Manipur Express Lamka, Sept 28: Lamka Police station apan tumlam Km 200 vel a gamla a om Hanship (Thanlon sub division) khua ah thil lamdang mahmah piang in, sihsual a om naupang numei kum 13 lel a upa Niangsonkim d/o Kamchinzam Vualnam leh Chiinkhanniang nitak khat thu in damguih mawk a, thiltung in a nulepa genlouh khawsung mipite kipahna tawh lamdangsakna tun hi.
Manipur Express in zan nitak in Hanship khawmi khenkhat ban ah, Bungpilon khaw mi khenkhat telephone in houpih a, tua zawh in damna ngah Niangsonkim mahmah tawh leng kihou uhi. Niangsonkim @ Sonkim paneu Khamzason in agenna ah, August 31, 2008 nitaklam in Sonkim in a lu nasa a, tuazawh in gilna, dip na leh khawsik in kipeek maimah chi hi. Huchi’n a natna te hon thuaktou tou in, September 5, 2008 apan gim mahmah in hong om a, a taksa hong chau mahmah in ann ne theinawn lou a, a kamsung ah tui leng lut theilou in, a chil nasan valh theinawnlou in hong om a, beidong mahmah in Lamka lam a a tanaute tanpha uh thil omdan zasak uh ahihdan gen hi. Ann nelou, tuidawnlou a hong om in, ataksa hong chau hiaihiai a September 8, 2008 (Seppatni) in buaise petmah in sihsual in kipek a, damlou kem khawsung mipite’n leng zanhah pih in a sih ding hun ngak himai chi hi.
September 9 (Sepnawnni) zing apan sun nitum dong a mit hah leh a sou chauh et himaita a, khua phawk lou himhim in om a, hiai nitak apan RL (Glucose/drip) nasan asi gui ah lut thei nawnlou in block gai vek a, a naak hong khawlzel in, damlou kemte’n ataksa sawi zel ua, huchi’n hong naak zel chi’n Pa Khamzason in gen hi. Huchi’n a chang chiang in, “Ka gimlua iki khen mai ding uh aw Nu” chi zel a, huai mah nih vei thumvei gen tuantuan a, a nu le pa ban ah damlou kemte’n “bawi, kon phal nai mahmah kei uh” chi zel in, a taksa pum sawi zel ua, damlou veh teng leng thumna tawh ana pang vek uh hi’n a paneu Khamzason in gen hi. Pa Khamzason in agenbehna ah, kuapeuh in si taktak ding hita chi’n patau tak in a naak ka enlelta ua, huchih lai zan nung in hong thoukhe phut in khe in hong pai a, damlou veh te’n leng lamdangsakna leh kipahna tawh khitui ka nul hial ua, ka chibai souhsouh ua, tui hon dawn in ann hon ne chi hi.
Niangsonkim in Manipur Express dotna adawnna ah, “Pathian in Sept 9 suun in hon houpih a, tang tung lam ah hong pai in iki hou ding chi’n honsam a, tua zawh in khua ka phawkzek a, himahleh, thiltung ka nulepa kiang ah bangmah ka gen ngam kei” chi hi. Nitak in dakkal 4 vel ding khawng Pathian tawh hun ka zang khawm ua, Pathian in taangtung lam ah hon sam nawn a, kei leng ka va pai a, lampi lian mahmah 2 ka mu a, a khat pen a phei mahmah a, akhat pen a tou mahmah. Lamka bul ah ka ding hun in, meikuang, kap leh lungkham tak a kikou ka za a, huchi’n lampi tou lam ah ka paitou a, kongkhakpi ka mu a, “Kiu in hon in na om ding” chih atung ah na kitaka, ka kiuh leh kong khakpi hong kihong ta chi’n Sonkim in gen hi. Aman agenbehna ah, mi khat ka mu a, amel ka mutheikei. Puan ngou leh vaak ngen in a kizem a, sikchiang lian mahmah khat a tawi a, khawvel a tawpchiang in hiai siik chiang a vai hawm ding ka hi hon chi chi hi. Tuaban ah, meikuang na muhte ah na natna leh na khelhnate ka haltum vekta hon chi chi’n gen a, tua zawh in mun tuamtuam hon etpih in thu tamtak hon gen a, thou inla, tui dawn in la, ann ne in hon chi a, huchi’n thakhat in ka thou a, tui ka dawn a, ann ka ne chi’n Sonkim in gen hi.
Niangsonkim in a thiltuahte thupisa lua leh Pathian sawl dungzui in, khaw kiim khawkiang te hilh ding in kisa a, zan Pathianni (Sept 28) in Bungpilon EBC Saptuam ah va gen a, maban ah khaw tuamtuam ah gensawm lai ahihdan gen in, thupilua, lamdang lua ahi chi hi. Maban ah School kai sutzop sawm lai na hiam chih dotna adawnna ah, Pathian in hon damsak nung in School ka kai zom a, himahleh, Sept 19 (Sintawpni) nitak nung in Pathian in ka lupna tung ah hon houpih a, khaw khung lam ah honsam a, ken leng ka nulepa tonpih in, mun 1 ah ka kingak sak a, Pathian in “Missionary a na kuan ding ahi, Biakinn sung na lut phet chiang in Aw lamdang lua, aw lamdang chih ka la hi tawntung ding chih laa sa masapen inla, tua ban ah, Bible Chang Luka 19:2, Johan 2:5, Sam 55:22, Paunakte 1:20, Galatia 2:20, I Samuel 3:17 leh Kilakna 16:7 te hon theisak zungzung” chi hi. Kenleng Pathian kiang ah, “Toupa kei pawl 5 hipan ing a, Missionary a kuantheilou ding ka hi ka chih leh, aman na School kai khawl phot inla ka thugen mang in hon chi” chi’n Sonkim in gen hi. Tuaban ah Pathian in School na kainawn a, ka thugen te na zuih kei leh na mit ka sumial ding a, mit mialsa in kon vak sak ding hon chi chi’n Sonkim in gen hi. Sonkim ahihleh, Hanship khua a EBC School ah Class V sinlel ahi hi. Upa Ginzachin of Bungpilon in agendan in, Sonkim kichi naupang chik himahleh, a thugente lamdang mahmah a, a thiltuah thupi mahmah in gen nop hau mahmah ahi chi hi.
Manipur Express in Sonkim phone tungtawn a ahoupih hun in leng a thiltuah lamdang asakdan, mak asakdan leh a lungtang ah Pathian in thil tamtak a gente gen ziahziah in, thupilua, lamdang lua eive chi chi mai hi. Pathian in ka kiang a thil gente leh hon sukdam dan Lamka khawpi tel in mun tuamtuam ah ka gen ut mahmah a, Bungpilon khua ah va gen masapen in a chih ziak a huai mun va pai masa ka hi chi’n Sonkim in gen hi.
http://zogam.com/index.php?option=com_content&task=view&id=4510
Manipur Express in zan nitak in Hanship khawmi khenkhat ban ah, Bungpilon khaw mi khenkhat telephone in houpih a, tua zawh in damna ngah Niangsonkim mahmah tawh leng kihou uhi. Niangsonkim @ Sonkim paneu Khamzason in agenna ah, August 31, 2008 nitaklam in Sonkim in a lu nasa a, tuazawh in gilna, dip na leh khawsik in kipeek maimah chi hi. Huchi’n a natna te hon thuaktou tou in, September 5, 2008 apan gim mahmah in hong om a, a taksa hong chau mahmah in ann ne theinawn lou a, a kamsung ah tui leng lut theilou in, a chil nasan valh theinawnlou in hong om a, beidong mahmah in Lamka lam a a tanaute tanpha uh thil omdan zasak uh ahihdan gen hi. Ann nelou, tuidawnlou a hong om in, ataksa hong chau hiaihiai a September 8, 2008 (Seppatni) in buaise petmah in sihsual in kipek a, damlou kem khawsung mipite’n leng zanhah pih in a sih ding hun ngak himai chi hi.
September 9 (Sepnawnni) zing apan sun nitum dong a mit hah leh a sou chauh et himaita a, khua phawk lou himhim in om a, hiai nitak apan RL (Glucose/drip) nasan asi gui ah lut thei nawnlou in block gai vek a, a naak hong khawlzel in, damlou kemte’n ataksa sawi zel ua, huchi’n hong naak zel chi’n Pa Khamzason in gen hi. Huchi’n a chang chiang in, “Ka gimlua iki khen mai ding uh aw Nu” chi zel a, huai mah nih vei thumvei gen tuantuan a, a nu le pa ban ah damlou kemte’n “bawi, kon phal nai mahmah kei uh” chi zel in, a taksa pum sawi zel ua, damlou veh teng leng thumna tawh ana pang vek uh hi’n a paneu Khamzason in gen hi. Pa Khamzason in agenbehna ah, kuapeuh in si taktak ding hita chi’n patau tak in a naak ka enlelta ua, huchih lai zan nung in hong thoukhe phut in khe in hong pai a, damlou veh te’n leng lamdangsakna leh kipahna tawh khitui ka nul hial ua, ka chibai souhsouh ua, tui hon dawn in ann hon ne chi hi.
Niangsonkim in Manipur Express dotna adawnna ah, “Pathian in Sept 9 suun in hon houpih a, tang tung lam ah hong pai in iki hou ding chi’n honsam a, tua zawh in khua ka phawkzek a, himahleh, thiltung ka nulepa kiang ah bangmah ka gen ngam kei” chi hi. Nitak in dakkal 4 vel ding khawng Pathian tawh hun ka zang khawm ua, Pathian in taangtung lam ah hon sam nawn a, kei leng ka va pai a, lampi lian mahmah 2 ka mu a, a khat pen a phei mahmah a, akhat pen a tou mahmah. Lamka bul ah ka ding hun in, meikuang, kap leh lungkham tak a kikou ka za a, huchi’n lampi tou lam ah ka paitou a, kongkhakpi ka mu a, “Kiu in hon in na om ding” chih atung ah na kitaka, ka kiuh leh kong khakpi hong kihong ta chi’n Sonkim in gen hi. Aman agenbehna ah, mi khat ka mu a, amel ka mutheikei. Puan ngou leh vaak ngen in a kizem a, sikchiang lian mahmah khat a tawi a, khawvel a tawpchiang in hiai siik chiang a vai hawm ding ka hi hon chi chi hi. Tuaban ah, meikuang na muhte ah na natna leh na khelhnate ka haltum vekta hon chi chi’n gen a, tua zawh in mun tuamtuam hon etpih in thu tamtak hon gen a, thou inla, tui dawn in la, ann ne in hon chi a, huchi’n thakhat in ka thou a, tui ka dawn a, ann ka ne chi’n Sonkim in gen hi.
Niangsonkim in a thiltuahte thupisa lua leh Pathian sawl dungzui in, khaw kiim khawkiang te hilh ding in kisa a, zan Pathianni (Sept 28) in Bungpilon EBC Saptuam ah va gen a, maban ah khaw tuamtuam ah gensawm lai ahihdan gen in, thupilua, lamdang lua ahi chi hi. Maban ah School kai sutzop sawm lai na hiam chih dotna adawnna ah, Pathian in hon damsak nung in School ka kai zom a, himahleh, Sept 19 (Sintawpni) nitak nung in Pathian in ka lupna tung ah hon houpih a, khaw khung lam ah honsam a, ken leng ka nulepa tonpih in, mun 1 ah ka kingak sak a, Pathian in “Missionary a na kuan ding ahi, Biakinn sung na lut phet chiang in Aw lamdang lua, aw lamdang chih ka la hi tawntung ding chih laa sa masapen inla, tua ban ah, Bible Chang Luka 19:2, Johan 2:5, Sam 55:22, Paunakte 1:20, Galatia 2:20, I Samuel 3:17 leh Kilakna 16:7 te hon theisak zungzung” chi hi. Kenleng Pathian kiang ah, “Toupa kei pawl 5 hipan ing a, Missionary a kuantheilou ding ka hi ka chih leh, aman na School kai khawl phot inla ka thugen mang in hon chi” chi’n Sonkim in gen hi. Tuaban ah Pathian in School na kainawn a, ka thugen te na zuih kei leh na mit ka sumial ding a, mit mialsa in kon vak sak ding hon chi chi’n Sonkim in gen hi. Sonkim ahihleh, Hanship khua a EBC School ah Class V sinlel ahi hi. Upa Ginzachin of Bungpilon in agendan in, Sonkim kichi naupang chik himahleh, a thugente lamdang mahmah a, a thiltuah thupi mahmah in gen nop hau mahmah ahi chi hi.
Manipur Express in Sonkim phone tungtawn a ahoupih hun in leng a thiltuah lamdang asakdan, mak asakdan leh a lungtang ah Pathian in thil tamtak a gente gen ziahziah in, thupilua, lamdang lua eive chi chi mai hi. Pathian in ka kiang a thil gente leh hon sukdam dan Lamka khawpi tel in mun tuamtuam ah ka gen ut mahmah a, Bungpilon khua ah va gen masapen in a chih ziak a huai mun va pai masa ka hi chi’n Sonkim in gen hi.
http://zogam.com/index.php?option=com_content&task=view&id=4510
No comments:
Post a Comment