Tuma deuh in Zomi Human Rights Forum te in mipi theih dinga lai hong hawm uh ciang English hong zang uh a, a sim theilo, a simthei ahi zongin kisam a sa lo bangzah hiam om cih mipi laiatna pan in imu kik hi. Tualo Delhi Zomite in Zomi Christian International magazine a suaksak uh pawlkhat in kuppih in 'Zomi bup theih theih ding lai tawh hong at un" ciin gen khia hi.
Hihte bang hang ahi tam? Bang hangin zolai mikim theih ding om thei lo hiam? Zomi mun tuamtuam a omte iki muh khawm ni ciang bang pau tawh kiho ding ihi hiam? Zolai a at theilo, zokam a pau theilo tampi omta cih kiza za hi. Hi ci mah in mitsih sansan lel ding ihiam? 'Tuita a dah manin nui' cih i bat khak ding lauhuai hi.
Shillong ah ka sangkah laiin Nipini sangah naupangte Pasiante ki sinsak hi. A tamzaw in Zokam tawh hilh lo in, English tawh hilh uh a, naupang tamzaw in tua pen theih nuam sa zaw uh hi. A thu tel zaw uh hi. Zokam tawh a ki hilh ciang a gennop tello uh ahih manin tohlet lam peuh na hekphei, innkonga kimawlte peuh na enen thei uh hi. Delhi ah kumnih christmas leh kumthak ka zanga, naupang te Lai Siangtho kamngah kidemna pen English kizang hi! Khantohna hiam, khansukna hiam thei kei ing. Kua hiam cih dan in takin - 'a papai hi ta hang e' ahi hiam? Tua mah bangin Guwahti a Zomite in zong naupangte a kiho uh ciangin zokam sangin paudang zangzaw uh hi.
Khuapi danga omkhiate in Zokam leh Zolai a zat kei uh leh kua mawhna hi dign hiam? Nu le pa mawhna i ci khin thei diam? Lawm leh gual mawhna i ci diam? Minam khelhna i ci zaw diam? Koi pen hi ding hiam?
Bangbang hi leh mawhna ki zong leng kuamah a pengthei omlo ding i hih manin i vekpi in i mawh hi. Leitung mi khempeuh mawh hi cih LS in hong hilh hi. Zomite bek mawh uh hi ciin kigelh lo hi. I mawh mah bangin mawhpuakna zong i nei hi. I tavuan ciat zo leeng a pha tuam ding hi.
Lamka pen a vekpi in Zomi hi ci leeng kikhial lua lo ding hi. Ahi zongin amau khuata pau ciat tawh hong pemlut uh ahih manin pau pen saisa mahmah hi. A huansak pa in awkaih tuam khat zanga, a huankhang pa in awkaih tuam khat zang hi. Ahi zongin a tate uh sanginn kibangah sawl uh a, a tate uha kiho ciangin English in kiho hi. Naupang a neulai in lampi maan tawnsak lecin a tek dawngin lampial nawnlo ding hi cih kammal hongphawk sak hi. Tua bangin a tate uh sanginn pan lai hong zototo, tan 10 zo, BA zo, MA zo to lai.....kum hong kivei, amau ta hongnei kik, a tate un a pate totsa lampi ciat mah hong zui. Tua bek hilo in College leh University pen Lamka nusia in Zolai leh Zopau zatlohna gam ah zom zawmah lai uh ahih manin a pianpih pau sangin a pilna sinna lai leh kam pen nuam hong sa zaw hi.
Kum hong bei, khang hong thak , hun hong paipai tak ciangin innsungah meivak cih sangin light cih kiza mun zaw, annbuk cih sangin kitchen kici zawta, a pi leh a pu buai ngeel veem! Puanbu, tutphahsau cih kiza nawnlo blanket, sofa kici ziahziah ta. Leitung hong kilamdang, a hoih ding maw, a sia ding ki theilo. Biakna hun phatna hun kici nawnlo in praise and worship, kikhawlkhawm, lasa khawm kicinawnloin fellowship, singsong service.........................
Khuapi ah mi kawm ah tawmcik omte in paudang hong zuih zawk khak uh leh phadawm, a khuapi penpen ah paudang i thupi sak zawk leh i mailam ding bang ahi tam? Luseite tuacih lohna khat pen a gampua a omte paudang a zat uh hangin Mizogam hong ciah uh cinag a lusei pau lo tawh hi theilo ahih manin a siam teitei uh kisam hi. Zomite khuapi khat ahi Lamka in zong tua bang a zokam leh zolai theih teitei kisam dingin pan hong la kik leh cih ka deih mahmah hi. I nam suahtakna ding khat ahih manin.
Tu laitak in Zomi Convention om hi leh bang pau tawh thu i gen tam? Bang lai tawh thuzaksakna i hawm khia tam? English pen i lingua franca dingin i zangsuk vet mai diam? Zokam kizanglo in, maimangin pauthak tawh i kalsuan khak leh zong Zomi a suakta veve lai tam? Zomi mah ciin i minam min i kalsuan pih lai diam? Zokam leh Zolai khen lam zong i ngaihsut kulta cihna ahi hiam? Tua hun ciangin Zomi mahin i omlai tam? Ahih kei leh i tenna gamtek ah belhsuk lel in nungak pasal nei bangin i lutna lam tek i pi bawl zaw tam?
Ngaihsut tak in i ngaihsun hiam? A hun tun cianga ngaihsut dingin i koih lai phot diam? I nuai a meipi kisep lai kuang alh deuhdeuh a, a meikuangin i bualna tuili hong hulto in, i bualna tuizong a so dingin khu litliit ta hi lo ahi hiam?
Hau Za Cin
Phuitong Liim
This was written in 2006
Hihte bang hang ahi tam? Bang hangin zolai mikim theih ding om thei lo hiam? Zomi mun tuamtuam a omte iki muh khawm ni ciang bang pau tawh kiho ding ihi hiam? Zolai a at theilo, zokam a pau theilo tampi omta cih kiza za hi. Hi ci mah in mitsih sansan lel ding ihiam? 'Tuita a dah manin nui' cih i bat khak ding lauhuai hi.
Shillong ah ka sangkah laiin Nipini sangah naupangte Pasiante ki sinsak hi. A tamzaw in Zokam tawh hilh lo in, English tawh hilh uh a, naupang tamzaw in tua pen theih nuam sa zaw uh hi. A thu tel zaw uh hi. Zokam tawh a ki hilh ciang a gennop tello uh ahih manin tohlet lam peuh na hekphei, innkonga kimawlte peuh na enen thei uh hi. Delhi ah kumnih christmas leh kumthak ka zanga, naupang te Lai Siangtho kamngah kidemna pen English kizang hi! Khantohna hiam, khansukna hiam thei kei ing. Kua hiam cih dan in takin - 'a papai hi ta hang e' ahi hiam? Tua mah bangin Guwahti a Zomite in zong naupangte a kiho uh ciangin zokam sangin paudang zangzaw uh hi.
Khuapi danga omkhiate in Zokam leh Zolai a zat kei uh leh kua mawhna hi dign hiam? Nu le pa mawhna i ci khin thei diam? Lawm leh gual mawhna i ci diam? Minam khelhna i ci zaw diam? Koi pen hi ding hiam?
Bangbang hi leh mawhna ki zong leng kuamah a pengthei omlo ding i hih manin i vekpi in i mawh hi. Leitung mi khempeuh mawh hi cih LS in hong hilh hi. Zomite bek mawh uh hi ciin kigelh lo hi. I mawh mah bangin mawhpuakna zong i nei hi. I tavuan ciat zo leeng a pha tuam ding hi.
Lamka pen a vekpi in Zomi hi ci leeng kikhial lua lo ding hi. Ahi zongin amau khuata pau ciat tawh hong pemlut uh ahih manin pau pen saisa mahmah hi. A huansak pa in awkaih tuam khat zanga, a huankhang pa in awkaih tuam khat zang hi. Ahi zongin a tate uh sanginn kibangah sawl uh a, a tate uha kiho ciangin English in kiho hi. Naupang a neulai in lampi maan tawnsak lecin a tek dawngin lampial nawnlo ding hi cih kammal hongphawk sak hi. Tua bangin a tate uh sanginn pan lai hong zototo, tan 10 zo, BA zo, MA zo to lai.....kum hong kivei, amau ta hongnei kik, a tate un a pate totsa lampi ciat mah hong zui. Tua bek hilo in College leh University pen Lamka nusia in Zolai leh Zopau zatlohna gam ah zom zawmah lai uh ahih manin a pianpih pau sangin a pilna sinna lai leh kam pen nuam hong sa zaw hi.
Kum hong bei, khang hong thak , hun hong paipai tak ciangin innsungah meivak cih sangin light cih kiza mun zaw, annbuk cih sangin kitchen kici zawta, a pi leh a pu buai ngeel veem! Puanbu, tutphahsau cih kiza nawnlo blanket, sofa kici ziahziah ta. Leitung hong kilamdang, a hoih ding maw, a sia ding ki theilo. Biakna hun phatna hun kici nawnlo in praise and worship, kikhawlkhawm, lasa khawm kicinawnloin fellowship, singsong service.........................
Khuapi ah mi kawm ah tawmcik omte in paudang hong zuih zawk khak uh leh phadawm, a khuapi penpen ah paudang i thupi sak zawk leh i mailam ding bang ahi tam? Luseite tuacih lohna khat pen a gampua a omte paudang a zat uh hangin Mizogam hong ciah uh cinag a lusei pau lo tawh hi theilo ahih manin a siam teitei uh kisam hi. Zomite khuapi khat ahi Lamka in zong tua bang a zokam leh zolai theih teitei kisam dingin pan hong la kik leh cih ka deih mahmah hi. I nam suahtakna ding khat ahih manin.
Tu laitak in Zomi Convention om hi leh bang pau tawh thu i gen tam? Bang lai tawh thuzaksakna i hawm khia tam? English pen i lingua franca dingin i zangsuk vet mai diam? Zokam kizanglo in, maimangin pauthak tawh i kalsuan khak leh zong Zomi a suakta veve lai tam? Zomi mah ciin i minam min i kalsuan pih lai diam? Zokam leh Zolai khen lam zong i ngaihsut kulta cihna ahi hiam? Tua hun ciangin Zomi mahin i omlai tam? Ahih kei leh i tenna gamtek ah belhsuk lel in nungak pasal nei bangin i lutna lam tek i pi bawl zaw tam?
Ngaihsut tak in i ngaihsun hiam? A hun tun cianga ngaihsut dingin i koih lai phot diam? I nuai a meipi kisep lai kuang alh deuhdeuh a, a meikuangin i bualna tuili hong hulto in, i bualna tuizong a so dingin khu litliit ta hi lo ahi hiam?
Hau Za Cin
Phuitong Liim
This was written in 2006
