ZEPADA inntekna in PDS tungtang gen uh
Lamka, 13 Nov 2007:
Zomi Economic Planning and Development Agency (ZEPADA) vaisaina in zanin New Lamka YPA Hall ah Public Distribution System (PDS) paidan tungtang genkhawm uh a, huai ah CDSU, ZSF, DSO (FCS), MLA te’ nominee, sub-agent leh mipi tamtak kikhawm uh a, maban a mautam kialpi hongtung ding tungtang genkhawm uhi. Thugen tuamtuam in kial douna ding Prime Minister’ Relief Fund ngentding, singtang gam a omte a tamtheipen in BPL card a neihna ding uh gelsak ding, Churachandpur District ah FCI Godown omtheihna ding a Cabinet in thupukna bawldia nawhzui ding chih leh thu poimoh tuamtuam genkhawm uhi.
================
ZSF, KSO leh MZP in sunthu puang
Lamka, 13 Nov 2007:
Zomi Students’ Federation (ZSF) GHQ, in Saichhuana, IAS, Addl. Chief Secretary, sihna thu ah suunthu puangkawm in a hunlou taka asihna in Zo suante laka manna liantak tungsak chi’n puang uh a, a innkuante lusunna thuakpih thu leng puang uhi. KSO, Churachandpur in Saichhuana sihthu puaknat thu a puan ban uah a service a thudik lenkip mi leh Chikimi mipite adia gou manphatak hi’n taklang uh a, a innkuante lusunna thuakpihthu puang uhi. MZP HQ in leng Saichhuana sunthu puang uh a, vaihawmtu gel ahihziakin a sihna ah Manipur a Mizo community adia manna lian petmah hi’n puang uhi.
========================
Saichhuana, IAS, Addl CS, Manipur luang hongtung
Saichhuana, IAS, Additional Chief Secretary (Forest & Environment, hort & SC, PHED) Govt of Manipur, sinna ziakin zanhal sunnung dak 2:50 velin Kolkatta a Nightingale Diagnostic Centre a si aluang Jet Airways in Kolkatta apan hong kipua in sunnung dak 2:50 velin Lamphelpat a a official quarter hongtung hi. Amah tenna quarter a sunna hun ah CM O Ibobi leh Minister tuamtuam, Manipur CS Jarnail Singh, IAS, leh Mani Charenamei, MP (LS) telin milian leh lal tamtakin amah zahna leh sunna in aluang tungah pak (wreath) koih uhi. Manipur Governor Dr SS Sidhu in sunna thu puang a, Manipur Govt in leng Nov 13, 2007 zinglam dak 10 in Manipur Secretariat South Block a Conference Hall ah sunna (condolence meeting) zangding uhi.
Lamphelpat a Presbyterian biakinn ah Nov 13,2007 zinglam dak 9 in amah khakna kikhopna omding a, zinglam dak 10:30 in Lamphelpat a a official quarter akipan in Tulihal Airport zuatpih hiding a, huai apan Indian Airlines in aluang Aizawl ah poding uhi. Amah Nov 14, 2007 in Aizawl ah kivui ding hi.
======================
Delhi ah KRA Chief kaplup in om; UPF in suunthu puang
Muanhuaitak apan kizadanin zanhal nitak zansawt nungin meltheihlouh pawlkhat in New Delhi ah Khuplam Hangsing @ K. Hangshing, C-in-C, Kuki Revolutionary Army (KRA) kaplum uh chihthu om hi. Amah New Delhi a Ashram area ah a naupa David Hangsing’ inn luahna mun a va om hi’n kigen a, kuate kaplu hia, bangziak hiam chih akipuang om nailou hi’n gen uhi. United People’s Front (UPF) a Information Secretary T. Samuel in K. Hangshing, C-in-C, KRA suunthu puangkawm in amah Jt. Secy, UPF ahihthu taklang a, Hangshing kaplumtute suikhiak ahihnailouh dan leng puang hi. Amah Chin-Kuki-Mizo-Zomi a revolutionary organization tuamtuamte kigawmkhawmna dinga hahtaka panla ahihdan leng taklang kawmin amah omlouh nam adia hukdim vuallouh manna hi’n puang hi. UPF in tualthatte mohpaihna sangpen a mohpaih in amah thah ahihna ziak leng suikhe teitei ding chih puang hi. UPF in India khopi hilhial a leng hiaibang kithahna omthei lamdan gsakthu leng puang uh a, central Govt in thil omdan suikhe dingin leng nawh uhi.
=======================
Tuivai lui ah 3 kia; 2 kimu nailou
Thanlon Sub-Divn sung, Mualpheng-Songtal kikal ah zanhal nitaklam dak 3 velin mi hunkhop khualzin pailai Tuivai lui a kisilte lakah mi 3 tui ah kia uh a, huai kim a khua omte apan mipi in zanhal nitak apan Tuivai dung ah zong uh a, zanin Ginzasuan (26) s/o L. Singkhum of Hebron Veng, New Lamka, sisa in mukhia uh a, nitak dak 8 velin Lamka zuan in honua uhi. Hileleng, Lianchinthang (22) s/o (L) Kamzakham of Vengnuam, New Lamka, leh Samuel Lunlemsiam (23) s/o Tonglianmang of HQ Veng, Lamka West, bel tuni tannin leng aluang mukhe nailou uh hi’n thu kiza hi.
Source: www.zogam.net
Lamka, 13 Nov 2007:
Zomi Economic Planning and Development Agency (ZEPADA) vaisaina in zanin New Lamka YPA Hall ah Public Distribution System (PDS) paidan tungtang genkhawm uh a, huai ah CDSU, ZSF, DSO (FCS), MLA te’ nominee, sub-agent leh mipi tamtak kikhawm uh a, maban a mautam kialpi hongtung ding tungtang genkhawm uhi. Thugen tuamtuam in kial douna ding Prime Minister’ Relief Fund ngentding, singtang gam a omte a tamtheipen in BPL card a neihna ding uh gelsak ding, Churachandpur District ah FCI Godown omtheihna ding a Cabinet in thupukna bawldia nawhzui ding chih leh thu poimoh tuamtuam genkhawm uhi.
================
ZSF, KSO leh MZP in sunthu puang
Lamka, 13 Nov 2007:
Zomi Students’ Federation (ZSF) GHQ, in Saichhuana, IAS, Addl. Chief Secretary, sihna thu ah suunthu puangkawm in a hunlou taka asihna in Zo suante laka manna liantak tungsak chi’n puang uh a, a innkuante lusunna thuakpih thu leng puang uhi. KSO, Churachandpur in Saichhuana sihthu puaknat thu a puan ban uah a service a thudik lenkip mi leh Chikimi mipite adia gou manphatak hi’n taklang uh a, a innkuante lusunna thuakpihthu puang uhi. MZP HQ in leng Saichhuana sunthu puang uh a, vaihawmtu gel ahihziakin a sihna ah Manipur a Mizo community adia manna lian petmah hi’n puang uhi.
========================
Saichhuana, IAS, Addl CS, Manipur luang hongtung
Saichhuana, IAS, Additional Chief Secretary (Forest & Environment, hort & SC, PHED) Govt of Manipur, sinna ziakin zanhal sunnung dak 2:50 velin Kolkatta a Nightingale Diagnostic Centre a si aluang Jet Airways in Kolkatta apan hong kipua in sunnung dak 2:50 velin Lamphelpat a a official quarter hongtung hi. Amah tenna quarter a sunna hun ah CM O Ibobi leh Minister tuamtuam, Manipur CS Jarnail Singh, IAS, leh Mani Charenamei, MP (LS) telin milian leh lal tamtakin amah zahna leh sunna in aluang tungah pak (wreath) koih uhi. Manipur Governor Dr SS Sidhu in sunna thu puang a, Manipur Govt in leng Nov 13, 2007 zinglam dak 10 in Manipur Secretariat South Block a Conference Hall ah sunna (condolence meeting) zangding uhi.
Lamphelpat a Presbyterian biakinn ah Nov 13,2007 zinglam dak 9 in amah khakna kikhopna omding a, zinglam dak 10:30 in Lamphelpat a a official quarter akipan in Tulihal Airport zuatpih hiding a, huai apan Indian Airlines in aluang Aizawl ah poding uhi. Amah Nov 14, 2007 in Aizawl ah kivui ding hi.
======================
Delhi ah KRA Chief kaplup in om; UPF in suunthu puang
Muanhuaitak apan kizadanin zanhal nitak zansawt nungin meltheihlouh pawlkhat in New Delhi ah Khuplam Hangsing @ K. Hangshing, C-in-C, Kuki Revolutionary Army (KRA) kaplum uh chihthu om hi. Amah New Delhi a Ashram area ah a naupa David Hangsing’ inn luahna mun a va om hi’n kigen a, kuate kaplu hia, bangziak hiam chih akipuang om nailou hi’n gen uhi. United People’s Front (UPF) a Information Secretary T. Samuel in K. Hangshing, C-in-C, KRA suunthu puangkawm in amah Jt. Secy, UPF ahihthu taklang a, Hangshing kaplumtute suikhiak ahihnailouh dan leng puang hi. Amah Chin-Kuki-Mizo-Zomi a revolutionary organization tuamtuamte kigawmkhawmna dinga hahtaka panla ahihdan leng taklang kawmin amah omlouh nam adia hukdim vuallouh manna hi’n puang hi. UPF in tualthatte mohpaihna sangpen a mohpaih in amah thah ahihna ziak leng suikhe teitei ding chih puang hi. UPF in India khopi hilhial a leng hiaibang kithahna omthei lamdan gsakthu leng puang uh a, central Govt in thil omdan suikhe dingin leng nawh uhi.
=======================
Tuivai lui ah 3 kia; 2 kimu nailou
Thanlon Sub-Divn sung, Mualpheng-Songtal kikal ah zanhal nitaklam dak 3 velin mi hunkhop khualzin pailai Tuivai lui a kisilte lakah mi 3 tui ah kia uh a, huai kim a khua omte apan mipi in zanhal nitak apan Tuivai dung ah zong uh a, zanin Ginzasuan (26) s/o L. Singkhum of Hebron Veng, New Lamka, sisa in mukhia uh a, nitak dak 8 velin Lamka zuan in honua uhi. Hileleng, Lianchinthang (22) s/o (L) Kamzakham of Vengnuam, New Lamka, leh Samuel Lunlemsiam (23) s/o Tonglianmang of HQ Veng, Lamka West, bel tuni tannin leng aluang mukhe nailou uh hi’n thu kiza hi.
Source: www.zogam.net
No comments:
Post a Comment