Mautaam ziak in PDS Anntang quota behlap in om
Lamka Nov 14: District sunga Mautaam ziak a loumate a lohsapna liantak om a khamkhop ding apianlouh toh kisai in mipite haksatna/kialna dawnzangkhaina ding in District Administration panlakna in District Level Committee ADC/CCpur makaihna nuai ah phuan in om a, amaute’n District sung a mipite’ taksap anntang poimohzah assessment bawl in FCS Commisioner kiangah PDS Anntang khateng quota behlap ding in November 13, 2007 in ngetna nei uhi.
Hiai ngetna abawl uh bel District in khateng quota a anntang BPL leh AAY kigawm a 3154.72 Qtls.in mipi 40% ading kia daihlel ahihman in hiai 3154.72 Qtls banah BPL anntang 4927.00 Qtls. behlap sak a khateng a BPL leh AAY kigawm a 8081.00 Qtls. peding in ngetna nei uhi. Hiai ngetna pen FCS in pomsak in District PDS anntang quota hon behlap sak uh hidanin DC/CCpur Sumant Singh apan in kiza hi. Ngetna/proposal piaklut dungjui in Parbung PDSC in khateng a BPL leh AAY gawmkhawm a anntang 498.79 Qtls. amuh banah 787.00 Qtls. behlap in khateng in 1285.79 Qtls. muta ding ua, Sibapurikhal PDSC in khateng a BPL leh AAY gawmkhawm a anntang 230.88 Qtls. amuh banah 355.00 Qtls. behlap in khateng in 585.88 Qtls. muta ding uhi.
Thanlon PDSC in khateng a BPL leh AAY gawmkhawm a anntang 514.21 Qtls. amuh banah 921.00 Qtls. behlap in khateng in 1435.21Qtls. muta ding ua, Mualnuam PDSC in khateng a BPL leh AAY gawmkhawm a anntang 175.13 Qtls. amuh banah 262.00 Qtls. behlap in khateng in 437.13 Qtls. muta ding uhi. Henglep PDSC in khateng a BPL leh AAY gawmkhawm a anntang 436.45 Qtls. amuh banah 654.00 Qtls. behlap in khateng in 1090.67 Qtls. muta ding ua, Komkeirap PDSC in khateng a BPL leh AAY gawmkhawm a anntang 417.45 Qtls. amuh banah 625.00 Qtls. behlap in khateng in 1042.45 Qtls. muta ding uhi. Singngat PDSC in khateng a BPL leh AAY gawmkhawm a anntang 523.51 Qtls. amuh banah 786.00 Qtls. behlap in khateng in 1309.51 Qtls. muta ding ua, Sangaikot PDSC in khateng a BPL leh AAY gawmkhawm a anntang 358.08 Qtls. amuh banah 537.00 Qtls. behlap in khateng in 895.08 Qtls. muta ding uh chih na suak hi.
KCP(MC) in Social Welfare Department a CDPO 1 kaplup in om
IMPHAL NOV 14: Manipur Government nuai a Social Welfare department a Child Development Project Officer (CDPO) khat helpawl ten tuni’n kaplum uhi. Police apat thutut kingah dan in tuni zinglam dak 11.45 vel dingin, Social Welfare nuai a CDPO Moirang hihna lenlel Smt. Th. Raseshwori (54) w/o (L) S.Brajagopal of Haobam Marak, Imphal West ama office mun ah helpawl ten kaplum uhi. Hiai CDPO kaplum tu phaijang helpawl, Kangleipak Communist Party (Military Council) a Anti Corruption cell in amau thilhih hidan in leng tunin thupuan bawl ngal uhi.
Hun paisa in leng KCP(MC) te mah in, Social Welfare Minister N.Loken tenna In leh Social Welfare Department mah a Director A.Nabachandra tenna In banah office te ah, granade ana koih ngeita ua, thau in leng ana kap ngeita uhi. Tuma zek a Social Welfare a Supervisor lakna toh kisai in, KCP(MC) in akisaipih Minister leh Director banah official ten nekguk takguk hih uh chih ngohna nei ua, vauna thusuah leng bawlta uhi.
Social Minister in N.Loken in bel, hiai helpawl ten Supervisor dia mi 6 amau teel te lak dia ngetna abawl uh ngaihsak louh ziaka office a bomb koih leh tenna In attack a om ahihdan agen ban ah, KCP(MC) ten Supervisor post 6 angetna uh lai mu ahihdan leng thuthak saimite kiang ah taklang hi. Helpawl ten bel, hichibang a ngetna bangmah bawllou ahihdan uleh, KCP(MC) letter head leh thugelh te leng Minister SW leh computer siam te kituak a bawltom hidan a ngohna abawl uleng Minister in nialna bawl hi. Thudang khat ah, tuni zinglam dak 8.30 vel dingin, Nagamapal a om Sapam Dorendro tenna In leng meltheihlouh pasal nih in thau in vakap uh chih thu kiza hi. Hiai thu sut ahihtan in thaukapte kipuang uh chih zaak ahihlouh banah, bangziak a va kap mawk uhiam chih theih hilou hi.
Kuki Revolutionary Army (KRA) Chief Khuplam Hangshing luang tuni in Imphal zinglam dak 9 in Indigo flight in New Delhi apan hongtung a, Kuki Nampi makai tamtak in Airport ah aluang ana dawn uhi. Imphal Dewlaland mun ah sunna neihpih ahih zoh in, Saikul sub-division ah vuiding in puak in om hi. Manipur helpawl 6 kigawmna United People’s Front (UPF) ah Hangsing in Joint Secretary hihna lenlel a, Army leh Government toh Suspension of Operation (SoO) aneih lel laitak uh ahi hi. Thudang khat kiza dan in, Mr Hangsing sihna toh kisai Centre in ngaikhawk mahmah in tuni in Union Home Secretary Madhukar Gupta makaih in Home Ministry a Senior official te leh Intelligence Bureau official te’n Delhi ah kikupna nei uhi. (NNN)
Economic Blockade kipan ding
Senapati, Nov 14: Senapati District Students' Association (SDSA) in Manipur Government kiang a thil phut tuamtuam aneih uh suk buchin ahihlouh ziak in, zingchiang (Ningani) nitak dak 12 apan National Highway 39 ah economic Blockade puang uhi. SDSA thusuak in ataklatna ah, Blockade ahihleh, khauh mahmah ding a, huai choudia kuamah kisalou ding in adeihthu taklang uhi. Peter Kuba, SDSA President in agenna ah, Inter-state bus te leng bandh sung in a taiding uh phal hilou a, passenger gari himhim in National Highway 39 zuitheilou ding uh ahihdan taklang in, November 25 zankim tan total bandh leh blockade ahihdan taklang hi. SDSA Chief in agenbehna ah, SDSA in National Highway 39 hunchiam omlou a khakding a chih pen khawlphot in ni 10 sung chauh ading in sukiam a, himahleh, ni 10 sung a Government in sepkhiak bangmah aneih kei leh, kipan nawn ding uh ahihdan taklang hi. Peter in agenzelna ah, bandh in truck taivel te leh state pua kan a tai bus te huam mahleh, inter-district transporter te huamlou ahihdan gen in, mipite’n theisiam ding in ngen uhi. SDSA in ahihleh, Government kiang ah NH-39 lampi selawta pen puahthak ding in ngen ua, Non Lapsable Central Pool Resources (NLCPR) nuai a kibawl tuikoihna munpi puah a om lel hoihtak a sunzom kin ding in ngetna bawl uhi.
Khuado Concert om ding
Lamka, Nov 14: Khudo Pawi (festival) kichi November 17 chiang in Nanakpura Community Centre, New Delhi ah thupitak in zat sawm uhi. Hiai hun ah New Delhi a om Zosuan pawl tuamtuam te’n kitaitehna tuamtuam leh Namlam lahna nei ding a, Khuado Concert leng neizom ngal ding uh hi’n kigen hi. Hiai hun ah, Burma a Guitarist of the Year 2006 E Tuang makaih in concert om ding chih thu kiza hi.
YPA in Guta toh kisai panla ding
Lamka, Nov 14: Young Paite Associaton Lamka Block thusuak kingah dan in, Lamka leh a sehvel ah hun bangtan hiam paisa apan guta-lata uang mahmah in, mipi a dia thil phatuam Telephone gui, cable gui, electric gui leh tui lawng tamtak gukmang a om ta ahihdan gen uhi. Hiai toh kisai in YPA General Headquarters in ngaikhawk mahmah in, YPA Lamka Block ah theihsakna pia ua, guta-latate matkhiakna ding toh kisai in Village authority leh Police te toh pangkhawm ding ahihdan taklang uhi.
YPA Lamka Block thusuak in genbehna ah, van gutu, leitu leh kawkmuhtu theite’n Police, Village Authority ahihkei leh, YPA kiang ah kintak a zasak ding in ngetna bawl ua, huai kawmkawm in, YPA makaih in veng chih ah nitak teng a duty panta ding uh ahihdan leng puang ua, mipite kithuahpihna ngen uhi.
Music Video album hongkhe ding
Lamka, Nov 14: Rev Dr Douzapau Haokip Memorial Trust in a bawlkhiak thak Gospel Audio and Video Album “Gospel Khuoljin” kichi November 18 (Pathianni) sunnung dak 12:30 in ECT Chapel ah honkhiakna neih hiding hi. Hiai album ahihleh, Phamsa ECCI General Secretary Rev Douzapau theih gige na dia kibawl ahi hi. Rev Dr Th Lamboi Vaiphei in honkhiakna leh Pathian kiang a latna neiding a, ECT Choir te’n phatna la sa ding uhi.
TSP in puandum in tuam
Lamka, Nov 14: Mualpheng leh Songtal kikal a Tuivai lui a November 11 sunnung dak 3-4:00 kikal a kisil lai tangkhial a sihna tuak mi 3, Mr. H. Lianchinthang (22) S/o. (L) Kamzakham of Vengnuam, Mr. Ginzasuan (23) S/o. Singkhum of Dorcas Veng leh Mr. Lunlemsiam S/o. Tonglianmang of Head Quarter vengte tuni’n vuina program om a, huai ah Thangkhal Sinlai Pawlpi (TSP) Headquarters sik-le-tang in T Pauminlian President TSP in Nam puan khat chiat in aluang uh tuamna nei hi.
KNO in suunthu puang
Lamka, Nov 14: Sriniwaspuri, South Delhi ah KRA Commander-In-Chief Khuplam Hangsing in sihna atuah toh kisai in tuni’n Kuki National Organisation (KNO) in naktak a sun uh ahihdan puang ua, a sungkuanpihte leh a nuai asem cadre te ading in khamuanna ngetsak uhi. Kuki helpawl tuamtuam in kigawmkhawm ding simthu a lel lai ua, hiai bang a heutu muanhuai khat in sihna a tuahna ah KNO in poisa mahmah ahihdan leng taklang uhi.
Awareness programme
Lamka Nov 14: SSA nuai a SC/ST Innovative Education tungtawn in CCpur District sung a BRC 6 leh CRC 19 te ading in November 15, 2007 zing dak 10:00 pan in Synod House, Hill town ah‘One day Awareness Programme on VEC&BEC’ neih hiding hi. Hiai hunah State Co-ordinator SC/ST Mr. Sagor Singh leh District Co-ordinator (REMS) Mr. Lulun Gangte te’n sinsakna neiding uhi.Hiai programme ah VEC leh BEC member teng telkim chiat ding in DMC/SSA-CCpur in theihsakna bawl hi.
UZO Executive meeting
Lamka Nov 14: United Zou Organisation (UZO) HQ Executive Committee in hongtung ding November 20, 2007 zing dak 10:00 in UZO Office Chiengkawnpang ah meeting poimohtak neiding uhi. Hiai hunah thupoimoh tuamtuam tamtak ngaihtuah khawm ding uhi.
Siluang te vuiliam hita
Lamka Nov 14: Mualpheng leh Songtal kikal a Tuivai lui ah apaisa November 11, 2007 sunnung dak 3-4:00 kikal a huai lui a kisil lai tangkhial a si mi 3 te luang muhkhiat hita a tuzing dak 1:30 vel in Lamka puaktun in om uhi.Tuikia a sihna tuak Mr. H. Lianchinthang (22) S/o. (L) Kamzakham of Vengnuam, Mr. Ginzasuan (23) S/o. Singkhum of Dorcas Veng leh Mr. Lunlemsiam S/o. Tonglianmang of Head Quarter Vengte hi ua, tuni’n a veng chiat uah vuina om a, ZYA HQ in Zomi puan khatchiat in tuam hi.
Magistrate in sam nawn
Lamka Nov 14: New Lamka Vengnuam EBC Biakinn a August 20, 2006 nitak kikhoplai a thiltung toh kisai a inquiry bawl nilouh a ompen civilian witness bangzah hiam apan in Magistrate in hearing kum paisa sung mah in zouta mahleh sepaih lam apan hearing neihlouh in om nilouh hi. District Magistrate in tukum May 15, June 15, July 27 nite in 27th Sector AR Commdt. Brig. BC Sarmah, 41 Bn. BSF Commdt. Col.SS Sandha,3 Raj Rif.Commdt.Col.PK Jayswal banah 3 (NH) AR Commdt. Col Koj Tari te hearing ding in sam (summon) sek mahleh amaute va kilang ngeilou uhi.
District Magistrate Sumant Singh in hongtung ding November 17, 2007 sun dak 12:00 in hiai atung a Sepaih heutute DC Office Chamber ah inquiry toh kisai a akisaipih lehkha/van poimoh (relevant documents/materials) leh evidence tengtoh mimal a vahoh a Magistrate ma a va kilang ding in November 13, 2007 in sapna(summon) penawn hi.
Thudang kizadan in Sepaih/Army lamte’n hiai case sai ding in District Magistate pen appropriate salou in leh State government in Army te summon bawltheilou chi a pang in hoh ngeilou uhi. District Magistrate in bel State Government in thu apiak dungjui a sam/summon ahihdan gen hi. Hiai case toh kisai Central Government leh State Government kikal ah Case pailel hidan in leng thudang khat kiza hi.
Paite Cultural Meet ah telding
Lamka Nov 14: Mizoram khopi Aizawl ah hongtung ding November 17, 2007 chiang in Paite Cultural Meet neih hiding hi.Hiai hun uapding in SSPP GHQ apan in palai bangzah hiam kuanding ua, amaute khakkhiatna November 15, 2007 zing dak 9:30 in SSPP Complex, Bungmual ah neih hiding hi.
Source: www.zogam.com
>> READ MORE
Lamka Nov 14: District sunga Mautaam ziak a loumate a lohsapna liantak om a khamkhop ding apianlouh toh kisai in mipite haksatna/kialna dawnzangkhaina ding in District Administration panlakna in District Level Committee ADC/CCpur makaihna nuai ah phuan in om a, amaute’n District sung a mipite’ taksap anntang poimohzah assessment bawl in FCS Commisioner kiangah PDS Anntang khateng quota behlap ding in November 13, 2007 in ngetna nei uhi.
Hiai ngetna abawl uh bel District in khateng quota a anntang BPL leh AAY kigawm a 3154.72 Qtls.in mipi 40% ading kia daihlel ahihman in hiai 3154.72 Qtls banah BPL anntang 4927.00 Qtls. behlap sak a khateng a BPL leh AAY kigawm a 8081.00 Qtls. peding in ngetna nei uhi. Hiai ngetna pen FCS in pomsak in District PDS anntang quota hon behlap sak uh hidanin DC/CCpur Sumant Singh apan in kiza hi. Ngetna/proposal piaklut dungjui in Parbung PDSC in khateng a BPL leh AAY gawmkhawm a anntang 498.79 Qtls. amuh banah 787.00 Qtls. behlap in khateng in 1285.79 Qtls. muta ding ua, Sibapurikhal PDSC in khateng a BPL leh AAY gawmkhawm a anntang 230.88 Qtls. amuh banah 355.00 Qtls. behlap in khateng in 585.88 Qtls. muta ding uhi.
Thanlon PDSC in khateng a BPL leh AAY gawmkhawm a anntang 514.21 Qtls. amuh banah 921.00 Qtls. behlap in khateng in 1435.21Qtls. muta ding ua, Mualnuam PDSC in khateng a BPL leh AAY gawmkhawm a anntang 175.13 Qtls. amuh banah 262.00 Qtls. behlap in khateng in 437.13 Qtls. muta ding uhi. Henglep PDSC in khateng a BPL leh AAY gawmkhawm a anntang 436.45 Qtls. amuh banah 654.00 Qtls. behlap in khateng in 1090.67 Qtls. muta ding ua, Komkeirap PDSC in khateng a BPL leh AAY gawmkhawm a anntang 417.45 Qtls. amuh banah 625.00 Qtls. behlap in khateng in 1042.45 Qtls. muta ding uhi. Singngat PDSC in khateng a BPL leh AAY gawmkhawm a anntang 523.51 Qtls. amuh banah 786.00 Qtls. behlap in khateng in 1309.51 Qtls. muta ding ua, Sangaikot PDSC in khateng a BPL leh AAY gawmkhawm a anntang 358.08 Qtls. amuh banah 537.00 Qtls. behlap in khateng in 895.08 Qtls. muta ding uh chih na suak hi.
KCP(MC) in Social Welfare Department a CDPO 1 kaplup in om
IMPHAL NOV 14: Manipur Government nuai a Social Welfare department a Child Development Project Officer (CDPO) khat helpawl ten tuni’n kaplum uhi. Police apat thutut kingah dan in tuni zinglam dak 11.45 vel dingin, Social Welfare nuai a CDPO Moirang hihna lenlel Smt. Th. Raseshwori (54) w/o (L) S.Brajagopal of Haobam Marak, Imphal West ama office mun ah helpawl ten kaplum uhi. Hiai CDPO kaplum tu phaijang helpawl, Kangleipak Communist Party (Military Council) a Anti Corruption cell in amau thilhih hidan in leng tunin thupuan bawl ngal uhi.
Hun paisa in leng KCP(MC) te mah in, Social Welfare Minister N.Loken tenna In leh Social Welfare Department mah a Director A.Nabachandra tenna In banah office te ah, granade ana koih ngeita ua, thau in leng ana kap ngeita uhi. Tuma zek a Social Welfare a Supervisor lakna toh kisai in, KCP(MC) in akisaipih Minister leh Director banah official ten nekguk takguk hih uh chih ngohna nei ua, vauna thusuah leng bawlta uhi.
Social Minister in N.Loken in bel, hiai helpawl ten Supervisor dia mi 6 amau teel te lak dia ngetna abawl uh ngaihsak louh ziaka office a bomb koih leh tenna In attack a om ahihdan agen ban ah, KCP(MC) ten Supervisor post 6 angetna uh lai mu ahihdan leng thuthak saimite kiang ah taklang hi. Helpawl ten bel, hichibang a ngetna bangmah bawllou ahihdan uleh, KCP(MC) letter head leh thugelh te leng Minister SW leh computer siam te kituak a bawltom hidan a ngohna abawl uleng Minister in nialna bawl hi. Thudang khat ah, tuni zinglam dak 8.30 vel dingin, Nagamapal a om Sapam Dorendro tenna In leng meltheihlouh pasal nih in thau in vakap uh chih thu kiza hi. Hiai thu sut ahihtan in thaukapte kipuang uh chih zaak ahihlouh banah, bangziak a va kap mawk uhiam chih theih hilou hi.
Kuki Revolutionary Army (KRA) Chief Khuplam Hangshing luang tuni in Imphal zinglam dak 9 in Indigo flight in New Delhi apan hongtung a, Kuki Nampi makai tamtak in Airport ah aluang ana dawn uhi. Imphal Dewlaland mun ah sunna neihpih ahih zoh in, Saikul sub-division ah vuiding in puak in om hi. Manipur helpawl 6 kigawmna United People’s Front (UPF) ah Hangsing in Joint Secretary hihna lenlel a, Army leh Government toh Suspension of Operation (SoO) aneih lel laitak uh ahi hi. Thudang khat kiza dan in, Mr Hangsing sihna toh kisai Centre in ngaikhawk mahmah in tuni in Union Home Secretary Madhukar Gupta makaih in Home Ministry a Senior official te leh Intelligence Bureau official te’n Delhi ah kikupna nei uhi. (NNN)
Economic Blockade kipan ding
Senapati, Nov 14: Senapati District Students' Association (SDSA) in Manipur Government kiang a thil phut tuamtuam aneih uh suk buchin ahihlouh ziak in, zingchiang (Ningani) nitak dak 12 apan National Highway 39 ah economic Blockade puang uhi. SDSA thusuak in ataklatna ah, Blockade ahihleh, khauh mahmah ding a, huai choudia kuamah kisalou ding in adeihthu taklang uhi. Peter Kuba, SDSA President in agenna ah, Inter-state bus te leng bandh sung in a taiding uh phal hilou a, passenger gari himhim in National Highway 39 zuitheilou ding uh ahihdan taklang in, November 25 zankim tan total bandh leh blockade ahihdan taklang hi. SDSA Chief in agenbehna ah, SDSA in National Highway 39 hunchiam omlou a khakding a chih pen khawlphot in ni 10 sung chauh ading in sukiam a, himahleh, ni 10 sung a Government in sepkhiak bangmah aneih kei leh, kipan nawn ding uh ahihdan taklang hi. Peter in agenzelna ah, bandh in truck taivel te leh state pua kan a tai bus te huam mahleh, inter-district transporter te huamlou ahihdan gen in, mipite’n theisiam ding in ngen uhi. SDSA in ahihleh, Government kiang ah NH-39 lampi selawta pen puahthak ding in ngen ua, Non Lapsable Central Pool Resources (NLCPR) nuai a kibawl tuikoihna munpi puah a om lel hoihtak a sunzom kin ding in ngetna bawl uhi.
Khuado Concert om ding
Lamka, Nov 14: Khudo Pawi (festival) kichi November 17 chiang in Nanakpura Community Centre, New Delhi ah thupitak in zat sawm uhi. Hiai hun ah New Delhi a om Zosuan pawl tuamtuam te’n kitaitehna tuamtuam leh Namlam lahna nei ding a, Khuado Concert leng neizom ngal ding uh hi’n kigen hi. Hiai hun ah, Burma a Guitarist of the Year 2006 E Tuang makaih in concert om ding chih thu kiza hi.
YPA in Guta toh kisai panla ding
Lamka, Nov 14: Young Paite Associaton Lamka Block thusuak kingah dan in, Lamka leh a sehvel ah hun bangtan hiam paisa apan guta-lata uang mahmah in, mipi a dia thil phatuam Telephone gui, cable gui, electric gui leh tui lawng tamtak gukmang a om ta ahihdan gen uhi. Hiai toh kisai in YPA General Headquarters in ngaikhawk mahmah in, YPA Lamka Block ah theihsakna pia ua, guta-latate matkhiakna ding toh kisai in Village authority leh Police te toh pangkhawm ding ahihdan taklang uhi.
YPA Lamka Block thusuak in genbehna ah, van gutu, leitu leh kawkmuhtu theite’n Police, Village Authority ahihkei leh, YPA kiang ah kintak a zasak ding in ngetna bawl ua, huai kawmkawm in, YPA makaih in veng chih ah nitak teng a duty panta ding uh ahihdan leng puang ua, mipite kithuahpihna ngen uhi.
Music Video album hongkhe ding
Lamka, Nov 14: Rev Dr Douzapau Haokip Memorial Trust in a bawlkhiak thak Gospel Audio and Video Album “Gospel Khuoljin” kichi November 18 (Pathianni) sunnung dak 12:30 in ECT Chapel ah honkhiakna neih hiding hi. Hiai album ahihleh, Phamsa ECCI General Secretary Rev Douzapau theih gige na dia kibawl ahi hi. Rev Dr Th Lamboi Vaiphei in honkhiakna leh Pathian kiang a latna neiding a, ECT Choir te’n phatna la sa ding uhi.
TSP in puandum in tuam
Lamka, Nov 14: Mualpheng leh Songtal kikal a Tuivai lui a November 11 sunnung dak 3-4:00 kikal a kisil lai tangkhial a sihna tuak mi 3, Mr. H. Lianchinthang (22) S/o. (L) Kamzakham of Vengnuam, Mr. Ginzasuan (23) S/o. Singkhum of Dorcas Veng leh Mr. Lunlemsiam S/o. Tonglianmang of Head Quarter vengte tuni’n vuina program om a, huai ah Thangkhal Sinlai Pawlpi (TSP) Headquarters sik-le-tang in T Pauminlian President TSP in Nam puan khat chiat in aluang uh tuamna nei hi.
KNO in suunthu puang
Lamka, Nov 14: Sriniwaspuri, South Delhi ah KRA Commander-In-Chief Khuplam Hangsing in sihna atuah toh kisai in tuni’n Kuki National Organisation (KNO) in naktak a sun uh ahihdan puang ua, a sungkuanpihte leh a nuai asem cadre te ading in khamuanna ngetsak uhi. Kuki helpawl tuamtuam in kigawmkhawm ding simthu a lel lai ua, hiai bang a heutu muanhuai khat in sihna a tuahna ah KNO in poisa mahmah ahihdan leng taklang uhi.
Awareness programme
Lamka Nov 14: SSA nuai a SC/ST Innovative Education tungtawn in CCpur District sung a BRC 6 leh CRC 19 te ading in November 15, 2007 zing dak 10:00 pan in Synod House, Hill town ah‘One day Awareness Programme on VEC&BEC’ neih hiding hi. Hiai hunah State Co-ordinator SC/ST Mr. Sagor Singh leh District Co-ordinator (REMS) Mr. Lulun Gangte te’n sinsakna neiding uhi.Hiai programme ah VEC leh BEC member teng telkim chiat ding in DMC/SSA-CCpur in theihsakna bawl hi.
UZO Executive meeting
Lamka Nov 14: United Zou Organisation (UZO) HQ Executive Committee in hongtung ding November 20, 2007 zing dak 10:00 in UZO Office Chiengkawnpang ah meeting poimohtak neiding uhi. Hiai hunah thupoimoh tuamtuam tamtak ngaihtuah khawm ding uhi.
Siluang te vuiliam hita
Lamka Nov 14: Mualpheng leh Songtal kikal a Tuivai lui ah apaisa November 11, 2007 sunnung dak 3-4:00 kikal a huai lui a kisil lai tangkhial a si mi 3 te luang muhkhiat hita a tuzing dak 1:30 vel in Lamka puaktun in om uhi.Tuikia a sihna tuak Mr. H. Lianchinthang (22) S/o. (L) Kamzakham of Vengnuam, Mr. Ginzasuan (23) S/o. Singkhum of Dorcas Veng leh Mr. Lunlemsiam S/o. Tonglianmang of Head Quarter Vengte hi ua, tuni’n a veng chiat uah vuina om a, ZYA HQ in Zomi puan khatchiat in tuam hi.
Magistrate in sam nawn
Lamka Nov 14: New Lamka Vengnuam EBC Biakinn a August 20, 2006 nitak kikhoplai a thiltung toh kisai a inquiry bawl nilouh a ompen civilian witness bangzah hiam apan in Magistrate in hearing kum paisa sung mah in zouta mahleh sepaih lam apan hearing neihlouh in om nilouh hi. District Magistrate in tukum May 15, June 15, July 27 nite in 27th Sector AR Commdt. Brig. BC Sarmah, 41 Bn. BSF Commdt. Col.SS Sandha,3 Raj Rif.Commdt.Col.PK Jayswal banah 3 (NH) AR Commdt. Col Koj Tari te hearing ding in sam (summon) sek mahleh amaute va kilang ngeilou uhi.
District Magistrate Sumant Singh in hongtung ding November 17, 2007 sun dak 12:00 in hiai atung a Sepaih heutute DC Office Chamber ah inquiry toh kisai a akisaipih lehkha/van poimoh (relevant documents/materials) leh evidence tengtoh mimal a vahoh a Magistrate ma a va kilang ding in November 13, 2007 in sapna(summon) penawn hi.
Thudang kizadan in Sepaih/Army lamte’n hiai case sai ding in District Magistate pen appropriate salou in leh State government in Army te summon bawltheilou chi a pang in hoh ngeilou uhi. District Magistrate in bel State Government in thu apiak dungjui a sam/summon ahihdan gen hi. Hiai case toh kisai Central Government leh State Government kikal ah Case pailel hidan in leng thudang khat kiza hi.
Paite Cultural Meet ah telding
Lamka Nov 14: Mizoram khopi Aizawl ah hongtung ding November 17, 2007 chiang in Paite Cultural Meet neih hiding hi.Hiai hun uapding in SSPP GHQ apan in palai bangzah hiam kuanding ua, amaute khakkhiatna November 15, 2007 zing dak 9:30 in SSPP Complex, Bungmual ah neih hiding hi.
Source: www.zogam.com
>> READ MORE
No comments:
Post a Comment