hiai Ni theihgige na ding in program thupitak khat zat in om a, Shri Y. Surjit Kumar Khuman, Managing Director, National Charitable Hospital, Moirang in khuallian hihna toh uap hi. Gin Gangte, Headmaster in thugenna nei a, IndiaPresident lui Dr Kalam thupidan khenkhat taklatna nei a, India President Kalam in Bunglon kho neuchik a vehding chih khovel a thil siam tengteng in gingta lou ding ua, himahleh, atak a thiltung ahi chi hi. Gin Gangte in ahihleh, kumlui in Jewel of India award ana sang hi.
Tuni a program zatna hun ah, Nam tuamtuam apan Nam lam lahna a om banah, Bunglon Government School naupangte apan item tuamtuam lahna om hi. Bunglon High School ahihleh, 1976 kum in phuhkhiak in om a, English medium school ahihbanah, Board of Secondary Education, Manipur in 1990 kum a recognition apiak ahi hi. Khosung vaihawmte felna ziak liauliau in tuni tan in Manipur adia mi poimoh penpen-te Dr. SS Sidhu, Manipur Governor, Shri O. Ibobi Singh, Chief Minister leh Justice (Retd) W A Shishak, Hon'ble Member, Manipur Human Rights Commision te’n vehkha ta uhi. Dr Kalam theih gige na dia program kizangte lak a thupi diak bel "Living Sciences : What Dr. Kalam Has Taught Us" kichi thu tom genna Dr. S. Ibocha Singh, Supdt of Police, CID/CB in nei a, Pastor Shyam Sunder in Pathian kiang a kipahthugenna toh program zoh in om hi.
DLCC meeting neih in om
Lamka, Octo- 16: Dist. Level Co-ordination Committee(DLCC) meeting tuni zinglam dak 11:00 in DC/CCpur Office Conference Hall ah meeting nei uhi. Huai ah Dist. Lvel Officer te leh SDO/BDO teng tel uhi. CCpur Dist a mautam kialpi tung ding tawh kisai a panlak ding dan Zusa(Rat) thah nang tawh kisai a Rodentiside damdoi hawm khiak ding tawh kisai in Co-ordination Committee bawl ding lemsa uh a, Dist Level Officer ¾ vel guan hi ding in gen uhi. Huan Lanva nak a suanglakna(Quari) a tai Gari ten Lanva tuinek suk nit gige ban uah Tuilong agoi tan sek thu uh leng gen uh a, SDO/CCpur in enquiry akin lam a bawl a DC/CCpur ah report pe ding in gen uhi.
One-Day Dis-able Camp lawh ching
Lamka, Octo- 16: Dist. Social Welfare Office CCpur leh PASS Mata te pang khawm in tuni zinglam dak 9:30 apan in Synod Hall IB Road ah One-Day Dis-able Camp nei uh a, CCpur Dist sung mun tuamtuam apan in pianken a mipha lou tam tak mi 400 val pai khawm in form la uh a, Imphal apan Doctor siam mi 4 vel in etna nei uhi. Tuni a Dis-able paikhawmte te bel Pianken a mipha lou Khut leh khe hoih lou, pai thei lou, bil ngong, mitmial leh Lungsim a mipha lou tam tak hi uh a, tuni a Form la te en gai zou lou in gen uhi. Doctor ten a mi ette uh record hoih tak a la in tunung zek ciang a Dis-able Certificate leh Identity Card leng piak hi ding in gen uh a, Certificate neite Govt in Rs.1000/- zel pe ding in gen uh a, Sena kam zawnna tawh kisai in leng amau a ding quata atuam bawl sak hi ding in leng gen uhi. CCpur Dist ah gin tak sang in pian ken a mipha zou lou tam petmah in a saiten gen uhi.
Lamka ah SK Oil tun louhna sawt petmah ta
Lamka, Octo- 16: CCpur Dist Quata ding khawn vaktui(SK Oil) Sept 2007 quata tung man lou in Sept 2007 leng beita a, October quata a ding leng tuni tan tung lou lai in gen uhi. Tuni tan a SK Oil tun louh ziak in Bazar ah Khawn vak tui man tam mahmah ta in gen uh a, Black a lei ding leng vang panta in gen uhi. Thu nei tu ten a etkai uh pawi moh mahmah in kigen hi.
Application Form 500 val hawm khia
Lamka, Octo- 16: JNV/Tuinom CCpur a Class –VI sim ding lakna tawh kisai in ZEO/CCpur Office ah School tuamtuam a Class-V zillai Students ten lak theih lel a, tuni tan in Students mi 500 val in form lata in gen uhi.
Kha lawhla tam lou lai
Lamka, Octo- 16: Lamka, Octo- 16: Treasury Office CCpur in tuni tan in Govt dept tam zaw pay bill passed lou lai in gen uhi. Dept tamzaw in MGEL zawh siang louh ban ah Fund a neih louh ziak ua pay bill te uh Treasury Office lut lou lai in gen uhi.
Inter – School Games meet om ding
Lamka, Octo- 16: Dist. Youth Affairs & Sports Office CCpur te saina in Dist. Level Inter-School Games Meet -2007 October 24- 27,2007 sung Lamka Public Ground ah neih sawm uhi. Huai hun ah kimawlna tuamtuam Table Tennis, Judo, Archery, Hockey, Handball, Gymnastics, Atheletics leh Kho-Kho te hi ding a, huai tel ut lung lutna nei ten Eligibility Certificate leh Entry Form SYASO/CCpur office ah lak theih ding a, ZEO/DI CCpur Counter Signed bawl in October 20,2007 tan form piak lut theih ding in gen uh.
Tuni pumpi vuah chin
Lamka, Octo- 16: Zan nitak apan tuni pumpi Lamka khawpi ah vuah chin a nisa leng dok lou in om hi. Vuah hah tak a zuk ziak in Khawpi sung Lamlian kikawm tuahna te buan nawi gawp in kisia a, Tuivung in khe apaite leh Gari a paite kal ah kitheih siam louhna om dekdek hi.
PIC sun zawm uh
Lamka, Octo- 16: Electoral Roll Photo Identity Card(PIC) Pass port lakna hun bang tan hiam khawl nung uh tuni apan Khawpi sung ah sun zawn nawn uh a, Pass port kila khai nai louh ten ngaih ven pawi moh in gen uhi.
Elect bill hawm lou
Lamka, Octo- 16: Electric Office Tuibuang a Bill bawltu Electoral Roll Photo Identity Card(PIC) team a dia sawl khak ziak un Electric fee bawl ding om lou in gen uhi.
CDSU in gamgi kepbit sawm
Lamka, Oct 16: Churachandpur District Students’ Union (CDSU) in Churachandpur district gamgi kepbitna ding leh Manipur a singtang gam khantouhna dia development programme tuamtuamte dik-le-tang a paisak a semsuah dia ngetna in Manipur Chief Minister O. Ibobi Singh kiang ah representation khat submit uhi.
CDSU in CM kianga representation a piak uh Press a kimu in a taklatna ah, Jiribam Sub-Division pen revenue district piching a upgrade ding a State Govt. in phalna a piak uh kipahpih mahmah kawm in Churachanpur district sung a om singtangmite tenna khua bangzah hiam huapkhaksak a a om pen lungkimlou in, CCpur gamgi inch khat lel leng singtangmite phalna leh theihpihna tellou a laheklou ding in State Govt. kiang ah theihsakna leh ngetna bawl hi.
CDSU in a taklatzelna ah, singtangmite tenna gamte phaizang mite’n luahdim in, phaizang gam dan a simkhawm a om ahihdan taklang in, Kangvai bangleng CCpur district apat lakhek a om in phaizang gam dan a simkhawm a om ahihman in, gamgi a diktak mah khung kichian ding in State Govt. ah ngetna bawl hi. Huai banah, nidanglai dan a, Hill Areas budget a tuam a guang nawn ding in leh Hill Areas Committee pen thuneihna sangzaw pe ding in leng ngetna bawl kawm in, Govt. in nna a sep ding bang a a sep kei leh CDSU in district gamgi kepbit nang leh mipite dikna humbitna ding in khauhtak a panlak linlou ding ahihdan uh leng taklang hi.
SUNNA
Manzaching(74) w/o (L) Enzakham of Mission veng TB natna ziak a Dist. Hospital a ki en kol dam zou lou in tuni sunnung dak 2:00 vel in si a, October 17,2007 in Lamka hanmual ah ki vui ding hi.
INC in Minister lui lalut
Kohima, Oct 16(NNN): Nagaland Congress Legislature Party (CLP) Leader, I. Imkong in tuni a agendan in, NPF Solkar gina salou a taisantu PHE Minister lui, Z. Obed Congress party ah lalut uh ahihdan puang in, maban a State Assembly Election 2008 om pah ding toh kisai in Congress ticket piak hiding a, 9 Kohima Town Assembly Constituency apan tuhsak hiding in gen uhi. Ao Students' Union Kohima general conference tuni in neih in om a, huai ah I Imkong in khuallian hihna toh uap in, program zoh in, Press conference I Imkong in sam hi.
Imkong in hiai hun a thugenna aneihna ah, Z. Obed in NPF a dinmun poimohtak alet khahkhe ngam ahihna ah mithupi ahihdan gen in, amah ziak in Congress party hat sot mahmah ding ahi chi hi. NPF apan tuma deuh in Finance minister lui K. Therie in leng kitawpna pia a, tua dan lel a thil apaitouh zel leh NPF in maban ah solkar bawlzou taktak laiding uhiam chih theih haksa mahmah hi. Kumnawn February kha a Nagaland state Assembly election om ding toh kisai in, NPCC in AICC Chief Sonia Gandhi kiang ah candidate list puangkhe ding in ngetna nei mah le uh, Sonia in amau sung ahih fel lel ding in theihsakna leh bawlkik hi. Pfutsero Assembly Constituency Congress Committee (ACCC) in ahihleh, Neikhrolo tuhsak sawm in, recommendation pelut khinta uhi.
GB leh DB te’n guptuam neilou din ngen
Kohima, Oct 16(NNN): Nagaland Additional Chief Secretary, Commissioner & Commandant General Vigilance mohpuakna lenkhawm T N Mannen in tuni in Goan Buras (GBs) leh Dobashis (DBs) te kiang ah ngetna nei in, tulai a Nagaland bouruang sangtak toh kisai a dinmun poimohtak nei uh ahihdan taklang kawm in, helpawl guptuam leh paihtuam banah, political party guptuam leh paihtuam neilou ding in hasuan hi.
Menan in agenna ah, GBs leh DBs kichi pawlpi liantak hi a, amaute ngaihdan pen Nagaland state sung ah pai mahmah ahihna toh mipi’n hiai pawlpi nihte zahtak mahmah a, amaute plan leh policy te lamzangtak a paizel ahihna ah, mipi tamtak amaute tung ah kinga ahihdan taklang hi. Menan in agenbehna ah, amaute gari driver toh tehkak ahihdan gen a, mipite apii na utoh kisai in lampi nawl a tot khak ding uh lauhuai mahmah ahi chi hi. Naga Nampi te’n zahtak pen hiai pawlpi nihte ahi chikawm in, maban ah lemna leh muanna om na dia GB leh DB pawlpite hahpan semsem ding in ngetna leng nei hi.
Food Testing Laboratory machine poimoh – Y. Erabot
IMPHAL OCT 16: Directorate of Commerce & Industries department leh Agricultural Food & Science technology New Delhi kithuah in tuni’n Sanjenthong Imphal a State Guest House conference hall ah, 27th World Food Day zatna om a, tua toh kiton in ninih daih ding workshop khat leng patkhiak hingal hi.Tuni a World Food Day thupi ahihleh ‘Right to Food’ chih leng ahi.
Hiai hun zatna ah, khuallian in Commerce & Industries Minister Yumkham Erabot panga, aman athugenna ah, Manipur ading Food Testing Laboratory machine kintak a neih poimoh ahihdan gen in, govt. leisak pah hidia panla ding ahihdan gen hi. Hichibang laboratory omlouh ziaka nektak thil tuamtuam kibawlte’n damtheihna lam buaisak ahihdan leng gen a, tuabanah, zan a State cabinet meeting in Pangei a State Forensic laboratory staff punsak ding agen uh thu kipahhuai hidan in leng minister in gen hi.
Aban agenna ah, Manipur a edible oil leh petroleum product tuamtuamte sianglou chih theih himahleh, hichibangte etkhiakna ding machine kichiantak omlou ahihna ah poisak thu gen hi. Manipur a laboratory machine khenkhat om mahleh, zat theih mumal omlou ahihman in, Pangei a Forensic laboratory machine puahphat kul a sak dan leng gen in, hiai a dia panla hidan in leng kigen hi. Agricultural product toh kisai agenna ah, double leh multiple cropping state a, a omlouh ziakin nektak taksapna om a, Manipur in kum teng in antang 1264 MT bang gamdang apat polut jel hi. Manipur a antang piang zah 50% mah state polam a laklut hijel chih ahi.
Tuni a hiai hun zatna ah, functional President in G. Nandalal Sharma President AFST pang a, Guest of honour in, CAU Iroisemba a Ex-Dean of College Dr. S. Bapu Singh pang hi.Tuni a function ah FCS in apuaksuah Journal khat leng khuallian in hongkhia hi.
BJP in singtang district ah meeting nei ding
IMPHAL OCT 16: Bharatiya Janata Dal Manipur Pradesh a Vice President Santikumar makaihna in BJP heutu tuamtuamte’’ October 23-29 sungin Manipur a hill district tuamtuam vehna nei in, tua munte ah meeting nei ding uhi. October 23 in Ukhrul, Oct 25 in Senapati, Oct 26 in Sadar Hills, Oct 27 in Chandel, Oct 28 in Ccpur leh Oct 29 in Tamenglong district te pha ding uhi. Hiai hun te ah, District Presidents, General Secretaries ban ah, Morcha Presidents leh State council member te kihel jel ding uhi.
Physics toh kisai programme
IMPHAL OCT 16: Manipur Science Technology (MASTEC) leh New Delhi a Vigyan Prasar kithuah in October 25, 2007 zinglam dak 11 apat nitaklam dak 4 sung, Takyel a Audio visual satellite interactive terminal mun ah training programme on ‘Modern Physics kits’ kichi neih hiding hi.
Hiai hun ah Science teachers, science lam a activities tuamtuam neite teltheih dinga, lunglutten Programme Co-ordinator Dr. R. K. Pritamjit Singh kimuh ngai ding hi. Hiai training programme a tel te allowance Rs 150/- piak ahih ding ban uah mi 15 chauh teltheih hiding hi.
ATSUM in local mi hoihsa
IMPHAL OCT 16: All Tribal Students’ Union Manipur a General Secretary in tuni a Health Minister, Manipur kianga lai apiak uh uh kimu dan in, Chief Medical Officer incharge dia grade II Doctors te posting piakna toh kisai in ngaihdan taklang hi.
ATSUM thusuak dan in, Health department streamline na dia department panlak dan phat huai sa in tua dungzui a full time doctors te Chief Medical Officers district teng a hihsak ding chih ahi. Himahleh hiai pen mun khenkhat adia phatuamlou leh hithei dia gintak huai a saklouh dan leng thusuak in taklang hi.
Local doctors leh officers a gam mite pau leh ham theite mah in na hoihtak a semthei zaw ding leh, district polam apat doctor kha khat leh kal khat a khatvei nihvei office kaite’n phattuamna hontun tuanlou ding ahihman in, singtangmite demand specialist doctors district headquarters a sawl ding leh tuate CMO ahihleleng a omsa khenkhiak hoihzaw dingin taklang hi.
Draft Vision 2020 toh kisai Public hearing om ding
IMPHAL OCT 16: National Institute of Public Finance & Policy (NIPFP) in finalized abawl, Draft Vision 2020 document toh kisai North Eastern Council (NEC) Shillong saina in, North East state teng ah, Public hearing om ding hi.
Hiai ding toh kisai in, Manipur ah leng Vision 2020 document toh kisai Public hearing hongtung ding November 2, 2007 a om dingin NEC in bikhiah hi. Hiai toh kisai ban ah, NEC leh Govt. of Manipur toh kal a, NEC projects tuamtuamte a Link Officer dingin, T.K. Hangzo IDAS, Dy.Financial Adviser NEC leng guan in om hi.
Hiai Public hearing hun ah, NIPFPapat.Gautam Naresh in co-ordinate bawl dinga, tua hun ah imminent personalities, MPs, MLAs, Local Government representatives, nam tuamtuam apat member poimohte, Universities leh Local public leaders te chial hiding uhi.
North East state teng a Public hearing neih ahihzoh chiangin, NEC meeting November 21 & 22, 2007 New Delhi a om ding ah mipi response omte puaksuah hinawn ding hidan in leng thutut kingah hi. Public hearing neihna ding toh kisai in NEC a Dy. Financial Adviser & Link Officer, Manipur T.K. Hangzo IDAS in Manipur govt. nuai a Principal Secretary (Planning) P.B.O.Warjri zan in theihsakna bawl hi. Vision 2020 document bel, NEC webiste, www.necouncil.nic.in apat leng et theih ding hi.
Sharmila in lavui bawlkhia
Imphal, Oct 16 (NNN): Irom Sharmila Chanu "Iron Lady" chih a om lel in kum 2000 apan Armed Forces Special Power Act (AFSPA) deihlouhna ziak a annngawl aneih tuni tan in ngawl charchar lai a, aman lavui (poetry) agelh 6 nguut tuni in Press te kiang ah piakkhiakna nei a, himahleh, kuaman sumdawnna dia zanglou ding in theisak hi. Sharmila in Poetry agelhte lak ah, ' Taibang Meepalangee Wangmada', Mapok, Toyal Laba, Amuk Yening Manlakpashida, Nungsi Rabi inao Priya leh Lelasi Punsi Se Aegee Wakat Oina' chih te thupi in zang hi. Sharmila min a trust khat bawlkhiak ding toh kisai phallou ahihdan genkawm in, bawl ahih le leng, Human Rights Trust khat hileh chih a deihthu Press te mai ah gen hi.
Police commando te’n helpawl mankhia
Imphal, Oct 16(NNN): Manipur police commando in dakkal 24 paisa in helpawl 4 mankhia uhi. Thusuak in agendan in, Imphal East district police commando te’n tuni in Kuki National Army (KNA) member 2 Khongman Zone IV (Singjamei police station) huamsung ah mankhia uh a, amaute ahihleh, S. Jiten alias Ingo (31) s/o (L) Ibocha of Khongman Mayai Leikei leh Atom Binodkumar alias Ingthoi Singh (31) s/o late Somorendro of Khongman Zone IV te hidan in kigen hi. Bishnupur district police commandos te’n Kangla Yawol Kanna Lup (KYKL) member 2 Yumnam Huidrom Mayai Leikei ah mankhia in amaute apan galvan chi tuamtuam leng musuah uhi. Mat a om te ahihleh, P. Bishorjit alias Bobo (23) s/o P. Mani of Wangoo leh Kh. Manglem alias Tomba alias Jame (28) s/o Ningthoujao of Wangoo te hidan in kigen hi. KYKL Cadre 2 te apan 9mm pistol 1 leh a tang 5 musuah uhi.
ANSAM leh Private school te’n ngetna pelut
Imphal, Oct 16(NNN): All Private Schools Forum-Tamenglong, Ukhrul, Chandel and Senapati (APSF-TUCS) leh All Naga Students Association, Manipur (ANSAM)
in tuni in Manipur Government nuai a Secretary of Education of Schools kiang ah ngetna poimohtak pelut in, kintak a Naga District 4 a private school om te kiang ah No Objection Certificate (NOC) pekhe ding in ngetna nei ua, amaute adia siamsinna toh kisai a zalenna subuai lou ding in leng zasak uhi. ANSAM leh APSF-TUCS thusuak in ataklatna ah, tukum in Nagaland Board nuai ah naupangte’n exam neita uh ahihdan taklang ua, India Dan bupi Articles 29 leh 30 na Manipur Government kalh vualding hilou chi uhi. Namniam leh singtangmite’n amaute khosuahna dia pan alakna uah, BSEM kigolh lou ding in leng theihsakna bawl zui ngal uhi. Manipur Naga District 4 te’n Nagaland Board a zopsawm na utoh kisai in, Manipur Government in nan theihtawp in nang lel hi.
WWW.ZOGAM.COM
Lamka, Oct 16: Churachandpur District a khota khat Bunglon khua India President in a vehding chih kuaman mang in leng manpha lou a, himahleh, President in a vehna toh kisai Bunglon khomite leh Manipur singtangmite ading in mangngilh theih vual ding hilou hi. India President Dr APJ Abdul Kalam in kumlui October 16 ni in Bunglon khua vehna nei a, huai in Manipur Government ana sawiliing zou mahmah hi.
Tuni in hiai Ni theihgige na ding in program thupitak khat zat in om a, Shri Y. Surjit Kumar Khuman, Managing Director, National Charitable Hospital, Moirang in khuallian hihna toh uap hi. Gin Gangte, Headmaster in thugenna nei a, IndiaPresident lui Dr Kalam thupidan khenkhat taklatna nei a, India President Kalam in Bunglon kho neuchik a vehding chih khovel a thil siam tengteng in gingta lou ding ua, himahleh, atak a thiltung ahi chi hi. Gin Gangte in ahihleh, kumlui in Jewel of India award ana sang hi.
Tuni a program zatna hun ah, Nam tuamtuam apan Nam lam lahna a om banah, Bunglon Government School naupangte apan item tuamtuam lahna om hi. Bunglon High School ahihleh, 1976 kum in phuhkhiak in om a, English medium school ahihbanah, Board of Secondary Education, Manipur in 1990 kum a recognition apiak ahi hi. Khosung vaihawmte felna ziak liauliau in tuni tan in Manipur adia mi poimoh penpen-te Dr. SS Sidhu, Manipur Governor, Shri O. Ibobi Singh, Chief Minister leh Justice (Retd) W A Shishak, Hon'ble Member, Manipur Human Rights Commision te’n vehkha ta uhi. Dr Kalam theih gige na dia program kizangte lak a thupi diak bel "Living Sciences : What Dr. Kalam Has Taught Us" kichi thu tom genna Dr. S. Ibocha Singh, Supdt of Police, CID/CB in nei a, Pastor Shyam Sunder in Pathian kiang a kipahthugenna toh program zoh in om hi.
DLCC meeting neih in om
Lamka, Octo- 16: Dist. Level Co-ordination Committee(DLCC) meeting tuni zinglam dak 11:00 in DC/CCpur Office Conference Hall ah meeting nei uhi. Huai ah Dist. Lvel Officer te leh SDO/BDO teng tel uhi. CCpur Dist a mautam kialpi tung ding tawh kisai a panlak ding dan Zusa(Rat) thah nang tawh kisai a Rodentiside damdoi hawm khiak ding tawh kisai in Co-ordination Committee bawl ding lemsa uh a, Dist Level Officer ¾ vel guan hi ding in gen uhi. Huan Lanva nak a suanglakna(Quari) a tai Gari ten Lanva tuinek suk nit gige ban uah Tuilong agoi tan sek thu uh leng gen uh a, SDO/CCpur in enquiry akin lam a bawl a DC/CCpur ah report pe ding in gen uhi.
One-Day Dis-able Camp lawh ching
Lamka, Octo- 16: Dist. Social Welfare Office CCpur leh PASS Mata te pang khawm in tuni zinglam dak 9:30 apan in Synod Hall IB Road ah One-Day Dis-able Camp nei uh a, CCpur Dist sung mun tuamtuam apan in pianken a mipha lou tam tak mi 400 val pai khawm in form la uh a, Imphal apan Doctor siam mi 4 vel in etna nei uhi. Tuni a Dis-able paikhawmte te bel Pianken a mipha lou Khut leh khe hoih lou, pai thei lou, bil ngong, mitmial leh Lungsim a mipha lou tam tak hi uh a, tuni a Form la te en gai zou lou in gen uhi. Doctor ten a mi ette uh record hoih tak a la in tunung zek ciang a Dis-able Certificate leh Identity Card leng piak hi ding in gen uh a, Certificate neite Govt in Rs.1000/- zel pe ding in gen uh a, Sena kam zawnna tawh kisai in leng amau a ding quata atuam bawl sak hi ding in leng gen uhi. CCpur Dist ah gin tak sang in pian ken a mipha zou lou tam petmah in a saiten gen uhi.
Lamka ah SK Oil tun louhna sawt petmah ta
Lamka, Octo- 16: CCpur Dist Quata ding khawn vaktui(SK Oil) Sept 2007 quata tung man lou in Sept 2007 leng beita a, October quata a ding leng tuni tan tung lou lai in gen uhi. Tuni tan a SK Oil tun louh ziak in Bazar ah Khawn vak tui man tam mahmah ta in gen uh a, Black a lei ding leng vang panta in gen uhi. Thu nei tu ten a etkai uh pawi moh mahmah in kigen hi.
Application Form 500 val hawm khia
Lamka, Octo- 16: JNV/Tuinom CCpur a Class –VI sim ding lakna tawh kisai in ZEO/CCpur Office ah School tuamtuam a Class-V zillai Students ten lak theih lel a, tuni tan in Students mi 500 val in form lata in gen uhi.
Kha lawhla tam lou lai
Lamka, Octo- 16: Lamka, Octo- 16: Treasury Office CCpur in tuni tan in Govt dept tam zaw pay bill passed lou lai in gen uhi. Dept tamzaw in MGEL zawh siang louh ban ah Fund a neih louh ziak ua pay bill te uh Treasury Office lut lou lai in gen uhi.
Inter – School Games meet om ding
Lamka, Octo- 16: Dist. Youth Affairs & Sports Office CCpur te saina in Dist. Level Inter-School Games Meet -2007 October 24- 27,2007 sung Lamka Public Ground ah neih sawm uhi. Huai hun ah kimawlna tuamtuam Table Tennis, Judo, Archery, Hockey, Handball, Gymnastics, Atheletics leh Kho-Kho te hi ding a, huai tel ut lung lutna nei ten Eligibility Certificate leh Entry Form SYASO/CCpur office ah lak theih ding a, ZEO/DI CCpur Counter Signed bawl in October 20,2007 tan form piak lut theih ding in gen uh.
Tuni pumpi vuah chin
Lamka, Octo- 16: Zan nitak apan tuni pumpi Lamka khawpi ah vuah chin a nisa leng dok lou in om hi. Vuah hah tak a zuk ziak in Khawpi sung Lamlian kikawm tuahna te buan nawi gawp in kisia a, Tuivung in khe apaite leh Gari a paite kal ah kitheih siam louhna om dekdek hi.
PIC sun zawm uh
Lamka, Octo- 16: Electoral Roll Photo Identity Card(PIC) Pass port lakna hun bang tan hiam khawl nung uh tuni apan Khawpi sung ah sun zawn nawn uh a, Pass port kila khai nai louh ten ngaih ven pawi moh in gen uhi.
Elect bill hawm lou
Lamka, Octo- 16: Electric Office Tuibuang a Bill bawltu Electoral Roll Photo Identity Card(PIC) team a dia sawl khak ziak un Electric fee bawl ding om lou in gen uhi.
CDSU in gamgi kepbit sawm
Lamka, Oct 16: Churachandpur District Students’ Union (CDSU) in Churachandpur district gamgi kepbitna ding leh Manipur a singtang gam khantouhna dia development programme tuamtuamte dik-le-tang a paisak a semsuah dia ngetna in Manipur Chief Minister O. Ibobi Singh kiang ah representation khat submit uhi.
CDSU in CM kianga representation a piak uh Press a kimu in a taklatna ah, Jiribam Sub-Division pen revenue district piching a upgrade ding a State Govt. in phalna a piak uh kipahpih mahmah kawm in Churachanpur district sung a om singtangmite tenna khua bangzah hiam huapkhaksak a a om pen lungkimlou in, CCpur gamgi inch khat lel leng singtangmite phalna leh theihpihna tellou a laheklou ding in State Govt. kiang ah theihsakna leh ngetna bawl hi.
CDSU in a taklatzelna ah, singtangmite tenna gamte phaizang mite’n luahdim in, phaizang gam dan a simkhawm a om ahihdan taklang in, Kangvai bangleng CCpur district apat lakhek a om in phaizang gam dan a simkhawm a om ahihman in, gamgi a diktak mah khung kichian ding in State Govt. ah ngetna bawl hi. Huai banah, nidanglai dan a, Hill Areas budget a tuam a guang nawn ding in leh Hill Areas Committee pen thuneihna sangzaw pe ding in leng ngetna bawl kawm in, Govt. in nna a sep ding bang a a sep kei leh CDSU in district gamgi kepbit nang leh mipite dikna humbitna ding in khauhtak a panlak linlou ding ahihdan uh leng taklang hi.
SUNNA
Manzaching(74) w/o (L) Enzakham of Mission veng TB natna ziak a Dist. Hospital a ki en kol dam zou lou in tuni sunnung dak 2:00 vel in si a, October 17,2007 in Lamka hanmual ah ki vui ding hi.
INC in Minister lui lalut
Kohima, Oct 16(NNN): Nagaland Congress Legislature Party (CLP) Leader, I. Imkong in tuni a agendan in, NPF Solkar gina salou a taisantu PHE Minister lui, Z. Obed Congress party ah lalut uh ahihdan puang in, maban a State Assembly Election 2008 om pah ding toh kisai in Congress ticket piak hiding a, 9 Kohima Town Assembly Constituency apan tuhsak hiding in gen uhi. Ao Students' Union Kohima general conference tuni in neih in om a, huai ah I Imkong in khuallian hihna toh uap in, program zoh in, Press conference I Imkong in sam hi.
Imkong in hiai hun a thugenna aneihna ah, Z. Obed in NPF a dinmun poimohtak alet khahkhe ngam ahihna ah mithupi ahihdan gen in, amah ziak in Congress party hat sot mahmah ding ahi chi hi. NPF apan tuma deuh in Finance minister lui K. Therie in leng kitawpna pia a, tua dan lel a thil apaitouh zel leh NPF in maban ah solkar bawlzou taktak laiding uhiam chih theih haksa mahmah hi. Kumnawn February kha a Nagaland state Assembly election om ding toh kisai in, NPCC in AICC Chief Sonia Gandhi kiang ah candidate list puangkhe ding in ngetna nei mah le uh, Sonia in amau sung ahih fel lel ding in theihsakna leh bawlkik hi. Pfutsero Assembly Constituency Congress Committee (ACCC) in ahihleh, Neikhrolo tuhsak sawm in, recommendation pelut khinta uhi.
GB leh DB te’n guptuam neilou din ngen
Kohima, Oct 16(NNN): Nagaland Additional Chief Secretary, Commissioner & Commandant General Vigilance mohpuakna lenkhawm T N Mannen in tuni in Goan Buras (GBs) leh Dobashis (DBs) te kiang ah ngetna nei in, tulai a Nagaland bouruang sangtak toh kisai a dinmun poimohtak nei uh ahihdan taklang kawm in, helpawl guptuam leh paihtuam banah, political party guptuam leh paihtuam neilou ding in hasuan hi.
Menan in agenna ah, GBs leh DBs kichi pawlpi liantak hi a, amaute ngaihdan pen Nagaland state sung ah pai mahmah ahihna toh mipi’n hiai pawlpi nihte zahtak mahmah a, amaute plan leh policy te lamzangtak a paizel ahihna ah, mipi tamtak amaute tung ah kinga ahihdan taklang hi. Menan in agenbehna ah, amaute gari driver toh tehkak ahihdan gen a, mipite apii na utoh kisai in lampi nawl a tot khak ding uh lauhuai mahmah ahi chi hi. Naga Nampi te’n zahtak pen hiai pawlpi nihte ahi chikawm in, maban ah lemna leh muanna om na dia GB leh DB pawlpite hahpan semsem ding in ngetna leng nei hi.
Food Testing Laboratory machine poimoh – Y. Erabot
IMPHAL OCT 16: Directorate of Commerce & Industries department leh Agricultural Food & Science technology New Delhi kithuah in tuni’n Sanjenthong Imphal a State Guest House conference hall ah, 27th World Food Day zatna om a, tua toh kiton in ninih daih ding workshop khat leng patkhiak hingal hi.Tuni a World Food Day thupi ahihleh ‘Right to Food’ chih leng ahi.
Hiai hun zatna ah, khuallian in Commerce & Industries Minister Yumkham Erabot panga, aman athugenna ah, Manipur ading Food Testing Laboratory machine kintak a neih poimoh ahihdan gen in, govt. leisak pah hidia panla ding ahihdan gen hi. Hichibang laboratory omlouh ziaka nektak thil tuamtuam kibawlte’n damtheihna lam buaisak ahihdan leng gen a, tuabanah, zan a State cabinet meeting in Pangei a State Forensic laboratory staff punsak ding agen uh thu kipahhuai hidan in leng minister in gen hi.
Aban agenna ah, Manipur a edible oil leh petroleum product tuamtuamte sianglou chih theih himahleh, hichibangte etkhiakna ding machine kichiantak omlou ahihna ah poisak thu gen hi. Manipur a laboratory machine khenkhat om mahleh, zat theih mumal omlou ahihman in, Pangei a Forensic laboratory machine puahphat kul a sak dan leng gen in, hiai a dia panla hidan in leng kigen hi. Agricultural product toh kisai agenna ah, double leh multiple cropping state a, a omlouh ziakin nektak taksapna om a, Manipur in kum teng in antang 1264 MT bang gamdang apat polut jel hi. Manipur a antang piang zah 50% mah state polam a laklut hijel chih ahi.
Tuni a hiai hun zatna ah, functional President in G. Nandalal Sharma President AFST pang a, Guest of honour in, CAU Iroisemba a Ex-Dean of College Dr. S. Bapu Singh pang hi.Tuni a function ah FCS in apuaksuah Journal khat leng khuallian in hongkhia hi.
BJP in singtang district ah meeting nei ding
IMPHAL OCT 16: Bharatiya Janata Dal Manipur Pradesh a Vice President Santikumar makaihna in BJP heutu tuamtuamte’’ October 23-29 sungin Manipur a hill district tuamtuam vehna nei in, tua munte ah meeting nei ding uhi. October 23 in Ukhrul, Oct 25 in Senapati, Oct 26 in Sadar Hills, Oct 27 in Chandel, Oct 28 in Ccpur leh Oct 29 in Tamenglong district te pha ding uhi. Hiai hun te ah, District Presidents, General Secretaries ban ah, Morcha Presidents leh State council member te kihel jel ding uhi.
Physics toh kisai programme
IMPHAL OCT 16: Manipur Science Technology (MASTEC) leh New Delhi a Vigyan Prasar kithuah in October 25, 2007 zinglam dak 11 apat nitaklam dak 4 sung, Takyel a Audio visual satellite interactive terminal mun ah training programme on ‘Modern Physics kits’ kichi neih hiding hi.
Hiai hun ah Science teachers, science lam a activities tuamtuam neite teltheih dinga, lunglutten Programme Co-ordinator Dr. R. K. Pritamjit Singh kimuh ngai ding hi. Hiai training programme a tel te allowance Rs 150/- piak ahih ding ban uah mi 15 chauh teltheih hiding hi.
ATSUM in local mi hoihsa
IMPHAL OCT 16: All Tribal Students’ Union Manipur a General Secretary in tuni a Health Minister, Manipur kianga lai apiak uh uh kimu dan in, Chief Medical Officer incharge dia grade II Doctors te posting piakna toh kisai in ngaihdan taklang hi.
ATSUM thusuak dan in, Health department streamline na dia department panlak dan phat huai sa in tua dungzui a full time doctors te Chief Medical Officers district teng a hihsak ding chih ahi. Himahleh hiai pen mun khenkhat adia phatuamlou leh hithei dia gintak huai a saklouh dan leng thusuak in taklang hi.
Local doctors leh officers a gam mite pau leh ham theite mah in na hoihtak a semthei zaw ding leh, district polam apat doctor kha khat leh kal khat a khatvei nihvei office kaite’n phattuamna hontun tuanlou ding ahihman in, singtangmite demand specialist doctors district headquarters a sawl ding leh tuate CMO ahihleleng a omsa khenkhiak hoihzaw dingin taklang hi.
Draft Vision 2020 toh kisai Public hearing om ding
IMPHAL OCT 16: National Institute of Public Finance & Policy (NIPFP) in finalized abawl, Draft Vision 2020 document toh kisai North Eastern Council (NEC) Shillong saina in, North East state teng ah, Public hearing om ding hi.
Hiai ding toh kisai in, Manipur ah leng Vision 2020 document toh kisai Public hearing hongtung ding November 2, 2007 a om dingin NEC in bikhiah hi. Hiai toh kisai ban ah, NEC leh Govt. of Manipur toh kal a, NEC projects tuamtuamte a Link Officer dingin, T.K. Hangzo IDAS, Dy.Financial Adviser NEC leng guan in om hi.
Hiai Public hearing hun ah, NIPFPapat.Gautam Naresh in co-ordinate bawl dinga, tua hun ah imminent personalities, MPs, MLAs, Local Government representatives, nam tuamtuam apat member poimohte, Universities leh Local public leaders te chial hiding uhi.
North East state teng a Public hearing neih ahihzoh chiangin, NEC meeting November 21 & 22, 2007 New Delhi a om ding ah mipi response omte puaksuah hinawn ding hidan in leng thutut kingah hi. Public hearing neihna ding toh kisai in NEC a Dy. Financial Adviser & Link Officer, Manipur T.K. Hangzo IDAS in Manipur govt. nuai a Principal Secretary (Planning) P.B.O.Warjri zan in theihsakna bawl hi. Vision 2020 document bel, NEC webiste, www.necouncil.nic.in apat leng et theih ding hi.
Sharmila in lavui bawlkhia
Imphal, Oct 16 (NNN): Irom Sharmila Chanu "Iron Lady" chih a om lel in kum 2000 apan Armed Forces Special Power Act (AFSPA) deihlouhna ziak a annngawl aneih tuni tan in ngawl charchar lai a, aman lavui (poetry) agelh 6 nguut tuni in Press te kiang ah piakkhiakna nei a, himahleh, kuaman sumdawnna dia zanglou ding in theisak hi. Sharmila in Poetry agelhte lak ah, ' Taibang Meepalangee Wangmada', Mapok, Toyal Laba, Amuk Yening Manlakpashida, Nungsi Rabi inao Priya leh Lelasi Punsi Se Aegee Wakat Oina' chih te thupi in zang hi. Sharmila min a trust khat bawlkhiak ding toh kisai phallou ahihdan genkawm in, bawl ahih le leng, Human Rights Trust khat hileh chih a deihthu Press te mai ah gen hi.
Police commando te’n helpawl mankhia
Imphal, Oct 16(NNN): Manipur police commando in dakkal 24 paisa in helpawl 4 mankhia uhi. Thusuak in agendan in, Imphal East district police commando te’n tuni in Kuki National Army (KNA) member 2 Khongman Zone IV (Singjamei police station) huamsung ah mankhia uh a, amaute ahihleh, S. Jiten alias Ingo (31) s/o (L) Ibocha of Khongman Mayai Leikei leh Atom Binodkumar alias Ingthoi Singh (31) s/o late Somorendro of Khongman Zone IV te hidan in kigen hi. Bishnupur district police commandos te’n Kangla Yawol Kanna Lup (KYKL) member 2 Yumnam Huidrom Mayai Leikei ah mankhia in amaute apan galvan chi tuamtuam leng musuah uhi. Mat a om te ahihleh, P. Bishorjit alias Bobo (23) s/o P. Mani of Wangoo leh Kh. Manglem alias Tomba alias Jame (28) s/o Ningthoujao of Wangoo te hidan in kigen hi. KYKL Cadre 2 te apan 9mm pistol 1 leh a tang 5 musuah uhi.
ANSAM leh Private school te’n ngetna pelut
Imphal, Oct 16(NNN): All Private Schools Forum-Tamenglong, Ukhrul, Chandel and Senapati (APSF-TUCS) leh All Naga Students Association, Manipur (ANSAM)
in tuni in Manipur Government nuai a Secretary of Education of Schools kiang ah ngetna poimohtak pelut in, kintak a Naga District 4 a private school om te kiang ah No Objection Certificate (NOC) pekhe ding in ngetna nei ua, amaute adia siamsinna toh kisai a zalenna subuai lou ding in leng zasak uhi. ANSAM leh APSF-TUCS thusuak in ataklatna ah, tukum in Nagaland Board nuai ah naupangte’n exam neita uh ahihdan taklang ua, India Dan bupi Articles 29 leh 30 na Manipur Government kalh vualding hilou chi uhi. Namniam leh singtangmite’n amaute khosuahna dia pan alakna uah, BSEM kigolh lou ding in leng theihsakna bawl zui ngal uhi. Manipur Naga District 4 te’n Nagaland Board a zopsawm na utoh kisai in, Manipur Government in nan theihtawp in nang lel hi.
WWW.ZOGAM.COM
No comments:
Post a Comment