Committee on Mautaam Famine Aid te’n Mautaam Relief Campaign hong
Lamka, Aug 23: Kum 50 hal a tungzel Mautaam kialpi in tutung in kum 50 paisa a a tunna mah CCpur district ah om nawn a, kialpi thuakte panpih dia pawlpi dingkhia Commmittee on Mautaam Famine Aid (COMFA) pawl in tuni zinglam in Hiangtam Lamka a YPA HQ Hall ah Mautaam relief campaign patna ding a honna(kick off) program zang uh a, huai ah civil society tuamtuam apan leader tamtak paikhawm uhi. COMFA Chief Co-ordinator Rev Khen P Tombing in, “Mautaam kialpi panpihna dia thawhkhawm a om antang leh sumte mangthang lou ding a, antang malkhat leltak leng mangthang lou ding in ka hon chiam ngam” chi’n heutu paikhawmte ma ah gen hi.
COMFA makaihna a Mautaam Relief Campaign patna hun ah Pastor H Jamkhanpau in Pathian kiang ah program latna nei in COMFA ading leh Mautaam kialpi thuakte ading in thumsak hi. COMFA Chief Co-ordinator in mipi paikhawmte chibai bukkawm in Mautaam kialpi hong kipatdan, tulel dinmun leh maban a tuahtouh dingte tanpha taklang a, State Govt leh Central Govt apan panpihna hongpaite chihtak hilou a chih ban ah, NGO khenkhat apan panpihna leh NREGS tungtawn a hamphatnate in mipite lak ah gilvahna tham tunzoulou ahihdan gen kawm in kialpi thuakte adia antang muhkhiakte malkhat mah leng thelthanglou ding a, sum le pai thu ah leng mipite piakkhomte cheng khat nasan leng mangthanglou in gilkialte gil sung ah lut vek ding ahi chi’n heutu paikhawmte ma ah hangsantakin gen hi.
Zomi Council Chairman LB Sona in haksatna tuahte Zosuante adia political aspect tawh kisai in vualzawlna(blessing in disguise) leng hithei ahihdan gen a, India khazap nuai ah state tuamtuam apiankhiak teltul pen thil lamdang lua hikhollou ahi chi hi. Lamka kichi khawpi khanghat pen (fastest growing town in India) ahi diam chi hial a, 1997 kum in unau melhaih hun hongtung kha laizang a, huai ma in khantouhna nasa mahmah a, buainung in nasatak in i niamkiak ua, tu’n bel i khangtou mahmah ua, Govt hon puah hilou in ei le ei iki puahziak a khawpi khangtou pen ihi diam chi hi. Aman agenbehna ah, mipite’n nulla leh lampi hahsiang noinoi mai, electric transformer sia nasan leng ei le ei sum kithawh liailiai a bawlte ihihman in i pankhomna uh etton tak mahmah a, Mautaam kialpi leng kikhentuam omlou in doukhawm siausiau ni chi in chialna bawl hi.
Hmar Inpui apan in Finance Secretary P C Kapchhunga, CDSU President K Doukhum, PTC President V Langkhanpau leh HYA General President L Rohlun in thugenna nei ua, huai ah Mautaam kialpi doukhawm a poimawhdan genchiat uhi. COMFA Secretary Siamzading, Advocate in agenna ah, Mautaam panpihna thilte a siangthoutheipen iim omlou(transparency) in hawmkhiak hiding a, muh bangbang tan kirual in civil society-te tungtawn in hawmkhiak hiding chi hi. Tuni program ah a taktak a thiltung zusate’ chetdan video coverage kibawl lahna om a, Suangdoh, Tangpimual, Maukot leh Enpai louzau a zusa te’n vaimim, tangmai, dawnpawl leh buh le bal a hihsiat laitak uh suah uhi.
COMFA te’ panlakna kithuahpih zel ding leh Mautam kialpi douna dia pankhawm vek ding chi in heutu 6 in suaikai ua, mipite lak ah leng Joint appeal bawl uhi. Joint appeal lehkha ah, Indigenous Tribe Leaders Council Chairman Khaipao, Zomi Council Chairman L B Sona, Mizo People’s Convention (Manipur) President HVL Sanga, Kuki Inpi, CCpur President Khaipao Haokip, Hmar Inpui Finance Secretary PC Kapchuunga leh Meitei Society, CCpur Vice President Sanajaoba Mangangcha in suaikai uhi.
Lamka, Aug 23: Kum 50 hal a tungzel Mautaam kialpi in tutung in kum 50 paisa a a tunna mah CCpur district ah om nawn a, kialpi thuakte panpih dia pawlpi dingkhia Commmittee on Mautaam Famine Aid (COMFA) pawl in tuni zinglam in Hiangtam Lamka a YPA HQ Hall ah Mautaam relief campaign patna ding a honna(kick off) program zang uh a, huai ah civil society tuamtuam apan leader tamtak paikhawm uhi. COMFA Chief Co-ordinator Rev Khen P Tombing in, “Mautaam kialpi panpihna dia thawhkhawm a om antang leh sumte mangthang lou ding a, antang malkhat leltak leng mangthang lou ding in ka hon chiam ngam” chi’n heutu paikhawmte ma ah gen hi.
COMFA makaihna a Mautaam Relief Campaign patna hun ah Pastor H Jamkhanpau in Pathian kiang ah program latna nei in COMFA ading leh Mautaam kialpi thuakte ading in thumsak hi. COMFA Chief Co-ordinator in mipi paikhawmte chibai bukkawm in Mautaam kialpi hong kipatdan, tulel dinmun leh maban a tuahtouh dingte tanpha taklang a, State Govt leh Central Govt apan panpihna hongpaite chihtak hilou a chih ban ah, NGO khenkhat apan panpihna leh NREGS tungtawn a hamphatnate in mipite lak ah gilvahna tham tunzoulou ahihdan gen kawm in kialpi thuakte adia antang muhkhiakte malkhat mah leng thelthanglou ding a, sum le pai thu ah leng mipite piakkhomte cheng khat nasan leng mangthanglou in gilkialte gil sung ah lut vek ding ahi chi’n heutu paikhawmte ma ah hangsantakin gen hi.
Zomi Council Chairman LB Sona in haksatna tuahte Zosuante adia political aspect tawh kisai in vualzawlna(blessing in disguise) leng hithei ahihdan gen a, India khazap nuai ah state tuamtuam apiankhiak teltul pen thil lamdang lua hikhollou ahi chi hi. Lamka kichi khawpi khanghat pen (fastest growing town in India) ahi diam chi hial a, 1997 kum in unau melhaih hun hongtung kha laizang a, huai ma in khantouhna nasa mahmah a, buainung in nasatak in i niamkiak ua, tu’n bel i khangtou mahmah ua, Govt hon puah hilou in ei le ei iki puahziak a khawpi khangtou pen ihi diam chi hi. Aman agenbehna ah, mipite’n nulla leh lampi hahsiang noinoi mai, electric transformer sia nasan leng ei le ei sum kithawh liailiai a bawlte ihihman in i pankhomna uh etton tak mahmah a, Mautaam kialpi leng kikhentuam omlou in doukhawm siausiau ni chi in chialna bawl hi.
Hmar Inpui apan in Finance Secretary P C Kapchhunga, CDSU President K Doukhum, PTC President V Langkhanpau leh HYA General President L Rohlun in thugenna nei ua, huai ah Mautaam kialpi doukhawm a poimawhdan genchiat uhi. COMFA Secretary Siamzading, Advocate in agenna ah, Mautaam panpihna thilte a siangthoutheipen iim omlou(transparency) in hawmkhiak hiding a, muh bangbang tan kirual in civil society-te tungtawn in hawmkhiak hiding chi hi. Tuni program ah a taktak a thiltung zusate’ chetdan video coverage kibawl lahna om a, Suangdoh, Tangpimual, Maukot leh Enpai louzau a zusa te’n vaimim, tangmai, dawnpawl leh buh le bal a hihsiat laitak uh suah uhi.
COMFA te’ panlakna kithuahpih zel ding leh Mautam kialpi douna dia pankhawm vek ding chi in heutu 6 in suaikai ua, mipite lak ah leng Joint appeal bawl uhi. Joint appeal lehkha ah, Indigenous Tribe Leaders Council Chairman Khaipao, Zomi Council Chairman L B Sona, Mizo People’s Convention (Manipur) President HVL Sanga, Kuki Inpi, CCpur President Khaipao Haokip, Hmar Inpui Finance Secretary PC Kapchuunga leh Meitei Society, CCpur Vice President Sanajaoba Mangangcha in suaikai uhi.
No comments:
Post a Comment