Tg. Kammuanmung (MPhil. 4th Sem)
South-East Asia gam -- Thailand, Malaysia, Singapore, Indonesia leh adangdangte toh kizopna hoihtak neih ding tupna toh India in Prime Minister Narasimha Rao hunlai 1992 in "Look East Policy" chih minvoh in pan anala panta hi. Myanmar pen gam poimoh mahmah khat ahi chih thei in India in Look East Policy tungtawn in India-Myanmar kizopna hatsak semna ding in pan nasatak in ala hi.
Tuachi'n kum 30 sung vingveng kinungngat a, kizopna mumal neilou India leh Myanmar kizopna in hoih lam nawt hiaihiai in pangkhawm a nasep pat in a omta hi. Hih gam tegel na thupitak semkhawm dinga theihtawp suah a pan alak laitak un, a nasep un a sepna uh gam sunga teng Zomite tungah bang tun ding ahia chih Zomite'n i theih a kul in a poimoh hi. Kawlgam-Vaigam kumpite vaihawmna leh kizoptuahna in i hinkhua hah sukkhak (impact) lai mahmah ahihman in, hih gam nihte sep-leh-bawlte in Zomite a ding in gen lian nei mahmah mai hi.
Sahkhua hi'n tawndan hitaleh a kinaih mahmah India leh Myanmar in khangthu zong sawtpi ana kitaang uhi. British-te uk lai a British India a om in, Government of India Act, 1935 thupukna dungzui in 1937 in India apan Burma khenkhiat in ana om pan hi. 15th August 1947 leh 4th January 1948 a zalenna a muh un, India leh Burma in gamsung vaihawmna dingin democracy ana tel tuak uhi. Prime Minister masapen Jawaharlal Nehru leh Unu in ngaihdan kibang tampi nei in, theihphak louh lai apan India leh Myanmar ki-unauna zop touh zel in ana om hi. Burma in kum 14 bek democracy paipih zou in, 1962 in Sepaih vaihawmna (military rule) ah ana puk hi. Sepaih thahatna toh vai hong hawm General Ne Win in "Burma for Burmans" chih thugin khauhtaka paipih in gamdangmite bawlsiatna nasep apan hi. Tuachi'n Burma leh India gam khat ahihlai a India mi tampi Burma ana lutte, guptuam-paihtuam nei General Ne Win vaihawm haksatna thuaktute (victims) ahong hita uhi. Tuchianga Myanmar zawnna ziakte laka khat ahihleh India mipil leh mihau Burma ana taisante nasep sem ding Burma mi aom louh ziak ahi. General Ne Win in India mi tampi ana delhkhiat bek hilou in 1962 India-China War (gal) ah zong China ana panpih hi.
1962 military coup (thaguma vaihawmna laksak) ziaka Burma gam vaihawmtu leh vaihawmdan kikhekna in India leh Burma kizopna hahtak in a suasia hi. Hih Burma a siltung pen democracy gam ahi India in a pakta mawngmawng kei hi. Tuachi'n General Ne Win vaihawmna in India leh Burma a dingin kikhenna tun in, Burma leh China pankhawmna dinga kot hongtu a suakta hi. Gam tamtakte'n democracy subei a sepaih vaihawmna (military rule) tungding General Ne Win mohpaih in, a gamsungmite democracy deih in kiphin den uhi. Hibang hun haksa a panpih a poimoh laitaka thautang-thauvui sum-leh-pai toh ana panpih China tungah Pu Ne Win lungdamna a lian mahmah hi. Democracy deih a kiphin sangtamtakte sukmitna dinga lampi omsun chu thautang-thauvui zanga nasep ana hi mai dan ahi.
Kum sawtpi dengdel taka kizopna suk hoih kik ding tupna toh 1992 kum a patkhiat a ana om Look East Policy in masawn zel in 1994 kum in India leh Myanmar in kitheihsiamtuahna thukhun (Memorandum of Understanding) suai a kai uhi. Ahin, India leh Myanmar kizopna taktak pen 2000 kum a State Peace and Development Council(SPDC) Vice-Chairman General Maung Aye in India a vehna pana hong piangkhia ahi deuh hi. Maung Aye khualzinna gam nih kumpi liante kivehtuahna in a zui toutou hi. SPDC Chairman, Senior- General Than Shwe in 2004 in India vehna nei in, India President minthang tak Pu Abdul Kalam zong 2006 in Myanmar ah va hoh hi. April 2007 in Myanmar Army palai 18 ten Brigedier General Tin Muang Ohn lamkaihna nuai ah India vehna nei uhi. Indian External Affairs Minister Pranab Mukherjee in zong 2007 mah in Myanmar vehna va nei hi. Hih kivehtuahnate ah Myanmar in India subuai singnuaimite a gamsunga omsak lou ding ahihdan thuchiam nei thakthak hi. India in sum-leh-pai banah galvan tuamtuam in Myanmar ana panpih hi. A galvan piakte lakah 35 mm gun, helicopter, MIG Fighter-te zong pang hi.
India pan hah lakna ziakin February 2001 in Moreh-Tamu-Kalemyo lampi honkhiat in a om hi. Zomi innkuan tamkak a ding in hih Moreh-Tamu trade centre hinna nak (lifeline) a suakta hi. Gam thum kawmtuah ding lampi India-Myanmar-Thailand (Trilateral Highway) zong bawl dinga lemsak ahita hi. Gam nga kipawlkhawm —Bangladesh, India, Myanmar, Sri Lanka, Thailand Economic Cooperation (BIMSTEC) te'n hih lampi bawl di tup (project) khat in nei uhi. Jiribam apan a Moreh tuan a Tamu lut ding Rel lampi Trans-Asian Railway bawlna ding India in namdetna March 8, 2007 in a neita hi. July 27, 2004 in zong India in Myanmar railway khantouhna ding in panpihna $56.358 million ana chiamta hi. $100 million bei a kibawl ding Kaladan River Multi-Modal Transort Project ah India lunglut mahmah hi. Hih project nuai ah India suahlam longkhawlnate (seaports) toh Myanmar longkhawlna Sittwe Port kikawmtuahna khansakna dinga panlak hi ding hi. Bay of Bengal tuipi suahlam leh tumlam a om Myanmar leh India a dingin hih tuipi tunga kikawmna poimoh leh manpha tak ahi.India in Myanmar a dingin IT Park khat Mandalay ah a bawlsak ding banah e-learning centre khat tuak zong Yangon leh Mandalay a bawlsak ding hi.
Hih atunga kigen lampite zoh ahih chiangin a gam mite a dinga phattuamna lianpi a tut ding lamet a huai hi. Kawlgam-Vaigam a kithehthang Zosuante kikawmtuahna baihlam deuhdeuh in, gamgi kantan a khualzinna nuamtak a neih ahih hun hong tung ding hi. Tua hun chiangin i gamsunga piang nate gamdang ah haksa lou tak in zuak theih hita ding hi. Moreh leh Tamu poimohna khangtou zel ding ahihman in, mun poimohte lei thei bang i om leh kideihsakhuai mahmah ding hi.
India leh Myanmar kinaihsaktu dang khat ahihleh energy -- oil(thautui) leh gas kileituahna ahi. Leitung a thautui leh gas zang tampente lak a 6na pang India in gas hau mahmah Myanmar apan gas atam thei pen in lei ut hi.Tu a banga a pai touh zelleh Myanmar in kum 38 daih ding gas ah nei hi. Technology(khawl nasepna) toh gas tampi lak theih ding omlaite India in a enlah mahmah hi.Tulaitak in India solkal etkol (public sector undertaking)--Oil and Natural Gas Commission Videsh Ltd. (ONGC) leh Gas Austhority of India(GAI) in Rakhine State, Myanmar ah thautui leh gas lakhia in nasem uhi.
North-East India buainate sukveng ahih a, muanna leh bitna tunding ahihtheihna dingin Myanmar panpihna poimoh mahmah hi. A gamsunga singnuaimi kibute delkhia dingin India in Myanmar a phutphut hi. Ahin, tamveipi delkhia dinga thuchiam a neihnung uh tutan in Myanmar gamsung singnuaimite bitna ahi zing nalai hi. 2003 "Operation All Clear" a Bhutan in a gam sunga singnuaimite gitta(vasa) ben a ben banga Myanmar in zong khatvei tei a gamsunga singnuaimite delhkhiatna dinga pan a lak sam ding India kinepna ahi. Myanmar in India lametna a sukpichinga singnuaimite a hong kap leh Manipur phaizang singnuaimi Myanmar a busate zong kap a omte lak ah pang ding uhi. Kap ahih ngeingei uleh a hong ngiamkiat mahmah ding uhi. Manipur phaizang singnuaimite ngiamkiatna pen Manipur Zosuante a dingin muanna leh bitna hi ding hi.
A bomb kamte (landmines) uh ziakin sihna i tuak ua, pawt/van pua a ut dandan a zak i hih ban uah i numeite bawlsiat sak in i om uhi, ahin bangmah i loh zou kei uhi. Myanmar in a gamsunga singnuaimite a hong kapkap chiangin Zomite a dingin bangtan hiam beek muanna leh bitna a hong tut ding lamet huai hi.
Look East Policy a dingin mun poimoh leh kilangh mahmah nih ah om hi.Tuate ahihleh Moreh leh Tamu ahi uhi. Moreh pen India apan a South-East Asia gamte zuan a mantawm leh baihlam taka pawtkhiat theihna pen ahi a, Tamu ahihleh India apan South-East Asia lutna dinga gamdang kituan masapen ahi. Hih India leh Myanmar a om mun poimoh tegel mundang gamdang hilou in i pu i pa apan chimlou a ahoihdan leh anopdan ih na sak sak uh Zogam ih chi na mun mah hi veve hi. Tua ahiman in Look East Policy a dingin Zogam leh Zomite in poimohna lianpi kinei hi i chi thei uhi. Na kisemte in zong Zomite hah sukkhak (impact) mahmah ding chihna ahi. Mizoram a om Champhai zong mun poimoh dang khat ahi. Ei lawi in i genthang mahmah uh Behiang-Tedim lampi pen mun poimohte kigenna lakah pang tawm mahmah mai hi.
India in (atunga Zogam i chih) North-East India leh Myanmar hizahtaka a limsakna bang ziak hi ding e chih ngaihsun tham khat ahi. Leitung huih laandan i et chiangin India lunglutna a theih haksa het kei hi. A gammite itna leh deihsakna ziak zong ahi khol kei a, India in lunglutna ziak poimohtak thum anei hi:
1) India in Myanmar sawtpi alimsak louh hun sungin agalpa chihtheih khop a a kidempih China in Myanmar gam toh kizopna hoihtak bawl in hamphatna teng zong ana kitan hi. India in Myanmar hausatna – thautui (oil leh gas) leh a dangte China in a zal a zou banga a zou zouhlouh ahihman in,China hamphatna a thangsiat hi. Tua bek hilou in Bay of Bengal tuipi suahlam a om Myanmar naval base (tuitung sepaih munpite) apan China in Bay of Bengal tuipi a India lalna a sukbuai khak ding India lauthawngna ahi. Myanmar in poimohna hibang nei ahihman in India in a gal bawl sangin a pawl bawl zawk ngai hi. A gaal bawl laisiah a teu deuhdeuh dinga, China a tuitum deuhdeuh ding hi. India in amah a teu khawk asak sangin zong China tuitum pen khawk asa zaw hi; China a hat laisiah India a ding a lauhuai ahihman in. Hibang thute ziak ahi ningkum 2007 a Myanmar kumpi in democracy deih pawl hiamngam taka a sukmit lai a democracy kiletsakpih India in a dem ngam taktak louhna.
2) Abul a kigensa bangin gam khangtou mahmah South-East Asia gamte toh van kileituaha kizopna (trade relations) India a dingin sum naak khat ahi. Hibang a gam poimohte India pana lutna dinga lampi/gam omsun Myanmar pen India a dingin poimoh mahmah hi.
3) North-East India a singnuaimi Myanmar a kibute douzoh na ding leh Myanmar apan khamtheih aguk a hong kipawlutte dal zoh ahihna dingin Myanmar kumpi panpihna India in poimoh hi. Look East Policy sukpiching ahihna ding India leh Myanmar (adiak in Myanmar) tungah kinga lian mahmah hi. Tuchiangtan in Myanmar in India sangin China limsak zaw in India adingin muantaak in om thei nai lou hi. Kum 16 vingveng panlak ahih nung in zong khantouhna leh masawnna taktak muh ding om nai lou hi. North-East a laisiam tam takin "Look East Policy " in ahoih lam sangin a sia lam hong tun zaw ding hi chi'n dem uhi. Ahin, silteng asia lam vive a et dik khin sam lou ding hi. Leitung kikhel hattak khanga teng i hihna ah ei zong i ki khek touhtouh theih ngai ding hi.I gamsung a na kisem sawmte thei kawmin Look East Policy in Zomite adingin bang ahong puak ei chih i na en tou zel ding uhi. I zaksiam leh i phattuampih tham ding uhi.
- Kammuanmung
(MPhil. 4th Sem)
School of International studies
Russian and Central Asian studies
Jawaharlal Nehru university
Source: VISIT PU-ZO.COM
.::. All my articles can be view here: MELTED HEARTS .::.
![Reblog this post [with Zemanta]](http://img.zemanta.com/reblog_a.png?x-id=7dbd653c-2f2c-4f8a-8b27-15d1755625f4)
South-East Asia gam -- Thailand, Malaysia, Singapore, Indonesia leh adangdangte toh kizopna hoihtak neih ding tupna toh India in Prime Minister Narasimha Rao hunlai 1992 in "Look East Policy" chih minvoh in pan anala panta hi. Myanmar pen gam poimoh mahmah khat ahi chih thei in India in Look East Policy tungtawn in India-Myanmar kizopna hatsak semna ding in pan nasatak in ala hi.
Tuachi'n kum 30 sung vingveng kinungngat a, kizopna mumal neilou India leh Myanmar kizopna in hoih lam nawt hiaihiai in pangkhawm a nasep pat in a omta hi. Hih gam tegel na thupitak semkhawm dinga theihtawp suah a pan alak laitak un, a nasep un a sepna uh gam sunga teng Zomite tungah bang tun ding ahia chih Zomite'n i theih a kul in a poimoh hi. Kawlgam-Vaigam kumpite vaihawmna leh kizoptuahna in i hinkhua hah sukkhak (impact) lai mahmah ahihman in, hih gam nihte sep-leh-bawlte in Zomite a ding in gen lian nei mahmah mai hi.
Sahkhua hi'n tawndan hitaleh a kinaih mahmah India leh Myanmar in khangthu zong sawtpi ana kitaang uhi. British-te uk lai a British India a om in, Government of India Act, 1935 thupukna dungzui in 1937 in India apan Burma khenkhiat in ana om pan hi. 15th August 1947 leh 4th January 1948 a zalenna a muh un, India leh Burma in gamsung vaihawmna dingin democracy ana tel tuak uhi. Prime Minister masapen Jawaharlal Nehru leh Unu in ngaihdan kibang tampi nei in, theihphak louh lai apan India leh Myanmar ki-unauna zop touh zel in ana om hi. Burma in kum 14 bek democracy paipih zou in, 1962 in Sepaih vaihawmna (military rule) ah ana puk hi. Sepaih thahatna toh vai hong hawm General Ne Win in "Burma for Burmans" chih thugin khauhtaka paipih in gamdangmite bawlsiatna nasep apan hi. Tuachi'n Burma leh India gam khat ahihlai a India mi tampi Burma ana lutte, guptuam-paihtuam nei General Ne Win vaihawm haksatna thuaktute (victims) ahong hita uhi. Tuchianga Myanmar zawnna ziakte laka khat ahihleh India mipil leh mihau Burma ana taisante nasep sem ding Burma mi aom louh ziak ahi. General Ne Win in India mi tampi ana delhkhiat bek hilou in 1962 India-China War (gal) ah zong China ana panpih hi.
1962 military coup (thaguma vaihawmna laksak) ziaka Burma gam vaihawmtu leh vaihawmdan kikhekna in India leh Burma kizopna hahtak in a suasia hi. Hih Burma a siltung pen democracy gam ahi India in a pakta mawngmawng kei hi. Tuachi'n General Ne Win vaihawmna in India leh Burma a dingin kikhenna tun in, Burma leh China pankhawmna dinga kot hongtu a suakta hi. Gam tamtakte'n democracy subei a sepaih vaihawmna (military rule) tungding General Ne Win mohpaih in, a gamsungmite democracy deih in kiphin den uhi. Hibang hun haksa a panpih a poimoh laitaka thautang-thauvui sum-leh-pai toh ana panpih China tungah Pu Ne Win lungdamna a lian mahmah hi. Democracy deih a kiphin sangtamtakte sukmitna dinga lampi omsun chu thautang-thauvui zanga nasep ana hi mai dan ahi.
Kum sawtpi dengdel taka kizopna suk hoih kik ding tupna toh 1992 kum a patkhiat a ana om Look East Policy in masawn zel in 1994 kum in India leh Myanmar in kitheihsiamtuahna thukhun (Memorandum of Understanding) suai a kai uhi. Ahin, India leh Myanmar kizopna taktak pen 2000 kum a State Peace and Development Council(SPDC) Vice-Chairman General Maung Aye in India a vehna pana hong piangkhia ahi deuh hi. Maung Aye khualzinna gam nih kumpi liante kivehtuahna in a zui toutou hi. SPDC Chairman, Senior- General Than Shwe in 2004 in India vehna nei in, India President minthang tak Pu Abdul Kalam zong 2006 in Myanmar ah va hoh hi. April 2007 in Myanmar Army palai 18 ten Brigedier General Tin Muang Ohn lamkaihna nuai ah India vehna nei uhi. Indian External Affairs Minister Pranab Mukherjee in zong 2007 mah in Myanmar vehna va nei hi. Hih kivehtuahnate ah Myanmar in India subuai singnuaimite a gamsunga omsak lou ding ahihdan thuchiam nei thakthak hi. India in sum-leh-pai banah galvan tuamtuam in Myanmar ana panpih hi. A galvan piakte lakah 35 mm gun, helicopter, MIG Fighter-te zong pang hi.
India pan hah lakna ziakin February 2001 in Moreh-Tamu-Kalemyo lampi honkhiat in a om hi. Zomi innkuan tamkak a ding in hih Moreh-Tamu trade centre hinna nak (lifeline) a suakta hi. Gam thum kawmtuah ding lampi India-Myanmar-Thailand (Trilateral Highway) zong bawl dinga lemsak ahita hi. Gam nga kipawlkhawm —Bangladesh, India, Myanmar, Sri Lanka, Thailand Economic Cooperation (BIMSTEC) te'n hih lampi bawl di tup (project) khat in nei uhi. Jiribam apan a Moreh tuan a Tamu lut ding Rel lampi Trans-Asian Railway bawlna ding India in namdetna March 8, 2007 in a neita hi. July 27, 2004 in zong India in Myanmar railway khantouhna ding in panpihna $56.358 million ana chiamta hi. $100 million bei a kibawl ding Kaladan River Multi-Modal Transort Project ah India lunglut mahmah hi. Hih project nuai ah India suahlam longkhawlnate (seaports) toh Myanmar longkhawlna Sittwe Port kikawmtuahna khansakna dinga panlak hi ding hi. Bay of Bengal tuipi suahlam leh tumlam a om Myanmar leh India a dingin hih tuipi tunga kikawmna poimoh leh manpha tak ahi.India in Myanmar a dingin IT Park khat Mandalay ah a bawlsak ding banah e-learning centre khat tuak zong Yangon leh Mandalay a bawlsak ding hi.
Hih atunga kigen lampite zoh ahih chiangin a gam mite a dinga phattuamna lianpi a tut ding lamet a huai hi. Kawlgam-Vaigam a kithehthang Zosuante kikawmtuahna baihlam deuhdeuh in, gamgi kantan a khualzinna nuamtak a neih ahih hun hong tung ding hi. Tua hun chiangin i gamsunga piang nate gamdang ah haksa lou tak in zuak theih hita ding hi. Moreh leh Tamu poimohna khangtou zel ding ahihman in, mun poimohte lei thei bang i om leh kideihsakhuai mahmah ding hi.
India leh Myanmar kinaihsaktu dang khat ahihleh energy -- oil(thautui) leh gas kileituahna ahi. Leitung a thautui leh gas zang tampente lak a 6na pang India in gas hau mahmah Myanmar apan gas atam thei pen in lei ut hi.Tu a banga a pai touh zelleh Myanmar in kum 38 daih ding gas ah nei hi. Technology(khawl nasepna) toh gas tampi lak theih ding omlaite India in a enlah mahmah hi.Tulaitak in India solkal etkol (public sector undertaking)--Oil and Natural Gas Commission Videsh Ltd. (ONGC) leh Gas Austhority of India(GAI) in Rakhine State, Myanmar ah thautui leh gas lakhia in nasem uhi.
North-East India buainate sukveng ahih a, muanna leh bitna tunding ahihtheihna dingin Myanmar panpihna poimoh mahmah hi. A gamsunga singnuaimi kibute delkhia dingin India in Myanmar a phutphut hi. Ahin, tamveipi delkhia dinga thuchiam a neihnung uh tutan in Myanmar gamsung singnuaimite bitna ahi zing nalai hi. 2003 "Operation All Clear" a Bhutan in a gam sunga singnuaimite gitta(vasa) ben a ben banga Myanmar in zong khatvei tei a gamsunga singnuaimite delhkhiatna dinga pan a lak sam ding India kinepna ahi. Myanmar in India lametna a sukpichinga singnuaimite a hong kap leh Manipur phaizang singnuaimi Myanmar a busate zong kap a omte lak ah pang ding uhi. Kap ahih ngeingei uleh a hong ngiamkiat mahmah ding uhi. Manipur phaizang singnuaimite ngiamkiatna pen Manipur Zosuante a dingin muanna leh bitna hi ding hi.
A bomb kamte (landmines) uh ziakin sihna i tuak ua, pawt/van pua a ut dandan a zak i hih ban uah i numeite bawlsiat sak in i om uhi, ahin bangmah i loh zou kei uhi. Myanmar in a gamsunga singnuaimite a hong kapkap chiangin Zomite a dingin bangtan hiam beek muanna leh bitna a hong tut ding lamet huai hi.
Look East Policy a dingin mun poimoh leh kilangh mahmah nih ah om hi.Tuate ahihleh Moreh leh Tamu ahi uhi. Moreh pen India apan a South-East Asia gamte zuan a mantawm leh baihlam taka pawtkhiat theihna pen ahi a, Tamu ahihleh India apan South-East Asia lutna dinga gamdang kituan masapen ahi. Hih India leh Myanmar a om mun poimoh tegel mundang gamdang hilou in i pu i pa apan chimlou a ahoihdan leh anopdan ih na sak sak uh Zogam ih chi na mun mah hi veve hi. Tua ahiman in Look East Policy a dingin Zogam leh Zomite in poimohna lianpi kinei hi i chi thei uhi. Na kisemte in zong Zomite hah sukkhak (impact) mahmah ding chihna ahi. Mizoram a om Champhai zong mun poimoh dang khat ahi. Ei lawi in i genthang mahmah uh Behiang-Tedim lampi pen mun poimohte kigenna lakah pang tawm mahmah mai hi.
India in (atunga Zogam i chih) North-East India leh Myanmar hizahtaka a limsakna bang ziak hi ding e chih ngaihsun tham khat ahi. Leitung huih laandan i et chiangin India lunglutna a theih haksa het kei hi. A gammite itna leh deihsakna ziak zong ahi khol kei a, India in lunglutna ziak poimohtak thum anei hi:
1) India in Myanmar sawtpi alimsak louh hun sungin agalpa chihtheih khop a a kidempih China in Myanmar gam toh kizopna hoihtak bawl in hamphatna teng zong ana kitan hi. India in Myanmar hausatna – thautui (oil leh gas) leh a dangte China in a zal a zou banga a zou zouhlouh ahihman in,China hamphatna a thangsiat hi. Tua bek hilou in Bay of Bengal tuipi suahlam a om Myanmar naval base (tuitung sepaih munpite) apan China in Bay of Bengal tuipi a India lalna a sukbuai khak ding India lauthawngna ahi. Myanmar in poimohna hibang nei ahihman in India in a gal bawl sangin a pawl bawl zawk ngai hi. A gaal bawl laisiah a teu deuhdeuh dinga, China a tuitum deuhdeuh ding hi. India in amah a teu khawk asak sangin zong China tuitum pen khawk asa zaw hi; China a hat laisiah India a ding a lauhuai ahihman in. Hibang thute ziak ahi ningkum 2007 a Myanmar kumpi in democracy deih pawl hiamngam taka a sukmit lai a democracy kiletsakpih India in a dem ngam taktak louhna.
2) Abul a kigensa bangin gam khangtou mahmah South-East Asia gamte toh van kileituaha kizopna (trade relations) India a dingin sum naak khat ahi. Hibang a gam poimohte India pana lutna dinga lampi/gam omsun Myanmar pen India a dingin poimoh mahmah hi.
3) North-East India a singnuaimi Myanmar a kibute douzoh na ding leh Myanmar apan khamtheih aguk a hong kipawlutte dal zoh ahihna dingin Myanmar kumpi panpihna India in poimoh hi. Look East Policy sukpiching ahihna ding India leh Myanmar (adiak in Myanmar) tungah kinga lian mahmah hi. Tuchiangtan in Myanmar in India sangin China limsak zaw in India adingin muantaak in om thei nai lou hi. Kum 16 vingveng panlak ahih nung in zong khantouhna leh masawnna taktak muh ding om nai lou hi. North-East a laisiam tam takin "Look East Policy " in ahoih lam sangin a sia lam hong tun zaw ding hi chi'n dem uhi. Ahin, silteng asia lam vive a et dik khin sam lou ding hi. Leitung kikhel hattak khanga teng i hihna ah ei zong i ki khek touhtouh theih ngai ding hi.I gamsung a na kisem sawmte thei kawmin Look East Policy in Zomite adingin bang ahong puak ei chih i na en tou zel ding uhi. I zaksiam leh i phattuampih tham ding uhi.
- Kammuanmung
(MPhil. 4th Sem)
School of International studies
Russian and Central Asian studies
Jawaharlal Nehru university
Source: VISIT PU-ZO.COM
.::. All my articles can be view here: MELTED HEARTS .::.
No comments:
Post a Comment