- T.K. Zadou, Zogam Thinker
Khawvel in Global Financial Crisis a tuahlai in, Ei Zogam ah leng Economic Crisis thupitak I tuak uh hi. Khawvel huchibang a tuahlai in, Mivantang ten ana phok kei mah le uh Company tuam tuamte, Bank te ah sum muhna niamkiak in, Manna thupi tak ana om maim ah hi.
Hiai Global Financial Crisis suk hoih sawm in Khawvel Kumpi te, Sumlamsai mi siamte sun lejan khawl lou in lungtang najen ana kipei u hi. Ei Zogam ah zong Mautam kial I thuak ban uah Economic crisis liantak ki tuak a, I gam ah keuna, taksapna, zawnkhalna thupitak in hon tuam ta hi.
1. RESOURCES PRODUCTS OMLOU:
Kum 20 vel paita a I gam ua Thilpiang Sing, vaimin, Be, Malta leh adg. Tampi piang in Company ten Gari toh hong tolh khe zung zung ua, Mitampi in ihauhsak loh u in hoihtak tak I lam zoh nung ua Kholak a Pandukan leh Hotel bawl te nasan in leng ina khosak theih loh hial uhi. Himahleh Tuma kum 10 vel paita a pan in, I Zogam ah Agricultural, Horticulturual, Forest Products bang mah om nawn lou a, Company te sum igam a hong lut om nawn ta lou ahihman in leh I gam ua thilpiang (Resources) bangmah om nawnlou ahihman, I Zogam uh keu (Barren) ta hi. Sum muhna ding a omlouh kia hi lou in, Vanman a double in khang hul hul mai a, Migentheite a din khosuak na ding om lou hi. 2007 kum a Antang Kg. a Rs. 13/- kilei 2008 in Rs. 22/23 in khangtou a, Tuabangmah in Havai, Atta, Sathau, Phulun leh Meh chituam tuam te zong a leh thum in khang tou hi. Kumpi nasem te loh a khan chiah Market rate khangtou jel a, himahleh Sepna neilou, layman labourers. Farmers te loh khang diak lou hi. I gam a kumpi nasem hi za lak a khat 1% leng phazoulou a, Kumpi nasemte loh khan leh Market rate a ki delh duahna kal ah Layman te haksatna liantak tun hi.
2. CIVIL SOCIETY ANTANG:
Mizoram ah Civil supply Antang Mipi kivakna hi a, Kg. ah Rs. 8/- in lei uh hi. Manipur ah Civil Supply Antang in Mipi kivak khalou a, Bazar Antang, Manipur Local cheng leh Mahajon ten State polam a hon puak lut uh Superfine Antang in iki vak uhi. Lamka Bazar ah Antang Kg. khat ah Rs. 22/25 tan in kilei a, Havai Kg ah 60/70 in kilei a, Atta kg ah 30/40 in kilei a, Sathau Kg ah 70/90 in kilei a, Phulun Kg ah 40/50 in ki lei hi. Aizawl khopi sang in Lamka ah Market rate sang zaw a, Mizoram ah Sepna leh Summuhna (resources) Lamka sang in nuam zaw tham hi. Manipur ah Pa Insuang khat Nitha (Un-skilled) Rs. 70/80 lel khawng hi a, Antang Kg 3 lei zou hamham hi. Kg. 3 in inkuan khat nikhat nekkhop lei zolou hi. Mihing pen Antang kia a hing theilou I hi uh chih Bible a imuh mah bnag un, I Niteng poimoh uh tampi om a, Meh le buh ban ah Damdoi, silhleh ten, Inlelou leh Tate skul fee tuam tuam te Nek sang in a leh thum in tam bei zaw hi. Huaiziakin, Pa Insuang khat ki hinsuah(Survival) na ding in Ni khat a Rs. 200/- tan bek a loh khiak poimawh hi. Himahleh I zogam ah Nikhat a Rs. 200/- loh khe lou 70% bang kip ha zou ding in tuat theih hi. Huaiziakin, Zogam a Economic niamkiakna thupitak om a hi chih Mipi ten I theih kul hi.
3. HAKSATNATE BANG HI A BANGLOH A HOIH DING AHIA?
(a) Singtang lam a Gamgah zuaktheih ding omlou ahihman in, Hausa (Chief) ten agam ua sing leh gua sat theih liai siah zuak in, a khenten, sing beam leh apek a at pawl, Akhen in Hawl a bol pawl, a kHen in tek sing chih dia la pawl in Singtuai, Mautuai, Gotuai, Chingngek, Khangkhuh sing teng phuk gai in ikigam tawm tau hi. Hausa(Chief) in a khomite lou bawlna ding khual zou nawn lou in, a ut na mun mun zuak khe ziah ziah in, A hauhsakna zuak pawl na tan ki om ta hi. Tuabang a Singtang a Singnou leh Gua te I sat khiak a, I zuak gaih leh Khotagah ten bang nek zong ta ding uh hiaim lungkham huai suak hi. Huaiziakin, hiai kialna pumpelhna ding ban ah gam humbitna ding in Hausa Gam pen A khua ateng kho tagah te toh co-Patta a bawl hiam ahih keh khosungmi insuan a Hausa gam ki hawmsak a, Amau tanan Area teng a bang haichi kituh leh zuaktheih ding a piang dia, bang kiloh leh a piang tam (Productive) thei dia chih a kingaih tuah chiat ua, Amau gam chiat akizun ding uh poimoh hi. Hausa hihna suse diaklou a A gam a tengte toh ki hawm khen a Govt. a registered bawl ding-hiai in Zogam a Permanent settlement hon tun ding a, Pemsuk pem tou su bei dia, Economic a kikhualtheihna (Saving) hon tun ding hi.
(b) KIDEIHSAK KIANGVAN TENTAN MAH POIMAWH HI. A ziak bel I lak a Mahjon leh Contractor tamlou om ten Nasep ding ineih chiang un Eimite nasep siam salou, zawntat zomah lai, diktat lou zawmah lai chiin Mituam Namtuam te peuh nasem ding in ila sek u hi. Eimi Nektawm zawng ten kiloh na ding mulou in, Zite mehzuak a kinga peuh tampi ki om thei hi. Example in- Mahajon khat in Pucca building khat deihthoh tak a honlam na ah kawllevai te hon semsak a, A In van, sileh cement etc., teng vai company te a ngen hon lak chiang in, A in bawlna sum Lakh 40/- teng kawl gam lam tung gai vek a, Ei Lamka Bazar ah leng ta lou hi. Eimi, eilak a khosa te semsak hileh tua sum a lakh a sim pen ei lak mah ah kizang ding a (Money Circulation) Dawr bawlte, Pan dukan bawlte, etc., the ban ah Saptuam na tan in na hamphat pih lai zaw mah ding hi. Tua ahih man in, Mahajon te, Contractor te leh Mineizou ten nasep ding ineih chiah Eimi mah local mi mah semtu ding in zong leng igam economics dopsang na lampi hoihtak suak ding hi.
(c) Tua chauh leng hilou in, Lamsik a in neite/ Pucca building neite bang in leng Eimi te sang in Kawl levai tem ah I deihsak ua, tu in Lamka khopi ah a khotual te sang in Mikhualte intek zaw in, dawr bawl a tam zaw ta uhi. Eimi dawr bawlnuam, inluah nuam ten inluah ding mu zoulou in, I van dak tau hi. Hiai ipai dna uh ikhek kei u leh tuban kum 20 chian Tripura gam I gen uh hong bang thei ding a, A Native/Indigenous te mikhual kisuak tak tak ding hi. Tuabang ahihmanin, In nei ten Eimi tem ah deihsakna pe lehang Kristian dan toh kituak khat zong hi ding a, I gam Economic hinkhua dopsang na khat hong suak ding hi. Upa ten, Mahni phei tung a sa kisem achih uh leh Ingua hahlou a Gam gua hah ana chih uh theisiam le hang I chi uhi.
4. PRICE FIXATION POIMAWH:
Kum paita sot lam in District Administration in Essential Commodities te man bikhiah ana bol jel ua, Tulai in Price fixation aki bawllam kithei kha lou hi. Niteng nekletak tea man I gam Economic standard toh kituak a fixation bawl kul mahmah hi. Mahajon leh stockiest ten bund paulam khawng in Vanman khangsak ek mawk ua- a ut zah zah ua asak mawk uh thu dik hitheilou hi. January 2008 a Antang Kg 1 a Rs. 13/- man lai July, 2008 in Kg 1 ah Rs. 22/25 hong kai mawk in, tutan huchi den hi. Huaiziakin, Essential Commodities te man bikhiah a ngai hi. Thautui man hong khang a Gari Bahara leng hong khang a, Thautuiman akiam nawn takin, Bahara kiamdiaklou hi. Customer/Commuters te sum muhna khangdiaklou ahihman in, Mijawngte gentheihna behlaptu a hong hi ta hi.
5. SUMSITDAN KIZIL POIMAWH:
Eimite Dawr bawl ten Niteng a sale-Proceeds te I chiamteh louh ziakun bnagzah sumpung kimu a bangzah kimang ahia chih theilou in, imuhtamni a tampi mawkzat imuhtawmni a khabedom jen a kingaihtuah jel, khawllevaite hih bang a niteng a sale-proceed chiamteh gige a Capital leh Profit hisap tuah a gamtatdan kizil ding ahi hi. Alehlam anwn ah Eimi khat in Dawr hon bawl leh vabat sak tei tei I sawm ua, Kawllevaite a lah ba thei lou in I payment ziah ziah ua, hiai len gchindan haihuai ahi hi. Capital tawmchik toh hong kipan a Dawr bawlpa van ibatsak chiangin amet ding teng bat a beikhin in, a tawp in ding zou nawnlou in a top maim ah akul hi.
Huaibanah, Eimi khat dawr bawl a ho nom leh Midangte a sang a I dorh zawk ding hina pi, dawr ut lou in Namdangte a iva dor sek ua, hiai leng Ipankhawm louhna uh khat ahia, I sih chia hong gal dingte mah dawr leng tuh Mahni mehlim kibawl I hi ding hi. Huan, Eimi dawr bawl khenkhat, ahong hauhsak simchiang un hong kisathei pian pah mawk ua, Customer te bang welcome bawl ut lou in, ina tu meng mang sim ua, ipau geih gaih ua, hiai hi lungsimneuna leh khanmawh bawk ahi nawn hi. Kamsiam tak a Customer ten a vaidawn siamdan I zil ding uh ahi.
Tua teng bang ah, Ei mijawng ten leng Capital ding omlou chi a mawk tut mai lou a, sum muh theihna phot I sep ding uh ahi. Sammet dan, Mistry nasep dan, Pucca building lamdan, cement tohpolhdan, Teklai lepdan, khawlsia, Gari sia, Radio, TV, Gas leh adang dang Electronic na khempeuh bawldan ikizil ding uh ahi. Akhutsiamte mah in Nek mu tei tei uh ahi. Khedap bawldan bang kizil a Vaite tutbang a tu a, puannot dan bang kizil a Puannot na buk a tut dante ban ah Vai Mahajonte van zuakpih, selling agent, subagent a pandan te kizil ding ahi hi. Sepnop louh chih him him omsak louh ding ahi. Huan, Lasa siamte, Music siamte bang in leng a thawn a la mawksak sak lou a, Lasakman I lak ding uh . Paite lasak a nek a pian zoh keh, Meitei la, Lushei la, Vaila khawng sak dan ikizil ua, huaite sa leng C.D. I bawlte uh Zuak tam tam ding hang a, kivakna a pang thei ding ahi. Paite pau a Laibu khat na sut copy 1000 na khot zoh keh Lushei pau in gelh le chin khawng zou pah ding chih bang ngaihtuah a, sumsin lung tang I pai ding uh ahi. Talent khat chiat Pathian in ikivakna ding hon pia a huaite sukpung dan siam leng kivak zou mah mah ding I hi uhi.
6. EDUCATION SYSTEM SIATNA IN JAWNKHALNA HON TUN:
I Zogam a kumpi skul omte thulimlouh ziakin, Lamka tual a skul hoihte a tate kaisak ut na ziakin, Singtang a pat mi tampi Lamka jang ah hong pemlut pheng phang uhi. Private school leh College te a I tate I kaisak na ding in ineihlouh sa sa in mi a leitawi jen in itate ikaisak uhi. College hoih a kaisakna ding in Manipur pawlam hong ngai nawn a, Ineih ilam teng tate laisim na din I seng gai ua, I jawn loh vek uhi. Tulai a sepna ding lah omlou, Un-employment problem sang mahmah hi. Taten a min pu in B.A. M.A. hon zou ua, himahleh subject chih a 70% bang tung zoulou te a din tuali in Facilities haksa jel a, brilliant mah mah poimawh ta hi. Itate kinep pih a ineih I lam teng I senn lai in, Taten sepna ding hon muhlouh chiang un I ek uh I the tau hi. Hiai hi I Zogam ua Nulepa te haksatna lian tak hong kipat na ahi. Sekul Naupang 100 lak a a brilliant tung zou 5% lel khawng hi a, adang teng sepna kichian mu zoulou a mawk om maimah dan a hihman in, zawnna kipatna hong suak hi. Huaiziakin, Gamsung vaihawmte leh Social worker ten I gam a skulte hoih him him I bawl chiah Vocational trades toh thuah khawm leng, Pawl sawm hong passed khat in kham amuh zohlouh top a khutsiamna khat toh zou khawm ding a, a khutsiamna pen a nek zong thei ding hi.
EI LEH EI KI COMPANY BAWL DING, SOCIETY HOIH BAWL DING POIMAWH:
Punjabi te khutdoh om kei uhi. Aziak tuh a Society un Amau sung a mi genthei te dosang na ding an amau Company/Society chiat in Migenthei leh Mijawng te Capital ding in sum a hawm ua, khatvei nihvei a lawhsam te zong thumvei tan a pe lai uh a chi uhi. Ei Kristian te hi zaw mah lei, Aki it ding te, aki panpih tuah dingte in tuabang bol lou hang a, Punjabi ten a bawl uh Amau Eisang a Kristian diktak hi zaw uh ei ve oi ? Ei pawl in a thu kia in I gen gen ua, atak a sepsuah I sawm kei uhi. Punjabi te bawl bang a I bawl ding uhban ah Lamka tual a Eimi Mahajon te’n Pucca building I mawk lam lam sang un Company bawl u henla, Agriculture Farm hiam, Industrial Firm khat bawl khe le uh huai lah sumsitna h ding, Mitampi te a dia Job employment chih dan Theory ipai pih khat uh om mawk in, zuzugentheite, chalak bawl siamte, Negu theite leh kipeidan siamte chauh khosuak ding dinmun ah I Zogam uh om mawk a, lungjinhuai mah mah hi. Thudik gente, midiktatte an ngawl thei dinmun a om ki suakta hi. Sum bat ding bang I zawn chiang a leng Thudik gente sang a zuau gente leh Mikhemsiamte bat ding mu thei zaw uh hileh ki lawm mawk. Ei ten diktatna lei lou in, I zuak khia uhi. Hiai omdan tuh Mijawngte jawng deuh deuh ding, Zuau gentheite, midiktatloute hausa deuh deuh ding dan a hi. A tawp a bang I hong suak ding uam ? Huaiziakin, Eileh ei ki society a, ilak a gentheite dopsang ding dan ingaihtuah ding uh ahi. I biak Pathian honsinsak leng ahi hi.
Source: Zogam.Com
.::. All my articles can be view here: MELTED HEARTS .::.
Khawvel in Global Financial Crisis a tuahlai in, Ei Zogam ah leng Economic Crisis thupitak I tuak uh hi. Khawvel huchibang a tuahlai in, Mivantang ten ana phok kei mah le uh Company tuam tuamte, Bank te ah sum muhna niamkiak in, Manna thupi tak ana om maim ah hi.
Hiai Global Financial Crisis suk hoih sawm in Khawvel Kumpi te, Sumlamsai mi siamte sun lejan khawl lou in lungtang najen ana kipei u hi. Ei Zogam ah zong Mautam kial I thuak ban uah Economic crisis liantak ki tuak a, I gam ah keuna, taksapna, zawnkhalna thupitak in hon tuam ta hi.
1. RESOURCES PRODUCTS OMLOU:
Kum 20 vel paita a I gam ua Thilpiang Sing, vaimin, Be, Malta leh adg. Tampi piang in Company ten Gari toh hong tolh khe zung zung ua, Mitampi in ihauhsak loh u in hoihtak tak I lam zoh nung ua Kholak a Pandukan leh Hotel bawl te nasan in leng ina khosak theih loh hial uhi. Himahleh Tuma kum 10 vel paita a pan in, I Zogam ah Agricultural, Horticulturual, Forest Products bang mah om nawn lou a, Company te sum igam a hong lut om nawn ta lou ahihman in leh I gam ua thilpiang (Resources) bangmah om nawnlou ahihman, I Zogam uh keu (Barren) ta hi. Sum muhna ding a omlouh kia hi lou in, Vanman a double in khang hul hul mai a, Migentheite a din khosuak na ding om lou hi. 2007 kum a Antang Kg. a Rs. 13/- kilei 2008 in Rs. 22/23 in khangtou a, Tuabangmah in Havai, Atta, Sathau, Phulun leh Meh chituam tuam te zong a leh thum in khang tou hi. Kumpi nasem te loh a khan chiah Market rate khangtou jel a, himahleh Sepna neilou, layman labourers. Farmers te loh khang diak lou hi. I gam a kumpi nasem hi za lak a khat 1% leng phazoulou a, Kumpi nasemte loh khan leh Market rate a ki delh duahna kal ah Layman te haksatna liantak tun hi.
2. CIVIL SOCIETY ANTANG:
Mizoram ah Civil supply Antang Mipi kivakna hi a, Kg. ah Rs. 8/- in lei uh hi. Manipur ah Civil Supply Antang in Mipi kivak khalou a, Bazar Antang, Manipur Local cheng leh Mahajon ten State polam a hon puak lut uh Superfine Antang in iki vak uhi. Lamka Bazar ah Antang Kg. khat ah Rs. 22/25 tan in kilei a, Havai Kg ah 60/70 in kilei a, Atta kg ah 30/40 in kilei a, Sathau Kg ah 70/90 in kilei a, Phulun Kg ah 40/50 in ki lei hi. Aizawl khopi sang in Lamka ah Market rate sang zaw a, Mizoram ah Sepna leh Summuhna (resources) Lamka sang in nuam zaw tham hi. Manipur ah Pa Insuang khat Nitha (Un-skilled) Rs. 70/80 lel khawng hi a, Antang Kg 3 lei zou hamham hi. Kg. 3 in inkuan khat nikhat nekkhop lei zolou hi. Mihing pen Antang kia a hing theilou I hi uh chih Bible a imuh mah bnag un, I Niteng poimoh uh tampi om a, Meh le buh ban ah Damdoi, silhleh ten, Inlelou leh Tate skul fee tuam tuam te Nek sang in a leh thum in tam bei zaw hi. Huaiziakin, Pa Insuang khat ki hinsuah(Survival) na ding in Ni khat a Rs. 200/- tan bek a loh khiak poimawh hi. Himahleh I zogam ah Nikhat a Rs. 200/- loh khe lou 70% bang kip ha zou ding in tuat theih hi. Huaiziakin, Zogam a Economic niamkiakna thupitak om a hi chih Mipi ten I theih kul hi.
3. HAKSATNATE BANG HI A BANGLOH A HOIH DING AHIA?
(a) Singtang lam a Gamgah zuaktheih ding omlou ahihman in, Hausa (Chief) ten agam ua sing leh gua sat theih liai siah zuak in, a khenten, sing beam leh apek a at pawl, Akhen in Hawl a bol pawl, a kHen in tek sing chih dia la pawl in Singtuai, Mautuai, Gotuai, Chingngek, Khangkhuh sing teng phuk gai in ikigam tawm tau hi. Hausa(Chief) in a khomite lou bawlna ding khual zou nawn lou in, a ut na mun mun zuak khe ziah ziah in, A hauhsakna zuak pawl na tan ki om ta hi. Tuabang a Singtang a Singnou leh Gua te I sat khiak a, I zuak gaih leh Khotagah ten bang nek zong ta ding uh hiaim lungkham huai suak hi. Huaiziakin, hiai kialna pumpelhna ding ban ah gam humbitna ding in Hausa Gam pen A khua ateng kho tagah te toh co-Patta a bawl hiam ahih keh khosungmi insuan a Hausa gam ki hawmsak a, Amau tanan Area teng a bang haichi kituh leh zuaktheih ding a piang dia, bang kiloh leh a piang tam (Productive) thei dia chih a kingaih tuah chiat ua, Amau gam chiat akizun ding uh poimoh hi. Hausa hihna suse diaklou a A gam a tengte toh ki hawm khen a Govt. a registered bawl ding-hiai in Zogam a Permanent settlement hon tun ding a, Pemsuk pem tou su bei dia, Economic a kikhualtheihna (Saving) hon tun ding hi.
(b) KIDEIHSAK KIANGVAN TENTAN MAH POIMAWH HI. A ziak bel I lak a Mahjon leh Contractor tamlou om ten Nasep ding ineih chiang un Eimite nasep siam salou, zawntat zomah lai, diktat lou zawmah lai chiin Mituam Namtuam te peuh nasem ding in ila sek u hi. Eimi Nektawm zawng ten kiloh na ding mulou in, Zite mehzuak a kinga peuh tampi ki om thei hi. Example in- Mahajon khat in Pucca building khat deihthoh tak a honlam na ah kawllevai te hon semsak a, A In van, sileh cement etc., teng vai company te a ngen hon lak chiang in, A in bawlna sum Lakh 40/- teng kawl gam lam tung gai vek a, Ei Lamka Bazar ah leng ta lou hi. Eimi, eilak a khosa te semsak hileh tua sum a lakh a sim pen ei lak mah ah kizang ding a (Money Circulation) Dawr bawlte, Pan dukan bawlte, etc., the ban ah Saptuam na tan in na hamphat pih lai zaw mah ding hi. Tua ahih man in, Mahajon te, Contractor te leh Mineizou ten nasep ding ineih chiah Eimi mah local mi mah semtu ding in zong leng igam economics dopsang na lampi hoihtak suak ding hi.
(c) Tua chauh leng hilou in, Lamsik a in neite/ Pucca building neite bang in leng Eimi te sang in Kawl levai tem ah I deihsak ua, tu in Lamka khopi ah a khotual te sang in Mikhualte intek zaw in, dawr bawl a tam zaw ta uhi. Eimi dawr bawlnuam, inluah nuam ten inluah ding mu zoulou in, I van dak tau hi. Hiai ipai dna uh ikhek kei u leh tuban kum 20 chian Tripura gam I gen uh hong bang thei ding a, A Native/Indigenous te mikhual kisuak tak tak ding hi. Tuabang ahihmanin, In nei ten Eimi tem ah deihsakna pe lehang Kristian dan toh kituak khat zong hi ding a, I gam Economic hinkhua dopsang na khat hong suak ding hi. Upa ten, Mahni phei tung a sa kisem achih uh leh Ingua hahlou a Gam gua hah ana chih uh theisiam le hang I chi uhi.
4. PRICE FIXATION POIMAWH:
Kum paita sot lam in District Administration in Essential Commodities te man bikhiah ana bol jel ua, Tulai in Price fixation aki bawllam kithei kha lou hi. Niteng nekletak tea man I gam Economic standard toh kituak a fixation bawl kul mahmah hi. Mahajon leh stockiest ten bund paulam khawng in Vanman khangsak ek mawk ua- a ut zah zah ua asak mawk uh thu dik hitheilou hi. January 2008 a Antang Kg 1 a Rs. 13/- man lai July, 2008 in Kg 1 ah Rs. 22/25 hong kai mawk in, tutan huchi den hi. Huaiziakin, Essential Commodities te man bikhiah a ngai hi. Thautui man hong khang a Gari Bahara leng hong khang a, Thautuiman akiam nawn takin, Bahara kiamdiaklou hi. Customer/Commuters te sum muhna khangdiaklou ahihman in, Mijawngte gentheihna behlaptu a hong hi ta hi.
5. SUMSITDAN KIZIL POIMAWH:
Eimite Dawr bawl ten Niteng a sale-Proceeds te I chiamteh louh ziakun bnagzah sumpung kimu a bangzah kimang ahia chih theilou in, imuhtamni a tampi mawkzat imuhtawmni a khabedom jen a kingaihtuah jel, khawllevaite hih bang a niteng a sale-proceed chiamteh gige a Capital leh Profit hisap tuah a gamtatdan kizil ding ahi hi. Alehlam anwn ah Eimi khat in Dawr hon bawl leh vabat sak tei tei I sawm ua, Kawllevaite a lah ba thei lou in I payment ziah ziah ua, hiai len gchindan haihuai ahi hi. Capital tawmchik toh hong kipan a Dawr bawlpa van ibatsak chiangin amet ding teng bat a beikhin in, a tawp in ding zou nawnlou in a top maim ah akul hi.
Huaibanah, Eimi khat dawr bawl a ho nom leh Midangte a sang a I dorh zawk ding hina pi, dawr ut lou in Namdangte a iva dor sek ua, hiai leng Ipankhawm louhna uh khat ahia, I sih chia hong gal dingte mah dawr leng tuh Mahni mehlim kibawl I hi ding hi. Huan, Eimi dawr bawl khenkhat, ahong hauhsak simchiang un hong kisathei pian pah mawk ua, Customer te bang welcome bawl ut lou in, ina tu meng mang sim ua, ipau geih gaih ua, hiai hi lungsimneuna leh khanmawh bawk ahi nawn hi. Kamsiam tak a Customer ten a vaidawn siamdan I zil ding uh ahi.
Tua teng bang ah, Ei mijawng ten leng Capital ding omlou chi a mawk tut mai lou a, sum muh theihna phot I sep ding uh ahi. Sammet dan, Mistry nasep dan, Pucca building lamdan, cement tohpolhdan, Teklai lepdan, khawlsia, Gari sia, Radio, TV, Gas leh adang dang Electronic na khempeuh bawldan ikizil ding uh ahi. Akhutsiamte mah in Nek mu tei tei uh ahi. Khedap bawldan bang kizil a Vaite tutbang a tu a, puannot dan bang kizil a Puannot na buk a tut dante ban ah Vai Mahajonte van zuakpih, selling agent, subagent a pandan te kizil ding ahi hi. Sepnop louh chih him him omsak louh ding ahi. Huan, Lasa siamte, Music siamte bang in leng a thawn a la mawksak sak lou a, Lasakman I lak ding uh . Paite lasak a nek a pian zoh keh, Meitei la, Lushei la, Vaila khawng sak dan ikizil ua, huaite sa leng C.D. I bawlte uh Zuak tam tam ding hang a, kivakna a pang thei ding ahi. Paite pau a Laibu khat na sut copy 1000 na khot zoh keh Lushei pau in gelh le chin khawng zou pah ding chih bang ngaihtuah a, sumsin lung tang I pai ding uh ahi. Talent khat chiat Pathian in ikivakna ding hon pia a huaite sukpung dan siam leng kivak zou mah mah ding I hi uhi.
6. EDUCATION SYSTEM SIATNA IN JAWNKHALNA HON TUN:
I Zogam a kumpi skul omte thulimlouh ziakin, Lamka tual a skul hoihte a tate kaisak ut na ziakin, Singtang a pat mi tampi Lamka jang ah hong pemlut pheng phang uhi. Private school leh College te a I tate I kaisak na ding in ineihlouh sa sa in mi a leitawi jen in itate ikaisak uhi. College hoih a kaisakna ding in Manipur pawlam hong ngai nawn a, Ineih ilam teng tate laisim na din I seng gai ua, I jawn loh vek uhi. Tulai a sepna ding lah omlou, Un-employment problem sang mahmah hi. Taten a min pu in B.A. M.A. hon zou ua, himahleh subject chih a 70% bang tung zoulou te a din tuali in Facilities haksa jel a, brilliant mah mah poimawh ta hi. Itate kinep pih a ineih I lam teng I senn lai in, Taten sepna ding hon muhlouh chiang un I ek uh I the tau hi. Hiai hi I Zogam ua Nulepa te haksatna lian tak hong kipat na ahi. Sekul Naupang 100 lak a a brilliant tung zou 5% lel khawng hi a, adang teng sepna kichian mu zoulou a mawk om maimah dan a hihman in, zawnna kipatna hong suak hi. Huaiziakin, Gamsung vaihawmte leh Social worker ten I gam a skulte hoih him him I bawl chiah Vocational trades toh thuah khawm leng, Pawl sawm hong passed khat in kham amuh zohlouh top a khutsiamna khat toh zou khawm ding a, a khutsiamna pen a nek zong thei ding hi.
EI LEH EI KI COMPANY BAWL DING, SOCIETY HOIH BAWL DING POIMAWH:
Punjabi te khutdoh om kei uhi. Aziak tuh a Society un Amau sung a mi genthei te dosang na ding an amau Company/Society chiat in Migenthei leh Mijawng te Capital ding in sum a hawm ua, khatvei nihvei a lawhsam te zong thumvei tan a pe lai uh a chi uhi. Ei Kristian te hi zaw mah lei, Aki it ding te, aki panpih tuah dingte in tuabang bol lou hang a, Punjabi ten a bawl uh Amau Eisang a Kristian diktak hi zaw uh ei ve oi ? Ei pawl in a thu kia in I gen gen ua, atak a sepsuah I sawm kei uhi. Punjabi te bawl bang a I bawl ding uhban ah Lamka tual a Eimi Mahajon te’n Pucca building I mawk lam lam sang un Company bawl u henla, Agriculture Farm hiam, Industrial Firm khat bawl khe le uh huai lah sumsitna h ding, Mitampi te a dia Job employment chih dan Theory ipai pih khat uh om mawk in, zuzugentheite, chalak bawl siamte, Negu theite leh kipeidan siamte chauh khosuak ding dinmun ah I Zogam uh om mawk a, lungjinhuai mah mah hi. Thudik gente, midiktatte an ngawl thei dinmun a om ki suakta hi. Sum bat ding bang I zawn chiang a leng Thudik gente sang a zuau gente leh Mikhemsiamte bat ding mu thei zaw uh hileh ki lawm mawk. Ei ten diktatna lei lou in, I zuak khia uhi. Hiai omdan tuh Mijawngte jawng deuh deuh ding, Zuau gentheite, midiktatloute hausa deuh deuh ding dan a hi. A tawp a bang I hong suak ding uam ? Huaiziakin, Eileh ei ki society a, ilak a gentheite dopsang ding dan ingaihtuah ding uh ahi. I biak Pathian honsinsak leng ahi hi.
Source: Zogam.Com
.::. All my articles can be view here: MELTED HEARTS .::.
No comments:
Post a Comment