CCpur Dist ah buh 13,039 MT piang
Lamka, Dec 19: CCpur Dist sung a Block tuamtuam a tukum 2007 a buh piang zah Dist Agriculture Office CCpur in kai khawm ua, Tuilou a buh piang 6112 MT leh Singtang lou apiang 6927 MT hi a, a kigawm a 13,039 MT hin sui khia uhi.
Buh piang khe teng antang a hisap in 8693 MT pha a, CCpur Dist a mihing 2001 census dung zui in mihing 2,23,863 hi a huaite lak ah mi khat zel in kum khat sung in antang kg183 zel negai ding a hisap in mihing 47502 in ne thei ding uhi. CCpur Dist a teng mihing 1,76,361 velte nek ding bei a om ding chihna suak hi. Buh piang zah kaih khawm a omte, block a khen in Dec 5, 2007 in Joint Director Agriculture ah report uhi.
Zomi Singer Muana Ngaihte damlou in si
Lamka, Dec 19: Zomite lak a lasiam minthang mahmah Mr. Singgoumuan Ngaihte @ Muana Ngaihte s/o (L) L. Sawnzakham Ngaihte tuni zinglam dak 3:30 in Khokawn ah si hi’n a inkuanpihte apan thutut kingah hi.
Muana Ngaihte bel Album CD Cassette bawl tam pen lawi dia chiam teh ahi hi. Singgoumuan @ Muan a Ngaihte (39) s/o (L) L. Sonzakham Ngaihte of Khawkon Mizoram tuni zinglam dak 3:30 vel in Awmna(Asthma Stroke) in si hi. Tuni mah in Khawkon hanmual ah vui uhi. New Lamka a a pate inn Elim veng ah leng tuni sun dak 12:00 in sunna programme zang uhi.
Muana Ngaihte, December 18,1968 in CCpur district Geljang khua ah piang a, Lamka khopi a bangtan hiam hun a zat nung in Karbi-Anglong District ah nekzonna toh kisai in pem a, lamet a batlouh ziakin Khokawn, Mizoram ah a sihni tan in khosata hi. Lasak lunglut mahmah ahih toh kiton in 1989 vel in Deih Anglai Cassette bawlkhia a, hiai a bawlkhiak apan in Manipur South District sung pumpi a a min hong thang pan a, SSPP saina nuai a Delhi a om SIMAS, kichi ah Best Male Vocalist (Gospel), Best Male Vocalist (Country/Sentimental), Most Promising Artist (Country/Sentimental) & Lifetime Achievement Awards piak in om hial hi.
Muana Ngaihte’ sakkhiatsa late ah, a gil mahmah la thu kizang a, Zomite ki-itna tangthute leh i khang tangthu tamtak a telkha hi. Itna buannawi a tummang ding a kisa, khangnou tamtakte, lungzuangtak a a omlai un, Muana late tungtawn in, kithuahpihna khut a vaan a, tha thak guan in, a tung uah kipahna sunni a tangsak zel hi. Huaiziaktak in amah late’n Zogam ah tul theilou a, tul ngei nawnlou ding hi.
Muana in tuni tan in album 16 vel bawlkhe man a, la leng 187 vel phuak man hi. A lasak teng lak ah ‘Deih Anglai’ album minthangpen lai hi. Pathian a kimuh thakna a neih toh kiton in Pathian la ngen sata a, 2007 in Pathian La ‘Kei leh ka inkuante’ chih CD khat bawl man a, tua ah “Pathian nei Nam a hampha hi” chih hoihsapen hi. A damlai a agenna ah, Lengtong Paunou in lasakna toh kisai in hanthawn pen hi’n gen a, society lak a kipahtawituahna ngai poimohpen ahih dan SIMAS toh kisai interview a neihna ah gen hi. Muana Ngaihte in Music Video tamsem bawlkhiak a sawmlaitak in Ashma natna thuak zoulou in a sep bangbang kipahman sang ding in a muan Pathian kiang zuanta hi. Amah sihna ah Lamka Post in suun mahmah hi.
Prize Distribution cum Annual Magazine release L
amka, Dec 19: Lamka College ah zing chiang zinglam dak 10:30 in Prize Distribution cum Annual magazine honna neih sawm uhi. Huai hun ah programme tuamtuam kipolh limna leng om ding hi.
Pasal khat Gari a kia in liam
Lamka, Dec 19: Zan sunnung dak 2:30 vel in Tuilaphai khaw kiang ah Robinson (23) s/o Lalgi Singh of Keithelmanbi Gari a tuang lai zan sunnung dak 2:30 in kia a, amai lak liam in zan nitak dak 6:00 in Dist Hospital Lamka puak tung a om in tun Hospital ah etkol in om hi. Robinson bel Tipaimukh Road area a BRTF nasepna a labour hi a, a sakhau ah Dendrite muhkhiak ahihziakin Dendrite kham hidia gintak leng ahi.
Lt L. Pumlal L. Ngaihte kipahpihna hun zang
Lamka, Dec 19: Lt Pumlal L. Ngaihte s/o L.Chinkholal of Tuibuang in Dec 10, 2007 ni a Lt. angah kipah pihna leh Pathian kiang a kipahthu genna tuni zinglam dak 11:00 in Tuibuang a tenna inn uah nei uhi. Rev. B. Chinlal Pastor in hasotna leh thum sakna hun nei a, kikhopna zoh in ankuang um uhi. Lt. Pumlal L.Ngaihte in Jan.18, 2008 in J & K ah 23 Mech Infantry ah join ding hi.
ITLCM kum 5 chinna lawm
Lamka, Dec 19: Indigenous Tribe Leaders Council Manipur (ITLCM) kum 5 chinna tuni zinglam dak 11:00 in IB Road a KKL Complex ah lawm uhi.
Hiai hun zatna ah zingkal lam dak 10:30 in Tribe tuamtuam a makaiten Business session nei ua, ITLCM in maban a sep ding tung tang leh panlak ding dan kikum khawm uhi. Huai zoh sunnung dak 1:00 in Kum 5 chin lawpna hun zang ua, Holkholhun Lhungdim President Kuki Innpi Manipur in thu genna hun nei a, aman Manipur a singtang mi nam tawm chik Tribe tuamtuam a omte ITLCM a kigawm kei ua leh mangthang ding chih gen a, Tribe tuamtuam in kimin loh mah lehang unau khat i hi uh chih uangtak in gen a, khan touh nang leh masawnnang in ITLCM a kigawm alampi om sun in gen hi.
Zomi Council Chairman Pu LB Sona in agenna ah ITLC kichi CCpur Dist sung kia huam ahi kei a Manipur mun tuamtuam huam a hihdan gen hi. ITLCM mimal a hilou in Manipur a teng singtangmi khempeuh a hin gen a, Tribe tuamtuam a makaite ITLC a hong kigawm ua pan in Singtangmi helpawl lamte leng UPF leh KNO in om ua, tu chiang in pawl nihte lak ah leng kithiehsiamlouhna omlou in bouruak nuam in Thau ging chih leng zak hilou chih gen a, huai pen pan khawmna leh kithutuahna gah hi’n leng gen hi. ITLCM pen Election ah kigolhlou ding a, kua mah in Election van zat a neilou ding in ngen hi. Kikhopna zoh in kum 5 chin lawpna in ankuang um uhi.
LCA meeting neih sawm
Lamka Dec 19: Mata khaw kiang a Khuga dam a Head Work Division a Local Contractor Association (LCA) in zingchiang zinglam dak 6:30 in New Lamka Hebron veng a C.Vanhlir trenna inn ah meeting nei ding uhi. Huai tel ding te’n midang a hilou mahni liability chiat tawi ngai ding chih H. Manlun President, LCA apan thu tut kingah hi.
SDPO in ni 20 suty la
Lamka, Dec 19: K. Kabib IPS SDPO/CCpur in Dec 6, 2007 apan ni 20 sung suty la a, amah suty sung in SP/CCpur in len khawm ding hi. SDPO bel Dec 29, 2007 in office kai nawn hi.
Pay bill 428 UBI ah thawn
Lamka, Dec 19: Treasury Office CCpur in zan in Civil pension mi 428 paybill passed in advised UBI CCpur ah thawn uhi. Tulai in Treasury office in Pension pay bill passed zohsate uh min list mipi et theih ding in Treasury office ah tak khe zel uhi.
Lemlak theihgige
Lamka, Dec 19: Eletion toh kisai a Photo Identity Card lakna ding a hunseh bei mahleh, lemla nailou tamtak om ziakin CCpur A/C nuai vote nei lemla nailoute’n chiklai peuh in SDO/CCpur office ah lem lak theih ding hi.
Angel’s Vision in Advent Christmas zang ding
Lamka, Dec 19: New Lamka pansan a kisuah khia Local Cable Angel’s Vision kichi in hong tung ding December 21, 2007 nitk dak 5 in YPA Hall, New Lamka ah ‘Angel’s Vision Musical Extravagenza-cum-Advent Christmas’ thupitak in zang ding uhi. Hiai hun zatna ah, Evan Timothy in Christmas Message gen ding a, Angel’s vision nuai a lasiam tuamtuamte’n phatna leh Christmas la sa ding uhi.
Police tamtak lak sawm
Lamka, Dec 19: Manipur Police dept nuai ah Police Post tuamtuam a ding 131 lak sawm ua, a lak dingte uh bel, Sub Inspector -64, Asst Sub Inspector – 42, leh Jamadar in MR/IR Bn- 25 hiding hi. Jan. 4, 2008 zinglam dak 8:00 apan in Manipur Police Training School Pangei ah kila ding u a, October 1, 2007 tan a kum 18 ching ASI a ding in PUC/Intermediate, SI a ding in Graduate hi ding a, SP/CCpur Office ah form la in Dec 29, 2007 tan in Dist. Employment Office ah piak lut theih ding hi.
Prize lawpna ah DC/CCpur khuallian in pang ding
Lamka, Dec 19: 14th State Level Bharatyan Competion zanhal a Imphal a om ah Tuibuang a om Grace Academy High School in khatna la in Rs. 15,000/- sang uhi. Hiai hun ah Revenue District Jiribam leh Kangpokpi tel in team 11 kidem uhi. Thutut kingah dan in, hiai a kipahman a lak uh lawpna zinghal December 21, 2007 sunnung dak 12:30 in nei ding ua, tua hun ah DC/CCpur Mr. Sumant Singh, IAS in khuallian hihna toh uap ding a, Zonal Education Officer Mr. Lalrothang in Functional President hihna toh uap ding hi.
Chetak Operator Conference
Shillong, Dec 19(NNN): Indian Air Force nuai a om Tezpur Station pansan in kalpaita Dec 13, 2007 in Chetak Operator Conference thupitak om a, hiai hun ah Air Commodor AG Patil, Officer Commanding, Air Force Station Tezpur in honkhiakna nei hi. Hiai hun zatna ah Air Headquarter, Eastern Air Command, Central Servicing Development Oganization, Delhi, HAL leh Indian Air Force unit tuamtuam apan palai tamtak tel ua, AVM SS Gunashekar VSM, SMSO Headquarters Eastern Air Command in hiai a telte kiang ah certificate hawmkhiakna nei hi.
State Bank Lun
Shillong, Dec 19: NREGS nuai a job card tungtawn a nasepnate sum piakkhiak ahihtoh kiton in SBI/CCpur branch tulai in lun mahmah a, bank hon ahihma nasan in mi tamtak kivual khinzel uhi. NREGS nuai a nasepna pai lel lai ah veng khenkhat ah mihing kuan lou in Job Card kia kuanna mun leng om zeuhzeuh a, tua banah, a kipat tung lai in sunnung dak 3 tan semzel mahle un tuni chiang in sun dak 12 chiang khong lel sem pawl om uh hi’n leng thutut kingah hi. Sep ding beita hia, ahihkeileh sem peih nawnlou chih bel theih hilou hi.
Prepak khat man
IMPHAL DEC 19: Imphal West District Police commando in zan nitaklam dak 3.10 in, Keishampat Jailor leirak apat Prepak (Shanti group) cadre khat, Thounaojam Thenao @ Martin @ Nongbal (25) s/o (L) Th.Ramchoron Singh of Keishampat Jailor leirak kichi mankhia uh chih Police thusuak om hi.
Zarda Rs 12 lakh man ding haltum
IMPHAL DEC 19: Helpawl UNLF a Central special task force ten, apaisa December 12, 2007 a Truck khat a Zarda kipua man in Sagolband Chingom leikai Youth Club te khut a piakkhiak nung un, tunin Sagolband ah haltum in om hi.
Hiai Zarda tebel, Thangal bazaar a om, Jitendra Bihari leh Moreh a om, Khuma Kuki a hidan a gen ahihban ah, a sum a tuat in Rs 12 lakh man vel hidia gintak ahi. Amau gel UNLF in December 30, 2007 tan a pawlpi a kipekhe dingin theisak ua, huchibang ahihkei leh gawtna khauhtak piak hiding un leng kigen hi.
NIT bawlna ding toh kisai in Public Jury hearing om
IMPHAL DEC 19: Langol leh Lamphelpat lak a govt. in National Institute of Technology bawl khiak a sawmna mun deihlouh jiak a JAC khat bawlkhiakte’n NIT bawlna mun ding hitheilou ding chihna toh, Central a Prime Minister Dr. Manmohon Singh leh UPA Chairperson Sonia Gandhi tel in mi tuamtuam va kimuhpih in, NIT mun dang a bawl dingin ngetna vanei uhi.
Hiai toh kisai in, All India Christian Council apat, National Fact Finding Team, palai 4 te Imphal hong hoh in, tunin Langol a Shija hospital junction ah, zinglam dak 10 apat nitaklam dak 2 tan ‘Public Jury hearing’ om hi. Hiai hun ah, NIT bawlna mun in a sukkhak ding gam neitu leh civil society apat heutu tuamtuam 500 vel paikhom uh hidan in thutut kingah hi.
Tuni a Public Jury hearing hong nei National Fact Finding Team palai mi 4te bel, Dr. John Dayal, member of National Integration Council, Govt. of India, Dr. Sam Paul, National Secretary Public Affairs of India Christian Council, Albert Lael, National Director of Dalit Education Society leh Madhu Chandra, National Secretary of All India Confederation of SC/ST Organisations and Spokes person of North East Support Centre & Helpline, New Delhi te hi uhi.
Tuni a public jury hearing hun a JAC palai, Kim Gangte Ex-MP in a thugenna ah, tuni a hichibang hearing poimohtak neih ding toh kituak a, Manipur govt. in Imphal West district pumpi a zan nitak dak 5 apat hunchiam omlou Cr.P.C. 144 a koihna tung ah govt. mohsak thu taklang hi. Dr. John Dayal in agenna ah, tuni a NIT Langol leh Lamphelpat area abawl ding deihlouhna a, mipi lam apat ngaihdan tuamtuam kigen omte, central a akisaipihte kianga report hoihtak pelut ding ahihdan uh gen uhi.
Poverty beisakna ding toh kisai NEC meeting
IMPHAL DEC 19: North Eastern Council (NEC) saina in December 17 & 18, 2007 sung New Delhi ah, ‘Poverty Eradication’ chih thupi toh kisai in NEC 55th meeting om a, NEC Chairman Mani Shankar Aiyar in makaih a, North East State teng apat Governors leh Chief Minister teng ban ah, Central leh state govt. apat NEC official tamtak kihel uhi.
Hiai meeting a Manipur Chief Minister O. Ibobi Singh in athugenna ah, 1994-95 leh 2004-05 a Manipur a poverty dinmun 33.78% apat 17.3% a kesuk ahihdan gen hi. Hiai hun sung mah in, India a poverty dinmun bel, 36% apat 27.5% in kesuk bok hi. CM in agenna ah, Manipur a poverty dinmun niamsakna dia, mi jawng leh gentheite sepna piak chauh hilou in, huchibang mite nasem thei dia bawl leng kul a sak dan gen hi.
Aban agenna ah, employment toh kisai a central govt. in National Rural Employment Generation Act, 2004 pansan a, inkuan khat a mikhat in kumkhat sunga dia ni 100 nasep ding piak, Manipur a singtang gam district thum, Tamenglong, Ccpur leh Chandel district te a zatpat hita a, mi tamtak in phattuampih uh ahihdan leng gen hi. Huailou in, Self Employment Generation Programme nuai a 2004-05 adia Central govt. in Manipur adia apiak Rs 150 crores leng phattuamtak a zat hidan in CM in taklang hi. Manipur a rural mi 8.9% leh urban mi 27.8% te ahinna ding ua, non-agricultural sector a kinga om hidan in leng CM in gen hi.
Aban agenjelna ah, Ministry of DoNER in World Bank toh kithuah a, Natural Resource Livelihood project kichi tunung sawtlou a, apat dek leng alohchin ngei lam etthu O.Ibobi Singh in gen a, hiai in Manipur a singtang leh rural area a omte hindan dinmun leng adopsang ahih ngei lam et thu leng gen hi.
NE states a Live-stock census toh kisai genkhom
IMPHAL DEC 19: Manipur govt. nuai a, Directorate of Veterinary & Animal Husbandary services saina in, tuni zinglam dak 11 in, North Eastern States te a Live-stock census toh kisai zonal meeting, Sanjenthong a State Guest house conference hall ah om a, NE states te apat Veterinary Secretaries leh Directors te kihel uhi. Khuallian in, Manipur a Vety & AH minister DD.Thaisii, President in, KK.Chhetry IAS Secretary, Vety & AH Govt. of Manipur leh guest of honour in, O.P. Misra Advisor (Statistics) Department of Animal Husbandary, Dairying & Fisheries, Ministry of Agriculture Govt. of India te pang uhi.
DD Thaisii in agenna ah, kum nga dan jel a, live-stock census sim a ompen, adiktak mah hoihtak a theihchetna dia sep kul hidan a gen in, India a gam neilou live-stock neitu apang 67% mihing om ahihdan leng gen hi. Hichibang ten, bawngnawi leh sa naktak a posuah zou uh hidan in leng genbeh hi. Live-stock census in Planning toh kisai a naktak a phattuamna peding hidan in DD Thaisii in genbeh hi. President apang, KK.Chhetry in agenna ah, Live-stock census simna toh kisai, field work ahihman in, nasep alohchin theihna dia, hichibang huang vulh ganta neituten census bawl dia kuante, kithuahpihna apiak hoih ua leh, adiktak figure theih hilel dingin gen hi.
Hichibang a Field work a kizangte thagim man ding leng central govt. in honpiakna dia state govt. in central a ngen ding ahihdan leng taklang hi. India a Live-stock census kibawl bel, 18 vei bang hita dan inleng gen hi. Tuni a meeting na hun ah, NE states tuamtuam apat Vety. Directors leh Secretaries kigawm palai 100 vel paikhom ua, State dang apat palai hongpaite 1st MR banquet hall ah cultural programme etsakna om in tua zoh in nitaklam in kik nawn vek uhi.
www.zogam.com
Lamka, Dec 19: CCpur Dist sung a Block tuamtuam a tukum 2007 a buh piang zah Dist Agriculture Office CCpur in kai khawm ua, Tuilou a buh piang 6112 MT leh Singtang lou apiang 6927 MT hi a, a kigawm a 13,039 MT hin sui khia uhi.
Buh piang khe teng antang a hisap in 8693 MT pha a, CCpur Dist a mihing 2001 census dung zui in mihing 2,23,863 hi a huaite lak ah mi khat zel in kum khat sung in antang kg183 zel negai ding a hisap in mihing 47502 in ne thei ding uhi. CCpur Dist a teng mihing 1,76,361 velte nek ding bei a om ding chihna suak hi. Buh piang zah kaih khawm a omte, block a khen in Dec 5, 2007 in Joint Director Agriculture ah report uhi.
Zomi Singer Muana Ngaihte damlou in si
Lamka, Dec 19: Zomite lak a lasiam minthang mahmah Mr. Singgoumuan Ngaihte @ Muana Ngaihte s/o (L) L. Sawnzakham Ngaihte tuni zinglam dak 3:30 in Khokawn ah si hi’n a inkuanpihte apan thutut kingah hi.
Muana Ngaihte bel Album CD Cassette bawl tam pen lawi dia chiam teh ahi hi. Singgoumuan @ Muan a Ngaihte (39) s/o (L) L. Sonzakham Ngaihte of Khawkon Mizoram tuni zinglam dak 3:30 vel in Awmna(Asthma Stroke) in si hi. Tuni mah in Khawkon hanmual ah vui uhi. New Lamka a a pate inn Elim veng ah leng tuni sun dak 12:00 in sunna programme zang uhi.
Muana Ngaihte, December 18,1968 in CCpur district Geljang khua ah piang a, Lamka khopi a bangtan hiam hun a zat nung in Karbi-Anglong District ah nekzonna toh kisai in pem a, lamet a batlouh ziakin Khokawn, Mizoram ah a sihni tan in khosata hi. Lasak lunglut mahmah ahih toh kiton in 1989 vel in Deih Anglai Cassette bawlkhia a, hiai a bawlkhiak apan in Manipur South District sung pumpi a a min hong thang pan a, SSPP saina nuai a Delhi a om SIMAS, kichi ah Best Male Vocalist (Gospel), Best Male Vocalist (Country/Sentimental), Most Promising Artist (Country/Sentimental) & Lifetime Achievement Awards piak in om hial hi.
Muana Ngaihte’ sakkhiatsa late ah, a gil mahmah la thu kizang a, Zomite ki-itna tangthute leh i khang tangthu tamtak a telkha hi. Itna buannawi a tummang ding a kisa, khangnou tamtakte, lungzuangtak a a omlai un, Muana late tungtawn in, kithuahpihna khut a vaan a, tha thak guan in, a tung uah kipahna sunni a tangsak zel hi. Huaiziaktak in amah late’n Zogam ah tul theilou a, tul ngei nawnlou ding hi.
Muana in tuni tan in album 16 vel bawlkhe man a, la leng 187 vel phuak man hi. A lasak teng lak ah ‘Deih Anglai’ album minthangpen lai hi. Pathian a kimuh thakna a neih toh kiton in Pathian la ngen sata a, 2007 in Pathian La ‘Kei leh ka inkuante’ chih CD khat bawl man a, tua ah “Pathian nei Nam a hampha hi” chih hoihsapen hi. A damlai a agenna ah, Lengtong Paunou in lasakna toh kisai in hanthawn pen hi’n gen a, society lak a kipahtawituahna ngai poimohpen ahih dan SIMAS toh kisai interview a neihna ah gen hi. Muana Ngaihte in Music Video tamsem bawlkhiak a sawmlaitak in Ashma natna thuak zoulou in a sep bangbang kipahman sang ding in a muan Pathian kiang zuanta hi. Amah sihna ah Lamka Post in suun mahmah hi.
Prize Distribution cum Annual Magazine release L
amka, Dec 19: Lamka College ah zing chiang zinglam dak 10:30 in Prize Distribution cum Annual magazine honna neih sawm uhi. Huai hun ah programme tuamtuam kipolh limna leng om ding hi.
Pasal khat Gari a kia in liam
Lamka, Dec 19: Zan sunnung dak 2:30 vel in Tuilaphai khaw kiang ah Robinson (23) s/o Lalgi Singh of Keithelmanbi Gari a tuang lai zan sunnung dak 2:30 in kia a, amai lak liam in zan nitak dak 6:00 in Dist Hospital Lamka puak tung a om in tun Hospital ah etkol in om hi. Robinson bel Tipaimukh Road area a BRTF nasepna a labour hi a, a sakhau ah Dendrite muhkhiak ahihziakin Dendrite kham hidia gintak leng ahi.
Lt L. Pumlal L. Ngaihte kipahpihna hun zang
Lamka, Dec 19: Lt Pumlal L. Ngaihte s/o L.Chinkholal of Tuibuang in Dec 10, 2007 ni a Lt. angah kipah pihna leh Pathian kiang a kipahthu genna tuni zinglam dak 11:00 in Tuibuang a tenna inn uah nei uhi. Rev. B. Chinlal Pastor in hasotna leh thum sakna hun nei a, kikhopna zoh in ankuang um uhi. Lt. Pumlal L.Ngaihte in Jan.18, 2008 in J & K ah 23 Mech Infantry ah join ding hi.
ITLCM kum 5 chinna lawm
Lamka, Dec 19: Indigenous Tribe Leaders Council Manipur (ITLCM) kum 5 chinna tuni zinglam dak 11:00 in IB Road a KKL Complex ah lawm uhi.
Hiai hun zatna ah zingkal lam dak 10:30 in Tribe tuamtuam a makaiten Business session nei ua, ITLCM in maban a sep ding tung tang leh panlak ding dan kikum khawm uhi. Huai zoh sunnung dak 1:00 in Kum 5 chin lawpna hun zang ua, Holkholhun Lhungdim President Kuki Innpi Manipur in thu genna hun nei a, aman Manipur a singtang mi nam tawm chik Tribe tuamtuam a omte ITLCM a kigawm kei ua leh mangthang ding chih gen a, Tribe tuamtuam in kimin loh mah lehang unau khat i hi uh chih uangtak in gen a, khan touh nang leh masawnnang in ITLCM a kigawm alampi om sun in gen hi.
Zomi Council Chairman Pu LB Sona in agenna ah ITLC kichi CCpur Dist sung kia huam ahi kei a Manipur mun tuamtuam huam a hihdan gen hi. ITLCM mimal a hilou in Manipur a teng singtangmi khempeuh a hin gen a, Tribe tuamtuam a makaite ITLC a hong kigawm ua pan in Singtangmi helpawl lamte leng UPF leh KNO in om ua, tu chiang in pawl nihte lak ah leng kithiehsiamlouhna omlou in bouruak nuam in Thau ging chih leng zak hilou chih gen a, huai pen pan khawmna leh kithutuahna gah hi’n leng gen hi. ITLCM pen Election ah kigolhlou ding a, kua mah in Election van zat a neilou ding in ngen hi. Kikhopna zoh in kum 5 chin lawpna in ankuang um uhi.
LCA meeting neih sawm
Lamka Dec 19: Mata khaw kiang a Khuga dam a Head Work Division a Local Contractor Association (LCA) in zingchiang zinglam dak 6:30 in New Lamka Hebron veng a C.Vanhlir trenna inn ah meeting nei ding uhi. Huai tel ding te’n midang a hilou mahni liability chiat tawi ngai ding chih H. Manlun President, LCA apan thu tut kingah hi.
SDPO in ni 20 suty la
Lamka, Dec 19: K. Kabib IPS SDPO/CCpur in Dec 6, 2007 apan ni 20 sung suty la a, amah suty sung in SP/CCpur in len khawm ding hi. SDPO bel Dec 29, 2007 in office kai nawn hi.
Pay bill 428 UBI ah thawn
Lamka, Dec 19: Treasury Office CCpur in zan in Civil pension mi 428 paybill passed in advised UBI CCpur ah thawn uhi. Tulai in Treasury office in Pension pay bill passed zohsate uh min list mipi et theih ding in Treasury office ah tak khe zel uhi.
Lemlak theihgige
Lamka, Dec 19: Eletion toh kisai a Photo Identity Card lakna ding a hunseh bei mahleh, lemla nailou tamtak om ziakin CCpur A/C nuai vote nei lemla nailoute’n chiklai peuh in SDO/CCpur office ah lem lak theih ding hi.
Angel’s Vision in Advent Christmas zang ding
Lamka, Dec 19: New Lamka pansan a kisuah khia Local Cable Angel’s Vision kichi in hong tung ding December 21, 2007 nitk dak 5 in YPA Hall, New Lamka ah ‘Angel’s Vision Musical Extravagenza-cum-Advent Christmas’ thupitak in zang ding uhi. Hiai hun zatna ah, Evan Timothy in Christmas Message gen ding a, Angel’s vision nuai a lasiam tuamtuamte’n phatna leh Christmas la sa ding uhi.
Police tamtak lak sawm
Lamka, Dec 19: Manipur Police dept nuai ah Police Post tuamtuam a ding 131 lak sawm ua, a lak dingte uh bel, Sub Inspector -64, Asst Sub Inspector – 42, leh Jamadar in MR/IR Bn- 25 hiding hi. Jan. 4, 2008 zinglam dak 8:00 apan in Manipur Police Training School Pangei ah kila ding u a, October 1, 2007 tan a kum 18 ching ASI a ding in PUC/Intermediate, SI a ding in Graduate hi ding a, SP/CCpur Office ah form la in Dec 29, 2007 tan in Dist. Employment Office ah piak lut theih ding hi.
Prize lawpna ah DC/CCpur khuallian in pang ding
Lamka, Dec 19: 14th State Level Bharatyan Competion zanhal a Imphal a om ah Tuibuang a om Grace Academy High School in khatna la in Rs. 15,000/- sang uhi. Hiai hun ah Revenue District Jiribam leh Kangpokpi tel in team 11 kidem uhi. Thutut kingah dan in, hiai a kipahman a lak uh lawpna zinghal December 21, 2007 sunnung dak 12:30 in nei ding ua, tua hun ah DC/CCpur Mr. Sumant Singh, IAS in khuallian hihna toh uap ding a, Zonal Education Officer Mr. Lalrothang in Functional President hihna toh uap ding hi.
Chetak Operator Conference
Shillong, Dec 19(NNN): Indian Air Force nuai a om Tezpur Station pansan in kalpaita Dec 13, 2007 in Chetak Operator Conference thupitak om a, hiai hun ah Air Commodor AG Patil, Officer Commanding, Air Force Station Tezpur in honkhiakna nei hi. Hiai hun zatna ah Air Headquarter, Eastern Air Command, Central Servicing Development Oganization, Delhi, HAL leh Indian Air Force unit tuamtuam apan palai tamtak tel ua, AVM SS Gunashekar VSM, SMSO Headquarters Eastern Air Command in hiai a telte kiang ah certificate hawmkhiakna nei hi.
State Bank Lun
Shillong, Dec 19: NREGS nuai a job card tungtawn a nasepnate sum piakkhiak ahihtoh kiton in SBI/CCpur branch tulai in lun mahmah a, bank hon ahihma nasan in mi tamtak kivual khinzel uhi. NREGS nuai a nasepna pai lel lai ah veng khenkhat ah mihing kuan lou in Job Card kia kuanna mun leng om zeuhzeuh a, tua banah, a kipat tung lai in sunnung dak 3 tan semzel mahle un tuni chiang in sun dak 12 chiang khong lel sem pawl om uh hi’n leng thutut kingah hi. Sep ding beita hia, ahihkeileh sem peih nawnlou chih bel theih hilou hi.
Prepak khat man
IMPHAL DEC 19: Imphal West District Police commando in zan nitaklam dak 3.10 in, Keishampat Jailor leirak apat Prepak (Shanti group) cadre khat, Thounaojam Thenao @ Martin @ Nongbal (25) s/o (L) Th.Ramchoron Singh of Keishampat Jailor leirak kichi mankhia uh chih Police thusuak om hi.
Zarda Rs 12 lakh man ding haltum
IMPHAL DEC 19: Helpawl UNLF a Central special task force ten, apaisa December 12, 2007 a Truck khat a Zarda kipua man in Sagolband Chingom leikai Youth Club te khut a piakkhiak nung un, tunin Sagolband ah haltum in om hi.
Hiai Zarda tebel, Thangal bazaar a om, Jitendra Bihari leh Moreh a om, Khuma Kuki a hidan a gen ahihban ah, a sum a tuat in Rs 12 lakh man vel hidia gintak ahi. Amau gel UNLF in December 30, 2007 tan a pawlpi a kipekhe dingin theisak ua, huchibang ahihkei leh gawtna khauhtak piak hiding un leng kigen hi.
NIT bawlna ding toh kisai in Public Jury hearing om
IMPHAL DEC 19: Langol leh Lamphelpat lak a govt. in National Institute of Technology bawl khiak a sawmna mun deihlouh jiak a JAC khat bawlkhiakte’n NIT bawlna mun ding hitheilou ding chihna toh, Central a Prime Minister Dr. Manmohon Singh leh UPA Chairperson Sonia Gandhi tel in mi tuamtuam va kimuhpih in, NIT mun dang a bawl dingin ngetna vanei uhi.
Hiai toh kisai in, All India Christian Council apat, National Fact Finding Team, palai 4 te Imphal hong hoh in, tunin Langol a Shija hospital junction ah, zinglam dak 10 apat nitaklam dak 2 tan ‘Public Jury hearing’ om hi. Hiai hun ah, NIT bawlna mun in a sukkhak ding gam neitu leh civil society apat heutu tuamtuam 500 vel paikhom uh hidan in thutut kingah hi.
Tuni a Public Jury hearing hong nei National Fact Finding Team palai mi 4te bel, Dr. John Dayal, member of National Integration Council, Govt. of India, Dr. Sam Paul, National Secretary Public Affairs of India Christian Council, Albert Lael, National Director of Dalit Education Society leh Madhu Chandra, National Secretary of All India Confederation of SC/ST Organisations and Spokes person of North East Support Centre & Helpline, New Delhi te hi uhi.
Tuni a public jury hearing hun a JAC palai, Kim Gangte Ex-MP in a thugenna ah, tuni a hichibang hearing poimohtak neih ding toh kituak a, Manipur govt. in Imphal West district pumpi a zan nitak dak 5 apat hunchiam omlou Cr.P.C. 144 a koihna tung ah govt. mohsak thu taklang hi. Dr. John Dayal in agenna ah, tuni a NIT Langol leh Lamphelpat area abawl ding deihlouhna a, mipi lam apat ngaihdan tuamtuam kigen omte, central a akisaipihte kianga report hoihtak pelut ding ahihdan uh gen uhi.
Poverty beisakna ding toh kisai NEC meeting
IMPHAL DEC 19: North Eastern Council (NEC) saina in December 17 & 18, 2007 sung New Delhi ah, ‘Poverty Eradication’ chih thupi toh kisai in NEC 55th meeting om a, NEC Chairman Mani Shankar Aiyar in makaih a, North East State teng apat Governors leh Chief Minister teng ban ah, Central leh state govt. apat NEC official tamtak kihel uhi.
Hiai meeting a Manipur Chief Minister O. Ibobi Singh in athugenna ah, 1994-95 leh 2004-05 a Manipur a poverty dinmun 33.78% apat 17.3% a kesuk ahihdan gen hi. Hiai hun sung mah in, India a poverty dinmun bel, 36% apat 27.5% in kesuk bok hi. CM in agenna ah, Manipur a poverty dinmun niamsakna dia, mi jawng leh gentheite sepna piak chauh hilou in, huchibang mite nasem thei dia bawl leng kul a sak dan gen hi.
Aban agenna ah, employment toh kisai a central govt. in National Rural Employment Generation Act, 2004 pansan a, inkuan khat a mikhat in kumkhat sunga dia ni 100 nasep ding piak, Manipur a singtang gam district thum, Tamenglong, Ccpur leh Chandel district te a zatpat hita a, mi tamtak in phattuampih uh ahihdan leng gen hi. Huailou in, Self Employment Generation Programme nuai a 2004-05 adia Central govt. in Manipur adia apiak Rs 150 crores leng phattuamtak a zat hidan in CM in taklang hi. Manipur a rural mi 8.9% leh urban mi 27.8% te ahinna ding ua, non-agricultural sector a kinga om hidan in leng CM in gen hi.
Aban agenjelna ah, Ministry of DoNER in World Bank toh kithuah a, Natural Resource Livelihood project kichi tunung sawtlou a, apat dek leng alohchin ngei lam etthu O.Ibobi Singh in gen a, hiai in Manipur a singtang leh rural area a omte hindan dinmun leng adopsang ahih ngei lam et thu leng gen hi.
NE states a Live-stock census toh kisai genkhom
IMPHAL DEC 19: Manipur govt. nuai a, Directorate of Veterinary & Animal Husbandary services saina in, tuni zinglam dak 11 in, North Eastern States te a Live-stock census toh kisai zonal meeting, Sanjenthong a State Guest house conference hall ah om a, NE states te apat Veterinary Secretaries leh Directors te kihel uhi. Khuallian in, Manipur a Vety & AH minister DD.Thaisii, President in, KK.Chhetry IAS Secretary, Vety & AH Govt. of Manipur leh guest of honour in, O.P. Misra Advisor (Statistics) Department of Animal Husbandary, Dairying & Fisheries, Ministry of Agriculture Govt. of India te pang uhi.
DD Thaisii in agenna ah, kum nga dan jel a, live-stock census sim a ompen, adiktak mah hoihtak a theihchetna dia sep kul hidan a gen in, India a gam neilou live-stock neitu apang 67% mihing om ahihdan leng gen hi. Hichibang ten, bawngnawi leh sa naktak a posuah zou uh hidan in leng genbeh hi. Live-stock census in Planning toh kisai a naktak a phattuamna peding hidan in DD Thaisii in genbeh hi. President apang, KK.Chhetry in agenna ah, Live-stock census simna toh kisai, field work ahihman in, nasep alohchin theihna dia, hichibang huang vulh ganta neituten census bawl dia kuante, kithuahpihna apiak hoih ua leh, adiktak figure theih hilel dingin gen hi.
Hichibang a Field work a kizangte thagim man ding leng central govt. in honpiakna dia state govt. in central a ngen ding ahihdan leng taklang hi. India a Live-stock census kibawl bel, 18 vei bang hita dan inleng gen hi. Tuni a meeting na hun ah, NE states tuamtuam apat Vety. Directors leh Secretaries kigawm palai 100 vel paikhom ua, State dang apat palai hongpaite 1st MR banquet hall ah cultural programme etsakna om in tua zoh in nitaklam in kik nawn vek uhi.
www.zogam.com
No comments:
Post a Comment