Hau Za Cin
Phuitong Liim
Ta khoilo lak pan Thankik tate khuasuah pen hi kici hi. Thankik in ta a neih ciangin a tate mel mi kik nawnlo hi kici hi. Thankik in a tui leidum sungah phum in nusia a, vakmang san hi. A hun a cin ciangin tua a tui hong keuh a, amau leh amau hong pusuak in vakkhia uh a, a nu a pa mu sese lo in nekzong tawm in nungta uh a, a kituah pihpih uh a innkuan suak hi mai hi. Inkuan ci leeng, nupa in kizui cih ding hi zaw inteh.
Mihingte i hih leh i suahpan kipan nu leh pa khoina tawh kinungta in, nektawm zong thei tampi nu leh pa khutsung pan nek kisawk lai hi. Khat i sep sang nih i sep thaman tam zaw ding hi napi khat i sep ah kinga in adangteng in kumpi bangin tutna pan i ne ziauziau lel hi. (Tua bang hun in tu laitak Zomi te hong kheng hiaihiai hi. A kicing zaw in a ban ah). I gilvah kei in, lim sa kei leeng i phun ngam lai tazen a, ci allo bek zong i hang ngam tazen hi (mi pawlkhat)!
Ahi zongin tua bang hun in mihing pilna nei leh a khangto te minam peuhmah kheng hiaihiai a, tua lak ah Zomi te zong kihel hi. Tua banga khantohna lam ah kal a suan laitak a kiciamtehna khat pen - 'Tate khuasuah' ahi hi.
Tate khuasuah cih ciangin tate amau leh amau a nungta thei ding a pattah zawhna ahi hi. Ama nuntakna dinga nekzonna, ngaihsutna, thukhualna te ah picinna nei a nu leh pa leh midang tungah kinga lo a kalsuan thei, hing thei te genna ahi hi. Tua bang a tate khuasuah thei nu leh pa te pen thupi in zahtakhuai a, lawm leh gual lak ah kieng in, kizahtak pah hi.
Zomi khanglui hun, tuma kum 100 hun lai in tate khuasuah a cih uh ciangin atate uh zi leh ta guan khin zo, amau inn leh lo suangin nek ding dawn ding akicing in amau leh amau kizon zo, kuamah sawklo, puktaw lo dingin pattah uh cihna hi. Tua bang mite mi ci thei, mi enhuai, zahtak kipia mite hi. Tuhun LS kammal kawm leng, 'thupha ngah' i cihte ahi uh hi.
Tu hun khang leuleu ciangin, tate khuasuah a kicih ciangin khanglui huna nek leh dawn leh zi leh ta kiguanzote bek genna hi nawnlo in, nisim a kisam leitung pilna a kicing guanzo leh leitung leh vantung dongah kha nuntakna dingin a tate Pasian thu ah pattah in piangthak in a kha (soul) suakta sak (tawntung nuntakna ngahsak) te kici thei ding hi.
Tua ahih leh Zomite adingin tate khuasuah ciatciat pen khanglui hun sangin khangthak hun ah nasep kibang nawnlo a, nu leh pa tavuan zong kikim nawnlo cihna hi. Khangthak hun ah pilna leh kha nuntakna kibehlap ahih manin khanglui hun sangin khangthak hun ah tate khuasuah ding ollo zaw cihna hi. Nek leh dawn leh zi leh ta bek ah picinna, kiningcingna a kisap hun in zong bel tate khuasuah ding a baih hituanlo ding hi. A hunhun in a phut ding uh gambulak sah ciat ding ahih manin HUN LUI hita leh HUN THAK hi ta leh tate khuasuah zo pen a thupi hi.
Tapa 4 leh tanu 3 zi leh pasal guan in, inn leh lo suangsak in nek ding dawn ding a khangual engsak lo hi, a kicih hun pan - tapa 1 leh tanu 2 pilna sangpi BA, MA zo sak in, piangthak in Pasian zahtak in pattah uh hi cih pen amau hun ciat ah a thupi dan kibang hi. Tua manin amau hun ciat ah Zomi papi khat in a tate a khuasuah pen a zahtakhuai, a en huai, a pahtawi huai leh a etteh huai hi gige hi.
Nu leh pa pattahna tawh a khuasuak om a, amah leh amah hanciamna tawh a khuasuak (self made) zong om leuleu hi. A tamzaw ah a nunungte pen leitung mi minthang i cih lak ah tamzaw uh hi. Ahang pen amau hanciamna in ciangtan neilo a (unlimitted passion for success), a khuaphawk laiteng khawllo, tawlnga lo in hanciam in khangto uh hi. A taktak in pattah a khuasuakte sang, amau leh amau a khuasuakte tangthu zaknop zaw thamtham lai hi.
www.hauzacin.blogspot.com
Phuitong Liim
Ta khoilo lak pan Thankik tate khuasuah pen hi kici hi. Thankik in ta a neih ciangin a tate mel mi kik nawnlo hi kici hi. Thankik in a tui leidum sungah phum in nusia a, vakmang san hi. A hun a cin ciangin tua a tui hong keuh a, amau leh amau hong pusuak in vakkhia uh a, a nu a pa mu sese lo in nekzong tawm in nungta uh a, a kituah pihpih uh a innkuan suak hi mai hi. Inkuan ci leeng, nupa in kizui cih ding hi zaw inteh.
Mihingte i hih leh i suahpan kipan nu leh pa khoina tawh kinungta in, nektawm zong thei tampi nu leh pa khutsung pan nek kisawk lai hi. Khat i sep sang nih i sep thaman tam zaw ding hi napi khat i sep ah kinga in adangteng in kumpi bangin tutna pan i ne ziauziau lel hi. (Tua bang hun in tu laitak Zomi te hong kheng hiaihiai hi. A kicing zaw in a ban ah). I gilvah kei in, lim sa kei leeng i phun ngam lai tazen a, ci allo bek zong i hang ngam tazen hi (mi pawlkhat)!
Ahi zongin tua bang hun in mihing pilna nei leh a khangto te minam peuhmah kheng hiaihiai a, tua lak ah Zomi te zong kihel hi. Tua banga khantohna lam ah kal a suan laitak a kiciamtehna khat pen - 'Tate khuasuah' ahi hi.
Tate khuasuah cih ciangin tate amau leh amau a nungta thei ding a pattah zawhna ahi hi. Ama nuntakna dinga nekzonna, ngaihsutna, thukhualna te ah picinna nei a nu leh pa leh midang tungah kinga lo a kalsuan thei, hing thei te genna ahi hi. Tua bang a tate khuasuah thei nu leh pa te pen thupi in zahtakhuai a, lawm leh gual lak ah kieng in, kizahtak pah hi.
Zomi khanglui hun, tuma kum 100 hun lai in tate khuasuah a cih uh ciangin atate uh zi leh ta guan khin zo, amau inn leh lo suangin nek ding dawn ding akicing in amau leh amau kizon zo, kuamah sawklo, puktaw lo dingin pattah uh cihna hi. Tua bang mite mi ci thei, mi enhuai, zahtak kipia mite hi. Tuhun LS kammal kawm leng, 'thupha ngah' i cihte ahi uh hi.
Tu hun khang leuleu ciangin, tate khuasuah a kicih ciangin khanglui huna nek leh dawn leh zi leh ta kiguanzote bek genna hi nawnlo in, nisim a kisam leitung pilna a kicing guanzo leh leitung leh vantung dongah kha nuntakna dingin a tate Pasian thu ah pattah in piangthak in a kha (soul) suakta sak (tawntung nuntakna ngahsak) te kici thei ding hi.
Tua ahih leh Zomite adingin tate khuasuah ciatciat pen khanglui hun sangin khangthak hun ah nasep kibang nawnlo a, nu leh pa tavuan zong kikim nawnlo cihna hi. Khangthak hun ah pilna leh kha nuntakna kibehlap ahih manin khanglui hun sangin khangthak hun ah tate khuasuah ding ollo zaw cihna hi. Nek leh dawn leh zi leh ta bek ah picinna, kiningcingna a kisap hun in zong bel tate khuasuah ding a baih hituanlo ding hi. A hunhun in a phut ding uh gambulak sah ciat ding ahih manin HUN LUI hita leh HUN THAK hi ta leh tate khuasuah zo pen a thupi hi.
Tapa 4 leh tanu 3 zi leh pasal guan in, inn leh lo suangsak in nek ding dawn ding a khangual engsak lo hi, a kicih hun pan - tapa 1 leh tanu 2 pilna sangpi BA, MA zo sak in, piangthak in Pasian zahtak in pattah uh hi cih pen amau hun ciat ah a thupi dan kibang hi. Tua manin amau hun ciat ah Zomi papi khat in a tate a khuasuah pen a zahtakhuai, a en huai, a pahtawi huai leh a etteh huai hi gige hi.
Nu leh pa pattahna tawh a khuasuak om a, amah leh amah hanciamna tawh a khuasuak (self made) zong om leuleu hi. A tamzaw ah a nunungte pen leitung mi minthang i cih lak ah tamzaw uh hi. Ahang pen amau hanciamna in ciangtan neilo a (unlimitted passion for success), a khuaphawk laiteng khawllo, tawlnga lo in hanciam in khangto uh hi. A taktak in pattah a khuasuakte sang, amau leh amau a khuasuakte tangthu zaknop zaw thamtham lai hi.
www.hauzacin.blogspot.com
