………asiampen leh hatpen himan a tai kahisiha a tung teitei ding a tai kahi jo bou hi.
Lamkaite vaihawm siamna tawh kumdang a ina geel ngamlou uh Sports tutung in Pasian in hunpha ahing piah leh 25th September(Sepkiani) chiang in Moti Lal Nehru College Mawltual ah a thupi thei bang pen leh a nuam thei ding bang pen a jang ding in I um thei ta man un I kipah mama uhi. Kipah huai mama e izo…..Kalaisai!!!
Sports pen Educational Curriculum pawimaw tah ahina ah ei a ding in jong bawl huai/tah mama khat ahi. Tahsa leh Lungsim damtheina ding a jong hoi khinkhian khat ana hi laijang hi. Sports chiang in kidemna tuamtuam ah iki taite ua ,hinanleh sports pen kidemna mai hilou a kisuhhalna hoitah khat jong ahi. All work and no play makes Jack dull. Ei ading in isports meet upen kidemna, kisuhhalna ban ah mun tuamtuam a umte kimutuona hun lem tah khat jong ahi.
Sports I chi chiang in games spirit leh stamina chite te tawh ahing ki joitawn paipai hi. Kimawlna khat a kimawl mikhat umdan kilawmlou, dan in aphal loutan a a um chieng in ama leh ama bangmalou kisuo ahi giep hi. Siengthou tah a kimawl khu anop a jong a etlawm hi. Tuochi lou chieng in buoina khuhpi a suoh thei hi. Tuaban ah kimawlmi khat khu hattah leh hangtah a akimawl thei nading in ‘tha’ anei angai hi. Stamina nei a poimaw hi. Ahpol hat in kimawlna tuol ah bangma tan ahing tut sih ding hi. Abul apat atawp tan jaw angai hi. Slow and steady wins the race.
Ki-apmaina ah guoljaw dan leh guollel dan jong siam ngai kia hi. Ajieh pen team/group/participant tengteng Winner hithei lou ahiman in. Tuaban ah kimuon ngamna, tup gilna(strong determination) jong angai hi. Team work a poimaw a personality jong a poimaw veve hi. Group item guoh hilou a individual item jong atamthei pen a ibawl hoi ding hi. Kisuh hal theina ding agimhuoi taluo lou jong um thei leh a deihuoi hi. Tuaban ah nidang a ipu-ipa te kidemna- Jong nawitep, Ngautui dawn, Suhtaiheh leh adang dang te bang kembit tou thei lei a deihuoi hi.
I leitung hinkhuo jong sports ma bang a kitaitena vive a dim ahita a, tuomi huilan tawh ijawh khawm thei na ding a eima leh eima ikisahkhol kul leh poimaw ahi. Tu competitive era ah eite’n jong I compete ngai ahi dan ithei chien mama uh poimaw hi. There is always room at the top.
Tuoma bang in I hinkhuo ah jong asia-leh-apha, anop-aha, etc te kitaite a kidem tungtawn ahiman in iteel siem mama lou leh kisia thei ihi chi imanghil louding hoi hi. I thei chieng in lah kikhel ta ding a daa huoi mama ding hi. Machieng tuonglam ni kaa e, deijaw teel aw, deijaw tel aw. Sanggam. Nang ma ding hie.
Simtute tengteng leh KALAISAI 07’ mangtu ding tengteng ZKT in hattah leh hangtah a pang a siengthou tah, kituptah leh anuom thei bang pen a mang ding in deisahna sangpen kahing vaihah uhi. Muvanlai bang in nathate uh ana je panpan ta un. KALAISAI 07 man nuom.
“Sangnaupang khangdawng ten Games & Sports lam hing ha bawl mama un, tuomi in khaamthei guithei tetawh hing ki gamlasah jou mama ding hi” Late Pu Thangkhanlal, Ex-President, UZO last speech to Zomi Sangnaupang’s at Singngat Block ZSP Conference 1996.
