Kum 30 pha ta in BA zo nailo, sangkah panpan cih pen nungdelh a hi hi. Kum 25 phata in tan 10 kah saan cih pen nungdelh ahi hi. A zawh ding a hun in zolo, a matut ding a hun a matut lo. Kinung thawi saan, kinungpat saan. A sia hi kei ahi zongin a hun lap lo cihna hi. A hi mawh hi kei, ahi zongin nungdelh pen gim huai deuh hi. Pawi lua hi. Pammaih lua hi.
Khualzin ding moto sungah i van teng guan khin in, niangtui i dawn kal in i tuanna ding moto in ong taisan kha, moto hawlte'n hong mangngilh khain hong taisan in tua zawha moto hog pai khat tawh i tuanna moto i nungdelh zong gimhuai veve hi ei.
Football kimawl ciang ball ei lam ah hong leeng phei, i langlamte khat eisang tai hatzaw in goal mai tungphei zaza a atai i nungdelh zong gimhuai veve ei. Goal a khum ding i lauhna tawh i delhphak loh si tawh, kigim mahmah hi.
Khualzin ding khe tawh pai ding ciin i lawmte tawh kiton ding ci, ei ann ne hak kha in lawmte in khuamual hong khupsan khin in en gilvah tawh, lamto ah i mai lam ah paite bangtan tung cih zong i theiloh i nungdelh thapai zong gimhuai ei............
Nungdelh pepeuh pen a gimhuai hi. A hi lah ding cih a hih loh hang, gim loh ding, tawlloh ding, haksalo ding pipi i gimlawh gawp thei hi. Na khempeuh ah nungdelh pen a gimhuai ahi hi, nungak hel zong.... he he
Bang hangin nungdelh nuntakna om hiam? Nungdelh a hoih hun a om hiam? Nundelh lo nuntakna a om hiam?
Mikang gam ah pasal kum 30 hi a ama moto a hawl nai kei leh milawhcing mahmah hilo hi kici thei hi. Numei kum 25 hi a lawmngaih hoih mahmah khat a neih kei leh ..... cih khat om leuleu hi. Pasal kum 30, numei kum 25 in a tunna ding tan a tun ding kilawmta hi a cihna uh ahi hi. Sente in kum 25 sung gimtakin nasem inla, na khantawn lungnuam in ne in a cih uh pen tua bang nuntak lawh cing a genna uh hi ding hi. Mihing in i khangno lai, i thahatlai, i sep theih lai, i ngaihsut zawh lai in i sep ding, i tun ding i tavuan hi.
Zomi te adingin ci leeng pasal kum 35, numei kum 30 ci leeng e. I tunna ding ciangciang hi bang kum i cin ciangin i tung hiam? Laisimna zo in nek zonna kip i neita hiam? Sum bawlna kip i neita hiam? Inn leh lo ding i ngaihsun theita hiam? A kicing ding i kaikhawm ta hiam?
Kum 50, kum 60 phak ciang zong a hi lah ding bangmah om kei. Ahi zongin ziakai deuh om thei, khatvei ziakai kha leh nungdelh den kul. Nungdelh sang a hun in tung leeng a tawldam ding dan hi.
Nungdelhna hang tampi om thei inteh. Tenna khua in zillo. Tawta lua, khuapi lam neh sawm mahmah lo. Mainawt sawm mahmah lo hi kha ding. Ahih kei leh natna hang, damlohna hangin kum nih, thum, maban zom theilo, mainawt theilo hi kha ding. Gitloh man, khangno gualnopna tuamtuam - vak thap a, nungak inn teng ah mawk vakvak in amah mailam ding sem manlo, a hun beisak, lasa sa pongin thu lah thei mello, kizemzem pongin a lungsim ah lah bangmah om lo ("misi zem bang"), ......., etc. i tenna gam hangin zillo zong hi thei ding hi.
Bang bang hi leh a nungdelhlo dingin hanciam in, a nungdelh hita leeng maban i tutna ding hanciam peuh leeng, zinga kuan leh nitaak a kuan thaman a kibang kipia a ngeina hiven, lungnopna vive in hong ngak hi.
Nungdelh a khuisa lo ding leh matai nuam lua zawzen in muktu liang lo dingin Topa in Zomi te hong lamto ta hen.
Hau Za Cin
Phuitong Liim
Khualzin ding moto sungah i van teng guan khin in, niangtui i dawn kal in i tuanna ding moto in ong taisan kha, moto hawlte'n hong mangngilh khain hong taisan in tua zawha moto hog pai khat tawh i tuanna moto i nungdelh zong gimhuai veve hi ei.
Football kimawl ciang ball ei lam ah hong leeng phei, i langlamte khat eisang tai hatzaw in goal mai tungphei zaza a atai i nungdelh zong gimhuai veve ei. Goal a khum ding i lauhna tawh i delhphak loh si tawh, kigim mahmah hi.
Khualzin ding khe tawh pai ding ciin i lawmte tawh kiton ding ci, ei ann ne hak kha in lawmte in khuamual hong khupsan khin in en gilvah tawh, lamto ah i mai lam ah paite bangtan tung cih zong i theiloh i nungdelh thapai zong gimhuai ei............
Nungdelh pepeuh pen a gimhuai hi. A hi lah ding cih a hih loh hang, gim loh ding, tawlloh ding, haksalo ding pipi i gimlawh gawp thei hi. Na khempeuh ah nungdelh pen a gimhuai ahi hi, nungak hel zong.... he he
Bang hangin nungdelh nuntakna om hiam? Nungdelh a hoih hun a om hiam? Nundelh lo nuntakna a om hiam?
Mikang gam ah pasal kum 30 hi a ama moto a hawl nai kei leh milawhcing mahmah hilo hi kici thei hi. Numei kum 25 hi a lawmngaih hoih mahmah khat a neih kei leh ..... cih khat om leuleu hi. Pasal kum 30, numei kum 25 in a tunna ding tan a tun ding kilawmta hi a cihna uh ahi hi. Sente in kum 25 sung gimtakin nasem inla, na khantawn lungnuam in ne in a cih uh pen tua bang nuntak lawh cing a genna uh hi ding hi. Mihing in i khangno lai, i thahatlai, i sep theih lai, i ngaihsut zawh lai in i sep ding, i tun ding i tavuan hi.
Zomi te adingin ci leeng pasal kum 35, numei kum 30 ci leeng e. I tunna ding ciangciang hi bang kum i cin ciangin i tung hiam? Laisimna zo in nek zonna kip i neita hiam? Sum bawlna kip i neita hiam? Inn leh lo ding i ngaihsun theita hiam? A kicing ding i kaikhawm ta hiam?
Kum 50, kum 60 phak ciang zong a hi lah ding bangmah om kei. Ahi zongin ziakai deuh om thei, khatvei ziakai kha leh nungdelh den kul. Nungdelh sang a hun in tung leeng a tawldam ding dan hi.
Nungdelhna hang tampi om thei inteh. Tenna khua in zillo. Tawta lua, khuapi lam neh sawm mahmah lo. Mainawt sawm mahmah lo hi kha ding. Ahih kei leh natna hang, damlohna hangin kum nih, thum, maban zom theilo, mainawt theilo hi kha ding. Gitloh man, khangno gualnopna tuamtuam - vak thap a, nungak inn teng ah mawk vakvak in amah mailam ding sem manlo, a hun beisak, lasa sa pongin thu lah thei mello, kizemzem pongin a lungsim ah lah bangmah om lo ("misi zem bang"), ......., etc. i tenna gam hangin zillo zong hi thei ding hi.
Bang bang hi leh a nungdelhlo dingin hanciam in, a nungdelh hita leeng maban i tutna ding hanciam peuh leeng, zinga kuan leh nitaak a kuan thaman a kibang kipia a ngeina hiven, lungnopna vive in hong ngak hi.
Nungdelh a khuisa lo ding leh matai nuam lua zawzen in muktu liang lo dingin Topa in Zomi te hong lamto ta hen.
Hau Za Cin
Phuitong Liim
