By: ZoMang
Thailand gamah abeisa kum sungin galkap in uknaa ( aanaa ) la in, alakzo bek ma-in, kumkhat sungin Democracy kapiekia dinghi, uknaa, aanaa, mipi te tungah ka-ap kia dinghi ci-in leitungbup thei dingin genkhie hi.Tua dung zui-in tun le thugui hlun manzo bek thamlo, mipi tungah kipsahnaa lakia zo-in, tua ban-ah angtungding december hla 13 ni ciengin gambup kiteelnaa bawlding cizong genzo hi. Aanaa, uknaa alak zo-aa agen bangun sem toto uh ahi ziekin tu-aa kiteel nading tawh kisai zong tangtung dingin atamzaw in umhi. Bangziek ei cile akamciem te uh, leitungbup mai-ah peel/zuau nuom lo-uh, khatlam panh kamciem ( promise ) te kiptuh uh, thutah, ci dinghi. Kawlgam galkap kumpi te in kumsawm angval ta in tu nidong NC manthei nai lo uhaa, leitung bup mai ah akamciem te uh atangtun lo dinguh phamaw salo, zum thei lo in, zuau ding cipen ancim hawp aa ahawp te uh ahilam pen tunidong mundang gam aa gam makai ten thei cien nailo uhhi.Tam "thutah" cithu pen azai mama thu khat hi-aa, amihing pienzie le gui le gau nam tung le gam khanto na tung ah tampi kinga hi. Bangbang taleh Thai gampen kumkhat cin masang democracy ah kalsuon kia tading aa, leitungbup ii mai-ah maipha nga dinghi.
Khaihleh, ikawlgam galkapkumpi uknaa enkiavawi. Akipat naa hlimhlim ah, mikaangte khutsungpanh isuotat nading in BooChoh AungSan in minam makai zosie tawh kipawlton in nasem aa, zong suotatnaa kinga tahpi hitei naleh suotatnaa makai sungaa miginalo pawlkhat in BooChohAungSan angthat in tuazo aa patin tunidong democracy cihlimhlim, a-gimnam zong kiza khatalo hi.UNu, UNiWin cite in hingmakaih toto in, democracy ngen tapoh man, thongkhie, that, cidan in hingbawl toto uhhi. Ahihangin mipi lampamh hamsatnaa tampi tah kithuok ta ahiziekin tam ki-uknaa kideih nawnlociet in, tuadungzui-in 1988 kum tah cieng mipi te kitom naatawh UNiWin uknaa khawl hi.Tam mipi kitom naa sungah UNiWin uknaa akhawlzo tei hangin, a-awng sabuoi uopding le, azomtoding in mipilam panh gelkholnaa kicien nakineilo ahi ziekin, mipi kitom na huvau aa, akumkhie UNiWin sabuoi awng pen UNiWin mi ahi galkap tema in tua sabuoi awngno ah mun anglazieu in tunidong suoh to hi.
Bangbang le leitung huolpi khanto naapen democracy ci-in makaih ta-aa, democracy tawh kalsuon lo, alangpang pen leitungah gamlii kim pawlbeh omin tuasungah kawlgam khat in kihal hi. Democracy langpang sungah gam khangto ci omlo in tuaziekin kawlgampen leitungbup ah azawngkhaal penpen gam sazien ah lutsuh hi. NKorea mama zong tu masang deuhin agaam sung uoah tuikhan huvau in mipi athen aa sim-in gentheinaa thuok tama leh kumpi lampanh bangma panpi zonaa neilo uhhi. Agei-aa aki-inn venpi SKorea gampen leitungah gam khangto le gamhau, gamnuomsa sazien ah kihalta hi. Kawlgam zong democracy kinga in hileh gamsung, leisung sumpieng tam mama ahiziekin kumsawmni masangin Asia sungbeh thamlo leitung bupah akhanto naa kimu zoding hi.Tu mama inzong meitui man khan huvau in kawlgam sungaa, sandahpiah ( demostration ) bawl mipi te galkap kumpi ten numei nangawn za lo-in bawlsie, man, vawgawp le thong khiekhie uoa, tulien in mipi za ( 100 ) val bang thong sung ah koih uhhi. Aban zom toto lai uhhi. Tua bang ziekin leitung bup ciphiel in tulai tah in kawlgam tawh kisai lung himaw ciet in statement suo ciet in mukhiel naa khang semsem hi.
Ahihang in galkap kumpi-in leitung buppi ii mukhielnaa tawh akipelh thei nading le, amau uknaa atawp lo nadingin abeisa 1993 kum valaa-pataa, democracy aa zahding kawlgam thuguihlun pi asiem uh aman zolo pipen tunle tua thuguihlun pi pen mansah ding ci-in NC pawi abawl lai tah uhhi. Tambang thuguihlun abawl naa uoah democracy tawh kituohlo thuguihlun tampitah thunlut uh ahiziekin leitungbup le kawlgam sungaa democracy nga nadingaa makai te, le 1988 kum mipi kitom naa makai, sangnaupang ahi, galkap kumpi in thong sung aa kumsawm val dipdep akoih zawcieng aa ang pusuoh Ko MinKoNaing, KoKoKyi,KoThiKyuoi,Ko Jemmy, KoMyaAye, KoThenKyaw e.c.t ci te in tu aa galkap kumpi te siem ahi kawlgam thuguihlun NC tawh kisai-in, tu hla August niigiet ni-in statement khat 8888 sangnaupang min tawh suo uhhi. Tua sungah kawlgam thugunhlun tawh kisai in, 1974 aa UNiWin ii nasiem thuguihlun dihlo ziekin 1988 kumin mipi te kitom naa piengin mipi tampi tah in siluonlaw, silaw aa,suplaw hi, tua ziekin gambup nuntatnaa pi ahi galkap te hlun tu aa NC zong 1974 kum aa dan ahilo nading kisam hi. Thuneih pawlkhat ii deihnaa lien behtawh hilo aa, mipi huop, le mipi te thukim naa, gam sungaa teng minam zosie ii makai te zosie kihal aa, thukim natawh kisiem thuguihlun ahiding kisam hi. Tuadan ahisih leh tam thugui hlun ziekin 1988 kum aa bang ma-in mipi kitom naa piengkia in sisan luonnaa omsah kia ding thugunhlun suoh kia thei ding hi, tam thugui hlun pen apawkkhe ding thuguihlun suoh dinghi ci-in 88 sangnaupang makai te in tuhla August 12 sunday ni-in news ah belap in gen khielai uhhi.Tam thuguihlun Pohma 4 na-ah Democracy dihtah lampi tun nading ci-in thuguihlun om in, Pohma 6 na-ah galkap in tam polictic tawh kisai mun anga andinguh thuguihlun om aa, No. 4 le No 6 kikumkal hi. Democracy ah galkap in nainganzii ah kihal lohi. Tu-aa thuguihlun ah, gam thuneinaa agolgap mun 11 sungpan mun sagi ah galkap te-in mun lading ci-in hlung uh-aa, tua banah vuonzii mun zosie ah tu mama in galkap sungaa te galkap puon suo in mun la uhhi. 100%sung 25% pen galkap te aa in abaihsa in hlung uh, tua ban-ah, deih hunhun aa, uknaa ( aanaa ) galkap in alakpiekthei ding in citele, kumpi nasem popo naingaizi ah kihal theilo ding ci-in ( ) sungah ( galkap simlo ) cise lai-in tuaban ah tam thuguihlun ikhel nopleh athet luotdaw 75 thukimnaa lading aci banah mipi thukim naa lading cilai uhhi. Athet luotdaw 100 sungah 25 pen galkap te hizo aa, tua banah panmun dang ahzong galkap hon pikhat in mun la ahilai ziekin galkap te thukimnaa om lo-in tam thuguihlun kikheel theilo ding cinaatawh kibang hi. Tua ziekin democracy dantawh kituoh lo, galkap te in kawlgam a uk suoh thei nading bek aa kisiem ahi tam thuguihlun pen leitung democracy gam zosie mama inzong thukimlo le kawlgam in democracy nga nading aa makai zosie in thukimlo suoh hi.Tua ban ah, galakp in abawl uh thuguihlun siemnaa pawi NC tawh kisai aa, anawngkaisah thei ding sepnaa asem kha popo 5/96 tawh thong khieding ci-inzong galkap lam-in thuguihlun (law) bawl uhhi. A deih na uoah tam thuguihlun tawh kisai koima ham thei lo ding, cile amau deih banglien aa ahlung nuom uh ahinaa kilang sah semsem hi. Gambup aa teng mipi zosie zuiding lampi ahi tam thuguihlun pipen mipi zosie ii thusuh thutoh akhensat thugol pi ahi ziekin, galkap kumpi lam ten, 1990 kum aa mipi te tel ahi MP te minam zui aa kiteel MP te aapat minam zosie makai teng kimu tuo leh ahoih pen le lungkim siengtho aa thuguihlun ahi nading aa abawl dinguh kisam hi cia, 88 sangnaupang ten a-ngenngen, agengen, asemsem uh hi-aa, tu in galkap lamten tambang aa, NC tawh kisai mipi aai aa agen sangnaupang makai teng pen man in thongah koihkia ta uhhi. Thong kum zading pen gen khienai lo uhhi.
Tambangin gam mipi tele leitung democracy gam zosie in athukim lo hangin galkap kumpi in ato na-uh nuosie lo ban-ah ato na-uh akip semsem nading ciin NC pen zom toto tham lo, asawt lo in mipi te kipsah naa bawlding ciin gen ngam giap lai uhhi. Mipi ten thukim pilo, gamsung mipi te beh hilo leitung bup in thukim pilo ci thei napi in mipi ma kollaw ngam uh ahileh tam NC pen mipi ten thukim naa me piehdinghi cia agen ngam uhtawh kibang hi.Tu lien aa a-thuguihlun -uh leitung in athukim lohangin daciengin mipi in thukim naa me ipieh po uhleh leitung in athukimpi ding suoh ngong hi. Ci nop na-ah ngiel thei lo uhhi. Gam mibup ii thukim naa suoh ahiziekin democracy nam khat ma hi veve hi.
Tam bang teng sungah 88 sangnaupang maikai tele nainganzii lam makai pawlkhat in mipi thukim sah naa- ang lak uhcieng in mipi ten me piesih poleh, mipi ten me apieh lo nadingin semding, mipi ten me avom aa-apiek nadingin sem ding cidan ahi zongin, munaa leh ngaihsut naa, gen khietnaa, tu mama in sepnaa nei uhhi. A hiding mahi civai. Sangnaupang makai te mama in mipi in athei dingin, "ei ma ngawng aa khaukuol kibul nading aa me pie ihhi lo nading uh mipi in athei ding kisam hi" ciin zong gen uhhi. Zong hima hi.Democracy makai adang pawl khat taleuleu te-in, tam NC tawh kisai mipi te kungaa galkap kumpi-in kipsahnaa ilah sah uhlehpen mipi ten thukimnaa me kipiezawthei ding hi. Mipi ten me apiek thei nading lampi tampi tah galkap kumpi-in siem thei uhhi.A beisa masahlah hunlai mama inzong bawlngai zo uhhi.Me akikhiek sieng zo ciengin avom zosie akaang suo zieu uhhi. Tunzong tua dan in bawl thei uh-aa, ahisih leh, hamsatnaa tung tawn ah tu-aa Chanphuot te Suonaasien ci tele kipawlnaa atuomtuom te bawlin tuasung aa alut te kumpi lampan hamphat naa, nganaa tampi tah bawl uhleh mipi ten ahamsat na uh tunnaan nei-in atawp na-ah ( ci-zu-sien ) le suo kia in, me piethei ding hi. Tua ban-ah me khielo popo bang cisah ding, avom aa khie popo bang cisah ding cinzong galgih leh, bawlsietnaa angnei uhleh zong mipi te zau thawngin piethei dinghi cia amu, ingaihtuo zong omhi.
Tam dan teng sungah NC tawk kisai mipi ten theiding le sepding thupi ni neihthei dingin omaa, khatnaa pen, tam NC mipi tungaa kipsahnaa ang kilak masang aa, akisiet dingpen mipi aai-in ahoi masapen suoh thei ding hi. Aninaa ah azenzen aa tam NC akisuhsiet zo sihaa mipi kipsah nacieng angtun tahleh, mipi ten hangsan tahaa, me avom aa ikhiek tua me piek natawh kisai, dih/dihlo cia athei, aencien ding, aencih ding pen democracy ngen mipi makai lam te-in ang geel dinguh kisam dinghi. Mipi ten kankuot in me pie sih nan lei, ahisihleh me vom pienaan uhlei tuadan aa, etkolnaa a-op sih nakleh kawlgam mipi tepen kumbangza khat ahiei galkap uknaa, netcipnaa neih ah, kinat dihdeh laiding cile kawlgakkap kumpi te deih ahi, taizienta te manthai siengding ci angim na uhleh asep na uh ah taizienta te pen gam pulam ah kimang thap toto lai ding hi cipen leitang tumleih kikhiel thei zawlai dinghi.Mipi me piek ding vai tawh kisai zong pawlkhat in me khielungvuoh sihlei acizong omhi. Me khie lungvuoh sihlei galkap te in amau-uu mi galkap teng, kumpi nasem ( vuonthan) teng le, tu aa mivuo, misat, miman aa khutzah aa anei uh Chanphuot, Suonaashiean cite le adang tengin me ang khe leh me khie lo tepen mesii suoh in akhie teng lah galkap te mivive angsuoh ding ahi ziekin olno tahaa azo uh angsuoh kia zawsop thei ding uhhi. Tu mama in Thai gamah me khieknaa kineih in me kikhieza sungah atamzaw in kila hi.Milip sim 100 sungah 40% kim bangin khielo aa akhie lote pen me sii suoh in akhie sung ah 50% val in zo ahiziekin kikip sah hi.
Thu khupnaa-ah 1962 zaw aa pat tunidong cieng kawlgam uknaa hoilo ahi ziekin leitung bupah gam zawng penpen sazien ah kitung aa, tua dung zui-in gam mite migam mi lei ah sila sem dingin kitai mang sieng ta hi.Tam pen gam sung ki uk naa hoilo napan angpieng thu hi. Ni dangin gamdang mite kawlgam ah nasem dingin angpei zaw uhhi.Nainganzii hoi lo na ii aga pen atom in tamtawh ki en thei hi. Tua dung zui-in nainganzii cipen gamsungaa teng milip khatsim tawh akisai ahi nazong ei musah hi. Tua ziekin tu aa, kawlgalkap kumpi te bawl kawlgambup thuguihlun tawh kisai-in "APAWK KHE DING AZAUHUOI NATIONAL CONVENTION" mipi te ngawng aa khau ei bul ding thuguihlun pi ahilam mipi ten ithei cien ding uhleh, ei hun angtun cieng aa, hangtah aa, iniel dinguh pen democracy nga nading lampi zotnaa, mipi suotat nading, ahi sihleh, ingawngaa khaukuol bullo naa lampi suohpen dinghi cithu khat simin thei gige dingin deihsah ahihi.
www.zoforum.co.nr
Thailand gamah abeisa kum sungin galkap in uknaa ( aanaa ) la in, alakzo bek ma-in, kumkhat sungin Democracy kapiekia dinghi, uknaa, aanaa, mipi te tungah ka-ap kia dinghi ci-in leitungbup thei dingin genkhie hi.Tua dung zui-in tun le thugui hlun manzo bek thamlo, mipi tungah kipsahnaa lakia zo-in, tua ban-ah angtungding december hla 13 ni ciengin gambup kiteelnaa bawlding cizong genzo hi. Aanaa, uknaa alak zo-aa agen bangun sem toto uh ahi ziekin tu-aa kiteel nading tawh kisai zong tangtung dingin atamzaw in umhi. Bangziek ei cile akamciem te uh, leitungbup mai-ah peel/zuau nuom lo-uh, khatlam panh kamciem ( promise ) te kiptuh uh, thutah, ci dinghi. Kawlgam galkap kumpi te in kumsawm angval ta in tu nidong NC manthei nai lo uhaa, leitung bup mai ah akamciem te uh atangtun lo dinguh phamaw salo, zum thei lo in, zuau ding cipen ancim hawp aa ahawp te uh ahilam pen tunidong mundang gam aa gam makai ten thei cien nailo uhhi.Tam "thutah" cithu pen azai mama thu khat hi-aa, amihing pienzie le gui le gau nam tung le gam khanto na tung ah tampi kinga hi. Bangbang taleh Thai gampen kumkhat cin masang democracy ah kalsuon kia tading aa, leitungbup ii mai-ah maipha nga dinghi.
Khaihleh, ikawlgam galkapkumpi uknaa enkiavawi. Akipat naa hlimhlim ah, mikaangte khutsungpanh isuotat nading in BooChoh AungSan in minam makai zosie tawh kipawlton in nasem aa, zong suotatnaa kinga tahpi hitei naleh suotatnaa makai sungaa miginalo pawlkhat in BooChohAungSan angthat in tuazo aa patin tunidong democracy cihlimhlim, a-gimnam zong kiza khatalo hi.UNu, UNiWin cite in hingmakaih toto in, democracy ngen tapoh man, thongkhie, that, cidan in hingbawl toto uhhi. Ahihangin mipi lampamh hamsatnaa tampi tah kithuok ta ahiziekin tam ki-uknaa kideih nawnlociet in, tuadungzui-in 1988 kum tah cieng mipi te kitom naatawh UNiWin uknaa khawl hi.Tam mipi kitom naa sungah UNiWin uknaa akhawlzo tei hangin, a-awng sabuoi uopding le, azomtoding in mipilam panh gelkholnaa kicien nakineilo ahi ziekin, mipi kitom na huvau aa, akumkhie UNiWin sabuoi awng pen UNiWin mi ahi galkap tema in tua sabuoi awngno ah mun anglazieu in tunidong suoh to hi.
Bangbang le leitung huolpi khanto naapen democracy ci-in makaih ta-aa, democracy tawh kalsuon lo, alangpang pen leitungah gamlii kim pawlbeh omin tuasungah kawlgam khat in kihal hi. Democracy langpang sungah gam khangto ci omlo in tuaziekin kawlgampen leitungbup ah azawngkhaal penpen gam sazien ah lutsuh hi. NKorea mama zong tu masang deuhin agaam sung uoah tuikhan huvau in mipi athen aa sim-in gentheinaa thuok tama leh kumpi lampanh bangma panpi zonaa neilo uhhi. Agei-aa aki-inn venpi SKorea gampen leitungah gam khangto le gamhau, gamnuomsa sazien ah kihalta hi. Kawlgam zong democracy kinga in hileh gamsung, leisung sumpieng tam mama ahiziekin kumsawmni masangin Asia sungbeh thamlo leitung bupah akhanto naa kimu zoding hi.Tu mama inzong meitui man khan huvau in kawlgam sungaa, sandahpiah ( demostration ) bawl mipi te galkap kumpi ten numei nangawn za lo-in bawlsie, man, vawgawp le thong khiekhie uoa, tulien in mipi za ( 100 ) val bang thong sung ah koih uhhi. Aban zom toto lai uhhi. Tua bang ziekin leitung bup ciphiel in tulai tah in kawlgam tawh kisai lung himaw ciet in statement suo ciet in mukhiel naa khang semsem hi.
Ahihang in galkap kumpi-in leitung buppi ii mukhielnaa tawh akipelh thei nading le, amau uknaa atawp lo nadingin abeisa 1993 kum valaa-pataa, democracy aa zahding kawlgam thuguihlun pi asiem uh aman zolo pipen tunle tua thuguihlun pi pen mansah ding ci-in NC pawi abawl lai tah uhhi. Tambang thuguihlun abawl naa uoah democracy tawh kituohlo thuguihlun tampitah thunlut uh ahiziekin leitungbup le kawlgam sungaa democracy nga nadingaa makai te, le 1988 kum mipi kitom naa makai, sangnaupang ahi, galkap kumpi in thong sung aa kumsawm val dipdep akoih zawcieng aa ang pusuoh Ko MinKoNaing, KoKoKyi,KoThiKyuoi,Ko Jemmy, KoMyaAye, KoThenKyaw e.c.t ci te in tu aa galkap kumpi te siem ahi kawlgam thuguihlun NC tawh kisai-in, tu hla August niigiet ni-in statement khat 8888 sangnaupang min tawh suo uhhi. Tua sungah kawlgam thugunhlun tawh kisai in, 1974 aa UNiWin ii nasiem thuguihlun dihlo ziekin 1988 kumin mipi te kitom naa piengin mipi tampi tah in siluonlaw, silaw aa,suplaw hi, tua ziekin gambup nuntatnaa pi ahi galkap te hlun tu aa NC zong 1974 kum aa dan ahilo nading kisam hi. Thuneih pawlkhat ii deihnaa lien behtawh hilo aa, mipi huop, le mipi te thukim naa, gam sungaa teng minam zosie ii makai te zosie kihal aa, thukim natawh kisiem thuguihlun ahiding kisam hi. Tuadan ahisih leh tam thugui hlun ziekin 1988 kum aa bang ma-in mipi kitom naa piengkia in sisan luonnaa omsah kia ding thugunhlun suoh kia thei ding hi, tam thugui hlun pen apawkkhe ding thuguihlun suoh dinghi ci-in 88 sangnaupang makai te in tuhla August 12 sunday ni-in news ah belap in gen khielai uhhi.Tam thuguihlun Pohma 4 na-ah Democracy dihtah lampi tun nading ci-in thuguihlun om in, Pohma 6 na-ah galkap in tam polictic tawh kisai mun anga andinguh thuguihlun om aa, No. 4 le No 6 kikumkal hi. Democracy ah galkap in nainganzii ah kihal lohi. Tu-aa thuguihlun ah, gam thuneinaa agolgap mun 11 sungpan mun sagi ah galkap te-in mun lading ci-in hlung uh-aa, tua banah vuonzii mun zosie ah tu mama in galkap sungaa te galkap puon suo in mun la uhhi. 100%sung 25% pen galkap te aa in abaihsa in hlung uh, tua ban-ah, deih hunhun aa, uknaa ( aanaa ) galkap in alakpiekthei ding in citele, kumpi nasem popo naingaizi ah kihal theilo ding ci-in ( ) sungah ( galkap simlo ) cise lai-in tuaban ah tam thuguihlun ikhel nopleh athet luotdaw 75 thukimnaa lading aci banah mipi thukim naa lading cilai uhhi. Athet luotdaw 100 sungah 25 pen galkap te hizo aa, tua banah panmun dang ahzong galkap hon pikhat in mun la ahilai ziekin galkap te thukimnaa om lo-in tam thuguihlun kikheel theilo ding cinaatawh kibang hi. Tua ziekin democracy dantawh kituoh lo, galkap te in kawlgam a uk suoh thei nading bek aa kisiem ahi tam thuguihlun pen leitung democracy gam zosie mama inzong thukimlo le kawlgam in democracy nga nading aa makai zosie in thukimlo suoh hi.Tua ban ah, galakp in abawl uh thuguihlun siemnaa pawi NC tawh kisai aa, anawngkaisah thei ding sepnaa asem kha popo 5/96 tawh thong khieding ci-inzong galkap lam-in thuguihlun (law) bawl uhhi. A deih na uoah tam thuguihlun tawh kisai koima ham thei lo ding, cile amau deih banglien aa ahlung nuom uh ahinaa kilang sah semsem hi. Gambup aa teng mipi zosie zuiding lampi ahi tam thuguihlun pipen mipi zosie ii thusuh thutoh akhensat thugol pi ahi ziekin, galkap kumpi lam ten, 1990 kum aa mipi te tel ahi MP te minam zui aa kiteel MP te aapat minam zosie makai teng kimu tuo leh ahoih pen le lungkim siengtho aa thuguihlun ahi nading aa abawl dinguh kisam hi cia, 88 sangnaupang ten a-ngenngen, agengen, asemsem uh hi-aa, tu in galkap lamten tambang aa, NC tawh kisai mipi aai aa agen sangnaupang makai teng pen man in thongah koihkia ta uhhi. Thong kum zading pen gen khienai lo uhhi.
Tambangin gam mipi tele leitung democracy gam zosie in athukim lo hangin galkap kumpi in ato na-uh nuosie lo ban-ah ato na-uh akip semsem nading ciin NC pen zom toto tham lo, asawt lo in mipi te kipsah naa bawlding ciin gen ngam giap lai uhhi. Mipi ten thukim pilo, gamsung mipi te beh hilo leitung bup in thukim pilo ci thei napi in mipi ma kollaw ngam uh ahileh tam NC pen mipi ten thukim naa me piehdinghi cia agen ngam uhtawh kibang hi.Tu lien aa a-thuguihlun -uh leitung in athukim lohangin daciengin mipi in thukim naa me ipieh po uhleh leitung in athukimpi ding suoh ngong hi. Ci nop na-ah ngiel thei lo uhhi. Gam mibup ii thukim naa suoh ahiziekin democracy nam khat ma hi veve hi.
Tam bang teng sungah 88 sangnaupang maikai tele nainganzii lam makai pawlkhat in mipi thukim sah naa- ang lak uhcieng in mipi ten me piesih poleh, mipi ten me apieh lo nadingin semding, mipi ten me avom aa-apiek nadingin sem ding cidan ahi zongin, munaa leh ngaihsut naa, gen khietnaa, tu mama in sepnaa nei uhhi. A hiding mahi civai. Sangnaupang makai te mama in mipi in athei dingin, "ei ma ngawng aa khaukuol kibul nading aa me pie ihhi lo nading uh mipi in athei ding kisam hi" ciin zong gen uhhi. Zong hima hi.Democracy makai adang pawl khat taleuleu te-in, tam NC tawh kisai mipi te kungaa galkap kumpi-in kipsahnaa ilah sah uhlehpen mipi ten thukimnaa me kipiezawthei ding hi. Mipi ten me apiek thei nading lampi tampi tah galkap kumpi-in siem thei uhhi.A beisa masahlah hunlai mama inzong bawlngai zo uhhi.Me akikhiek sieng zo ciengin avom zosie akaang suo zieu uhhi. Tunzong tua dan in bawl thei uh-aa, ahisih leh, hamsatnaa tung tawn ah tu-aa Chanphuot te Suonaasien ci tele kipawlnaa atuomtuom te bawlin tuasung aa alut te kumpi lampan hamphat naa, nganaa tampi tah bawl uhleh mipi ten ahamsat na uh tunnaan nei-in atawp na-ah ( ci-zu-sien ) le suo kia in, me piethei ding hi. Tua ban-ah me khielo popo bang cisah ding, avom aa khie popo bang cisah ding cinzong galgih leh, bawlsietnaa angnei uhleh zong mipi te zau thawngin piethei dinghi cia amu, ingaihtuo zong omhi.
Tam dan teng sungah NC tawk kisai mipi ten theiding le sepding thupi ni neihthei dingin omaa, khatnaa pen, tam NC mipi tungaa kipsahnaa ang kilak masang aa, akisiet dingpen mipi aai-in ahoi masapen suoh thei ding hi. Aninaa ah azenzen aa tam NC akisuhsiet zo sihaa mipi kipsah nacieng angtun tahleh, mipi ten hangsan tahaa, me avom aa ikhiek tua me piek natawh kisai, dih/dihlo cia athei, aencien ding, aencih ding pen democracy ngen mipi makai lam te-in ang geel dinguh kisam dinghi. Mipi ten kankuot in me pie sih nan lei, ahisihleh me vom pienaan uhlei tuadan aa, etkolnaa a-op sih nakleh kawlgam mipi tepen kumbangza khat ahiei galkap uknaa, netcipnaa neih ah, kinat dihdeh laiding cile kawlgakkap kumpi te deih ahi, taizienta te manthai siengding ci angim na uhleh asep na uh ah taizienta te pen gam pulam ah kimang thap toto lai ding hi cipen leitang tumleih kikhiel thei zawlai dinghi.Mipi me piek ding vai tawh kisai zong pawlkhat in me khielungvuoh sihlei acizong omhi. Me khie lungvuoh sihlei galkap te in amau-uu mi galkap teng, kumpi nasem ( vuonthan) teng le, tu aa mivuo, misat, miman aa khutzah aa anei uh Chanphuot, Suonaashiean cite le adang tengin me ang khe leh me khie lo tepen mesii suoh in akhie teng lah galkap te mivive angsuoh ding ahi ziekin olno tahaa azo uh angsuoh kia zawsop thei ding uhhi. Tu mama in Thai gamah me khieknaa kineih in me kikhieza sungah atamzaw in kila hi.Milip sim 100 sungah 40% kim bangin khielo aa akhie lote pen me sii suoh in akhie sung ah 50% val in zo ahiziekin kikip sah hi.
Thu khupnaa-ah 1962 zaw aa pat tunidong cieng kawlgam uknaa hoilo ahi ziekin leitung bupah gam zawng penpen sazien ah kitung aa, tua dung zui-in gam mite migam mi lei ah sila sem dingin kitai mang sieng ta hi.Tam pen gam sung ki uk naa hoilo napan angpieng thu hi. Ni dangin gamdang mite kawlgam ah nasem dingin angpei zaw uhhi.Nainganzii hoi lo na ii aga pen atom in tamtawh ki en thei hi. Tua dung zui-in nainganzii cipen gamsungaa teng milip khatsim tawh akisai ahi nazong ei musah hi. Tua ziekin tu aa, kawlgalkap kumpi te bawl kawlgambup thuguihlun tawh kisai-in "APAWK KHE DING AZAUHUOI NATIONAL CONVENTION" mipi te ngawng aa khau ei bul ding thuguihlun pi ahilam mipi ten ithei cien ding uhleh, ei hun angtun cieng aa, hangtah aa, iniel dinguh pen democracy nga nading lampi zotnaa, mipi suotat nading, ahi sihleh, ingawngaa khaukuol bullo naa lampi suohpen dinghi cithu khat simin thei gige dingin deihsah ahihi.
www.zoforum.co.nr
No comments:
Post a Comment