www.zogam.com
Numei kum chinglou 2 khem chavaih in om
Lamka, July 27: Khovel ah naupang kum 14 tan a upate kuaman piching dinmun ah a koih louh bang in, Manipur South District Churachandpur ah leng naupang bang in seh in om ua, UNO in UNICEF pawl etkolna nuai ah a koih uh hilai uhi. Naupangte bawl gentheitute leh gelgawtte tung ah Government in a kituahpih bang action alak ngeina mah ahi hi.
T. Phaijol a phaijang helpawlte’n nupi khat a sualluih nung uh sawtlou in numei naupang Ms Liannu (14) (Minkhek) D/o Pa Thang of Suangdoh Village leh Ms Maman (12) D/o Pa Nang (Minkhek) of Suangdoh Village, Singngat Sub-Division te khosak haksat ziak in, Lamka zang ah kiloh ding in hong kuan uhi. Lamka ah, Ms Ms Liannu pe’n khateng a sum tawmchik lohding in Star Guest House, IB Road ah sem a, Ms Maman in Momoi Hotel, Nehru Marg-IB Road Junction ah sem hi.
Amau nitamlou hiai hotel nihte a asep zoh nung un, Imphal apan Numei khat Nengboi Haokip W/o Thoudam Robindro (27) apan zolna ngah in, Imphal a sem ding in kuankhia uhi. Naupang 2 te leng Nengboi Inn a nitamlou atawl ngak nung un, Mr Robindro in Awang BOC Imphal a Hotel khat a kizuak (prostitute) ding in va zuak hi! Amau leng pawtkhe theilou ding in ni 3 sung kep ahihnung un, vangphat huaitak in July 20, 2007 in Police Commando pawl frisking in va mankhe kha uh a, naupang kum chinglou ahihziak un, PC Officer in Command makaih in NGO khat “Integrated Women And Development Centre, Thangmeiband. Imphal West” ah va pelut uhi.
Lamka Post in mi muanhuai mahmah kiang ah hiai thu dotna abawlna ah, tuni in naupang 2 te muding in Lamka apan mi 2 sawl in om ua, naupang 2 te leng Imphal Hotel khat ah mulkimhuaitak a bawl gentheih in om tuaktuak uhi. Thusuak dangkhat in agenna ah, Lamka Police te’n leng hiai thil tung toh kisai hoihtak in enzui uh hi’n kigen hi. Thudang khat kiza dan in, Mrs Nengboi leh apasal leng Police in mankheta uhi.
Hiai thiltung Lamka Niteng Tanchinbu Lamka Post in suizuina nei in, NGO Neitunu Mrs Annie contact sawm mah leh New Delhi azin ziak in houpih theilou a, Young Paite Association Imphal Block in leng naupang 2 te dinmun niteng in enkai gige uhi. Lamka Post in hiai thil tung toh kisai mi tuamtuam a dotna ah IB Road, Lamka a om Star Guest House leh Imphal lam a palaite kikal kizopna banghiam om ding a gintakhuai ahihdan thutut ngah hi.
HSLC (Old Course)Exam kipan
Lamka July 27: Board of Secondary Education, Manipur (BSEM) nuai a HSLC (Old Course) Examination 2007 tuni in C.T. Hr. Sec. School leh Rengkai Govt. High School ah kipanta hi.
Tuni zinglam in English Subject Examination ah District apan candidate 761 lakah mi 7 absent in mi 754 in exam ua, C.T. Hr. Sec. School ah Roll No. 1093- 1480 kikalte exam ua, Rengkai Govt.H/S ah Roll No. 1481-1864 kikalte exam uhi. Hiai exam na hoihtak in paina hiam chih ZEO/CCpur leh DI/CCpur banah, SP/CCpur ten va enkhia uhi.
Hiai exam centre mun apan 100 metres huamsung ah Exam hunsung teng District Magistrate in zinglam dak 8 apan sunnung dak 4.30 tan 144 Cr. PC (1973) puang hi.
FCS antang hawmna ah kiselbuai
Lamka July 27: Singngat AC sung a AAY leh BPL antang hawmna tuni’n Singngat Zou veng, Hausa veng leh bus station ah om a, Rs. 9 a zuak ahih ziakin kisel buaina om hi.
Singngat apan thutut kingah dan in, hiai antang latute’n leng a laksa teng uh a hawmtute kiang ah pekik vek uh hi’n thutut bawl press ah bawl uhi.
Thutut bawltu’n a genna ah, ration card neiloute kiang ah piak hilou ding chih hi a, ration card neiloute piaklouh ding hileh Singngat khua ah a leitu ding kuamah omlou ding hi’n leng gen hi.
Orientation on Girls Education kipan
Lamka July 27: SSA/CCpur nuai a Girls Education te saina in tuni zinag dak 10:00 pan in Synod Hall, I.B. Road ah ‘2 days Orientation Programme for Teachers on Girls Education’ kipan hi. Hiai Orientation honna hunzat ah ZEO/CCpur in Chief Guest hihna toh uap in honkhiatna nei hi. Hiai orientation ah ZEO/CCpur leh CEO/CCpur anuai a teachers 200 val tel ua zingchiang in zou ding uhi.
Hearing neih hilou jel
Lamka July 27: New Lamka Vengnuam EBC Biakinn a apaisa August 20, 2006 nitak a thiltung toh kisai in Magisterial enquiry neih lel pen tuni a 3 Rajputana Rifles te apan hearing neih ding chih himahleh 3 Rajputana Rifles te a hohlouh ziak un hearing neih hilou hi.
Hiai thiltung toh kisai a ngoh a om 3 Rajputana Rifles te tu a toh sim in hearing neih ding a 4 vei sap himahleh a hohngeilouh ziak ua a hun suan in om zel a, bangchik chiang a hearing neih dia sap hinawn ding uh hiam chihbel kithei tadih lou hi.
District kigingkhol; Sample result ngak hilel
Lamka July 27: Imphal a Chingmeirong a Ak farm a Akte’n Avian flu vei uh chih theihchet ahihtoh kiton in Manipur a District dangte ah hichibang Ak natna om hiam chih suizuina neih hilel hi.
CCpur District ah leng zan mah in District Level Monitoring Committee on Avian Influenza(DLMCAI) bawlkhiat in omngal hi. Hiai DLMCAI in District sungah mundang apan in Ak (asi hi in a hinglai hitaleh), aktui leh ak ann banah akkhoina vanzat himhim puaklut khaamna bawl ngal in District dang toh kikawm tuahna lampite ah Vetinary Department Official leh Security te duty sak in Ak puaklut ding dalsak uhi. District sung a ding in Rapid Response Team 8 dinkhiat in om ngal hi. Hiai RR Team 1 ah Gan Daktor 1 jel tel in mi 5 chiat pha ua, RRTte zat ding in CMO/CCpur in Anti Viral Drug (Tamiflu) Tang 1000 koihkhawlsa in koih ngal hi.
Huai banah RRT teng Medical Check-Up leng tuni nei ngal ua vanzat ding (equipments) ahihleh bangmah omkei mahleh apoimoh bang in Vetinary Head office apan kintak in laktheih ding hi. Zan a Saikul khua apan Ak sisan sample 5 tel in sample tuamtuam 15 lakte zan mah in Imphal ah thotsuk hingal a HSADL Bhopal ah khak ahihlam bel theih hinailou hidan in Lamka a Vety. & A H Department a Jt. Director Mr. Saidoukhum Joute in tuni’n thuthaksaite theisak hi.
District sungah Avian Flu toh kisai in lauhthawng huai lua din mun a om ahihlouh dan gen in banghiam omleh huaite amaituah dia Department mansa ahihdan gen hi. Kangvai apan Thingkangphai kikal leh Ngurte apan Teisiang kikal a Ak omte tuni apan in Census bawl kipan ngal ua zingchiang nitaklam tan a zohsiang man hiding hi. Muanmoh huaitak a Ak/vasa si mu a om leh khutvuak a khoihmai lou a Palastic/polythene bag hiam khut abun kawm a khoih a a sung athun ding leh kintak a Vety. Department te Mobile No. 9436379268 leh 9856362864 tungtawn a theihsak ding in ngetna leng nei hi.
Mun dang ah Anntang suahkhia; CDSU in Godown ah suahkhesak thak
Lamka July 27: CCpur Distrct ading PDS anntang zan a Imphal a pan Lamka Truck 4 puaktung a omte zan nitaklam in CCpur A/C MLA Nominee in Zenhang Lamka truck dim 1 leh Lailam veng ah Truck 3 suah khe sak hi.
Hiai anntangte Godown hilou mundang a suahkhiat ahihlam CDSU in a theih in truck 1 Godown ah koih sak nawn ua, truck 2 bel CDSU theihpihna toh a koihna mun ah omlai hi’n thutut kingah hi.
CD hong ding
Lamka July 27: Muana Ngaihte in a a bawl, “Kei leh ka inkuante” chih CD Vol-I hong tung ding July 29, 2007, sunnung dak 1 in YPA Hall, New Lamka ah Mr. H. Ginzathang, EE/ Khuga in hong khe ding a, Rev. M. Gousuan, DS in Pathian kiang ah laan ding hi.
KSO in Election nei ding
Lamka July 27: Kuki Students’ Organization leh Thadou Kuki Student Union (TKSU) in zingchiang July 28, 2006 sunma dak 11 in KIC Hall, Tuibuang ah General Election nei ding uhi.
HNLC Chairman in nialna thusuah
Shillong, July 27 (NNN): Meghalaya Helpawl Hynniewtrep National Liberation Council (HNLC) Chairman Julius Dorphang in tuni a thusuah abawldan in, HNLC Commander-in- Chief (C-in-C) masapen John Kharkrang thahna toh kisai a kigolhkha lou ahihdan puang in, John vangtahna liauliau ahi chi hi. John Kharkrang ahihleh, HNLC cadre te’n March, 1995 in a tenna mun Mawlai ah athah uh hi a, huai hun in HNLC Press Release in HNLC leadership thutanna a thah a om ahihdan pulak uh chih ahi. Julius Dorphang HNLC Chief in tuni in hiai toh kisai thusuah bawlnawn in hiai thiltung poisa mahmah ahihdan gen a, Chief hihna huai hun apan len mah leh theihpih lou ahihdan gen hi. Dorphang in agenbehna ah, hiai tualthahna toh kisai in HNLC in tangtak in action kuamah tung ah lakei mah leh, Bangladesh ah HNLC Cadre bangzah hiam a si chi’n gen lel a, thildang sau genlou hi.
Bird Flu kipatna theihkhiak omnailou; Ak leh Vatawt 16000 val Vui mang in om
Imphal July 27: India a Avian Influenza (Bird Flu) natna State nih a theihsuah ahihnungin, state thumna dingin Manipur ah leng July 25, 2007 in hiai natna om chih theihchet in omta a, tua toh kiton in Manipur govt. nuai a Vety. & AH leh Health Services in action plan semzui ngal uhi.
Govt. of India nuai Ministry of Agriculture, department of animal husbandary, Dairying and Fisheries in Manipur Chief Secretary a theihsak dungzui in, Bird Flu om chih theihkhiakna mun Imphal East district sung a, Chingmeirong mun apat 5 km kimkot a Ak leh vatot te sukmang ding chih ahi. Hiai sepsuahna in Vety. & AH nuai ah Rapid Response Team (RRT) kibawlkhia in, tua a kihelkha dingte Health department nuai a doctor ten hoihtak in medical screening bawl masa uhi. RRT te’n kivenna dia hoihtak a kithuam kom in, zan July 26, 2007 nitaklam dak 3 apat nitak dak 9 tan in Imphal West leh East district sunga veng tuamtuam 21 ah Ak leh Vatot kigawm 9472 that in vuimang uhi. Hiai te ban ah Aktui tamtak leng sukmang in om hi.
Tuni sunnung dak 4.30 in Vety. & AH a Director Th.Dorendra Singh in Vety. office ah press briefing nei a, tua hun ah Vety. Department nasepdan taklatna nei hi. Director in agenna ah, tuni’n RRT 34 in Imphal East leh West district sung ah Ak leh Vatot kigawm 16000 bang that in vui uhi. Hiaite lak ah nitaklam dak 4 tan in IE ah 6500 leh IW ah 9500 ahi. Hiai nasep tuni nitak sawttan sutzop lai ding ahihna ah a figure hiai sanga tamzaw lai ding chih ahi.
Surveillance dungzui in Chingmeirong apat 5 km kimkot a hichibang nasep pen 20% bang zoh hipan chih ahi. Hichibang nasepna a Club leh pawl tuamtuam in kithuahpihna peding in leng Director in ngetna nei a, tulel a Ak leh Vatot bangmah chilou chihte leng kivenna dia hihmang vek hiding in gen hi.
Thutut kingahdan in, Bird Flu kipatna kichiantak bel theih omnai lou chih ahi. Thuthak saimite dotna Vety. Director in adawnna ah, CCpur ah leng Ak 200 val bang si om chih diklou hidan in hilhchian hi. Director in leng Ak leh Vatot te thahna (culling) munte hoihtak in taksa mahmah in etkai na nei hi. Dimapur lam apat Ak ann ding load a hongkipua omte direct a Imphal a khawllou a paisuak a district dang alut uh phalsak hi a, Imphal apat puakkhiak bel phal hilou leh hichibangte ban a Ak leh Vatot puakkhiak dingte Police in enkai hidan in leng Director in gen hi.
RRT in zingchiang July 28, 2007 inleng veng/khua 34 ah ak hihmangna sunzom nawn ding ua, a kinlam a zoh sawm leh zoh ahihma sutzop hiding hi. Hichibang nasepna a sum sen-le-pante District chih a DRDA fund zat hidinga, Vety. & AH in central a pat sum amuh chia ditnawn hiding hi.
Bird Flu naktak a gen himahleh, mihing a hiai natna hu om chih bel report omnai lou a, Health Services in hichibang natna mihing a, akai louhna dingin panla a, kuahiam ana omleh ki-etkawlna dingin, JN hospital, RIMS leh Shija ah lupna koihsa in nei uhi. Ak leh Vatot thah a omte compensation bel akisaipih DC te tungtawn a sepsuah hiding hi. RRT khat a Vety. Doctor khat jel makaih in VFA 2 leh Attendant 2 jel kizui ua, hiaite ban ah Medical Doctor leng kihel hi.
Mikhat expelled in om
Imphal July 27: BSEM saina nuai a HSLC Old Course leh Compartmental exam tuni a kipan ah, Lilong (B) centre apat Roll no. 7526 (Old Course) chindan hoihlou hihziakin hawlkhiak in om hi.
Eviction order zukkik din ngen
Imphal July 27: KSO GHQ a Secretary Information & Publicity Paotinthang Lupheng in tuni a thusuah abawlna ah, tuni a KSO GHQ in emergency meeting aneihna uah, Langol tangbul a Phaipijang village a tengte eviction bawlna dia govt. in order a suah hoihlou a saklouh thu uh genkhom uhi. Hichibang a govt. in National Information Technology (NIT) bawlna dia gam acres 300 lak ding a chih ah Phaipijang village a leikai 3 telkha a, hiaite suksiat hileh, recognised leh un-recognised high school building 6, orphanage 4, religious establishment 10 ban ah plot 274 a tenna Inn 317 leh mihing 1860 subuai pha ding hi.
Hichibang ahihman in, govt. in eviction notice apiak kintak a zukkik ding in KSO GHQ in ngetna nei a, SPF sorkal in NIT bawlna dia mun dang a telkhiak hoihzaw ding hi’n taklang hi. Hichibang a mipi deihlouh dan govt. in hih teitei a sawm leh KSO GHQ in maituah dingin leng mansa in om hi. Govt. in NIT bawlkhiakna dia Langol hilou Imphal mun dang enlou hiam asung a bangthu kisel gu om hiam chih leng KSO in dotna bawl hi. Phaipijang khua a tulel a khosate bel 1990 kum a Palace compound gei a, Chikim Veng leh Doupao Veng eviction bawl a pemkhete leng hi uhi. Hichibangkal ah, KSO GHQ in CDSU in CCpur district sung NIT bawlna dia govt. a ngetna a neih uh leng gum ahihdan uh taklang uhi. Hichibang a public asset poimohtak singtang gam a govt. in bawlkhiak ding lem asak louh in singtang mite govt. in step motherly treatment ahihdan chiang mahmah hi.
Solid Waste management privatise hita
Imphal July 27: Imphal Municipal Council nuai a Imphal khopi sung zuun leh kep siangthouna etkawl himahleh, phatuam lou leh khopi sung lah mihing pun dungzui a, buah deuhdeuh ahihman in govt. in Imphal Municipal Council nuai a Solid Waste Management te mimal/NGO tuamtuam kiangah pekhe ta a, hichibang honkhiakna tuni sunnung dak 2 in IMC complex ah Chief Minister O. Ibobi Singh in khuallian kihawm in, Flag off hi.
Hiai hun ah President in L. Nandakumar MLA ban ah Guest of honour in, I. Hemochandra MLA, Dr. Kh. Loken MLA, E. Dwijamani MLA ban ah MAHUD Secy. leh IMC Chairperson Smt. Jiwanlata Devi te pang uhi. Hiai hun a khuallian apang CM in agenna ah, Solid waste management NGO te kianga piakkhiak ahih toh kiton in tuban kha 2/3 sunga Imphal khosung Siangthou ta ding ahihdan gen in, govt. in Imphal khopi sunga lampite leng hoihtak leh sahtak a black topping bawl ding ahihdan gen hi. Imphal bazar sunga Ima market leng NBCC ten sunzom nonlou a state Works department in sunzomta ding ahihdan leng CM in gen hi. Huaite ban ah Imphal khosung a dawn ding tuisiang leng kiningchingtak a piakna dia pipe line luite khekkhiak vek hidingin taklang hi. Khopi sianthounana dia kuapeuh in Civic sense neitak a gamtat poimoh ahihdan leng gen hi.
Assam in Manipur poultry kham
Guwahati, July 27 (NNN): Manipur a Bird Flu hiileng ahi chih chetna muh ahih toh kizui in Assam in Manipur poultry leh poultry product himhim Assam a puaklut ding kham hi.
Assam Veterinary Department in Manipur leh Nagaland toh kigamgi a, a district-te ua Deputy Commissioner leh Veterinary officer-te kiang ah leng kiging leh kimansa a om ding in theihsakna bawl uhi. Manipur apat poultry leh poultry product puakvel ahihching in, a tangpi in Nagaland tawnzel mahleh tamtak mah in Barak Valley a Cachar leh NC Hills tawn hi’n thusuak in taklang hi.
Assam a senior veterinary officer khat in a genna ah, “Manipur apat poultry Assam hong lut, Assam apat Manipur lut toh teh ding in tawm mahmah a, himahleh, thil hong tung guih thei (Bird Flu) ahihman in, a hong tun aleh leng, a kipat tung a theihpah a sukbeipah utna ziak in kivenna ding in pan kila a, Forest Deptt. kiang ah leng gamlak a vasate tanpha enkai ding in theihsakna bawl khit ahi” chi hi. AssamBarak Valley a, a district-te uah, Karimganj leh Hailakandi tel in ak, vasa, aktui, vasatui leh hiai’ product-te himhim pilvangtak a etkol ding in theihsak uhi. Veterinary Deptt. in
Hichibang teng thu a om toh kituak in, Central Govt. in Kolkata ah North East a Bird Flu hiileng toh kisai in tuni’n special meeting sam a, huai a tel ding in Assam apat Director of Veterinary & Animal Husbandary heu in veterinary official bangzah hiam banah Manipur toh kigamgi kha district-te Deputy Commissioner-te kuan uhi. Poultry Deputy Director office, thusuak in bel aksa nek lauhthawng huailou hidan in taklang hi.
Opium Lakh 10 man matkhiak in om
Kohima, July 27 (NNN): Nagaland Narcotic Cell in khatveithu a amat tamnapen ding in Kohima kiang a Khuzama Check Gate ah Opium kg.2 mankhia hidan in thutut kingah hi.
Thutut kingah in a taklatna ah, Nagaland Police in thuguk azak dungzui in Imphal apat Dimapur zuan Night Super Bus zannitaklam dak 4 ding vel in Khuzama Check Gate ah check ua, huai ah numei nih apat hiai khamtheih thilkham Opium matkhiak a om hidan in gen hi.
Mat a om numei nihte ahihleh Rima Rai, 37 w/o Prasad Rai leh Savitri Limbu, 42, w/o (L) Bhom Bahadur Limbu hi ua, amau gm.500 a kitun, Opium packet 2 tuak a hand bag ua pua uh hidan in thusuak in gen hi. A Opium puak teng uh international market rate a zuak hileh Rs.10 lakh man phazou ding hidan a gen leng ahi.
Numei kum chinglou 2 khem chavaih in om
Lamka, July 27: Khovel ah naupang kum 14 tan a upate kuaman piching dinmun ah a koih louh bang in, Manipur South District Churachandpur ah leng naupang bang in seh in om ua, UNO in UNICEF pawl etkolna nuai ah a koih uh hilai uhi. Naupangte bawl gentheitute leh gelgawtte tung ah Government in a kituahpih bang action alak ngeina mah ahi hi.
T. Phaijol a phaijang helpawlte’n nupi khat a sualluih nung uh sawtlou in numei naupang Ms Liannu (14) (Minkhek) D/o Pa Thang of Suangdoh Village leh Ms Maman (12) D/o Pa Nang (Minkhek) of Suangdoh Village, Singngat Sub-Division te khosak haksat ziak in, Lamka zang ah kiloh ding in hong kuan uhi. Lamka ah, Ms Ms Liannu pe’n khateng a sum tawmchik lohding in Star Guest House, IB Road ah sem a, Ms Maman in Momoi Hotel, Nehru Marg-IB Road Junction ah sem hi.
Amau nitamlou hiai hotel nihte a asep zoh nung un, Imphal apan Numei khat Nengboi Haokip W/o Thoudam Robindro (27) apan zolna ngah in, Imphal a sem ding in kuankhia uhi. Naupang 2 te leng Nengboi Inn a nitamlou atawl ngak nung un, Mr Robindro in Awang BOC Imphal a Hotel khat a kizuak (prostitute) ding in va zuak hi! Amau leng pawtkhe theilou ding in ni 3 sung kep ahihnung un, vangphat huaitak in July 20, 2007 in Police Commando pawl frisking in va mankhe kha uh a, naupang kum chinglou ahihziak un, PC Officer in Command makaih in NGO khat “Integrated Women And Development Centre, Thangmeiband. Imphal West” ah va pelut uhi.
Lamka Post in mi muanhuai mahmah kiang ah hiai thu dotna abawlna ah, tuni in naupang 2 te muding in Lamka apan mi 2 sawl in om ua, naupang 2 te leng Imphal Hotel khat ah mulkimhuaitak a bawl gentheih in om tuaktuak uhi. Thusuak dangkhat in agenna ah, Lamka Police te’n leng hiai thil tung toh kisai hoihtak in enzui uh hi’n kigen hi. Thudang khat kiza dan in, Mrs Nengboi leh apasal leng Police in mankheta uhi.
Hiai thiltung Lamka Niteng Tanchinbu Lamka Post in suizuina nei in, NGO Neitunu Mrs Annie contact sawm mah leh New Delhi azin ziak in houpih theilou a, Young Paite Association Imphal Block in leng naupang 2 te dinmun niteng in enkai gige uhi. Lamka Post in hiai thil tung toh kisai mi tuamtuam a dotna ah IB Road, Lamka a om Star Guest House leh Imphal lam a palaite kikal kizopna banghiam om ding a gintakhuai ahihdan thutut ngah hi.
HSLC (Old Course)Exam kipan
Lamka July 27: Board of Secondary Education, Manipur (BSEM) nuai a HSLC (Old Course) Examination 2007 tuni in C.T. Hr. Sec. School leh Rengkai Govt. High School ah kipanta hi.
Tuni zinglam in English Subject Examination ah District apan candidate 761 lakah mi 7 absent in mi 754 in exam ua, C.T. Hr. Sec. School ah Roll No. 1093- 1480 kikalte exam ua, Rengkai Govt.H/S ah Roll No. 1481-1864 kikalte exam uhi. Hiai exam na hoihtak in paina hiam chih ZEO/CCpur leh DI/CCpur banah, SP/CCpur ten va enkhia uhi.
Hiai exam centre mun apan 100 metres huamsung ah Exam hunsung teng District Magistrate in zinglam dak 8 apan sunnung dak 4.30 tan 144 Cr. PC (1973) puang hi.
FCS antang hawmna ah kiselbuai
Lamka July 27: Singngat AC sung a AAY leh BPL antang hawmna tuni’n Singngat Zou veng, Hausa veng leh bus station ah om a, Rs. 9 a zuak ahih ziakin kisel buaina om hi.
Singngat apan thutut kingah dan in, hiai antang latute’n leng a laksa teng uh a hawmtute kiang ah pekik vek uh hi’n thutut bawl press ah bawl uhi.
Thutut bawltu’n a genna ah, ration card neiloute kiang ah piak hilou ding chih hi a, ration card neiloute piaklouh ding hileh Singngat khua ah a leitu ding kuamah omlou ding hi’n leng gen hi.
Orientation on Girls Education kipan
Lamka July 27: SSA/CCpur nuai a Girls Education te saina in tuni zinag dak 10:00 pan in Synod Hall, I.B. Road ah ‘2 days Orientation Programme for Teachers on Girls Education’ kipan hi. Hiai Orientation honna hunzat ah ZEO/CCpur in Chief Guest hihna toh uap in honkhiatna nei hi. Hiai orientation ah ZEO/CCpur leh CEO/CCpur anuai a teachers 200 val tel ua zingchiang in zou ding uhi.
Hearing neih hilou jel
Lamka July 27: New Lamka Vengnuam EBC Biakinn a apaisa August 20, 2006 nitak a thiltung toh kisai in Magisterial enquiry neih lel pen tuni a 3 Rajputana Rifles te apan hearing neih ding chih himahleh 3 Rajputana Rifles te a hohlouh ziak un hearing neih hilou hi.
Hiai thiltung toh kisai a ngoh a om 3 Rajputana Rifles te tu a toh sim in hearing neih ding a 4 vei sap himahleh a hohngeilouh ziak ua a hun suan in om zel a, bangchik chiang a hearing neih dia sap hinawn ding uh hiam chihbel kithei tadih lou hi.
District kigingkhol; Sample result ngak hilel
Lamka July 27: Imphal a Chingmeirong a Ak farm a Akte’n Avian flu vei uh chih theihchet ahihtoh kiton in Manipur a District dangte ah hichibang Ak natna om hiam chih suizuina neih hilel hi.
CCpur District ah leng zan mah in District Level Monitoring Committee on Avian Influenza(DLMCAI) bawlkhiat in omngal hi. Hiai DLMCAI in District sungah mundang apan in Ak (asi hi in a hinglai hitaleh), aktui leh ak ann banah akkhoina vanzat himhim puaklut khaamna bawl ngal in District dang toh kikawm tuahna lampite ah Vetinary Department Official leh Security te duty sak in Ak puaklut ding dalsak uhi. District sung a ding in Rapid Response Team 8 dinkhiat in om ngal hi. Hiai RR Team 1 ah Gan Daktor 1 jel tel in mi 5 chiat pha ua, RRTte zat ding in CMO/CCpur in Anti Viral Drug (Tamiflu) Tang 1000 koihkhawlsa in koih ngal hi.
Huai banah RRT teng Medical Check-Up leng tuni nei ngal ua vanzat ding (equipments) ahihleh bangmah omkei mahleh apoimoh bang in Vetinary Head office apan kintak in laktheih ding hi. Zan a Saikul khua apan Ak sisan sample 5 tel in sample tuamtuam 15 lakte zan mah in Imphal ah thotsuk hingal a HSADL Bhopal ah khak ahihlam bel theih hinailou hidan in Lamka a Vety. & A H Department a Jt. Director Mr. Saidoukhum Joute in tuni’n thuthaksaite theisak hi.
District sungah Avian Flu toh kisai in lauhthawng huai lua din mun a om ahihlouh dan gen in banghiam omleh huaite amaituah dia Department mansa ahihdan gen hi. Kangvai apan Thingkangphai kikal leh Ngurte apan Teisiang kikal a Ak omte tuni apan in Census bawl kipan ngal ua zingchiang nitaklam tan a zohsiang man hiding hi. Muanmoh huaitak a Ak/vasa si mu a om leh khutvuak a khoihmai lou a Palastic/polythene bag hiam khut abun kawm a khoih a a sung athun ding leh kintak a Vety. Department te Mobile No. 9436379268 leh 9856362864 tungtawn a theihsak ding in ngetna leng nei hi.
Mun dang ah Anntang suahkhia; CDSU in Godown ah suahkhesak thak
Lamka July 27: CCpur Distrct ading PDS anntang zan a Imphal a pan Lamka Truck 4 puaktung a omte zan nitaklam in CCpur A/C MLA Nominee in Zenhang Lamka truck dim 1 leh Lailam veng ah Truck 3 suah khe sak hi.
Hiai anntangte Godown hilou mundang a suahkhiat ahihlam CDSU in a theih in truck 1 Godown ah koih sak nawn ua, truck 2 bel CDSU theihpihna toh a koihna mun ah omlai hi’n thutut kingah hi.
CD hong ding
Lamka July 27: Muana Ngaihte in a a bawl, “Kei leh ka inkuante” chih CD Vol-I hong tung ding July 29, 2007, sunnung dak 1 in YPA Hall, New Lamka ah Mr. H. Ginzathang, EE/ Khuga in hong khe ding a, Rev. M. Gousuan, DS in Pathian kiang ah laan ding hi.
KSO in Election nei ding
Lamka July 27: Kuki Students’ Organization leh Thadou Kuki Student Union (TKSU) in zingchiang July 28, 2006 sunma dak 11 in KIC Hall, Tuibuang ah General Election nei ding uhi.
HNLC Chairman in nialna thusuah
Shillong, July 27 (NNN): Meghalaya Helpawl Hynniewtrep National Liberation Council (HNLC) Chairman Julius Dorphang in tuni a thusuah abawldan in, HNLC Commander-in- Chief (C-in-C) masapen John Kharkrang thahna toh kisai a kigolhkha lou ahihdan puang in, John vangtahna liauliau ahi chi hi. John Kharkrang ahihleh, HNLC cadre te’n March, 1995 in a tenna mun Mawlai ah athah uh hi a, huai hun in HNLC Press Release in HNLC leadership thutanna a thah a om ahihdan pulak uh chih ahi. Julius Dorphang HNLC Chief in tuni in hiai toh kisai thusuah bawlnawn in hiai thiltung poisa mahmah ahihdan gen a, Chief hihna huai hun apan len mah leh theihpih lou ahihdan gen hi. Dorphang in agenbehna ah, hiai tualthahna toh kisai in HNLC in tangtak in action kuamah tung ah lakei mah leh, Bangladesh ah HNLC Cadre bangzah hiam a si chi’n gen lel a, thildang sau genlou hi.
Bird Flu kipatna theihkhiak omnailou; Ak leh Vatawt 16000 val Vui mang in om
Imphal July 27: India a Avian Influenza (Bird Flu) natna State nih a theihsuah ahihnungin, state thumna dingin Manipur ah leng July 25, 2007 in hiai natna om chih theihchet in omta a, tua toh kiton in Manipur govt. nuai a Vety. & AH leh Health Services in action plan semzui ngal uhi.
Govt. of India nuai Ministry of Agriculture, department of animal husbandary, Dairying and Fisheries in Manipur Chief Secretary a theihsak dungzui in, Bird Flu om chih theihkhiakna mun Imphal East district sung a, Chingmeirong mun apat 5 km kimkot a Ak leh vatot te sukmang ding chih ahi. Hiai sepsuahna in Vety. & AH nuai ah Rapid Response Team (RRT) kibawlkhia in, tua a kihelkha dingte Health department nuai a doctor ten hoihtak in medical screening bawl masa uhi. RRT te’n kivenna dia hoihtak a kithuam kom in, zan July 26, 2007 nitaklam dak 3 apat nitak dak 9 tan in Imphal West leh East district sunga veng tuamtuam 21 ah Ak leh Vatot kigawm 9472 that in vuimang uhi. Hiai te ban ah Aktui tamtak leng sukmang in om hi.
Tuni sunnung dak 4.30 in Vety. & AH a Director Th.Dorendra Singh in Vety. office ah press briefing nei a, tua hun ah Vety. Department nasepdan taklatna nei hi. Director in agenna ah, tuni’n RRT 34 in Imphal East leh West district sung ah Ak leh Vatot kigawm 16000 bang that in vui uhi. Hiaite lak ah nitaklam dak 4 tan in IE ah 6500 leh IW ah 9500 ahi. Hiai nasep tuni nitak sawttan sutzop lai ding ahihna ah a figure hiai sanga tamzaw lai ding chih ahi.
Surveillance dungzui in Chingmeirong apat 5 km kimkot a hichibang nasep pen 20% bang zoh hipan chih ahi. Hichibang nasepna a Club leh pawl tuamtuam in kithuahpihna peding in leng Director in ngetna nei a, tulel a Ak leh Vatot bangmah chilou chihte leng kivenna dia hihmang vek hiding in gen hi.
Thutut kingahdan in, Bird Flu kipatna kichiantak bel theih omnai lou chih ahi. Thuthak saimite dotna Vety. Director in adawnna ah, CCpur ah leng Ak 200 val bang si om chih diklou hidan in hilhchian hi. Director in leng Ak leh Vatot te thahna (culling) munte hoihtak in taksa mahmah in etkai na nei hi. Dimapur lam apat Ak ann ding load a hongkipua omte direct a Imphal a khawllou a paisuak a district dang alut uh phalsak hi a, Imphal apat puakkhiak bel phal hilou leh hichibangte ban a Ak leh Vatot puakkhiak dingte Police in enkai hidan in leng Director in gen hi.
RRT in zingchiang July 28, 2007 inleng veng/khua 34 ah ak hihmangna sunzom nawn ding ua, a kinlam a zoh sawm leh zoh ahihma sutzop hiding hi. Hichibang nasepna a sum sen-le-pante District chih a DRDA fund zat hidinga, Vety. & AH in central a pat sum amuh chia ditnawn hiding hi.
Bird Flu naktak a gen himahleh, mihing a hiai natna hu om chih bel report omnai lou a, Health Services in hichibang natna mihing a, akai louhna dingin panla a, kuahiam ana omleh ki-etkawlna dingin, JN hospital, RIMS leh Shija ah lupna koihsa in nei uhi. Ak leh Vatot thah a omte compensation bel akisaipih DC te tungtawn a sepsuah hiding hi. RRT khat a Vety. Doctor khat jel makaih in VFA 2 leh Attendant 2 jel kizui ua, hiaite ban ah Medical Doctor leng kihel hi.
Mikhat expelled in om
Imphal July 27: BSEM saina nuai a HSLC Old Course leh Compartmental exam tuni a kipan ah, Lilong (B) centre apat Roll no. 7526 (Old Course) chindan hoihlou hihziakin hawlkhiak in om hi.
Eviction order zukkik din ngen
Imphal July 27: KSO GHQ a Secretary Information & Publicity Paotinthang Lupheng in tuni a thusuah abawlna ah, tuni a KSO GHQ in emergency meeting aneihna uah, Langol tangbul a Phaipijang village a tengte eviction bawlna dia govt. in order a suah hoihlou a saklouh thu uh genkhom uhi. Hichibang a govt. in National Information Technology (NIT) bawlna dia gam acres 300 lak ding a chih ah Phaipijang village a leikai 3 telkha a, hiaite suksiat hileh, recognised leh un-recognised high school building 6, orphanage 4, religious establishment 10 ban ah plot 274 a tenna Inn 317 leh mihing 1860 subuai pha ding hi.
Hichibang ahihman in, govt. in eviction notice apiak kintak a zukkik ding in KSO GHQ in ngetna nei a, SPF sorkal in NIT bawlna dia mun dang a telkhiak hoihzaw ding hi’n taklang hi. Hichibang a mipi deihlouh dan govt. in hih teitei a sawm leh KSO GHQ in maituah dingin leng mansa in om hi. Govt. in NIT bawlkhiakna dia Langol hilou Imphal mun dang enlou hiam asung a bangthu kisel gu om hiam chih leng KSO in dotna bawl hi. Phaipijang khua a tulel a khosate bel 1990 kum a Palace compound gei a, Chikim Veng leh Doupao Veng eviction bawl a pemkhete leng hi uhi. Hichibangkal ah, KSO GHQ in CDSU in CCpur district sung NIT bawlna dia govt. a ngetna a neih uh leng gum ahihdan uh taklang uhi. Hichibang a public asset poimohtak singtang gam a govt. in bawlkhiak ding lem asak louh in singtang mite govt. in step motherly treatment ahihdan chiang mahmah hi.
Solid Waste management privatise hita
Imphal July 27: Imphal Municipal Council nuai a Imphal khopi sung zuun leh kep siangthouna etkawl himahleh, phatuam lou leh khopi sung lah mihing pun dungzui a, buah deuhdeuh ahihman in govt. in Imphal Municipal Council nuai a Solid Waste Management te mimal/NGO tuamtuam kiangah pekhe ta a, hichibang honkhiakna tuni sunnung dak 2 in IMC complex ah Chief Minister O. Ibobi Singh in khuallian kihawm in, Flag off hi.
Hiai hun ah President in L. Nandakumar MLA ban ah Guest of honour in, I. Hemochandra MLA, Dr. Kh. Loken MLA, E. Dwijamani MLA ban ah MAHUD Secy. leh IMC Chairperson Smt. Jiwanlata Devi te pang uhi. Hiai hun a khuallian apang CM in agenna ah, Solid waste management NGO te kianga piakkhiak ahih toh kiton in tuban kha 2/3 sunga Imphal khosung Siangthou ta ding ahihdan gen in, govt. in Imphal khopi sunga lampite leng hoihtak leh sahtak a black topping bawl ding ahihdan gen hi. Imphal bazar sunga Ima market leng NBCC ten sunzom nonlou a state Works department in sunzomta ding ahihdan leng CM in gen hi. Huaite ban ah Imphal khosung a dawn ding tuisiang leng kiningchingtak a piakna dia pipe line luite khekkhiak vek hidingin taklang hi. Khopi sianthounana dia kuapeuh in Civic sense neitak a gamtat poimoh ahihdan leng gen hi.
Assam in Manipur poultry kham
Guwahati, July 27 (NNN): Manipur a Bird Flu hiileng ahi chih chetna muh ahih toh kizui in Assam in Manipur poultry leh poultry product himhim Assam a puaklut ding kham hi.
Assam Veterinary Department in Manipur leh Nagaland toh kigamgi a, a district-te ua Deputy Commissioner leh Veterinary officer-te kiang ah leng kiging leh kimansa a om ding in theihsakna bawl uhi. Manipur apat poultry leh poultry product puakvel ahihching in, a tangpi in Nagaland tawnzel mahleh tamtak mah in Barak Valley a Cachar leh NC Hills tawn hi’n thusuak in taklang hi.
Assam a senior veterinary officer khat in a genna ah, “Manipur apat poultry Assam hong lut, Assam apat Manipur lut toh teh ding in tawm mahmah a, himahleh, thil hong tung guih thei (Bird Flu) ahihman in, a hong tun aleh leng, a kipat tung a theihpah a sukbeipah utna ziak in kivenna ding in pan kila a, Forest Deptt. kiang ah leng gamlak a vasate tanpha enkai ding in theihsakna bawl khit ahi” chi hi. AssamBarak Valley a, a district-te uah, Karimganj leh Hailakandi tel in ak, vasa, aktui, vasatui leh hiai’ product-te himhim pilvangtak a etkol ding in theihsak uhi. Veterinary Deptt. in
Hichibang teng thu a om toh kituak in, Central Govt. in Kolkata ah North East a Bird Flu hiileng toh kisai in tuni’n special meeting sam a, huai a tel ding in Assam apat Director of Veterinary & Animal Husbandary heu in veterinary official bangzah hiam banah Manipur toh kigamgi kha district-te Deputy Commissioner-te kuan uhi. Poultry Deputy Director office, thusuak in bel aksa nek lauhthawng huailou hidan in taklang hi.
Opium Lakh 10 man matkhiak in om
Kohima, July 27 (NNN): Nagaland Narcotic Cell in khatveithu a amat tamnapen ding in Kohima kiang a Khuzama Check Gate ah Opium kg.2 mankhia hidan in thutut kingah hi.
Thutut kingah in a taklatna ah, Nagaland Police in thuguk azak dungzui in Imphal apat Dimapur zuan Night Super Bus zannitaklam dak 4 ding vel in Khuzama Check Gate ah check ua, huai ah numei nih apat hiai khamtheih thilkham Opium matkhiak a om hidan in gen hi.
Mat a om numei nihte ahihleh Rima Rai, 37 w/o Prasad Rai leh Savitri Limbu, 42, w/o (L) Bhom Bahadur Limbu hi ua, amau gm.500 a kitun, Opium packet 2 tuak a hand bag ua pua uh hidan in thusuak in gen hi. A Opium puak teng uh international market rate a zuak hileh Rs.10 lakh man phazou ding hidan a gen leng ahi.
No comments:
Post a Comment