Editorial, Manipur Express October 25, 2008
Genesis (Pianchilna) ah Pathian in leitung mihingte abawlkhiak dan chiangtak in i muthei a, koppih nei a, inn kuan khawsa bawlkhiakna in society bawl ahi chih kuapeuh theih ahi. Society bawlkhiak a a om ding in zi leh pasal a kineihna poimawh mahmah a, zi leh pasal a kineih theih kichi pen mi batna khat ahi chi lehang dik ding in i gingta hi. Zi leh pasal kizonna leh kitenna tawh kisai in namdang te tawh kiteng kichi pen hoih pen mah hiam ahih kei leh hoih lou hihiam chih mimal ngaihtuahna ah kinga veve a, ahih ziak in a neinailou te ading in et detdet ding om kha mawhlou ding hi. Tuni in Namdangte tawh kiten i chih chiang in, singtangmi leh singtangmite lak ah leng namdang a om tham lai ding a, himahleh, ei Zosuan te lak i chi diam ahih kei leh, unau pau kitheihtuahte bel Namdang i chi kei a, a diak in Hindu sahkhua zui Meitei leh Vaite ahih kei leh Christian mah gamdang mite tawh kiten bang a chi a chih pen suit ham ching om kha mawhlou ding hi.
Christian i hi a, Pathian deihdan leh a nung zuizou loute himahle hang, i religion pen Christian ahih dungzui in mi tamtak te zahtak ahih kei leh simmawh in i na om kha ua, i Christian hihna uh a zang pangkaithei tamtak i om uhi. Pathian in mihingte nu le pa a kinei tuahding leh tu-le-ta tampi suangding in a hon deih a, huai ding in ahon vualzawl hi. Kitenna/Zi leh pasal a kineih kichi mimal deihtelna liauliau ahi chih i haihkei hi. Himahleh, mimal deihtelna pen hoihpen dan a ngaihtuah gige mihingte mi hehpih huaitak hi a, midangte ngaihdan valh thei leh pomthei te mi hampha ahi kichi sese hi. Ahihziak in, mahni ngaihdan paipih ngamlou leh midangte ngaihdan teng (Yes man) te leng mi hoihpen hituan lou ua, i sia le pha theihna (conscience) zang siamsiam mi hampha hita lou hiam chih theih in om hi. Tuaban ah thupukna ahunhun a la thei (presence of mind) neite peuhmah in thil bawlkhial lawlou ua theih in om hi.
Namdang tawh kitenna i neihtheihna ding in ki ngaih ek masak uh poimawh mahmah ding in i um hang. Eilak abel society a kitheih tuah lawngen ihih ziak un arrange marriage bangleng i zang suk gawpgawp ua, iki adjust thei mai uhi. Tuabang mah in Hindu society ah leng arrange marriage mah hitangpi sim ua, society kibang ahih dungzui un ki adjust thei mai uhi. Himahleh, society tuam liauliau, custom, culture leh tradition te himhim a ki naihna neilou numei leh pasal kigawmna tawh kisai in a thil kiphumgu (technical) tamtak om ding in up huai hi.
Namdangte tawh kiteng paisuak tamkhop om a, paisuak lou leng tamkhop mah om hi. Huaikal ah, mimal ah kinga lian mahmah a, ahih ziak in, Lamka khawpi sung a Namdang hong omte toh i numeite uh aki matkhak chiang un, tu le ta tanpha neisek mah le uh taisan in om pahpah ua, Meithai hunkhop leng a omta chih I theihchiat sa ahi. Gam le Nam itna i chih zi leh pasal neih ah leng akinga lian mahmah hi. Tuni chiang in i mi le sa Officer tamtak leh lehkha siam tamtakte’n namdang te zi leh pasal a nei tam mahmah a, hiai thu leng lung himawh huai pi suakthei hi. Adiak in numei te bang laisiam leh officer khat ahih chiang un, tangvalte’n va hel ngamlou sek ua, hiai kal ah kitheihsiamna i mi Nam sung ah a om poimawh a, ki hangsan sak a a va helte lah ana ngeingaih khollou in om uhi. Amau level mah eimi tangval te’n lah enkhollou ahihna ah, a lou theilou a vaite hiam ahih kei leh sapte hiam aneih uh hong poimawh zel bang a, ki mawhsak ding tuam omlou abatnang leng om zel hi.
Numeite adia theih ngeingei dia poimawh ahihleh, namdang (society dang) a tangvalte tawh a kingaih lai un bel a lungsim uh nasatak in zou ua, a inn kuante bang unleng pomthei vek ding in gen mah le uh, a kiten tak tak chiang un a gintak uh bang hetlou hi. Hindu te lak bang class a kikhenna nasa mahmah a, ei lawi bel nam niam petmah a hon mu uh ahihman in, a banghiam ziak lel ua, i pallai hun honna aam khasek uh adiam chih theih in om hi. Ahihziak in Hindu tengteng ahih kei leh sapgam lamte tengteng ahoih kei chi ihi zenzen kei a, amau lak ah leng mi kulmut (orthodox) taktak om ahihman un, a khawnung a hon simmawh ding leh hon taisan lel ding pasal a va neihkhak ding pilvan mahmah ngai leh kilawm hi. Namdang khenkhat ahihleh, a numeite un i pasal te uh zoutha neh mahmah in, a inn sungte uah numei te pau bang zang ngeingai ua, eimite bel namdangte pasal a iva neih leh ki baptized lut ngal in, amau tawndan, paidan leh pau le ham i va koppih thei ngal ua, i Nam pen mangthang himahleh pasal lamte i va belh chitchet theihna uh ahoihna khat om vanglak hi.
Source: http://zogam.com/index.php?option=com_content&task=view&id=4738&ac=0&Itemid=2
Genesis (Pianchilna) ah Pathian in leitung mihingte abawlkhiak dan chiangtak in i muthei a, koppih nei a, inn kuan khawsa bawlkhiakna in society bawl ahi chih kuapeuh theih ahi. Society bawlkhiak a a om ding in zi leh pasal a kineihna poimawh mahmah a, zi leh pasal a kineih theih kichi pen mi batna khat ahi chi lehang dik ding in i gingta hi. Zi leh pasal kizonna leh kitenna tawh kisai in namdang te tawh kiteng kichi pen hoih pen mah hiam ahih kei leh hoih lou hihiam chih mimal ngaihtuahna ah kinga veve a, ahih ziak in a neinailou te ading in et detdet ding om kha mawhlou ding hi. Tuni in Namdangte tawh kiten i chih chiang in, singtangmi leh singtangmite lak ah leng namdang a om tham lai ding a, himahleh, ei Zosuan te lak i chi diam ahih kei leh, unau pau kitheihtuahte bel Namdang i chi kei a, a diak in Hindu sahkhua zui Meitei leh Vaite ahih kei leh Christian mah gamdang mite tawh kiten bang a chi a chih pen suit ham ching om kha mawhlou ding hi.
Christian i hi a, Pathian deihdan leh a nung zuizou loute himahle hang, i religion pen Christian ahih dungzui in mi tamtak te zahtak ahih kei leh simmawh in i na om kha ua, i Christian hihna uh a zang pangkaithei tamtak i om uhi. Pathian in mihingte nu le pa a kinei tuahding leh tu-le-ta tampi suangding in a hon deih a, huai ding in ahon vualzawl hi. Kitenna/Zi leh pasal a kineih kichi mimal deihtelna liauliau ahi chih i haihkei hi. Himahleh, mimal deihtelna pen hoihpen dan a ngaihtuah gige mihingte mi hehpih huaitak hi a, midangte ngaihdan valh thei leh pomthei te mi hampha ahi kichi sese hi. Ahihziak in, mahni ngaihdan paipih ngamlou leh midangte ngaihdan teng (Yes man) te leng mi hoihpen hituan lou ua, i sia le pha theihna (conscience) zang siamsiam mi hampha hita lou hiam chih theih in om hi. Tuaban ah thupukna ahunhun a la thei (presence of mind) neite peuhmah in thil bawlkhial lawlou ua theih in om hi.
Namdang tawh kitenna i neihtheihna ding in ki ngaih ek masak uh poimawh mahmah ding in i um hang. Eilak abel society a kitheih tuah lawngen ihih ziak un arrange marriage bangleng i zang suk gawpgawp ua, iki adjust thei mai uhi. Tuabang mah in Hindu society ah leng arrange marriage mah hitangpi sim ua, society kibang ahih dungzui un ki adjust thei mai uhi. Himahleh, society tuam liauliau, custom, culture leh tradition te himhim a ki naihna neilou numei leh pasal kigawmna tawh kisai in a thil kiphumgu (technical) tamtak om ding in up huai hi.
Namdangte tawh kiteng paisuak tamkhop om a, paisuak lou leng tamkhop mah om hi. Huaikal ah, mimal ah kinga lian mahmah a, ahih ziak in, Lamka khawpi sung a Namdang hong omte toh i numeite uh aki matkhak chiang un, tu le ta tanpha neisek mah le uh taisan in om pahpah ua, Meithai hunkhop leng a omta chih I theihchiat sa ahi. Gam le Nam itna i chih zi leh pasal neih ah leng akinga lian mahmah hi. Tuni chiang in i mi le sa Officer tamtak leh lehkha siam tamtakte’n namdang te zi leh pasal a nei tam mahmah a, hiai thu leng lung himawh huai pi suakthei hi. Adiak in numei te bang laisiam leh officer khat ahih chiang un, tangvalte’n va hel ngamlou sek ua, hiai kal ah kitheihsiamna i mi Nam sung ah a om poimawh a, ki hangsan sak a a va helte lah ana ngeingaih khollou in om uhi. Amau level mah eimi tangval te’n lah enkhollou ahihna ah, a lou theilou a vaite hiam ahih kei leh sapte hiam aneih uh hong poimawh zel bang a, ki mawhsak ding tuam omlou abatnang leng om zel hi.
Numeite adia theih ngeingei dia poimawh ahihleh, namdang (society dang) a tangvalte tawh a kingaih lai un bel a lungsim uh nasatak in zou ua, a inn kuante bang unleng pomthei vek ding in gen mah le uh, a kiten tak tak chiang un a gintak uh bang hetlou hi. Hindu te lak bang class a kikhenna nasa mahmah a, ei lawi bel nam niam petmah a hon mu uh ahihman in, a banghiam ziak lel ua, i pallai hun honna aam khasek uh adiam chih theih in om hi. Ahihziak in Hindu tengteng ahih kei leh sapgam lamte tengteng ahoih kei chi ihi zenzen kei a, amau lak ah leng mi kulmut (orthodox) taktak om ahihman un, a khawnung a hon simmawh ding leh hon taisan lel ding pasal a va neihkhak ding pilvan mahmah ngai leh kilawm hi. Namdang khenkhat ahihleh, a numeite un i pasal te uh zoutha neh mahmah in, a inn sungte uah numei te pau bang zang ngeingai ua, eimite bel namdangte pasal a iva neih leh ki baptized lut ngal in, amau tawndan, paidan leh pau le ham i va koppih thei ngal ua, i Nam pen mangthang himahleh pasal lamte i va belh chitchet theihna uh ahoihna khat om vanglak hi.
Source: http://zogam.com/index.php?option=com_content&task=view&id=4738&ac=0&Itemid=2
No comments:
Post a Comment