Mipi zat theih dia internet dawr kibawl Cybercafes te pen misual mun tuam tuam a bomb hih piak a mi thah ching terrorists te a din phatuam mah mah a, terrorists tamtak ten kithuzak tuahna din cybercafes zang tangpi uhi.
Terrorists te dona dia a phattuam gingta in Vijay Mukhi, President, Foundation for Information Security and Technology (FIST), Mumbai in TV interview naah India gam sunga Cybercafes tengah keylogger zat di hoih a sak thu gen hi.
Keylogger a hih leh software a hi a, computer zangtute key mek teng teng a na chiamteh (record) thei tu a hi. Hiai keylogger zang lehang cybercafe zangtute thilhih teng teng ki chiamteh vek dia, ginlah huai deuh te etsak zung zung theih dia, terroriste matkhiak awlsam ding chi hi.
Hiai ngaihdan pen ngaihdan hawih mah mah khat himahleh mi tamtak in deih lo uhi. A ziak bel cybercafe zangtute teng teng key mek chiamteh hi ta leh, thuguk (pasword) leh thu pawimawh tuam tuam leng ki chiamteh vek ding chihna hi a. Cybercafes zangtute thuguk nei thei lo ding uhi.
Zomite leng khawvel mun tuam tuam leh khawpi tuam tuamah ki tam mah mah a. A tam zaw teng kithuzak tuahna din CyberCafe kizang tangpi hi. Keylogger pen a tak tak a zat hi nai kei mah leh, cybercafe neitute khenkhat in a na zang gu thei uh a hihman in kuapeuh CyberCafe zangtute pilvang chiat leng chih i ki deihsak hi. Email khawng leh thu pawimawh genna khawng bangah sap pau sangin le ei Zomite pau chiat mah ngaisang lehang mi tamtak in thei lo ding uhi.
Reporter - Haulai
