ZEPADA in CM kiang ah ngetna pelut
Lamka, Dec 21: Zomi Economic Planning And Development Agency (ZEPADA) in tuni in Manipur Chief Minister O Ibobi Singh kiang ah ngetna bawl in,Churachandpur District sung ah Village Grain Bank a taktak a tungkhe kin ding in ngetna bawl uhi. ZEPADA in Chief Minister kiang ah, Village Grain Bank kichi India gam sung mun tuamtuam ah honkhiak a om thamta ahihdan gen in, mipite gilkial a a sihding uh venna a tunkhiak a om sek ahihdan leng Chief Minister hilh uhi.
ZEPADA in CM kiang ah, State Government in Manipur singtang bial District 5 ah VGB 93 tunkhiak sawm uh chih thu ana zakha ahihdan uh gen ua, tualak ah Churachandpur in 25 tangkha ding ahihdan leng gen uhi. Churachandpur District sung ah kialpi a tung ngeingei ding chih muhkholhsa ahihdan ZEPADA in taklang ua, himahleh, tuni tan VGB khatmah leng muh ahih nailouh na ah lamdang sakthu puang uhi.
Tuabanah, CM kiang ah a kindiak chi in, tu-le-tu a sepsuah ding chi’n point 5 ngetna nei uhi. Tuate ahihleh, CCpur adia VGB 25 om te December 2007 beima ngei a, a taktak a tunkhiak ding, CCpur ah kialpi a nasat luat ding ziak in, Sub Division tuamtuam ah BPL Card nei Inn 40 tunglam om te kiang ah VGB khat chiat behlap ding, Food for work tungtawn a VGB Scheme om te sepsuah ding, FCI Dimapur apan CCpur District VGB Centre tanpha FCI in a sepsuah ding chih te telkhaa, tuabanah, antang hawmkhiakna toh kisai in, Local NGO/Social Organisation te a kihel ding uh chi uhi.
Suangphuh hun ding suan
Lamka, Dec- 21: Ex. MP Phamsa Pu N. Gouzagin theihgigena suangphuh honna zingchiang sunma dak 10:30 a Bungmual hanmual a neih ding chih himahleh hunchiam omlou in a hun suan in om hi.
Thutut kingah dan in, Mrs. Gouzagin theih khollouh a adam louh guih ziakin in Imphal ah puak suk a, a om ziak a a hun suan a om hi’n leng thutut kingah hi.
RIMS Director in Lamka pha
Lamka, Dec- 21: Dr.L. Fimate Director RIMS in tuni zinglam dak 10:30 vel in miml thil toh kisai in Lamka hong pha a, sunnung lam in Imphal ah kik nawn hi.
IPPI Proramme om nawn ding
Lamka, Dec-21: India Gamsung pumpi ah Intensive Pulse Polio Immunisation (IPPI) Programmed Ist round Jan. 6, 2008 in om ding hi. CCpur Dist ah leng Dist Family Welfare Office CCpur saina in om ding a, CCpur Dist ah IPPI booths/Centre 447 ah naupang kum o- 5yrs tan mi 35501 Polio damdoi dawn sak hiding in target bawl ua, Huai dawn sak a kuan ding man power 1881 vel a poimoh ding ziak un kisakhawl panta uh hi’n leng thutut kingah hi.
Golden Jubilee lawm
Lamka, Dec 21: New Lamka Go Cin Khup veng kiphuh khiak nung kum 50 chinna Golden Jubilee tuni zinglam dak 10:30 in Go Cin Khup veng CYA Hall ah thupitak in lawm uhi. Chief Guest ding a chial a om Pu T. Phungzathang Minister (Power, Horti & SC) hoh theihlouh ziak in asang gampa T. Kaigou sawl in aman Jubilee suang phuh hawng hi.
Chief Guest in puansan (Red Blanket) 30 pia a, huaite veng sung a mi phatuamngai tuamtuamte kiang ah pia hi. Functional President in Kaikhanmang President TCU pang a, T. Dongzakai Gangte President DCC(I) guest of Honour apang in Souvenir bu hawng hi. Go Cin Khup veng bel veng kum lui tak kum 1957 kum a Go Cin Khup in asat hi a, tulel in inn 452 om a, mihing 2733 teng in Biak inn 5 Cummunity Hall 1 leh Private School 1 om hi.
DC CCpur Chief Guest in pang
Lamka, Dec-21: Tuibuang a om Grace Academy in tuni zinglam dak 11:00 in Annual fare well cum Prize distribution function hun zang ua, tua ah Sumant Singh IAS DC/CCpur Chief Guest in a, Joseph Lalrothang ZEO/CCpur Functional President in pang hi.
Chief Guest in a genna ah, student te tu nung a gamsung vaihawmtu ding ahihziak un kuhkaltak a laisim ding in hasawtna thugen a, School pucca fencing bawl sak ding in chiam hi. Functional President in a genna ah, Grace Academy Student tuma zek a Bharatuim dance Imphal a khatna lak uh kipahpihthu gen in Lamka Republic Day zatna Jan 26,2008 ah lam ding inleng ngen hi.
NREGS nasa tak in pha tuam
Lamka, Dec 21: CCpur Dist a dia masapen National Rural Employment guarantee Scheme (NREGS) nasep CCpur Dist a Job card nuai a nasemte kiang a Kristmas ma ngei a sum pe dia DC/CCpur in a chiam dungzui in tulai in hiai semte hawmkhiak hipanta hi.
NREGS ziak in bazaar ah sum om panta in bazaar kai leng tam sawt mahmah hi. NREGS tung tawn in Bungmual khua in model village hih sak sawm in veng sung kikawmna lam liante kek lian in nasatak in sem ua, Molnom khua inleng Model village hih sak sawm in veng sung lamlian kek lian uhi.
Bazar ah Police leh Home Guard duty
Lamka, Dec 21: S. Manglemjao Singh, IPS SP/CCpur pan lakna ziak in Lamka khopi ah Christmas leh Kumthak sung a Bazar kai mipite bitna ding ngimna in Police Traffic nasatak a puah pha in, Guta suam hat apan kivenna ding in Police Traffic team te Police leh Home Guard te Bazar sung ah duty in pai tuahtuah uhi.
Water Supply tui kai niin nawn
Lamka, Dec 21: Lamka khopi sung tuinek ding piakna Bungmual kho sak a Tanky apan tuikaite tu lai in niin nawn mahmah hi’n thutut kingah hi.
Thutut kingah dan in, tuma kha 1 vel paita inleng khopi sung a tuinek ding buannawi bang mai in niin a, himahleh Press a taklat ahihnung in Deptt. in bawl hoih ua, himahleh khopi sung a tui niin ngen kai nawnta ahihman in a kisaipih Deptt in a ngaihven uh poimoh mahmah hi’n tui kai neite apan thutut kingah hi.
Sepna ngah thak
Lamka, Dec 21: Mr. G. Thangzamuan B.Tech s/o G. Kamkhansong of New Lamka in Bhaharat Alluminium Company a sem in tunai chin in Hindustan Aronautics Ltd Company ah Technical Manager ngah in tu in Bangalore ah Probation in om lel hi. Hindustan Anonautics Ltd. Company bel lenna bawlkhiakna company lian mahmah ahi.
Zenhang Lamka in NREGS sum hawm
Lamka, Dec 21: NREGS nuai a nasepna pailel toh kiton in tuni’n Zenhang Lamka in ni 8 thaman ding in Rs. 630/- chiat hawmkhia uh hi’n thutut kingah hi. Tua toh kiton in veng tuamtuam bangzah hiam inleng hawmta uh hi’n leng thutut kingah hi.
RIMS Staff Nurse written result suak
IMPHAL DEC 21: Lamphelpat a om RIMS a Staff Nurse, Contract basis a semtu ding lakna dia written examination, apaisa December 16, 2007 a om result zan Dec 20 nitak in puankhiak in om a, tua ah candidate 282 in lohchinna ngah uhi. Viva voce hun ding bel, tunung a puan hidingin RIMS Director thusuak in taklang hi. Lohchinna ngah Non-Naga singtangmite bel, 199 – H.Zodingliani, 325 – Kimneihoi Kipgen, 362 – Nemneilam Haokip
433 – Ramthienghlim, 434 – Ramhlunmawi, 440 – Alice Manngaihlian, 442 – Lalramsan Famhoite, 443 – B.Vanlalruati, 444 – Jonathan Colney, 448 – Esther Chongneilhing
454 – Niangngaihching, 463 – Elizabeth Nemneisiam, 464 – Neikim Rose Misao
574 – S.Paominlien Haokip, 644 – Hatneimoi Irish, 1093 – Lalrempui hi uhi.
IFCD a EE khat akhe langnih kapsak
IMPHAL DEC 21: Tuni zingkal dak 7.20 vel dingin, Lamphel Police station huamsung a om Thangmeiband Sinam leikai a om IFCD a Executive Engineer Division No. I semlel. S. Dhanabir Singh meltheihlouhten atenna In kong mahmah ah, akhe langnih kapsak in
taisan uhi. Thutut kingah dan in tuni zingkal in, meltheihlouh pasal nih Kinetic a tuangten, S. Dhanabir leh pasal khat ama In kong a kihou a omlai, Dhanabir na thei uh hia chia vakan in, Dhanabir in leng kei ka hi achih leh, pasal nihten thau neu lakhia in akhe langnih a kapsak in taisan uhi. Thautang in, S. Dhanabir veilam mun nih leh ataklam khe munkhat kapkha in Shija hospital a ICU ah etkawl hidan in thutut kingah hi.
Hiai a EE kapliam tute kuate hiam chih theih hikei mahleh, KNF( MC) muanmoh in om hi. Police ten hiai toh kisai in case khat chiamteh uhi.
Thutut kingah dan in, tulai in IFCD nuai a contractor te pending bull omte piak sawm in kisa lel uh chih hi a, himahleh hiai toh kisai a kap ahi chihna bel om tuanlou hi.
Silver Jubilee lopna nei ding
IMPHAL DEC 21: Imphal a Tarung Baptist Church (RNBA) ten hongtung ding December 22 leh 23 chiangin, Tarung local public ground ah, Silver Jubilee lopna hun zang ding uhi. Hiai hun ah Silver Jubilee suangphuh honkhiakna Rev. Poulian Kamei, Pastor Centre Church, RNBA in nei dinga, thugentu dingin, Rev. Vumthang Sithlou General Secretary MBC leh Rev. Timothy Phaomei Pastor MBCCC te pang ding uhi.
KRA Unification kibawl
IMPHAL DEC 21: Kuki Revolutionary Army in party hatzawk semna ding leh Kuki leh Meitei te ban a, pawl dangdang toh kituaktak nasep khawm theihna dingin, Unification thak apaita August 21, 2007 in Saikul area a munkhat ah nei uh hi’n David Chongloi in Karbi-Anglong Dist. Assam a mun khat a agen ISTC tungtawn in taklat in om hi.
Thusuakdan in , KRA unification thak nuai a President leh General Secretary dia David Chongloi leh W .Loncoln telthak uh hidan in leng ISTV in taklang hi.
O.Ibobi khen ding leh dinglouh Sonia khut ah
IMPHAL DEC 21: Manipur a SPF sorkal makaih O. Ibobi Singh khenkhiak sawmna a Congress sunga MLA leh minister bangzah hiam in pan a lakna uh, kha nih bang paita mahleh, tuni chiangin thuchian bangmah puankhiak omnai lou hi. Hun paisa a, hiai thu Dec 19 vel a chiangta dia gen himahleh, Manipur a Congress sung thubuai enkhe dia December 11 a Imphal hongzin PMO a MoS leh AICC NE incharge Prithviraj Chauhan in, zan in AICC President Sonia Gandhi kianga report pelut pan hidan in kigen hi.
Hichibang kal ah, O. Ibobi Singh leadership apat khenkhiak ding leh dinglouh thutanna pen Sonia Gandhi khut a om hidia gintak ahi.
Prithviraj Chauhan in, Imphal hongphak lai in, Governor Dr. SS. Sidhu a kimuhpih nungin, Chief Minister tel in, Congress MLA leh Minister kigawm 31 te khat khat in, Hotel Imphal ah kimuhpih a, tuazoh in, MPCC office bearer leh Frontal President teng leng kimuhpihna nei in, a ngaihdan uh lakhawm vek hi. Prithviraj Chauhan in AICC a report a piakna ah, O. Ibobi Singh deih leh deihlouhte ngaihdan atuam tuak a taklang hidia gintak leng ahi.
Chief Minister O. Ibobi Singh bel, Dec 17 & 18 a NEC meeting Delhi a, atel ban ah, Dec 19 in Delhi mah ah, National Development Council meeting ah kihel nawn a, tuazoh zan Dec 20 in Delhi mun mah a, Chief Minister's conference aleng tellai hidan in thutut kingah hi. O.Ibobi Singh deihlou pawl Congress MLA dissident 14 vel leng Delhi a omlai uh hi’n leng thutut kingah hi.
Chin galtai 45 tuikawm ah mangthang
Yangoon, Dec 21: Thailand leh Myanmar gamgi kal a om Koktoung luipi tung ah Chin galtai pua long neu khat in tuahsiat tuak a, huai ah mi 45 vel mangthang uh hidanin thusuak kingah hi. Thusuak in ataklatna ah, Koktoung luipi tung ah long in Chin mi ngen 99 tuang uh a, amau mun bitzaw Thailand gam zotsawm uh hidanin kigen a, luitung ah a tailai uh lamdangtak in along uh kilep hi’n kigen hi. Mi khenkhat te’n agendan un, nitak in Chin Refugee te tuanna long leh ngasa beng te long kiphutuah uh hidan a gen pawl leng om a, mi 45 te tunna gam theih hilou a, huai lak ah numei naupang tamtak tel ahihdan uh kigen a, tuabanah, Myanmar gamsung a ding in long tuahsiatna a misi tam penna hithei hi’n kigen hi. Chin galtai mi 99 te lak ah a tamzaw in Malaysia khopi Kuala Lumpur ah a sungkuante belhsawm uh hi’n kigen a, hiai vangtahna tung ah Agency tuamtuam in puaknat thu puang uhi. United Nations High Commissioner For Refugee (UNHCR ) Liaison office, Kuala Lumpur nuai ah galtai register Chin mi chauh leng 39,000 val uh hi’n kigen hi.
Christmas thawm in Lamka deng
Lamka, Dec 21: Tulai in Lamka khopi sung ah Christmas Carol thawm ngaih mahmah a, veng tuamtuam ah Christmas thawm ging husa zaak ding om panpan ta a, hiai in khopi sung bouruak sunup tuan mahmah hi. Zan nitak in leng NewLamka Hebron Veng EBC nuai a Krismas Commtt leh BYF saina in Christmas Carol nei uh a, huai ah Pastor Paukhanmang leh Pastor L Thang Guite in Christmas message genna nei uhi.
Kuki Innpi leh UNC kikhopna gahsuah
Imphal, Dec 21(NNN): Kuki Inpi, Manipur (KIM) leh United Naga Council (UNC) in kikhopna December 15 in nei ua, huai hun ah thu poimoh tuamtuam genkhawm uh a, huai bohzuina leh gahsuahna in tuni in pawlpi nih te’n thusuah bawl uhi. KIM leh UNC thusuak in ataklatna ah, pawlpi nih te’n hunlui te mangngilh a khekhat suan a pangkhawm ding in thukimna nei uh a, lemna leh muanna om na dia pan naktak a latuak ding in leng thupuk uh chih ahi hi. Kuki Inpi, Manipur (KIM) General secretary Thangkhosei Haokip leh UNC Care-Taker Samson Remmei te’n tuni a thusuah abawlna uah, Christmas leh New Year season hun in kuaman bandh leh strike bawl lou ding in ngetna bawl ua, Manipur state sung a helpawl omte’n hiai ni poimoh zahtak a hiai hunsung a buaina bangmah bawllou dingin leng ngetna nei ua, Chirtmas leh Kumthak in Manipur mipite ading in lemna leh muanna hon tun leh chih a deihthu taklang uhi.
RIMS Engineer te’n hilhchetna bawl
Imphal, Dec 21(NNN): Regional Institute of Medical Sciences (RIMS), engineering cell, Imphal pawl in tuni a thusuah abawlna uah, Kanglei Yawol Kanna Lup (KYKL) helpawlte’n Engineer 8 pikhia uh chih thu kisuah pen pomlouh thugen uh a, Sepnawnni nitak a KYKL toh kimuhna ding poimoh om ziak a kimu uh hizaw dan in taklang uhi. Engineer 8 te’n tuni a thusuah abawlna uah, KYKL toh kihou ding in zinglam dak 7 in pawt uh a,Engineer nih a zekai khak ziak ua, sawtpi va om kha uh hizaw dan in taklang uhi. Hiai thusuah ah, N.Thoiba, AE civil; Ng.Tomcha Singh, AE electricity; Robindro Ng, SO civil; T. Imocha Singh, SO electricity; Y. Dosobanta, SD Civil; Th. Rajen Singh, SO Civil; Sujeet Singh Yumnam, supervisor civil leh K. Somorjit Singh, supervisor civil te’n suai kai uhi. KYKL te’n RIMS Engineering cell nasep tuamtuam te dong ua, thildang kigolh gu bangmah omlou ahi chi uhi.
NSCN IM Gen Secy Th Muivah in thupuan nei
Dimapur, Dec 21(NNN): "Niuland Unity Declaration" chih thu toh kisai in NSCN-IM General Secretary Thuingaleng Muivah kha khat val bang dai dide a a om nung in, tuni in thupuan poimoh tak nei hi. Muivah in agenna ah, Naga Nam te’n kipumkhatna deihvek in, kikhekzaaakna deih kuamah om lou ahihdan gen in, himahleh, lungsim munkhat pulou a, kipumkhatna kichi pom theihlouh ahihdan gen hi.
Thuingaleng Muivah in agenna ah, Naga Namsung ah beh leh phung ban ah, pau kibang lou himahleh, ngaihtuahna kibang tungtawn in kipumkhatna dinsuah theih a, himahleh, Vision kibang, gindan kibang leh, political agenda kibang om ma teng kipumkhatna gengen mah le hang, thil hithei mawngmawng lou ahi chi hi. India Government in Naga Nam te khetdalh sawm in thu le la tamtak vek uh a, hiai tungtang ah kuapeuh ana pilvang chiat ding in deihthu taklang a, Naga ka it kichi peuh mah India Policy apan kiveng bit ding in leng theihsakna bawl hi.
www.zogam.com
Lamka, Dec 21: Zomi Economic Planning And Development Agency (ZEPADA) in tuni in Manipur Chief Minister O Ibobi Singh kiang ah ngetna bawl in,Churachandpur District sung ah Village Grain Bank a taktak a tungkhe kin ding in ngetna bawl uhi. ZEPADA in Chief Minister kiang ah, Village Grain Bank kichi India gam sung mun tuamtuam ah honkhiak a om thamta ahihdan gen in, mipite gilkial a a sihding uh venna a tunkhiak a om sek ahihdan leng Chief Minister hilh uhi.
ZEPADA in CM kiang ah, State Government in Manipur singtang bial District 5 ah VGB 93 tunkhiak sawm uh chih thu ana zakha ahihdan uh gen ua, tualak ah Churachandpur in 25 tangkha ding ahihdan leng gen uhi. Churachandpur District sung ah kialpi a tung ngeingei ding chih muhkholhsa ahihdan ZEPADA in taklang ua, himahleh, tuni tan VGB khatmah leng muh ahih nailouh na ah lamdang sakthu puang uhi.
Tuabanah, CM kiang ah a kindiak chi in, tu-le-tu a sepsuah ding chi’n point 5 ngetna nei uhi. Tuate ahihleh, CCpur adia VGB 25 om te December 2007 beima ngei a, a taktak a tunkhiak ding, CCpur ah kialpi a nasat luat ding ziak in, Sub Division tuamtuam ah BPL Card nei Inn 40 tunglam om te kiang ah VGB khat chiat behlap ding, Food for work tungtawn a VGB Scheme om te sepsuah ding, FCI Dimapur apan CCpur District VGB Centre tanpha FCI in a sepsuah ding chih te telkhaa, tuabanah, antang hawmkhiakna toh kisai in, Local NGO/Social Organisation te a kihel ding uh chi uhi.
Suangphuh hun ding suan
Lamka, Dec- 21: Ex. MP Phamsa Pu N. Gouzagin theihgigena suangphuh honna zingchiang sunma dak 10:30 a Bungmual hanmual a neih ding chih himahleh hunchiam omlou in a hun suan in om hi.
Thutut kingah dan in, Mrs. Gouzagin theih khollouh a adam louh guih ziakin in Imphal ah puak suk a, a om ziak a a hun suan a om hi’n leng thutut kingah hi.
RIMS Director in Lamka pha
Lamka, Dec- 21: Dr.L. Fimate Director RIMS in tuni zinglam dak 10:30 vel in miml thil toh kisai in Lamka hong pha a, sunnung lam in Imphal ah kik nawn hi.
IPPI Proramme om nawn ding
Lamka, Dec-21: India Gamsung pumpi ah Intensive Pulse Polio Immunisation (IPPI) Programmed Ist round Jan. 6, 2008 in om ding hi. CCpur Dist ah leng Dist Family Welfare Office CCpur saina in om ding a, CCpur Dist ah IPPI booths/Centre 447 ah naupang kum o- 5yrs tan mi 35501 Polio damdoi dawn sak hiding in target bawl ua, Huai dawn sak a kuan ding man power 1881 vel a poimoh ding ziak un kisakhawl panta uh hi’n leng thutut kingah hi.
Golden Jubilee lawm
Lamka, Dec 21: New Lamka Go Cin Khup veng kiphuh khiak nung kum 50 chinna Golden Jubilee tuni zinglam dak 10:30 in Go Cin Khup veng CYA Hall ah thupitak in lawm uhi. Chief Guest ding a chial a om Pu T. Phungzathang Minister (Power, Horti & SC) hoh theihlouh ziak in asang gampa T. Kaigou sawl in aman Jubilee suang phuh hawng hi.
Chief Guest in puansan (Red Blanket) 30 pia a, huaite veng sung a mi phatuamngai tuamtuamte kiang ah pia hi. Functional President in Kaikhanmang President TCU pang a, T. Dongzakai Gangte President DCC(I) guest of Honour apang in Souvenir bu hawng hi. Go Cin Khup veng bel veng kum lui tak kum 1957 kum a Go Cin Khup in asat hi a, tulel in inn 452 om a, mihing 2733 teng in Biak inn 5 Cummunity Hall 1 leh Private School 1 om hi.
DC CCpur Chief Guest in pang
Lamka, Dec-21: Tuibuang a om Grace Academy in tuni zinglam dak 11:00 in Annual fare well cum Prize distribution function hun zang ua, tua ah Sumant Singh IAS DC/CCpur Chief Guest in a, Joseph Lalrothang ZEO/CCpur Functional President in pang hi.
Chief Guest in a genna ah, student te tu nung a gamsung vaihawmtu ding ahihziak un kuhkaltak a laisim ding in hasawtna thugen a, School pucca fencing bawl sak ding in chiam hi. Functional President in a genna ah, Grace Academy Student tuma zek a Bharatuim dance Imphal a khatna lak uh kipahpihthu gen in Lamka Republic Day zatna Jan 26,2008 ah lam ding inleng ngen hi.
NREGS nasa tak in pha tuam
Lamka, Dec 21: CCpur Dist a dia masapen National Rural Employment guarantee Scheme (NREGS) nasep CCpur Dist a Job card nuai a nasemte kiang a Kristmas ma ngei a sum pe dia DC/CCpur in a chiam dungzui in tulai in hiai semte hawmkhiak hipanta hi.
NREGS ziak in bazaar ah sum om panta in bazaar kai leng tam sawt mahmah hi. NREGS tung tawn in Bungmual khua in model village hih sak sawm in veng sung kikawmna lam liante kek lian in nasatak in sem ua, Molnom khua inleng Model village hih sak sawm in veng sung lamlian kek lian uhi.
Bazar ah Police leh Home Guard duty
Lamka, Dec 21: S. Manglemjao Singh, IPS SP/CCpur pan lakna ziak in Lamka khopi ah Christmas leh Kumthak sung a Bazar kai mipite bitna ding ngimna in Police Traffic nasatak a puah pha in, Guta suam hat apan kivenna ding in Police Traffic team te Police leh Home Guard te Bazar sung ah duty in pai tuahtuah uhi.
Water Supply tui kai niin nawn
Lamka, Dec 21: Lamka khopi sung tuinek ding piakna Bungmual kho sak a Tanky apan tuikaite tu lai in niin nawn mahmah hi’n thutut kingah hi.
Thutut kingah dan in, tuma kha 1 vel paita inleng khopi sung a tuinek ding buannawi bang mai in niin a, himahleh Press a taklat ahihnung in Deptt. in bawl hoih ua, himahleh khopi sung a tui niin ngen kai nawnta ahihman in a kisaipih Deptt in a ngaihven uh poimoh mahmah hi’n tui kai neite apan thutut kingah hi.
Sepna ngah thak
Lamka, Dec 21: Mr. G. Thangzamuan B.Tech s/o G. Kamkhansong of New Lamka in Bhaharat Alluminium Company a sem in tunai chin in Hindustan Aronautics Ltd Company ah Technical Manager ngah in tu in Bangalore ah Probation in om lel hi. Hindustan Anonautics Ltd. Company bel lenna bawlkhiakna company lian mahmah ahi.
Zenhang Lamka in NREGS sum hawm
Lamka, Dec 21: NREGS nuai a nasepna pailel toh kiton in tuni’n Zenhang Lamka in ni 8 thaman ding in Rs. 630/- chiat hawmkhia uh hi’n thutut kingah hi. Tua toh kiton in veng tuamtuam bangzah hiam inleng hawmta uh hi’n leng thutut kingah hi.
RIMS Staff Nurse written result suak
IMPHAL DEC 21: Lamphelpat a om RIMS a Staff Nurse, Contract basis a semtu ding lakna dia written examination, apaisa December 16, 2007 a om result zan Dec 20 nitak in puankhiak in om a, tua ah candidate 282 in lohchinna ngah uhi. Viva voce hun ding bel, tunung a puan hidingin RIMS Director thusuak in taklang hi. Lohchinna ngah Non-Naga singtangmite bel, 199 – H.Zodingliani, 325 – Kimneihoi Kipgen, 362 – Nemneilam Haokip
433 – Ramthienghlim, 434 – Ramhlunmawi, 440 – Alice Manngaihlian, 442 – Lalramsan Famhoite, 443 – B.Vanlalruati, 444 – Jonathan Colney, 448 – Esther Chongneilhing
454 – Niangngaihching, 463 – Elizabeth Nemneisiam, 464 – Neikim Rose Misao
574 – S.Paominlien Haokip, 644 – Hatneimoi Irish, 1093 – Lalrempui hi uhi.
IFCD a EE khat akhe langnih kapsak
IMPHAL DEC 21: Tuni zingkal dak 7.20 vel dingin, Lamphel Police station huamsung a om Thangmeiband Sinam leikai a om IFCD a Executive Engineer Division No. I semlel. S. Dhanabir Singh meltheihlouhten atenna In kong mahmah ah, akhe langnih kapsak in
taisan uhi. Thutut kingah dan in tuni zingkal in, meltheihlouh pasal nih Kinetic a tuangten, S. Dhanabir leh pasal khat ama In kong a kihou a omlai, Dhanabir na thei uh hia chia vakan in, Dhanabir in leng kei ka hi achih leh, pasal nihten thau neu lakhia in akhe langnih a kapsak in taisan uhi. Thautang in, S. Dhanabir veilam mun nih leh ataklam khe munkhat kapkha in Shija hospital a ICU ah etkawl hidan in thutut kingah hi.
Hiai a EE kapliam tute kuate hiam chih theih hikei mahleh, KNF( MC) muanmoh in om hi. Police ten hiai toh kisai in case khat chiamteh uhi.
Thutut kingah dan in, tulai in IFCD nuai a contractor te pending bull omte piak sawm in kisa lel uh chih hi a, himahleh hiai toh kisai a kap ahi chihna bel om tuanlou hi.
Silver Jubilee lopna nei ding
IMPHAL DEC 21: Imphal a Tarung Baptist Church (RNBA) ten hongtung ding December 22 leh 23 chiangin, Tarung local public ground ah, Silver Jubilee lopna hun zang ding uhi. Hiai hun ah Silver Jubilee suangphuh honkhiakna Rev. Poulian Kamei, Pastor Centre Church, RNBA in nei dinga, thugentu dingin, Rev. Vumthang Sithlou General Secretary MBC leh Rev. Timothy Phaomei Pastor MBCCC te pang ding uhi.
KRA Unification kibawl
IMPHAL DEC 21: Kuki Revolutionary Army in party hatzawk semna ding leh Kuki leh Meitei te ban a, pawl dangdang toh kituaktak nasep khawm theihna dingin, Unification thak apaita August 21, 2007 in Saikul area a munkhat ah nei uh hi’n David Chongloi in Karbi-Anglong Dist. Assam a mun khat a agen ISTC tungtawn in taklat in om hi.
Thusuakdan in , KRA unification thak nuai a President leh General Secretary dia David Chongloi leh W .Loncoln telthak uh hidan in leng ISTV in taklang hi.
O.Ibobi khen ding leh dinglouh Sonia khut ah
IMPHAL DEC 21: Manipur a SPF sorkal makaih O. Ibobi Singh khenkhiak sawmna a Congress sunga MLA leh minister bangzah hiam in pan a lakna uh, kha nih bang paita mahleh, tuni chiangin thuchian bangmah puankhiak omnai lou hi. Hun paisa a, hiai thu Dec 19 vel a chiangta dia gen himahleh, Manipur a Congress sung thubuai enkhe dia December 11 a Imphal hongzin PMO a MoS leh AICC NE incharge Prithviraj Chauhan in, zan in AICC President Sonia Gandhi kianga report pelut pan hidan in kigen hi.
Hichibang kal ah, O. Ibobi Singh leadership apat khenkhiak ding leh dinglouh thutanna pen Sonia Gandhi khut a om hidia gintak ahi.
Prithviraj Chauhan in, Imphal hongphak lai in, Governor Dr. SS. Sidhu a kimuhpih nungin, Chief Minister tel in, Congress MLA leh Minister kigawm 31 te khat khat in, Hotel Imphal ah kimuhpih a, tuazoh in, MPCC office bearer leh Frontal President teng leng kimuhpihna nei in, a ngaihdan uh lakhawm vek hi. Prithviraj Chauhan in AICC a report a piakna ah, O. Ibobi Singh deih leh deihlouhte ngaihdan atuam tuak a taklang hidia gintak leng ahi.
Chief Minister O. Ibobi Singh bel, Dec 17 & 18 a NEC meeting Delhi a, atel ban ah, Dec 19 in Delhi mah ah, National Development Council meeting ah kihel nawn a, tuazoh zan Dec 20 in Delhi mun mah a, Chief Minister's conference aleng tellai hidan in thutut kingah hi. O.Ibobi Singh deihlou pawl Congress MLA dissident 14 vel leng Delhi a omlai uh hi’n leng thutut kingah hi.
Chin galtai 45 tuikawm ah mangthang
Yangoon, Dec 21: Thailand leh Myanmar gamgi kal a om Koktoung luipi tung ah Chin galtai pua long neu khat in tuahsiat tuak a, huai ah mi 45 vel mangthang uh hidanin thusuak kingah hi. Thusuak in ataklatna ah, Koktoung luipi tung ah long in Chin mi ngen 99 tuang uh a, amau mun bitzaw Thailand gam zotsawm uh hidanin kigen a, luitung ah a tailai uh lamdangtak in along uh kilep hi’n kigen hi. Mi khenkhat te’n agendan un, nitak in Chin Refugee te tuanna long leh ngasa beng te long kiphutuah uh hidan a gen pawl leng om a, mi 45 te tunna gam theih hilou a, huai lak ah numei naupang tamtak tel ahihdan uh kigen a, tuabanah, Myanmar gamsung a ding in long tuahsiatna a misi tam penna hithei hi’n kigen hi. Chin galtai mi 99 te lak ah a tamzaw in Malaysia khopi Kuala Lumpur ah a sungkuante belhsawm uh hi’n kigen a, hiai vangtahna tung ah Agency tuamtuam in puaknat thu puang uhi. United Nations High Commissioner For Refugee (UNHCR ) Liaison office, Kuala Lumpur nuai ah galtai register Chin mi chauh leng 39,000 val uh hi’n kigen hi.
Christmas thawm in Lamka deng
Lamka, Dec 21: Tulai in Lamka khopi sung ah Christmas Carol thawm ngaih mahmah a, veng tuamtuam ah Christmas thawm ging husa zaak ding om panpan ta a, hiai in khopi sung bouruak sunup tuan mahmah hi. Zan nitak in leng NewLamka Hebron Veng EBC nuai a Krismas Commtt leh BYF saina in Christmas Carol nei uh a, huai ah Pastor Paukhanmang leh Pastor L Thang Guite in Christmas message genna nei uhi.
Kuki Innpi leh UNC kikhopna gahsuah
Imphal, Dec 21(NNN): Kuki Inpi, Manipur (KIM) leh United Naga Council (UNC) in kikhopna December 15 in nei ua, huai hun ah thu poimoh tuamtuam genkhawm uh a, huai bohzuina leh gahsuahna in tuni in pawlpi nih te’n thusuah bawl uhi. KIM leh UNC thusuak in ataklatna ah, pawlpi nih te’n hunlui te mangngilh a khekhat suan a pangkhawm ding in thukimna nei uh a, lemna leh muanna om na dia pan naktak a latuak ding in leng thupuk uh chih ahi hi. Kuki Inpi, Manipur (KIM) General secretary Thangkhosei Haokip leh UNC Care-Taker Samson Remmei te’n tuni a thusuah abawlna uah, Christmas leh New Year season hun in kuaman bandh leh strike bawl lou ding in ngetna bawl ua, Manipur state sung a helpawl omte’n hiai ni poimoh zahtak a hiai hunsung a buaina bangmah bawllou dingin leng ngetna nei ua, Chirtmas leh Kumthak in Manipur mipite ading in lemna leh muanna hon tun leh chih a deihthu taklang uhi.
RIMS Engineer te’n hilhchetna bawl
Imphal, Dec 21(NNN): Regional Institute of Medical Sciences (RIMS), engineering cell, Imphal pawl in tuni a thusuah abawlna uah, Kanglei Yawol Kanna Lup (KYKL) helpawlte’n Engineer 8 pikhia uh chih thu kisuah pen pomlouh thugen uh a, Sepnawnni nitak a KYKL toh kimuhna ding poimoh om ziak a kimu uh hizaw dan in taklang uhi. Engineer 8 te’n tuni a thusuah abawlna uah, KYKL toh kihou ding in zinglam dak 7 in pawt uh a,Engineer nih a zekai khak ziak ua, sawtpi va om kha uh hizaw dan in taklang uhi. Hiai thusuah ah, N.Thoiba, AE civil; Ng.Tomcha Singh, AE electricity; Robindro Ng, SO civil; T. Imocha Singh, SO electricity; Y. Dosobanta, SD Civil; Th. Rajen Singh, SO Civil; Sujeet Singh Yumnam, supervisor civil leh K. Somorjit Singh, supervisor civil te’n suai kai uhi. KYKL te’n RIMS Engineering cell nasep tuamtuam te dong ua, thildang kigolh gu bangmah omlou ahi chi uhi.
NSCN IM Gen Secy Th Muivah in thupuan nei
Dimapur, Dec 21(NNN): "Niuland Unity Declaration" chih thu toh kisai in NSCN-IM General Secretary Thuingaleng Muivah kha khat val bang dai dide a a om nung in, tuni in thupuan poimoh tak nei hi. Muivah in agenna ah, Naga Nam te’n kipumkhatna deihvek in, kikhekzaaakna deih kuamah om lou ahihdan gen in, himahleh, lungsim munkhat pulou a, kipumkhatna kichi pom theihlouh ahihdan gen hi.
Thuingaleng Muivah in agenna ah, Naga Namsung ah beh leh phung ban ah, pau kibang lou himahleh, ngaihtuahna kibang tungtawn in kipumkhatna dinsuah theih a, himahleh, Vision kibang, gindan kibang leh, political agenda kibang om ma teng kipumkhatna gengen mah le hang, thil hithei mawngmawng lou ahi chi hi. India Government in Naga Nam te khetdalh sawm in thu le la tamtak vek uh a, hiai tungtang ah kuapeuh ana pilvang chiat ding in deihthu taklang a, Naga ka it kichi peuh mah India Policy apan kiveng bit ding in leng theihsakna bawl hi.
www.zogam.com
No comments:
Post a Comment