Behiang trade centre toh kisai Myanmar phuut hita: GK Pillai : “Do not find fault, but find the solution”: Pu Biaklun Shoute
Lamka, Nov 13: Siamsin Conference-cum-DIAFEST 2007 kichi SSPP Delhi JHQ makaihna toh November 8 2007 IN Air Force Auditorium, Subroto Park ah neih in om a, hiai hun uap ding in khual leh tual a om siamsin tamtak paikhawm in kumdang a mipi paikhawm sang mah in tam zaw kia genlouh a tampen hiding a gen hilai a, mihing 2000 val paikhawm zou hi’n kigen hi. Hiai hun ah, Grace D Nemching, President JHQ Delhi in khawmpi pailaite chibai buukna nei in, Pu N.Vumsuan makaih in phamsa te sunna neih in om hi. President SSPP GHQ Pu Siamnunlian Valte’n siamsinna lama I gam leh nam adia pantheihna lamlam a pang dingin mipite kiangah chialna a bawl ban ah employee i hihna apan a employer hih ding a poimoh dan uangtak in gen. Agriculture, Industrial leh IT development lam ngaihsak a nei a maban kalsuan ding ahihdan zong gen behlap hi.
Hiai hun a Guest of Honour Mr GK Pillai, Secretary, Ministry of Commerce & Industry, Govt of India in thugenna nei in, tua hun ah, aman chiamteh tuak leh thil thupi mahmah bangzah hiam geenkhia hi. Koimun peuh ah om lehang leeng i tawndan te mangngilh ngeilouh ahoihdaan taaklang a, Manipur dinmun in hoihlam nawt tuanlou hi'n geen. "Delhi khawng leh India gam mun tuamtuam ah siamsin mi tamtak na hong paikhia ua, hiai ahihleh kipahna lam sang in khasiat huai thil ahizaw. Lamka bangchi tuk a puuksia hiam chih a hon taaklang," chi hi.
Mipi paikhawm 2000 veel diing te mai ah, Mr GK Pillai in, "You have to restore Lamka to its original glories and greatness," (Nidang a Lamka' paaklutna leh thupina te na tun ding kiiknawn diing uh ahi) chia a geen in mipi te' zou mahmah hi.
"Behiang, Border Trading Post ahihtheihna diing in phualpi solkaal in Kawlgam vaihawmtu te phu ta a, himahleh amau lam a kipan dawnna mumal muh hinailou," chi hi. Aman Kawlgam vaihawmtu te apan dawnna hoihtak a kimuh chiang a hiailam a kipan panlaakna pat hingaal diing in haanlung chiam in thugenna nei a, Paite puandum silhsakna leng neih in om hi. Aman “you have to restore Lamka to its old glory” chi in mipite chial hi. Tua banah Behiang border trade a piankhiak theih nangin ka theih tawp suahin ka pang ding chih behlap. Chief Guest Lt. Gen. Z.U.Shah, Deputy Chief of Army Staff leng Paite puandum silhsak in om hi. Aman thu a genna ah Paite kampau zangte’n a pau uh a mansak louh ziak un ngaisang mahmah ahihdan gen a, pau kembit apoimoh dan gen hi.
Pu Biaklun Shoute, Co-ordinator, SSPP JHQ Delhi Siamsin Conference-cum-DIAFEST leh Lamka Post in telephone tungtawn in houlimna nei a, huai ah Pu Biaklun Shoute in agenna ah, Delhi kilchih apan Siamsin hiai zah leh nulepa hiai zah in conference a uap uh a muh chiang in kipahna ziak a abiang ah khitui luang ahihdan gen a, mipite kithuahpihna ziak in kipaklua ahihdan leng gen hi. Lamka Post in SIMAS toh kisai chik chiang a neih hinawn ding hiam chih dotna abawl, Pu Shoute in agenna ah, kumteng in neih hilou ding a, himahleh, khang kikheng hat mahmah ahih ziak in, khangthakte’ ngaihdan leh utdan dot hi zel ding a, huai dungzui in style tuamtuam leh award tuamtuam leng saizel theih ahihdan gen in, quotation thupi a sak mahmah khat “Do not find fault, but find the solution” chi hi. Pu Shoute in, hiai conference ssppyahoogroups, zogam.com,zogamonline.com leh The Lamka Post in full coverage apiak ziak un leng kipahna gensenglouh baa ahihdan gen hi.
SSPP Delhi in, tutung in Sports leh Conference aneih na ding utoh kisai in Company tuamtuam, Airtel, Hindustan Unilever, Nokia, Lux leh Reliance company te’n sponsore bawl uhi. Hiai company sponsore na ding toh kisai a panlatu Pu Biaklun Shoute tung ah mipite kipak mahmah uh chih khawmpi siim te leh mun tuamtuam apan kiza hi. SIMAS toh kisai in Lifetime Achievement Award ah Rs 10,000 piakin om a, award dangteng Rs 5,000 chiat piak in om uhi.
K Hangsing sek a khetlup hizaw
New Delhi, Nov 13: Kuki Revolutionary Army Commander In Chief K Hangsing sihna toh kisai in, Lamka pansan newspaper te’n kaplup a om hidanin gelhchiat mah le uh Delhi apan Times of India in anuai abang in thuchiang zaw gelh hi. K Hangsing (35) ahihleh, ni 20 paisa in Delhi zin a, anaupa Innluahna, South Delhi a Hari Nagar kimlak a Ashram mun pansan in om a, Pathianni nitak dak 12:30 vel ding in sek (hammer) a khetlup a om ahi chi uhi.
Thang Len, Kuki Students Federation in agenna ah, Kuki helpawl makai khat hiai bang a asihna KSF in mohpaih mahmah ahihdan gen hi. Delhi Police thusuak in agendan in, nitak dak 12:30 velding in pasal 10 vel David Hangsing Innluahna ah a sawng thumna ah va lut in thakhat thu in va kiboh huan uh hi’n gen uhi. Hangsing Innluahpihte lak a asawng nihna a teng Mrs Preeti Saini in agenna ah, ‘‘nitak in TV ka en ua, huailaitak in inn tunglam apan thawm lau huai mahmah khat hong ginga, inn tung luahte khat hong tai suk in, aman leng liamna tuak kawm in, a khut teng hen in om a, panpih ding in hong ngen a, kintak in Police ka sam pah ngal uh” chi hi.
Preeti Saini in agenbehna ah, sihna tuak pasal pe’n inn tual ah zawnkhiat suk in om a, a sisan kai neunuau in gim mahmah a, kintak in All India Institute of Medical Sciences (AIIMS) puak tung in om chi hi. Anil Shukla, Deputy Commissioner of Police (South) in agenna ah, ‘‘Mr Hangsing autopsy lak in om a, huai ah thautang kapna ma muh ding om lou in, sek (hammer) akhetlup ahihdan chiang hun tawk mahmah ahi” chi hi. Srinivaspuri police station ah case khat chiamteh in om a, Police te’n buaina hun a om kha Hangsing sanggampa tel in a lawm le vualte thudotna neilel uhi.
KRA Chief K Hangsing luang ahihleh, zingchiang in Indigo Flight ah zinglam dak 9:05 in Imphal Tulihal Airport puaktung hiding hi.
Kintak a join din theisak
Lamka Nov 13: National Rural Health Mission (NRHM) nuai Contract basis a sem ding Nurse lak a om ANM 26 leh GNM 3 te Posting mun ding toh kisai apaisa November 8, 2007 a hihfel ahihtakziak in nurse te’n a sepna ding uh DFWO leh MO i/c PHC, CHC te kiang ah a kintheilam a ki-report ding in Dr. S. Gouzalam, CMO/CCpur in tuni’n theihsakna bawl hi.
Semtu ding la
Lamka Nov 13: Lamka Damdawi inn a Anti-Retroviral Treatment (ART) Centre a Contract Basis a kum 3 sung sem ding Nurse 1 lakna ding toh kisai a apaisa November 3, 2007 sunnung dak 1:00 in Medical Superintendent office ah interview neih in om hi. Hiai hun ah candidate 26 telte lak ah Ms. S. Dimlunching Zou of HmarVeng lak in om hi.
Nau neilou dia kibawlsakte sum
Lamka Nov 13: Lamka Damdawi Inn a Post Partum Centre leh Operation Threatre ah July 2007 tan in Numei leh Pasal gawmkhawm in mi 237 te’n nau neilou ding in kibawlsak (sterilization nei) ua, pasal 6 in Non Scalpel Vasectomy (ki-get) sak uhi. Hiai mi 243 te ading in panpihna sum (mi khat ah Rs.450/- jel) hongtung a DFWO/CCpur office ah office hunsung in laktheih ding hi.
Medical Store i/c toh kop ding
Lamka Nov 13: District Leprosy Officer/CCpur Dr. T. Pumzathang in thuthak omnawn masiah Lamka Damdawi inn a Medical Store a In-Charge hihna toh kop ding in tuni’n CMO/CCpur in thusuah bawl hi.
Volley Ball ah selection ngah
Lamka Nov 13: State Level Inter-school Tournament-2007 apaisa November 6-8, 2007 sung Imphal a Khumanlampak Main stadium ah neih a om ah CCpur district ai-oh a Volley Ball (girls) kimawl te lakah Ms. H. Bembem in Selection ngah a hongtung ding November 24-30, 2007 sung Dehradun ah State ai-oh a kimawl ding in kuan ding hi.
Job Card zousiang nailou
Lamka Nov 13: NREGS tungtawn a ni 100 sepna neih ding toh kisai in kisakkholhna naktak a neih in omlel hi.Veng khenkhat in bel NREGS toh kisai in nasep panta mahle-uh huaite sem dia sawl hinailou uh hidan in thukiza hi. Job card toh kisai veng khenkhat ah hawmkhiat ahihnailouh toh kisai Lamka post palai in SDO/CCpur Mr. S. Naba Singh, MCS dotna abawlna ah Job Card toh kisai screening bawlkawm ahihziakin kintak a counter-signature bawltheihlouh hi a himahleh atmzaw bel zoh hidan in SDO/CCpur in gen hi.
Stress Management Workshop nei
Lamka Nov 13: India gamsung a sepaih tuamtuam omte lakah mahni kithat (suicide) tamluat ziak in hichibang a mahni kithahna kiam ding deihna in 3 (Naga Hills) Assam Rifles in tuni zing dak 8:30 apan in Headquarter veng a a Battalion HQ uah ‘Workshop on Stress and Man Management’ nei uhi. Hiai Workshop ah Officer 5, JCOs 21 banah Rank tuamtuam 175 te tel ua amaute Lamka Damdawi inn a Psychiatrist Dr. Guneshwor Singh leh Asst.Comdt.Dr. M.L. Sharma, 3(NH) AR te’n stress toh kisai leh a hihkiam ding dan sinsakna nei uhi.
National Children Day zang ding
Lamka Nov 13: New Lamka Vengnuam a om The Bliss Island Cnetre in zingchiang November 14, 2007 sunma dak 12 iln Bliss Island Campus ah The International Chldrens Day 2007 zang ding uhi.
Hiai hun zatna ah, Smt. Th. Binasakhi Devi, District Social Welfare Officer, CCpur in khuallian hihna toh uap ding hi. Hiai hun ah naupangte etnop mibangloute film toh kisai Video Show leng om ding hi’n a saitute apan thutut kingah hi.
SSPP in BSNL zasak
Lamka Nov 13: Siamsinpawlpi Lamka Block in khopi sianthouna ding a dust bin a bawlte a zatna ding bangtak a zang ding a theisak kawm in hiai dust bin kikoihte kuaman gu lou ding in theisak bawl uhi. Tuabanah, sianthouna toh kisai a kizang truck in kho lai a niin buak theihna dia Nilaini teng a hong kidoh gige ahihtak man in hiai a michih in mahni niin chiat pai khawm ding inleng theisak hi.
Thusuakin a taklatna ah, BSNL in khopi sung lampi tuamtuam a cable khunna dia lampi a toh kuakte hoihtak a vuk ahihlouh ziakin lampi naktak in susia ahihman in nipi kal 2 sung ngeingei a bawl hoihtuak omte bawlhoih nawn ding inleng theisak hi. Tua banah, khopi sung a telephone gui hun sawttak apan guk mang a omzel pen kuaman gu nawnlou ding inleng ngen uhi.
Khuga Canal-2 enkhe ding
Lamka Nov 13: Khuga Dam Multi-purpose left canal in a tot khakna mun a mun-le-mualte (Land Acquisition) etkhiakna a kisaipih department in nei ding a, hiai toh kisai a gen-le-sak neinuamte’n document kichiantak tawi in November 16, 2007 apan in DC/CCpur office ah a saitute kimuhpih theih ding hi.
SUNNA: Jamkhanneng (72) F/o B Tuankhopau of Bungpilon zan nitak dak 6:30 in a khua uah sungna in si a, tuni in a luang Bungpilon Hanmual ah vuiliam in om hi.
IMPHAL NEWS:
NSCN IM leh ULFA kal sousang sem di’n kilang
Dimapur, Nov 13: NSCN (I-M) nuai a MIP in ULFA leh NSCN IM kikapna toh kisai in tuni in hilhchetna bawl ua, huai ah Pathianni nitak a Mon District sung a Tizit Petrol pump a pawl nihte kikaptuahna ULFA member te hihkhelh ziak ahihdan taklang uhi. NSCN IM in hilhchetna a bawlna uah, koi gam koi gam ah helpawl om vek a, helpawlte’n mahni bial nei chiat ahihdan taklang ua, zan hal nitak in leng ULFA in NSCN IM bial ah phalna bei in lut ua, phetlou in, ULFA in information bangmah NSCN IM kiang ah pelou ahihdan gen uhi.
NSCN IM thusuak in agenbehna ah, ULFA member khat in sihna a tuah poisa uh ahihdan gen in, liamna tuak leh midang 2 mang te NSCN IM pimang hilou in, Police custody ah om uh hizaw ahihdan taklang ua, midang 1 bel NSCN IM Custoday ah etkol a om lel ahihdan gen uhi. NSCN IM in agenbehna uah, ULFA in phalna bei a NSCN IM area alut na utoh kisai in NSCN IM tung ah thupha a tawi hunhun in a mat tang uh mi 1 khahkhiak theih hidingin gen uhi. NSCN IM thusuak n agenzelna ah,kaplup a om student ahihleh, nautang hilou in ULFA adia thuguuk pesawntu ahihdan gen ua, ULFA helpawl khat ahihna toh NSCN IM in zahna a piaklai a, ngapthoh tak a Naga bial alut uh NSCN IM in pomthei lou ahihdan leng gen uhi.
Stable Govt. om nak leh mipite deihdan pichin chih SPF sorkal naa ahi - T.N.Haokip
IMPHAL NOV 13: Chief Minister O.Ibobi Singh makaih SPF sorkal nuai a Information Minister T.N.Haokip in tuni a thusuah abawl na ah, mipite deihdan muh leh ngah ahihna dinga nasep kichi, SPF sorkal naa ahihdan taklang hi. Information Minister thusuah a kitak lang bangin, kum bangzah hiam paisa apat, MLA/Minister tamtak in dinmun deihna ziakin,
pawl khat apat tailut leh taipawt chiing uh a, tuaziakin sorkal dettak leng omthei lou chih mipin theisiam ta hi. Govt. semtute khaloh leng pezoulou kia hilou in, developmental work sepzoh louh in tampi ana om ngei hi. Hichibang te ziakin, singtang gam a zat ding fund te tunglou in ana omsek a, hiai in phaijang leh singtang gam kikhesak a theih leng ahi.
Himahleh, hun paisa kum 5 vel apat SPF sorkal, O.Ibobi Singh makaih na nuai ah, financial discipline leh political discipline maintained in omta a, State in mailam nawttou jel hi. Tuni chiangin, sorkal a semtuten ahun hun in khaloh latheita uhi. Contractor te sepman sum te leng, atamzaw sorkal in piak zoh hita. Apoimoh mahmah, mipi te deih leh
lunggulh mun siangthou a kigen, Kangla apat leng Assam Rifle te suankhiak hita a, mipi kianga piakkhiak hita hi. Hiai kia leng hilou in, sorkal in mipi ading khualna toh Imphal Municipal area sunga assembly segment 7 apat, Armed Forces Special Power Act, 1956 leng lakhia chi’n Information Minister TN Haokip in taklang hi.
TN Haokip in a genzelna ah, sawttak ngaihtuah ahihnungin, Manipur a Primary level Class III tan ah, Meitei Mayek sinsakna leng pat ahi. Manipur leh state polam kikawm tuah theihna, NH 39 chauh zuih theih himahleh, mipi te haksatna te theikawm in, NH 53 puahthak leh zuih theih dia bawl hinawn ta hi. Railway line Jiribam apat Imphal lut ding nasep
leng pat hita. Singtang gam a lampi leh lei te bawl in singtang leh phaijang kikawm tuahna baihlam na ding geelna lianpi toh nasep pailel lai chi hi.
Infrastructure tuamtuam school building, hospital, block office chih te tampi bawlkhiak hi a, kimawlna lam adingin leng district teng ah, Mini sports complex bawlna ding pat hita hi’n Minister Haokip in gen a, Kum tampi paisa apat zohlouh project tuamtuam te leng, hun bikhiah sunga zoh dia ngim hita chi hi. Manipur a helpawl toh kisai a, Political dialogue tungtawn a solution om theihna dingin sorkal in, Road Map gelh a nasep leng pat hita ahihdan Minister in theisak hi.
Hichibang teng, SPF sorkal in mipi kithuahpihna toh asepsuah theih hidan in leng Information Minister in taklang a, term masa ah, O.Ibobi Singh makaih mah SPF sorkal in, na hoihtak asep mipin theihpih a, tuaziakin tutung election ah Congress in majority ngah in, mipin O.Ibobi Singh makaih SPF sorkal nuai a, alam et uh Manipur kipumkhatna kepbit ding leh mailam a kalsuan ding chih tua SPF sorkal in a thawn suak saklou ding ahi chi hi. Manipur leh state dang teh in bel, a kisam tampi om kha ding, himahleh hichibang te stable sorkal a om nak leh, mipi toh kithuah a sep buchin hiding chih, O.Ibobi Singh makaih SPF sorkal gintak mahmah ahi chi’n TN Haokip I&PR Minister in gen hi.
Congress sunga kikhen na thupitak omdia gintak ahi
IMPHAL NOV 13: Manipur a SPF sorkal makaih tu O.Ibobi SIngh khenkhiak sawm a panla te tunitan Delhi a ki-camp in omlai uhi. Hichibang kal ah, MPCC President Gaikhangam leng Delhi mun a omlai hidan a gen ahi. O.Ibobi Singh khenkhiak sawm a panla te toh kisai a AICC in asap hidan a kigen, Phungzathang Tonsing, Nov 11 a Delhi zin tuni zinglam in Imphal hongtung kik nawnta a, himahleh, Delhi apat hongtun nung, nitaklam dak 5 tan in leng CM akimuhpih chih thu zak om nailou hi.
O.Ibobi Singh khenkhiak sawmte lohchin theihna dingin, kuan makaih a CM dinmun len ding chih mipite ngaihdan omthei suak hi. CM dinmun len thei dia gen khak te lak ah, Cabinet minister Th.Debendra senior mah leh, CM dinmun hial len din bang achi dia? chih ahihban ah, aman leng hun paisa a, hichibang dinmun piak hileh leng lalou ding ahihdan athugen omsa ahi hi. MPCC President Gaikhangam leng AICC in CM hial dinmun len dia mohpuakna pe dingin gintak huailou suak hi.
Cabinet Minister mah Y.Irabot leng senior Congress minister khat suak a, himahleh, amah leng makai tu hial dingin gintak huailou hi. Bangteng hileh, O.Ibobi Singh khekkhiak sawmna Nov 15 tan thuchian omdia gintak ahihban ah, sorkal thak a om ding leh Nov 18/19 vel a dingkhe dia zou dia lam en leng mi tamtak om hi.
Cooperative week zatna om ding
IMPHAL NOV 13: Manipur State Cooperative Union leh Cooperative department, NCUI Coop. Education Field Project leh NCUI Women Coop kithuah in, 54th All India Cooperative Week celebration, 2007 HRD Networking in Cooperative chih thupi pansan in zatna om ding hi. Hiai hun honkhiakna Nov 14, 2007 nitaklam dak 1 in Kuki Inn Imphal ah om dinga, tuahun ah, L.Jeyantakumar Minister Seri/Tpt/Edn leh President in H.Imocha Singh IAS Commissioner Tpt./Coop ban ah Guest of honour dingin, Kh.Borkeshor Singh President, MSCU Manipur te pang ding uhi.
Saichhuana suunna hun zang uh
IMPHAL NOV 13: Manipur govt. nuai a Additional Chief Secretary Saichhuana IAS in Nov 11, 2007 ni a sihna atuah toh kisai in, JAC of AMTUC leh AMGEO in amah suunna hun Nov 12, 2007 nitaklam dak 3 in JAC office Babupara ah nei uhi.
Hiai hun ah President K.Madhumangol Singh in makaih a, member ten minute 2 sung dai dide in suun uhi. Manipur govt. in leng tuni zinglam dak 10 in Old Secretariat South Block conference ah Saichhuana suunna hun zang uhi. Manipur Forest department leh PHED ten leng suunna hun zang uh chih thu kiza hi.
Mamit Police in hilhchetna bawl
Aizawl, Nov 13(NNN): Mizoram state sung a Mamit Police station apan thusuak kingah dan in, State Bank of India Mamit Branch Manager sumlem ziak a mat a om chi a local paper tamtak a kisuah toh kisai in hilhchetna bawl ua, thuzuau pumlum ahihdan taklang uhi. Mamit SP Neihchungnunga in agendan in, SBI Branch Manager Nicky Lalsangliana Police in man kichi pen thuzuau ahihdan taklang ua, huai naak sang mah in, SBI staff te’n hiai thu suina ah naktak in kithuahpih uh chih ding hizaw ahihdan gen ua, Bangladesh apan hiai sumlem te honglut ahihdan Police in gen uhi.
Mamit police thusuak in ataklat behna ah, Bangladesh apan Indian Fake currency tamtak hong lut in, Tripura hontawn masa a, huai apan Mizoram puaklut a om ahihdan gen ua, mat a om mi 4 te lak ah SBI staff khat mah leng telkha lou ahihdan taklang uhi. Neihchungnunga in agenna ah, hiai thu toh kisai police in suizuina nei in, hoihtak in kalhkhiak vek ut a pan alak lai in, media te’n naktak a akapkhiak ziak un, a thilsui na uh buai ban mahmah ahihdan gen a, mat a om mi 4 te lak ah mi 3 te Police in thudotna neilel a, thil sautak mukheta uh ahihdan SP in gen hi.
Pastor 1 sihna thu veng nailou
Aizawl Nov 13(NNN): Tukum February 28 ni a sihna tuak Rev Chanchinmawia tungtang tuni tan gen veng hinailou a, phetlou in, atanchin pholh thakthak in om a, thil lamdang pi suakthei leh kilawm hi. Director General of Police, Mizoram apan retired Lalngheta Sailo, in agenna ah, February 28 ni a sihna tuak Rev Chanchinmawia tungtang tuni tan sukveng ahih nailouh na tung ah lamdang sak thugen in, amah leh amah kithat hiding in gintakna neilou a, kuahiam in a thah uh hizaw ding ahi chi hi. Sailo in agenna ah, hiai bang a sihna tuak te tungtang Police a apan lai in naktak in suikha a, tuni tan a document tuamtuam a et-te lak ah Chanchinmawia a kithahna ding thu om lou himhim ahi chi hi.
Rev Chanchanmawia a hihleh, zingkal thou baih himhim mi hi a, zingkal chiang in walking paisek a, huaizoh chiang in, thumna nei in, Laisiangthou sim gige hi. DGP lui Sailo in Pastor Chanchinmawi a sihna toh kisai amah leh amah kithat a chih uh gintak huai hetlou ahihdan gen kawm in, lungsim buaina leng neilou himhim ahihdan gen hi. Aman agenbehna ah, Pastor pa thahna ding in alou theilou in mi 2 kihel uh a, zingkal a Pastor pa a varanda a atutlai pasal nih va pai in, khat in pastor pa houpih a, huailaitak in anunglam apan khatpen in agawl a at hiding in gintakna nei hi. Pastor pa gawl ki at dan apan in leng thil tamtak chiang thei ahi chi’n Sailo in gen hi.
West Khasi Hills apan Nepali te nohkhe ding
Shillong, Nov 13(NNN): Meghalaya state sung a West Khasi Hills a om Nepali namte pawtkhe ding in West Khasi Hills Students Union (WKHSU) in tuni in theihsakna bawl ua, thupiak zahtak ahih kei leh, WKHSU in panlak kipan ding ahihdan taklang uhi. Thusuak kingah dan in, West Khasi Hills gamgi zul a Langpih khua ah, zan leh zanhal in helpawlte va lut in mi nautang 5 va soisa uh hi’n kigen hi. Langpih ahihleh, Shillong khopi apan Km 250 a gamla ahi hi.
WKHSU thusuak in agendan in, Nepali helpawl dia gintakte’n Langpih khua va luh uh a, huai ah nautang 5 soisa uh hi’n gen uhi. Assam Government in Meghalaya state toh kikawmtuahna ding lampi abawl sawm na utoh kisai in khosung mite’n anan ziak ua Nepali helpawlte thangpai uh hidingin leng gintakthu kigen hi. Shillong ah 1987 in buaina thupitak piang a, huai ah Nepali te teng ngamnawnlou in taikhia ua, Langpih kho kiim lak ah teng uh hi’n kigen hi. WKHSU general secretary D.Sun in agenna ah, Nepali helpawl om ziak in West Khasi in thuak zeuhzeuh a, huaiziak in, West Khasi Hills leitang apan Nepali te apawt ding uh ahi chi hi.
MLA quarter apan helpawlte gamtang
IMPHAL, Nov 13: Manipur police commando te’n November ni 10 in State Social Welfare Department a Program officer Samjenshabam Angou Singh (54) mankhia uh a, amah apan thil tamtak dongkhia uh hi’n kigen hi. Thusuak kingah dan in, Angou Singh in Social welfare nuai a contractor te apan percent kaikhawm in helpawlte palai in pang hi’n kigen a, Babupara a MLA quarter te apan helpawlte gamtang sek uh ahihdan Mr Singh in gen chi uhi.
Babupara VIP colony ahihleh, Chief Minister bungalow nung a om hi a, August kha in, Commando te’n helpawl 11 MLA quarter te apan mankhia uh a, October kaltawpna in helpawl 3 mah hiai mun apan mankhe nawn uhi. Angou Singh ahihleh, Imphal police station ah November 17 tan kep hiding a, a tung ah action lak hiding in kigen hi. State chief secretary, Jarnail Singh in October 31 in order suah a, helpawlte toh kizopna nei Government official peuhmah National Security Act nuai ah mat hiding in gen hi. Police thusuak in agendan in, MLA, Borajao Singh tenna Inn Babupara ah UNLF pawl in Angou Singh sam zel in, aman leng Contractor te apan a sum cut khiak te huai mun mah ah va pelut zel hi’n gen uhi.
Source: www.zogam.com
Lamka, Nov 13: Siamsin Conference-cum-DIAFEST 2007 kichi SSPP Delhi JHQ makaihna toh November 8 2007 IN Air Force Auditorium, Subroto Park ah neih in om a, hiai hun uap ding in khual leh tual a om siamsin tamtak paikhawm in kumdang a mipi paikhawm sang mah in tam zaw kia genlouh a tampen hiding a gen hilai a, mihing 2000 val paikhawm zou hi’n kigen hi. Hiai hun ah, Grace D Nemching, President JHQ Delhi in khawmpi pailaite chibai buukna nei in, Pu N.Vumsuan makaih in phamsa te sunna neih in om hi. President SSPP GHQ Pu Siamnunlian Valte’n siamsinna lama I gam leh nam adia pantheihna lamlam a pang dingin mipite kiangah chialna a bawl ban ah employee i hihna apan a employer hih ding a poimoh dan uangtak in gen. Agriculture, Industrial leh IT development lam ngaihsak a nei a maban kalsuan ding ahihdan zong gen behlap hi.
Hiai hun a Guest of Honour Mr GK Pillai, Secretary, Ministry of Commerce & Industry, Govt of India in thugenna nei in, tua hun ah, aman chiamteh tuak leh thil thupi mahmah bangzah hiam geenkhia hi. Koimun peuh ah om lehang leeng i tawndan te mangngilh ngeilouh ahoihdaan taaklang a, Manipur dinmun in hoihlam nawt tuanlou hi'n geen. "Delhi khawng leh India gam mun tuamtuam ah siamsin mi tamtak na hong paikhia ua, hiai ahihleh kipahna lam sang in khasiat huai thil ahizaw. Lamka bangchi tuk a puuksia hiam chih a hon taaklang," chi hi.
Mipi paikhawm 2000 veel diing te mai ah, Mr GK Pillai in, "You have to restore Lamka to its original glories and greatness," (Nidang a Lamka' paaklutna leh thupina te na tun ding kiiknawn diing uh ahi) chia a geen in mipi te' zou mahmah hi.
"Behiang, Border Trading Post ahihtheihna diing in phualpi solkaal in Kawlgam vaihawmtu te phu ta a, himahleh amau lam a kipan dawnna mumal muh hinailou," chi hi. Aman Kawlgam vaihawmtu te apan dawnna hoihtak a kimuh chiang a hiailam a kipan panlaakna pat hingaal diing in haanlung chiam in thugenna nei a, Paite puandum silhsakna leng neih in om hi. Aman “you have to restore Lamka to its old glory” chi in mipite chial hi. Tua banah Behiang border trade a piankhiak theih nangin ka theih tawp suahin ka pang ding chih behlap. Chief Guest Lt. Gen. Z.U.Shah, Deputy Chief of Army Staff leng Paite puandum silhsak in om hi. Aman thu a genna ah Paite kampau zangte’n a pau uh a mansak louh ziak un ngaisang mahmah ahihdan gen a, pau kembit apoimoh dan gen hi.
Pu Biaklun Shoute, Co-ordinator, SSPP JHQ Delhi Siamsin Conference-cum-DIAFEST leh Lamka Post in telephone tungtawn in houlimna nei a, huai ah Pu Biaklun Shoute in agenna ah, Delhi kilchih apan Siamsin hiai zah leh nulepa hiai zah in conference a uap uh a muh chiang in kipahna ziak a abiang ah khitui luang ahihdan gen a, mipite kithuahpihna ziak in kipaklua ahihdan leng gen hi. Lamka Post in SIMAS toh kisai chik chiang a neih hinawn ding hiam chih dotna abawl, Pu Shoute in agenna ah, kumteng in neih hilou ding a, himahleh, khang kikheng hat mahmah ahih ziak in, khangthakte’ ngaihdan leh utdan dot hi zel ding a, huai dungzui in style tuamtuam leh award tuamtuam leng saizel theih ahihdan gen in, quotation thupi a sak mahmah khat “Do not find fault, but find the solution” chi hi. Pu Shoute in, hiai conference ssppyahoogroups, zogam.com,zogamonline.com leh The Lamka Post in full coverage apiak ziak un leng kipahna gensenglouh baa ahihdan gen hi.
SSPP Delhi in, tutung in Sports leh Conference aneih na ding utoh kisai in Company tuamtuam, Airtel, Hindustan Unilever, Nokia, Lux leh Reliance company te’n sponsore bawl uhi. Hiai company sponsore na ding toh kisai a panlatu Pu Biaklun Shoute tung ah mipite kipak mahmah uh chih khawmpi siim te leh mun tuamtuam apan kiza hi. SIMAS toh kisai in Lifetime Achievement Award ah Rs 10,000 piakin om a, award dangteng Rs 5,000 chiat piak in om uhi.
K Hangsing sek a khetlup hizaw
New Delhi, Nov 13: Kuki Revolutionary Army Commander In Chief K Hangsing sihna toh kisai in, Lamka pansan newspaper te’n kaplup a om hidanin gelhchiat mah le uh Delhi apan Times of India in anuai abang in thuchiang zaw gelh hi. K Hangsing (35) ahihleh, ni 20 paisa in Delhi zin a, anaupa Innluahna, South Delhi a Hari Nagar kimlak a Ashram mun pansan in om a, Pathianni nitak dak 12:30 vel ding in sek (hammer) a khetlup a om ahi chi uhi.
Thang Len, Kuki Students Federation in agenna ah, Kuki helpawl makai khat hiai bang a asihna KSF in mohpaih mahmah ahihdan gen hi. Delhi Police thusuak in agendan in, nitak dak 12:30 velding in pasal 10 vel David Hangsing Innluahna ah a sawng thumna ah va lut in thakhat thu in va kiboh huan uh hi’n gen uhi. Hangsing Innluahpihte lak a asawng nihna a teng Mrs Preeti Saini in agenna ah, ‘‘nitak in TV ka en ua, huailaitak in inn tunglam apan thawm lau huai mahmah khat hong ginga, inn tung luahte khat hong tai suk in, aman leng liamna tuak kawm in, a khut teng hen in om a, panpih ding in hong ngen a, kintak in Police ka sam pah ngal uh” chi hi.
Preeti Saini in agenbehna ah, sihna tuak pasal pe’n inn tual ah zawnkhiat suk in om a, a sisan kai neunuau in gim mahmah a, kintak in All India Institute of Medical Sciences (AIIMS) puak tung in om chi hi. Anil Shukla, Deputy Commissioner of Police (South) in agenna ah, ‘‘Mr Hangsing autopsy lak in om a, huai ah thautang kapna ma muh ding om lou in, sek (hammer) akhetlup ahihdan chiang hun tawk mahmah ahi” chi hi. Srinivaspuri police station ah case khat chiamteh in om a, Police te’n buaina hun a om kha Hangsing sanggampa tel in a lawm le vualte thudotna neilel uhi.
KRA Chief K Hangsing luang ahihleh, zingchiang in Indigo Flight ah zinglam dak 9:05 in Imphal Tulihal Airport puaktung hiding hi.
Kintak a join din theisak
Lamka Nov 13: National Rural Health Mission (NRHM) nuai Contract basis a sem ding Nurse lak a om ANM 26 leh GNM 3 te Posting mun ding toh kisai apaisa November 8, 2007 a hihfel ahihtakziak in nurse te’n a sepna ding uh DFWO leh MO i/c PHC, CHC te kiang ah a kintheilam a ki-report ding in Dr. S. Gouzalam, CMO/CCpur in tuni’n theihsakna bawl hi.
Semtu ding la
Lamka Nov 13: Lamka Damdawi inn a Anti-Retroviral Treatment (ART) Centre a Contract Basis a kum 3 sung sem ding Nurse 1 lakna ding toh kisai a apaisa November 3, 2007 sunnung dak 1:00 in Medical Superintendent office ah interview neih in om hi. Hiai hun ah candidate 26 telte lak ah Ms. S. Dimlunching Zou of HmarVeng lak in om hi.
Nau neilou dia kibawlsakte sum
Lamka Nov 13: Lamka Damdawi Inn a Post Partum Centre leh Operation Threatre ah July 2007 tan in Numei leh Pasal gawmkhawm in mi 237 te’n nau neilou ding in kibawlsak (sterilization nei) ua, pasal 6 in Non Scalpel Vasectomy (ki-get) sak uhi. Hiai mi 243 te ading in panpihna sum (mi khat ah Rs.450/- jel) hongtung a DFWO/CCpur office ah office hunsung in laktheih ding hi.
Medical Store i/c toh kop ding
Lamka Nov 13: District Leprosy Officer/CCpur Dr. T. Pumzathang in thuthak omnawn masiah Lamka Damdawi inn a Medical Store a In-Charge hihna toh kop ding in tuni’n CMO/CCpur in thusuah bawl hi.
Volley Ball ah selection ngah
Lamka Nov 13: State Level Inter-school Tournament-2007 apaisa November 6-8, 2007 sung Imphal a Khumanlampak Main stadium ah neih a om ah CCpur district ai-oh a Volley Ball (girls) kimawl te lakah Ms. H. Bembem in Selection ngah a hongtung ding November 24-30, 2007 sung Dehradun ah State ai-oh a kimawl ding in kuan ding hi.
Job Card zousiang nailou
Lamka Nov 13: NREGS tungtawn a ni 100 sepna neih ding toh kisai in kisakkholhna naktak a neih in omlel hi.Veng khenkhat in bel NREGS toh kisai in nasep panta mahle-uh huaite sem dia sawl hinailou uh hidan in thukiza hi. Job card toh kisai veng khenkhat ah hawmkhiat ahihnailouh toh kisai Lamka post palai in SDO/CCpur Mr. S. Naba Singh, MCS dotna abawlna ah Job Card toh kisai screening bawlkawm ahihziakin kintak a counter-signature bawltheihlouh hi a himahleh atmzaw bel zoh hidan in SDO/CCpur in gen hi.
Stress Management Workshop nei
Lamka Nov 13: India gamsung a sepaih tuamtuam omte lakah mahni kithat (suicide) tamluat ziak in hichibang a mahni kithahna kiam ding deihna in 3 (Naga Hills) Assam Rifles in tuni zing dak 8:30 apan in Headquarter veng a a Battalion HQ uah ‘Workshop on Stress and Man Management’ nei uhi. Hiai Workshop ah Officer 5, JCOs 21 banah Rank tuamtuam 175 te tel ua amaute Lamka Damdawi inn a Psychiatrist Dr. Guneshwor Singh leh Asst.Comdt.Dr. M.L. Sharma, 3(NH) AR te’n stress toh kisai leh a hihkiam ding dan sinsakna nei uhi.
National Children Day zang ding
Lamka Nov 13: New Lamka Vengnuam a om The Bliss Island Cnetre in zingchiang November 14, 2007 sunma dak 12 iln Bliss Island Campus ah The International Chldrens Day 2007 zang ding uhi.
Hiai hun zatna ah, Smt. Th. Binasakhi Devi, District Social Welfare Officer, CCpur in khuallian hihna toh uap ding hi. Hiai hun ah naupangte etnop mibangloute film toh kisai Video Show leng om ding hi’n a saitute apan thutut kingah hi.
SSPP in BSNL zasak
Lamka Nov 13: Siamsinpawlpi Lamka Block in khopi sianthouna ding a dust bin a bawlte a zatna ding bangtak a zang ding a theisak kawm in hiai dust bin kikoihte kuaman gu lou ding in theisak bawl uhi. Tuabanah, sianthouna toh kisai a kizang truck in kho lai a niin buak theihna dia Nilaini teng a hong kidoh gige ahihtak man in hiai a michih in mahni niin chiat pai khawm ding inleng theisak hi.
Thusuakin a taklatna ah, BSNL in khopi sung lampi tuamtuam a cable khunna dia lampi a toh kuakte hoihtak a vuk ahihlouh ziakin lampi naktak in susia ahihman in nipi kal 2 sung ngeingei a bawl hoihtuak omte bawlhoih nawn ding inleng theisak hi. Tua banah, khopi sung a telephone gui hun sawttak apan guk mang a omzel pen kuaman gu nawnlou ding inleng ngen uhi.
Khuga Canal-2 enkhe ding
Lamka Nov 13: Khuga Dam Multi-purpose left canal in a tot khakna mun a mun-le-mualte (Land Acquisition) etkhiakna a kisaipih department in nei ding a, hiai toh kisai a gen-le-sak neinuamte’n document kichiantak tawi in November 16, 2007 apan in DC/CCpur office ah a saitute kimuhpih theih ding hi.
SUNNA: Jamkhanneng (72) F/o B Tuankhopau of Bungpilon zan nitak dak 6:30 in a khua uah sungna in si a, tuni in a luang Bungpilon Hanmual ah vuiliam in om hi.
IMPHAL NEWS:
NSCN IM leh ULFA kal sousang sem di’n kilang
Dimapur, Nov 13: NSCN (I-M) nuai a MIP in ULFA leh NSCN IM kikapna toh kisai in tuni in hilhchetna bawl ua, huai ah Pathianni nitak a Mon District sung a Tizit Petrol pump a pawl nihte kikaptuahna ULFA member te hihkhelh ziak ahihdan taklang uhi. NSCN IM in hilhchetna a bawlna uah, koi gam koi gam ah helpawl om vek a, helpawlte’n mahni bial nei chiat ahihdan taklang ua, zan hal nitak in leng ULFA in NSCN IM bial ah phalna bei in lut ua, phetlou in, ULFA in information bangmah NSCN IM kiang ah pelou ahihdan gen uhi.
NSCN IM thusuak in agenbehna ah, ULFA member khat in sihna a tuah poisa uh ahihdan gen in, liamna tuak leh midang 2 mang te NSCN IM pimang hilou in, Police custody ah om uh hizaw ahihdan taklang ua, midang 1 bel NSCN IM Custoday ah etkol a om lel ahihdan gen uhi. NSCN IM in agenbehna uah, ULFA in phalna bei a NSCN IM area alut na utoh kisai in NSCN IM tung ah thupha a tawi hunhun in a mat tang uh mi 1 khahkhiak theih hidingin gen uhi. NSCN IM thusuak n agenzelna ah,kaplup a om student ahihleh, nautang hilou in ULFA adia thuguuk pesawntu ahihdan gen ua, ULFA helpawl khat ahihna toh NSCN IM in zahna a piaklai a, ngapthoh tak a Naga bial alut uh NSCN IM in pomthei lou ahihdan leng gen uhi.
Stable Govt. om nak leh mipite deihdan pichin chih SPF sorkal naa ahi - T.N.Haokip
IMPHAL NOV 13: Chief Minister O.Ibobi Singh makaih SPF sorkal nuai a Information Minister T.N.Haokip in tuni a thusuah abawl na ah, mipite deihdan muh leh ngah ahihna dinga nasep kichi, SPF sorkal naa ahihdan taklang hi. Information Minister thusuah a kitak lang bangin, kum bangzah hiam paisa apat, MLA/Minister tamtak in dinmun deihna ziakin,
pawl khat apat tailut leh taipawt chiing uh a, tuaziakin sorkal dettak leng omthei lou chih mipin theisiam ta hi. Govt. semtute khaloh leng pezoulou kia hilou in, developmental work sepzoh louh in tampi ana om ngei hi. Hichibang te ziakin, singtang gam a zat ding fund te tunglou in ana omsek a, hiai in phaijang leh singtang gam kikhesak a theih leng ahi.
Himahleh, hun paisa kum 5 vel apat SPF sorkal, O.Ibobi Singh makaih na nuai ah, financial discipline leh political discipline maintained in omta a, State in mailam nawttou jel hi. Tuni chiangin, sorkal a semtuten ahun hun in khaloh latheita uhi. Contractor te sepman sum te leng, atamzaw sorkal in piak zoh hita. Apoimoh mahmah, mipi te deih leh
lunggulh mun siangthou a kigen, Kangla apat leng Assam Rifle te suankhiak hita a, mipi kianga piakkhiak hita hi. Hiai kia leng hilou in, sorkal in mipi ading khualna toh Imphal Municipal area sunga assembly segment 7 apat, Armed Forces Special Power Act, 1956 leng lakhia chi’n Information Minister TN Haokip in taklang hi.
TN Haokip in a genzelna ah, sawttak ngaihtuah ahihnungin, Manipur a Primary level Class III tan ah, Meitei Mayek sinsakna leng pat ahi. Manipur leh state polam kikawm tuah theihna, NH 39 chauh zuih theih himahleh, mipi te haksatna te theikawm in, NH 53 puahthak leh zuih theih dia bawl hinawn ta hi. Railway line Jiribam apat Imphal lut ding nasep
leng pat hita. Singtang gam a lampi leh lei te bawl in singtang leh phaijang kikawm tuahna baihlam na ding geelna lianpi toh nasep pailel lai chi hi.
Infrastructure tuamtuam school building, hospital, block office chih te tampi bawlkhiak hi a, kimawlna lam adingin leng district teng ah, Mini sports complex bawlna ding pat hita hi’n Minister Haokip in gen a, Kum tampi paisa apat zohlouh project tuamtuam te leng, hun bikhiah sunga zoh dia ngim hita chi hi. Manipur a helpawl toh kisai a, Political dialogue tungtawn a solution om theihna dingin sorkal in, Road Map gelh a nasep leng pat hita ahihdan Minister in theisak hi.
Hichibang teng, SPF sorkal in mipi kithuahpihna toh asepsuah theih hidan in leng Information Minister in taklang a, term masa ah, O.Ibobi Singh makaih mah SPF sorkal in, na hoihtak asep mipin theihpih a, tuaziakin tutung election ah Congress in majority ngah in, mipin O.Ibobi Singh makaih SPF sorkal nuai a, alam et uh Manipur kipumkhatna kepbit ding leh mailam a kalsuan ding chih tua SPF sorkal in a thawn suak saklou ding ahi chi hi. Manipur leh state dang teh in bel, a kisam tampi om kha ding, himahleh hichibang te stable sorkal a om nak leh, mipi toh kithuah a sep buchin hiding chih, O.Ibobi Singh makaih SPF sorkal gintak mahmah ahi chi’n TN Haokip I&PR Minister in gen hi.
Congress sunga kikhen na thupitak omdia gintak ahi
IMPHAL NOV 13: Manipur a SPF sorkal makaih tu O.Ibobi SIngh khenkhiak sawm a panla te tunitan Delhi a ki-camp in omlai uhi. Hichibang kal ah, MPCC President Gaikhangam leng Delhi mun a omlai hidan a gen ahi. O.Ibobi Singh khenkhiak sawm a panla te toh kisai a AICC in asap hidan a kigen, Phungzathang Tonsing, Nov 11 a Delhi zin tuni zinglam in Imphal hongtung kik nawnta a, himahleh, Delhi apat hongtun nung, nitaklam dak 5 tan in leng CM akimuhpih chih thu zak om nailou hi.
O.Ibobi Singh khenkhiak sawmte lohchin theihna dingin, kuan makaih a CM dinmun len ding chih mipite ngaihdan omthei suak hi. CM dinmun len thei dia gen khak te lak ah, Cabinet minister Th.Debendra senior mah leh, CM dinmun hial len din bang achi dia? chih ahihban ah, aman leng hun paisa a, hichibang dinmun piak hileh leng lalou ding ahihdan athugen omsa ahi hi. MPCC President Gaikhangam leng AICC in CM hial dinmun len dia mohpuakna pe dingin gintak huailou suak hi.
Cabinet Minister mah Y.Irabot leng senior Congress minister khat suak a, himahleh, amah leng makai tu hial dingin gintak huailou hi. Bangteng hileh, O.Ibobi Singh khekkhiak sawmna Nov 15 tan thuchian omdia gintak ahihban ah, sorkal thak a om ding leh Nov 18/19 vel a dingkhe dia zou dia lam en leng mi tamtak om hi.
Cooperative week zatna om ding
IMPHAL NOV 13: Manipur State Cooperative Union leh Cooperative department, NCUI Coop. Education Field Project leh NCUI Women Coop kithuah in, 54th All India Cooperative Week celebration, 2007 HRD Networking in Cooperative chih thupi pansan in zatna om ding hi. Hiai hun honkhiakna Nov 14, 2007 nitaklam dak 1 in Kuki Inn Imphal ah om dinga, tuahun ah, L.Jeyantakumar Minister Seri/Tpt/Edn leh President in H.Imocha Singh IAS Commissioner Tpt./Coop ban ah Guest of honour dingin, Kh.Borkeshor Singh President, MSCU Manipur te pang ding uhi.
Saichhuana suunna hun zang uh
IMPHAL NOV 13: Manipur govt. nuai a Additional Chief Secretary Saichhuana IAS in Nov 11, 2007 ni a sihna atuah toh kisai in, JAC of AMTUC leh AMGEO in amah suunna hun Nov 12, 2007 nitaklam dak 3 in JAC office Babupara ah nei uhi.
Hiai hun ah President K.Madhumangol Singh in makaih a, member ten minute 2 sung dai dide in suun uhi. Manipur govt. in leng tuni zinglam dak 10 in Old Secretariat South Block conference ah Saichhuana suunna hun zang uhi. Manipur Forest department leh PHED ten leng suunna hun zang uh chih thu kiza hi.
Mamit Police in hilhchetna bawl
Aizawl, Nov 13(NNN): Mizoram state sung a Mamit Police station apan thusuak kingah dan in, State Bank of India Mamit Branch Manager sumlem ziak a mat a om chi a local paper tamtak a kisuah toh kisai in hilhchetna bawl ua, thuzuau pumlum ahihdan taklang uhi. Mamit SP Neihchungnunga in agendan in, SBI Branch Manager Nicky Lalsangliana Police in man kichi pen thuzuau ahihdan taklang ua, huai naak sang mah in, SBI staff te’n hiai thu suina ah naktak in kithuahpih uh chih ding hizaw ahihdan gen ua, Bangladesh apan hiai sumlem te honglut ahihdan Police in gen uhi.
Mamit police thusuak in ataklat behna ah, Bangladesh apan Indian Fake currency tamtak hong lut in, Tripura hontawn masa a, huai apan Mizoram puaklut a om ahihdan gen ua, mat a om mi 4 te lak ah SBI staff khat mah leng telkha lou ahihdan taklang uhi. Neihchungnunga in agenna ah, hiai thu toh kisai police in suizuina nei in, hoihtak in kalhkhiak vek ut a pan alak lai in, media te’n naktak a akapkhiak ziak un, a thilsui na uh buai ban mahmah ahihdan gen a, mat a om mi 4 te lak ah mi 3 te Police in thudotna neilel a, thil sautak mukheta uh ahihdan SP in gen hi.
Pastor 1 sihna thu veng nailou
Aizawl Nov 13(NNN): Tukum February 28 ni a sihna tuak Rev Chanchinmawia tungtang tuni tan gen veng hinailou a, phetlou in, atanchin pholh thakthak in om a, thil lamdang pi suakthei leh kilawm hi. Director General of Police, Mizoram apan retired Lalngheta Sailo, in agenna ah, February 28 ni a sihna tuak Rev Chanchinmawia tungtang tuni tan sukveng ahih nailouh na tung ah lamdang sak thugen in, amah leh amah kithat hiding in gintakna neilou a, kuahiam in a thah uh hizaw ding ahi chi hi. Sailo in agenna ah, hiai bang a sihna tuak te tungtang Police a apan lai in naktak in suikha a, tuni tan a document tuamtuam a et-te lak ah Chanchinmawia a kithahna ding thu om lou himhim ahi chi hi.
Rev Chanchanmawia a hihleh, zingkal thou baih himhim mi hi a, zingkal chiang in walking paisek a, huaizoh chiang in, thumna nei in, Laisiangthou sim gige hi. DGP lui Sailo in Pastor Chanchinmawi a sihna toh kisai amah leh amah kithat a chih uh gintak huai hetlou ahihdan gen kawm in, lungsim buaina leng neilou himhim ahihdan gen hi. Aman agenbehna ah, Pastor pa thahna ding in alou theilou in mi 2 kihel uh a, zingkal a Pastor pa a varanda a atutlai pasal nih va pai in, khat in pastor pa houpih a, huailaitak in anunglam apan khatpen in agawl a at hiding in gintakna nei hi. Pastor pa gawl ki at dan apan in leng thil tamtak chiang thei ahi chi’n Sailo in gen hi.
West Khasi Hills apan Nepali te nohkhe ding
Shillong, Nov 13(NNN): Meghalaya state sung a West Khasi Hills a om Nepali namte pawtkhe ding in West Khasi Hills Students Union (WKHSU) in tuni in theihsakna bawl ua, thupiak zahtak ahih kei leh, WKHSU in panlak kipan ding ahihdan taklang uhi. Thusuak kingah dan in, West Khasi Hills gamgi zul a Langpih khua ah, zan leh zanhal in helpawlte va lut in mi nautang 5 va soisa uh hi’n kigen hi. Langpih ahihleh, Shillong khopi apan Km 250 a gamla ahi hi.
WKHSU thusuak in agendan in, Nepali helpawl dia gintakte’n Langpih khua va luh uh a, huai ah nautang 5 soisa uh hi’n gen uhi. Assam Government in Meghalaya state toh kikawmtuahna ding lampi abawl sawm na utoh kisai in khosung mite’n anan ziak ua Nepali helpawlte thangpai uh hidingin leng gintakthu kigen hi. Shillong ah 1987 in buaina thupitak piang a, huai ah Nepali te teng ngamnawnlou in taikhia ua, Langpih kho kiim lak ah teng uh hi’n kigen hi. WKHSU general secretary D.Sun in agenna ah, Nepali helpawl om ziak in West Khasi in thuak zeuhzeuh a, huaiziak in, West Khasi Hills leitang apan Nepali te apawt ding uh ahi chi hi.
MLA quarter apan helpawlte gamtang
IMPHAL, Nov 13: Manipur police commando te’n November ni 10 in State Social Welfare Department a Program officer Samjenshabam Angou Singh (54) mankhia uh a, amah apan thil tamtak dongkhia uh hi’n kigen hi. Thusuak kingah dan in, Angou Singh in Social welfare nuai a contractor te apan percent kaikhawm in helpawlte palai in pang hi’n kigen a, Babupara a MLA quarter te apan helpawlte gamtang sek uh ahihdan Mr Singh in gen chi uhi.
Babupara VIP colony ahihleh, Chief Minister bungalow nung a om hi a, August kha in, Commando te’n helpawl 11 MLA quarter te apan mankhia uh a, October kaltawpna in helpawl 3 mah hiai mun apan mankhe nawn uhi. Angou Singh ahihleh, Imphal police station ah November 17 tan kep hiding a, a tung ah action lak hiding in kigen hi. State chief secretary, Jarnail Singh in October 31 in order suah a, helpawlte toh kizopna nei Government official peuhmah National Security Act nuai ah mat hiding in gen hi. Police thusuak in agendan in, MLA, Borajao Singh tenna Inn Babupara ah UNLF pawl in Angou Singh sam zel in, aman leng Contractor te apan a sum cut khiak te huai mun mah ah va pelut zel hi’n gen uhi.
Source: www.zogam.com
No comments:
Post a Comment