By Shang Samte-dreams float on an impatient wind,a wind that wants to create a new order ,an order of strength and thundering of fire.---from a poem written by Dr APJ Abdul Kalam
Thupatna:
A jaatathuai India President lui, Pu Dr APJ Abdul Kalam khu “Indiate Missile vaiguonte Pa” (Father of Indian Missile Programme) chi a thei in um hi. Satellite Launching Vehicle III Project Director ahina ah India tualsuah Missile hakhiat masa pen alim-leh-amel a kheng a, apian khiatna leh a ngaituona teng ah mun poimaw pen a luoden hi. India solkal a pat pahtoina tuam tuam Bharat Ratna 1997 te tel in a nga hi. May 11 to 13, 1997 a India in senelgam Rajasthan Pokharan mun a Nuclear etkhiatna anei na uah amawpuohna leh a silbawl thupi te jiah in jong theiphah in um hi.
Kipatkhiatna:
October 15,1931 in Tamil Nadu a Rameswaram gamkai ah a piang hi. Apa Jainulabdeen Marakayar in ngabeng mite long/kuong akhelsah jela tuokhua kivahna uh leh a nehsuina uh ahi. Kalam in a geena ah ‘Chitahna leh mani kithununna’ chite Apa a pat a alahsawn ahi a chi hi. Apu sawn, Apu, leh Apa te min laa in Avul Pakir Jainulabdeen Abdul Kalam chi min piah in aum hi.
Innkuon neijou led kichithei tah vang ana hisamsih uhi.Kalam in a neulai in newspaper pou hawm in sum ana law vevo kha ngai hi. Ramanathupuram a Sehwartz High School apat High School a jaw in St.Joseph’s College Thiruchillapuri ah Graduate a, tuojou in Madras Institute of Technology (MIT) ah Aeronautic Engineering ah Specialize ding in ana lut kia hi.
Tam a tung a teng a jaw in Indian Air Force (IAF) a Pilot in ana lutsawm a nanleh a lawching jou tasih hi. Hinanleh DTD&P apat Appointment Letter ana mu a Technical Centre(Civil Aviation) ah Senior Scientific Assistant in sem hi. Kumthum jou in Aeronautic Development Estabilish (ADE) Bangalore ahing kihong tha a, tuonah aki Posting (tuonsfar) hi. Tuonah Senior Scientific Assistant ma asem a, Prototype Hover Craft siamkhiat na ding Team khat a na lamkai hi. Nanleh tuo Projet khu mualsuo lou a tawpsan ahi tahi.
Pasian deina bang in:
Naupangnou ahilai apat a vanlai a lending chi pen Kalam duthusam ana hi thamta hi. Tuodung jui in 1958 in Aeronautic Engineering ah ana graduate hi. IAF a Pilot hiding chipen a thangtup tinten hi. Dehradun a Air Force Selection Board te mai a Interview tan ahing din thei in kipahna leh thawlawpna in a pumdim hi. Hinanleh tuona teel te lah a atel jou tah lou chiang in akingaisia a ,alung a kia a amam-led-ama aki muse tuntun hi.
Tuochin kingaisia leh lungke pumpum in Dehradun a nuosia a Rishi Kash lam ahing juan ta a tuanah Ganga Lui sianthou(Holy Ganga) a vaki sawpsiang ding in a kuan ta hi. Tanah vangphat huai tah in Siampu Swami Sivanand toh ava ki maikha laijang hi. Tuanah Siampu’n bangjieh talawm a hichi daa talawm a hiei chi in a dong a man jong bangma im sese lou in sil umdan ten a gen a AIF a alut joulou dan te jong a gen hi.Tami in a puahgih a dawn jaang tuam mama hi. Houloimpi ding I nei chiang in I lungsim a I puah gih te jong jaang dawm mama hileh aki lawm hi. Tuachin Siampun khautah in a haamuan a a hanthawn hi."Khangnou Kalam aw, Na tupna khu na tung louleh pomsiam mai in len lungke lou in pai jel in. IAF a Pilot hiding a siam nahi sih hi. Nahina ding dihtah pen tutadi in theithei in um nai tadi sih nanleh guatsa khat pen a um khinkhian sa ahi. Tuajieh in bangsem ding, bang bawl ding a siam ka hiei chi sui khiat sawm teitei jo mai in. Pasian Appmai in len Ama khut hat ah kipekhia in” achi hi. Tuo Siampu thugen khu thudih vawt ahi. IAF a Pilot hitaleh Scientist minthang tah ahi ban ah Khovel a Mipi jaalennagam lianpen-India President hikha khollou maithei ahi. I gintat I gintatlou in jong ei a ding in Pasian in guatsa a nei a, tuopen I suikhiat ding uh poimaw pen hi.
Vanawng leh Rocket mipa:
Kalam in Defense Research and Development Organization (DRDO) ah bangtan ahiei khat a sepnua 1962 kum in Indian Committee for Space Research (INCOSPAR) ah asem tou kia hi. Kumtamlou nuo in tam INCOSPAR khu Indian Space Research Organisation (ISRO) chi a hen in a hing um hi. Tuachin Kerela a Thiruvananthapuram gei a ki phut tha Thumba Equatorial Earth Launching Station(TEELS) ah suan in a um kia hi. Tomlou kal in SLV III Project Director in ahing kaisan paita hi. Kalam leh a seppite ki piahjaw na te leh pawnthaw na te jiah in bangtan ahei khat nua in Metre 23 a sau,Ton 17 a gih Stage lii(4) tah SLV bawlkhiat in ang um a, nanleh deibang in a lawching jou tahtah sih hi. Tami in Kalam lungkia leh beidawng in a koi sih a chouna khat dan in a la a, tha a nga josop hi. Tuochiin July 18,1980 in India a ding a amasapen ding SLVIII Shar mun a pat in mualsuo in a um khongkhong hi. Tam Vehicle in Scientific Sattelite –Rohini leitung Orbit ah a koi hi. Tam anasep theipi na in 1981 Padma Bushan Pahtawina piah in a um hi.
February 1982 nin Kalam in DRDO Director ding a guat in um hi. Integrated Guided Missile Development Programme (IGMDP) kichi India Millitary Research Programme lawching pen a houtu-lamkai in a pang hi.
September 16,1985 in Sirharikota Test Range apat Trisul kapkhiat in a um a ,tuakhu Indian Missile Programme in a bawl khiat masah pen ahi. Tam lawchinna pen tam sang a lawchingjaw in jui a, Agni lawching tah a etkhiat in umkia hi. Tam lawchinna te in lawchin diahna nei hi a tam ma in India jong gamkhangtou te lah a khat ahi sah ta hi.(exclusive club of highly developed countries).Tam jiah in kipahpi etsahna leh kineisah pi mama pum in Kalam khu Padma Vibhusan Pahtawina piah in um kia hi. Tam kum ma in Akash lawching tah in etkhiatna kinei thei kia hi.
Asangjo lamah:
Mikhat in “bangding a India in ama ma kibawl Missile ahilouleh kidouna vanlengte led tank te a poimaw sese ahiei” chi a a dawh lai in Kalam in “Ahat ten a hat te ma jaana a pia uhi.(strength respect strength)” chin a dawng hi.
November 25,1997 nin Dr Kalam kung ah Defense leh Science lamsang a India a ding a a athaw (contribute) te jal in India a ding a Minautang tung a Pahtawina Sangpen(higest civilian Award) Bharat Ratna Pahtawina piah in a um hi. Dr Kalam ahileh Dr Homi Jahingir Bhabha ban tah a Telsuimi(scientist) Bharat Ratna pahtawina sang umsun ahi. October 1998 in amanpha mama – Indira Gandhi Award for National Integration (1997 a) piah in a umkia sawnsawn hi. 1999 in Principal Scientific Adviser to the Government of India ding in Kalam guan in a um a, tam panmun ahileh Cabinet Minister toh kikim a koi ahi. Kalam in tami panmun November 2001 tan atu tou hi. A nasep taangpi ahileh lamjousia a gamsung a Scientific Development um theina ding a solkal te thumop (advice ) ding chi ahi.
December 8,2000 nin Shri KC Pant, Deputy Chairman of Planning Commission in “Lifetime Contribution Award in Engneering for 2000” chi Kalama pia (conferred) hi. Dr Kalam ahileh Doctor of Science Lukhunelkai (D.Sc Honoris Causa) chi Univesity/Academic Institution tuomtuom 30 lam ten pia (Conferred) uhi. November 10,2001 in Kalam in I gamsung pumpi ua Telsuimiten a telsuina uh capability uh punsah seem na(boost) ding uh deina in Principal Scientific Adviser panmun a nuasia a Anna University ah Proffesor na a sem hi.
July 25,2002 ni in Dr APJ Abdul Kalam khu India te President 15 na hiding in kichiamna a nei ta hi. President ahina dawla a vaihawmna innpi(parliament) a athugen masahna pen ah “tawndan kibanglou igam sung uah lungsim kipumkhatna lamsang a semding in katha kajung ka seng ut hi”achi hi.Kalam in President term khat a sem a a nina semkia ding in pawltuomtuom a pat ngetna/chielna te mu nanleh ana nual in Sangnaupang te toh a hun man ut jot a hi. India President te lah a lawching pen chilei ki khial lomlom lou ding hi.
Maban vahjo sem mangmatna:
Dr Kalam in Laibu tuamtuam Wings of Fire:An Autobiography, Ignited Minds: Unleashing the Power Within India leh India 2020: Vision for the New Millenium chite ana giel hi.
India Millenium Mission 2020 chi ngaidan(concept) puohlut na ding in kum bangjat ahiei khat pi ana mang hi.
Dr Kalam duthusam lianpen ahileh “India pumpi a Naupangte lungtang suh tang/dih ding,Science Ittsah ding ban ah Nampi tup leh ngim thupi pente hisah ding ,akhangtou India hisah ding” chite ahi.
Minunnem Kalam:
Dr APJ Abdul Kalam ahileh mi ki ngaingiam ,kingiamkhiat tah (simple man) ahi. Zii neilou(????!!!!!! ) Zu le sa nelou(teetollar ban ah Sa le nga jong nelou(vegetarian) mi ahi. Tamil laate a ngaisang mama a lavuigel leh laaphuah siam pi khat jong ahi nalai hi.(mi lunggel thei,mihepi huai himai lou I maw???haaaaa) Banah Rudra Veena kimawl lunglut leh thanuam mama jong ahi.
Kalam ahileh Hagaumi mama jong ahikia hi. Hinduism lehIslamism juikhawm jou mi ahi. Ram Bhakt ahia,Namaaz zong a pel ngai sih hi. India President ahina ah buai thei mama nanleh sangnaupangte a itt a ,Amaute toh kipawl khu a thamuamna ahia, tuami a ding in a hun kibichil tah a su awng jou gige hi. Aman khanglaite mani kitouel jou dingleh India khantou na ding a panlaa chiat ding in deisah mama hi. A gamsung a khangnoute a thuhilna ah –“dream,dream and dreamand convert those into thoughts and later into Actions “achi hi. Tualeh Lungpi kuo alianpi gel a ngaituo ding, angma sial taluo hilou ding in jong vaihah hi.
Thukhupsitna:
Dr APJ Abdul Kalam mihinate et in mi pha leh chingkam mama ahi dante muthei in um hi. Sangnaupangte a ngaisang dan te bang thupi mama hi. Tualeh India tuleh tu din mun leh maban ding a khuolna te thupi mama hi. Vision 2020 chi bang I et chiang in a vision te thupi mama hi. Indian Missile a khen (bawl)mabang in India jong a kheng hi. Pahtawina a tan tah mama a chiamte ngeingei ding in a hoi hi. Pu Nehru pianni jong Childrens’ Day a aki lawp thei a Government Holiday ahi thei leh Kalam pianni jong bang e khat a jah tah mama in jah huai ve lou ding amah?? chi ahi.
Kalam in India Sangnaupangte leh Khangnoute a thupuoh,ahanthawn leh achouna ah tambang in agen hi. “You have to dream before your dreams can come true. My view is that at a younger age, your optimism is more and you have more imagination .Great dreams of great dreamers are always transcended. We should not give up and we should not allow any problem to defeat us. We should always be more dedicated to making solid achievements than in running after swift but synthetic happiness”
Source: http://zabelleivangkhua.blogspot.com/
No comments:
Post a Comment