By - Lian Za Tuang
Tu sungteng Hell thu i kilimkup luatna pan ken zong pawl khat hong hel nuam ing. Hell thu pen thu-um mi khatin hoihtak ih theih ciang bekin Pasian hong deihna bangin kha mangthang veina kinei thei pan dinga thu-um lo mi khat in zong hell thu ahi bangin thei kha zen leh pawh a mangthang, lamkhial mite zong ding le gum dinga hong pai Topa Zeisu longal kuadang lunggulh het lo ding hi. LSTho sungah bangci bangin kimu thei hiam cih en-in kikumkhawm ni.
I. HELL A OM TAKPI MAH HIAM?
LSTho sungah Hell thu mi tuamtuam-in na gen a, a masa penin Zeisu'n bangci gen hiam cih en phot ni.
Matt.5:22
"...a sanggamte kiangah 'mihai' ci-in a simmawhte in Hell meikuang sungah khulna thuak thei ding hi." Na ci hi. Zeisu in Hell pen kongkhakte (gates) a nei in na gen hi. Matt. 16:18
"...Hih suangpi tungah ka pawlpi ka lam dinga Hell khua kongkhatte in zo zo ngeilo ding hi"
Matt. 23 sung bupah Zeisu in midangte ' sia', 'topa' cih ding ut-a puantualpi silhin tokhom sang tung tu-in midangte muhna bekah kineihna vive tawh a nungta thukham hilh siate le Pharisee te tungah hih bangin thu na gen hi.
Sia khat bek na nei uha no adangteng unau khat na hi uhi. Vantungah Pa khat bek nei na hih manun kuamah 'pa' na kici kei un. Topa dingin Chris bek nei na hih manun kuamah 'topa' na kici kei un. No mihoih a kineih khemte aw GIMNA NA THUAK DING UH HI. Vantung gamah mite lut theih loh ding kong na khakcip uha no lah na lut tuan kei uhi. Meigong numeite neihsateng na laak sak uha mipi pahtak ding na ut manun na thunget uh na sau sak uhi. Mikhat bek nangawn na ngah zawh nadingun leitung, tui tungah khual na zin kawikawi uha, na ngah sunsunte uh zong no zah nihin a siahuai Hell khuk tung ding mi na suah uhi. Mittaw a bang lamhilhte aw,...note in hai le a pua lam na siangsak uha a sungah thatang hat thu le huaihamna tawh mi aa na suh uh nate a om hi. Note pen leikang tawh a kizut manin a pua lam a hoih mahmah tawh kibang napi-in a sungah misi guh le a kihuai niin nam khempeuh a omna hankhuk tawh na kibang uhi. Gul a bang mite suan le khakte aw, HELL KHUK TUN NADING thukhamna panin suakta dingin bangci'n kilamen thei na hi uh hiam?
Hihi sanggam aw, siapi ih hi-a topa i hi zongin Zeisu tungtawn lo-in ih gup ngah na'ng lampi dang om thei lo hi. Topa siampi nasepna kuama tung ki-ap lo-a, a sem thei ding kuamah zong om lo ahih manin, mawhna a maisak thei Zeisu bek a om lam pawk in la Hell gam lampi panin Van gam lampi ah hong kihei kik in, Zeisu bek Lampi hi. Tuikia le tuikia a kigupkhiat theih loh mah bangin, mawhnei le mawhnei kigumkhia-a mawhna kimai sak thei cih om thei lo hi. Hehpihna tokhom tunga a tu Pasian le eite kikal a Palai khat bek a om ih Siampi lian pen Zeisu kiang hong zuan in.
Zeisu in Hell thu tawh kisai khauh takin hong gen hi.
Mark 9: 43-47
43 "...na khut in hong khialh sak leh sattan in. MEI A MIT NGEI LOHNA HELL khuk sungah khut kim tawh na lut sa'ngin khut langkhat bui-in nuntakna sungah lut le cin hoih zaw hi."
45 "...na khe in hong khialh sak leh sattan in,...
47"...na mit in hong khialh sak le khelkhia in,...
Sanggam aw, Hell meikuang panin na suahtak theih nadingin na sattan, na khelkhiat ding a omkha hiam? Na pawlpi, na siapa/ topa, na neih na lam, na pilna le na siamnate pen nang aadingin Hell khuk sung hong tunpih ding na khut na khe le na mit hi kha ding hi. Zeisu in Hell ih lut ding hong lainat lua ahih manin ei aadingin singlamteh tung hamsiatna hong thuak sak khin zo ta hi.
II. ZEISU IN HELL BANGCI GEN HIAM?
"Meikuang" ..........................Matt.7:19; 13:40; 25:41
"Tawntung meikuang" .................Matt.18:8; 25:41
"Tawntung mawhpaihna" ...............Mk. 3:29
"Meikhukpi" .. ......................Matt.13:42,50
"A mit ngeilo meikuang" .............Mk. 9:43-48
"Amau thante (their worms) a sih ngei lohna mun Mk. 9:44-48
"Kahna le hagawina mun" .............Matt. 8:12; 22:13; 13:42,50; 25:30
"Gimthuakna mun".....................Lk. 16:23,24,28
"Pualam khuamialna" .................Matt. 8:12; 22:13
"Tawntung gimthuakna" ...............Matt. 25:46
A dang gen ding mun tampi om lai hi. Hell om takpi ahih manin Zeisu in Vantung saa'ngin Hell thu lim gen zaw-a Paradise saa'ngin Mawhpaihna (damnation) thu lim gen zaw hi. Hell om lo hi zen leh Zeisu pen mi khempeuh lakah ziau khem bupa hi ding hi. Hell om takpi ahih manin Zeisu in vantung A' Pa ang nusia in a kihuai leitungah hong pai hi. A tang van innpi van mi honpite'n bia a phatna la a sak zaizai-na mun nopci nusia in Hell lam zuan eite hong zong hi. Eite taang dingin mawhsakna, nialna, kigawhlupna tuak ding thei sa-in hong pai a, a sisan tawh ih mawhnateng hong sawp siang sak hi. Hell na pai veve leh na mawhna hang hi lo-in Ama hong it mahmahna na nialna hang a hi ding hi. Zeisu kiang hong zuan ta in, hehpihna tokhom panin nang hong samsam, hong ngakngak lai hi.
III. HELL KOI LAI-AH OM?
LSTho lui sungah Sheol cih Hebia lai tawh 65 vei kigelh a 31 vei Hell ci'n kikhia a, 31 vei mah hankhuk kici-in a dang 3 vei pen dumpi (pit) ci'n kiletkhia hi. LSTho thak sungah Hades cih Greek lai tawh 10 vei kigelha Hell ci'n kiletkhia hi. Sheol le Hades a khiatna akibang hi-a Tawntung gimthuakna mun "Gehenna" ( eternal damnation) a genna hi nai lo hi. Ni tawp ni teh a lian a kang tokhom mai pan Pasian in tu laitak-a misite tunna Hell (Sheol/ Hades) pen Tawntung gimthuakna mun "Gehenna" (eternal damnation) sungah lawnkhia ding hi (Mang. 20:14).
Tu a ih gen Hell omna pen Leinuai hi ci'n LSTho sung pan kimu thei hi. Zeisu singlamteh tung a sihin a kha pen leinuai Hell ah pai ci'n Sawl. 2:31 sungah Peter in hih bangin na gen hi.
"Misite' gam sung (Hell/Hades) ah Amah kinusia lo-a,..."
Zeisu mahmah in Matt. 12:40 sungah;
"Ngasa gilpi sungah sun thum le zan thum sung Jonah a om bangin Mihing Tapa zong sun thum le zan thum sung leisungtawng (in the heart of the earth) ah om ding hi."
Eph. 4:9 sungah Zeisu thu hih bangin na kigen hi.
"Pai to" a cih ciangin bang a cih nopna hiam cih leh leisung a thuk penna mun (into the lower parts of the earth) dongah pai suk masa khin ngei zo, a cih nopna ahi hi."
Scientist le LSTho sia ahi Henry Morris in zong LSTho in Hell pen hih ih leinuai-ah om hi, ci'n siang takin gen hi, na ci hi.
April 10,1987 The Birmingham News sungah scientist te'n "Leisung pen ni maitang saa'ng sa zaw" (Earth's Center Hotter Than Sun's Surface) cih a gelhna sungah leisung satna pen 12,000 Degree Fahrenheit saa'ng sa zaw hi, ci'n na gelh hi. Degree 212 bang teh tui so ziahziah a hih teh hih pen naak sat mahmah ding cih ih thei hi. Meimual (volcano) puakkhamnate ngaihsun leeng leisung sat luatna pana mei so pi hong luakhia hi zen hi. May 18,1980 kuma Mt. St. Helens a meimual puakkhamna a gente'n " When Hell surfaced upon the earth." Volcanoes, Earth's Awakening ( p.91) ci'n na gelhkhia uhi.
Gamlakvakna 16 sungah mi honkhat a hing tanga Hell sung a kiatna hong gen hi.
"Leitung in a kam ka-in Korah tawh a kipawl mi khempeuh le a innkuanpihte uh le a neihsa khempeuh uh valh tum hi..."
14 Century hun lai-a aksi lam le siavuan lam pilna a nei Caspar Peucer in Heklafell mun a meimual puakkhamna thu a kanna ah hih bangin na gelh hi.
"Out of the bottomless abyss of Heklafell, or rather out of Hell itself, rise melancholy cries and loud wailings, so that these can be heard for many miles around...there may be heard in the mountain fearful howings, weeping and gnashing of teeth." (Haraldur Sigurdsson, Melting the Earth, The History of Ideas on Volcanic Eruptions, p.73)
Hici banga meimual puakkhamna pan kahna awging za pen Caspar bek na hih tuak lo hi. Mi pawlkhat in zong kahna aw (cries and screaming) a zak khak ngeina hih bangin na gelh hi.
"The fearsome noises that issued from some of their volcanoes were certainly thought to be the screams of tormented souls in the fire of Hell below" (Haraldur Sigurdsson, Melting the Earth, The History of Ideas on Volcanic Eruptions p.73)
Pierre Kohler in 1980 kum a Mt.St. Helens meimual puakkhapna pan kaat (sulfur or brimstone) bebek 150,000 tons tak hong luakhia hi, na ci hi (Volcanoes p.43)
July 2002 in Nature Magazine sungah "Inside this earth is 'fire and brimstone', ci'n na kigelh hi.
Sanggamte aw tu mahmah in Leinuai misite khua Hell-ah mi tul tampite kha kihal-in lamet bei-in kap-in hagawi uhi. Luke 16:19-31 sungah Zeisu in kician takin hong gen hi. 22...mi zawngpa hong si a vantung Abraham kiangah a om dingin vantung mite in a paipih uhi. Mihaupa zong hong si leuleu a, a kivui hi. A HI ZONGIN HELL KHUK SUNGAH GIMNA THUAK IN A OM HI. Hih pen pawlkhat in Zeisu in gentehna a gen hi, ci'n um uhi. Sanggam aw, Zeisu'n gentehna a gen simin gentehna in ci masa den hi, hih munah tua cihna om lo hi. A mun min a mi minte zong gelh ngei lo hi. Hih munah mi haupa' min a gen loh hangin a om takpi mah a hi Lazarus, Abraham le Moses te min na gelh hi. Mi haupa pen gup ngahlo mi a hih man a, a gen loh hikha dingin ki-um hi. Banghang hiam cih leh Jew mite khangtang thu bu (Tradition) sungah hipa min pen Ninevis ci'n kikhum hi. (All the parables of the Bible p.293 by Hebert Lockyer)
Mi haupa a luanghawm a kivui hangin a sih lian phet mahin Hell sungah a mit kihong hi. Gimna, gawtna mun tung ahih lam kithei hi. A mit tawh leitunga a simmawh Lazarus galmuh hi. Na sa, sa sa-in kap-in kiko-a, tui tangkhat nangawn lunggulhin awng hi. Leitunga a om lai a sanggam pasal ngate phawkin kha mangthang vei mahmah pan hi.
Thuhilhna 12:7 " I pumpi, lei suak kik dinga, i nuntakna a hong pia Pasian' kiangah i kha ciah kik ta ding hi"
2 Cor.5:1 "...ka lei pumpi uh a siat ciangin...Pasian in a kip tawntung dingin kote aading a hong bawlsak inn, vantungah a nei ding ka hihna uh ka thei uh hi."
Phil. 1:22 "...leitung pumpi si-in Chris tawh om khawm ding ka ut hi."
Heb.9:27 "Mi khempeuh khatvei si-in, tua khit ciangin (after that, not after resurrection or millennium kingdom)Pasian' thukhenna a thuak ding ahih mah bangin,"
Sanggam aw, LSTho in Hell om takpi ahih manin gupna thu tawh kisai a gen simin tu mahmah in sang pak in, den ciang ci ken cih hi den hi. Zeisu lo tawh na nutakna hong bei ziau leh na mai-ah Hell maw Vantung gam hi paha na pawlpi, na sia/ topate thungetsakna le nasepna tuamtuam tawh hong kigumkhia thei nawn lo hi. Zekai lua ta, Mi haupa'n Hell khuk sung pan a sanggamte aading a thunget ngah lo hi, Pasian' kamsangte thu na um hen kicih san bek hi. Pasian in Hell ah ih pai ding hong deih kei, mihing ta dingin zong a bawl hi peuhmah lo hi, Dawi mangpa le a nungzui dawi gilo dangte aading bek a hih manin Pasian in a nasia thei, a gimhuai thei penpen dingin a bawl a hi hi (Matt. 25:41) Nang le kei aadingin Vantung hong bawl sak hi (Jn. 14:2) Zeisu lamah hong kihei kik in la Hell lampi pan Van lampi ah hong kihei in, Pasian innkuan sungah kong dawn hi.
Itna le Lainatna tawh;
Source; Zo Net
Tu sungteng Hell thu i kilimkup luatna pan ken zong pawl khat hong hel nuam ing. Hell thu pen thu-um mi khatin hoihtak ih theih ciang bekin Pasian hong deihna bangin kha mangthang veina kinei thei pan dinga thu-um lo mi khat in zong hell thu ahi bangin thei kha zen leh pawh a mangthang, lamkhial mite zong ding le gum dinga hong pai Topa Zeisu longal kuadang lunggulh het lo ding hi. LSTho sungah bangci bangin kimu thei hiam cih en-in kikumkhawm ni.
I. HELL A OM TAKPI MAH HIAM?
LSTho sungah Hell thu mi tuamtuam-in na gen a, a masa penin Zeisu'n bangci gen hiam cih en phot ni.
Matt.5:22
"...a sanggamte kiangah 'mihai' ci-in a simmawhte in Hell meikuang sungah khulna thuak thei ding hi." Na ci hi. Zeisu in Hell pen kongkhakte (gates) a nei in na gen hi. Matt. 16:18
"...Hih suangpi tungah ka pawlpi ka lam dinga Hell khua kongkhatte in zo zo ngeilo ding hi"
Matt. 23 sung bupah Zeisu in midangte ' sia', 'topa' cih ding ut-a puantualpi silhin tokhom sang tung tu-in midangte muhna bekah kineihna vive tawh a nungta thukham hilh siate le Pharisee te tungah hih bangin thu na gen hi.
Sia khat bek na nei uha no adangteng unau khat na hi uhi. Vantungah Pa khat bek nei na hih manun kuamah 'pa' na kici kei un. Topa dingin Chris bek nei na hih manun kuamah 'topa' na kici kei un. No mihoih a kineih khemte aw GIMNA NA THUAK DING UH HI. Vantung gamah mite lut theih loh ding kong na khakcip uha no lah na lut tuan kei uhi. Meigong numeite neihsateng na laak sak uha mipi pahtak ding na ut manun na thunget uh na sau sak uhi. Mikhat bek nangawn na ngah zawh nadingun leitung, tui tungah khual na zin kawikawi uha, na ngah sunsunte uh zong no zah nihin a siahuai Hell khuk tung ding mi na suah uhi. Mittaw a bang lamhilhte aw,...note in hai le a pua lam na siangsak uha a sungah thatang hat thu le huaihamna tawh mi aa na suh uh nate a om hi. Note pen leikang tawh a kizut manin a pua lam a hoih mahmah tawh kibang napi-in a sungah misi guh le a kihuai niin nam khempeuh a omna hankhuk tawh na kibang uhi. Gul a bang mite suan le khakte aw, HELL KHUK TUN NADING thukhamna panin suakta dingin bangci'n kilamen thei na hi uh hiam?
Hihi sanggam aw, siapi ih hi-a topa i hi zongin Zeisu tungtawn lo-in ih gup ngah na'ng lampi dang om thei lo hi. Topa siampi nasepna kuama tung ki-ap lo-a, a sem thei ding kuamah zong om lo ahih manin, mawhna a maisak thei Zeisu bek a om lam pawk in la Hell gam lampi panin Van gam lampi ah hong kihei kik in, Zeisu bek Lampi hi. Tuikia le tuikia a kigupkhiat theih loh mah bangin, mawhnei le mawhnei kigumkhia-a mawhna kimai sak thei cih om thei lo hi. Hehpihna tokhom tunga a tu Pasian le eite kikal a Palai khat bek a om ih Siampi lian pen Zeisu kiang hong zuan in.
Zeisu in Hell thu tawh kisai khauh takin hong gen hi.
Mark 9: 43-47
43 "...na khut in hong khialh sak leh sattan in. MEI A MIT NGEI LOHNA HELL khuk sungah khut kim tawh na lut sa'ngin khut langkhat bui-in nuntakna sungah lut le cin hoih zaw hi."
45 "...na khe in hong khialh sak leh sattan in,...
47"...na mit in hong khialh sak le khelkhia in,...
Sanggam aw, Hell meikuang panin na suahtak theih nadingin na sattan, na khelkhiat ding a omkha hiam? Na pawlpi, na siapa/ topa, na neih na lam, na pilna le na siamnate pen nang aadingin Hell khuk sung hong tunpih ding na khut na khe le na mit hi kha ding hi. Zeisu in Hell ih lut ding hong lainat lua ahih manin ei aadingin singlamteh tung hamsiatna hong thuak sak khin zo ta hi.
II. ZEISU IN HELL BANGCI GEN HIAM?
"Meikuang" ..........................Matt.7:19; 13:40; 25:41
"Tawntung meikuang" .................Matt.18:8; 25:41
"Tawntung mawhpaihna" ...............Mk. 3:29
"Meikhukpi" .. ......................Matt.13:42,50
"A mit ngeilo meikuang" .............Mk. 9:43-48
"Amau thante (their worms) a sih ngei lohna mun Mk. 9:44-48
"Kahna le hagawina mun" .............Matt. 8:12; 22:13; 13:42,50; 25:30
"Gimthuakna mun".....................Lk. 16:23,24,28
"Pualam khuamialna" .................Matt. 8:12; 22:13
"Tawntung gimthuakna" ...............Matt. 25:46
A dang gen ding mun tampi om lai hi. Hell om takpi ahih manin Zeisu in Vantung saa'ngin Hell thu lim gen zaw-a Paradise saa'ngin Mawhpaihna (damnation) thu lim gen zaw hi. Hell om lo hi zen leh Zeisu pen mi khempeuh lakah ziau khem bupa hi ding hi. Hell om takpi ahih manin Zeisu in vantung A' Pa ang nusia in a kihuai leitungah hong pai hi. A tang van innpi van mi honpite'n bia a phatna la a sak zaizai-na mun nopci nusia in Hell lam zuan eite hong zong hi. Eite taang dingin mawhsakna, nialna, kigawhlupna tuak ding thei sa-in hong pai a, a sisan tawh ih mawhnateng hong sawp siang sak hi. Hell na pai veve leh na mawhna hang hi lo-in Ama hong it mahmahna na nialna hang a hi ding hi. Zeisu kiang hong zuan ta in, hehpihna tokhom panin nang hong samsam, hong ngakngak lai hi.
III. HELL KOI LAI-AH OM?
LSTho lui sungah Sheol cih Hebia lai tawh 65 vei kigelh a 31 vei Hell ci'n kikhia a, 31 vei mah hankhuk kici-in a dang 3 vei pen dumpi (pit) ci'n kiletkhia hi. LSTho thak sungah Hades cih Greek lai tawh 10 vei kigelha Hell ci'n kiletkhia hi. Sheol le Hades a khiatna akibang hi-a Tawntung gimthuakna mun "Gehenna" ( eternal damnation) a genna hi nai lo hi. Ni tawp ni teh a lian a kang tokhom mai pan Pasian in tu laitak-a misite tunna Hell (Sheol/ Hades) pen Tawntung gimthuakna mun "Gehenna" (eternal damnation) sungah lawnkhia ding hi (Mang. 20:14).
Tu a ih gen Hell omna pen Leinuai hi ci'n LSTho sung pan kimu thei hi. Zeisu singlamteh tung a sihin a kha pen leinuai Hell ah pai ci'n Sawl. 2:31 sungah Peter in hih bangin na gen hi.
"Misite' gam sung (Hell/Hades) ah Amah kinusia lo-a,..."
Zeisu mahmah in Matt. 12:40 sungah;
"Ngasa gilpi sungah sun thum le zan thum sung Jonah a om bangin Mihing Tapa zong sun thum le zan thum sung leisungtawng (in the heart of the earth) ah om ding hi."
Eph. 4:9 sungah Zeisu thu hih bangin na kigen hi.
"Pai to" a cih ciangin bang a cih nopna hiam cih leh leisung a thuk penna mun (into the lower parts of the earth) dongah pai suk masa khin ngei zo, a cih nopna ahi hi."
Scientist le LSTho sia ahi Henry Morris in zong LSTho in Hell pen hih ih leinuai-ah om hi, ci'n siang takin gen hi, na ci hi.
April 10,1987 The Birmingham News sungah scientist te'n "Leisung pen ni maitang saa'ng sa zaw" (Earth's Center Hotter Than Sun's Surface) cih a gelhna sungah leisung satna pen 12,000 Degree Fahrenheit saa'ng sa zaw hi, ci'n na gelh hi. Degree 212 bang teh tui so ziahziah a hih teh hih pen naak sat mahmah ding cih ih thei hi. Meimual (volcano) puakkhamnate ngaihsun leeng leisung sat luatna pana mei so pi hong luakhia hi zen hi. May 18,1980 kuma Mt. St. Helens a meimual puakkhamna a gente'n " When Hell surfaced upon the earth." Volcanoes, Earth's Awakening ( p.91) ci'n na gelhkhia uhi.
Gamlakvakna 16 sungah mi honkhat a hing tanga Hell sung a kiatna hong gen hi.
"Leitung in a kam ka-in Korah tawh a kipawl mi khempeuh le a innkuanpihte uh le a neihsa khempeuh uh valh tum hi..."
14 Century hun lai-a aksi lam le siavuan lam pilna a nei Caspar Peucer in Heklafell mun a meimual puakkhamna thu a kanna ah hih bangin na gelh hi.
"Out of the bottomless abyss of Heklafell, or rather out of Hell itself, rise melancholy cries and loud wailings, so that these can be heard for many miles around...there may be heard in the mountain fearful howings, weeping and gnashing of teeth." (Haraldur Sigurdsson, Melting the Earth, The History of Ideas on Volcanic Eruptions, p.73)
Hici banga meimual puakkhamna pan kahna awging za pen Caspar bek na hih tuak lo hi. Mi pawlkhat in zong kahna aw (cries and screaming) a zak khak ngeina hih bangin na gelh hi.
"The fearsome noises that issued from some of their volcanoes were certainly thought to be the screams of tormented souls in the fire of Hell below" (Haraldur Sigurdsson, Melting the Earth, The History of Ideas on Volcanic Eruptions p.73)
Pierre Kohler in 1980 kum a Mt.St. Helens meimual puakkhapna pan kaat (sulfur or brimstone) bebek 150,000 tons tak hong luakhia hi, na ci hi (Volcanoes p.43)
July 2002 in Nature Magazine sungah "Inside this earth is 'fire and brimstone', ci'n na kigelh hi.
Sanggamte aw tu mahmah in Leinuai misite khua Hell-ah mi tul tampite kha kihal-in lamet bei-in kap-in hagawi uhi. Luke 16:19-31 sungah Zeisu in kician takin hong gen hi. 22...mi zawngpa hong si a vantung Abraham kiangah a om dingin vantung mite in a paipih uhi. Mihaupa zong hong si leuleu a, a kivui hi. A HI ZONGIN HELL KHUK SUNGAH GIMNA THUAK IN A OM HI. Hih pen pawlkhat in Zeisu in gentehna a gen hi, ci'n um uhi. Sanggam aw, Zeisu'n gentehna a gen simin gentehna in ci masa den hi, hih munah tua cihna om lo hi. A mun min a mi minte zong gelh ngei lo hi. Hih munah mi haupa' min a gen loh hangin a om takpi mah a hi Lazarus, Abraham le Moses te min na gelh hi. Mi haupa pen gup ngahlo mi a hih man a, a gen loh hikha dingin ki-um hi. Banghang hiam cih leh Jew mite khangtang thu bu (Tradition) sungah hipa min pen Ninevis ci'n kikhum hi. (All the parables of the Bible p.293 by Hebert Lockyer)
Mi haupa a luanghawm a kivui hangin a sih lian phet mahin Hell sungah a mit kihong hi. Gimna, gawtna mun tung ahih lam kithei hi. A mit tawh leitunga a simmawh Lazarus galmuh hi. Na sa, sa sa-in kap-in kiko-a, tui tangkhat nangawn lunggulhin awng hi. Leitunga a om lai a sanggam pasal ngate phawkin kha mangthang vei mahmah pan hi.
Thuhilhna 12:7 " I pumpi, lei suak kik dinga, i nuntakna a hong pia Pasian' kiangah i kha ciah kik ta ding hi"
2 Cor.5:1 "...ka lei pumpi uh a siat ciangin...Pasian in a kip tawntung dingin kote aading a hong bawlsak inn, vantungah a nei ding ka hihna uh ka thei uh hi."
Phil. 1:22 "...leitung pumpi si-in Chris tawh om khawm ding ka ut hi."
Heb.9:27 "Mi khempeuh khatvei si-in, tua khit ciangin (after that, not after resurrection or millennium kingdom)Pasian' thukhenna a thuak ding ahih mah bangin,"
Sanggam aw, LSTho in Hell om takpi ahih manin gupna thu tawh kisai a gen simin tu mahmah in sang pak in, den ciang ci ken cih hi den hi. Zeisu lo tawh na nutakna hong bei ziau leh na mai-ah Hell maw Vantung gam hi paha na pawlpi, na sia/ topate thungetsakna le nasepna tuamtuam tawh hong kigumkhia thei nawn lo hi. Zekai lua ta, Mi haupa'n Hell khuk sung pan a sanggamte aading a thunget ngah lo hi, Pasian' kamsangte thu na um hen kicih san bek hi. Pasian in Hell ah ih pai ding hong deih kei, mihing ta dingin zong a bawl hi peuhmah lo hi, Dawi mangpa le a nungzui dawi gilo dangte aading bek a hih manin Pasian in a nasia thei, a gimhuai thei penpen dingin a bawl a hi hi (Matt. 25:41) Nang le kei aadingin Vantung hong bawl sak hi (Jn. 14:2) Zeisu lamah hong kihei kik in la Hell lampi pan Van lampi ah hong kihei in, Pasian innkuan sungah kong dawn hi.
Itna le Lainatna tawh;
Source; Zo Net
