Churachandpur district ah pau-le-ham kitheituah ngen banah chindan leh tawndan kigamla hetlou ngen nam ‘tuamtuam’ i teng khawm neinai ua, i tawm hu un lam chiteng ah mi nuai a leng lawmlawmlou kei ua, i fel mahmah uhi. Sorkar in omlouh phutna bang neita zenzen lehleng, ei leh ei kivaihawm a, buai hetlou a khosa thei mai ding leng i bang hial uhi. Innsung kivaipuakna banah, a neilou pawl om tham mahleh, Inndongta bang i nei ua, buaina leh haksatna i tuah chiang un leng a tangpi in Inndongta vai in i suveng zou mahmah uhi.
Siamsinna lam toh kisai in leng nam teng in student organization i kineih tuam chiat ua, huaite khaikhawmtu ding bang leng i nei sawnsawn lai uhi. Phatuamngai pawlpi lam ah leng nam teng mah in philantrophic organization i kineih chiat ua, huaite khaikhawmtu ding leng i nei nawn sawnsawn zel uhi. Huai mah bang in, nam vai ah leng nam teng in tribe council/tribe union ahihkeileh ‘national’ chih tanpha minpu thei ding pawlpi bang leng i nei chiat ua, ‘national’ level a khaikhawmtu bang leng om nawn sawnsawn lai hi. Hiai teng mai in a bei naikei a, a poimoh leh thagum tanpha zang thei ding leng a om lai uhi. Saptuam pichingtaktak leh hat mahmah tamtak omte, youth club tuamtuamte leh village authority-te gen nailouh hi zomah ahihman in, hiai bang dinmun ah bel i district uah diktatlou, golhguk ching/nekguk-takguk ching leh migiloute a di’n mun awngkei leh a kilawm hi. Himahleh, i gam dinmun thei chiat i hihna uah, tua bang dinmun i tun ziak uh bang ziak hiding hiam chih i ngaihsut chiang in kuaman mahni mohpuakna zoulou hiam, ahihkeileh, mahni sep ding semkhalou hiam, ahihkeileh, hun tamtak ah dan dungzui a gamtang theite kiang a mohpuakna piak tuakte piaknachang i theihlouh ziak uh hiam hidi’n a gintakhuai hi.
India gamsung leh a Danbupi nuai a khosa i hihna uah, bangchituk in kivaipuakdan feltak nei teltal mahlehang, India Danbupi dungzui a thuneihna taktak (legitimate) tawite pumpelh a nasep bel a venzoh taktak louhna tampitak om nak sek ahi. A diak in, police bang poimohlou hileh kilawm in mipite mahmah leng i om ua, a police-te mah in leng nna/sep ding a tawm theilam deih ahihna uah zawl zek louh in bel station nutsiat sawm khollou sek uhi. Mipite’n leng police naih sawm khollou, police-te’n leng mipite buaina (khau a sa deuh d’uam ah) ngaihsak khollou. A mohzaw kizon ding hileh, a dikzaw pen in zou hilou a, a ngeina mah bang a a sel hathat in zou ahihmai ngai ding ahi. Police-te moh hi’n hikeitaleh, mipite’n leng police zang in a mohpuaknate uh a sepsuahlouh-theihlouh dinmun in koih leng himai ahi. Mipite-te moh hi’n hikeitaleh, police-te’n leng, thuneihna tawi ahihna uah, a thuneihna uh zang in pan hon la le uh thil paidan hong dik mai di’n a lamethuai hi. Tu’n i district ua Superintendent of Police S. Manglemjao Singh IPS in hon kisuankhiak santa a, himahleh, vangphathuaitak in pau-le-ham, chindan-tawndan i kibatpih uh, i mi-le-sa mahmah, Jimmy Thanghaulian Gangte IPS in apaisa Kiginni in S. Manglemjao Singh IPS apat Churachandpur district Superintendent of Police hihna leh mohpuakna ana lata ahihman in kipahhuai mahmah hi. I mi-le-sa mahmah ahih banah sahkho lam ah leng Kristian mah ahi hi. Kristian kichi tamtakte sang mah a leng hatzaw, SP/CCpur mohpuakna a lak nung a leng Pastor’ thumsakna deih tenten, GBA Pastor T.C. Goupi Gangte in a thumsakma a tutna leng luahlou, a thumsak zoh a bel nasep pan ngal thei Superintendent of Police neikha i himan un a lungmuanhuai tuan mahmah hi. I mi-le-sa mahmah banah Pathian phawk Superintendent of Police i neih khak ziak mah un Churachandpur Police ah i district uh hoihna di’n kinepna leh lametna lianpi petmah kinga ahi.
Source: Editorial | The Lamka Post | February 03, 2009
.::. All my articles can be view here: MELTED HEARTS .::.
![Reblog this post [with Zemanta]](http://img.zemanta.com/reblog_a.png?x-id=a567e1b0-99c7-40c3-bc65-5a166d7f50c1)
Siamsinna lam toh kisai in leng nam teng in student organization i kineih tuam chiat ua, huaite khaikhawmtu ding bang leng i nei sawnsawn lai uhi. Phatuamngai pawlpi lam ah leng nam teng mah in philantrophic organization i kineih chiat ua, huaite khaikhawmtu ding leng i nei nawn sawnsawn zel uhi. Huai mah bang in, nam vai ah leng nam teng in tribe council/tribe union ahihkeileh ‘national’ chih tanpha minpu thei ding pawlpi bang leng i nei chiat ua, ‘national’ level a khaikhawmtu bang leng om nawn sawnsawn lai hi. Hiai teng mai in a bei naikei a, a poimoh leh thagum tanpha zang thei ding leng a om lai uhi. Saptuam pichingtaktak leh hat mahmah tamtak omte, youth club tuamtuamte leh village authority-te gen nailouh hi zomah ahihman in, hiai bang dinmun ah bel i district uah diktatlou, golhguk ching/nekguk-takguk ching leh migiloute a di’n mun awngkei leh a kilawm hi. Himahleh, i gam dinmun thei chiat i hihna uah, tua bang dinmun i tun ziak uh bang ziak hiding hiam chih i ngaihsut chiang in kuaman mahni mohpuakna zoulou hiam, ahihkeileh, mahni sep ding semkhalou hiam, ahihkeileh, hun tamtak ah dan dungzui a gamtang theite kiang a mohpuakna piak tuakte piaknachang i theihlouh ziak uh hiam hidi’n a gintakhuai hi.
India gamsung leh a Danbupi nuai a khosa i hihna uah, bangchituk in kivaipuakdan feltak nei teltal mahlehang, India Danbupi dungzui a thuneihna taktak (legitimate) tawite pumpelh a nasep bel a venzoh taktak louhna tampitak om nak sek ahi. A diak in, police bang poimohlou hileh kilawm in mipite mahmah leng i om ua, a police-te mah in leng nna/sep ding a tawm theilam deih ahihna uah zawl zek louh in bel station nutsiat sawm khollou sek uhi. Mipite’n leng police naih sawm khollou, police-te’n leng mipite buaina (khau a sa deuh d’uam ah) ngaihsak khollou. A mohzaw kizon ding hileh, a dikzaw pen in zou hilou a, a ngeina mah bang a a sel hathat in zou ahihmai ngai ding ahi. Police-te moh hi’n hikeitaleh, mipite’n leng police zang in a mohpuaknate uh a sepsuahlouh-theihlouh dinmun in koih leng himai ahi. Mipite-te moh hi’n hikeitaleh, police-te’n leng, thuneihna tawi ahihna uah, a thuneihna uh zang in pan hon la le uh thil paidan hong dik mai di’n a lamethuai hi. Tu’n i district ua Superintendent of Police S. Manglemjao Singh IPS in hon kisuankhiak santa a, himahleh, vangphathuaitak in pau-le-ham, chindan-tawndan i kibatpih uh, i mi-le-sa mahmah, Jimmy Thanghaulian Gangte IPS in apaisa Kiginni in S. Manglemjao Singh IPS apat Churachandpur district Superintendent of Police hihna leh mohpuakna ana lata ahihman in kipahhuai mahmah hi. I mi-le-sa mahmah ahih banah sahkho lam ah leng Kristian mah ahi hi. Kristian kichi tamtakte sang mah a leng hatzaw, SP/CCpur mohpuakna a lak nung a leng Pastor’ thumsakna deih tenten, GBA Pastor T.C. Goupi Gangte in a thumsakma a tutna leng luahlou, a thumsak zoh a bel nasep pan ngal thei Superintendent of Police neikha i himan un a lungmuanhuai tuan mahmah hi. I mi-le-sa mahmah banah Pathian phawk Superintendent of Police i neih khak ziak mah un Churachandpur Police ah i district uh hoihna di’n kinepna leh lametna lianpi petmah kinga ahi.
Source: Editorial | The Lamka Post | February 03, 2009
.::. All my articles can be view here: MELTED HEARTS .::.
No comments:
Post a Comment