Zomi Economic Planning and Development Agency (ZEPADA) in zan a thusuah abawl danin Public Distribution System nuai a anntan gleh thil tuamtuam omte mumal loutak a apailai in phaizang apan NGO tuamtuam banah helpawl khenkhat in leng PDS item hoihtak a apaiding deihin thupuan bawl uh ahi chi'n ZEPADA in taklang hi. District sung a om Student Orgn, Youth Club/Assn, Saptuam leh V/A te banah mipi kuapeuh pilvang taka omding in ZEPADA in ngen hi. Lou ma buh le bal a siat ngeingei leh District Level, Sub Divisional Level/Block level Vigilance Committee SDO/BDO District Agriculture Office leh District Administration te ah report peding in zasak uh a, tuaban ah PDS nuai a anntang te kg 1 ah Rs. 10 tung a leilou dingin mipite theisak ua, khawnvaktui leng litre 1 ah Rs. 15 tunglam a leilou dingin ngen uhi. Govt. in a rate hoihtak a a bikhiahsa ahihman in PDS item toh kisai mipi pilvang mahmah dingin ZEPADA in ngen hi.
Nengneilam omna kitheilou
Nengneilam Hangsing (27)w/o Lelkhohao Hangsing of Patjang, Sangaikot, TD Block, apaisa Jul 28, 2008 zinglam dak 9:30 vel in inn apan lou kuanding in pawtkhia a, loumun bel tungin nitaklam in inn tungkiklou hi'n kigen hi. Khomite'n mun tuamtuam zong mahle uh tunitan kimu nailou hi'n kigen hi.
No comments:
Post a Comment