By - Hau Za Cin [suante2002@yahoo.com]
A sangkong khak zawh ciang hong paikik nawnlo ding cih ka theih hangin ka kho thei kei hi. Tuibualna ah tuibualte a khoi dingin a omzelna munte ka tuibual ciangin ka muh hang amah mu nawnlo in a khekhap leh a sul luiteng bek ka muh ding zong ka thei hi. Sun ann nekkhopna zel Restaurant ah zong ka pai hang maitai taka hong nuihsan ding leh hong hopih siau siau ding om nawnlo ding cih ka thei a, ahi zongin University course bei hun ding a kigelsa pen ka sausak thei kei hi. A course zo in ciah leh lah a sangkah kikna ding pen gamlapi hi a, ka tun mengmenglohna ding mun leh ka kimuh mengmeng nawnlohna ding sanginn hi cih ka thei hi. Ahi zongin HUN leh, VAI pawlkhat ka khoh theih, ka khektheih hilo hi. Ngaita leng hong ngaklo ding a, kho ta leng khawllo ding hi. Pai leh lah ka sam kik thei kei ding a, delh leng zong ka pha kei ding hi.
August kha hong tung a, kha khat ciatciat dingin tungkha pen tomlua ka sa hi. Why august is flying ka ci nuam phial hi. Khoh zawh hilo in August 31 hong tunga paulap namkim a bawl hangin University hostel panin a zanpuan leh a vanteng a puak khiat kisam a, ni khat beek zong a taam ding phal hi nawnlo hi. Ani hong tunga, a tuaci a, a tuacih khit ciangin MRT ah tuangin a khualam ah pai ding Bus hiam, Meileng hiam station lam zuan in nunglam mitnei bang keek in dingkhia a, a kilemzawzaw ah tuang dingin mual khumta hi.
Nitaklam hi a, ni lah sanglai a, ni lah tumpak theilo leuleu hi. Ni en leng san a, khatvei leh eng in, khatvei leh vom zel hi. A sawtsawt ciang tum thei ngawngaw a, khua hong mial in zan hun hong tunga, ka room sungah ka hih mel theilo in ka om laitak phone hong ging a, ka mobile ka et leh 'Call from singdang Cingno" cih na kigelh a, "Wai, ni hao ma?" (Hello, how are you) ka cih ciangin a aw ka za cian thei kei hi. A ciahna gimlua maw, a aw teng bei maw, a awhut vat maw, ahih kei leh a khitui a kamsungah vung maw......... . ka thei kei hi. A hang om hi dingin ka um mawh a, ahang ding ka thei nuam kei hi. Let her cry on, if she would.......
Ka ngaihsun kik a, 'Aw, kumkhat val bang na hi man veh e maw' ka ci hi. Ka tun tung pan tuibual ciang khutvik ding dan, khe sai ding dan, huih dik ding dan cihte ama hong pattah hi. Tui ka bual ciang a gei ah na tu hithiat in ka tuibual hong en a, a khut mekawk leh khutpi muk sutuah in "good" sign hong lah ciangin kei zong thalawp semsem in ka hanciam semsem a, cikmah a tuibual ngeilopa kha 6 sungin 50 m tuibualna ka vaansuak thei hi. A ciil lamim, 'tui tam valh thei lua ing' ka cih ciangin, 'tui siam dingin tui valhkhak a ngeina hi' hong cihte ka mangngilh thei kei hi. Nitak khat amah leh a lawmnu in kei kiangah tui hong bual uh a, Dolphin hon ........... huiiiiiii... huiiiiiii... ..
Then the dinner! Tua nitak aw, ann ka nek ngei loh khat, ka nek ngeilohna Restaurant, a gei ah ka paipai hang anlim tua bang om hi cih ka theihloh.... tua mun ah hong paipih hi. Tua bang ka khatvei tuakna, tua bang ka khatvei theihna, tua bang ka khatvei nekna. Nuntak nuam ngaungau sam veh aw, a tom ding thei leeng am huai mahmah pawl hi.
Amah milim bia hi a, kei a nungta Pasian bia ka hi hi. Hihte limtak ka kiho lim khit ciang ka theih hi a, haksatna tampi ka nawk ding hong pelhsak pah ka thuzak te hi.
Tua bang hunte a bei zawh sawtzo a, ahi zongin August 31 bang sawt ka sa zaw phial hi. Amah zong a mailam zuan in pai a, kei zong ka mailam zuan in ka pai hi. Leitung kipei a, leitung kilumlet hi. Cikciang kimu kik ding cih theih loh in mualkhum a, nungdelh dingin zong ka tuat tuan kei hi. Bye bye singdang Cingno.
Singgam vontawi sakmel a lawm zong,
Zotawi lia nu sakmel mah lawmzaw e,
Singtawi lia nu tongdam a nem zong,
Zotawi lia nu tongdam mah nemzaw lai!
A sangkong khak zawh ciang hong paikik nawnlo ding cih ka theih hangin ka kho thei kei hi. Tuibualna ah tuibualte a khoi dingin a omzelna munte ka tuibual ciangin ka muh hang amah mu nawnlo in a khekhap leh a sul luiteng bek ka muh ding zong ka thei hi. Sun ann nekkhopna zel Restaurant ah zong ka pai hang maitai taka hong nuihsan ding leh hong hopih siau siau ding om nawnlo ding cih ka thei a, ahi zongin University course bei hun ding a kigelsa pen ka sausak thei kei hi. A course zo in ciah leh lah a sangkah kikna ding pen gamlapi hi a, ka tun mengmenglohna ding mun leh ka kimuh mengmeng nawnlohna ding sanginn hi cih ka thei hi. Ahi zongin HUN leh, VAI pawlkhat ka khoh theih, ka khektheih hilo hi. Ngaita leng hong ngaklo ding a, kho ta leng khawllo ding hi. Pai leh lah ka sam kik thei kei ding a, delh leng zong ka pha kei ding hi.
August kha hong tung a, kha khat ciatciat dingin tungkha pen tomlua ka sa hi. Why august is flying ka ci nuam phial hi. Khoh zawh hilo in August 31 hong tunga paulap namkim a bawl hangin University hostel panin a zanpuan leh a vanteng a puak khiat kisam a, ni khat beek zong a taam ding phal hi nawnlo hi. Ani hong tunga, a tuaci a, a tuacih khit ciangin MRT ah tuangin a khualam ah pai ding Bus hiam, Meileng hiam station lam zuan in nunglam mitnei bang keek in dingkhia a, a kilemzawzaw ah tuang dingin mual khumta hi.
Nitaklam hi a, ni lah sanglai a, ni lah tumpak theilo leuleu hi. Ni en leng san a, khatvei leh eng in, khatvei leh vom zel hi. A sawtsawt ciang tum thei ngawngaw a, khua hong mial in zan hun hong tunga, ka room sungah ka hih mel theilo in ka om laitak phone hong ging a, ka mobile ka et leh 'Call from singdang Cingno" cih na kigelh a, "Wai, ni hao ma?" (Hello, how are you) ka cih ciangin a aw ka za cian thei kei hi. A ciahna gimlua maw, a aw teng bei maw, a awhut vat maw, ahih kei leh a khitui a kamsungah vung maw......... . ka thei kei hi. A hang om hi dingin ka um mawh a, ahang ding ka thei nuam kei hi. Let her cry on, if she would.......
Ka ngaihsun kik a, 'Aw, kumkhat val bang na hi man veh e maw' ka ci hi. Ka tun tung pan tuibual ciang khutvik ding dan, khe sai ding dan, huih dik ding dan cihte ama hong pattah hi. Tui ka bual ciang a gei ah na tu hithiat in ka tuibual hong en a, a khut mekawk leh khutpi muk sutuah in "good" sign hong lah ciangin kei zong thalawp semsem in ka hanciam semsem a, cikmah a tuibual ngeilopa kha 6 sungin 50 m tuibualna ka vaansuak thei hi. A ciil lamim, 'tui tam valh thei lua ing' ka cih ciangin, 'tui siam dingin tui valhkhak a ngeina hi' hong cihte ka mangngilh thei kei hi. Nitak khat amah leh a lawmnu in kei kiangah tui hong bual uh a, Dolphin hon ........... huiiiiiii... huiiiiiii... ..
Then the dinner! Tua nitak aw, ann ka nek ngei loh khat, ka nek ngeilohna Restaurant, a gei ah ka paipai hang anlim tua bang om hi cih ka theihloh.... tua mun ah hong paipih hi. Tua bang ka khatvei tuakna, tua bang ka khatvei theihna, tua bang ka khatvei nekna. Nuntak nuam ngaungau sam veh aw, a tom ding thei leeng am huai mahmah pawl hi.
Amah milim bia hi a, kei a nungta Pasian bia ka hi hi. Hihte limtak ka kiho lim khit ciang ka theih hi a, haksatna tampi ka nawk ding hong pelhsak pah ka thuzak te hi.
Tua bang hunte a bei zawh sawtzo a, ahi zongin August 31 bang sawt ka sa zaw phial hi. Amah zong a mailam zuan in pai a, kei zong ka mailam zuan in ka pai hi. Leitung kipei a, leitung kilumlet hi. Cikciang kimu kik ding cih theih loh in mualkhum a, nungdelh dingin zong ka tuat tuan kei hi. Bye bye singdang Cingno.
Singgam vontawi sakmel a lawm zong,
Zotawi lia nu sakmel mah lawmzaw e,
Singtawi lia nu tongdam a nem zong,
Zotawi lia nu tongdam mah nemzaw lai!
