Lamka, Jan 5: Lamka Police station apan simlam Km 7 vel a gamla Misao Lhavom khua ah natna hii theihlouh khat leng phut in huai in khawsung mi 16 dakkal 24 sung in district hospital tun hi. Damloute’ lak ah a tamzaw tu nitak in Zomi Youth Association leh Kuki Khanglai Lompi te’n Misao Lhavom khua ah va pua in, damdawi inn nitak dak 11:05 in tut in om hi.
Thusuak kingah dan in, Misao Lhavom khaw mi Nemneilam (15) zan (Jan 4) nitaklam apan khuh (cough) nilouh a, tua zawh in alu nasa a, huchi’n khawsik in zui ngal a, khua votsa in liing a, tuanung sawtlou in khawphawklou in om a, nitak dak 10 in Lamka damdawi inn tut in om hi. Tu zingkal dak 8 vel in Lamneithem (16) leng tuabang mah in om nawn a, amah leng Lamka damdawi inn kintak a tut in om nawn hi. Tuni’n Misao Lhavom khawte’n khanglai sports meet nei ua, program a zawh un, Lhingneichong (19), Neichin (17), Lienkholal (20), Vahsi (18) leh Ngaineikim (14) te khuhkhuh ua, tua zawh in a lu uh nasa in, khawsik in zui in, votsa in liing ua, hun sawtlou nung in amau leng khawphawk lou in om vek ua, khawsung mipite patau in Lamka damdawi inn abanban in hon tut uh hi’n kigen hi.
Thiltung in Lamka khawpi zel suak ngal in, Medical Superintendent Dr Thang Khan Piang Hatzaw, ZYA President S Chin Ngaih Pau leh ZYA a aseppihte, KKL President Khailet leh KKL a a seppihte damdawi inn tung ngal uh hi’n kigen hi. Medical Suptd Dr T Hatzaw in ambulance khat, ZYA in Mr Chinlunthang Zou’ Gypsy leh KKL in Mangkho gari sawl in damlou dangte pawding in sawl ua, natna hileng in a sukkhak midang 9 te nitak dak 11:05 in district hospital tut in om uhi.
ZYA leh KKL in Misao Lhavom apan damlou a vapuak thakte uh ahihleh, Douliem (45), Ngaikholhing (45), Lhingneichong (40), Ngailhing (43), Niengneichong (40), Khamminlal (40), Thangkholal (50), Hatneilhai (24) leh Hatneikim (25) te hi uhi. Misao Lhavom mi damlou kemdia hongpai khenkhat in agendan un, Christmas leh Kumthak kuamlak in Khuga dam tui nak tak in dawn uh a, huai apan water borne disease (tui apan natna hii) dawnkha uh adiam chih muangmawh uh ahihdan gen ua, Dam canal apan tuiluang-te tuilou ah laklut in om a, tuilou pe’n chemical chi tuamtuam, har leh leihoihna chi tuamtuam kitheh ahihna tawh huai apan tuiluangte a dawn khak ziak ua natna hii om a diam chih gingta pawl om uh hi’n gen uhi.
Manipur Express in Medical Superintendent Dr Thang Khan Piang kiang ah phalbi lai a bang natna hii leeng hiding hiam chih dotna abawlna ah, aman “ tulel dinmun in malaria (optimal) chikhat hiding in up huai a, ahih ziak in, bang natna hii (epidemic) hiding hiam chih suizuina pailel a, a sisan uh test hilel a, zingchiang (Jan 6) in chiang thei ding dinmun ah om” chi hi. Phatuam ngai pawlpi tuamtuamte’ ban ah Medical suptd leh a staff te’n damlou te zanhah pih in enkol uh chih thu kiza hi.
Source: ZOGAM.COM
Thusuak kingah dan in, Misao Lhavom khaw mi Nemneilam (15) zan (Jan 4) nitaklam apan khuh (cough) nilouh a, tua zawh in alu nasa a, huchi’n khawsik in zui ngal a, khua votsa in liing a, tuanung sawtlou in khawphawklou in om a, nitak dak 10 in Lamka damdawi inn tut in om hi. Tu zingkal dak 8 vel in Lamneithem (16) leng tuabang mah in om nawn a, amah leng Lamka damdawi inn kintak a tut in om nawn hi. Tuni’n Misao Lhavom khawte’n khanglai sports meet nei ua, program a zawh un, Lhingneichong (19), Neichin (17), Lienkholal (20), Vahsi (18) leh Ngaineikim (14) te khuhkhuh ua, tua zawh in a lu uh nasa in, khawsik in zui in, votsa in liing ua, hun sawtlou nung in amau leng khawphawk lou in om vek ua, khawsung mipite patau in Lamka damdawi inn abanban in hon tut uh hi’n kigen hi.
Thiltung in Lamka khawpi zel suak ngal in, Medical Superintendent Dr Thang Khan Piang Hatzaw, ZYA President S Chin Ngaih Pau leh ZYA a aseppihte, KKL President Khailet leh KKL a a seppihte damdawi inn tung ngal uh hi’n kigen hi. Medical Suptd Dr T Hatzaw in ambulance khat, ZYA in Mr Chinlunthang Zou’ Gypsy leh KKL in Mangkho gari sawl in damlou dangte pawding in sawl ua, natna hileng in a sukkhak midang 9 te nitak dak 11:05 in district hospital tut in om uhi.
ZYA leh KKL in Misao Lhavom apan damlou a vapuak thakte uh ahihleh, Douliem (45), Ngaikholhing (45), Lhingneichong (40), Ngailhing (43), Niengneichong (40), Khamminlal (40), Thangkholal (50), Hatneilhai (24) leh Hatneikim (25) te hi uhi. Misao Lhavom mi damlou kemdia hongpai khenkhat in agendan un, Christmas leh Kumthak kuamlak in Khuga dam tui nak tak in dawn uh a, huai apan water borne disease (tui apan natna hii) dawnkha uh adiam chih muangmawh uh ahihdan gen ua, Dam canal apan tuiluang-te tuilou ah laklut in om a, tuilou pe’n chemical chi tuamtuam, har leh leihoihna chi tuamtuam kitheh ahihna tawh huai apan tuiluangte a dawn khak ziak ua natna hii om a diam chih gingta pawl om uh hi’n gen uhi.
Manipur Express in Medical Superintendent Dr Thang Khan Piang kiang ah phalbi lai a bang natna hii leeng hiding hiam chih dotna abawlna ah, aman “ tulel dinmun in malaria (optimal) chikhat hiding in up huai a, ahih ziak in, bang natna hii (epidemic) hiding hiam chih suizuina pailel a, a sisan uh test hilel a, zingchiang (Jan 6) in chiang thei ding dinmun ah om” chi hi. Phatuam ngai pawlpi tuamtuamte’ ban ah Medical suptd leh a staff te’n damlou te zanhah pih in enkol uh chih thu kiza hi.
Source: ZOGAM.COM
No comments:
Post a Comment