ZRO in Contractor te nasep enkai ding
Lamka Oct 19: Zomi Re-Unificaltion Organization (ZRO) Ministry of Home Affairs in thusuah a bawlna ah, Central Govt. leh state Govt. nuai a a kisaipih Dept. leh contractor tungtawn a development work tuamtuam kisemsuahte enkai ding uh ahihdan taklang kawm in nasep omte himhim sep dingdan kawkmuh ding hi.
Thusuak in a taklatna ah, tulel a nasep lelte leh nasep hong om dingte work specification bangkim enkai ding ua, tuabanah, nasep khitsate leng ahiding bangtak a semsuahloute’n leng khat 2 sung a ahiding bangtak a semsuah ding inleng theisak ngal uhi. Pawlpi leh contractor kuapeuh hiai thupiak bang a semsuahloute mipi gal a ngaih hiding ua, a kituahpih bang action lak hidi’n leng taklang uhi.
Guv Golden Jubilee uap ding
Lamka Oct 19: Donbosco High School, Lamka in hong tung ding October 26, 2007 sunnung dak 11 in school campus ah thupitak in Golden Jubilee lawm ding uhi.
Hiai hun zatna ah, Manipur Governor Dr. S.S. Sidhu khuallian in pang ding a, Most Rev. Josepth Mittathany, D.D., Archibishop Emeritus, Imphal leh Pu T.N. Haokip, Hon’ble Minister, PHED/IPR/Tourism in Functional President leh Guest of Honour hihna toh uap ding uhi.
Commemoration Day zang ding
Lamka Oct 19: India gamsung pumpi ah hongtung ding October 21, 2007 chiang in Police sisate theihgigena ni /Commemoration day zat hiding hi. Hiai Commemoration day Lamka Police Station ah leng zinglam dak 7:30 apan in zatpat hiding hi. Hiai ding toh kisai in tuni’n Lamka Police Station a OC Inspector N. Sridam makaih in Station huangsung a Memorial stone puahpha uhi. PIX
Disabled Scho. Form laktheih
Lamka Oct 19: District Social Welfare Office/CCpur ah Disabled Student te ading in 2007-08 ading Scholarship Form (fresh/renewal) hongtung a Rs. 15/- piak in laktheih ding hi. Hiai Scholarship application form bel hongtung ding November 30, 2007 tan in piaklut/submit theih ding hi.
Application form laktheih
Lamka Oct 19: Jawaharlal Nehru Vidyalaya a Class VI sinna ding Admission Test 2008 a teltheihna ding Aplication Form office hunsung in ZEO/CCpur office ah laktheih ding hi. Thutut kingah dan in, hiai a ding in headmster te’n Class V sinlai list apiak ua min telkha banah list pekhinsa school apan lunglutna neite’n hiai form laktheih ding a November 15, 2007 tan in ZEO/CCpur ah piaklut theih nawn ding hi.
Press Clarification bawl
Lamka Oct 19: USRA Information Secretary David Vaiphei in James Thangluai leh Khupthang te USRA apan nohkhiat ahihthu uh thusuah toh kisai a James Thangluai leh Khupthangte’n Press Clatification abawl uh kimu in ataklat dan in USRA Self-style C-in-C Lalminthang vaihawmdan leh khosak dan alungkimlouh ziak ua hun bangtan hiam paisa apan USRA ki-nungheisan ahihdan taklang uhi.
Lalminthang etkolna nuai ah USRA in tup-le-ngim mulmaltak neilou leh singtang lam a cadrete’ saptuamte anntangpham kinga/ging hial a haksatak a a omlai ua amaute noptal a, amau thildeihte leina ding a zang maimai uh ahihdan leh Vaiphei namte sum-le-pai, hamphatna, sisan leh hinna tanpha a kimawl ahih ziak ua belhtak salou a taisan uh ahih thu uh taklang uhi.
Office teng suty
Lamka Oct 19: Hindu te adia nipoimoh mahmah Durga Asthami tuni ahihziak in Lamka khopi sung a Govt. establishment teng banah Private establishment tamzaw kikhak hi.
Hangkhanpau tung ah UZO kipak
Lamka Oct 19: Tedim Road a Hiangtam leh Behiang kikal lampi kisiat gawp ziak a gari paitheilou a mipi nek-taak zonna buaitak a a omlai ua bialtu MLA in Local Area Development Fund tungtawn a Rs. 2.5 Lakhs pia a Lampi siatnate leh Ngasuan Lei a bawlhoih sak ziak in Behiang Block UZO in Bialtu MLA tung ah kipahthu puang uhi.
Musical Rendezvous om ding
Lamka, Oct 19: EOC Central Church, Hill Town a Sunday School Department te saina in Musical Rendezvous 2007 kichi EOC Central Church Campus ah zingchiang October 20 nitak dak 5:30 in neihsawm ua, huai hun ah lasiam tuamtuam in lasakna neiding uhi.
Missions Motivation Program om ding
Lamka, Oct 19: Zinghal Oct 21 (Pathianni) nitaklam dak 1 in BYF North & South Division te saina in New Lamka Baptist Churc, Elim Veng Missions Motivation Program om ding a, huai ah Rev. Prof. Ginneithang Ngaihte in Seminar makaihding a, tuailaite ading in dotna leh dawnna hun leng neih hiding hi.
Prepak khat man; bomb muhsuah in om
IMPHAL OCT 19: Imphal West SP thusuak dan in, zan sunnung dak 12.10 vel in Imphal West Police commando ten Naoremthong lak a frisking leh checking a bawlna uah, Honda Marvel MN 05/7999 khat Naoremthong bazar apat Khuraijam Leirak lam zuan muan moh ziakin khawlsak ua, tua ah gari hektu Prepak khat Soibam Bungbi Singh @ Zenith (31) s/o S.Rajen Singh of Naoremthong Khullem leikai kichi a gari toh mankhom ngal uhi.
Police thusuak dungzui in, ama kipuanna apat aman Prepak September 2007 a zom leh James kichi nuai a Finance section a sem ahihban ah, Suresh Health Director leh Dr. Shyamjai Singh Store-in-charge Health department te kianga SPA scheme nuai a fund te Prepak adia demand bawl dia na guan ahihdan leng theihsuah ahi. Amah apat in Mobile handset leh SIM card khat leng muhsuah hidan in police thusuak in taklang hi.
Thudang khat ah, tuni zinglam dak 6.30 vel dingin, Imphal East district sung Keirao Makting Menjor Inkhol kichihna mun a, Manikhan (52) s/o Abdul Manad tenna huangsung ah meltheihlouhten bomb khat vapai lut ua, himahleh puakzak lou in, Police bomb expert ten valakhia in zinglam dak 8 vel in Lamphel lak a puakjak sak uhi.
Medical Employee te meeting nawn ding
IMPHAL OCT 19: Medical Department Employees Association in apaisa Oct 9, 2007 a emergency General body meeting a neihna uah, govt. a demand tuamtuam a neihte uh pichinna dingin, govt. ni sagih hun pemahle uh, tuni tan dawnna bangmah ngahnai lou uhi. Hichibang kal ah, hiai Assn. maban a panlak dingdan toh kisai in meeting, October 22, 2007 nitaklam dak 1 in Lamphel a R&D wing auditorium hall ah neinawn ding uhi. Hiai hun a member kuapeuh telchiat dingin Assn in theihsakna media tungtawn in bawl hi.
Tuikiam, NH 39 paisuak theihta
IMPHAL OCT 19: Manipur a ni bang zah hiam vuah a zuk ziaka, Imphal river Kyamgei lak a feet 200 vel kek in, Canchipur lak naktak in tui in tum a, himahleh, zan apat tui in kiamlam nawt in tuni’n NH 39 paisuak theih in omta hi.
Hichibang kal ah, luipang kekna mun ah zan apat 5th leh 6th IRB trainee personel 600 velten nasem ua, tua mun ah 5th IRB CO Kh. Chandramani Singh le 6th IRB CO P. Dhiren ten nasepna enkai uhi. Tuni nitaklam dak 4 vel tan in, luipang kekna a kimkhat phial ah cement bag sunga leithunte lemsuak uhi.
KSO GHQ election om ding
IMPHAL OCT 19: Kuki Students' Organisation, General Headquarters in tuni a thusuah a bawlna ah, KSO GHQ thusuah 27/9/07 sutzopna in leh Standing committee meeting 19/10/07 in meeting masa 27/9/07 etkaina neit hak in, tua dungzui in KSO GHQ general election hun ding bawlthak hi.
Hiai dungzui in nomination file hun 26/10/07 12 noon tan, last date of withdrawal 26/10/07 2pm tan, scrutiny 26/10/07 3pm tan, Date of election 26/10/07 leh election hun ding zinglam dak 11 apat hiding hi. Hiai toh kisai a thuchian bangkim KSO information centre, Haokip Veng apat ngah theih ding hidan in leng Lunkhothang Haokip, Secretary Standing Committee apan thusuak in taklang hi.
Press team te Imphal tungkik
IMPHAL OCT 19: DIPR saina nuai a Conducted Press Tour Ukhrul a October 17, 2007 a hohte tuni’n Imphal hongtung kik nawn uhi.
Amau Ukhrul a govt. in developmental works tuamtuam a neihte dinmun etkhiakna vanei ua, tua ah Ukhrul a Mini Secretariat Rs 30 crores lut dia kibawl lel dinmun leng etchetna vanei uhi.
Hiai hun ah Ukhrul DC incharge Chief Executive Officer Ningam Chomroi in hiai nasepna 80% bang zoh hita ahihdan leh kumnawn 2008 April a zoh hidingin gen hi. Press team in, Ukhrul apat 20km vel agamla Jessami lampi leng va enkhia ua, tua lampi in atotkhakna mun a Cold water Fish farm mun leng vapha uhi.
State Excise in Rs 1,50,43,182 musuah
IMPHAL OCT 19: Manipur govt. nuai a Excise Commissioner thusuak dan in, State Excise department in, tukum April apat August khatan in Rs 1,50,43,182 musuah zou chih ahi.
Tuate bel, April kha a Rs 31,84,266, May kha aRs 31,61,846, June kha a, 29,57,840, July kha a, 28,86,819 leh August kha a, Rs. 28,52,411 chih ahi. Excise department in 2007-2008 a target abawl bel, Rs 399.00 lakh muhsuah ding hidan in leng thusuak in taklang hi.
Police leh BSF te’n galvan tamtak mankhia
Guwahati, Oct 19: Assam Police leh Border Security Force pawl in tuni in Dima Halam Daoga (DHD) (J) helpawl member 3 mankhia in amaute apan galvan tuamtuam mukhia uhi. Thusuak kingah dan in, DHD (J) helpawl lawikhat NC Hills leh Karbi Anglong district bial ah kibu uh chih thu zaak ahih in, Police leh BSF in joint operation nei uh a, huai ah Joy KishoreTharsen, Kiran Das leh Gautam Dutta te mankhia uh a, amaute apan AK47 giat, AK 47 tang 660, grenade 1, Rocket launcher 1 leh Stengun khat musuah uh a, a sumtang in leng Lakh 17 mukhia uhi. Zanhal nitak in DHD pawl in NC Hills a Umrangso mun ah BSF te ambush bawl ua, huai delhzuina a amatkhiak uh hi’n kigen hi. Mat a om mi 3 te apan Tata Indica car khat leng musuah in om a, Police in midang leng matkhiak lai kinem uh ahihdan puang uhi. NNN
Assam Police ah Crore tamtak mangthang
Guwahati, Oct 19(NNN): Assam Police Battalion ah tutung in sum crore bangzah hiam mangthang nawn hidanin kigen a, hun paisa in 3rd leh 10th Assam Police Battalions (APBn) ah neek gukna thupitak om a, tutung in ahihleh, Guwahati a 4th APBn leh Silchar a 6th APBn hidanin kigen hi. Thusuak in agendan in, 4th leh 6th BN Assam Police a DDO te’n Police te loh tamtak ana lakhia in, tamtak cut ua, tua banah, amaute adia hamphatna pai khenkhat leng heikawi sak uh hi’n kigen a, Police Headquarter a staff khenkhat leng telkha dia muanmoh a om hi’n kigen hi. Police thusuak in agendan in, kum lui in 3rd APBn ah Rs 22 crore mangthang a, kallui in 10th APBn ah Crore 3 vel mangthang nawn hidan in kigen hi. Hiai neekgukna toh kisai in CID te khut ah piakkhiak in om a, 3rd APBn a CO leh 10th APBn a Commanding Officer mah BR Das leh IK Gogoi te matkhiak in om ua, Jorhat CJM in judicial custody ah koih lel hi. Assam Police ah tulai in neekgukna uang mahmah a, Home Ministry in naktak a a etzui kisam mahmah hi’n kigen hi.
Margaret Alva in Shillong pha ding
Shillong, Oct 19: AICC adia mi poimoh leh Meghalaya Incharge pawlel Ms Margaret Alva in Shillong pha ding a, huai hunchiang in kumnawn February, 2008 Assembly election a Congress candidate ding puankhiakna neiding uhi. Meghalaya Pradesh congress Committee (MPCC) O L Nongtdu leh Chief Minister D.D.Lapang tulel in New Delhi ah om lel uh a, tuni tan in candidate list sukfel sawm mah le uh lemchang thei nailou hi’n kigen hi. MPCC in ahihleh, Constituency 58 ading in min 58 AICC high command ah thon khin mah le uh, tuni tan in AICC in thupukna bangmah la thei nailou hi.
Sonia Gandhi makaih AICC Central Election Committee (CEC) in candidate list sufel ut mah le uh, October 28 chiang a Alva in Shillong aphak hun a dia limsit uh hidanin leng AICC thusuak in gen hi. Meghalaya Congress sungthu tulai in buaisim a, Nongkrem leh Nongspung constituency candidate ding felthei lou hi’n kigen hi. Nongspung BCC in MPCC kiang ah candidate ding in mi khat min pelut mah le uh MPCC in pom lou hi’n kigen a, tuamah bang in, Nongkrem ah leng buaina om hi. Nongkrem ah ahihleh, Union Tribal Affairs Minister Kyndiah in atapa Waibha Kyndiah candidate ding in guang ut mahleh, BCC in District Council Chief Executive member H.S.Shylla deihzaw uh hi’n kigen hi.
www.zogam.com [bridging the zomi]
Lamka Oct 19: Zomi Re-Unificaltion Organization (ZRO) Ministry of Home Affairs in thusuah a bawlna ah, Central Govt. leh state Govt. nuai a a kisaipih Dept. leh contractor tungtawn a development work tuamtuam kisemsuahte enkai ding uh ahihdan taklang kawm in nasep omte himhim sep dingdan kawkmuh ding hi.
Thusuak in a taklatna ah, tulel a nasep lelte leh nasep hong om dingte work specification bangkim enkai ding ua, tuabanah, nasep khitsate leng ahiding bangtak a semsuahloute’n leng khat 2 sung a ahiding bangtak a semsuah ding inleng theisak ngal uhi. Pawlpi leh contractor kuapeuh hiai thupiak bang a semsuahloute mipi gal a ngaih hiding ua, a kituahpih bang action lak hidi’n leng taklang uhi.
Guv Golden Jubilee uap ding
Lamka Oct 19: Donbosco High School, Lamka in hong tung ding October 26, 2007 sunnung dak 11 in school campus ah thupitak in Golden Jubilee lawm ding uhi.
Hiai hun zatna ah, Manipur Governor Dr. S.S. Sidhu khuallian in pang ding a, Most Rev. Josepth Mittathany, D.D., Archibishop Emeritus, Imphal leh Pu T.N. Haokip, Hon’ble Minister, PHED/IPR/Tourism in Functional President leh Guest of Honour hihna toh uap ding uhi.
Commemoration Day zang ding
Lamka Oct 19: India gamsung pumpi ah hongtung ding October 21, 2007 chiang in Police sisate theihgigena ni /Commemoration day zat hiding hi. Hiai Commemoration day Lamka Police Station ah leng zinglam dak 7:30 apan in zatpat hiding hi. Hiai ding toh kisai in tuni’n Lamka Police Station a OC Inspector N. Sridam makaih in Station huangsung a Memorial stone puahpha uhi. PIX
Disabled Scho. Form laktheih
Lamka Oct 19: District Social Welfare Office/CCpur ah Disabled Student te ading in 2007-08 ading Scholarship Form (fresh/renewal) hongtung a Rs. 15/- piak in laktheih ding hi. Hiai Scholarship application form bel hongtung ding November 30, 2007 tan in piaklut/submit theih ding hi.
Application form laktheih
Lamka Oct 19: Jawaharlal Nehru Vidyalaya a Class VI sinna ding Admission Test 2008 a teltheihna ding Aplication Form office hunsung in ZEO/CCpur office ah laktheih ding hi. Thutut kingah dan in, hiai a ding in headmster te’n Class V sinlai list apiak ua min telkha banah list pekhinsa school apan lunglutna neite’n hiai form laktheih ding a November 15, 2007 tan in ZEO/CCpur ah piaklut theih nawn ding hi.
Press Clarification bawl
Lamka Oct 19: USRA Information Secretary David Vaiphei in James Thangluai leh Khupthang te USRA apan nohkhiat ahihthu uh thusuah toh kisai a James Thangluai leh Khupthangte’n Press Clatification abawl uh kimu in ataklat dan in USRA Self-style C-in-C Lalminthang vaihawmdan leh khosak dan alungkimlouh ziak ua hun bangtan hiam paisa apan USRA ki-nungheisan ahihdan taklang uhi.
Lalminthang etkolna nuai ah USRA in tup-le-ngim mulmaltak neilou leh singtang lam a cadrete’ saptuamte anntangpham kinga/ging hial a haksatak a a omlai ua amaute noptal a, amau thildeihte leina ding a zang maimai uh ahihdan leh Vaiphei namte sum-le-pai, hamphatna, sisan leh hinna tanpha a kimawl ahih ziak ua belhtak salou a taisan uh ahih thu uh taklang uhi.
Office teng suty
Lamka Oct 19: Hindu te adia nipoimoh mahmah Durga Asthami tuni ahihziak in Lamka khopi sung a Govt. establishment teng banah Private establishment tamzaw kikhak hi.
Hangkhanpau tung ah UZO kipak
Lamka Oct 19: Tedim Road a Hiangtam leh Behiang kikal lampi kisiat gawp ziak a gari paitheilou a mipi nek-taak zonna buaitak a a omlai ua bialtu MLA in Local Area Development Fund tungtawn a Rs. 2.5 Lakhs pia a Lampi siatnate leh Ngasuan Lei a bawlhoih sak ziak in Behiang Block UZO in Bialtu MLA tung ah kipahthu puang uhi.
Musical Rendezvous om ding
Lamka, Oct 19: EOC Central Church, Hill Town a Sunday School Department te saina in Musical Rendezvous 2007 kichi EOC Central Church Campus ah zingchiang October 20 nitak dak 5:30 in neihsawm ua, huai hun ah lasiam tuamtuam in lasakna neiding uhi.
Missions Motivation Program om ding
Lamka, Oct 19: Zinghal Oct 21 (Pathianni) nitaklam dak 1 in BYF North & South Division te saina in New Lamka Baptist Churc, Elim Veng Missions Motivation Program om ding a, huai ah Rev. Prof. Ginneithang Ngaihte in Seminar makaihding a, tuailaite ading in dotna leh dawnna hun leng neih hiding hi.
Prepak khat man; bomb muhsuah in om
IMPHAL OCT 19: Imphal West SP thusuak dan in, zan sunnung dak 12.10 vel in Imphal West Police commando ten Naoremthong lak a frisking leh checking a bawlna uah, Honda Marvel MN 05/7999 khat Naoremthong bazar apat Khuraijam Leirak lam zuan muan moh ziakin khawlsak ua, tua ah gari hektu Prepak khat Soibam Bungbi Singh @ Zenith (31) s/o S.Rajen Singh of Naoremthong Khullem leikai kichi a gari toh mankhom ngal uhi.
Police thusuak dungzui in, ama kipuanna apat aman Prepak September 2007 a zom leh James kichi nuai a Finance section a sem ahihban ah, Suresh Health Director leh Dr. Shyamjai Singh Store-in-charge Health department te kianga SPA scheme nuai a fund te Prepak adia demand bawl dia na guan ahihdan leng theihsuah ahi. Amah apat in Mobile handset leh SIM card khat leng muhsuah hidan in police thusuak in taklang hi.
Thudang khat ah, tuni zinglam dak 6.30 vel dingin, Imphal East district sung Keirao Makting Menjor Inkhol kichihna mun a, Manikhan (52) s/o Abdul Manad tenna huangsung ah meltheihlouhten bomb khat vapai lut ua, himahleh puakzak lou in, Police bomb expert ten valakhia in zinglam dak 8 vel in Lamphel lak a puakjak sak uhi.
Medical Employee te meeting nawn ding
IMPHAL OCT 19: Medical Department Employees Association in apaisa Oct 9, 2007 a emergency General body meeting a neihna uah, govt. a demand tuamtuam a neihte uh pichinna dingin, govt. ni sagih hun pemahle uh, tuni tan dawnna bangmah ngahnai lou uhi. Hichibang kal ah, hiai Assn. maban a panlak dingdan toh kisai in meeting, October 22, 2007 nitaklam dak 1 in Lamphel a R&D wing auditorium hall ah neinawn ding uhi. Hiai hun a member kuapeuh telchiat dingin Assn in theihsakna media tungtawn in bawl hi.
Tuikiam, NH 39 paisuak theihta
IMPHAL OCT 19: Manipur a ni bang zah hiam vuah a zuk ziaka, Imphal river Kyamgei lak a feet 200 vel kek in, Canchipur lak naktak in tui in tum a, himahleh, zan apat tui in kiamlam nawt in tuni’n NH 39 paisuak theih in omta hi.
Hichibang kal ah, luipang kekna mun ah zan apat 5th leh 6th IRB trainee personel 600 velten nasem ua, tua mun ah 5th IRB CO Kh. Chandramani Singh le 6th IRB CO P. Dhiren ten nasepna enkai uhi. Tuni nitaklam dak 4 vel tan in, luipang kekna a kimkhat phial ah cement bag sunga leithunte lemsuak uhi.
KSO GHQ election om ding
IMPHAL OCT 19: Kuki Students' Organisation, General Headquarters in tuni a thusuah a bawlna ah, KSO GHQ thusuah 27/9/07 sutzopna in leh Standing committee meeting 19/10/07 in meeting masa 27/9/07 etkaina neit hak in, tua dungzui in KSO GHQ general election hun ding bawlthak hi.
Hiai dungzui in nomination file hun 26/10/07 12 noon tan, last date of withdrawal 26/10/07 2pm tan, scrutiny 26/10/07 3pm tan, Date of election 26/10/07 leh election hun ding zinglam dak 11 apat hiding hi. Hiai toh kisai a thuchian bangkim KSO information centre, Haokip Veng apat ngah theih ding hidan in leng Lunkhothang Haokip, Secretary Standing Committee apan thusuak in taklang hi.
Press team te Imphal tungkik
IMPHAL OCT 19: DIPR saina nuai a Conducted Press Tour Ukhrul a October 17, 2007 a hohte tuni’n Imphal hongtung kik nawn uhi.
Amau Ukhrul a govt. in developmental works tuamtuam a neihte dinmun etkhiakna vanei ua, tua ah Ukhrul a Mini Secretariat Rs 30 crores lut dia kibawl lel dinmun leng etchetna vanei uhi.
Hiai hun ah Ukhrul DC incharge Chief Executive Officer Ningam Chomroi in hiai nasepna 80% bang zoh hita ahihdan leh kumnawn 2008 April a zoh hidingin gen hi. Press team in, Ukhrul apat 20km vel agamla Jessami lampi leng va enkhia ua, tua lampi in atotkhakna mun a Cold water Fish farm mun leng vapha uhi.
State Excise in Rs 1,50,43,182 musuah
IMPHAL OCT 19: Manipur govt. nuai a Excise Commissioner thusuak dan in, State Excise department in, tukum April apat August khatan in Rs 1,50,43,182 musuah zou chih ahi.
Tuate bel, April kha a Rs 31,84,266, May kha aRs 31,61,846, June kha a, 29,57,840, July kha a, 28,86,819 leh August kha a, Rs. 28,52,411 chih ahi. Excise department in 2007-2008 a target abawl bel, Rs 399.00 lakh muhsuah ding hidan in leng thusuak in taklang hi.
Police leh BSF te’n galvan tamtak mankhia
Guwahati, Oct 19: Assam Police leh Border Security Force pawl in tuni in Dima Halam Daoga (DHD) (J) helpawl member 3 mankhia in amaute apan galvan tuamtuam mukhia uhi. Thusuak kingah dan in, DHD (J) helpawl lawikhat NC Hills leh Karbi Anglong district bial ah kibu uh chih thu zaak ahih in, Police leh BSF in joint operation nei uh a, huai ah Joy KishoreTharsen, Kiran Das leh Gautam Dutta te mankhia uh a, amaute apan AK47 giat, AK 47 tang 660, grenade 1, Rocket launcher 1 leh Stengun khat musuah uh a, a sumtang in leng Lakh 17 mukhia uhi. Zanhal nitak in DHD pawl in NC Hills a Umrangso mun ah BSF te ambush bawl ua, huai delhzuina a amatkhiak uh hi’n kigen hi. Mat a om mi 3 te apan Tata Indica car khat leng musuah in om a, Police in midang leng matkhiak lai kinem uh ahihdan puang uhi. NNN
Assam Police ah Crore tamtak mangthang
Guwahati, Oct 19(NNN): Assam Police Battalion ah tutung in sum crore bangzah hiam mangthang nawn hidanin kigen a, hun paisa in 3rd leh 10th Assam Police Battalions (APBn) ah neek gukna thupitak om a, tutung in ahihleh, Guwahati a 4th APBn leh Silchar a 6th APBn hidanin kigen hi. Thusuak in agendan in, 4th leh 6th BN Assam Police a DDO te’n Police te loh tamtak ana lakhia in, tamtak cut ua, tua banah, amaute adia hamphatna pai khenkhat leng heikawi sak uh hi’n kigen a, Police Headquarter a staff khenkhat leng telkha dia muanmoh a om hi’n kigen hi. Police thusuak in agendan in, kum lui in 3rd APBn ah Rs 22 crore mangthang a, kallui in 10th APBn ah Crore 3 vel mangthang nawn hidan in kigen hi. Hiai neekgukna toh kisai in CID te khut ah piakkhiak in om a, 3rd APBn a CO leh 10th APBn a Commanding Officer mah BR Das leh IK Gogoi te matkhiak in om ua, Jorhat CJM in judicial custody ah koih lel hi. Assam Police ah tulai in neekgukna uang mahmah a, Home Ministry in naktak a a etzui kisam mahmah hi’n kigen hi.
Margaret Alva in Shillong pha ding
Shillong, Oct 19: AICC adia mi poimoh leh Meghalaya Incharge pawlel Ms Margaret Alva in Shillong pha ding a, huai hunchiang in kumnawn February, 2008 Assembly election a Congress candidate ding puankhiakna neiding uhi. Meghalaya Pradesh congress Committee (MPCC) O L Nongtdu leh Chief Minister D.D.Lapang tulel in New Delhi ah om lel uh a, tuni tan in candidate list sukfel sawm mah le uh lemchang thei nailou hi’n kigen hi. MPCC in ahihleh, Constituency 58 ading in min 58 AICC high command ah thon khin mah le uh, tuni tan in AICC in thupukna bangmah la thei nailou hi.
Sonia Gandhi makaih AICC Central Election Committee (CEC) in candidate list sufel ut mah le uh, October 28 chiang a Alva in Shillong aphak hun a dia limsit uh hidanin leng AICC thusuak in gen hi. Meghalaya Congress sungthu tulai in buaisim a, Nongkrem leh Nongspung constituency candidate ding felthei lou hi’n kigen hi. Nongspung BCC in MPCC kiang ah candidate ding in mi khat min pelut mah le uh MPCC in pom lou hi’n kigen a, tuamah bang in, Nongkrem ah leng buaina om hi. Nongkrem ah ahihleh, Union Tribal Affairs Minister Kyndiah in atapa Waibha Kyndiah candidate ding in guang ut mahleh, BCC in District Council Chief Executive member H.S.Shylla deihzaw uh hi’n kigen hi.
www.zogam.com [bridging the zomi]
No comments:
Post a Comment