By S KAPZAMANG
BYF khoppi siim ding a mun tuamtuam pan a hong paikhawm u leh naute, kei leh ka innkuante’n Kansas City, America gam pan in na khut uh kong len uh hi. I makaite in “Na Leitung Nuntakna Kikhel In” cih thulu ding a a-teel uh teelkha uh ka sa mahmah uh a, khoppi zang ding a hong paikhawm kuamahpeuh hampha kong sa uh hi.
I leitung nuntakna kikhel kul ahihlam a-phawk makai I neih man un lungdamhuai ka sa a, I khawmpi thulu in lametna lianpi hong pia hi. Khoppi lawhcing, khoppi gahsuah, khoppi manpha ahihna ding in nang leh kei nuntakna ah kikhelna a hong tun ding kiphamawh hi. Tuni nuntakna kikhel ni I suah sak leh I khoppi lawhcing hi ding hi.
A. Tua tawh kiton in, Zomi khangnote’ theih ding a ka deihsak mahmah thu 3 in hongpan hipah le’ng:-
(1) Kikhekna kinawh semsem ding bang. Leitung ah kikhekna (change) om den a, gam khangto te ah kikhekna manlang (fast) deuhdeuh ahihlam I phawk thak ding deihhuai sa ing. I theihloh kal in tulai hun a ding a zattaak nawnlo “OUTDATED” suah theih ding bang mawk hi. Kum 6 paita a America gam ka paitung lai a Xeroxing machine a zatte uh, Desktop Computer a zatte uh, TV a zatte uh, floppy disk leh audio cassette te pawl, kizang nawnlou a, lei ding va zong le zong muh hak mahmah ta hi. Khatvei Restaurant khat a anne a ka va paina uh inn baang ah lokhawhna tu, leitohna leh sing phukna/sing atna khong a i zat uh van tuamtuam leh Meivak-table lamp, petromax, lartin leh van lui tampi a khai neeinaai uh a, bang ding a hihte inn bang a kikhai ahihiam ka cihleh, kum tampi paisa a vanzatte ahi a, mi et ding a museum a kikoih bangbang a ka koih uh hi hong ci uh hi. I lungsim uh neu sakna ding a ka gen ahi kei a, kikhekna a kin dan kong genna hi. Bangmah ngaihsaklo a khangnote i om hithiat leh a sawtlo in i septheih hong tawm lawkha ding a, miphalo a i om khak ding lauhuai ka sak man a kong gen hi.
(2) America gam ah mi’n nna hah sep mahmah uh. Kumthak ni in Nagate khat Americate tawh kitengte inn ah anne in ka vapai uh a, Lamka a BYF khoppina a a et ding uh video bawl sawm ka hihdan ka gen leh, tua Naganu’n “Hilamte nna hah sep dan gen teitei in” hong ci a, kei zong ka lungsim a om gige ahihman in kong gen ut hi. Ei gam ah sepna khat i neih leh nna dang septheihloh ding kisa tawh kibang kasa a, mi tampite in inn huan (kitchen garden) nangawn kibawl khawllo hi. School kailai leh college kai student te’n zong nasep loh ding sakha hilehang kilawm kasa hi.
America gam ah tuailaite’n kum 14-16 kiim lak pan in nasep kipan uh a, school kaima leh school tawp ciang in nna a sem uh hi. A nu-le-pate uh hauhsakna amau neihsa in ngaihsunlo uh a, amau mah in a deihte uh leina ding in nna sem in sum thalawh tangtang uh hi. Driving license kum 16 a phak uh ciang un neithei uh a, America gam a khangnote’n kum 16 a phak uh ciang ua a car leina ding uh sum lawh in a khol uh hi. Nikum a Christmas zang a ka va paina uh ka lawmte uh tapa Joshua Clement kum 16 mi in car thak na nei a, ama sum thalawhsa te zang in na lei hi. Joshua nu-le-pa hausa mahmah uh a, ahihhang in a tate uh nna sem sak in school lutma leh school kaitawp ciang in nna sem in Restaurant khawng ah sum thalawh sak uh hi.
A tuailaite bek u’n nna hah sep hilo in, miteng in nna naksep mahmah uh a, nna 2/3 sem kop a tam mahmah uh hi. Ei lam a nu-le-pa tung a ikingak dan uh college kaite bek hilo a university zawh khit nangawn a, nu-le-pa tung a I kingak dan uh holimna khong a ka gen khak ciang un, ong deihsak lawmte pawlkhat in na tuaci ua nagam uh zawng aive hong ci uh hi. Kum 18 a phak uh ciang in picing in kingaihsun uh a, a ut uh leh – zi/ pasal neikei le uh zong amau kia in innluah in a khawsa lel uh hi. M.Div. ka sinlai un ka classte uh numei khat kum 20 mi, a nu leh pa’ tanu neihsun a hong kai a, khatvei a pa’n a cinat thu za in $500 a khak leh tua nungaknu heh lua a, apa’ sum khakkik a sawm hi. Bang hang na pa’ ong sum khak khakkik sawm zezen na hiam ka cihleh, “Ka pa’n ong naupang bawl- picing hong salo hi” ci in a heh lua mawk hi. “Picing hi ing ka nu-le-pa panpih kul nawn keng” ci liuliau lel hi.
(3) America gam ah kipawlna tuamtuam tamlo: America gam ah kipawlna tuamtuam vengsung kipawlna, leh a tuamtuam ei lam banglo in tamlo a, meeting vapai kullo, function vatel kullo, sumdon omlo cihbang a a om leh thawvenhuai mahmah bang kasa hi. Ei gam ah kipawlna (organization) tuamtuam tam mahmah a, tuaman in sumdon tam, meeting leh function kihelna ding tam bek hilo in thu-le-la tam a, hun leh sum manpha tampi mangthang gige ahihlam higam a kipawlna tuamtuam a tawm dan ka ngaihsut laitak in ka lungsim ah hong om hi. I pawl tuamtuamte uh a hoihna tampi a om tei hang in, pawlkhat bel hun leh sum beisak kia hilo in, pawl tuamtuam a kikhenna hong tun lel ahi hiam ka cih pawl zong om hi. Ei lam ah bel pawl tuamtuam tam in bandh leh strike zong tam pah hi.
America gam a ka pai zawh kum 7 pha ding hita a, hih hun sung in bandh/strike ka omna city u’ah khatvei zong omlo a, nuam mahmah hi. Hong gen beh lai leng- misi a neih chiang un Misi Inn (Funeral Home) ah koih uh a, a misi innkuante’n a kiman hun uh- a kingak kim theih hun uh ni 3-6 sung khawng in vui uh hi. Sigal a mipi va pai theih hun dakkal nih khawng hong uh a, sivuina ding program ah mi kihel ding a deih uh leh deihlouh uh Newspaper ah gelh lel uh a, a misi innkuante deihdan kizui lel hi. Ei lam ah zong misi innkuante’ deihna ii zahtak sak a, nai-khat nai-nih maw ahihkeileh a kul leh zong nikhat ninih beek i ngak pih theih hun ding uh ngaklahhuai sa mahmah ing.
B. America gam pan in Zomi leh Zogam gaal et ciang in awlmawh tam mahmah a, tuate lak pan in point 3 hong gen ning maw.
(1) America gam ah khawtual mi tawh kibang in ki-om thei pah a, nang napau tuam, na mel tuam ko mi hikeiteh hong cilo uh a, khawtual mi mah kibang suk pah lel ahihman in nuam mahmah hi. Topa’n minam tuamtuam, pau tuamtuam leh vun (skin) color tuamtuam bawl ahihlam telsiam pha diak uh hi in ka thei hi. Ei zong Topa’ deihna a tel siam ding leh I lungsim uh lian sak ding in Topa’n thupha hong pia hen! Eimi i cih zong lian sak in, ei pau i cih zong lian sak zaw lai leng uthuai maw? Toupa’n leitung ah minam khat bek a om ding deih hileh bawl thei law mahmah ding a, color (rong) khat kia a om ding deihleh zong bawl thei law mahmah ding hi. America gam a nopna mahmah khat ahihleh, mi nop sak loh khak ding a lau uh a, a kampau uh leh gamtatna uh ah pilvang mahmah uh hi. Eimi hilo ci a mi tuam bawl pah cih om saklo uh a, a kuamahpeuh suakta tak leh nuamtak in hong om sak lel uh ahihman in thupha ngah taak mah hi uh ei cihcih in om hi.
(2) Daan zuih tawh kisai: America gam ah daan (law) zui hoih mahmah uh a, mawtaw hawlte leh a kuamahpeuh in daan zui uh a, hun zong ciil mahmah bek hilo in zang dik mahmah uh ahihman in nuam mahmah hi. Ei gam ah daan (law) omlo tawh kibang kasa a, khasiathuai zong kasa hi. Americate’n bel daan lau mahmah uh a, daan zui ihih peuhleh mituam-gamtuam pan hilezong lauh ding omlo hi. Eigam ah zong daan kician tak in zui in zahtak leng i gam uh nuam mahmah ding a, Topa’n zong thupha hong pia ding in ka um hi.
(3) America Zomite: America gam ah Zomite laisin tam mahmah a, eimi state tuamtuam a omte tawh ka holim khakna pan uh a ka theih thak uh ahihleh, ei Zomite Topa’n thupha hong pia a, lai zong siam mahmah hihang. Amau pianpih pau a sinte kiphalahlo a, zong kiniam tuanlo hi. Zogam a om khangnote’n Topa muang in laisinna leh na siamna khat peuhpeuh uh nekzonna a zattheih ding in hong pang un. Topa’n midangte sang a niam zaw hetlo a hong bawl ahi cih hong phawk thak un. Topa’ min phatphat ni.
C. Khoppi siimte kianga thuvaikhak: Abe Lincoln in, "The Woodcutter who stops to sharpen his axe will cut more wood" na ci hi. Tulaitak a khangnote in na hun uh a mawkna a bei saklo in kitathiam na hun a nazat ding uh kong deihsak uh hi. Heimawl hilo a Heihiam anei khangnote hiding in na nuntakna uh hong kitathiam ciat ding in kong deihsak mahmah uh a, nuntakna kikhel a Topa’ muang a Topa kimakaih sak khangnote nong suah uh leh, i khoppi lawhcing hi ding hi. Topa’n thupha hong pia hen.
--------------------------------------------------------------------------------
Source: Zogam.Com
BYF khoppi siim ding a mun tuamtuam pan a hong paikhawm u leh naute, kei leh ka innkuante’n Kansas City, America gam pan in na khut uh kong len uh hi. I makaite in “Na Leitung Nuntakna Kikhel In” cih thulu ding a a-teel uh teelkha uh ka sa mahmah uh a, khoppi zang ding a hong paikhawm kuamahpeuh hampha kong sa uh hi.
I leitung nuntakna kikhel kul ahihlam a-phawk makai I neih man un lungdamhuai ka sa a, I khawmpi thulu in lametna lianpi hong pia hi. Khoppi lawhcing, khoppi gahsuah, khoppi manpha ahihna ding in nang leh kei nuntakna ah kikhelna a hong tun ding kiphamawh hi. Tuni nuntakna kikhel ni I suah sak leh I khoppi lawhcing hi ding hi.
A. Tua tawh kiton in, Zomi khangnote’ theih ding a ka deihsak mahmah thu 3 in hongpan hipah le’ng:-
(1) Kikhekna kinawh semsem ding bang. Leitung ah kikhekna (change) om den a, gam khangto te ah kikhekna manlang (fast) deuhdeuh ahihlam I phawk thak ding deihhuai sa ing. I theihloh kal in tulai hun a ding a zattaak nawnlo “OUTDATED” suah theih ding bang mawk hi. Kum 6 paita a America gam ka paitung lai a Xeroxing machine a zatte uh, Desktop Computer a zatte uh, TV a zatte uh, floppy disk leh audio cassette te pawl, kizang nawnlou a, lei ding va zong le zong muh hak mahmah ta hi. Khatvei Restaurant khat a anne a ka va paina uh inn baang ah lokhawhna tu, leitohna leh sing phukna/sing atna khong a i zat uh van tuamtuam leh Meivak-table lamp, petromax, lartin leh van lui tampi a khai neeinaai uh a, bang ding a hihte inn bang a kikhai ahihiam ka cihleh, kum tampi paisa a vanzatte ahi a, mi et ding a museum a kikoih bangbang a ka koih uh hi hong ci uh hi. I lungsim uh neu sakna ding a ka gen ahi kei a, kikhekna a kin dan kong genna hi. Bangmah ngaihsaklo a khangnote i om hithiat leh a sawtlo in i septheih hong tawm lawkha ding a, miphalo a i om khak ding lauhuai ka sak man a kong gen hi.
(2) America gam ah mi’n nna hah sep mahmah uh. Kumthak ni in Nagate khat Americate tawh kitengte inn ah anne in ka vapai uh a, Lamka a BYF khoppina a a et ding uh video bawl sawm ka hihdan ka gen leh, tua Naganu’n “Hilamte nna hah sep dan gen teitei in” hong ci a, kei zong ka lungsim a om gige ahihman in kong gen ut hi. Ei gam ah sepna khat i neih leh nna dang septheihloh ding kisa tawh kibang kasa a, mi tampite in inn huan (kitchen garden) nangawn kibawl khawllo hi. School kailai leh college kai student te’n zong nasep loh ding sakha hilehang kilawm kasa hi.
America gam ah tuailaite’n kum 14-16 kiim lak pan in nasep kipan uh a, school kaima leh school tawp ciang in nna a sem uh hi. A nu-le-pate uh hauhsakna amau neihsa in ngaihsunlo uh a, amau mah in a deihte uh leina ding in nna sem in sum thalawh tangtang uh hi. Driving license kum 16 a phak uh ciang un neithei uh a, America gam a khangnote’n kum 16 a phak uh ciang ua a car leina ding uh sum lawh in a khol uh hi. Nikum a Christmas zang a ka va paina uh ka lawmte uh tapa Joshua Clement kum 16 mi in car thak na nei a, ama sum thalawhsa te zang in na lei hi. Joshua nu-le-pa hausa mahmah uh a, ahihhang in a tate uh nna sem sak in school lutma leh school kaitawp ciang in nna sem in Restaurant khawng ah sum thalawh sak uh hi.
A tuailaite bek u’n nna hah sep hilo in, miteng in nna naksep mahmah uh a, nna 2/3 sem kop a tam mahmah uh hi. Ei lam a nu-le-pa tung a ikingak dan uh college kaite bek hilo a university zawh khit nangawn a, nu-le-pa tung a I kingak dan uh holimna khong a ka gen khak ciang un, ong deihsak lawmte pawlkhat in na tuaci ua nagam uh zawng aive hong ci uh hi. Kum 18 a phak uh ciang in picing in kingaihsun uh a, a ut uh leh – zi/ pasal neikei le uh zong amau kia in innluah in a khawsa lel uh hi. M.Div. ka sinlai un ka classte uh numei khat kum 20 mi, a nu leh pa’ tanu neihsun a hong kai a, khatvei a pa’n a cinat thu za in $500 a khak leh tua nungaknu heh lua a, apa’ sum khakkik a sawm hi. Bang hang na pa’ ong sum khak khakkik sawm zezen na hiam ka cihleh, “Ka pa’n ong naupang bawl- picing hong salo hi” ci in a heh lua mawk hi. “Picing hi ing ka nu-le-pa panpih kul nawn keng” ci liuliau lel hi.
(3) America gam ah kipawlna tuamtuam tamlo: America gam ah kipawlna tuamtuam vengsung kipawlna, leh a tuamtuam ei lam banglo in tamlo a, meeting vapai kullo, function vatel kullo, sumdon omlo cihbang a a om leh thawvenhuai mahmah bang kasa hi. Ei gam ah kipawlna (organization) tuamtuam tam mahmah a, tuaman in sumdon tam, meeting leh function kihelna ding tam bek hilo in thu-le-la tam a, hun leh sum manpha tampi mangthang gige ahihlam higam a kipawlna tuamtuam a tawm dan ka ngaihsut laitak in ka lungsim ah hong om hi. I pawl tuamtuamte uh a hoihna tampi a om tei hang in, pawlkhat bel hun leh sum beisak kia hilo in, pawl tuamtuam a kikhenna hong tun lel ahi hiam ka cih pawl zong om hi. Ei lam ah bel pawl tuamtuam tam in bandh leh strike zong tam pah hi.
America gam a ka pai zawh kum 7 pha ding hita a, hih hun sung in bandh/strike ka omna city u’ah khatvei zong omlo a, nuam mahmah hi. Hong gen beh lai leng- misi a neih chiang un Misi Inn (Funeral Home) ah koih uh a, a misi innkuante’n a kiman hun uh- a kingak kim theih hun uh ni 3-6 sung khawng in vui uh hi. Sigal a mipi va pai theih hun dakkal nih khawng hong uh a, sivuina ding program ah mi kihel ding a deih uh leh deihlouh uh Newspaper ah gelh lel uh a, a misi innkuante deihdan kizui lel hi. Ei lam ah zong misi innkuante’ deihna ii zahtak sak a, nai-khat nai-nih maw ahihkeileh a kul leh zong nikhat ninih beek i ngak pih theih hun ding uh ngaklahhuai sa mahmah ing.
B. America gam pan in Zomi leh Zogam gaal et ciang in awlmawh tam mahmah a, tuate lak pan in point 3 hong gen ning maw.
(1) America gam ah khawtual mi tawh kibang in ki-om thei pah a, nang napau tuam, na mel tuam ko mi hikeiteh hong cilo uh a, khawtual mi mah kibang suk pah lel ahihman in nuam mahmah hi. Topa’n minam tuamtuam, pau tuamtuam leh vun (skin) color tuamtuam bawl ahihlam telsiam pha diak uh hi in ka thei hi. Ei zong Topa’ deihna a tel siam ding leh I lungsim uh lian sak ding in Topa’n thupha hong pia hen! Eimi i cih zong lian sak in, ei pau i cih zong lian sak zaw lai leng uthuai maw? Toupa’n leitung ah minam khat bek a om ding deih hileh bawl thei law mahmah ding a, color (rong) khat kia a om ding deihleh zong bawl thei law mahmah ding hi. America gam a nopna mahmah khat ahihleh, mi nop sak loh khak ding a lau uh a, a kampau uh leh gamtatna uh ah pilvang mahmah uh hi. Eimi hilo ci a mi tuam bawl pah cih om saklo uh a, a kuamahpeuh suakta tak leh nuamtak in hong om sak lel uh ahihman in thupha ngah taak mah hi uh ei cihcih in om hi.
(2) Daan zuih tawh kisai: America gam ah daan (law) zui hoih mahmah uh a, mawtaw hawlte leh a kuamahpeuh in daan zui uh a, hun zong ciil mahmah bek hilo in zang dik mahmah uh ahihman in nuam mahmah hi. Ei gam ah daan (law) omlo tawh kibang kasa a, khasiathuai zong kasa hi. Americate’n bel daan lau mahmah uh a, daan zui ihih peuhleh mituam-gamtuam pan hilezong lauh ding omlo hi. Eigam ah zong daan kician tak in zui in zahtak leng i gam uh nuam mahmah ding a, Topa’n zong thupha hong pia ding in ka um hi.
(3) America Zomite: America gam ah Zomite laisin tam mahmah a, eimi state tuamtuam a omte tawh ka holim khakna pan uh a ka theih thak uh ahihleh, ei Zomite Topa’n thupha hong pia a, lai zong siam mahmah hihang. Amau pianpih pau a sinte kiphalahlo a, zong kiniam tuanlo hi. Zogam a om khangnote’n Topa muang in laisinna leh na siamna khat peuhpeuh uh nekzonna a zattheih ding in hong pang un. Topa’n midangte sang a niam zaw hetlo a hong bawl ahi cih hong phawk thak un. Topa’ min phatphat ni.
C. Khoppi siimte kianga thuvaikhak: Abe Lincoln in, "The Woodcutter who stops to sharpen his axe will cut more wood" na ci hi. Tulaitak a khangnote in na hun uh a mawkna a bei saklo in kitathiam na hun a nazat ding uh kong deihsak uh hi. Heimawl hilo a Heihiam anei khangnote hiding in na nuntakna uh hong kitathiam ciat ding in kong deihsak mahmah uh a, nuntakna kikhel a Topa’ muang a Topa kimakaih sak khangnote nong suah uh leh, i khoppi lawhcing hi ding hi. Topa’n thupha hong pia hen.
--------------------------------------------------------------------------------
Source: Zogam.Com
No comments:
Post a Comment