BYF/ID khawmpi zou
Imphal Nov. 12: Evangelical Baptist Convention nuai a Baptist Youth Fellowship Imphal Division in, chik mah a khawmpi a neih ngeinailouhna mun uh, Imphal khopi laizang apat tumlam kilometer nih leh akim vel a om, YPA/IB hall, Langol Laimanai (Eimi Veng) ah khawmpi 22 na, Nov 10 & 11, 2007 a aneih uh zousiangta uhi.
Hiai khawmpi zatna mun ah Eimi ateng leh khosa om nailou a, khawmpi zang Imphal Division sunga veng guk apat tuailai leh mipi 1500 valte Bus hire in kikhom dingin kuan zel uhi. Khawmpi thupi 'Biaktak Pathian' chih pansan in Rev. N. Thawndoulian DS/ID in tanchinhoih gen hi.
Imphal division sung a om veng tuamtuam 6te’n thu-le-a kitaitehna uah lapawlpi ah Lamphel in BYF in khatna la iln Rs. 1000/- ngah ua, Paite Veng leh Langgol in 2na leh 3na la in Rs. 700/- leh Rs.500/- ngah tuak uhi. Tuabanah, mimal lasak ah Miss Hoihlunkim of Langol in khatna la in memento leh Rs. 200/- ngah a, Mr. P. Chinlianthang of Game Village leh Mr. M. Liansonmang of Canchipur ten 2na leh 3na la in Rs. 150/- leh Rs. 100/- banah Memento khat tuak ngah uhi.
KRA Chief kaplup in om. UPF in Hangsing sihna mohpaih
IMPHAL NOV 12: KRA General Secretary kaplup in om
Imphal, Nov 12(NNN): Kuki Revolutionary Army (KRA)/ Re-organization and Confederations of Kukis (ROCK) a General secretary lenlel Khuplam Hangshing @ K. Hangshing zan nitak dak 11 vel in New Delhi ah meltheihlouh pawl khat in kaplum uhi. Thusuak kingah dan in, zan nitak dak 11 vel ding in helpawl dia gintak mi 17 vel New Delhi a Safdarjung Enclave ah va pai uh a, K Hangsing om hia chih kan kawm in va kaplum uh hi’n kigen hi. KRA top leader Hangsing ahihleh, Senapati District sung a Saikul sub-division sung mi hi a, kum 35 in upa lel a, tulel in Army te toh Suspension of Operation (SoO ) neilel ahi uhi.
United People’s Front (UPF) thusuak in tuni a ataklat dan in, Kuki Revolutionary Army a Commander-In-Chief November 11 2007 a Delhi mun a thah ahih naktak a mohpaih uh ahihdan taklang in, Chin-Kuki-Mizo-Zomite kipumkhatna ding khual a nasemtu thupitak ahihdan taklang kawm in, UPF in zahna sangtak pia ahihdan gen uhi.
UPF thusuak in agenbehna ah, sihna tuak KRA C-in-C K Hangsing ahihleh, UPF a Joint Secretary lenlel ahihdan taklang ua, a sungkuante leh KRA sepaihte naktak a sunpih uh ahihdan gen uhi. UPF in hiai thiltung naktak a mohpaih uh ahihdan taklang in, khutkha tu te suikhiak hi ngeingei ding in gen uh a, tualthat tute ki puang ding in theihsakna pia uhi. India Capital khat a hiai bang thil atun lamdang sa mahmah kawm in, security te koi a om uhiam chi’n UPF in dong a, Intelligence Bureau leh Central Government in Enquiry Commission khat pankhe ding in ngen ua, K Hangshing nasep khiakte UPF in mangngilh ngeinawnlou ding ahihdan leng gen uhi.
AICC in Phungzathang Tonsing sam
IMPHAL NOV 12: Manipur a Congress makaih SPF sorkal a Chief Minister O. Ibobi Singh deihlou pawl, tulel a Delhi a ki-camp Congress MLA 18 ten, O. Ibobi khek khiak teitei sawm in pan latou jel uh hidan in thutut kingah hi. Hichibangkal ah, AICC high command in Senior Congress Minister nih, Th. Debendra Singh leh Phungzathang Tonsing Delhi ah sam ua, tua toh kiton in Pu Phungzathang Tonsing in zan in Delhi zuan ngal hi. Th. Debendra leng hoh ding chih himahleh, a ziak gen omlou a, a zinna ding khawlsak thak hidan in leng thutut kingah hi. O.Ibobi khek khiak sawm Delhi Congress MLA te spokesperson Y.Surchandra MLA gendan in, Cabinet minister thum Th. Debendra Singh, Phungzathang Tonsing leh Md.Alauddin Khan ten amau pawl gum ding hidan un leng gen hi. a
Alehlam ah, Chief Minister O.Ibobi Singh in zan a, Imphal khopi sunga govt. nasep tuamtuam mun kua vel etkhiakna aneih na hun a, thuthaksaimite dotna tuamtuamte a dawnna ah, tulel a Congress sunga buaina pen insung buaina hilel dan in gen a, inkuan liantak khat sunga buaina hizaw dan in leng hilhchian hi. Nekguk takguk toh kisai a amah tung a ngohna tuamtuam omte kichiantak a posuah thei a om leh CM ahihna apan kitawp dia mansa hidan in leng thuthak saimite kiang ah gen hi.
Aban agenna ah, Manipur sum dinmun a leng tuban kha guk sunga kikhekna om ding tua hun chiang a sum dinmun a buaina leh law and order dinmun hong veng ding ahihdan gen hi. Babupara a MLA quarter lak a helpawl mat omte toh kisai agenna ah, enquiry pailel ahihman in, zoh ahihchia akul bangbang action lak hidingin leng gen hi.
ZEPADA makaih in Public Hearing
Lamka Nov 12: Zomi Economic Planning and Development Agency (ZEPADA) makaih in tuni sunma dak 11:00 in YPA Hall New Lamka ah Mautaam toh kisai in Public Hearing neih in om hi. Hiai hun ah Constituency tuamtuam apan MLA Nominee’ te banah Rationing Agent tamtak paikhawm in mautam ziak a mipi haksatna tuamtuamte genkhawmna leh maban a kialdouna toh kisai a panlak dingdan tuamtuam genkhawm uhi.
Lei apan kia in liam
Lamka Nov 12: Mr. Ibomcha (28) S/o. Gokul of Tuibuang apaisa November 8, 2007 nitak dak 7:30 vel in Zouveng a Lei/Bridge apan kia in adek aliam banah a kawng nasa in Lamka Damdawi inn ah etkol in omlel hi.
Bike accident in liam
Lamka Nov 12: Mr. Kammuanlal (25) S/o. Chinkhotuan of Zellang Veng apaisa November 10, 2007 nitak in Lamka Police Station sak a Traffic stand kiang ah Bike accident in a taklam ngalguh kitan a tu’n Lamka Damdawi Inn ah etkol in omlel hi.
Police in Annual firing ding
Lamka Nov 12: CCpur District sung a om Police teng in hongtung ding November 15-17, 2007 kikal zing dak 8:00 apan in niteng in STC/BSF ah Annual Classification Range Firing nei ding uhi. November 15, 2007 in 1st Batch in mi 73 in Firing nei ding ua, Nov.16 in 2nd Batch in mi 72 te’n Firing nei ding uhi. Nov.17 in 3rd Batch in mi 73 te’n Firing nei ding uhi. Tulel in District sung ah Numei constable 5 tel in Police personnel 218 omlel uhi.
Tuivai ah mi 3 kia in si
Lamka Nov 12: Mualpheng leh Songtal kikal a Tuivai lui ah zan sunnung dak 3-4:00 kikal in huai lui a kisil lai tangkhial in mi 3 kia in si vek uhi.
Thutut kingah dan in, hiai a site bel Mr. H. Lianchinthang (22) S/o. (L) Kamzakham of Vengnuam, Mr. Ginzasuan (23) S/o. Singkhum of Dorcas Veng leh Mr. Lunlemsiam S/o. Tonglianmang of Head Quarter vengte hi uhi. Amauteng lakah Mr. Ginzasuan luang bel muh hita a adang mi 2te luang bel hiai thu gelh ahihtan in muhkhiat ahihlam kitheinailou hi.
Ningol Chakkouba zang
Lamka Nov 12: Meetei Society, Ima Leimarel Nupi Samaj MSYF kithuah in tuni’n Khuga Tampak ah Ningol Chakkouba zat in om hi. Hiai hun ah Lamka khopi sung a Nam tuamtuam a makaite chial a a om bang un tamtak in va-uap uhi. Huailou in Mr. A. Krishnachandra, APS, DC/CCpur in sunma dak 11:00 in Tuibuang a a tenna Quarter ah Nam tuamtuam a pan in numei pawlkhat sam in annekpih hi.
ZSF leh KSO in Saichhuana suun
Lamka Nov 12: Zomi Students’ Federation (ZSF) leh Kuki Students Organization (KSO) in Pu Saichhuana, IAS, Additional Chief Secretary, Government of Manipur in zan a vangsiathuaitak a a sihna ah a tuamtuakin suunna thuphuan bawl uhi.
ZSF thusuakin a taklatna ah, Pu Saichhuana, IAS in a hunloutak a a hon nutsiatna pen Zosuante a ding a manna thupitak ahihman in suun mahmah uh ahihdan puang kawm in a inkuanpihte tunglam khamuanna nget sak uhi.
KSO in a taklatna ah, Pu Saichhuana, IAS, sihna thu in CCpur district pumpi lungphawng sak mahmah a, mipite a dia a hoihna leh ginomna chikmah chiang a mangngilh vual hilou ahihdan taklang kawm in a inkuanpihte suunpih mahmah ahihdan uh taklang uhi.
Saichhuana IAS luang Imphal puaktung in om; Aizawl ah vui hiding
IMPHAL NOV 12: Mr. Saichhuana (57) IAS, Additional Chief Secretary (Forest & Envt/PHED), Government of Manipur zan sunnung in Kolkata khopi ah mualliam in tuni’n a luang Imphal khopi thupitak in puaklut in om hi.
Thutut kingah dan in, Pu Saichhuana IAS bel official thil toh kisai a Nov 2, 2007 a Delhi zin, hongkiklam Kolkata ah sin natna ziakin Nightingale Diagnostic Centre, Kolkata ah puaklut in om a, himahleh damzoulou in zan Nov 11, 2007 nitaklam dak 2.50 a si hi’n thutut kingah hi. Aluang tuni sunnung dak 2.15 in Jet Airways tungtawn in Imphal puaktun hi a, Lamphel a, ama official quarter Type V/CP-1 ah zan giak dinga, Nov 13, 2007 zinglam dak 10.30 vel in Aizawl, Mizoram a vui dingin puak khiak hiding hi.
Bio-data
Min :Saichhuana IAS
Born : January 1, 1950, Aizawl
Father : (L) Ramliana Joute, 13/12/67 a si.
Mother : Thangnovi (Chawngthu tanu)
Zi min : Thanchhumi (Joute tanu) 17/3/73 Aizawl a kiteng.
Tate : Tapa nih leh tanu khat nei
Education: Class I - V, Aizawl, ME School
Class VI - VIII, St. Anthony Donbosco, Shillong, 1963-65
Class IX-X, Govt. Mizo High School, Aizawl, 1966-67
PUC, Cotton College, Gauhati, 1968 BA (Distinction), Pachhunga Govt.
College, Aizawl, 1971
Indian Administrative Service (IAS) – 1975
Works :
Central Services Class I : 1973
SDO, Tadubi : 1977-78
Director, Tribal Welfare : 1979-80
Deputy Commissioner, Chandel : 1980-82
Senior Regional Manager, Food Corporation of India, Shillong : 1986-89
Commissioner, Govt. of Manipur : 1990-97
Principal Secretary, Govt. of Manipur : 1997-2002
Additional Chief Secretary, Govt. of Manipur : 2002 till date.
Others:
Senior Advisor, YMA Imphal Branch (2005 till date)
Tual Upa, Lamphel Presbyterian Kohhran, PCI
Visited -USA, Italy and France
Personality : Honest and Solid
Pu, Saichhuana, IAS luang, Imphal Tulihal Airport puaktung ahih in, YMA Imphal branch te inteekna in pawl tuamtuam leh mipi tamtak in thupitak in in vaidawn ua, Lamphel a ama official quarter ah Condolence meeting sunnung dak 3.30 in om hi.
Hiai hun ah, P.L.Thanga IAS Chairman MANIREDA, in meeting makaih a, P.C. Lawmkunga IAS Principal Secretary, Govt. of Manipur leh heutu tuamtuam in thugenna hun zang uhi.
Fish mela ah Nga 41,000 kgs
IMPHAL NOV 12: Manipur govt. nuai a Fishery department in 1976 apat kumteng a Ningol Chakkouba ding toh kisai a Fish mela aneih bangun, tukum in leng Nov 11, 2007 in Imphal a Mapal Kangjeibung mun ah, 22nd Fish Fair cum Fish crop competition, 2007 nei uhi. Hiai hun ah district tuamtuam apat fish farmer ten Nga zuak ding 41,000 kgs pokhom in stall 54 ah zuak om hi.
Hiai mela a khuallian apang Fishery Minister Md.Allauddin Khan in agenna ah, Manipur a mipi demand zah Nga piang zoulou ahihman in, kum nawn a plan sum a Nga farm bawlte a dia sum punsak hita dingin leng gen hi.
KNF President group khat man
IMPHAL NOV 12: Imphal West SP Clay Khongsai in thusuah abawlna ah, zan sunnung dak 12.30 vel dingin Imphal West Police Commando leh 32th Assam Rifle kigawm ten New Keithelmanbi Forest gate gei apat, KNF President group atel, Letkhomang Baite (31) s/o Holen Baite of New Keithelmanbi mankhia uh hidan in taklang hi.
Hiai thusuakin a taklat dan in, ama thudotna apan NH 53 a passenger bus leh truck te a S/S Sgt.Jelly of Kangpokpi nuai a party sum ding khon a, kizang hidan in leng Police thusuak in taklang hi.
Ningol Chakkouba mun tamtak ah kizang
IMPHAL NOV 12: Manipur a Meitei te adia ni poimoh mahmah khat, Ningol Chakkouba tuni’n zatna om a, pawl tuamtuam saina in mun tamtak a zat in om hi. Hiai ziakin, Imphal pansan niteng tanchinbu teng leng khawl ua, tuaziakin, Nov 13, 2007 issue suaklou ding hi. United People's Front te saina in, Kangla Hall ah, Chingmi-Tammi Ningol Chakkouba zatna ah, nam tuamtuam a pasal neisa numei tamtak kihel ua, AMSU HQ saina in leng amau office ah zatna om a, tua ah, singtangmi student numei tamtak vakihel uhi. Ningol Chakkouba bel, insunga tanu khakkhiaksate ann nekpihna hun a zat hi a, tua adingin tanu khakkhiaksate leh a tate un nek theih tuamtuam pua in a nolam uah hoh ua, a sanggam pasalte un, ahihtheih bangbang uh thilpiak pia uhi.
Helpawl 3 in IBRF puahthak ding
Kohima, Nov 12: North East helpawl lian mahmah thum in 1990 a bawlkhiak a om IBRF kichi puahthak sawm in panla ua, Indo-Myanmar region ah hiai helpawlte’n panlak kipan ta ding uh ahi chi’n thusuah bawl uhi. Thusuak kingah dan in, Indo-Burma Revolutionary Front (IBRF) puahthakna ding toh kisai in NSCN K, ULFA leh UNLF in Thailand ah meeting bangzah vei hiam neita uh hidan in Kughalo Mulatonu, General Secretary NSCN K in IANS newspaper zasak hi. Mulatonu in agenna ah, IBRF ahihleh, May 22, 1990 in phuhkhiak in om a, huai ah Manipur helpawl United National Liberation Front (UNLF), Naga helpawl NSCN-K leh Assam helpawl United Liberation Front of Asom (ULFA) te member hi ua, helpawl nounou te’n leng gupna pia uh hi’n gen hi. NSCN-K, ULFA leh UNLF in Thailand ah meeting bangzah vei hiam a neih nung un, IBRF suk hat ding ahihdan gen khawm ua, hiai ding toh kisai in nasep kipanta uh ahihdan gen uhi. Mulatonu in agenzelna ah, Manipur helpawl People's Liberation Army, People's Revolutionary Party of Kangleipak (Prepak) leh Kanglei Yawol Kanna Lup (KYKL) te’n leng IBRF nuai a om a lunggulh dan uh gen ua, amaute leng member dia laklut pah hiding in gen hi. IBRF thusuak in ataklatna ah, NSCN (IM) in ULFSS (United Liberation Front of Seven Sisters) kichi 1993 in bawlkhia a, November 1994 kum in SDUFSEHR (Self-Defence United front of the South-East Himalayan Region) kichi bawlkhe nawn a, hiaite bangmah hilou ahihdan taklang ua, IBRF in khendai zou mahmah ding ahi chi uhi.
Mi 70 pimang in om: ULFA leh IM kikap
Diphu, Nov 12: Karbi Longri NC Hills Liberation Front (KLNLF) helpawl te’n zan in Assam state sung a Nagaon district lak luh in huai ah suang pua leh suangla a om nasem tu mi 70 val pimang uhi. Thusuak in agendan in, KLNLF member 20 vel Nagaon a Samugui Police station huamsung a om Kafipuli suang lakna mun ah va lut uh a, truck driver tamtak tel in nasemtu mi 70 thagum in pimagn uh hi’n kigen hi. KLNLF pawl ahihleh, Vaipau zang mi tamtak that te ahih ban uah, Karbi bial ah Karbi te suahtakna ding deihna ziak in galvan tawi in kiphin ua, tulel in Assam helpawl ULFA toh hoihtak in kikawi lel uhi.
Tuabangkalh, ULFA leh NSCN (I-M) helpawlte zan nitaklam dak 4:30 in Tizit Petrol pump Assam ah naktak in kikaptuah uh a, huai ah ULFA cadre 1 kaplup in om a, student khat tel in minautang 1 in liamna tuak ua, ULFA cadre khat NSCN IM in pimang uh hi’n kigen hi.
B S Yeddyurappa in CM hihna leen
Bangalore,Nov 12: BJP leader B S Yeddyurappa in tuni in Karnataka Chief Minister 26 na ding in kichiamna la hi. Karnataka Ministry buaina toh kisai in, President Rule koih in om hial a, UPA Government in Congress pawl vaihawmsak sawm teitei in om mahleh, BJP leh JDS kal ah kitheihsiamna hoihtak a pianziak in, President Rule pen koihden zoulou uh hi’n kigen hi. Tuni in Karnataka Governor in Vidhan Soudha building ah Yeddyurappa Chief Minister ding in kichiamsakna neisak a, BJP makai dang 4 Govind M Karajol, Jagdish S Shetter, Dr. V. S. Acharya leh R. Ashok te cabinet Minister ding in kichiam uh a, Senior BJP leader Rajnath Singh, L. K. Advani, Yeswant sinha, Murali Manohar Joshi leh mi dang tamtak in hiai kichiamna hun uap uhi.
Assam Police sum neekgukna muhsuah hita
Guwahati, Nov 12(NNN): Assam Police Department nuai a om Police Battalion Headquarter tuamtuam ah tuma deuh apan neekgukna sangtak om a, hiai tungtang ah, Criminal Investigation Department (CID) in thilsui pan in, tuni tan in Indian Police Service Officer nih awkkha ta hi’n kigen a, Assam Police Battalion(APBn) sungthu leng buai mahmah in, Cashier apan Battalion Commandant tan te awklai ding un kigen hi. Assam Police nuai a om Battalion bangzah hiamte ahihleh, sum thu ah buai mahmah in, Provident fund chi tuamtuam kilak sak kichi kiching mahmah a, kha 6 paisa lel in Crore tamtak mangthang man hi’n kigen hi.
Assam Forest and Environment Minister Rockybul Hussain in agenna ah, CID te thil muhkhiak pen nial bilbellou ahihdan gen kawm in, CBI suisak poimoh a sakdan genbeh lai hi. Assam Police nuai a 23 APBNs ngial naktak in buai a, Commanding Officer suspend in om mahleh,a guuk in anuai a semte’n bawl thei thou thou lai uh hi’n kigen hi. Assam Police 3rd leh 10th APBN sung ah kum 20 paisa lel in Rs 600 Crore head tuamtuam ah mangthang chih thu om hi.
Mamit SBI Manager matkhiak in om
Agartala, Nov. 12: Mizoram Police leh Tripura Police te’n state nih a Bank toh kisai a sum thelthang te suizuina apat utoh kiton in Bank official 5 matkhiak in om ua, amaute ahihleh, State Bank of India, Mamit Branch a Manager hihna lenlel Nikilal Sangliana makaihna nuai hidanin kigen hi. North Tripura police thusuak in agendan in,kha bangzahhiam paisa apan Mamit Branch SBI apan sum lem tamtak mukhia uh a, State nih a Police Department in hun sawttak asuizui nung in, Mamit apan ahihdan musuah ua, Branck Manager ngial in hauhsak loh man hi’n gen uhi.
Police thusuak in ataklatdan in, hiai thil tunna hun bangtan hiam hita mahleh, suikhe pahthei lou ua,himahleh, October 30 ni in Tripura mi Karim Mia leh Branch Manager Sangliana phone tungtawn a akihouna uh muhsuah in, huai apan thil sui pan ua, nuamtak leh zalentak in Mia in sumlem Rs 2 lakh bank ah va koih lut thei hi’n kigen hi. Hiai thiltung toh kisai mah in,October 30 ni in Laljoy Thanga leh Lalbiak Thanga te leng kigolh kha uh ahihdan chiang hun tawk mahmah in matkhiak in om ngal uhi. Police in sumlem toh kisai mah in leh, Sangliana toh kizopna nei chih ziak in October 2 ni in Sagir Ahmed va mankhia uh hi’n kigen hi.
Thoubal ah sinlaite’n kiphinna nei
Imphal, Nov. 12: Thoubal district sung a om Five Star English High School sinlaite’n tuni in Lilong mun ah kiphinna nasatak nei ua, huai ah, helpawlte’n School Founder Secretary Zakir Hussain a pimang sawmna uh naktak a mohpaih ahihdan puang uhi. Thusuak kingah dan in, zan in galvan tawi mi 2 in helpawl khat a tel ahihdan uh kigen in, Hussain car a tailai Naorem Leikai, Singjamei ah khaam khawl in kintak a amaute zui ding in theisak uhi. Huailaitak in Hussain leh a nung atuang numei khat kikou khia a, khe a tai in kintak in Police station naipen ah tailut ua, helpawl nih te leng kihem mang ngal uhi. Tuni in student 1,500 val in kiphinna thupitak nei ua, Imphal-Moreh lampi khak tan man uh a, Chief Minister O Ibobi Singh kiang ah memorandum khat pia in, sinlaite leh sinsaktute humbit ding in ngen uhi.
Source: www.zogam.com [Bridging the Zomis]
Imphal Nov. 12: Evangelical Baptist Convention nuai a Baptist Youth Fellowship Imphal Division in, chik mah a khawmpi a neih ngeinailouhna mun uh, Imphal khopi laizang apat tumlam kilometer nih leh akim vel a om, YPA/IB hall, Langol Laimanai (Eimi Veng) ah khawmpi 22 na, Nov 10 & 11, 2007 a aneih uh zousiangta uhi.
Hiai khawmpi zatna mun ah Eimi ateng leh khosa om nailou a, khawmpi zang Imphal Division sunga veng guk apat tuailai leh mipi 1500 valte Bus hire in kikhom dingin kuan zel uhi. Khawmpi thupi 'Biaktak Pathian' chih pansan in Rev. N. Thawndoulian DS/ID in tanchinhoih gen hi.
Imphal division sung a om veng tuamtuam 6te’n thu-le-a kitaitehna uah lapawlpi ah Lamphel in BYF in khatna la iln Rs. 1000/- ngah ua, Paite Veng leh Langgol in 2na leh 3na la in Rs. 700/- leh Rs.500/- ngah tuak uhi. Tuabanah, mimal lasak ah Miss Hoihlunkim of Langol in khatna la in memento leh Rs. 200/- ngah a, Mr. P. Chinlianthang of Game Village leh Mr. M. Liansonmang of Canchipur ten 2na leh 3na la in Rs. 150/- leh Rs. 100/- banah Memento khat tuak ngah uhi.
KRA Chief kaplup in om. UPF in Hangsing sihna mohpaih
IMPHAL NOV 12: KRA General Secretary kaplup in om
Imphal, Nov 12(NNN): Kuki Revolutionary Army (KRA)/ Re-organization and Confederations of Kukis (ROCK) a General secretary lenlel Khuplam Hangshing @ K. Hangshing zan nitak dak 11 vel in New Delhi ah meltheihlouh pawl khat in kaplum uhi. Thusuak kingah dan in, zan nitak dak 11 vel ding in helpawl dia gintak mi 17 vel New Delhi a Safdarjung Enclave ah va pai uh a, K Hangsing om hia chih kan kawm in va kaplum uh hi’n kigen hi. KRA top leader Hangsing ahihleh, Senapati District sung a Saikul sub-division sung mi hi a, kum 35 in upa lel a, tulel in Army te toh Suspension of Operation (SoO ) neilel ahi uhi.
United People’s Front (UPF) thusuak in tuni a ataklat dan in, Kuki Revolutionary Army a Commander-In-Chief November 11 2007 a Delhi mun a thah ahih naktak a mohpaih uh ahihdan taklang in, Chin-Kuki-Mizo-Zomite kipumkhatna ding khual a nasemtu thupitak ahihdan taklang kawm in, UPF in zahna sangtak pia ahihdan gen uhi.
UPF thusuak in agenbehna ah, sihna tuak KRA C-in-C K Hangsing ahihleh, UPF a Joint Secretary lenlel ahihdan taklang ua, a sungkuante leh KRA sepaihte naktak a sunpih uh ahihdan gen uhi. UPF in hiai thiltung naktak a mohpaih uh ahihdan taklang in, khutkha tu te suikhiak hi ngeingei ding in gen uh a, tualthat tute ki puang ding in theihsakna pia uhi. India Capital khat a hiai bang thil atun lamdang sa mahmah kawm in, security te koi a om uhiam chi’n UPF in dong a, Intelligence Bureau leh Central Government in Enquiry Commission khat pankhe ding in ngen ua, K Hangshing nasep khiakte UPF in mangngilh ngeinawnlou ding ahihdan leng gen uhi.
AICC in Phungzathang Tonsing sam
IMPHAL NOV 12: Manipur a Congress makaih SPF sorkal a Chief Minister O. Ibobi Singh deihlou pawl, tulel a Delhi a ki-camp Congress MLA 18 ten, O. Ibobi khek khiak teitei sawm in pan latou jel uh hidan in thutut kingah hi. Hichibangkal ah, AICC high command in Senior Congress Minister nih, Th. Debendra Singh leh Phungzathang Tonsing Delhi ah sam ua, tua toh kiton in Pu Phungzathang Tonsing in zan in Delhi zuan ngal hi. Th. Debendra leng hoh ding chih himahleh, a ziak gen omlou a, a zinna ding khawlsak thak hidan in leng thutut kingah hi. O.Ibobi khek khiak sawm Delhi Congress MLA te spokesperson Y.Surchandra MLA gendan in, Cabinet minister thum Th. Debendra Singh, Phungzathang Tonsing leh Md.Alauddin Khan ten amau pawl gum ding hidan un leng gen hi. a
Alehlam ah, Chief Minister O.Ibobi Singh in zan a, Imphal khopi sunga govt. nasep tuamtuam mun kua vel etkhiakna aneih na hun a, thuthaksaimite dotna tuamtuamte a dawnna ah, tulel a Congress sunga buaina pen insung buaina hilel dan in gen a, inkuan liantak khat sunga buaina hizaw dan in leng hilhchian hi. Nekguk takguk toh kisai a amah tung a ngohna tuamtuam omte kichiantak a posuah thei a om leh CM ahihna apan kitawp dia mansa hidan in leng thuthak saimite kiang ah gen hi.
Aban agenna ah, Manipur sum dinmun a leng tuban kha guk sunga kikhekna om ding tua hun chiang a sum dinmun a buaina leh law and order dinmun hong veng ding ahihdan gen hi. Babupara a MLA quarter lak a helpawl mat omte toh kisai agenna ah, enquiry pailel ahihman in, zoh ahihchia akul bangbang action lak hidingin leng gen hi.
ZEPADA makaih in Public Hearing
Lamka Nov 12: Zomi Economic Planning and Development Agency (ZEPADA) makaih in tuni sunma dak 11:00 in YPA Hall New Lamka ah Mautaam toh kisai in Public Hearing neih in om hi. Hiai hun ah Constituency tuamtuam apan MLA Nominee’ te banah Rationing Agent tamtak paikhawm in mautam ziak a mipi haksatna tuamtuamte genkhawmna leh maban a kialdouna toh kisai a panlak dingdan tuamtuam genkhawm uhi.
Lei apan kia in liam
Lamka Nov 12: Mr. Ibomcha (28) S/o. Gokul of Tuibuang apaisa November 8, 2007 nitak dak 7:30 vel in Zouveng a Lei/Bridge apan kia in adek aliam banah a kawng nasa in Lamka Damdawi inn ah etkol in omlel hi.
Bike accident in liam
Lamka Nov 12: Mr. Kammuanlal (25) S/o. Chinkhotuan of Zellang Veng apaisa November 10, 2007 nitak in Lamka Police Station sak a Traffic stand kiang ah Bike accident in a taklam ngalguh kitan a tu’n Lamka Damdawi Inn ah etkol in omlel hi.
Police in Annual firing ding
Lamka Nov 12: CCpur District sung a om Police teng in hongtung ding November 15-17, 2007 kikal zing dak 8:00 apan in niteng in STC/BSF ah Annual Classification Range Firing nei ding uhi. November 15, 2007 in 1st Batch in mi 73 in Firing nei ding ua, Nov.16 in 2nd Batch in mi 72 te’n Firing nei ding uhi. Nov.17 in 3rd Batch in mi 73 te’n Firing nei ding uhi. Tulel in District sung ah Numei constable 5 tel in Police personnel 218 omlel uhi.
Tuivai ah mi 3 kia in si
Lamka Nov 12: Mualpheng leh Songtal kikal a Tuivai lui ah zan sunnung dak 3-4:00 kikal in huai lui a kisil lai tangkhial in mi 3 kia in si vek uhi.
Thutut kingah dan in, hiai a site bel Mr. H. Lianchinthang (22) S/o. (L) Kamzakham of Vengnuam, Mr. Ginzasuan (23) S/o. Singkhum of Dorcas Veng leh Mr. Lunlemsiam S/o. Tonglianmang of Head Quarter vengte hi uhi. Amauteng lakah Mr. Ginzasuan luang bel muh hita a adang mi 2te luang bel hiai thu gelh ahihtan in muhkhiat ahihlam kitheinailou hi.
Ningol Chakkouba zang
Lamka Nov 12: Meetei Society, Ima Leimarel Nupi Samaj MSYF kithuah in tuni’n Khuga Tampak ah Ningol Chakkouba zat in om hi. Hiai hun ah Lamka khopi sung a Nam tuamtuam a makaite chial a a om bang un tamtak in va-uap uhi. Huailou in Mr. A. Krishnachandra, APS, DC/CCpur in sunma dak 11:00 in Tuibuang a a tenna Quarter ah Nam tuamtuam a pan in numei pawlkhat sam in annekpih hi.
ZSF leh KSO in Saichhuana suun
Lamka Nov 12: Zomi Students’ Federation (ZSF) leh Kuki Students Organization (KSO) in Pu Saichhuana, IAS, Additional Chief Secretary, Government of Manipur in zan a vangsiathuaitak a a sihna ah a tuamtuakin suunna thuphuan bawl uhi.
ZSF thusuakin a taklatna ah, Pu Saichhuana, IAS in a hunloutak a a hon nutsiatna pen Zosuante a ding a manna thupitak ahihman in suun mahmah uh ahihdan puang kawm in a inkuanpihte tunglam khamuanna nget sak uhi.
KSO in a taklatna ah, Pu Saichhuana, IAS, sihna thu in CCpur district pumpi lungphawng sak mahmah a, mipite a dia a hoihna leh ginomna chikmah chiang a mangngilh vual hilou ahihdan taklang kawm in a inkuanpihte suunpih mahmah ahihdan uh taklang uhi.
Saichhuana IAS luang Imphal puaktung in om; Aizawl ah vui hiding
IMPHAL NOV 12: Mr. Saichhuana (57) IAS, Additional Chief Secretary (Forest & Envt/PHED), Government of Manipur zan sunnung in Kolkata khopi ah mualliam in tuni’n a luang Imphal khopi thupitak in puaklut in om hi.
Thutut kingah dan in, Pu Saichhuana IAS bel official thil toh kisai a Nov 2, 2007 a Delhi zin, hongkiklam Kolkata ah sin natna ziakin Nightingale Diagnostic Centre, Kolkata ah puaklut in om a, himahleh damzoulou in zan Nov 11, 2007 nitaklam dak 2.50 a si hi’n thutut kingah hi. Aluang tuni sunnung dak 2.15 in Jet Airways tungtawn in Imphal puaktun hi a, Lamphel a, ama official quarter Type V/CP-1 ah zan giak dinga, Nov 13, 2007 zinglam dak 10.30 vel in Aizawl, Mizoram a vui dingin puak khiak hiding hi.
Bio-data
Min :Saichhuana IAS
Born : January 1, 1950, Aizawl
Father : (L) Ramliana Joute, 13/12/67 a si.
Mother : Thangnovi (Chawngthu tanu)
Zi min : Thanchhumi (Joute tanu) 17/3/73 Aizawl a kiteng.
Tate : Tapa nih leh tanu khat nei
Education: Class I - V, Aizawl, ME School
Class VI - VIII, St. Anthony Donbosco, Shillong, 1963-65
Class IX-X, Govt. Mizo High School, Aizawl, 1966-67
PUC, Cotton College, Gauhati, 1968 BA (Distinction), Pachhunga Govt.
College, Aizawl, 1971
Indian Administrative Service (IAS) – 1975
Works :
Central Services Class I : 1973
SDO, Tadubi : 1977-78
Director, Tribal Welfare : 1979-80
Deputy Commissioner, Chandel : 1980-82
Senior Regional Manager, Food Corporation of India, Shillong : 1986-89
Commissioner, Govt. of Manipur : 1990-97
Principal Secretary, Govt. of Manipur : 1997-2002
Additional Chief Secretary, Govt. of Manipur : 2002 till date.
Others:
Senior Advisor, YMA Imphal Branch (2005 till date)
Tual Upa, Lamphel Presbyterian Kohhran, PCI
Visited -USA, Italy and France
Personality : Honest and Solid
Pu, Saichhuana, IAS luang, Imphal Tulihal Airport puaktung ahih in, YMA Imphal branch te inteekna in pawl tuamtuam leh mipi tamtak in thupitak in in vaidawn ua, Lamphel a ama official quarter ah Condolence meeting sunnung dak 3.30 in om hi.
Hiai hun ah, P.L.Thanga IAS Chairman MANIREDA, in meeting makaih a, P.C. Lawmkunga IAS Principal Secretary, Govt. of Manipur leh heutu tuamtuam in thugenna hun zang uhi.
Fish mela ah Nga 41,000 kgs
IMPHAL NOV 12: Manipur govt. nuai a Fishery department in 1976 apat kumteng a Ningol Chakkouba ding toh kisai a Fish mela aneih bangun, tukum in leng Nov 11, 2007 in Imphal a Mapal Kangjeibung mun ah, 22nd Fish Fair cum Fish crop competition, 2007 nei uhi. Hiai hun ah district tuamtuam apat fish farmer ten Nga zuak ding 41,000 kgs pokhom in stall 54 ah zuak om hi.
Hiai mela a khuallian apang Fishery Minister Md.Allauddin Khan in agenna ah, Manipur a mipi demand zah Nga piang zoulou ahihman in, kum nawn a plan sum a Nga farm bawlte a dia sum punsak hita dingin leng gen hi.
KNF President group khat man
IMPHAL NOV 12: Imphal West SP Clay Khongsai in thusuah abawlna ah, zan sunnung dak 12.30 vel dingin Imphal West Police Commando leh 32th Assam Rifle kigawm ten New Keithelmanbi Forest gate gei apat, KNF President group atel, Letkhomang Baite (31) s/o Holen Baite of New Keithelmanbi mankhia uh hidan in taklang hi.
Hiai thusuakin a taklat dan in, ama thudotna apan NH 53 a passenger bus leh truck te a S/S Sgt.Jelly of Kangpokpi nuai a party sum ding khon a, kizang hidan in leng Police thusuak in taklang hi.
Ningol Chakkouba mun tamtak ah kizang
IMPHAL NOV 12: Manipur a Meitei te adia ni poimoh mahmah khat, Ningol Chakkouba tuni’n zatna om a, pawl tuamtuam saina in mun tamtak a zat in om hi. Hiai ziakin, Imphal pansan niteng tanchinbu teng leng khawl ua, tuaziakin, Nov 13, 2007 issue suaklou ding hi. United People's Front te saina in, Kangla Hall ah, Chingmi-Tammi Ningol Chakkouba zatna ah, nam tuamtuam a pasal neisa numei tamtak kihel ua, AMSU HQ saina in leng amau office ah zatna om a, tua ah, singtangmi student numei tamtak vakihel uhi. Ningol Chakkouba bel, insunga tanu khakkhiaksate ann nekpihna hun a zat hi a, tua adingin tanu khakkhiaksate leh a tate un nek theih tuamtuam pua in a nolam uah hoh ua, a sanggam pasalte un, ahihtheih bangbang uh thilpiak pia uhi.
Helpawl 3 in IBRF puahthak ding
Kohima, Nov 12: North East helpawl lian mahmah thum in 1990 a bawlkhiak a om IBRF kichi puahthak sawm in panla ua, Indo-Myanmar region ah hiai helpawlte’n panlak kipan ta ding uh ahi chi’n thusuah bawl uhi. Thusuak kingah dan in, Indo-Burma Revolutionary Front (IBRF) puahthakna ding toh kisai in NSCN K, ULFA leh UNLF in Thailand ah meeting bangzah vei hiam neita uh hidan in Kughalo Mulatonu, General Secretary NSCN K in IANS newspaper zasak hi. Mulatonu in agenna ah, IBRF ahihleh, May 22, 1990 in phuhkhiak in om a, huai ah Manipur helpawl United National Liberation Front (UNLF), Naga helpawl NSCN-K leh Assam helpawl United Liberation Front of Asom (ULFA) te member hi ua, helpawl nounou te’n leng gupna pia uh hi’n gen hi. NSCN-K, ULFA leh UNLF in Thailand ah meeting bangzah vei hiam a neih nung un, IBRF suk hat ding ahihdan gen khawm ua, hiai ding toh kisai in nasep kipanta uh ahihdan gen uhi. Mulatonu in agenzelna ah, Manipur helpawl People's Liberation Army, People's Revolutionary Party of Kangleipak (Prepak) leh Kanglei Yawol Kanna Lup (KYKL) te’n leng IBRF nuai a om a lunggulh dan uh gen ua, amaute leng member dia laklut pah hiding in gen hi. IBRF thusuak in ataklatna ah, NSCN (IM) in ULFSS (United Liberation Front of Seven Sisters) kichi 1993 in bawlkhia a, November 1994 kum in SDUFSEHR (Self-Defence United front of the South-East Himalayan Region) kichi bawlkhe nawn a, hiaite bangmah hilou ahihdan taklang ua, IBRF in khendai zou mahmah ding ahi chi uhi.
Mi 70 pimang in om: ULFA leh IM kikap
Diphu, Nov 12: Karbi Longri NC Hills Liberation Front (KLNLF) helpawl te’n zan in Assam state sung a Nagaon district lak luh in huai ah suang pua leh suangla a om nasem tu mi 70 val pimang uhi. Thusuak in agendan in, KLNLF member 20 vel Nagaon a Samugui Police station huamsung a om Kafipuli suang lakna mun ah va lut uh a, truck driver tamtak tel in nasemtu mi 70 thagum in pimagn uh hi’n kigen hi. KLNLF pawl ahihleh, Vaipau zang mi tamtak that te ahih ban uah, Karbi bial ah Karbi te suahtakna ding deihna ziak in galvan tawi in kiphin ua, tulel in Assam helpawl ULFA toh hoihtak in kikawi lel uhi.
Tuabangkalh, ULFA leh NSCN (I-M) helpawlte zan nitaklam dak 4:30 in Tizit Petrol pump Assam ah naktak in kikaptuah uh a, huai ah ULFA cadre 1 kaplup in om a, student khat tel in minautang 1 in liamna tuak ua, ULFA cadre khat NSCN IM in pimang uh hi’n kigen hi.
B S Yeddyurappa in CM hihna leen
Bangalore,Nov 12: BJP leader B S Yeddyurappa in tuni in Karnataka Chief Minister 26 na ding in kichiamna la hi. Karnataka Ministry buaina toh kisai in, President Rule koih in om hial a, UPA Government in Congress pawl vaihawmsak sawm teitei in om mahleh, BJP leh JDS kal ah kitheihsiamna hoihtak a pianziak in, President Rule pen koihden zoulou uh hi’n kigen hi. Tuni in Karnataka Governor in Vidhan Soudha building ah Yeddyurappa Chief Minister ding in kichiamsakna neisak a, BJP makai dang 4 Govind M Karajol, Jagdish S Shetter, Dr. V. S. Acharya leh R. Ashok te cabinet Minister ding in kichiam uh a, Senior BJP leader Rajnath Singh, L. K. Advani, Yeswant sinha, Murali Manohar Joshi leh mi dang tamtak in hiai kichiamna hun uap uhi.
Assam Police sum neekgukna muhsuah hita
Guwahati, Nov 12(NNN): Assam Police Department nuai a om Police Battalion Headquarter tuamtuam ah tuma deuh apan neekgukna sangtak om a, hiai tungtang ah, Criminal Investigation Department (CID) in thilsui pan in, tuni tan in Indian Police Service Officer nih awkkha ta hi’n kigen a, Assam Police Battalion(APBn) sungthu leng buai mahmah in, Cashier apan Battalion Commandant tan te awklai ding un kigen hi. Assam Police nuai a om Battalion bangzah hiamte ahihleh, sum thu ah buai mahmah in, Provident fund chi tuamtuam kilak sak kichi kiching mahmah a, kha 6 paisa lel in Crore tamtak mangthang man hi’n kigen hi.
Assam Forest and Environment Minister Rockybul Hussain in agenna ah, CID te thil muhkhiak pen nial bilbellou ahihdan gen kawm in, CBI suisak poimoh a sakdan genbeh lai hi. Assam Police nuai a 23 APBNs ngial naktak in buai a, Commanding Officer suspend in om mahleh,a guuk in anuai a semte’n bawl thei thou thou lai uh hi’n kigen hi. Assam Police 3rd leh 10th APBN sung ah kum 20 paisa lel in Rs 600 Crore head tuamtuam ah mangthang chih thu om hi.
Mamit SBI Manager matkhiak in om
Agartala, Nov. 12: Mizoram Police leh Tripura Police te’n state nih a Bank toh kisai a sum thelthang te suizuina apat utoh kiton in Bank official 5 matkhiak in om ua, amaute ahihleh, State Bank of India, Mamit Branch a Manager hihna lenlel Nikilal Sangliana makaihna nuai hidanin kigen hi. North Tripura police thusuak in agendan in,kha bangzahhiam paisa apan Mamit Branch SBI apan sum lem tamtak mukhia uh a, State nih a Police Department in hun sawttak asuizui nung in, Mamit apan ahihdan musuah ua, Branck Manager ngial in hauhsak loh man hi’n gen uhi.
Police thusuak in ataklatdan in, hiai thil tunna hun bangtan hiam hita mahleh, suikhe pahthei lou ua,himahleh, October 30 ni in Tripura mi Karim Mia leh Branch Manager Sangliana phone tungtawn a akihouna uh muhsuah in, huai apan thil sui pan ua, nuamtak leh zalentak in Mia in sumlem Rs 2 lakh bank ah va koih lut thei hi’n kigen hi. Hiai thiltung toh kisai mah in,October 30 ni in Laljoy Thanga leh Lalbiak Thanga te leng kigolh kha uh ahihdan chiang hun tawk mahmah in matkhiak in om ngal uhi. Police in sumlem toh kisai mah in leh, Sangliana toh kizopna nei chih ziak in October 2 ni in Sagir Ahmed va mankhia uh hi’n kigen hi.
Thoubal ah sinlaite’n kiphinna nei
Imphal, Nov. 12: Thoubal district sung a om Five Star English High School sinlaite’n tuni in Lilong mun ah kiphinna nasatak nei ua, huai ah, helpawlte’n School Founder Secretary Zakir Hussain a pimang sawmna uh naktak a mohpaih ahihdan puang uhi. Thusuak kingah dan in, zan in galvan tawi mi 2 in helpawl khat a tel ahihdan uh kigen in, Hussain car a tailai Naorem Leikai, Singjamei ah khaam khawl in kintak a amaute zui ding in theisak uhi. Huailaitak in Hussain leh a nung atuang numei khat kikou khia a, khe a tai in kintak in Police station naipen ah tailut ua, helpawl nih te leng kihem mang ngal uhi. Tuni in student 1,500 val in kiphinna thupitak nei ua, Imphal-Moreh lampi khak tan man uh a, Chief Minister O Ibobi Singh kiang ah memorandum khat pia in, sinlaite leh sinsaktute humbit ding in ngen uhi.
Source: www.zogam.com [Bridging the Zomis]
No comments:
Post a Comment