Editorial, Manipur Express August 05, 2008
All Tribal Students Union, Manipur makaite’n apaisa July 31 ni in Old Lambulane ah press conference sam in, huai ah SPF Government in singtangmite tung a ana sepdan te taklatna nei ua, tua ban ah, ATSUM in August khasung a kiphinna a neihsawm dan a hun le ni tawh taklang chetchet uhi. ATSUM in tuni August 4 apan state Government tung ah thil phut tuamtuam aneih ziak un kiphinna panta uh a, hiai in State Government bil ava sik kha ban diam ahih kei leh, kha khat sung (August) kha sung kiphinna aneih dek uh a mawk mai in hong bei kha zel diam chih kal buktuah haksa mahmah hi.
ATSUM kichi singtangmite’ common platform om sun ahi chi le hang dik mahmah ding a, singtangmite haksatna (common issue) te hon take up in ATSUM ziak in singtangmite’n kum tamtak paisa apan hamphatna i na ngah uh bangzah hiam om ding in gintak huai hi. Ahitak gen mai le hang, ATSUM om lou bang hita zenzen leh State Government kiang ah haksatna leh thil tuamtuam i tuah uh, common issue kuate’n la in state Government ana tun ding ua chih theih haksa hi. ATSUM in hiai zah zouzai kiphinna a neihte bangziak a state Government in ngei ngaihlou sek adiam chih theih hilou hi. Khasi Students Union in NEIGRHIMS, Shillong ah MBBS sinna ding ah reservation for Meghalaya state chi in 30% ana ngen ua, State Government leh Centre Government in limsak lou chih ziak in zan (Pathianni) a MBBS exam dia kuante thagum in nawhzak ua, Central Government in exam a saidek bang postpone sak zou hithet uhi. KSU demand pen ahoih leh hoihlou i genkei a, himahleh, kiphinna aneihdan uh i etleh lawhchin louhna vual hilou dan in kilang hi.
Manipur singtangmite kikhaikhawmna om sun ATSUM ahih leh, bangziak a ATSUM thugen pen state Government in pi ngaihlou adia chih milip adia kidotna tham ching a, ban ah ATSUM executive Committee te adia le kidotna tham ching hi. Phaizang bial ah incident khat a om chiang in JAC chih hi pah geihgeih a, student vai ahih chiang in AMSU/DESAM leh adangdang min ging in, AMSU tanpha a kigolh chiang in state Government in athil nget te uh dakkal tamlou in suk veng sak ziahziah chih pen mite houlimna vantang himawk hi. ATSUM in tutung a demand tuamtuam aneihte uh kum paisa a demand abawlte uleh huai tawh kisai a Memorandum of Understanding chi a suai akaihsa te khawng uh ahi hi. State Govt in MoU ah suai kaitawk mah leh a sepsuahna bangmah om tuanlou ahih ziak a ATSUM in kiphinna pandek uh ahihdan Joseph R Hmar Information Secretary ATSUM in ana taklang khinta hi. Huchi ahihleh, State Government in ATSUM veng phaizang bial a leikai khat a JAC khat tawh equivalent a ngai ahi diam chih bang leng dotna tham chingsak mahmah ahi.
A thudan in a neu pen apan alianpen tan in i theih uh ahih leh, Manipur state sung ah banghiam lungkimlouhna i neih ngeingei leh bandh leh strike omlou in a thuchauh in lawhchinna omlou chih ahi. Huaiziak in kiphin minse vet ihih leh khauhtak mai a, i demand pen mit a muhtheih ahihma kiphinna pen khawlsan mawk ding hilou in kilang hi. Bangziak a thubul bal omlou pi a kiphinna te taisan a, kiphinna dangdang panpan nak ihi hia chih bang leng ATSUM chauh louh organization tuamtuamte adia kingaih tuah tham ching thugil ahi hi. Manipur University a singtangmite gentheihna, Singtanggam a teacher kidaihlouh dan, Contract basis teacher te tungtang, Grant in aid school phiat a om thu leh singtangmite khantouhna ding thil tuamtuam ATSUM nget te ngaihsak louh a ana om chih pen singtangmite adia kingaihsiat huai mahmah thil hi’n kilang hi.
Tu in ATSUM in August 4-9 sung Class IX apan Univeristy tanpha in badge vom belh ding, August 11-14 dakkal 96 sung Manipur total bandh puanding, August 15 Independence Day total bandh puan ding, August 18-23 sungteng private leh Govt school tengteng khak ding, August 15 2008 apan hunchiam omlou a Singtanggam a Govt school teng khak ding leh August 30 a Delhi mun ah Protest rally neih ding chih te apuankholh uh hong bang chi paiding hiam chih theih haksa mahmah a, a demand uh lawhching tak tak heh a chih ua leh buikaw tou mah bang a hong bing tawp mawk ding uh lauhuai sak guk in om mahmah hi. Huaiziak in singtangmite’n ATSUM ah muanna liantak nei ahih ziak in, ATSUM in Education leh lam tuamtuam a singtangmite khantouhna ding ngaih tuah taktak in hon nei le uh chih mipi tamzawte ngaihdan hita hi. August kha sung a ATSUM in kiphinna a neihsawm uh Government in a bildawh khongta diam chih bang leng theih hilou lai hi.
All Tribal Students Union, Manipur makaite’n apaisa July 31 ni in Old Lambulane ah press conference sam in, huai ah SPF Government in singtangmite tung a ana sepdan te taklatna nei ua, tua ban ah, ATSUM in August khasung a kiphinna a neihsawm dan a hun le ni tawh taklang chetchet uhi. ATSUM in tuni August 4 apan state Government tung ah thil phut tuamtuam aneih ziak un kiphinna panta uh a, hiai in State Government bil ava sik kha ban diam ahih kei leh, kha khat sung (August) kha sung kiphinna aneih dek uh a mawk mai in hong bei kha zel diam chih kal buktuah haksa mahmah hi.
ATSUM kichi singtangmite’ common platform om sun ahi chi le hang dik mahmah ding a, singtangmite haksatna (common issue) te hon take up in ATSUM ziak in singtangmite’n kum tamtak paisa apan hamphatna i na ngah uh bangzah hiam om ding in gintak huai hi. Ahitak gen mai le hang, ATSUM om lou bang hita zenzen leh State Government kiang ah haksatna leh thil tuamtuam i tuah uh, common issue kuate’n la in state Government ana tun ding ua chih theih haksa hi. ATSUM in hiai zah zouzai kiphinna a neihte bangziak a state Government in ngei ngaihlou sek adiam chih theih hilou hi. Khasi Students Union in NEIGRHIMS, Shillong ah MBBS sinna ding ah reservation for Meghalaya state chi in 30% ana ngen ua, State Government leh Centre Government in limsak lou chih ziak in zan (Pathianni) a MBBS exam dia kuante thagum in nawhzak ua, Central Government in exam a saidek bang postpone sak zou hithet uhi. KSU demand pen ahoih leh hoihlou i genkei a, himahleh, kiphinna aneihdan uh i etleh lawhchin louhna vual hilou dan in kilang hi.
Manipur singtangmite kikhaikhawmna om sun ATSUM ahih leh, bangziak a ATSUM thugen pen state Government in pi ngaihlou adia chih milip adia kidotna tham ching a, ban ah ATSUM executive Committee te adia le kidotna tham ching hi. Phaizang bial ah incident khat a om chiang in JAC chih hi pah geihgeih a, student vai ahih chiang in AMSU/DESAM leh adangdang min ging in, AMSU tanpha a kigolh chiang in state Government in athil nget te uh dakkal tamlou in suk veng sak ziahziah chih pen mite houlimna vantang himawk hi. ATSUM in tutung a demand tuamtuam aneihte uh kum paisa a demand abawlte uleh huai tawh kisai a Memorandum of Understanding chi a suai akaihsa te khawng uh ahi hi. State Govt in MoU ah suai kaitawk mah leh a sepsuahna bangmah om tuanlou ahih ziak a ATSUM in kiphinna pandek uh ahihdan Joseph R Hmar Information Secretary ATSUM in ana taklang khinta hi. Huchi ahihleh, State Government in ATSUM veng phaizang bial a leikai khat a JAC khat tawh equivalent a ngai ahi diam chih bang leng dotna tham chingsak mahmah ahi.
A thudan in a neu pen apan alianpen tan in i theih uh ahih leh, Manipur state sung ah banghiam lungkimlouhna i neih ngeingei leh bandh leh strike omlou in a thuchauh in lawhchinna omlou chih ahi. Huaiziak in kiphin minse vet ihih leh khauhtak mai a, i demand pen mit a muhtheih ahihma kiphinna pen khawlsan mawk ding hilou in kilang hi. Bangziak a thubul bal omlou pi a kiphinna te taisan a, kiphinna dangdang panpan nak ihi hia chih bang leng ATSUM chauh louh organization tuamtuamte adia kingaih tuah tham ching thugil ahi hi. Manipur University a singtangmite gentheihna, Singtanggam a teacher kidaihlouh dan, Contract basis teacher te tungtang, Grant in aid school phiat a om thu leh singtangmite khantouhna ding thil tuamtuam ATSUM nget te ngaihsak louh a ana om chih pen singtangmite adia kingaihsiat huai mahmah thil hi’n kilang hi.
Tu in ATSUM in August 4-9 sung Class IX apan Univeristy tanpha in badge vom belh ding, August 11-14 dakkal 96 sung Manipur total bandh puanding, August 15 Independence Day total bandh puan ding, August 18-23 sungteng private leh Govt school tengteng khak ding, August 15 2008 apan hunchiam omlou a Singtanggam a Govt school teng khak ding leh August 30 a Delhi mun ah Protest rally neih ding chih te apuankholh uh hong bang chi paiding hiam chih theih haksa mahmah a, a demand uh lawhching tak tak heh a chih ua leh buikaw tou mah bang a hong bing tawp mawk ding uh lauhuai sak guk in om mahmah hi. Huaiziak in singtangmite’n ATSUM ah muanna liantak nei ahih ziak in, ATSUM in Education leh lam tuamtuam a singtangmite khantouhna ding ngaih tuah taktak in hon nei le uh chih mipi tamzawte ngaihdan hita hi. August kha sung a ATSUM in kiphinna a neihsawm uh Government in a bildawh khongta diam chih bang leng theih hilou lai hi.
No comments:
Post a Comment