Hau Za Cin
Phuitong Liim
Kei zong ka za hi. Tan guk ka simtan in ka nu in zan a lup ding simin thu a nget ciangin a tate min a vek a lo in thungen a, tua pen ka lupna pan ka galzaak ahi hi. Tua thungetna te ah a kigen bang hiam cih ka theih loh hangin tua thungetna pen amah a omloh zawh ciang zong tuni tanin ka mangngilh thei kei hi.
Nang na nu in nanga ding a thunget ciang na min a lawh na za kha ngei hiam?
Ahih kei leh Nu te aw, na tate adingin a gingin, amau zak dingin thu na ngetsak kha ngei hiam? Na nuntakpih lai ahi a, na sih san khit ciang ahi zongin a bilkha ah a thaam den ding 'aw' khat na nusiat ding hiam? Na nusiat nuam hiam? Na ta na it hiam? Na tate in hong phawk den leh na ut hiam? Nu aw, pa aw, tua phawk den ding kammal tampi lah ah a hoih mahmah khat pen 'thungetsakna' hi.
Hih la phuakpa in, "Ka nu in lum dingin a pai ciang a lupna gei ah khukdingin Jesu tawh kiho a, kei adingin hong thumsak in thupha hong pia a, zan gamdai ah kei adingin thu hong ngetsak hi, ci hi. A tenna khuata leh a nuntakziate thupi masa lo a, "Ka nu in Jesu kiangah ka nuntakna khempeuh a aap thu ka zak ciangin kei zong ka lungsim ka na ki-ap a, ka mawhna te Jesu in hong maisak in, mawhna pan in ka suakta ta hi, ka nu hong thungetsakna Aw ka zak man hi, ci hi.
"Ka tapa pen bang suak ding cih ka thei kei a, ahih ding bangbang ahoih pen hi sak in ciin thu a ngen hi. A thungetna kammal ka telloh hangin kei nuntakna Ama kiangah ap a, hong thungetsakna aw bek mah ka phawk lai hi.
"Tua ni a kipan ka nuntakna Jesu kiangah ka ap a, tun Ama adingin ka nungta ta hi. Ni khat ni ciangin Amah tawh kimu dingin van ah ka lengto dinga, a khut ka len ding hi. Amah in ka mawhna khempeuh hong maisak in nuntak tawntungna hong pia a, hih te khempeuh ka neihna hang pen ka Nu in hong thungetsakna Aw ka zak man hi," ci hi.
Nu thungetna hangin tate nuntakna kikhel a, Jesu adingin nungta sak hi. A muanhuai nungzui suaksak a, a pahtak huai tate suaksak hi. A nu in a nusiat khit ciang na ngawn in tua thungetna Aw te zaza lai a, a nuntak sung tawntung lampi maan a tawnsak hi.
Nute aw, na tate in nang na omloh zawh ciang in zong a zak zel dingin bang Aw na nusiat dia? Thungetna maw, midang na gensiat kiaukiauna maw, ahih kei leh na invengte tawh na kitotna kampau sia te maw? Hih laphuakpa Nu in bel a Nu thungetna kammal na phawkphawk zel hi.
Na deihsak pen nusiat in. Kham leh ngun maw, gamtat hoih maw, Jesu maw, inn leh lo maw, nek ding dawnding a kicing maw. Na deihsak penpen nusiat in.
Source: ZomiNet
Phuitong Liim
Kei zong ka za hi. Tan guk ka simtan in ka nu in zan a lup ding simin thu a nget ciangin a tate min a vek a lo in thungen a, tua pen ka lupna pan ka galzaak ahi hi. Tua thungetna te ah a kigen bang hiam cih ka theih loh hangin tua thungetna pen amah a omloh zawh ciang zong tuni tanin ka mangngilh thei kei hi.
Nang na nu in nanga ding a thunget ciang na min a lawh na za kha ngei hiam?
Ahih kei leh Nu te aw, na tate adingin a gingin, amau zak dingin thu na ngetsak kha ngei hiam? Na nuntakpih lai ahi a, na sih san khit ciang ahi zongin a bilkha ah a thaam den ding 'aw' khat na nusiat ding hiam? Na nusiat nuam hiam? Na ta na it hiam? Na tate in hong phawk den leh na ut hiam? Nu aw, pa aw, tua phawk den ding kammal tampi lah ah a hoih mahmah khat pen 'thungetsakna' hi.
Hih la phuakpa in, "Ka nu in lum dingin a pai ciang a lupna gei ah khukdingin Jesu tawh kiho a, kei adingin hong thumsak in thupha hong pia a, zan gamdai ah kei adingin thu hong ngetsak hi, ci hi. A tenna khuata leh a nuntakziate thupi masa lo a, "Ka nu in Jesu kiangah ka nuntakna khempeuh a aap thu ka zak ciangin kei zong ka lungsim ka na ki-ap a, ka mawhna te Jesu in hong maisak in, mawhna pan in ka suakta ta hi, ka nu hong thungetsakna Aw ka zak man hi, ci hi.
"Ka tapa pen bang suak ding cih ka thei kei a, ahih ding bangbang ahoih pen hi sak in ciin thu a ngen hi. A thungetna kammal ka telloh hangin kei nuntakna Ama kiangah ap a, hong thungetsakna aw bek mah ka phawk lai hi.
"Tua ni a kipan ka nuntakna Jesu kiangah ka ap a, tun Ama adingin ka nungta ta hi. Ni khat ni ciangin Amah tawh kimu dingin van ah ka lengto dinga, a khut ka len ding hi. Amah in ka mawhna khempeuh hong maisak in nuntak tawntungna hong pia a, hih te khempeuh ka neihna hang pen ka Nu in hong thungetsakna Aw ka zak man hi," ci hi.
Nu thungetna hangin tate nuntakna kikhel a, Jesu adingin nungta sak hi. A muanhuai nungzui suaksak a, a pahtak huai tate suaksak hi. A nu in a nusiat khit ciang na ngawn in tua thungetna Aw te zaza lai a, a nuntak sung tawntung lampi maan a tawnsak hi.
Nute aw, na tate in nang na omloh zawh ciang in zong a zak zel dingin bang Aw na nusiat dia? Thungetna maw, midang na gensiat kiaukiauna maw, ahih kei leh na invengte tawh na kitotna kampau sia te maw? Hih laphuakpa Nu in bel a Nu thungetna kammal na phawkphawk zel hi.
Na deihsak pen nusiat in. Kham leh ngun maw, gamtat hoih maw, Jesu maw, inn leh lo maw, nek ding dawnding a kicing maw. Na deihsak penpen nusiat in.
Source: ZomiNet
No comments:
Post a Comment