~ By: Dr.Tualchin Neihsial
Khapi akipan leitung a chiangtak a thil muh theih a om sun akigen “China Kulhpi Daai”[The Great Wall of China] kichi ahi hi. Mallam a minam mawlte leh Xiongnu makaih sakol tungtuang mite’n China gam hong dou ua hong buluh diing uh dalna dia China gam kigawm a ukpi masapen Qun Shi Huang in hiai China Kulhpi Daai kaih a hon pat ahi a, km 6,000 val in asau a, feet 12 apat feet 40 in sah a, feet 20 apat feet 50 in sang hi.Gaalte aa diing in hiai daai kaantan diin asaang lua a, phutsiat/khetsiat diing in lah a sah lua a, akiimvel apai diin lah asau lua hi.
Ahihhang in daai kaih a om nung kum 100 sung lel in leng gaalte’n 3 vei a hong dou uhi. Kulhdaai pen kaantan zou lou, khense zou lou leh akiimvel a paisuak zou lou napi in gaalte’n dangka sum pia a khulhdaai kong ngakpa khat a hon golh zoh nung un nuamtak a kongpi khat a luut in China hong busim in a hong douzou maimah uhi.
Tulai in leng dangka sum a kigolhna hiam ahihkeileh dangka sum in thu a gen a sum a hong pau chiang in thutak daai in thutak gumte vualleldan bang a koih in a om thei uhi. Jesu’ kivuina haan veeng diing in Juda Vaihawmtute’ deihna bang in veengmi sepaihte koih ahi ua, nakpitak a ziin a hong liin a, vaan akipan Toupa’ angel hong paisuk a haansitna suang a hong khukkhiak a Jesu a hong thohnawn lai in veengmi sepaihte lau a liing in misi bang in a om uhi(Matthai 28: 1-4). Hiai veengmi sepaihte’n Jerusalem khopi a luut in siampu lalte kiang a thil omdan tengteng a hilh tak un, hiai siampu lalte leh upate kihoukhawm in sum tampi pia in veengmi sepaihte a golh uhi. Juda vaihawmtute’n banghang a golhguukna zang uh ahi hiam i chih leh khatna ah, veengmi sepaihte’ muk humsakna diing ahi a; nihna ah, thuzuau thehzakna diing; thumna ah, thutak sang a zuaugen utzaw sepaihte venbitna diing ahi hi(Matthai 28:11-14).A Laisiangthou phung leh taang in“Sum tampi”apiak zah uh hon hilh kei mahleh tampi mahmah hihtuak hi.Hiai a “Sum”[money kichi Greek ah “arguria”] kichi Jesu matsakna dia Judas Iskariot kiang a golhna dangka(silver) kipia (Matthai 26:15)toh thumal kibang a sum zah kibang lou lel ahi hi.
Mitkhialdawitawi Simon in zong Nasepte 8:18-24 ah dangka sum piak a Pasian’ thilpiak lei sawm mahleh a lohsam hi. Peter in Simon kiang ah, “Na dangka nang toh mang hen, Pasian’ thilpiak dangka sum a lei na tup ziak in” achihkhum hi. Felik in leng unaupa Paul akipan golhna sum peuh lam-en in Paul bang a sam mun sim a, a houpih zihzeh(Nasepte 24:26)chih thu i mu hi.
Thukhun Thak kia hi lou in Thukhun Lui hun ah leng golhguukna leh sum a kigolhna ana om tham hi. Samuel tate’n, “ a omdan la lou in, sum leh paai lam delh in, golhna la in, dik lou tak in vai ahawm uh”(I Sam. 8:3) chih thu i mu a, Sam 26:10 in, mikhialte tungthu a genna ah “ a khut uah ngaihtuahna gilou a om a, a khuttak lam uh golhna in a dim hi”achi hi.“Diktattak a om a diktak a gen zel mi; nuaisiahnate punna himhim bangmah a ngai lou a, golhna la nuam lou a bilhum; gilou himhim en nuam lou a mitsi zelmi” tungtang chiantak a hon hilh baan ah, Amos in,“…mi diktatte na simmoh ua, golhna la a, kongpi a tasamte a hih diing him na pampaihte aw”(Amos 5:12) chiin golhna leh golhguukna adem thu i mu uhi. Job in,“Pasian limsaklou kithuahpihna lah a huut diing a, golhna puan-innte lah mei in a kangmang diing hi”(Job 15:34)achi hi. Moab kumpipa Balak in Mesopotamia gam a Pethor khua a Beor tapa Balaam kiang a golhna dangka(inn dim) piak a Israel tate hamsiatsak a tup lai in Balaam in Pasian kihta in tangtak in Israelte hamsiat ngam kei mahleh “Israel tate ma akipuukna koih diing leh milimte kiang a kithoihna thilte ne diing leh kingaihna khelhna hih diing a Balak a thulhilh”(Kilakna 2:14)maimah phiing ziak in Balaam in Pasian tung ah nakpitak in ahihkhial hi(Juda 11; 2 Pet. 2:15,16).
Dangka sum pen a sum mawngmawng a sia leh khelhna om ahi kei a, tua sum pen diklou tak a muhna hiam dik lou tak a zatna hiam ahihkeileh tua sum pen deihtaakna ah diklouhna leh khelhna om ahizaw hi.“Dangka sum deihtaakzaw gilou chiteng bul ahi…”(ITim. 6:10) achi hi.Ni nanung lam ah hun haksa pipi ahong tun hun chiang in,“…mi amau ki-itte, dangka itte, ki-uangsakte…”(2 Tim. 3:1-4) hong om diing chi a Unaupa Paul in vaukholhna akoihkhin hi. Alehlam pang ah,“Dikna na kaihkawi diing ahi kei a, deihsak tuam na neih diing ahi kei a, golhna sum na laak diing ahi kei a, golhna sum in mipil’ mite atawsak a, mi diktatte thu a hihsiatsak nak”(Deut. 16:19,20) achi hi. Hiai a golhna sum kichi ei pau in thilpiak chi lel in a letlhia hi.Sum in a hoihlam leh a selam a nna sem thei lua ahihman in Pasian in saptuam makaitute(upate leh panpihtute) pen “sum it tuntun lou, leepna niin a huaiham/punna niin a huaiham mi hi lou diing”(I Tim. 3:3, 8; Tit. 1:7)chiin chiangtak in chinna dia kipia qualifications ah gelhtelsak pah hi. Hichi kawmkal ah,“Amau gilpi diing lel khualna ziak a”(Rom. 16:17,18) thutak kimchiang hiam thutak leh thudik ahihna bang a gen ngam lou leh gum ngam lou mi hong om dia, huaite’n amau mimal gilpi nna sem in Khrist’ nna asem kha kei uh Paul in achi hi. Sum a pau a sum ziak a kamhum theih leh golh theih a omna munmun leh hunhun ah thutak kiseel in dawk zou lou in leng om thei hi.Ahihhang in atawpna ah bel kuamah/bangmah dal leh seel vuallouh in thutak ahong vualzou diing a, ahong vualzoutou zel diing chih khangthu a thudik omsa ahi hi.
![Reblog this post [with Zemanta]](http://img.zemanta.com/reblog_a.png?x-id=375e6c2f-f0ba-498f-9aa6-f14de3351927)
Source: ZogamOnline.Com
Khapi akipan leitung a chiangtak a thil muh theih a om sun akigen “China Kulhpi Daai”[The Great Wall of China] kichi ahi hi. Mallam a minam mawlte leh Xiongnu makaih sakol tungtuang mite’n China gam hong dou ua hong buluh diing uh dalna dia China gam kigawm a ukpi masapen Qun Shi Huang in hiai China Kulhpi Daai kaih a hon pat ahi a, km 6,000 val in asau a, feet 12 apat feet 40 in sah a, feet 20 apat feet 50 in sang hi.Gaalte aa diing in hiai daai kaantan diin asaang lua a, phutsiat/khetsiat diing in lah a sah lua a, akiimvel apai diin lah asau lua hi.
Ahihhang in daai kaih a om nung kum 100 sung lel in leng gaalte’n 3 vei a hong dou uhi. Kulhdaai pen kaantan zou lou, khense zou lou leh akiimvel a paisuak zou lou napi in gaalte’n dangka sum pia a khulhdaai kong ngakpa khat a hon golh zoh nung un nuamtak a kongpi khat a luut in China hong busim in a hong douzou maimah uhi.
Tulai in leng dangka sum a kigolhna hiam ahihkeileh dangka sum in thu a gen a sum a hong pau chiang in thutak daai in thutak gumte vualleldan bang a koih in a om thei uhi. Jesu’ kivuina haan veeng diing in Juda Vaihawmtute’ deihna bang in veengmi sepaihte koih ahi ua, nakpitak a ziin a hong liin a, vaan akipan Toupa’ angel hong paisuk a haansitna suang a hong khukkhiak a Jesu a hong thohnawn lai in veengmi sepaihte lau a liing in misi bang in a om uhi(Matthai 28: 1-4). Hiai veengmi sepaihte’n Jerusalem khopi a luut in siampu lalte kiang a thil omdan tengteng a hilh tak un, hiai siampu lalte leh upate kihoukhawm in sum tampi pia in veengmi sepaihte a golh uhi. Juda vaihawmtute’n banghang a golhguukna zang uh ahi hiam i chih leh khatna ah, veengmi sepaihte’ muk humsakna diing ahi a; nihna ah, thuzuau thehzakna diing; thumna ah, thutak sang a zuaugen utzaw sepaihte venbitna diing ahi hi(Matthai 28:11-14).A Laisiangthou phung leh taang in“Sum tampi”apiak zah uh hon hilh kei mahleh tampi mahmah hihtuak hi.Hiai a “Sum”[money kichi Greek ah “arguria”] kichi Jesu matsakna dia Judas Iskariot kiang a golhna dangka(silver) kipia (Matthai 26:15)toh thumal kibang a sum zah kibang lou lel ahi hi.
Mitkhialdawitawi Simon in zong Nasepte 8:18-24 ah dangka sum piak a Pasian’ thilpiak lei sawm mahleh a lohsam hi. Peter in Simon kiang ah, “Na dangka nang toh mang hen, Pasian’ thilpiak dangka sum a lei na tup ziak in” achihkhum hi. Felik in leng unaupa Paul akipan golhna sum peuh lam-en in Paul bang a sam mun sim a, a houpih zihzeh(Nasepte 24:26)chih thu i mu hi.
Thukhun Thak kia hi lou in Thukhun Lui hun ah leng golhguukna leh sum a kigolhna ana om tham hi. Samuel tate’n, “ a omdan la lou in, sum leh paai lam delh in, golhna la in, dik lou tak in vai ahawm uh”(I Sam. 8:3) chih thu i mu a, Sam 26:10 in, mikhialte tungthu a genna ah “ a khut uah ngaihtuahna gilou a om a, a khuttak lam uh golhna in a dim hi”achi hi.“Diktattak a om a diktak a gen zel mi; nuaisiahnate punna himhim bangmah a ngai lou a, golhna la nuam lou a bilhum; gilou himhim en nuam lou a mitsi zelmi” tungtang chiantak a hon hilh baan ah, Amos in,“…mi diktatte na simmoh ua, golhna la a, kongpi a tasamte a hih diing him na pampaihte aw”(Amos 5:12) chiin golhna leh golhguukna adem thu i mu uhi. Job in,“Pasian limsaklou kithuahpihna lah a huut diing a, golhna puan-innte lah mei in a kangmang diing hi”(Job 15:34)achi hi. Moab kumpipa Balak in Mesopotamia gam a Pethor khua a Beor tapa Balaam kiang a golhna dangka(inn dim) piak a Israel tate hamsiatsak a tup lai in Balaam in Pasian kihta in tangtak in Israelte hamsiat ngam kei mahleh “Israel tate ma akipuukna koih diing leh milimte kiang a kithoihna thilte ne diing leh kingaihna khelhna hih diing a Balak a thulhilh”(Kilakna 2:14)maimah phiing ziak in Balaam in Pasian tung ah nakpitak in ahihkhial hi(Juda 11; 2 Pet. 2:15,16).
Dangka sum pen a sum mawngmawng a sia leh khelhna om ahi kei a, tua sum pen diklou tak a muhna hiam dik lou tak a zatna hiam ahihkeileh tua sum pen deihtaakna ah diklouhna leh khelhna om ahizaw hi.“Dangka sum deihtaakzaw gilou chiteng bul ahi…”(ITim. 6:10) achi hi.Ni nanung lam ah hun haksa pipi ahong tun hun chiang in,“…mi amau ki-itte, dangka itte, ki-uangsakte…”(2 Tim. 3:1-4) hong om diing chi a Unaupa Paul in vaukholhna akoihkhin hi. Alehlam pang ah,“Dikna na kaihkawi diing ahi kei a, deihsak tuam na neih diing ahi kei a, golhna sum na laak diing ahi kei a, golhna sum in mipil’ mite atawsak a, mi diktatte thu a hihsiatsak nak”(Deut. 16:19,20) achi hi. Hiai a golhna sum kichi ei pau in thilpiak chi lel in a letlhia hi.Sum in a hoihlam leh a selam a nna sem thei lua ahihman in Pasian in saptuam makaitute(upate leh panpihtute) pen “sum it tuntun lou, leepna niin a huaiham/punna niin a huaiham mi hi lou diing”(I Tim. 3:3, 8; Tit. 1:7)chiin chiangtak in chinna dia kipia qualifications ah gelhtelsak pah hi. Hichi kawmkal ah,“Amau gilpi diing lel khualna ziak a”(Rom. 16:17,18) thutak kimchiang hiam thutak leh thudik ahihna bang a gen ngam lou leh gum ngam lou mi hong om dia, huaite’n amau mimal gilpi nna sem in Khrist’ nna asem kha kei uh Paul in achi hi. Sum a pau a sum ziak a kamhum theih leh golh theih a omna munmun leh hunhun ah thutak kiseel in dawk zou lou in leng om thei hi.Ahihhang in atawpna ah bel kuamah/bangmah dal leh seel vuallouh in thutak ahong vualzou diing a, ahong vualzoutou zel diing chih khangthu a thudik omsa ahi hi.
Source: ZogamOnline.Com
No comments:
Post a Comment