Saturday, January 17, 2009

MELC in kum nawn budget di’n Rs 52 lakh bikhiah Executive Secy/ Bishop di’n Rev Dr Ginkhanmung telching uh

Lamka, Jan.16: Manipur Evangelical Lutheran Church ( MELC) Hqtrs Church, Zomi Colony ah Jan,14, 2009 akipan in Manipur Evangelical Lutheran Church General Assembly 54 veina leh First Bishop Consecration, 2009 kipan a, huai hun ah Rev. SK Manlun leh Rev.Kamminthang, Shillong te’n thugenna nei uhi. Tuni zinglam dak 10:30 apan in Vaihawmna (business session) leh MELC makai tuamtuam ding kitelna om a, 2009 sung a MELC budget ding in Rs.52 lakh palai paikhawmten pomkip uhi.

2009- 2012 sung a MELC makai dia telching a omte ahihleh Executive Secy/Bishop di’n Rev.Dr.Ginkhanmung, Director of Ministries din Rev.SK Manlun, Lamka Dist. Superintendent (DS) ding in Rev.Thangliankham, Singngat DS ding in Rev.Mangminthang leh Gundung DS ding in Rev.Thangchinkhup te telching uhi.

Lamka Bial Pastor ding in Rev.Dousuanthang, Singngat Bial Pastor in Rev.Thangkhanmang, Gundung Bial Pastor in Rev. Kamminthang, Moreh Local Pastor ding in Rev.Khaamthang, Imphal Local Pastor in Rev. Nengkhanlal, Shillong Local Pastor ding in Rev.Kamminthang telching uhi. Behiang Sub-Dist Pastor ding in Rev.Th.Nangkhanlal leh Kaihlamnuai Dist Pastor ding in Rev.Ngilzakhup te’ Khawmpi palai te’n telching uhi.

Huai ban ah Mission Field Pastor ding in W.Manglem Singh, Mssionary Promotor ding in Tutzagin, Moderator ding in Upa.Thongzadou leh Dy.Moderator ding in Upa Chinzahau telching uh a, Jan.18, 2009 zinglam dak 10:30 in Rev. Dr. Ginkhan mung Zou Executive Secy.MELC s/o (L) Jangkhomang Zou kiang ah Bishop piakna om ding hi. Huai hun ah Rt. Rev.Godwin Nag, Bishop,ELCITHS & President UELCI leh Rev.Dr.AG Augustine Jeyakumar ,Executive Secy.UELCI & National Committee LWF te’n Rev.Dr.Ginkhanmung Zou kiang ah Bishop Nagawtna nei ding uhi.


Golden Jubilee CD hongding

Lamka, Jan.16: Zou Sangnaupang Pawlpi (ZSP) Gen.HQ Golden Jubilee lopna Tuaitengphai khua ah Oct.15-16, 2008 sung om a, huai a video recording kibawl zawh siang hita in, Jan.17, 2009 sunnung dak 2:00 in Zogal Hall, Zoveng ah T.Hangkhanpau MLA, 60 Singngat A/C in khuallian hihna tawh ZSP Golden Jubilee CD/ DVD hong khe ding hi. Huai hun ah Thongkhanlal, Asst. Commandant, BSF leh Hauminthang, Asst. Commandant, BSF te’n Guest of Honour leh Functional President hihna tawh uap ding uhi.

Source: Zogam.Com

.::. All my articles can be view here: MELTED HEARTS .::.

Reblog this post [with Zemanta]

No comments:

Post a Comment