Manipur Pineapple Festival neih hiding, Horticulture Minister T. Phungzathang in Khuallian hihna toh uap ding
LAMKA, August 27: Manipur Pineapple Festival Committee saina in hongtung ding August 30, 2008 chiang in Khousabung khua ah 1st Manipur Pineapple Festival neih hiding hi.Hiai hun ah Manipur Pineapple Queen contest leng neih ahih ding banah Pineapple Musical Concert for Peace leng neih hiding hi.
Horticulture Minister T. Phungzathang in Chief Guest hihna toh Manipur Pineapple Festival uap in festival hongkhe ding a, MTDC Chairman MLA T. Manga Vaiphei in leng hiai festival Function President hihna toh uap ding hi. Huai banah, DC/CCpur Sumant Singh, IAS in Guest of Honour hihna toh a uap ding banah social worker Amrik Singh Pawa in leng Special Guest hihna toh uap ding hi.
Hiai festival ding toh kisai in Manipur Pineapple Festival Committee in tuni sunnung dak 3:30 in DFO/CCpur tenna inn Chiengkawnpang ah thuthaksaite kimuhpih uhi. MPFC Secretary Gin Gangte in a gendan in, Manipur a lengthei chiin masaknapen ding in 1947 kum in Mr. Songpu Gangte in Lakhipur apat lengthei nou 40 Khousabung potung in suan hi. Songpu’ lengtheite’n gah a hon suantak in lengthei chiin theih ahihdan theisuah in a vengte leng lengthei nou poding in kuan ua, huchia Manipur a lengthei chiin hong kipan hidan in gen hi.
Manipur a district 9-te ah lengthei chiin hivek mahleh CCpur a Khousabung bial apat kum teng in lengthei lakh 70 piangkhia in Manipur a a tamnapen ahihdan Gin Gangte in gen hi. MPFC in survey a bawl dan in kum teng in CCpur district apan in lengthei lakh 70 piang a, Thoubal district apat lakh 45 leh Senapati district ah lakh 40 piang hi. Huai banah, Imphal West apat lakh 35 piang a, Imphal East apat lakh 30 leh Chandel district apat lakh 10 piang hi. Ukhrul district ah lakh 5 piang a, Bishnupur district ah lakh 3 leh Tamenglong district a lakh 2 piang hidan in suikhia uhi. Huai banah, gam acre 1 a lian sung a lengthei 10000 chiin theih ahihdan leng MPFC Secretary in gen hi.
Lengthei chituamtuam130 lak ah tulel in Manipur ah chi 2 kia kichiing lel a, huai lak a khat Kew Variety pen State Fruit hihsak ding leh Pineapple Festival pen State Festival khat bang a pom ding in Manipur Governor kiang ah Manipur Pineapple Festival Committee in apaisa August 14, 2008 in ngetna pelut uhi.
Huailou in, hongtung ding September 15-17, 2008 chiang a Shillong a ‘North-East Business Summit-2008’ neihna hun a tel dia Manipur Pineapple Festival Committee in palai sawl sawm uh hidan in MPFC Secretary in gen hi.
MLA T. Manga Vaiphei in Kangvai Community Hall honna nei
LAMKA, August 27: Infrastructure Development Programme tungtawn a Rs. 12 lakhs zang a Kangvai khomipte a dia Community Hall kibawl zohsiang ahihtoh kiton in tuni sunma dak 10 in bialtu MLA T. Manga Vaiphei, Chairman, MTDC in Chief Guest hihna toh uap in Community Hall honna nei hi.
Hiai hunzatna ah Kangvai V/A in Chief Guest kiang ah Vaiphei puandum khat pia ua, Kangvai Women Development Society (KWDS) in leng Vaiphei puandum khat mah pia uhi. Kangvai Block VPC President Lalzakhai in Function President hihna toh uap a, SDO Henglep Ranjan Yumnam in Special Guest hihna toh uap hi. Function President in a thugenna ah tulai mipite lungsim putzia hoihlou in mi’n thilhoih hihsak/bawlsak lehleng kipahna chang theilou in kep-le-zuun naksang a suksiat ding kia lunggel a neih pen khanmohbawk ahihman in kuapeuh in huchibang ngaihdan paih tuak ahihdan gen hi.
Chief Guest MTDC Chairman T.Manga Vaiphei in a thugenna ah Kangvai khua a Zillai Golden Jubilee lop hunlai a hall gina neihlouh ziak a haksatna tamtak tuah ahihbanah tha-le-zung tampi sen ahihlai in Community Hall hoihtak ding lunggulhna lianpi a neih tua tangtung ahihna ah kipak mahmah ahihdan gen in maban a leng thil dangdang bawl hilai ding ahihdan gen hi. Hiai Community Hall bel duhthusamtak a bawl ahihman in a bawlna’ng Government in a sanction zah sang a tamzaw lut ahihdan gen a, Kangvai Area bel constituency dan in Henglep nuai ah om mahleh Tuibuang TD Block nuai ah omkha a Tuibuang ahihleh Saikot A/C sung a omkhazel ahihman in hichibang limliam ziak a development scheme khenkhat deih bang a laihlut haksatloh ahihdan gen hi.
MOBC nuai ah school bangzah hiam bawlna dia proposal piaklut ahihbanah maban ah BRGF tungtawn in Community Hall leh mawltual bangzah hiam bawl hiding ahihdan leng Chief Guest in gen hi.Vantaang a dia thilhoih kibawlte mahni a ahihlouhman a suksiat ding lunggel neih pen haihuai ahihdan gen in lampi, community hall, mawltual hi’n mipi a dia phatuam khatpeuh sepsuah ahihchiang a kuaman subuailou a kithuahpihzaw ding leh sepsuah a omte quality neitak a sepsuah ahi hiam chih enkai ding a ngetna neikawm in a semsuahtute’n leng quality hoihtak nei dia sem ding in theisak hi. Vau leh lauhsak himahle uh mipite’n a vote ziak ua lohching a hichibang a thilhoih semthei ahihman in tha petu mipite a dia septheih teng sep ding a mohpuakna ahihdan gen hi.
Chief Guest in Kangvai Hausa tel in kho Hausa mi 14 kiang ah puansan pia a, contractor hikei mahleh hiai community hall diktattak a bawl leh enkaitu Mr. Pautinlam kiang ah belpi khat pia hi. Huai banah, Rs. 2000/- in KWDS phungvuh a, Kangvai YVA kiang ah football 1, volleyball 1 leh Rs. 2000/- pia in Cultural Troupe leng Rs.1000/- pia hi.
SDPO/CCpur training in kuan ding
LAMKA, August 27: Police Foundation Course a tel di’n Sub-Divisional Police Officer/CCpur K. Kabib IPS in zingchiang in Missouri, USA zuan in Lamka nuse ding hi. Aman November 28, 2008 tan training ding a, a omlouh sung in SDPO/Moirang in SDPO/CCpur dinmun lenkhawm ding hi.
Cheng 1 sik valh kha
LAMKA, August 27: Baby Hathoihkim (5) d/o Lianlallem of Lingsiphai in an sunma dak11:30 vel in school kaina mun ah sum Cheng 1 sik valh kha in a gawl ah tang a, a gen ngam zoklouh ziak in zan nitaklam dak 4:00 vel in a sungte’n theikhe pan uhi. A theihphet ua kintak a doctor a etsak ua leh zan nitak dak 7 in Lamka damdawi inn ah doctor in emergency operation bawl ngal a, Cheng 1 sik aat khia hi. Doctor in a gendan in hiai naupang pen kintak a aat theihlouhna mun singtang mun gamla a om bang hileh si thei dinmun hi’n gen hi. Hiai sum Cheng 1 sik ahihleh a pa’n school a kaina a nektheih a leina dia Hathoihlam a piak hi a, aman a kam a a muam a leh valhkha hidan in thutut kingah hi.
Mi 2400 val in application form lata
LAMKA, August 27: Manipur Home Deptt. nuai a post awng tuamtuam 3 lakna ding ah tunitan in mi 2400 val in SP/CCpur Ofice ah application form lata uhi. IRB Riflemen post 1404 a ding in mi 1700 in form la ua, Women Police Constable post 366 a ding in mi 556 in form a lak banuah Police Driver post 60 a ding in mi 129 in form la uhi. Application form fill-up khinsate’n ahihleh Distrit Employment Office ah piak lut theih ding hidan in thutut kingah hi.
Loukaihna khawl hawm ding
LAMKA, August 27: Horticulture & Soil Conservation nuai a loukaihna khawl Kabutar Power Tiller leh Water Pump subsidized rate a dia sum pekhinsate’n September 6, 2008 in Imphal ah lak theih ding a, huai toh kisai a thuchian thei nuamte’n District Oficer (DO) Horticulture & Soil Conservation Churachandpur kimuhpih ngai ding hi.
Mobile Sale in APL anntang zuak
LAMKA, August 27: FCS Deptt./CCpur in tuni sun dak 12:00 in Lamka Police Station ah APL anntang mobile sale in zuak ua, anntang deih mi tam mahmah ahihman in zuak bei pah ua, a kuanhakte’n tangkhalou uhi.
Henglep lampi kihongta
LAMKA, August 27: Tuktui kiak ziak a menchimte’n Henglep bial toh kikawmtuahna lampi naktak in subuai mahleh PWD/CCpur a Section Officer Loken makaih in special contractor T. Lala in tuni’n lampi hong suakta uh hi’n thutut kingah hi.
Thutut kingah dan in Henglep lampi mun 8 ah menchim in gari taitheilou ding in lamlian khak tan a, himahleh JCB zang in tuni’n hahsiang in om hi. Lamlian khaktan menchim 8-te banah hawktui luanna lampi khaktan menchim mun 30 ah om a, huaite teng leng hahsiang a om hidan in thutut kingah hi.
Gari number MN-02A in kipanta ding
LAMKA, August 27: District Transport Officer/CCpur apat thutut kingah dan in, MN-02 nuai a gari registration number kipekhe ding zah a piak khiak khittak ziak un DTO-cum-Regional Transport Office, CCpur district nuai a gari registration kibawl tengteng, bang gari hitaleh, August 25, 2008 apat MN-02A nuai ah registration number piak pat in omta hi.
NE-TV in COMFA’ video documentary ngen
LAMKA, August 27: Mautaam kialpi dou dia kiphutkhia Committee on Mautaam Famine Aid in panlak kisan mahmah ua, tuni’n leng COMFA palai bangzah hiamte’n kial douna ding toh kisai Imphal zinsuk uhi. Huai banah, Zomi Youth Association makaih a inn chih kiang a ngetna hawm ding in COMFA kisalel a, kuapeuh in ngaipoimoh ding in leng ngen uhi. Tuma a Mautaam zusate’n haichi a neksiatlaitak uh video documentary a bawl uh leng North East Television in a nget dungzui un COMFA in pekhia hi.
Tuabanah, September 5 chiang a Concert For The Hungry neihna ding a stage bawlna a zat dia khuam bangzah hiam thoh ding ahihdan special contractor Thangnon in ZAA theisak hi. ZAA leng hiai concert a di’n naktak in kisakhol ua, tulai in lazilna uangbawl mahmah uhi. Concert For The Hungry neihna dia van poimoh tuamtuamte mimal phatuamngai bangzahhiamte’n tamtak thohkhawmta uhi.
Jeevan Madhun plan hongkhe ding
LAMKA, August 27: Life Insurance Corporation nuai a Micro Insurance Plan No. 182, Jeevan Madhur Plan kichi August 28, 2008 sunma dak 11 in Synod Hall, IB Road a honkhiak a om ding hi.
Hiai plan ahihleh Jeevan Madhur Micro Insurance Policy, Silchar Division a Manager S. Kar in hongkhe ding a, LIC/CCpur Branch a Manager Seikholet Kipgen in leng thugenna hun zang ding hidan in hiai policy agent Covenant Children’s Home apat thutut kingah hi.
Sum muhna nei hoihlou migentheite a ding bik a kibawlkhia hiai plan ahihleh September 28, 2006 in India President Dr. A.P.J. Abdul Kalam in New Delhi ah ana hongkhe khinta hi.
MHJU in louzau veh
LAMKA, August 27: Mautaam kial toh kisai a a nihveina ding in Manipur Hills Journalist Union (MHJU) team in tuni’n Guite Road tawn in Lamka nusia ua, nitak dak 6 vel in Sinzawl khua tung uhi.
Mautaam ziak a zusa pung mahmahte enkhe di’n Sinzawlte louzau ah tuzan in MHJU team vakkual ua, zan giak di’n Sinzawl khua ah kiknawn uhi. Amau zingchiang in Parbung zuan nawn ding uhi.
Nupa khat Tuivai ah kelum
SINZAWL, August 27: Muanhuaitak apat thutut kingah dan in apaisa August 24, 2008 Pathianni in Sinzawl kho kiang a Tuivai lui ah nupa kop khat kelum uhi. Tui a kelum nupate hihna leh min uh theih hikei mahleh amau Mimbung khua a sing aatsa nawn a kiloh a om Burma mi hi uhi.
Thutut kingah dan in, hiai nupate tui a a kiak un a pasal in suang mankha in a zi’n leng a pasal puanak mankha hi. Himahleh, a pasal puanak in a khouhlouh ziak in nupinu tui in tai a, a pasal leng a tha bei gawp man ahihman in a khonung deuh in tui in tai hi.
Kho kiim kho kiang a mipi’n hiai nupate siluang zong pah mahle uh tunitan a munailou uh hi’n thutut kingah hi.
The Lamka Post August 28, 2008
Source: http://zogam.com/index.php?option=com_content&task=view&id=4195
LAMKA, August 27: Manipur Pineapple Festival Committee saina in hongtung ding August 30, 2008 chiang in Khousabung khua ah 1st Manipur Pineapple Festival neih hiding hi.Hiai hun ah Manipur Pineapple Queen contest leng neih ahih ding banah Pineapple Musical Concert for Peace leng neih hiding hi.
Horticulture Minister T. Phungzathang in Chief Guest hihna toh Manipur Pineapple Festival uap in festival hongkhe ding a, MTDC Chairman MLA T. Manga Vaiphei in leng hiai festival Function President hihna toh uap ding hi. Huai banah, DC/CCpur Sumant Singh, IAS in Guest of Honour hihna toh a uap ding banah social worker Amrik Singh Pawa in leng Special Guest hihna toh uap ding hi.
Hiai festival ding toh kisai in Manipur Pineapple Festival Committee in tuni sunnung dak 3:30 in DFO/CCpur tenna inn Chiengkawnpang ah thuthaksaite kimuhpih uhi. MPFC Secretary Gin Gangte in a gendan in, Manipur a lengthei chiin masaknapen ding in 1947 kum in Mr. Songpu Gangte in Lakhipur apat lengthei nou 40 Khousabung potung in suan hi. Songpu’ lengtheite’n gah a hon suantak in lengthei chiin theih ahihdan theisuah in a vengte leng lengthei nou poding in kuan ua, huchia Manipur a lengthei chiin hong kipan hidan in gen hi.
Manipur a district 9-te ah lengthei chiin hivek mahleh CCpur a Khousabung bial apat kum teng in lengthei lakh 70 piangkhia in Manipur a a tamnapen ahihdan Gin Gangte in gen hi. MPFC in survey a bawl dan in kum teng in CCpur district apan in lengthei lakh 70 piang a, Thoubal district apat lakh 45 leh Senapati district ah lakh 40 piang hi. Huai banah, Imphal West apat lakh 35 piang a, Imphal East apat lakh 30 leh Chandel district apat lakh 10 piang hi. Ukhrul district ah lakh 5 piang a, Bishnupur district ah lakh 3 leh Tamenglong district a lakh 2 piang hidan in suikhia uhi. Huai banah, gam acre 1 a lian sung a lengthei 10000 chiin theih ahihdan leng MPFC Secretary in gen hi.
Lengthei chituamtuam130 lak ah tulel in Manipur ah chi 2 kia kichiing lel a, huai lak a khat Kew Variety pen State Fruit hihsak ding leh Pineapple Festival pen State Festival khat bang a pom ding in Manipur Governor kiang ah Manipur Pineapple Festival Committee in apaisa August 14, 2008 in ngetna pelut uhi.
Huailou in, hongtung ding September 15-17, 2008 chiang a Shillong a ‘North-East Business Summit-2008’ neihna hun a tel dia Manipur Pineapple Festival Committee in palai sawl sawm uh hidan in MPFC Secretary in gen hi.
MLA T. Manga Vaiphei in Kangvai Community Hall honna nei
LAMKA, August 27: Infrastructure Development Programme tungtawn a Rs. 12 lakhs zang a Kangvai khomipte a dia Community Hall kibawl zohsiang ahihtoh kiton in tuni sunma dak 10 in bialtu MLA T. Manga Vaiphei, Chairman, MTDC in Chief Guest hihna toh uap in Community Hall honna nei hi.
Hiai hunzatna ah Kangvai V/A in Chief Guest kiang ah Vaiphei puandum khat pia ua, Kangvai Women Development Society (KWDS) in leng Vaiphei puandum khat mah pia uhi. Kangvai Block VPC President Lalzakhai in Function President hihna toh uap a, SDO Henglep Ranjan Yumnam in Special Guest hihna toh uap hi. Function President in a thugenna ah tulai mipite lungsim putzia hoihlou in mi’n thilhoih hihsak/bawlsak lehleng kipahna chang theilou in kep-le-zuun naksang a suksiat ding kia lunggel a neih pen khanmohbawk ahihman in kuapeuh in huchibang ngaihdan paih tuak ahihdan gen hi.
Chief Guest MTDC Chairman T.Manga Vaiphei in a thugenna ah Kangvai khua a Zillai Golden Jubilee lop hunlai a hall gina neihlouh ziak a haksatna tamtak tuah ahihbanah tha-le-zung tampi sen ahihlai in Community Hall hoihtak ding lunggulhna lianpi a neih tua tangtung ahihna ah kipak mahmah ahihdan gen in maban a leng thil dangdang bawl hilai ding ahihdan gen hi. Hiai Community Hall bel duhthusamtak a bawl ahihman in a bawlna’ng Government in a sanction zah sang a tamzaw lut ahihdan gen a, Kangvai Area bel constituency dan in Henglep nuai ah om mahleh Tuibuang TD Block nuai ah omkha a Tuibuang ahihleh Saikot A/C sung a omkhazel ahihman in hichibang limliam ziak a development scheme khenkhat deih bang a laihlut haksatloh ahihdan gen hi.
MOBC nuai ah school bangzah hiam bawlna dia proposal piaklut ahihbanah maban ah BRGF tungtawn in Community Hall leh mawltual bangzah hiam bawl hiding ahihdan leng Chief Guest in gen hi.Vantaang a dia thilhoih kibawlte mahni a ahihlouhman a suksiat ding lunggel neih pen haihuai ahihdan gen in lampi, community hall, mawltual hi’n mipi a dia phatuam khatpeuh sepsuah ahihchiang a kuaman subuailou a kithuahpihzaw ding leh sepsuah a omte quality neitak a sepsuah ahi hiam chih enkai ding a ngetna neikawm in a semsuahtute’n leng quality hoihtak nei dia sem ding in theisak hi. Vau leh lauhsak himahle uh mipite’n a vote ziak ua lohching a hichibang a thilhoih semthei ahihman in tha petu mipite a dia septheih teng sep ding a mohpuakna ahihdan gen hi.
Chief Guest in Kangvai Hausa tel in kho Hausa mi 14 kiang ah puansan pia a, contractor hikei mahleh hiai community hall diktattak a bawl leh enkaitu Mr. Pautinlam kiang ah belpi khat pia hi. Huai banah, Rs. 2000/- in KWDS phungvuh a, Kangvai YVA kiang ah football 1, volleyball 1 leh Rs. 2000/- pia in Cultural Troupe leng Rs.1000/- pia hi.
SDPO/CCpur training in kuan ding
LAMKA, August 27: Police Foundation Course a tel di’n Sub-Divisional Police Officer/CCpur K. Kabib IPS in zingchiang in Missouri, USA zuan in Lamka nuse ding hi. Aman November 28, 2008 tan training ding a, a omlouh sung in SDPO/Moirang in SDPO/CCpur dinmun lenkhawm ding hi.
Cheng 1 sik valh kha
LAMKA, August 27: Baby Hathoihkim (5) d/o Lianlallem of Lingsiphai in an sunma dak11:30 vel in school kaina mun ah sum Cheng 1 sik valh kha in a gawl ah tang a, a gen ngam zoklouh ziak in zan nitaklam dak 4:00 vel in a sungte’n theikhe pan uhi. A theihphet ua kintak a doctor a etsak ua leh zan nitak dak 7 in Lamka damdawi inn ah doctor in emergency operation bawl ngal a, Cheng 1 sik aat khia hi. Doctor in a gendan in hiai naupang pen kintak a aat theihlouhna mun singtang mun gamla a om bang hileh si thei dinmun hi’n gen hi. Hiai sum Cheng 1 sik ahihleh a pa’n school a kaina a nektheih a leina dia Hathoihlam a piak hi a, aman a kam a a muam a leh valhkha hidan in thutut kingah hi.
Mi 2400 val in application form lata
LAMKA, August 27: Manipur Home Deptt. nuai a post awng tuamtuam 3 lakna ding ah tunitan in mi 2400 val in SP/CCpur Ofice ah application form lata uhi. IRB Riflemen post 1404 a ding in mi 1700 in form la ua, Women Police Constable post 366 a ding in mi 556 in form a lak banuah Police Driver post 60 a ding in mi 129 in form la uhi. Application form fill-up khinsate’n ahihleh Distrit Employment Office ah piak lut theih ding hidan in thutut kingah hi.
Loukaihna khawl hawm ding
LAMKA, August 27: Horticulture & Soil Conservation nuai a loukaihna khawl Kabutar Power Tiller leh Water Pump subsidized rate a dia sum pekhinsate’n September 6, 2008 in Imphal ah lak theih ding a, huai toh kisai a thuchian thei nuamte’n District Oficer (DO) Horticulture & Soil Conservation Churachandpur kimuhpih ngai ding hi.
Mobile Sale in APL anntang zuak
LAMKA, August 27: FCS Deptt./CCpur in tuni sun dak 12:00 in Lamka Police Station ah APL anntang mobile sale in zuak ua, anntang deih mi tam mahmah ahihman in zuak bei pah ua, a kuanhakte’n tangkhalou uhi.
Henglep lampi kihongta
LAMKA, August 27: Tuktui kiak ziak a menchimte’n Henglep bial toh kikawmtuahna lampi naktak in subuai mahleh PWD/CCpur a Section Officer Loken makaih in special contractor T. Lala in tuni’n lampi hong suakta uh hi’n thutut kingah hi.
Thutut kingah dan in Henglep lampi mun 8 ah menchim in gari taitheilou ding in lamlian khak tan a, himahleh JCB zang in tuni’n hahsiang in om hi. Lamlian khaktan menchim 8-te banah hawktui luanna lampi khaktan menchim mun 30 ah om a, huaite teng leng hahsiang a om hidan in thutut kingah hi.
Gari number MN-02A in kipanta ding
LAMKA, August 27: District Transport Officer/CCpur apat thutut kingah dan in, MN-02 nuai a gari registration number kipekhe ding zah a piak khiak khittak ziak un DTO-cum-Regional Transport Office, CCpur district nuai a gari registration kibawl tengteng, bang gari hitaleh, August 25, 2008 apat MN-02A nuai ah registration number piak pat in omta hi.
NE-TV in COMFA’ video documentary ngen
LAMKA, August 27: Mautaam kialpi dou dia kiphutkhia Committee on Mautaam Famine Aid in panlak kisan mahmah ua, tuni’n leng COMFA palai bangzah hiamte’n kial douna ding toh kisai Imphal zinsuk uhi. Huai banah, Zomi Youth Association makaih a inn chih kiang a ngetna hawm ding in COMFA kisalel a, kuapeuh in ngaipoimoh ding in leng ngen uhi. Tuma a Mautaam zusate’n haichi a neksiatlaitak uh video documentary a bawl uh leng North East Television in a nget dungzui un COMFA in pekhia hi.
Tuabanah, September 5 chiang a Concert For The Hungry neihna ding a stage bawlna a zat dia khuam bangzah hiam thoh ding ahihdan special contractor Thangnon in ZAA theisak hi. ZAA leng hiai concert a di’n naktak in kisakhol ua, tulai in lazilna uangbawl mahmah uhi. Concert For The Hungry neihna dia van poimoh tuamtuamte mimal phatuamngai bangzahhiamte’n tamtak thohkhawmta uhi.
Jeevan Madhun plan hongkhe ding
LAMKA, August 27: Life Insurance Corporation nuai a Micro Insurance Plan No. 182, Jeevan Madhur Plan kichi August 28, 2008 sunma dak 11 in Synod Hall, IB Road a honkhiak a om ding hi.
Hiai plan ahihleh Jeevan Madhur Micro Insurance Policy, Silchar Division a Manager S. Kar in hongkhe ding a, LIC/CCpur Branch a Manager Seikholet Kipgen in leng thugenna hun zang ding hidan in hiai policy agent Covenant Children’s Home apat thutut kingah hi.
Sum muhna nei hoihlou migentheite a ding bik a kibawlkhia hiai plan ahihleh September 28, 2006 in India President Dr. A.P.J. Abdul Kalam in New Delhi ah ana hongkhe khinta hi.
MHJU in louzau veh
LAMKA, August 27: Mautaam kial toh kisai a a nihveina ding in Manipur Hills Journalist Union (MHJU) team in tuni’n Guite Road tawn in Lamka nusia ua, nitak dak 6 vel in Sinzawl khua tung uhi.
Mautaam ziak a zusa pung mahmahte enkhe di’n Sinzawlte louzau ah tuzan in MHJU team vakkual ua, zan giak di’n Sinzawl khua ah kiknawn uhi. Amau zingchiang in Parbung zuan nawn ding uhi.
Nupa khat Tuivai ah kelum
SINZAWL, August 27: Muanhuaitak apat thutut kingah dan in apaisa August 24, 2008 Pathianni in Sinzawl kho kiang a Tuivai lui ah nupa kop khat kelum uhi. Tui a kelum nupate hihna leh min uh theih hikei mahleh amau Mimbung khua a sing aatsa nawn a kiloh a om Burma mi hi uhi.
Thutut kingah dan in, hiai nupate tui a a kiak un a pasal in suang mankha in a zi’n leng a pasal puanak mankha hi. Himahleh, a pasal puanak in a khouhlouh ziak in nupinu tui in tai a, a pasal leng a tha bei gawp man ahihman in a khonung deuh in tui in tai hi.
Kho kiim kho kiang a mipi’n hiai nupate siluang zong pah mahle uh tunitan a munailou uh hi’n thutut kingah hi.
The Lamka Post August 28, 2008
Source: http://zogam.com/index.php?option=com_content&task=view&id=4195
No comments:
Post a Comment