By Kimbawi' Pa
Paite ka hi a; Paite a kipan in ZOGAM a pian di deih in Paite ka hihna paikhia hi tuanlou in ZOMI ka kichi nawn hi. Zomi ka hih tung in ka hihna ka sihpih dektak a; huchi'n ZOMI hihlai di leh hihlouh di ka saikak a, huchia ka saikak lai in ka hihna – pau leh ham leh pianna – in pawkhia a hihman in kei' deihtel thu hilou in ZOMI ka hihna in a hon man kik hi – ZNC a kipan ZRO ah. Hiai thu ka thugelh khenkhatte ah ka pokkhawm kha veu a, pawna viau zaw ka hi di. Hilele ka puaknat ziak hiai ah tu leh tu in gelh ka sawm kei. Kuahiam a thei ut a om zenzen uleh kam a hong houlimpih le uh ka gen di. A gelhthoh di'n ka ngam nai kei.
'The time has not yet come, where freedom of expression can flows from every tongue.
So, it's better for anyone who longed for the time, To wait for,
Where the mind is without fear.'
Hiai ka khualzinna mi tampite' totsa lampi ahi. A thupina a om tuan kei. Thuvual (sentence) khat leh nih lel a gelh zoh mai di ahi. Himahleh hiai ah, a thupi tuan lua mah bang in seh 3 (3 parts) val bang suah a gelh ka sawm mawk hi. Hiai amasapen a tung a thupi 'Ei' Zogam' ahi a, aban a gelh zom theih ahihleh 'Mi' Zogam' leh 'Mizoram' ban a lungsim a hong pawt thak bang a om leh gelh ka sawm lai hi. Bangziak a hiai, mi teng phial in ana totsa uh lampi a ka khualzinna thu kei a dia hiai bang a gelh tham ching ahia, chih a thei utte'n aban ana sim mai di'n ka hon ngen ahi. Ha!
Ei´Zogam kichi, a thu a gen in, la a sa in, kisial pih phanphan in, ZOGAM a dia pang diak bang a kingai pawl bang om in, ZOGAM itna bang un/monopolizedtu hi a kingai bang om in, ei' Zogampen, a 'pal' khin bang zen a la a sa in, bangzahta a athu a gen in zaila in awi mahle hi mahmah lou lai hi'n ka mu hi. Gam a dia pang a, tha leh zung, sum leh pai bang le a seng deuh pawl a om di mah ahi. Hilele kiphatsak pih a, mahni chi leh sate simmohna di hi kei leh, chih a deihhuai hi. Aziak tuh, upate'n : 'Suangpi le suangnou in a kap/dou kei leh a ding thei kei,' a chih ziak un. Tua ei Zogam a dia pang diak kisa a kisial bang I om uleh, huai di hilou a, amaute kam leh doukangtu a om ziak uh ahi, chih a theih di un a hoih hi. Sorry, mi haihotpi ka hihman in ka thupi a kipan in ka pialkhe kha mawk a, ngaihsiam.
TEDIM ROAD: Lamka-Singngat: Ei' Zogam in tu lellel a auap hi a ka theih Lamka khopi, Chiangkon Lui leh Lanva Lui kikal leh Guite Road in a tot khak, Singngat a kipan a Tuivai Lei kikal hi'n ka koih mai hi. September 26,2008 zing dak 6.30 vel in Lamka nusia in ka zinkhia hi. Kum 5 val vingveng ka tot khak nawn louhna lampi ahita hi. Buailai, Hai Gal i sat uh Ceasefire lai in (1997) ka tawn a, 2002 kum in ka tawn kha nawn hi. Lamka leh Singngat kikal lampi ana hoih vanglak hi. Ka skul kailai hun a tamzaw ka zatna Singngat, 1970 a kipan a hiai lampi a hoih laipen hi di'n ka gingta hi. Hilele Mualtam leh Zezaw kikal a khua teng ka haih maimah hi. Zezaw tou, chia motor a tanna di tuk a lampi hoihlou ana om nawn kei. Singngat ka lut kuan un Paldai Lui, ka neulai a skul suty teng a nganal leh ngazou nou hon ka zonna ana tam a, ka lungsim a si dedu hi. Huaiban ah Singngat khua mah le 1970 lak vel sang in ana etsuak kei zaw a, ka lunglenna di khop in a khangtou kei a, khopi keniam leh khang theilou ana hi maimah hi. A hon lungleng sak het kei vanglak hi.
GUITE ROAD+ KHAWZAWL ROAD: Singngat-Sinzawl-Tuivai: Singngat khotaw a kipan in Tedim Road a kipan a pialkhia in Guite Road ka hong lut uhi. Hiai ngei tuh ahi Zogam, chia i kisial pihpih uh. Zogam lampi a hong kipan taktakta a, Maukot zuan in ka taisuk daidai ua, nidang a skul suty chiang a gawtuai kheh a ka puaktouh guaiguaina Meilum tou leh Lit Lui, chihte muh di a om nawn kei. Kising suk nepnep in a khatveina di'n Tuivai ka kan ua, huchi'n Maukot khua Tuivelzang ah ana kisuan a, Tuivel ka tung uhi. Huai a kipan a Suangdoh leh a khohiangte uh manoh in ka kitat tou noknok mai ua, motor a zang deuhna dia thumvei (3 times) bang ka kumkhiak nung un ka tung uhi. Huai a kipan a a kumsuk nawn in Tuilak kuam a bangtan hiam ka kivei nung un Lungthul ka taipel ua, Tuima ah an ka ne uhi. Tuima a an nevah kihkiah zou Thuangtam lam manoh a pai a taipel in Mualnuam ah ka kiheilut ua, huai a khawl lou in Songtal ka tung uhi. Songtal a i muan mahmahte un a honna khawlsak zek nung un ka taisuk nawn ua, Tuizin kuam a ka kivei zek nung un a nihveina di'n Tuivai ka kan nawn uhi. Huai a kipan in Sinzawl manoh in ka kivei tou nawn ua, tung di ka kisak tung sang a tung hakzaw in ka lut thei khong uhi. Huai a sawtlou ka khawl lai un vuah a hong zu a, hilele NE Khawdungsei a an delh dia kisa in ka kipankhe nawn ua, mahleh sau tai zoulou in lampi ana nal mahmah a, ka motor uh tai zoulou a hihman in Sinzawl mah ah ka kik nawn uhi. Huai tak in khua a giahna di hunlem om, chi'n ka pianna khua leh ka nuleh pa leh sanggamte' omna, Phaitong khua zuan in mial nuai ah khe in ka paitou ua (ka naunu toh ka hi uh), ka tung ua, nu leh pa leh sanggamte toh khamlou hial a houlim in ka ihmu hithit hi. A zingkal baihtak a Sinzawl lam naih in ka kum suk nawn ua, zing dak 6.30 vel in ka tungsuk uhi. Huai ah ka motor tuanpihte un a hon na iplah man sim ua, hilele ka theisiam veve hi. Bangkim a, a ngaktu hih tuh a kiphunchaik him a hihman in. (Zogam pal di bang le a diktak a I ngaklah man ua heutute kimohsa dek man nak hi'n maw!). Sinzawl a kipan in ka kipankhe nawn ua, ama ni a ka tanna ngei mah uah ka tang nawn ua, himahleh hiai ni in tuh Bulldozer ana om a, huai in ka ma ua TATA EX a kaihkhiak man in, a lampi nal teng a tuahkhia a, huai zui in kou le ka taisuak thei uhi. Lampi kiphuthak ka pelh ua kipan a awk nawn lou in ka taisuak zarzar ua, a thumveina dia Tuivai ka kan nawn tak un ei' ZOGAM pel ka hi maimah uhi. Hiai deudoute ka genna a kipan a bang taklang ut ka hi dia le? For everybody's Guess, gelh lai di.
Ei' Zogam Bangchi Zogam Hikha? Singngat leh Lamka kikal thutuam. Ah, ka gen' dek skul leh college a ka zil khaklouh subject ahi. Hilele bangzah hiam ka hon gen di. Genkhelh a om leh mahni subject hilou gen chu kingaihsiam di'n. Lampi bawl, kichi bangchileh hoih di? Hiai Guite Road a vangkim in ka tawn a, a siat ut deuhna mun a om hi. Lamka lam a i kipat leh Suangdoh tunma a menchim a om veuna mun a om hi. Huaiban ah Suangdoh pelh zek ah mun khat a om nawn. Hiaite kum 5 val sung a puah/ven chih omlou a, kum teng a se gige, chih kuate' mohpuak ahi di? Huaiban a, ka theihkhelh a hih kei leh Guite Road 150 km vel a sau bawlna/puahna dia Rs. 150 crore Central a kipan a sanction ahi, a kichi. Ahihleh bangchidan a puahlouh a hichi om ahi di? Passenger pua mototorte bang tai theilou ua a pai a paithoh uh, hi'n ka thei hi. Hiai lampi puahna dia sum sanction ka buaipih kei, a lampi siat ahi ka puaknat. Huaiban a hiai lampi bawltu dia contractor kua mi leh kua nam ahi uh? Hiai lampi leh a totkhak khuate hilou maw, i/ka, chia i kisialpih uh? I nam un i suan mahmah uh tangvalte' totna leh gamtatna lampi hi a, huai a contractor na sem hoihloute theitum lou ihi di uam? Ei' gam i chih ngal uleh bangchidan a hiai lampi bawl dia contract na semtute a bawlhoih dia sawl/ngen/a poimoh leh vau theilou? Hiai ahi lamdang ka sak mahmah. I gam uh hoih hen, i chih uleh lampi bang le a hoih masak phot di ahi.(A diktak a a mihingte i hoih masak di uh hilai).
Huaiban ah¸a lampi tuang bawl lou in culvert khawng a kibawl masa mawk hi. Ka chihsa bang a lampi bawl toh kisai siamna neilou ka hi. Himahleh kei mimawl ngaihdan a culvert sang a lampi tuang poimoh masa zaw dia gingta ka hi. A lampi tuang ah motor nuam tak in tai thei masa leh, aban ah culvert in zui leh, chih khawng ka ngaihtuah thu ahi. Dik hia, diklou, a theite'n mipite' theih di'n taklang uhen aw. Awlmohhuai ka sa hi. I Mautam kialpi bang uh hiai lampi a hoih keileh antang i kham val di uh State/Central solkal in hon pe lele bangchi bang a i zoudawn khuate uh kiang tung thei di? Ngaihtuahhuai n'on sakpih uhia?
Genbeh zek leng, lampi siat utna diak, menchim deuh gige (landslide prone), a theihna munte, tui tamluatna munte, lampi phok ut deuhna munte bang ah JCB/Bulldozer duty sak gige maile a poi diam? Huchibang munte theih/chiamteh (identify) haksa lah hilou a. Lampi ka gen beina di'n ka gen lai di. Sinzawl khosung, Phualkot kiang ah lampi lai ah tuili bang mai in lampi a kuak in ana nawi a, hiai tuili thu ka kan/dong a, kumtawn a huchi ahi, chi'n a hon hilh uh. Bangchidan a hichi om gige ahia, chih ka dong lai a, a hon hilhtute'n 'motor a tan chiang a akaihkhiak a akhosung mite un sum muhna dia zang uh ahi' chi'n a hon hilh uh. Gen mangmat leh gen mangmat, i Guite Road lampi siatnate uh zaw NREGS tungtawn a nasep a le bawlhoih zoh theihna chiang om di'n ka gingta hi. Hiai chi mahleng a poimohpente zaw i nam makaite (nampi makai/tribe leader/elected representatives) uleh contractorte' lunglutna a kinga liuliau hi'n ka koih hi.
Lampi thu ah ka buai sawt sim a, huai kia ahi kei. I gam himhim uh et in tul lua in ka mu maimah. Mautam in mau gam teng a keu sak a 'pawn lak' ngen a bang hi. Hilele hiai zaw ngeinadan a 'tam' (natural phenomenon) ahi a, ahun bang in a hong hing nawn mai di. Huai a hong hing nawn dipdipna dia mohpawtu ei a mihingte hihna chiang uh a omaithei, himahleh ka gen thei kei, zonkhiak theih di'n bel ka gingta hi. Huaiban a poimoh nawn hi a ka theih tuh i gam uh kia hilou a mihing leh mihing kikal a kitheihsiamna ahi. Hiai kikal a ei leh ei kikhual tuah a, ki-it tuah a, i lungsim uh a hing dipdip chiang in i gam uh a hing dia, gam hing sung ah mihingte le hing in i tawldam thei di un ka lamen tinten hi.
Hiai tan ah ka hial bawl dekna a tamlou ka hon belhlap lai di. Bangziak a hiai bang teng hon gelh ka hia, nah on chih uleh ka hon genchian vet lai di. Khenkhatte bang in kuahiam khat het zek utman hi di'n na gingta maithei uh. Huai ahi kei. Ei' Zogam, Guite Kual tuansuak dimdem mi khat ka hi sam hi. Ka khualzin san lai 1970 bei kuan leh 1980 bullam vel toh the in a khanna muh di a tawm mahmah lai. Hiai Guite Road in a totkhak khuate hichi nilnel lai ahihleh lamlian in a totkhaklouh khuate bangchi lel in a niam di, chih bang a ngaihtuah theih hi. Zogam zun di, zun ni, chih khawng la a sa in thubel a nei a gen in, duhthusam bang teng sam mahle a zun dia kipan taktak om nai lou i bang uhi. A kipan lua bang kisa le zaw i hi maithei uh. Hilele pan diklou ihi kha di uh, chih bang a hon ngaihtuahsak lai hi. I khanna uh muhtheih omsun tuh mimal inte sing-at a bawl leh langva khuh a pun khawng hi lel in ka thei hi.
Zogam zun taktak di, i chih uleh hih masak di (priority) i zon uh a ngai hi. Keimah mimal ngaihdan a hih masak di tuh kikawmna lampi hoih ahi. Huaiban a hih dia hoih ka sakte tuh michih in a pilpi a i hamphatpih theih uh school, damdawi-in, tuinek hoih, chihte in a zuih ngeingei di ahi. Huaiban nawn a a zui di tuh solkal a kipan a mizawng leh gentheite' kitohsuahna dia panpihna 'welfare scheme' tuamtuamte ahi di bang a piak a omte muhsak ngeingei di ahi. Huai hileh mi tengteng kitohsuah kei mahle a kikhual thei bangzah hiamte a hong kitohsuah ngei di uhi. Hiai teng lel hih buching lele ei' Zogam in 'pal' lam manoh di'n ka lamen hi.
Hiai dik dia pom hitale a buching saktu di kuate hi di? Milip in i hih theih uh ahi kei. Mimal chih in a hih theih uh omsun tuh piak a omte piak a aomna ziak uh a hih buchin di uh ahi lel. Hiai tak ahi heutu a poimohna. Heutu chih le chi tampi a om a, huaite' lak ah gamsung bawl taktak dia poimohna nei diakte tuh politics a heutute ahi uh. 'Bad politics breeds bad generation'. Hiai tan phot.
Source: http://zogam.com/index.php?option=com_content&task=view&id=4585&Itemid=32&mosmsg=Comment+saved+to+content+item%21+If+the+comment+is+not+related+to+the+topic%2C+it+will+be+deleted.
Paite ka hi a; Paite a kipan in ZOGAM a pian di deih in Paite ka hihna paikhia hi tuanlou in ZOMI ka kichi nawn hi. Zomi ka hih tung in ka hihna ka sihpih dektak a; huchi'n ZOMI hihlai di leh hihlouh di ka saikak a, huchia ka saikak lai in ka hihna – pau leh ham leh pianna – in pawkhia a hihman in kei' deihtel thu hilou in ZOMI ka hihna in a hon man kik hi – ZNC a kipan ZRO ah. Hiai thu ka thugelh khenkhatte ah ka pokkhawm kha veu a, pawna viau zaw ka hi di. Hilele ka puaknat ziak hiai ah tu leh tu in gelh ka sawm kei. Kuahiam a thei ut a om zenzen uleh kam a hong houlimpih le uh ka gen di. A gelhthoh di'n ka ngam nai kei.
'The time has not yet come, where freedom of expression can flows from every tongue.
So, it's better for anyone who longed for the time, To wait for,
Where the mind is without fear.'
Hiai ka khualzinna mi tampite' totsa lampi ahi. A thupina a om tuan kei. Thuvual (sentence) khat leh nih lel a gelh zoh mai di ahi. Himahleh hiai ah, a thupi tuan lua mah bang in seh 3 (3 parts) val bang suah a gelh ka sawm mawk hi. Hiai amasapen a tung a thupi 'Ei' Zogam' ahi a, aban a gelh zom theih ahihleh 'Mi' Zogam' leh 'Mizoram' ban a lungsim a hong pawt thak bang a om leh gelh ka sawm lai hi. Bangziak a hiai, mi teng phial in ana totsa uh lampi a ka khualzinna thu kei a dia hiai bang a gelh tham ching ahia, chih a thei utte'n aban ana sim mai di'n ka hon ngen ahi. Ha!
Ei´Zogam kichi, a thu a gen in, la a sa in, kisial pih phanphan in, ZOGAM a dia pang diak bang a kingai pawl bang om in, ZOGAM itna bang un/monopolizedtu hi a kingai bang om in, ei' Zogampen, a 'pal' khin bang zen a la a sa in, bangzahta a athu a gen in zaila in awi mahle hi mahmah lou lai hi'n ka mu hi. Gam a dia pang a, tha leh zung, sum leh pai bang le a seng deuh pawl a om di mah ahi. Hilele kiphatsak pih a, mahni chi leh sate simmohna di hi kei leh, chih a deihhuai hi. Aziak tuh, upate'n : 'Suangpi le suangnou in a kap/dou kei leh a ding thei kei,' a chih ziak un. Tua ei Zogam a dia pang diak kisa a kisial bang I om uleh, huai di hilou a, amaute kam leh doukangtu a om ziak uh ahi, chih a theih di un a hoih hi. Sorry, mi haihotpi ka hihman in ka thupi a kipan in ka pialkhe kha mawk a, ngaihsiam.
TEDIM ROAD: Lamka-Singngat: Ei' Zogam in tu lellel a auap hi a ka theih Lamka khopi, Chiangkon Lui leh Lanva Lui kikal leh Guite Road in a tot khak, Singngat a kipan a Tuivai Lei kikal hi'n ka koih mai hi. September 26,2008 zing dak 6.30 vel in Lamka nusia in ka zinkhia hi. Kum 5 val vingveng ka tot khak nawn louhna lampi ahita hi. Buailai, Hai Gal i sat uh Ceasefire lai in (1997) ka tawn a, 2002 kum in ka tawn kha nawn hi. Lamka leh Singngat kikal lampi ana hoih vanglak hi. Ka skul kailai hun a tamzaw ka zatna Singngat, 1970 a kipan a hiai lampi a hoih laipen hi di'n ka gingta hi. Hilele Mualtam leh Zezaw kikal a khua teng ka haih maimah hi. Zezaw tou, chia motor a tanna di tuk a lampi hoihlou ana om nawn kei. Singngat ka lut kuan un Paldai Lui, ka neulai a skul suty teng a nganal leh ngazou nou hon ka zonna ana tam a, ka lungsim a si dedu hi. Huaiban ah Singngat khua mah le 1970 lak vel sang in ana etsuak kei zaw a, ka lunglenna di khop in a khangtou kei a, khopi keniam leh khang theilou ana hi maimah hi. A hon lungleng sak het kei vanglak hi.
GUITE ROAD+ KHAWZAWL ROAD: Singngat-Sinzawl-Tuivai: Singngat khotaw a kipan in Tedim Road a kipan a pialkhia in Guite Road ka hong lut uhi. Hiai ngei tuh ahi Zogam, chia i kisial pihpih uh. Zogam lampi a hong kipan taktakta a, Maukot zuan in ka taisuk daidai ua, nidang a skul suty chiang a gawtuai kheh a ka puaktouh guaiguaina Meilum tou leh Lit Lui, chihte muh di a om nawn kei. Kising suk nepnep in a khatveina di'n Tuivai ka kan ua, huchi'n Maukot khua Tuivelzang ah ana kisuan a, Tuivel ka tung uhi. Huai a kipan a Suangdoh leh a khohiangte uh manoh in ka kitat tou noknok mai ua, motor a zang deuhna dia thumvei (3 times) bang ka kumkhiak nung un ka tung uhi. Huai a kipan a a kumsuk nawn in Tuilak kuam a bangtan hiam ka kivei nung un Lungthul ka taipel ua, Tuima ah an ka ne uhi. Tuima a an nevah kihkiah zou Thuangtam lam manoh a pai a taipel in Mualnuam ah ka kiheilut ua, huai a khawl lou in Songtal ka tung uhi. Songtal a i muan mahmahte un a honna khawlsak zek nung un ka taisuk nawn ua, Tuizin kuam a ka kivei zek nung un a nihveina di'n Tuivai ka kan nawn uhi. Huai a kipan in Sinzawl manoh in ka kivei tou nawn ua, tung di ka kisak tung sang a tung hakzaw in ka lut thei khong uhi. Huai a sawtlou ka khawl lai un vuah a hong zu a, hilele NE Khawdungsei a an delh dia kisa in ka kipankhe nawn ua, mahleh sau tai zoulou in lampi ana nal mahmah a, ka motor uh tai zoulou a hihman in Sinzawl mah ah ka kik nawn uhi. Huai tak in khua a giahna di hunlem om, chi'n ka pianna khua leh ka nuleh pa leh sanggamte' omna, Phaitong khua zuan in mial nuai ah khe in ka paitou ua (ka naunu toh ka hi uh), ka tung ua, nu leh pa leh sanggamte toh khamlou hial a houlim in ka ihmu hithit hi. A zingkal baihtak a Sinzawl lam naih in ka kum suk nawn ua, zing dak 6.30 vel in ka tungsuk uhi. Huai ah ka motor tuanpihte un a hon na iplah man sim ua, hilele ka theisiam veve hi. Bangkim a, a ngaktu hih tuh a kiphunchaik him a hihman in. (Zogam pal di bang le a diktak a I ngaklah man ua heutute kimohsa dek man nak hi'n maw!). Sinzawl a kipan in ka kipankhe nawn ua, ama ni a ka tanna ngei mah uah ka tang nawn ua, himahleh hiai ni in tuh Bulldozer ana om a, huai in ka ma ua TATA EX a kaihkhiak man in, a lampi nal teng a tuahkhia a, huai zui in kou le ka taisuak thei uhi. Lampi kiphuthak ka pelh ua kipan a awk nawn lou in ka taisuak zarzar ua, a thumveina dia Tuivai ka kan nawn tak un ei' ZOGAM pel ka hi maimah uhi. Hiai deudoute ka genna a kipan a bang taklang ut ka hi dia le? For everybody's Guess, gelh lai di.
Ei' Zogam Bangchi Zogam Hikha? Singngat leh Lamka kikal thutuam. Ah, ka gen' dek skul leh college a ka zil khaklouh subject ahi. Hilele bangzah hiam ka hon gen di. Genkhelh a om leh mahni subject hilou gen chu kingaihsiam di'n. Lampi bawl, kichi bangchileh hoih di? Hiai Guite Road a vangkim in ka tawn a, a siat ut deuhna mun a om hi. Lamka lam a i kipat leh Suangdoh tunma a menchim a om veuna mun a om hi. Huaiban ah Suangdoh pelh zek ah mun khat a om nawn. Hiaite kum 5 val sung a puah/ven chih omlou a, kum teng a se gige, chih kuate' mohpuak ahi di? Huaiban a, ka theihkhelh a hih kei leh Guite Road 150 km vel a sau bawlna/puahna dia Rs. 150 crore Central a kipan a sanction ahi, a kichi. Ahihleh bangchidan a puahlouh a hichi om ahi di? Passenger pua mototorte bang tai theilou ua a pai a paithoh uh, hi'n ka thei hi. Hiai lampi puahna dia sum sanction ka buaipih kei, a lampi siat ahi ka puaknat. Huaiban a hiai lampi bawltu dia contractor kua mi leh kua nam ahi uh? Hiai lampi leh a totkhak khuate hilou maw, i/ka, chia i kisialpih uh? I nam un i suan mahmah uh tangvalte' totna leh gamtatna lampi hi a, huai a contractor na sem hoihloute theitum lou ihi di uam? Ei' gam i chih ngal uleh bangchidan a hiai lampi bawl dia contract na semtute a bawlhoih dia sawl/ngen/a poimoh leh vau theilou? Hiai ahi lamdang ka sak mahmah. I gam uh hoih hen, i chih uleh lampi bang le a hoih masak phot di ahi.(A diktak a a mihingte i hoih masak di uh hilai).
Huaiban ah¸a lampi tuang bawl lou in culvert khawng a kibawl masa mawk hi. Ka chihsa bang a lampi bawl toh kisai siamna neilou ka hi. Himahleh kei mimawl ngaihdan a culvert sang a lampi tuang poimoh masa zaw dia gingta ka hi. A lampi tuang ah motor nuam tak in tai thei masa leh, aban ah culvert in zui leh, chih khawng ka ngaihtuah thu ahi. Dik hia, diklou, a theite'n mipite' theih di'n taklang uhen aw. Awlmohhuai ka sa hi. I Mautam kialpi bang uh hiai lampi a hoih keileh antang i kham val di uh State/Central solkal in hon pe lele bangchi bang a i zoudawn khuate uh kiang tung thei di? Ngaihtuahhuai n'on sakpih uhia?
Genbeh zek leng, lampi siat utna diak, menchim deuh gige (landslide prone), a theihna munte, tui tamluatna munte, lampi phok ut deuhna munte bang ah JCB/Bulldozer duty sak gige maile a poi diam? Huchibang munte theih/chiamteh (identify) haksa lah hilou a. Lampi ka gen beina di'n ka gen lai di. Sinzawl khosung, Phualkot kiang ah lampi lai ah tuili bang mai in lampi a kuak in ana nawi a, hiai tuili thu ka kan/dong a, kumtawn a huchi ahi, chi'n a hon hilh uh. Bangchidan a hichi om gige ahia, chih ka dong lai a, a hon hilhtute'n 'motor a tan chiang a akaihkhiak a akhosung mite un sum muhna dia zang uh ahi' chi'n a hon hilh uh. Gen mangmat leh gen mangmat, i Guite Road lampi siatnate uh zaw NREGS tungtawn a nasep a le bawlhoih zoh theihna chiang om di'n ka gingta hi. Hiai chi mahleng a poimohpente zaw i nam makaite (nampi makai/tribe leader/elected representatives) uleh contractorte' lunglutna a kinga liuliau hi'n ka koih hi.
Lampi thu ah ka buai sawt sim a, huai kia ahi kei. I gam himhim uh et in tul lua in ka mu maimah. Mautam in mau gam teng a keu sak a 'pawn lak' ngen a bang hi. Hilele hiai zaw ngeinadan a 'tam' (natural phenomenon) ahi a, ahun bang in a hong hing nawn mai di. Huai a hong hing nawn dipdipna dia mohpawtu ei a mihingte hihna chiang uh a omaithei, himahleh ka gen thei kei, zonkhiak theih di'n bel ka gingta hi. Huaiban a poimoh nawn hi a ka theih tuh i gam uh kia hilou a mihing leh mihing kikal a kitheihsiamna ahi. Hiai kikal a ei leh ei kikhual tuah a, ki-it tuah a, i lungsim uh a hing dipdip chiang in i gam uh a hing dia, gam hing sung ah mihingte le hing in i tawldam thei di un ka lamen tinten hi.
Hiai tan ah ka hial bawl dekna a tamlou ka hon belhlap lai di. Bangziak a hiai bang teng hon gelh ka hia, nah on chih uleh ka hon genchian vet lai di. Khenkhatte bang in kuahiam khat het zek utman hi di'n na gingta maithei uh. Huai ahi kei. Ei' Zogam, Guite Kual tuansuak dimdem mi khat ka hi sam hi. Ka khualzin san lai 1970 bei kuan leh 1980 bullam vel toh the in a khanna muh di a tawm mahmah lai. Hiai Guite Road in a totkhak khuate hichi nilnel lai ahihleh lamlian in a totkhaklouh khuate bangchi lel in a niam di, chih bang a ngaihtuah theih hi. Zogam zun di, zun ni, chih khawng la a sa in thubel a nei a gen in, duhthusam bang teng sam mahle a zun dia kipan taktak om nai lou i bang uhi. A kipan lua bang kisa le zaw i hi maithei uh. Hilele pan diklou ihi kha di uh, chih bang a hon ngaihtuahsak lai hi. I khanna uh muhtheih omsun tuh mimal inte sing-at a bawl leh langva khuh a pun khawng hi lel in ka thei hi.
Zogam zun taktak di, i chih uleh hih masak di (priority) i zon uh a ngai hi. Keimah mimal ngaihdan a hih masak di tuh kikawmna lampi hoih ahi. Huaiban a hih dia hoih ka sakte tuh michih in a pilpi a i hamphatpih theih uh school, damdawi-in, tuinek hoih, chihte in a zuih ngeingei di ahi. Huaiban nawn a a zui di tuh solkal a kipan a mizawng leh gentheite' kitohsuahna dia panpihna 'welfare scheme' tuamtuamte ahi di bang a piak a omte muhsak ngeingei di ahi. Huai hileh mi tengteng kitohsuah kei mahle a kikhual thei bangzah hiamte a hong kitohsuah ngei di uhi. Hiai teng lel hih buching lele ei' Zogam in 'pal' lam manoh di'n ka lamen hi.
Hiai dik dia pom hitale a buching saktu di kuate hi di? Milip in i hih theih uh ahi kei. Mimal chih in a hih theih uh omsun tuh piak a omte piak a aomna ziak uh a hih buchin di uh ahi lel. Hiai tak ahi heutu a poimohna. Heutu chih le chi tampi a om a, huaite' lak ah gamsung bawl taktak dia poimohna nei diakte tuh politics a heutute ahi uh. 'Bad politics breeds bad generation'. Hiai tan phot.
Source: http://zogam.com/index.php?option=com_content&task=view&id=4585&Itemid=32&mosmsg=Comment+saved+to+content+item%21+If+the+comment+is+not+related+to+the+topic%2C+it+will+be+deleted.
No comments:
Post a Comment