Editorial, Manipur Express July 04, 2008
All Tribal Students’ Union,Manipur(ATSUM) in Manipur University a ST seat reservation mumal taka zat ding, contract basis teacher-te hun(term) behlap ding banah post matric scholarship leh Tribal Dev in singtangmi damloute panpihna dia financial assistance a hawmkhiak sek piakkin ding in phu uh a, huai thil state govt in a ngeingaih tuanlouh ziakin May 1,2008 akipan bandh leh blockade a puan uh a tawpin state govt hong kigolh nawn in huchibang bandh & blockade leng May 18,2008 akipan khawlsak uhi. ATSUM thusuak dan in state govt in a thilphut uh kal 6 sunga hihfel hiding in gen uh a, huai ah Education Minister L. Jayentakumar, PHED Minister TN Haokip leh TD Minister DD Thaisii tel uhi.
ATSUM leh state govt in kihoulemna a bawlkhit uh kal 6 bei nungin leng state govt lam in bangmah semkhe tuanlou uh a, huai ATSUM in ngaikhok petmah in June 24,2008 in govt vauna kawmin thusuah bawl uh a, hileleng huai in bangmah kikhenna tun tuanlou ahi ngei ding a, ATSUM in July 1, 2008 a thusuah bawl nawn in huai ah May 18,2008 a kihouna a tel Minister 3te a boycott ban uah July 10, 2008 zingsang dak 6.00 in kiphinna(agitation) sunzom nawn ding uh a, huai dungzui in National Highway 2te –National Higway No. 39(Imphal-Dimapur Road) leh National Highway No. 59(Imphal-Silchar Road) ah economic bloakade sutzop hiding a, huaimai hilou in ZEO office-te telin singtanggam district tenga government establishment leg office teng leng boycott hidia puangin school leh college-te kia khahkol hiding in puang uhi. Boycott a puan un Directorate of Education(Schools/Hills Section leh Imphal a Directorate of Tribal Development leng huamkha hi.
Manipur a singtangmite’n hamphatna leh tanvou a ngah ding khenkhat uh state govt in kitheilousak leh a koihdap maimah ahunkhop omsek a, huaite khenkhat in ngaitheilou in hangsan taka pan alak ziakun state govt in palzut teitei theilou a a tangtun pawl om a, hileleng issue khenkhat bel lungkimlou a kiphinna om hial leleng Chief Minister tanpha in kilemna bawlpih in huchibang thil(demand) pichin hiding chi’n thuchiam bawlpih sek a, hinapi huchibang thuchiam nasep a muh hituanlou in kidiahdiah in a tawpin huihkhua a lengmang a bat hun tam petmah hi. Tutunga ATSUM pawl lungkimlou a kiphinna sutzop a sawm uleng thil theilua mah hinawn hi. Aziakbel Manipur University a ST seat reservation tungtang, Post Matric Scholarship leh TD nuaia medical treatment adia financial assistance sum hawmkhiak ding chihte dautaka koihtheih vual thil hilou a kintaka hawmkhiak poimawh petmah ngen ahi petmah hi.
School a sem contract basis teacher tungtang ah leng ATSUM-te panmun a dikkei chihna ding omlou mah hi. Hileleng tu dinmun i et aleh state government i mawhsak ngal leh ei a gammi adiakin singtangmite adingin ki-et thak tuak thil tampi om hi. ATSUM hahpanna ziakin state govt in contract basis teacher a hunkhop hong guang petmah uh a, order suahma in ahithei tan in tualsungmi candidate chitna leh siamna neite deihsakna piak hiding chih ahi hi. Huai bel tualsungmite mah in a khua uleh amau tenna khua a naupangte mah ngai poimawh in sinsakna lam ah leng phatuamngai tungtuan ding uh chihna hihtuak hi. Hileleng contract basis guanna order hong suah taktak hial takin a lamdang mahmah thil khat hong om khia a, huai thildang hilou in mahni sepna ding school a vasep sangin Rs. 1000/2000 pia a midang zangsawn tampi hong om mawk hi. Huchibang chindan mulkimhuai zangte kuamah dang hilou in singtangmi, tualsungmi(local candidate) kichite mah himawk hi uhi.
Hun hongpai zel in bangtan nungin govt in regular a semding lakna ding in DPC hong conduct nawn a, huai result hong suah hial takin singtangmi i chidiam tualsungmi(local candidate a hunkhop hong lawhching uh a, kipah huai petmah hi. Hileleng atung a kigen tawh kilamdanna om tuanlou in mi tamtak in amau mun a sem dingin midang guaisawn petmah uhi. Education Minister L. Jayentakumar in tutung a ATSUM lungkimlouh ziaka kiphinna a sutzop ding tungtang uah Education Minister telin Minister 3 boycott a puan utawh kisai a hilhchetna ah teacher adia appointment kibawl 100 laka 60 vel singtangmi himahle uh amau singtanggam a sem utlou a phaijang biala sem dia a khawnunga kingen veve tamzaw hi’n gen hi. Huchi mah bangin ZEO/CCpur in leng tukum a HSLC examna result suak ah govt school apan pass zah duhthusam a chinlouhna ziak thildang hilou teacher tamtak singtamggam a school a sempeihlou ahih ziak uh hi’n gen chian hi.
Hiai apan ngaihtuah thak dia poimawh ahihleh eite mah in i gam leh nam zuun a kep i ut kei aleh kua’n i gam hong zunnsak a hong puahsuaktuan ding uhiam chih kitheihmawh bawl vualte i hinawn kei chih i theih poimawh hi.
Surce: http://zogam.com/index.php?option=com_content&task=view&id=3568
All Tribal Students’ Union,Manipur(ATSUM) in Manipur University a ST seat reservation mumal taka zat ding, contract basis teacher-te hun(term) behlap ding banah post matric scholarship leh Tribal Dev in singtangmi damloute panpihna dia financial assistance a hawmkhiak sek piakkin ding in phu uh a, huai thil state govt in a ngeingaih tuanlouh ziakin May 1,2008 akipan bandh leh blockade a puan uh a tawpin state govt hong kigolh nawn in huchibang bandh & blockade leng May 18,2008 akipan khawlsak uhi. ATSUM thusuak dan in state govt in a thilphut uh kal 6 sunga hihfel hiding in gen uh a, huai ah Education Minister L. Jayentakumar, PHED Minister TN Haokip leh TD Minister DD Thaisii tel uhi.
ATSUM leh state govt in kihoulemna a bawlkhit uh kal 6 bei nungin leng state govt lam in bangmah semkhe tuanlou uh a, huai ATSUM in ngaikhok petmah in June 24,2008 in govt vauna kawmin thusuah bawl uh a, hileleng huai in bangmah kikhenna tun tuanlou ahi ngei ding a, ATSUM in July 1, 2008 a thusuah bawl nawn in huai ah May 18,2008 a kihouna a tel Minister 3te a boycott ban uah July 10, 2008 zingsang dak 6.00 in kiphinna(agitation) sunzom nawn ding uh a, huai dungzui in National Highway 2te –National Higway No. 39(Imphal-Dimapur Road) leh National Highway No. 59(Imphal-Silchar Road) ah economic bloakade sutzop hiding a, huaimai hilou in ZEO office-te telin singtanggam district tenga government establishment leg office teng leng boycott hidia puangin school leh college-te kia khahkol hiding in puang uhi. Boycott a puan un Directorate of Education(Schools/Hills Section leh Imphal a Directorate of Tribal Development leng huamkha hi.
Manipur a singtangmite’n hamphatna leh tanvou a ngah ding khenkhat uh state govt in kitheilousak leh a koihdap maimah ahunkhop omsek a, huaite khenkhat in ngaitheilou in hangsan taka pan alak ziakun state govt in palzut teitei theilou a a tangtun pawl om a, hileleng issue khenkhat bel lungkimlou a kiphinna om hial leleng Chief Minister tanpha in kilemna bawlpih in huchibang thil(demand) pichin hiding chi’n thuchiam bawlpih sek a, hinapi huchibang thuchiam nasep a muh hituanlou in kidiahdiah in a tawpin huihkhua a lengmang a bat hun tam petmah hi. Tutunga ATSUM pawl lungkimlou a kiphinna sutzop a sawm uleng thil theilua mah hinawn hi. Aziakbel Manipur University a ST seat reservation tungtang, Post Matric Scholarship leh TD nuaia medical treatment adia financial assistance sum hawmkhiak ding chihte dautaka koihtheih vual thil hilou a kintaka hawmkhiak poimawh petmah ngen ahi petmah hi.
School a sem contract basis teacher tungtang ah leng ATSUM-te panmun a dikkei chihna ding omlou mah hi. Hileleng tu dinmun i et aleh state government i mawhsak ngal leh ei a gammi adiakin singtangmite adingin ki-et thak tuak thil tampi om hi. ATSUM hahpanna ziakin state govt in contract basis teacher a hunkhop hong guang petmah uh a, order suahma in ahithei tan in tualsungmi candidate chitna leh siamna neite deihsakna piak hiding chih ahi hi. Huai bel tualsungmite mah in a khua uleh amau tenna khua a naupangte mah ngai poimawh in sinsakna lam ah leng phatuamngai tungtuan ding uh chihna hihtuak hi. Hileleng contract basis guanna order hong suah taktak hial takin a lamdang mahmah thil khat hong om khia a, huai thildang hilou in mahni sepna ding school a vasep sangin Rs. 1000/2000 pia a midang zangsawn tampi hong om mawk hi. Huchibang chindan mulkimhuai zangte kuamah dang hilou in singtangmi, tualsungmi(local candidate) kichite mah himawk hi uhi.
Hun hongpai zel in bangtan nungin govt in regular a semding lakna ding in DPC hong conduct nawn a, huai result hong suah hial takin singtangmi i chidiam tualsungmi(local candidate a hunkhop hong lawhching uh a, kipah huai petmah hi. Hileleng atung a kigen tawh kilamdanna om tuanlou in mi tamtak in amau mun a sem dingin midang guaisawn petmah uhi. Education Minister L. Jayentakumar in tutung a ATSUM lungkimlouh ziaka kiphinna a sutzop ding tungtang uah Education Minister telin Minister 3 boycott a puan utawh kisai a hilhchetna ah teacher adia appointment kibawl 100 laka 60 vel singtangmi himahle uh amau singtanggam a sem utlou a phaijang biala sem dia a khawnunga kingen veve tamzaw hi’n gen hi. Huchi mah bangin ZEO/CCpur in leng tukum a HSLC examna result suak ah govt school apan pass zah duhthusam a chinlouhna ziak thildang hilou teacher tamtak singtamggam a school a sempeihlou ahih ziak uh hi’n gen chian hi.
Hiai apan ngaihtuah thak dia poimawh ahihleh eite mah in i gam leh nam zuun a kep i ut kei aleh kua’n i gam hong zunnsak a hong puahsuaktuan ding uhiam chih kitheihmawh bawl vualte i hinawn kei chih i theih poimawh hi.
Surce: http://zogam.com/index.php?option=com_content&task=view&id=3568
No comments:
Post a Comment