Friday, October 10, 2008

Golden Jubilee Updates

ZSP Golden Jubilee kisakkholhna pailel

Lamka, Oct 9: Zou Sangnaupang pawlpi (ZSP) in Oct 16 chiang in a kiphuhkhiak nung uh kum 50 chinna Tuaitengphai khua ah lawmding ua, huai ah Minister 7, MLA 11 leh DC/ CCpur in uap ding a, Power Minister Phungzathang Tonsing in Golden Jubilee suang honkhiakna nei ding hi. Oct 15 (Nilaini) nitak in MISS ZSP telna om ding a, Oct 16 in Sial 4 leh gan tuamtuam gou in mipi paikhawmte’n Jubilee lopna in ann nekhawm ding uhi. Tulai in Golden Jubilee celebration nuai a committee tuamtuam te’n pan nasatak in la lel ua, Jubilee suang thupitak leng gelh lel uhi. Kuapeuh in hiai hun uap chiat ding in leng Jubilee celebration Committee Chairman G S Haupu in newspaper tungtawn in chialna bawl hi.


ZSP Golden Jubilee Sports

Zou Sangnaupang Pawlpi in Golden Jubilee Sports Tuaitengphai khua ah neilel ua, tuni zing dak 6 apan kimawlna kipan in, nitaklam dak 5 in bangtan hiam zou ua, Oct 11 chiang in final match neih hiding hi. Hiai kimawlna ah ZSP block tuamtuam apan Volley ball (boys) ah team 6, girls ah team 5 leh Football ah team 20 pang uhi. Tuni Football kimawlna ah, ZSP Lamka Block (S) in Lamka Block (K) goal 2 in lel a, Haopi block (D) in Lamka Block (Z) te 5-2 in zou hi. Zingchiang Oct 10 zingkal in Lamka block H leh Lamka Block F kimawl ding ua, tua zawh in Lamka block K leh Haopi Block D te kimawl ding ua, Kana Block leh Tuining block te leng kisu ding ua, Sugnu block leh Singngat block te leng kibei ding ding uhi. Nitaklam dak 2 in Semi final kipan ding hi.

Manipur Express October 10, 2008

www.zogam.com

2 comments:

  1. Bangdia Zou Sangnaupang Pawlpi chouh a gel uh adiei? Lunsim bei hon. Zomi mudohtu na hina uh mangsuo ding na hi uh chi kithei lou nahi uh e?

    ReplyDelete
  2. ZSP Silver Jubilee lai a "Zomi Sangnaupang Pawlpi" kichi, UZO Silver Jubilee a zong "United Zomi Organization" kichi in UZO Golden Jubilee a zong "United Zomi Organization" kichi nalai. Bangzieh a ZSP in tu'a "Zou Sangnaupang Pawlpi" achi ade aw? Na sa lawmlawm ing! Kei leh ka innkuonpi te'n vang "Zomi Sangnaupang Pawpi" ma nachi veve va ung.

    ReplyDelete