Kasuopih ZO Mi sanggam a koima po aw i ngaih sutna tuomtuom te ki kum zel vai in, a hi hangin i mu dan a kibanglote ki telseam in ki tha pe ceat vai.Tulaiath leitungbup ah aki gen minthang pen a hi "US gam pen mivom te khat in kumpi sem ta" cithupen a kilipkhap ciet leh a ki angtang ciet ahihi. US kumpi pen leitung kumpi a, a kituat pai hi leuleu a, tuapen a khial tuanlo a hihi.
Bang dingei ci leh leitung sumsuina (sipuayii, Business) pen a mau ii khutsung a om a hihi. Tam mi President OBAMA zie aa, a mi nam in zong vang neituom mama a, zong ki thupimu tuom mama hi. Leitung bup in zong minam ii thupina leh mihing ii vun ki khen nate ah ang kiam tuom mama a, tam mi gam bang in napi in et-te mama uh hi.Tun le bang kammal in ang ging ta ei cileh " mivom te in leitung uh ta" cikammal ang ging ta hi. Tua ahi zie in a thu i lim kan mama kul leh nai ngan yii (political) i ci bang hi a, bang ci bang dan ci kan huaimama a, en zong tua te tung leh i minam tung ah a zathuai kalsuan nate i la ding in thupi mama in mu ing.
"Mivom ten leitungbup uh ta" ci kammalpen a maan a bat hangin a manlo khat leh ahi lo khat a hihi. Bang ding ei ci leh tammi Obama te ii kipawl na Dioicratic party pen mi vom te kipawlna hilo a, mi namkim kipawl na hi in a mau ii ngimna leh gel nate mipi tung ah a gen cieng un, mipi in "tam mite ii gelna in i gam khan to na ding leh, ki lem nading piang sah kha ding uh hi" ci upna a nei zie uh a, me (vote) pie uh hi lel a, tua ki pawlna sung ah, mipil tampi kawm kal ah Obama pen muon huai sa, picing sa leh muonta sa uh a hi zie in a mau kipawlna Party makai a ki zang in, a mau in me kuong lui na ah a tam pen ang nga tah uh cieng a, a ma makai pi pen kumpi ang hi ci na hi zaw a, a ma nei ah mikang, mivom, misan na sem a dim pi a om veve ahi hi. Tua ahi ciang in "mivon ten lei tung a uh " hi lo a, mivom te zong US kumpi lah ah ang ki halthei ta hi zaw a ei a ding in et-te huoi tampi om in um ing.
President Obama ii pien na leh a khan khua pen kei sang in nohaw inn tamtel zaw va uh cin a ma ii khan dan leh om zie te ah eimi a ding in et-te huoi tampi om in mu ing. Ei mi sung ah pawlpi tuomtuom lah ah i pawl pi ciet pan in pilna sang pipi ang om cieng in a koi mapo in ki ang tangmama a, i minam a ding in zong vang ki nei mama tuom hi. Ahi hang in tua pen Pasien thulam ahi ceing in bie na (religion) lam ah beh a hi bo hi. Ei mi pen i mit ang ki hon leh i khaw thei pen za ni deuh cilei khialna om lo kha in um ing, a deudeu in ei kawlgam ah pen Pilna (education) lampen a tha nem ding leh bangma theilo ding a, ei kipan ta kawmkal ah eimama in zong i mu na a neu luot zie'n mi nua mi ma ki pha lo hi. A tam zaw ii muna ah tan 10 (matriculation) ong (pass) lote pen, lampi tawp a ki tuot in lo ho ding a ki mu pai hi. Tan 10 ong te pen mipil ding leh mi lian ding in a ki lamen mama a hihi. A khial lo tawh a ki bat hang in man lo vet se hi. Tan 10 ong lo te in a zum phual na in Laisiangtho sang ka in buai a gol a neu ki la hi. Tua pen ka sang ka lai a, tang val khel pawlkhat in la a sah thei a hi " doh kah dawh meng mah, ma ya yin phong yii wat me" a ci tawh kibang sa ing.
Tun le khanto na ahilo hang in i mit ang ki hong deuh in LST sang ka lampen ki nah sah mama ta in tua zie in zong mi i pha nailo vang in pawl pi tuomtuom khan to na in ki nei a, tun khuo khat ah inn a tam lo hang in pawl pi ang khang toto a, pawl pi pen a be na ngawn in ki pawl thei ta hi. I minam pen kilamsang nuamciet a, ahi zong in a minthang minam pen hamsa mama hi. Sen (China) te zong leitung ah sumsuina (economic) lam leh a tuomtuom ah a maukhom a, hat a kisa mama leh pilna lam a zong thahat a kisa mama hina pi in, ahi hang in gamthulam (Politic) lam ah tha tang ah thahat zotuan lo hi. Ei Asia gam ah pen tha tang a nei na cieng uh om tei in ahi hang in Europe gam te in nau pang bang in ei mu lai uh hi. Ka ci no na ah, han ciemna pen a ki nei ciat hi a, ahi hang in a sang pen ding in ki tung kim zotuan sih, tua kawm kal ah ei ZO tate zong tai a ki dem ding a tha la i hi a, tha bang ci la ding a, bang teng ki samding ci pen ei khangtha ah kan mama kul in mu ing.
Pasien nasep na ah pilna ki sam mama a, tua zea in LST sang ka lei a hoi pen hi. Tua ma bangin minam i lapsang na ding in pilna namkim ki sam a, tua kawm kal ah gamvai (political) lam pilna in thupi pen in mu ing. Kum pi ding khat in pen a gam sung thuhun (law), kalsuan zie leh a ki tang sam lampi a tel kul leh a ngaih sut thei kul ahihi. Tun Obama pen a ma ii pilna a tom in enlei LLM (law) hi a, a zi zong law ma tawh pilna a nei mi khat a hihi .A hi zong in ei mite in U PA DII (law) pen Pasien thu tawh ki tua lo i sah mama khat a hihi. Ei ii muna a khiel zaw a deai, aw leh law pen a hoi vet lo a deai ei ma mimal in ngaih sun ciet vai. LST sang ah Pasien thu tuomtuom ki sin a, Sie Vuon sin ten mihing ii pumpi thu sin a, U pa dii leh political ten gamsung ki pua dan, ki uh dan leh mipi ii lung sim kaih dan sin uh hi. Tua ahi cieng in ahun leh a munzui a mipil kisam mama hi ci in mu ing. Ei mi ah LST sang ki thupi ngaih sut a hi cieng in pawlpi tam pi ki pha thei hi .Tua ma bang in gamvai (Politic) lam a zong tampi mipil om lei i minam leh gam a ding in khanto na om kha thei ding leh Obama bang in kumpi in a ding zo zong omkha ding in mu ing. Obama in a mau ii party ah president ang sep kha zie in, koi ma gen kul lo a, a ma otot kul lo in a mi nam in vang a nei a hi ziau a,ei mi te ii kipawl na a,"i minam i lap sang zaw na ding" ci a gender tuamtuam bawl kullo hi.Kaci nop na ah minam i lapsang na ding in ei ma mi mal kisam mama pipen a,tua ban ah kipawl na thu pi in mu ing. Mi nam golpi i hi na ding in nangleh kei thupi mama hi ci a koima po kang hat nop na hi.I ngaih sut na a ki bang lo te ki sang siam vai n ki kum zelzel vai.
PUZO suan na laizom uh
Andrew GO LIAN KAP
(TONZANG),MALAYSIA
Source: PU ZO
.::. All my articles can be view here: MELTED HEARTS .::.
![Reblog this post [with Zemanta]](http://img.zemanta.com/reblog_a.png?x-id=a8d6dd8e-5eb7-4f92-8d9a-58a00681431c)
Bang dingei ci leh leitung sumsuina (sipuayii, Business) pen a mau ii khutsung a om a hihi. Tam mi President OBAMA zie aa, a mi nam in zong vang neituom mama a, zong ki thupimu tuom mama hi. Leitung bup in zong minam ii thupina leh mihing ii vun ki khen nate ah ang kiam tuom mama a, tam mi gam bang in napi in et-te mama uh hi.Tun le bang kammal in ang ging ta ei cileh " mivom te in leitung uh ta" cikammal ang ging ta hi. Tua ahi zie in a thu i lim kan mama kul leh nai ngan yii (political) i ci bang hi a, bang ci bang dan ci kan huaimama a, en zong tua te tung leh i minam tung ah a zathuai kalsuan nate i la ding in thupi mama in mu ing.
"Mivom ten leitungbup uh ta" ci kammalpen a maan a bat hangin a manlo khat leh ahi lo khat a hihi. Bang ding ei ci leh tammi Obama te ii kipawl na Dioicratic party pen mi vom te kipawlna hilo a, mi namkim kipawl na hi in a mau ii ngimna leh gel nate mipi tung ah a gen cieng un, mipi in "tam mite ii gelna in i gam khan to na ding leh, ki lem nading piang sah kha ding uh hi" ci upna a nei zie uh a, me (vote) pie uh hi lel a, tua ki pawlna sung ah, mipil tampi kawm kal ah Obama pen muon huai sa, picing sa leh muonta sa uh a hi zie in a mau kipawlna Party makai a ki zang in, a mau in me kuong lui na ah a tam pen ang nga tah uh cieng a, a ma makai pi pen kumpi ang hi ci na hi zaw a, a ma nei ah mikang, mivom, misan na sem a dim pi a om veve ahi hi. Tua ahi ciang in "mivon ten lei tung a uh " hi lo a, mivom te zong US kumpi lah ah ang ki halthei ta hi zaw a ei a ding in et-te huoi tampi om in um ing.
President Obama ii pien na leh a khan khua pen kei sang in nohaw inn tamtel zaw va uh cin a ma ii khan dan leh om zie te ah eimi a ding in et-te huoi tampi om in mu ing. Ei mi sung ah pawlpi tuomtuom lah ah i pawl pi ciet pan in pilna sang pipi ang om cieng in a koi mapo in ki ang tangmama a, i minam a ding in zong vang ki nei mama tuom hi. Ahi hang in tua pen Pasien thulam ahi ceing in bie na (religion) lam ah beh a hi bo hi. Ei mi pen i mit ang ki hon leh i khaw thei pen za ni deuh cilei khialna om lo kha in um ing, a deudeu in ei kawlgam ah pen Pilna (education) lampen a tha nem ding leh bangma theilo ding a, ei kipan ta kawmkal ah eimama in zong i mu na a neu luot zie'n mi nua mi ma ki pha lo hi. A tam zaw ii muna ah tan 10 (matriculation) ong (pass) lote pen, lampi tawp a ki tuot in lo ho ding a ki mu pai hi. Tan 10 ong te pen mipil ding leh mi lian ding in a ki lamen mama a hihi. A khial lo tawh a ki bat hang in man lo vet se hi. Tan 10 ong lo te in a zum phual na in Laisiangtho sang ka in buai a gol a neu ki la hi. Tua pen ka sang ka lai a, tang val khel pawlkhat in la a sah thei a hi " doh kah dawh meng mah, ma ya yin phong yii wat me" a ci tawh kibang sa ing.
Tun le khanto na ahilo hang in i mit ang ki hong deuh in LST sang ka lampen ki nah sah mama ta in tua zie in zong mi i pha nailo vang in pawl pi tuomtuom khan to na in ki nei a, tun khuo khat ah inn a tam lo hang in pawl pi ang khang toto a, pawl pi pen a be na ngawn in ki pawl thei ta hi. I minam pen kilamsang nuamciet a, ahi zong in a minthang minam pen hamsa mama hi. Sen (China) te zong leitung ah sumsuina (economic) lam leh a tuomtuom ah a maukhom a, hat a kisa mama leh pilna lam a zong thahat a kisa mama hina pi in, ahi hang in gamthulam (Politic) lam ah tha tang ah thahat zotuan lo hi. Ei Asia gam ah pen tha tang a nei na cieng uh om tei in ahi hang in Europe gam te in nau pang bang in ei mu lai uh hi. Ka ci no na ah, han ciemna pen a ki nei ciat hi a, ahi hang in a sang pen ding in ki tung kim zotuan sih, tua kawm kal ah ei ZO tate zong tai a ki dem ding a tha la i hi a, tha bang ci la ding a, bang teng ki samding ci pen ei khangtha ah kan mama kul in mu ing.
Pasien nasep na ah pilna ki sam mama a, tua zea in LST sang ka lei a hoi pen hi. Tua ma bangin minam i lapsang na ding in pilna namkim ki sam a, tua kawm kal ah gamvai (political) lam pilna in thupi pen in mu ing. Kum pi ding khat in pen a gam sung thuhun (law), kalsuan zie leh a ki tang sam lampi a tel kul leh a ngaih sut thei kul ahihi. Tun Obama pen a ma ii pilna a tom in enlei LLM (law) hi a, a zi zong law ma tawh pilna a nei mi khat a hihi .A hi zong in ei mite in U PA DII (law) pen Pasien thu tawh ki tua lo i sah mama khat a hihi. Ei ii muna a khiel zaw a deai, aw leh law pen a hoi vet lo a deai ei ma mimal in ngaih sun ciet vai. LST sang ah Pasien thu tuomtuom ki sin a, Sie Vuon sin ten mihing ii pumpi thu sin a, U pa dii leh political ten gamsung ki pua dan, ki uh dan leh mipi ii lung sim kaih dan sin uh hi. Tua ahi cieng in ahun leh a munzui a mipil kisam mama hi ci in mu ing. Ei mi ah LST sang ki thupi ngaih sut a hi cieng in pawlpi tam pi ki pha thei hi .Tua ma bang in gamvai (Politic) lam a zong tampi mipil om lei i minam leh gam a ding in khanto na om kha thei ding leh Obama bang in kumpi in a ding zo zong omkha ding in mu ing. Obama in a mau ii party ah president ang sep kha zie in, koi ma gen kul lo a, a ma otot kul lo in a mi nam in vang a nei a hi ziau a,ei mi te ii kipawl na a,"i minam i lap sang zaw na ding" ci a gender tuamtuam bawl kullo hi.Kaci nop na ah minam i lapsang na ding in ei ma mi mal kisam mama pipen a,tua ban ah kipawl na thu pi in mu ing. Mi nam golpi i hi na ding in nangleh kei thupi mama hi ci a koima po kang hat nop na hi.I ngaih sut na a ki bang lo te ki sang siam vai n ki kum zelzel vai.
PUZO suan na laizom uh
Andrew GO LIAN KAP
(TONZANG),MALAYSIA
Source: PU ZO
.::. All my articles can be view here: MELTED HEARTS .::.
No comments:
Post a Comment