407 Mini Truck accident mi khat liam
Lamka, Dec 20: Singngat khua apan Imphal a ding meihol pua 407 Mini Truck MN01/6289 zan nitak dak 10:00 vel in Tedim Road Vajing khua ah accident a, Driver tel a mi 3 tuang lak ah numei khat liam hi.
Thutut kingah dan in, hiai a liam bel Mrs. Mannuamching (37) w/o Tomba Singh of Singngat leh Deepak of Imphal in 407 Mini Truck hire a meihol bag 100 val a puak uh Vajing khua a tun un Gari nuai a zawl (main popular sharp) kitan ziak a driver in lamsak bawh in saulou tai nung a lamlian lai ah kilep hi’n thutut kingah hi. Gari a kipukma in driver tawmkhe man in taimang ngal a, Mannuamching pen a awm lak liam in tun Dist Hospital Lamka ah etkol in om hi. Huai toh kisai in Lamka Police ten case chiam teh uhi.
Jt. Philanthropic Orgn in Thaulem tamtak man
Lamka, Dec 20: Lamka khopi pansan a om Jt. Philanthropic Orgn. in zan apan Lamka khopi sung Bazar ah thaulem (Toy Gun) kizuak kham a warning a bawl nung un tuni’n Zenhang Bazar leh New bazaar check abawlna uah thaulem kizuak tamtak mankhia uhi. Tuni’n leng khopi sung mun tuamtuam ah mike a kikou in thaulem zuak leh puak thei tuamtuam kham thu nasatak in tangkoupih lai uhi.
Saptuam Dan in kiteng ding
Lamka, Dec 20: Mr Lalzarlian Lethil S/o Phamsa Lutkhogin of Bungmual leh, Ms Khanngai D/o Upa V Gouzachin of Bungmual zinchiang zinglam dak 10 in Bungmual EBC ah Saptuam dan in kitenna nei ding ua, nitaklam dak 1 in Ms Khanngai Pathian min a khakna Upa V Ginchinpau tenna Inn, Laiveng Bungmual ah om ding hi.
Transport Minister in hawng ding
Lamka, Dc 20: Bijang a Dist. Transport Office toh kithuah a Passenger Reservation System Counter ding kibawl zohsiang hita a, huai mun honna Dec. 23, 2007 zinglam dak 10:00 in L. Jayanta Kumar Minister (Education, Transport & Seri) Chief Guest apang in hawng ding hi. TN Haokip Minister(PHED, Tourism & IPR) Functional President in pang ding a, K.Ranjit Singh Minister(Works) pen Guest of Honour in pang ding hi. Huai zoh zinglam dak 11:00 in New Bazar Bus Parking kibawl thak hawnna nei nawn ding hi.
Advance Christmas Celebration zat sawm
Lamka, Dec 20: Zomi Youth Association (ZYA)/Hq saina in Join Philanthropic Organization tuamtuam HYA, KKL, YMA & ZYA ten Dec 22, 2007 sunnung dak 1:00 in ZYA Hq Office Upper Lamka ah Advance Christmas Celebration zat sam uhi.
Huai hun ah President HYA, KKL, YMA leh ZYA ten thu genna nei ding ua, Rev. HC Stephen in Christmas Message gen ding hi. Kikhopna zoh in Advance Christmas ankuang um ding uhi.
Thanlon Block in khua 44 ading sum pia
Lamka, Dec 20: Thanlon Block Development Office in zan leh tuni’n Thanlon Block sung a Kho tuamtuam 44 a NREGS nasep man ding sum Cheque in pekhia ua, huai ah ni 14 atam pen hi a atawm pen ni 10 ahi. Tun khua 19 a NREGS nasep man ding sum pen pending lai in gen uhi.
Tuabangkal ah, Henglep Block Development Officer in NREGS nasep man ding sum Henglep Block sung a khua hausate Bank account a deposited louh ziak in Henglep Block sung a Khua Hausa tamtak sum lak sawm in Lamka ah ni 2/3 bang omta uh hi’n leng thutut kingah hi.
Pension pay bill 198 advised thawn
Lamka, Dec 20: Dist Treasury Office CCpur in zan in Civil Pension mi 198 te paybill passed in advised UBI/CCpur Branch ah thon uhi. Treasury Office kong ah a kisaipihte muh theih ding in Bank a advised kithonte tak khe zel uhi.
Truck accident ah Driver liam
Lamka, Dec 20: Muanhuaitak apan thutut kingah dan in, zan Dec 19 in Hiangtam gam a Truck Meihol pua khat a nuai zawl kitan ziak in accident a, lampi khang ah 7/8 vei vel kilep a, Driver Goulam (39) s/o Goukhai of Sinngat a kawng leh awm lak liam in tun Dist. Hospital Lamka ah etkol in om hi.
Mi 135 in application form la
Lamka, Dec 20: Manipur Police dept. nuai ah post tuamtuam SI, ASI leh Jamader
Hun khawp lakna ding ah Application form khat Rs. 60 zel in SP/CCpur office ah zuak ua, tutan in mi 135 vel in form lata uhi. Huaite bel SI ah mi 65, ASI ah mi 45 leh Jamader ah mi 25 in lata uh. Forma la ten Dec 29, 2007 tan in Dist Employment Office ah piak lut ngai ding hi.
Mun 2 advance Christmas zang ding
Lamka, Dec 20: Lailam veng a teng ten zingchiang zinglam dak 10:30 apan in Blue Star Academy Huang sung ah Advance Christmas zat sawm ua, kimawlna tuamtuam leng nei ding uhi. Advance Christmas zatna sum leh pai sen tengteng GS Haupu Special Contractor in seng vek ding a, nitak lam in ankuang um ding uhi. Church of Nazarene Bethel ah zingchiang zingkal lam dak 10:30 in Advance Christmas cum Gift Distribution to spond Children chih neih sawm uhi. Dr. M.Lhungdim, MO Henglep Chief Guest in pang ding a, Rev. Kim Singson DS NEI Dist. in Christmas Message gen ding hi.
Govt. a semtuten retire ni mah in, pension/graturity/GPF la thei ngal ding; Pension te saitu ding Deptt. teng ah Nodal Officer guan hiding
IMPHAL DEC 20: Manipur govt. a Department of Personel & Administrative Reforms (Pension Cell) min a, Chief Secretary Jarnail Singh in December 6, 2007 a Office memorandum a suahna ah, govt. semtuten a sepna uh ahun bei ni toh kiton a pension sum, gratuity, GPF leh entitlement dangdang a ngah ding uh hi’n thusuah bawl hi.
Hiai thu bel, apaisa Dec 3, 2007 a Chief Secretary makaih a Administrative Secretaries leh Heads of Departmen ten meeting aneih hun ua agenkhom uleng ahi.
Hiai toh kisai December 6, 2007 a Chief Secretary makaih a meeting a neihna uah, govt. semtu kuahiam in a sih chiang leh retirement hun chianga muh ding tuamtuam a huntak a muh louh toh kisai genkhomna uh toh kisai a pension te haksatna toh kisai a genkhawmna ua thupukna a lak uh ahi. Hiai toh kisai in Administrative Secretaries leh Heads of department ten azuih ding uh time frame leh action calendar khat bawlkhia uhi. Huaite bel, Employees te service book verification toh kisai Heads of Offices leh Heads of Department tengin, January 3, 2008 a zoh vek ding, zouloute Heads of department te mohpuak hiding, hiai toh kisai a Head of Department a kisaipihten Head of Offices teng toh meeting neihkhom a semtute service books teng January 3, ma a verification zoh ding chihte ahi.
Hiai saitu ding department tengin Nodal Officer ding nominate abawl ding uh, amau Pension cell leh AG office ban ah Administrative Secretaries te toh apoimoh laite asep suah ding uh, semtu sisate sungkuante kianga case files buai saklouh ding, Govt. semtute a retire ni ua, amuh tuak pension, gratuity, leh GPF final withdrawal leh adangdangte last working day ni a office mun a function neuchik hun a piakkhiak zel ding chihte ahi.
Semtute retire na ding kha 8 in asap hun a, Heads of Department ten huchibang a pension dingte, lai poimoh ahih dingte uh saisak zel ding, huai adia ni 15 sung hun piak ding. Lai poimoh teng Pension cell a retire nading kha 7 tan a piaklut zel ding ahi.
Pension cell in, hiai laite ni 3 sunga bawllem tuak om leh Nodal officer toh kithuzak a bawl fel ding, a ni 4 ni a Pension cell in laite AG office a submit ding ahi.
AG office in hichibang laite a kisaipihte pension/retire hun ding kha khat in asap a final order a suahkhiak ding uh chih leh adangdang ahi.
Semtu kuahiam in theihkholhlouh a sihna atuah leh, Head of Department ten, asung kuante kimuhpih a, GPF/Gratuity/Pension dia nominee bawlsak ding leh lai poimohte ni 10 sunga zoh ding. A ni 16 ni tan a Pension/GPF/Gratuity laite Pension cell a khak ding. Pension cell in lai submit a omte Nodal Officer toh kithuzak a bawl thak tuak om leh abawl thak ding uh, lai submit nung ni 4 tan a AG office tunsak ding, AG in Pension cell apat lai amuh nung uh ni 15 sunga release bawl tuak teng bawl ding.
Hiaite hoihtak a sepsuahna dia Administrative Secretaries leh Heads of Department tengin mohpuakna liantak lak ding leh, huchibang zuiloute tunga responsibility fixed hiding inleng Chief Secretary thusuak in taklang hi.
Helpawl te ambush ah commando nih liam
IMPHAL DEC 20: Thoubal Police in Thoubal district sung Salungpham Chingya laka
Helpawl om chih atheih ziakun, tuamun naih in Thoubal Police commando a OC Kishorchand makaih Police team te Gypsy li a kuan in tua mun lak vanaih ua, sunnung dak 12.20 vel dingin, Salungpham Chingya kichihna mun lak a, ana omsa helpawlten commando
team te ambush in, tua ah, Thoubal Police commando nih in liam uhi.
Thutut kingah dan in, liamte lak a khat Khoirom Santosh of Kyamgei pen, Bullet proff Jypsy tunga ludok a dinglai thautang in akhut kap kha a, commando personel dang khat,
Y. Prabin of Saikul bel, thautang in aban bul veilam pang kap kha hi. Hiai a liamte gel tuni nitaklam dak 1.30 vel in RIMS puaktung in om uhi.
Tuni a ambush na mun ah Thoubal SP Th.Radheshyam makaih in police force tamtak leh re-inforcement tamtak lutbeh in, helpawlten lethode tanpha zangin, Security force te
toh sunnung dak 2 tan vel kikap tuah uh chih ahi. Himahleh, hiai mun a helpawl lamte si-le-liam om lam hiai thu sut ahihtan in kitheilou hi.
Thutut dang kingah dan in, hiai mun a khomite, helpawlten ambush a bawlma ua, taikhe sak vek uh hidan in leng kigen hi.
Sub-contractor te lungkim lou
IMPHAL DEC 20: Imphal West district sunga Patsoi assembly constituency a MLA Sapam Kunjakeshore @ Keba in MLA achinma a, contractor ahihlai a, anasepna man piaklouh tampi aneih ziakin, anuai a sem sub-contractor tamtak lungkimlou in, tuni’n Tera Lukram leirak a MLA pa tenna In ah, kiphinna nei uhi.
Press ten MLA pa Inn mipi'n susia chih thu zak ziakin, amun vadelh mahle uh, a In bel hihsiat hilou in, security ten hoihtak in vengbit uhi.
Imphal ah North East Literary meet kizang ding
IMPHAL DEC 20: Manipur govt. nuai a Art & Culture department leh Kolkata a om Victoria Memorial Hall kithuah in, tuni apat zingchiang Dec 21 tan daih ding North East Literary meet zatna, 1st MR banquet hall ah om ding hi.
Hiai Literary meet thupi bel, 'Rights Response to Contemporary Phenomenon of North East India' chih hi a, hiai hun honkhiakna ah, khuallian leh President in, Assam a Dibrugarh University a Department of English a former Head of Department, Prof. Kabin Phukan leh Manipur Sahitya Akademy a Manipuri Language a Adviser board Convenor Kh. Prakash Singh te pang uhi.
Idul-Zuha message CM leh Guv apat
IMPHAL DEC 20: Muslim te adia ni poimoh mahmah Idul-Zuha December 21 ahih toh kiton in, Manipur Governor leh Chief Minister ten Manipur mipite kiang ah message khak uhi.
CM leh Guv message a kitaklang dan in, Idul Zuha hun in, Prophet Ibrahim in a tapa Pathian theihsak banga a lat ngam hon phoksak ahihdan leh, hiai hun in kipiak zohna, khat leh khat kal a, chi leh sa a kikhen tuamlouh ding hon sinsak ahihdan taklang uhi.
www.zogam.com
Lamka, Dec 20: Singngat khua apan Imphal a ding meihol pua 407 Mini Truck MN01/6289 zan nitak dak 10:00 vel in Tedim Road Vajing khua ah accident a, Driver tel a mi 3 tuang lak ah numei khat liam hi.
Thutut kingah dan in, hiai a liam bel Mrs. Mannuamching (37) w/o Tomba Singh of Singngat leh Deepak of Imphal in 407 Mini Truck hire a meihol bag 100 val a puak uh Vajing khua a tun un Gari nuai a zawl (main popular sharp) kitan ziak a driver in lamsak bawh in saulou tai nung a lamlian lai ah kilep hi’n thutut kingah hi. Gari a kipukma in driver tawmkhe man in taimang ngal a, Mannuamching pen a awm lak liam in tun Dist Hospital Lamka ah etkol in om hi. Huai toh kisai in Lamka Police ten case chiam teh uhi.
Jt. Philanthropic Orgn in Thaulem tamtak man
Lamka, Dec 20: Lamka khopi pansan a om Jt. Philanthropic Orgn. in zan apan Lamka khopi sung Bazar ah thaulem (Toy Gun) kizuak kham a warning a bawl nung un tuni’n Zenhang Bazar leh New bazaar check abawlna uah thaulem kizuak tamtak mankhia uhi. Tuni’n leng khopi sung mun tuamtuam ah mike a kikou in thaulem zuak leh puak thei tuamtuam kham thu nasatak in tangkoupih lai uhi.
Saptuam Dan in kiteng ding
Lamka, Dec 20: Mr Lalzarlian Lethil S/o Phamsa Lutkhogin of Bungmual leh, Ms Khanngai D/o Upa V Gouzachin of Bungmual zinchiang zinglam dak 10 in Bungmual EBC ah Saptuam dan in kitenna nei ding ua, nitaklam dak 1 in Ms Khanngai Pathian min a khakna Upa V Ginchinpau tenna Inn, Laiveng Bungmual ah om ding hi.
Transport Minister in hawng ding
Lamka, Dc 20: Bijang a Dist. Transport Office toh kithuah a Passenger Reservation System Counter ding kibawl zohsiang hita a, huai mun honna Dec. 23, 2007 zinglam dak 10:00 in L. Jayanta Kumar Minister (Education, Transport & Seri) Chief Guest apang in hawng ding hi. TN Haokip Minister(PHED, Tourism & IPR) Functional President in pang ding a, K.Ranjit Singh Minister(Works) pen Guest of Honour in pang ding hi. Huai zoh zinglam dak 11:00 in New Bazar Bus Parking kibawl thak hawnna nei nawn ding hi.
Advance Christmas Celebration zat sawm
Lamka, Dec 20: Zomi Youth Association (ZYA)/Hq saina in Join Philanthropic Organization tuamtuam HYA, KKL, YMA & ZYA ten Dec 22, 2007 sunnung dak 1:00 in ZYA Hq Office Upper Lamka ah Advance Christmas Celebration zat sam uhi.
Huai hun ah President HYA, KKL, YMA leh ZYA ten thu genna nei ding ua, Rev. HC Stephen in Christmas Message gen ding hi. Kikhopna zoh in Advance Christmas ankuang um ding uhi.
Thanlon Block in khua 44 ading sum pia
Lamka, Dec 20: Thanlon Block Development Office in zan leh tuni’n Thanlon Block sung a Kho tuamtuam 44 a NREGS nasep man ding sum Cheque in pekhia ua, huai ah ni 14 atam pen hi a atawm pen ni 10 ahi. Tun khua 19 a NREGS nasep man ding sum pen pending lai in gen uhi.
Tuabangkal ah, Henglep Block Development Officer in NREGS nasep man ding sum Henglep Block sung a khua hausate Bank account a deposited louh ziak in Henglep Block sung a Khua Hausa tamtak sum lak sawm in Lamka ah ni 2/3 bang omta uh hi’n leng thutut kingah hi.
Pension pay bill 198 advised thawn
Lamka, Dec 20: Dist Treasury Office CCpur in zan in Civil Pension mi 198 te paybill passed in advised UBI/CCpur Branch ah thon uhi. Treasury Office kong ah a kisaipihte muh theih ding in Bank a advised kithonte tak khe zel uhi.
Truck accident ah Driver liam
Lamka, Dec 20: Muanhuaitak apan thutut kingah dan in, zan Dec 19 in Hiangtam gam a Truck Meihol pua khat a nuai zawl kitan ziak in accident a, lampi khang ah 7/8 vei vel kilep a, Driver Goulam (39) s/o Goukhai of Sinngat a kawng leh awm lak liam in tun Dist. Hospital Lamka ah etkol in om hi.
Mi 135 in application form la
Lamka, Dec 20: Manipur Police dept. nuai ah post tuamtuam SI, ASI leh Jamader
Hun khawp lakna ding ah Application form khat Rs. 60 zel in SP/CCpur office ah zuak ua, tutan in mi 135 vel in form lata uhi. Huaite bel SI ah mi 65, ASI ah mi 45 leh Jamader ah mi 25 in lata uh. Forma la ten Dec 29, 2007 tan in Dist Employment Office ah piak lut ngai ding hi.
Mun 2 advance Christmas zang ding
Lamka, Dec 20: Lailam veng a teng ten zingchiang zinglam dak 10:30 apan in Blue Star Academy Huang sung ah Advance Christmas zat sawm ua, kimawlna tuamtuam leng nei ding uhi. Advance Christmas zatna sum leh pai sen tengteng GS Haupu Special Contractor in seng vek ding a, nitak lam in ankuang um ding uhi. Church of Nazarene Bethel ah zingchiang zingkal lam dak 10:30 in Advance Christmas cum Gift Distribution to spond Children chih neih sawm uhi. Dr. M.Lhungdim, MO Henglep Chief Guest in pang ding a, Rev. Kim Singson DS NEI Dist. in Christmas Message gen ding hi.
Govt. a semtuten retire ni mah in, pension/graturity/GPF la thei ngal ding; Pension te saitu ding Deptt. teng ah Nodal Officer guan hiding
IMPHAL DEC 20: Manipur govt. a Department of Personel & Administrative Reforms (Pension Cell) min a, Chief Secretary Jarnail Singh in December 6, 2007 a Office memorandum a suahna ah, govt. semtuten a sepna uh ahun bei ni toh kiton a pension sum, gratuity, GPF leh entitlement dangdang a ngah ding uh hi’n thusuah bawl hi.
Hiai thu bel, apaisa Dec 3, 2007 a Chief Secretary makaih a Administrative Secretaries leh Heads of Departmen ten meeting aneih hun ua agenkhom uleng ahi.
Hiai toh kisai December 6, 2007 a Chief Secretary makaih a meeting a neihna uah, govt. semtu kuahiam in a sih chiang leh retirement hun chianga muh ding tuamtuam a huntak a muh louh toh kisai genkhomna uh toh kisai a pension te haksatna toh kisai a genkhawmna ua thupukna a lak uh ahi. Hiai toh kisai in Administrative Secretaries leh Heads of department ten azuih ding uh time frame leh action calendar khat bawlkhia uhi. Huaite bel, Employees te service book verification toh kisai Heads of Offices leh Heads of Department tengin, January 3, 2008 a zoh vek ding, zouloute Heads of department te mohpuak hiding, hiai toh kisai a Head of Department a kisaipihten Head of Offices teng toh meeting neihkhom a semtute service books teng January 3, ma a verification zoh ding chihte ahi.
Hiai saitu ding department tengin Nodal Officer ding nominate abawl ding uh, amau Pension cell leh AG office ban ah Administrative Secretaries te toh apoimoh laite asep suah ding uh, semtu sisate sungkuante kianga case files buai saklouh ding, Govt. semtute a retire ni ua, amuh tuak pension, gratuity, leh GPF final withdrawal leh adangdangte last working day ni a office mun a function neuchik hun a piakkhiak zel ding chihte ahi.
Semtute retire na ding kha 8 in asap hun a, Heads of Department ten huchibang a pension dingte, lai poimoh ahih dingte uh saisak zel ding, huai adia ni 15 sung hun piak ding. Lai poimoh teng Pension cell a retire nading kha 7 tan a piaklut zel ding ahi.
Pension cell in, hiai laite ni 3 sunga bawllem tuak om leh Nodal officer toh kithuzak a bawl fel ding, a ni 4 ni a Pension cell in laite AG office a submit ding ahi.
AG office in hichibang laite a kisaipihte pension/retire hun ding kha khat in asap a final order a suahkhiak ding uh chih leh adangdang ahi.
Semtu kuahiam in theihkholhlouh a sihna atuah leh, Head of Department ten, asung kuante kimuhpih a, GPF/Gratuity/Pension dia nominee bawlsak ding leh lai poimohte ni 10 sunga zoh ding. A ni 16 ni tan a Pension/GPF/Gratuity laite Pension cell a khak ding. Pension cell in lai submit a omte Nodal Officer toh kithuzak a bawl thak tuak om leh abawl thak ding uh, lai submit nung ni 4 tan a AG office tunsak ding, AG in Pension cell apat lai amuh nung uh ni 15 sunga release bawl tuak teng bawl ding.
Hiaite hoihtak a sepsuahna dia Administrative Secretaries leh Heads of Department tengin mohpuakna liantak lak ding leh, huchibang zuiloute tunga responsibility fixed hiding inleng Chief Secretary thusuak in taklang hi.
Helpawl te ambush ah commando nih liam
IMPHAL DEC 20: Thoubal Police in Thoubal district sung Salungpham Chingya laka
Helpawl om chih atheih ziakun, tuamun naih in Thoubal Police commando a OC Kishorchand makaih Police team te Gypsy li a kuan in tua mun lak vanaih ua, sunnung dak 12.20 vel dingin, Salungpham Chingya kichihna mun lak a, ana omsa helpawlten commando
team te ambush in, tua ah, Thoubal Police commando nih in liam uhi.
Thutut kingah dan in, liamte lak a khat Khoirom Santosh of Kyamgei pen, Bullet proff Jypsy tunga ludok a dinglai thautang in akhut kap kha a, commando personel dang khat,
Y. Prabin of Saikul bel, thautang in aban bul veilam pang kap kha hi. Hiai a liamte gel tuni nitaklam dak 1.30 vel in RIMS puaktung in om uhi.
Tuni a ambush na mun ah Thoubal SP Th.Radheshyam makaih in police force tamtak leh re-inforcement tamtak lutbeh in, helpawlten lethode tanpha zangin, Security force te
toh sunnung dak 2 tan vel kikap tuah uh chih ahi. Himahleh, hiai mun a helpawl lamte si-le-liam om lam hiai thu sut ahihtan in kitheilou hi.
Thutut dang kingah dan in, hiai mun a khomite, helpawlten ambush a bawlma ua, taikhe sak vek uh hidan in leng kigen hi.
Sub-contractor te lungkim lou
IMPHAL DEC 20: Imphal West district sunga Patsoi assembly constituency a MLA Sapam Kunjakeshore @ Keba in MLA achinma a, contractor ahihlai a, anasepna man piaklouh tampi aneih ziakin, anuai a sem sub-contractor tamtak lungkimlou in, tuni’n Tera Lukram leirak a MLA pa tenna In ah, kiphinna nei uhi.
Press ten MLA pa Inn mipi'n susia chih thu zak ziakin, amun vadelh mahle uh, a In bel hihsiat hilou in, security ten hoihtak in vengbit uhi.
Imphal ah North East Literary meet kizang ding
IMPHAL DEC 20: Manipur govt. nuai a Art & Culture department leh Kolkata a om Victoria Memorial Hall kithuah in, tuni apat zingchiang Dec 21 tan daih ding North East Literary meet zatna, 1st MR banquet hall ah om ding hi.
Hiai Literary meet thupi bel, 'Rights Response to Contemporary Phenomenon of North East India' chih hi a, hiai hun honkhiakna ah, khuallian leh President in, Assam a Dibrugarh University a Department of English a former Head of Department, Prof. Kabin Phukan leh Manipur Sahitya Akademy a Manipuri Language a Adviser board Convenor Kh. Prakash Singh te pang uhi.
Idul-Zuha message CM leh Guv apat
IMPHAL DEC 20: Muslim te adia ni poimoh mahmah Idul-Zuha December 21 ahih toh kiton in, Manipur Governor leh Chief Minister ten Manipur mipite kiang ah message khak uhi.
CM leh Guv message a kitaklang dan in, Idul Zuha hun in, Prophet Ibrahim in a tapa Pathian theihsak banga a lat ngam hon phoksak ahihdan leh, hiai hun in kipiak zohna, khat leh khat kal a, chi leh sa a kikhen tuamlouh ding hon sinsak ahihdan taklang uhi.
www.zogam.com
Its the best way for me to know the current news of churachandpur.I appreciated the initiatives taken by everyone who took part in bringing up this website.Continue to do the good job.Thanks
ReplyDeleteLalboi London (United Kingdom)