Kaziranga ah Tuallunthang kaplup in om
Lamka, Dec 17: Assam State sung Kaziranga National Park a Chingpi kapte toh Forest Guard te December 14, 2007 zingkal baihtak dak 2:00 vel a kikap tuahna ah Mr. Tuallunthang Tangpua (33) s/o (L) T. Khamvum of Bukpi Thanlon Sub Divn. kaplup a om hi’n a inkuanpihte apan thutut kingah hi.
Thutut kingah dan in, Mr. Tuallunthang bel November kha bul a Lamka zin Dimapur ah paisuak in Chingpi kapte lak a va kihel hi a, amah akuan patna a tuahsia va tuak hi’n gen ua, a inkuanpihte’n leng hiai a kuan ahihlam theilou uhi. Amau mi 7 vel kipawl in Singtangmi 3 tel in gen ua, a lawmte bel suakta ua, amah pen Chingpi mawl/ki pawtu hin leng gen uhi. Tutan in misi luang koi mun a om hiam chih kitheilou lai in gen uhi.
Suunna: Mr. L. Soikam (76) s/o (L) Liantual of Mata, tuni sunnung lam dak 3 in cancer in si a, zingchiang in Mata hanmual ah vui hiding.
DC in BADP final bill hen tang sak
Lamka, Dec 17: Singngat Sub. Divn sung Teikot leh Singngat kikal a Border Area Development Programmed nuai a Rs. 10lakhs bei ding a Tuitha luitung a Suspension bridge kibawl pen abawl tu in zawh siang louh pi a final a nget ziak a DC/CCpur in Final bill hentang sak in DC/CCpur in gen a, huai a ding in advance a Rs. 8lakhs pekhin in gen hi. Huai lou in Teikot khua a NREGS nasep na leng thu buai om ziak a khawl sak inleng gen hi.
Local Contractor in Total Bandh pan ding: SE Room mei in kihal
Lamka, Dec 17: Local Contractors Association CCpur pawl in Khuga Head Work Division nuai a Tedim Road Diversion nasepna zohsiang himahleh Govt. in bill a piaklouh toh kisai in tuni’n Eden Hotel, Tedim road ah Pressmen te tuni sunnung dak 2:30 in kimuhpih uhi.
Local Contractor ten a genna uah, Head Work nuai a Local Contractor te nasep man Rs. 10 crores val piak ding chih himahleh Govt. in Rs. 3.6 crores lel pia a, piaklouh a om thu tuni’n IFCD Minister kiang ah Memorandum pia uh hi’n gen uhi. Khuga Tedim Road diversion pen NEC te kiang a Govt. in apiak khiak pen ah leng show cause pia ua, Dec.18, 2007 apan hunchiam omlou in Khuga dam nasepna himhim total bandh puang ua, Tedim Road diversion bawlna leng huam vek ding in gen ua, Khuga dam area ah mi kua mah lut leh pawt leng phal hilou ding in gen uhi.
Khuga Tedim Road diversion pen ah IFCD dept nuai a lamlian bawlna ding a Work order piak a omna mun ah NEC in bawl khum ding in kisa a, himahleh hiai munte bawlna bill bangmah piaklouh toh kisai thubuai tamtak om ding inleng gen uhi.
Tuabangkal ah, Local Contractors Assn. in bandh abawl uh toh kiton tuni nitaklam dak 5:30 vel in Khuga Dam a Superintending Engineer (SE) office mei in haal uhi. Huai ah SE room kongkhak kilhna tala kalsia in a sung a SE tutna (chair) tel in tutna khenkhat a dohkan (table) tung a koih in haal ua, SE tutna kangtum a plastic chair khenkhat bel naktak in kaangsia hi. SE Room sung a electric gui leh a bulb khenkhat leng kangsia hi. Hiai thiltung toh kisai in Lamka pansan thuthaksai khenkhat in Khuga Dam a thiltunna mun etkhiatna va nein gal uhi.
Hiai thiltung toh kisai in Media te’n SP/CCpur Mr. Manglemjao, IPS phone tungtawn a dotna uah Mr. Manglemjao in ‘Nothing happened, This is Churachandpur and many nonsense things happens, I don’t want to comment.’ Chi’n dawng hi. Khuga Dam a om Sepaih duty te’n bel electric short circuit ziak a kaangsia hidan in gen uhi. Local Contractors pawl in bel phone tungtawn in hiai thiltung amau khutnung hidan in Lamka Post palai theisak ua, Govt. in ngaihsaklou a Bill apiakzok kei uh leh kiphinna khauhzawsem a nei ding uh hidan in leng gen uhi.
ZRO Home Affairs in thusuah bawl
Lamka, Dec 18: ZRO Ministry of Home Affairs in thusuah a bawl press a kimu in a taklatna ah, Singngat leh Lamka kikal nasepna pailel pen lungtunhuaisa in a nasep uh a zohsiangma uh hoihtak a semzom ding in theisak ngal uhi. Behiang leh Singngat kilal alkatra omlouh ziak a nasep khawlpen a kisaipihte’n ngaihven ding in theisak uhi. Thusuakin a taklat zelna ah, Singngat leh Sinzawl kikal nasepna leng tukal sung ngei a etkhiak sawm ahihdan uh taklang kawm in etkhiak hun a contractor te mahni nasepna mun chiat a om ding in theisak a, a omloute tung ah action lak hidi’n leng taklang uhi.
DC Office ah meeting 2 om ding
Lamka, Dec 18: Dist Level Co-ordination Committee (DLCC) meeting zingchiang zinglam dak 11:00 in DC/CCpur Office Conference Hall ah om ding a, tua zoh sunnung dak 1:00 in National Foundation for Communal Harmony(NFCH) tawh kisai meeting om nawn ding hi.
YVA Town Unit pawl Social work ding
Lamka, Dec 17: Young Vaiphei Assn.(YVA) Town Unit in zingchiang zinglam dak 8:30 vel in New Bazar area sung ah Social Work ding ua, Gari tuamtuam zang in New Bazar Bus Parking area a ninte hahsiang ding uhi.
AAY antang mun 3 ah zuak ding
Lamka Dec 17: Food & Civil Supply (FCS) dept CCpur saina in AAY antang zingchiang zinglam dak 11:00 apan in Lamka khawpi sung mun tuamtuam ah mobile sale in AAY Card neite kiang ah zuak pan ding uhi. Tuni’n Mobile Shop near Police Station ah zuak ua, zingchiang in Thingkangphai ah, Dec. 19, 2007 in Police Station, FCS Godown Hq Veng leh Bungmual Town Bus Parking ah, Dec.20, 2007 in Thingkangphai Community Hall leh New Lamka Dorcas’ Hall Waiting Shed ah zuak ding uhi. Card khat ah antang 35kg zel pe ding uhi.
Home Guard 15 hawng tun beh
Lamka, Dec 17: Lamka khawpi a Krist mass sung a mipi bazar a tam ding ziak a Ploce Traffic lam enkol ding in S. Manglemjao Singh IPS in Bishnur apan Police Home guard 15 nget beh in tuni’n Home guar numei 6 leh pasal 9 hawng tung uhi.
Police tamtak lak sawm
Lamka, Dec 17: Manipur Police dept nuai ah Police Post tuamtuam a ding 131 lak sawm ua, a lak dingte uh bel, Sub Inspector -64, Asst Sub Inspector – 42, leh Jamadar in MR/IR Bn- 25 hiding hi. Jan. 4, 2008 zinglam dak 8:00 apan in Manipur Police Training School Pangei ah kila ding u a, October 1, 2007 tan a kum 18 ching ASI a ding in PUC/Intermediate, SI a ding in Graduate hi ding a, SP/CCpur Office ah form la in Dec 29, 2007 tan in Dist. Employment Office ah piak lut theih ding hi.
Manipur Police in Equestrian meet zintun ding
IMPHAL DEC 17: All India Police Equestrian Meet 2008, hongtung ding January 4 – 9, 2008 sung, Imphal a Mapal Kangjeibung (Pologround) leh Manipur Pony Breeding farm, Lamphelpat ah, Manipur Police department zintunna masapen ding a om ding hi’n Manipur DGP Y. Joykumar, IPS in 1st MR Banquest Hall ah tuni sunnung dak 12.30 in thuthak saimite kiang ah gen hi.
DGP in aban agenna ah, hiai meet a tel ding State 29 lak a team 9te theihchet hita a, hiai sanga tamzaw lai dia gintak thu leng gen hi. Manipur Police team ten, hiai meet a a zat ding uh Sakawl te All Manipur Equestrian Association te a hidinga, amau apoimoh technical leh adang dang ah leng kithuahpihna peding uhi. State dang apat hongkuan Police team ten amau Sakawl ding hong kiken ding uh hidan in leng DGP in genbeh hi.
Bomb puak protest rally
IMPHAL DEC 17: Imphal East district sung Lamlai Police station huamsung a Imphal - Ukhrul lampi in a totkhak, Paorabi gei a bomb hattak apuahzak ziak a, Imphal apat Pukhao zuan Canter bus a tuang mi 7 a sih ban uah, midang tamkhop in liamna atuah mohpaihna in, tuni nitaklam dak 3.30 in B.T. road ah All Manipur Nupi Marup pawl in rally nei ua, himahleh, Police in gamla paisuan theilou dingin dal uhi.
Hiai hun a Nupi pawl in banner a takna uah, Paorabi tualthahna mohpaih ahi, lampi a bomb phumgu kei un, kuaten bangziaka minautang that hiam? a kinlam in hilhchian un chih leh minautang thah kichi terrorist gamtat ahi chihte taklang uhi.
Thudang khat ah, zan nitak a bomb puak toh kisai a thuthak saimite dotna Manipur DGP Y. Joykumar in adawnna ah, hichibang bomb puak pen remote control zanga thilhih ahihban ah, Imphal khopi sunga bomb puahsak maimaite toh teh theih hilouh hidia a gintak thu gen in, kuapeuh in muanmoh leh thil theih aneih ua leh Police a theisak pahpah dingin leng ngetna nei hi. Hiai bomb puahna mun tuni’n DGP makaih in Police top official ten leng vapha uhi. Zan nitak a bomb puak pawl tuamtuam tamtak in leng mohpaih uh ahihdan thusuah bawl ua, helpawl UNLF in bel amau kigolhlou hidan in leng thusuah bawlta uhi.
Boundary khuam phuh thak ding kipak
IMPHAL DEC 17: Meitei Council Moreh a General Secretary N. Phulindro Singh in tuni a thusuah abawl na ah, Myanmar leh India kal Morea area a border wall fencing bawl ding chih tungtanga MCM kipak mahmah ahihdan taklang hi.
Hiai thusuak a kitaklang dan in, tuma kum 10 val paisa a India leh Myanmar kal a International border pillar no. 78 mangpen fencing bawl thak ma a, amun ding tak a phuh masak hoihsak thu leh deihthu leng taklang hi. MCM thusuak dan in, International border pillar no. 78 chihlouh pillar no. 79 omna mun Muslim Nagar, 80 mun Gavajang village leh 81 mun Kowtha Khunou hidan in leng taklang hi. IBP no. 78 gei a Angla Prameshori Temple gei a Myanmar lam a 70 metres lut a om, Tamil Community te Shiva Mandir leng 1967-68 a bawl hita ahihman in, hiai in India lam a om ahihna chian hidan in leng taklang hi.
Combined force toh helpawlte naktak in kikap tuah IMPHAL DEC 17: Police apat thutut kingah dan in, tuni zinglam dak 5 vel apat dakkal thum sung vel ding, Imphal East district sung Lamlai Police station huamsunga om Nongmaipal lak ah, helpawlte leh combined force of 32 AR, 19 AR, 150 BSF, Imphal East leh West Police commando te naktak in kikap tuah uhi.
Hiai kikaptuahna ah, a lang tuak a lethode leh rocket launcher tanpha leng zang uh hidan in kigen a, himahleh, hiai thu gelh ahihtan in si-le-liam omzah theih hilou. Police thusuak dan in, hiai mun lak a helpawl cadre 40 vel om chih theih ziaka combined force ten ava naih uh hidan in leng kigen hi. Thudang khat ah, hichibang a kikaptuahna nasatakk omziakin, Nongmaipal leh Teuisenphai khomite patau in akhua uapat taikhia ua,Takhel khua ah kibu uh hidan in leng kigen hi.
Minorities Rights Day zat hiding
IMPHAL DEC 17: Manipur State Minorities Commission leh All Manipur Minorities Forum kithuah in, kumlui a zat ahihbangin, tukum inleng December 18, 2007 zinglam dak 10 in Imphal a Kangla Hall ah 'Minorities Rights Day' zatna om ding hi.
Hiai hun ah Chief Guest, President leh Guest of Honour dingin, Janab Md.Alauddin Khan minister, MOBC/RD & PR/Fsy), Janab A.Halim Choudhury IAS (retd) Chairperson, Manipur State Minorities Commission, I.S.Laishram IAS Commissioner MOBC, L.Rabindra Singh retd. Judge, Family Court leh Prof. M.S.Ningomba President, All Manipur Minorities Forum te pang ding uhi.Hiai hun zatna ahihna ding san bel, minorities te kepbitna ding leh dopkangna dia, 1992 a United Nations in Declaration on the Rights of Persons belonging to National or Ethnic, Religious and Linguistic Minorities, inter-alia, that: 'State shall protect the existence of the National or Ethnic, Cultural Religious and Linguistic Identity of Minorities within their respective territories and encourage conditions for the promotion of that identity' chih toh kisai ahi.
NIT toh kisai Fact Finding team; Kangla sung a Biakinn om nawnlou
IMPHAL DEC 17: Langol leh Lamphelpat a National Institute of Technology (NIT) bawlkhiak sawm ahihna toh kisai in, All India Christian Council (AICC) National Fact Finding Team in Public Jury hearing nei ding uh hi’n Madhu Chandra Regional Secretary AICC in thusuah abawlna ah taklang hi.
Thusuak dan in, Public Jury hearing bel, December 19, 2007 in Shija Hospital junction ah neih hiding hi. Hiai National Fact Finding team a tel dingte bel, Dr. John Dayal Member of National Integration Council, Govt. of India, Dr. Sam Paul, National Secretary Public Affairs of All India Christian Council, Mr. Albert Lael, National Director of Dalit Education Society leh Madhu Chandra, National General Secretary, All India Confederation on SC/ST Organisations leh Spokes person of North East Support Centre & Helpline, New Delhi te ahi.
Hichibang NIT bawlkhiakna ding toh kisai in, Langol leh Lamphelpat area a omte kang ah, Principal Secretary, (Revenue) Govt. of Manipur, P. Sarat Chandra IAS in September 27, 2007 in gam lakna ding toh kisai Land Acquisition Act, 1894 pansan in thusuah bawlta hi. Thusuak dan in, All India Christian Council te kianga, Rajya Sabha MP Rishang Keishing in agenna ah, Assam Rifle te notsiat Kangla sunga church building leng State integrity etsakna dia kepbit ding chih himahleh, hiai leng om nawnlou chih ahi.
Sunday Blast ah RPF kipuang; Mipi’n Rally thupitak nei
Imphal, Dec 17 (NNN): Revolutionary Front (RPF) zan Pathianni a Poureibi mun a bomb puaksak amau khutnung hi a taklang kawm in hiai bang vangsiatna a tunsak uh poisa mahmah uh hi’n taklang uhi.
Hiai toh kisai RPF press release in a taklatna ah, hiai bomb pen RPF arm wing PLA member 3 in ni 2 paita a akam uh hi a, himahleh PLA doutute’n hiai bomb thang kamtute lak a 2 man ua, a mantute’n bomb thang kikam pen lakhelou a a puahzak sak ziak ua hiai bang thiltung hi’n taklang uhi.
Thusuakin a taklatzelna ah, hiai a site zahna liantak pekawm in misite Nam-le-gam a dia Martyrs dan a pom ding uh ahihdan taklang kawm in misi inkuanpihte thuakpih mahmah uh ahihdan taklang uhi. Hiai Sunday Blast ah bel mi 7 si in midang 25 liam uhi.
Tuabangkal ah, tuni nitaklam dak 3.30 in B.T. road ah All Manipur Nupi Marup in rally nei ua, himahleh, Police in gamla paisuan theilou dingin dal uhi.
Hiai hun a Nupi pawl in banner a takna uah, Paorabi tualthahna mohpaih ahi, lampi a bomb phumgu kei un, kuaten bangziaka minautang that hiam? a kinlam in hilhchian un chih leh minautang thah kichi terrorist gamtat ahi chihte taklang uhi.
Thudang khat ah, zan nitak a bomb puak toh kisai a thuthak saimite dotna Manipur DGP Y. Joykumar in adawnna ah, hichibang bomb puak pen remote control zanga thilhih ahihban ah, Imphal khopi sunga bomb puahsak maimaite toh teh theih hilouh hidia a gintak thu gen in, kuapeuh in muanmoh leh thil theih aneih ua leh Police a theisak pahpah dingin leng ngetna nei hi. Hiai bomb puahna mun tuni’n DGP makaih in Police top official ten leng vapha uhi.
www.zogam.com
Lamka, Dec 17: Assam State sung Kaziranga National Park a Chingpi kapte toh Forest Guard te December 14, 2007 zingkal baihtak dak 2:00 vel a kikap tuahna ah Mr. Tuallunthang Tangpua (33) s/o (L) T. Khamvum of Bukpi Thanlon Sub Divn. kaplup a om hi’n a inkuanpihte apan thutut kingah hi.
Thutut kingah dan in, Mr. Tuallunthang bel November kha bul a Lamka zin Dimapur ah paisuak in Chingpi kapte lak a va kihel hi a, amah akuan patna a tuahsia va tuak hi’n gen ua, a inkuanpihte’n leng hiai a kuan ahihlam theilou uhi. Amau mi 7 vel kipawl in Singtangmi 3 tel in gen ua, a lawmte bel suakta ua, amah pen Chingpi mawl/ki pawtu hin leng gen uhi. Tutan in misi luang koi mun a om hiam chih kitheilou lai in gen uhi.
Suunna: Mr. L. Soikam (76) s/o (L) Liantual of Mata, tuni sunnung lam dak 3 in cancer in si a, zingchiang in Mata hanmual ah vui hiding.
DC in BADP final bill hen tang sak
Lamka, Dec 17: Singngat Sub. Divn sung Teikot leh Singngat kikal a Border Area Development Programmed nuai a Rs. 10lakhs bei ding a Tuitha luitung a Suspension bridge kibawl pen abawl tu in zawh siang louh pi a final a nget ziak a DC/CCpur in Final bill hentang sak in DC/CCpur in gen a, huai a ding in advance a Rs. 8lakhs pekhin in gen hi. Huai lou in Teikot khua a NREGS nasep na leng thu buai om ziak a khawl sak inleng gen hi.
Local Contractor in Total Bandh pan ding: SE Room mei in kihal
Lamka, Dec 17: Local Contractors Association CCpur pawl in Khuga Head Work Division nuai a Tedim Road Diversion nasepna zohsiang himahleh Govt. in bill a piaklouh toh kisai in tuni’n Eden Hotel, Tedim road ah Pressmen te tuni sunnung dak 2:30 in kimuhpih uhi.
Local Contractor ten a genna uah, Head Work nuai a Local Contractor te nasep man Rs. 10 crores val piak ding chih himahleh Govt. in Rs. 3.6 crores lel pia a, piaklouh a om thu tuni’n IFCD Minister kiang ah Memorandum pia uh hi’n gen uhi. Khuga Tedim Road diversion pen NEC te kiang a Govt. in apiak khiak pen ah leng show cause pia ua, Dec.18, 2007 apan hunchiam omlou in Khuga dam nasepna himhim total bandh puang ua, Tedim Road diversion bawlna leng huam vek ding in gen ua, Khuga dam area ah mi kua mah lut leh pawt leng phal hilou ding in gen uhi.
Khuga Tedim Road diversion pen ah IFCD dept nuai a lamlian bawlna ding a Work order piak a omna mun ah NEC in bawl khum ding in kisa a, himahleh hiai munte bawlna bill bangmah piaklouh toh kisai thubuai tamtak om ding inleng gen uhi.
Tuabangkal ah, Local Contractors Assn. in bandh abawl uh toh kiton tuni nitaklam dak 5:30 vel in Khuga Dam a Superintending Engineer (SE) office mei in haal uhi. Huai ah SE room kongkhak kilhna tala kalsia in a sung a SE tutna (chair) tel in tutna khenkhat a dohkan (table) tung a koih in haal ua, SE tutna kangtum a plastic chair khenkhat bel naktak in kaangsia hi. SE Room sung a electric gui leh a bulb khenkhat leng kangsia hi. Hiai thiltung toh kisai in Lamka pansan thuthaksai khenkhat in Khuga Dam a thiltunna mun etkhiatna va nein gal uhi.
Hiai thiltung toh kisai in Media te’n SP/CCpur Mr. Manglemjao, IPS phone tungtawn a dotna uah Mr. Manglemjao in ‘Nothing happened, This is Churachandpur and many nonsense things happens, I don’t want to comment.’ Chi’n dawng hi. Khuga Dam a om Sepaih duty te’n bel electric short circuit ziak a kaangsia hidan in gen uhi. Local Contractors pawl in bel phone tungtawn in hiai thiltung amau khutnung hidan in Lamka Post palai theisak ua, Govt. in ngaihsaklou a Bill apiakzok kei uh leh kiphinna khauhzawsem a nei ding uh hidan in leng gen uhi.
ZRO Home Affairs in thusuah bawl
Lamka, Dec 18: ZRO Ministry of Home Affairs in thusuah a bawl press a kimu in a taklatna ah, Singngat leh Lamka kikal nasepna pailel pen lungtunhuaisa in a nasep uh a zohsiangma uh hoihtak a semzom ding in theisak ngal uhi. Behiang leh Singngat kilal alkatra omlouh ziak a nasep khawlpen a kisaipihte’n ngaihven ding in theisak uhi. Thusuakin a taklat zelna ah, Singngat leh Sinzawl kikal nasepna leng tukal sung ngei a etkhiak sawm ahihdan uh taklang kawm in etkhiak hun a contractor te mahni nasepna mun chiat a om ding in theisak a, a omloute tung ah action lak hidi’n leng taklang uhi.
DC Office ah meeting 2 om ding
Lamka, Dec 18: Dist Level Co-ordination Committee (DLCC) meeting zingchiang zinglam dak 11:00 in DC/CCpur Office Conference Hall ah om ding a, tua zoh sunnung dak 1:00 in National Foundation for Communal Harmony(NFCH) tawh kisai meeting om nawn ding hi.
YVA Town Unit pawl Social work ding
Lamka, Dec 17: Young Vaiphei Assn.(YVA) Town Unit in zingchiang zinglam dak 8:30 vel in New Bazar area sung ah Social Work ding ua, Gari tuamtuam zang in New Bazar Bus Parking area a ninte hahsiang ding uhi.
AAY antang mun 3 ah zuak ding
Lamka Dec 17: Food & Civil Supply (FCS) dept CCpur saina in AAY antang zingchiang zinglam dak 11:00 apan in Lamka khawpi sung mun tuamtuam ah mobile sale in AAY Card neite kiang ah zuak pan ding uhi. Tuni’n Mobile Shop near Police Station ah zuak ua, zingchiang in Thingkangphai ah, Dec. 19, 2007 in Police Station, FCS Godown Hq Veng leh Bungmual Town Bus Parking ah, Dec.20, 2007 in Thingkangphai Community Hall leh New Lamka Dorcas’ Hall Waiting Shed ah zuak ding uhi. Card khat ah antang 35kg zel pe ding uhi.
Home Guard 15 hawng tun beh
Lamka, Dec 17: Lamka khawpi a Krist mass sung a mipi bazar a tam ding ziak a Ploce Traffic lam enkol ding in S. Manglemjao Singh IPS in Bishnur apan Police Home guard 15 nget beh in tuni’n Home guar numei 6 leh pasal 9 hawng tung uhi.
Police tamtak lak sawm
Lamka, Dec 17: Manipur Police dept nuai ah Police Post tuamtuam a ding 131 lak sawm ua, a lak dingte uh bel, Sub Inspector -64, Asst Sub Inspector – 42, leh Jamadar in MR/IR Bn- 25 hiding hi. Jan. 4, 2008 zinglam dak 8:00 apan in Manipur Police Training School Pangei ah kila ding u a, October 1, 2007 tan a kum 18 ching ASI a ding in PUC/Intermediate, SI a ding in Graduate hi ding a, SP/CCpur Office ah form la in Dec 29, 2007 tan in Dist. Employment Office ah piak lut theih ding hi.
Manipur Police in Equestrian meet zintun ding
IMPHAL DEC 17: All India Police Equestrian Meet 2008, hongtung ding January 4 – 9, 2008 sung, Imphal a Mapal Kangjeibung (Pologround) leh Manipur Pony Breeding farm, Lamphelpat ah, Manipur Police department zintunna masapen ding a om ding hi’n Manipur DGP Y. Joykumar, IPS in 1st MR Banquest Hall ah tuni sunnung dak 12.30 in thuthak saimite kiang ah gen hi.
DGP in aban agenna ah, hiai meet a tel ding State 29 lak a team 9te theihchet hita a, hiai sanga tamzaw lai dia gintak thu leng gen hi. Manipur Police team ten, hiai meet a a zat ding uh Sakawl te All Manipur Equestrian Association te a hidinga, amau apoimoh technical leh adang dang ah leng kithuahpihna peding uhi. State dang apat hongkuan Police team ten amau Sakawl ding hong kiken ding uh hidan in leng DGP in genbeh hi.
Bomb puak protest rally
IMPHAL DEC 17: Imphal East district sung Lamlai Police station huamsung a Imphal - Ukhrul lampi in a totkhak, Paorabi gei a bomb hattak apuahzak ziak a, Imphal apat Pukhao zuan Canter bus a tuang mi 7 a sih ban uah, midang tamkhop in liamna atuah mohpaihna in, tuni nitaklam dak 3.30 in B.T. road ah All Manipur Nupi Marup pawl in rally nei ua, himahleh, Police in gamla paisuan theilou dingin dal uhi.
Hiai hun a Nupi pawl in banner a takna uah, Paorabi tualthahna mohpaih ahi, lampi a bomb phumgu kei un, kuaten bangziaka minautang that hiam? a kinlam in hilhchian un chih leh minautang thah kichi terrorist gamtat ahi chihte taklang uhi.
Thudang khat ah, zan nitak a bomb puak toh kisai a thuthak saimite dotna Manipur DGP Y. Joykumar in adawnna ah, hichibang bomb puak pen remote control zanga thilhih ahihban ah, Imphal khopi sunga bomb puahsak maimaite toh teh theih hilouh hidia a gintak thu gen in, kuapeuh in muanmoh leh thil theih aneih ua leh Police a theisak pahpah dingin leng ngetna nei hi. Hiai bomb puahna mun tuni’n DGP makaih in Police top official ten leng vapha uhi. Zan nitak a bomb puak pawl tuamtuam tamtak in leng mohpaih uh ahihdan thusuah bawl ua, helpawl UNLF in bel amau kigolhlou hidan in leng thusuah bawlta uhi.
Boundary khuam phuh thak ding kipak
IMPHAL DEC 17: Meitei Council Moreh a General Secretary N. Phulindro Singh in tuni a thusuah abawl na ah, Myanmar leh India kal Morea area a border wall fencing bawl ding chih tungtanga MCM kipak mahmah ahihdan taklang hi.
Hiai thusuak a kitaklang dan in, tuma kum 10 val paisa a India leh Myanmar kal a International border pillar no. 78 mangpen fencing bawl thak ma a, amun ding tak a phuh masak hoihsak thu leh deihthu leng taklang hi. MCM thusuak dan in, International border pillar no. 78 chihlouh pillar no. 79 omna mun Muslim Nagar, 80 mun Gavajang village leh 81 mun Kowtha Khunou hidan in leng taklang hi. IBP no. 78 gei a Angla Prameshori Temple gei a Myanmar lam a 70 metres lut a om, Tamil Community te Shiva Mandir leng 1967-68 a bawl hita ahihman in, hiai in India lam a om ahihna chian hidan in leng taklang hi.
Combined force toh helpawlte naktak in kikap tuah IMPHAL DEC 17: Police apat thutut kingah dan in, tuni zinglam dak 5 vel apat dakkal thum sung vel ding, Imphal East district sung Lamlai Police station huamsunga om Nongmaipal lak ah, helpawlte leh combined force of 32 AR, 19 AR, 150 BSF, Imphal East leh West Police commando te naktak in kikap tuah uhi.
Hiai kikaptuahna ah, a lang tuak a lethode leh rocket launcher tanpha leng zang uh hidan in kigen a, himahleh, hiai thu gelh ahihtan in si-le-liam omzah theih hilou. Police thusuak dan in, hiai mun lak a helpawl cadre 40 vel om chih theih ziaka combined force ten ava naih uh hidan in leng kigen hi. Thudang khat ah, hichibang a kikaptuahna nasatakk omziakin, Nongmaipal leh Teuisenphai khomite patau in akhua uapat taikhia ua,Takhel khua ah kibu uh hidan in leng kigen hi.
Minorities Rights Day zat hiding
IMPHAL DEC 17: Manipur State Minorities Commission leh All Manipur Minorities Forum kithuah in, kumlui a zat ahihbangin, tukum inleng December 18, 2007 zinglam dak 10 in Imphal a Kangla Hall ah 'Minorities Rights Day' zatna om ding hi.
Hiai hun ah Chief Guest, President leh Guest of Honour dingin, Janab Md.Alauddin Khan minister, MOBC/RD & PR/Fsy), Janab A.Halim Choudhury IAS (retd) Chairperson, Manipur State Minorities Commission, I.S.Laishram IAS Commissioner MOBC, L.Rabindra Singh retd. Judge, Family Court leh Prof. M.S.Ningomba President, All Manipur Minorities Forum te pang ding uhi.Hiai hun zatna ahihna ding san bel, minorities te kepbitna ding leh dopkangna dia, 1992 a United Nations in Declaration on the Rights of Persons belonging to National or Ethnic, Religious and Linguistic Minorities, inter-alia, that: 'State shall protect the existence of the National or Ethnic, Cultural Religious and Linguistic Identity of Minorities within their respective territories and encourage conditions for the promotion of that identity' chih toh kisai ahi.
NIT toh kisai Fact Finding team; Kangla sung a Biakinn om nawnlou
IMPHAL DEC 17: Langol leh Lamphelpat a National Institute of Technology (NIT) bawlkhiak sawm ahihna toh kisai in, All India Christian Council (AICC) National Fact Finding Team in Public Jury hearing nei ding uh hi’n Madhu Chandra Regional Secretary AICC in thusuah abawlna ah taklang hi.
Thusuak dan in, Public Jury hearing bel, December 19, 2007 in Shija Hospital junction ah neih hiding hi. Hiai National Fact Finding team a tel dingte bel, Dr. John Dayal Member of National Integration Council, Govt. of India, Dr. Sam Paul, National Secretary Public Affairs of All India Christian Council, Mr. Albert Lael, National Director of Dalit Education Society leh Madhu Chandra, National General Secretary, All India Confederation on SC/ST Organisations leh Spokes person of North East Support Centre & Helpline, New Delhi te ahi.
Hichibang NIT bawlkhiakna ding toh kisai in, Langol leh Lamphelpat area a omte kang ah, Principal Secretary, (Revenue) Govt. of Manipur, P. Sarat Chandra IAS in September 27, 2007 in gam lakna ding toh kisai Land Acquisition Act, 1894 pansan in thusuah bawlta hi. Thusuak dan in, All India Christian Council te kianga, Rajya Sabha MP Rishang Keishing in agenna ah, Assam Rifle te notsiat Kangla sunga church building leng State integrity etsakna dia kepbit ding chih himahleh, hiai leng om nawnlou chih ahi.
Sunday Blast ah RPF kipuang; Mipi’n Rally thupitak nei
Imphal, Dec 17 (NNN): Revolutionary Front (RPF) zan Pathianni a Poureibi mun a bomb puaksak amau khutnung hi a taklang kawm in hiai bang vangsiatna a tunsak uh poisa mahmah uh hi’n taklang uhi.
Hiai toh kisai RPF press release in a taklatna ah, hiai bomb pen RPF arm wing PLA member 3 in ni 2 paita a akam uh hi a, himahleh PLA doutute’n hiai bomb thang kamtute lak a 2 man ua, a mantute’n bomb thang kikam pen lakhelou a a puahzak sak ziak ua hiai bang thiltung hi’n taklang uhi.
Thusuakin a taklatzelna ah, hiai a site zahna liantak pekawm in misite Nam-le-gam a dia Martyrs dan a pom ding uh ahihdan taklang kawm in misi inkuanpihte thuakpih mahmah uh ahihdan taklang uhi. Hiai Sunday Blast ah bel mi 7 si in midang 25 liam uhi.
Tuabangkal ah, tuni nitaklam dak 3.30 in B.T. road ah All Manipur Nupi Marup in rally nei ua, himahleh, Police in gamla paisuan theilou dingin dal uhi.
Hiai hun a Nupi pawl in banner a takna uah, Paorabi tualthahna mohpaih ahi, lampi a bomb phumgu kei un, kuaten bangziaka minautang that hiam? a kinlam in hilhchian un chih leh minautang thah kichi terrorist gamtat ahi chihte taklang uhi.
Thudang khat ah, zan nitak a bomb puak toh kisai a thuthak saimite dotna Manipur DGP Y. Joykumar in adawnna ah, hichibang bomb puak pen remote control zanga thilhih ahihban ah, Imphal khopi sunga bomb puahsak maimaite toh teh theih hilouh hidia a gintak thu gen in, kuapeuh in muanmoh leh thil theih aneih ua leh Police a theisak pahpah dingin leng ngetna nei hi. Hiai bomb puahna mun tuni’n DGP makaih in Police top official ten leng vapha uhi.
www.zogam.com
No comments:
Post a Comment