I gam a sia, a hoihkei, a corrupt lua chih khawng i kampau tangpi uh ahi a, politician te hiam ahihkei leh state government leh a concern department te mawhsak chih khawng eilawi siamzawng tak hi a, mawhpaw taktak pen tua igente mah hi a, ahihziak in a milip lak ah leng kiveltuak thil tamtak om ding in ngaihsut huai hi.
State Government apan panpihna tuamtuam hongpaite thutuam in koih phot ta le hang, Centre Government apan khateng in Manipur panpihna ding in sum bangzah hong lut dia? Singtangmite leh Nam niamte dopsang na ding in sum bangzah hong paidia chih te suiseng hilou hi. Tamtak ten state government zaw duhdak lou lua hi ve aw, Manipur ah khantouhna om mahmah lou i chi sek ua, a hitak in zaw a implementing agency in mawhpaw zaw adiam chih theih in om hi.
Tuma deuh apan in CCpur district ading in Backward Region Grant fund sum tamtak hong pai in, huai te bang leng ahi bangbang a zat hita leh bangziak a i gam khanglou ding hiam chih theih in om hi. CCpur district sung Assembly segment 6 in kikhen a, CCpur, Thanlon, Tipaimukh, Singngat, Henglep leh Saikot ading in BRGF fund tam taktak ahong pai chih kuapeuh in i thei uhi. Hiai fund te atangpi thu in, Community hall, suspension bridge, RCC Bridge, playground, water tank, ringwell, waiting shed, public dustbin, school building, RCC slab culvert, pucca drain leh mipite khantouhna ding tawh kisai nasep ding thil tamtak ahi.
BRGF genlouh development fund bangzah a hong pai a, MLA Local area development fund nuai ah bangzah? PMGSY? IAY? SSA nuai ah sum bangzah? SPA nuai ah fund bangzah i district sung ah kum teng in alut a? fund tuamtuam hongpaite i genseng kei a, theileng i theiseng bok kei. Scheme tampi petmah a om a, rural area dopsangna ding centre in a ngaikhawk mahmah chih a chiang hi. Nidang hun in state government a hong buaisiat taktak lai in Union Planning Commission ah va tailut zel in sum va ngen ua, kha lawh ding tanpha va ngen uhi. Centre government in Manipur state ah sum tamtak a luang lut sak gige chih pen centre a ulian te kampau hi tawn tung hi. Tutung a Union Home Minister P Chidambaram in Imphal hong phak hun in leng Centre Government apan development fund tamtak Manipur a lut thugen a, helpawlten leng tamtak divert ua, a divert saktu leng official te mah hi a, fund negute leh a pekhetute khelhna kibang ahi chi hial a, hiai pen state mipite ading in zahlakna liantak ahi hi.
Government apan sanction hiam ahih kei leh loan bang ah development scheme/ fund hong pai tamtak te implementing agency in ahi bangbang in bawl leh zangkhia hita leh bangziak a i gam khanglou dinghiam chih theih in om hi. Tulai in public dustbin leh waiting shed bawl kithang mahmah a, bang teklei zang a, cement proportion bangzah hi ding hiam chih theih haksa mahmah a, zawhsiang ahih nung kha bangzah tan guarantee i pengam a chih te ngaihsut tham ching hi. Huaitan leng a zia om a, iki pahpih mahmah lai. Huchi lou a, thil kibawlsa lem va la in, huai pen office ah submit a, table work tungtawn a bill la khia chih te pen gam leh leitang a teng mipite simmawhna leh chouna bang in ngaihsut theih hi. Centre government in i bial khantouhna ding liauliau in scheme hon bawl ua, huchih lai in implementing agency pen a lou theilou hi a, himahleh, sem leng semlou a, bill va lakkhiak mai chih pen Christian ka hi chite ading in zum huai mahmah a, dam gegu a sisan kitawp kangsak tawh ki naih mahmah hi.
Development fund leh a scheme tuamtuam te hi bangbang a zang hita le hang, i school building te uh etlawm thei mahmah ding a, i kimawlna tualte uh, public toilet te, kikawmtuahna lampi, i nulla te uleh i niin buaknate uh pucca ngen hita ding in up huai a, leivui khu vung vung nuai ah ki taang khualkhual nawnkhol lou mai thei hi. Vangphat huaitak in UPA Solkar in NREGS hon implement in huai in i khawpite uh hon taan vak nasa tuan mahmah a, development fund in chik mah a bawlkhak ngeilouh NREGS ziak in kikawmtuahna lampite siangthou leh suang sun in hong om a, mipite ading in leng nek muhna hoihtak hong suak hi. Midang ading hilou, ei khantouhna dia sum le pai hongpaite a kisaipihten strict tak a a etkai uh kisam mahmah a, tuaban ah MLA/Minister ten leng a bial puahna dua sum hong paite himhim a etkai deuh uh kisam mahmah hi.
Source: Editorial, Manipur Express | February 07, 2009
.::. All my articles can be view here: MELTED HEARTS .::.
![Reblog this post [with Zemanta]](http://img.zemanta.com/reblog_a.png?x-id=1bbff1d9-2056-42ed-9f85-ad50dbea31af)
State Government apan panpihna tuamtuam hongpaite thutuam in koih phot ta le hang, Centre Government apan khateng in Manipur panpihna ding in sum bangzah hong lut dia? Singtangmite leh Nam niamte dopsang na ding in sum bangzah hong paidia chih te suiseng hilou hi. Tamtak ten state government zaw duhdak lou lua hi ve aw, Manipur ah khantouhna om mahmah lou i chi sek ua, a hitak in zaw a implementing agency in mawhpaw zaw adiam chih theih in om hi.
Tuma deuh apan in CCpur district ading in Backward Region Grant fund sum tamtak hong pai in, huai te bang leng ahi bangbang a zat hita leh bangziak a i gam khanglou ding hiam chih theih in om hi. CCpur district sung Assembly segment 6 in kikhen a, CCpur, Thanlon, Tipaimukh, Singngat, Henglep leh Saikot ading in BRGF fund tam taktak ahong pai chih kuapeuh in i thei uhi. Hiai fund te atangpi thu in, Community hall, suspension bridge, RCC Bridge, playground, water tank, ringwell, waiting shed, public dustbin, school building, RCC slab culvert, pucca drain leh mipite khantouhna ding tawh kisai nasep ding thil tamtak ahi.
BRGF genlouh development fund bangzah a hong pai a, MLA Local area development fund nuai ah bangzah? PMGSY? IAY? SSA nuai ah sum bangzah? SPA nuai ah fund bangzah i district sung ah kum teng in alut a? fund tuamtuam hongpaite i genseng kei a, theileng i theiseng bok kei. Scheme tampi petmah a om a, rural area dopsangna ding centre in a ngaikhawk mahmah chih a chiang hi. Nidang hun in state government a hong buaisiat taktak lai in Union Planning Commission ah va tailut zel in sum va ngen ua, kha lawh ding tanpha va ngen uhi. Centre government in Manipur state ah sum tamtak a luang lut sak gige chih pen centre a ulian te kampau hi tawn tung hi. Tutung a Union Home Minister P Chidambaram in Imphal hong phak hun in leng Centre Government apan development fund tamtak Manipur a lut thugen a, helpawlten leng tamtak divert ua, a divert saktu leng official te mah hi a, fund negute leh a pekhetute khelhna kibang ahi chi hial a, hiai pen state mipite ading in zahlakna liantak ahi hi.
Government apan sanction hiam ahih kei leh loan bang ah development scheme/ fund hong pai tamtak te implementing agency in ahi bangbang in bawl leh zangkhia hita leh bangziak a i gam khanglou dinghiam chih theih in om hi. Tulai in public dustbin leh waiting shed bawl kithang mahmah a, bang teklei zang a, cement proportion bangzah hi ding hiam chih theih haksa mahmah a, zawhsiang ahih nung kha bangzah tan guarantee i pengam a chih te ngaihsut tham ching hi. Huaitan leng a zia om a, iki pahpih mahmah lai. Huchi lou a, thil kibawlsa lem va la in, huai pen office ah submit a, table work tungtawn a bill la khia chih te pen gam leh leitang a teng mipite simmawhna leh chouna bang in ngaihsut theih hi. Centre government in i bial khantouhna ding liauliau in scheme hon bawl ua, huchih lai in implementing agency pen a lou theilou hi a, himahleh, sem leng semlou a, bill va lakkhiak mai chih pen Christian ka hi chite ading in zum huai mahmah a, dam gegu a sisan kitawp kangsak tawh ki naih mahmah hi.
Development fund leh a scheme tuamtuam te hi bangbang a zang hita le hang, i school building te uh etlawm thei mahmah ding a, i kimawlna tualte uh, public toilet te, kikawmtuahna lampi, i nulla te uleh i niin buaknate uh pucca ngen hita ding in up huai a, leivui khu vung vung nuai ah ki taang khualkhual nawnkhol lou mai thei hi. Vangphat huaitak in UPA Solkar in NREGS hon implement in huai in i khawpite uh hon taan vak nasa tuan mahmah a, development fund in chik mah a bawlkhak ngeilouh NREGS ziak in kikawmtuahna lampite siangthou leh suang sun in hong om a, mipite ading in leng nek muhna hoihtak hong suak hi. Midang ading hilou, ei khantouhna dia sum le pai hongpaite a kisaipihten strict tak a a etkai uh kisam mahmah a, tuaban ah MLA/Minister ten leng a bial puahna dua sum hong paite himhim a etkai deuh uh kisam mahmah hi.
Source: Editorial, Manipur Express | February 07, 2009
.::. All my articles can be view here: MELTED HEARTS .::.
No comments:
Post a Comment