Tu hun pen "IT- Information Technology " hun ki ci-in, leitung a om gam khempeuh te zong pen hih Technology khanto zia tawh kizui in " Global Village" khua khat tawh ki bang ta hi.
Leitung bup a om zomi khempeuh pumkhat a ih om thei na ding vai-hawm na leh geel na pen hoih ka sa mah mah a, a geel cil leh a ngaihsun masa te tung ah mimal min tawh lungdam ka ko nuam lai hi.
Leitung a om zomi khempeuh te pen pawlpi tuamtuam, behleh phung ki bang lo a tuamtuam, ngei-na, zatdan, tawndan a tuamtuam, updan sandan a tuamtuam, zawn na hauh na kibang lo, pilna siam na kibang lo a tuamtuam te ih hih mah bangin mitampi te in hong theipih, hong telpih zo na dingin a nuai a te ki sam ka sa hi.
I. A masa in ei zomi te sung khempeuh ah "UNITY IN DIVERSITY", kibat loh na tuamtuam pan pumkhat a om khawm thei na ding kisam hi. Tedim, Sihzang, Saizang,Vangteh,Dim,Teizang,Phaileng,Khuano,Hualngo,Thangkhal, Thado, Zo, etc leh sim leh maal cihdan in ih kibat lo hangin ei teng khempeuh ki thukhat a, pumkhat a ih omthei na ding pen " UNITY IN DIVERSITY" a hi hi.( Cf: Gal 3: 28 ).
II. Tua khit ciangin ei sung ah ( NGOs – Non-Government Organizations ) tuamtuam te, a dang Organizations a tuamtuam te leh Associations te, Gtn…UNDP, UNICEF, WORLD VISION , etc te a hi Internationnal, National, leh Local a nasep nate limtak in kantel masa leng hoih ding hi.
III. VISION ( or OBJECTIVE )( Ngim-na )leh MISSION ( sepkhiat na) nei loh pha mawh ding hi. ( Cf: Prov 29 : 18 ). Hih VISION leh MISSION pen long-term and short-term plan ( hun-sau leh hun-tom geel na )in khen thei lai leng hoih lai ding hi. Hih bang a nasep na pen tuhun Momno ( khangno ) te ding laimai thak ( New Generation page ) ei te'n ih at lo a phamawh hun hong tung ta hi cih thu zong telsiam ni.
Hih ih VISION ( Ngim-na ) pen mi tampi te in hong thei pih, hong tel sak, hong san zawh na dingun " Awareness Program", muh na thei na te hilh cian na or mun tuamtuam a om Zomi te kiang ah ih ngim na te limtak in pulak ding ki sam hi. Hih ngim na pen tuhun i hong " Challenge" hong toh na leh "Demand" hong nget thu te hi ci-in ka um hi. ( Cf: Is 58:7; 1Jn 3:17 ).
Hih ngim na pen hi thei leh:
( a ) Spiritual ( Khalam khan toh na ding),
( b )Intellectual ( pil na lam ah khan to na ding );
( c ) Physical ( pumpi cidam na lam ) leh ,
( d ) Social ( Khanto na , na sep na te huam zo leng hoih ding hi.
Gamdang a cihmawh gen thei a om te bang ci bangin gumkhia, honkhia in, a mau a dingin, a mau tawh kituak na sep bang ci bangin zonsak, vaihawm sak ding cih dan a hi zongin, ih zogam leh malgam a om cimawh, genthei, a zawngkhal khempeuh te i nuntak na eite in ih hotkhiat zawh na ding leh ih lapsang to zo na dingin ngim na te zong nei zo pah leng hoih ding hi.( Cf: Lk 4: 16 – 18 ).
IV. Beneficiary ( Phat-tuam na ) bang ngah ding cih zong limtak a genkhiat ding leh mitam pi te in a tel thei na ding un limtak ki pumpiak zo in, lungduai tak a gensiam mahmah kul ding hi.
Tua ih ngim-na te khat khit ciang khat, ih genkhit ciangin, tua ngim-na te bang ci bangin a banban in sepkhiat na nei ding cih te zong kisam ding hi. Tua ban ah sum lo in vai kihawm thei lo a hih mah bangin sumngah thei na dingin FUND RAISING bang ci bawl ding cih thu zong kisam pah ding hi.
V. Hih leitung a om zomi khempeuh ki pawl na a pian zawh na dingin ih om na ciat ah mite tawh kilem na, kipum khat na, (Community Organizaing – CO ), Fellowship & Friendship te, Seminar and Workshop te limtak a nei lo phamawh ding hi.
VI. Mi te tawh COLLABORATION( Cooperation ) khut kilen a sem-khawm, pang khawm a om thei na lungsim hoih kisam hi.
VII. Ih om na ciat pan in CO-ORDINATION – Net-working System tawh sem-khawm, leh kizom diamdiam a ih om ding kisam mah mah ding hi. A mun mun ah thukhen na pen mipi te i thukim na tawh hi hen la, makai pa bek i thu hi kei ta hen.
VIII. Community Organizing Participatory Action Research ( Copar ) a hi, ih vekpi a ma pangkhawm, ki-kum khawm thei a, a hoih pen ding a thu khensat nate neithei a om ding kisam hi.
IX. Leitung a om Jews ( Israel ) mi te khempeuh in a om na ciat pan un Net-working System tawh ( kizom kim thei in ) a mau khempeuh te a tawntung in On line pan in pumkhat in om uh cih thu ka za a, ei te in zong et-teh huai sa mahmah ing.
X. Ih lawm Lusei ( MIZO ) khangno – Yong Men Association ( YMA ) te zong nopna, dahna ah ki pumkhat in a om nate uh ih thei hi. Gtn… in zan a Aizawl a misi pen hih YMA te hanciam na tawh tuni in misi luang-hawm pen Kalaymyo- Tahan hong tung zo hi.
XI. A khuakhua leh a munmun a om te pen "Basic Human Community ( BHC ) ci-in min vawh in, ei i om na ciat ah hih ih ngim na te a tangtun na dingin makai ( President); makai huh ( Vice Presient ), Secretary, Joint Secretary, Members, etc te limtak kitel a semkhawm a om thei ding kisam hi.
Tua a munmun pan a makai teng leh member teng pen minam leh gam a ding a, a kipia mi, a hih thei na zah uh tawh a semnuam mi, aituam phat-tuam na ding bangmah ngaihsun lo a, gam leh minam a it, a vei me hi-in a hih thei na zahzah uh tawh a semnuam mi te hi leh hoih pen ding hi. ( Cf: 1Tim 3:1-13 ).
XII. A munmun a om makai teng pen leitung bup zomi te kipawl na ah Adviser te hong hipah ding uh hi. Thang Ho leh Lian Do te in, mimtang-tangtang phel hawm uh hi a ki cih mah bangin, a mauteng pen, khat leh khat phim leh khau ki-zop bang a, Net-working system hong nei den ding uh thupi pen pen ding hi. Hih bang nasep pen mikhat bek i sep ding hilo in, TEAM WORK ( Kipawl khawm a sepding nasep ) hi ding hi.
XIII. Makai ( Leader / President ) te pen Heroic Leadership and Servant Leadership " tangpi-tangta te (mipi ) a ding na sem nuam mi, zogam leh zomi khempeuh…. khalam, cidam na lam, pilna lam, khanto na ding a, na sem nuam mi leh a ki pum-piak zomi te " hi leh hoih pen lai ding hi. Tuaban ah a mau te pen, ( a )Guiding leader and not dominating leader ( a ukcip makai nam hi lo in lampi a lak makai hi ding hi ), ( b ) Animating leader ( Mite pen pil na siamna a pia makai hi ding ) hi, ( c ) Animator ( mipi te ding a pilna siam na a pia te a hih na te uh zong kithei siam ding kisam hi.
XIV. Makai khempeuh te pen Participatory Leadership Qualification( Kua ma peuh tawh, thu leh la kikum khawm thei, sepkhop theih na makaih dan , vaihawm dan siam na ) a nei te hi leh zong hoih semsem dinga, vaikhem peuh ah a mau i thu zang lo in mipi tawh kikum khawm thei, lawm te tung ah zong Empowerment or Delegation Power a hi
nasep-silbawl hawm sawn thei na te zong a nei dending uh zong kisam ding hi. Cih nop na ah a mau bek bek in vai khempeuh buai pihlo ding.
XV. Tua ban ah a kilawm thudot na ( Guiding Questions ) te zong seminar and workshop bawl na te ah kisam a, a mau te pen tuabang hun ciang mipi te a huh or lamlak ( Guide )or Facilitator sem te hong hizel ding uh hi.
XVI. Leitung bup, Gam khempeuh leh a munmun a, makai te pen, kum 1 in 1 vei or kum 2 in, 1 vei ta kiteel phat zeel thei na ding BY LAW or Constitution zong nei huai sa ing. Hih makai te makaih dan pen... ( a ) Emerging leadership ( mite tawh kipawl khawm thei makaih na ); ( b ) Team leadership( ki-pawl khawm a makaih na ); ( c ) Rotating leadership ( ki-khel zelzel makaih na ) te zong theitel ding kisam mahmah hi.
XVII. Hih Adviser teng in a om na mun leh phual ciat pan un a tawntungin khat leh khat Online pan in ki thuza den in ih khanto semsem na dingun, UNDP, UNICEF, WORLD VISION, etc te, a dang NGOs ( Non- Gorernment Organizations ) te leh Associations a tuamtuam te i By Law or Constitutions te lim tak study in, ei mi, ei gam tawh a kinai thei leh a kilawm theithei in hong sem zo uh leh hoih mahmah ding hi.
XVIII. Tua a khuakhua leh a munmun, a gamgam pan a makai tengin kumkhat in a tawm pen 1 vei or 2 vei Follow up Program leh Evaluation , et-phat kik na , te hong neithei in, ih thahat na ( lawh-ci'n na ) leh thanem na te mu thei a hong om den ding uh kisam mahmah ding hi. Mihing khat pen biak na a nei mi hi ta leh hi ta kei leh a ma i mun ah mi thupi khat a hih na te telsiam a, tu bang mite, tua pawl te, hi ci – in neu-et na dan zang lo a, a ma i hih na tungtawn a, zahtak na ih piak theiding kisam hi.
XIX. Tua makai (leader ) te pen, khanto na ding a hilh te ( Animators ) te zong kici thei, tua mah bangin Facilitator ( huhsia, or Guide ) cihdan in zong ki ci theihi. Animator or facilitator te pen mipi te a huh ding bek hi uh a, mipi tung ah siasem ding te hi lo uh hi. A mau in thukhen lo in, mipi te in a mau leh a mau in thu khat peuh peuh khensat na nei uh leh hoih zaw hi
XX. Topa Jesu in nungzui pi ( 12 ) te ban ah a dang nungzui 70 or 72 te zong Pasian thugen dingin na sawl hi( Luke 10 : 1-11, 17- 21 ). Hih thu limtak in en-leng Toppa Jesu in nungzui pi 12 bek na sep na pia lo in a dang 70 or 72 te zong na pia a, tua in thu-um mi khempeuh pen Pasian gam tangzaih semsem na ding a, Missionary semdingin tavuan ( duty ) ih neih na hong musak a, tua mah bangin ih kha nuntak na leh leitung taksa khan-to na ding nasep na ah Pasian' nasem te leh ei a kua ma peuh in ma pang-khawm a ih om thei ding kisam cih thu zong hong musak hi.Pasian nasem te hawm-thawh bawl a, ih gensiat sangin, a mau te tawh mapang khawm thei a ih om ding pen kisam mahmah cih thu phawk ni.
A tung a kong gen thu leh la khempeuh te pen kei I muh na bek hi in, no i muh na tawh gawm khawm in, STRATEGY or ( Strategic Planing )a hi: sepdan, bawl-dan limtak in kikum khawm thei leng hoih mahmah ding in lam-et na ka nei hi.
Tu ciangciang ei zomi te ki pumkhat a, ih sepkhop a thupi pawl khat
kei i muh na :
1. 2004 kum in INDIA a om ei zomi khempeuh kipawl khawm in GOSPEL Alone a cih VCD khat hong hawm khia uh hi.
2. 2005 December 1-2, in Tedim ah zomi khempeuh kipawl in HALELUIJAH CHORUS LAPI sak na om hi.
3. 2006 May 5-6 in Kalaymyo ah Bishop Lian Khen Bishop ( Siadaw –Tuulpi zaa ) ngah na pawi ah pawlpi tuamtuam pan mi 500 te in Haleluijah Lapi pen vaidawn na ah sak na leh , pawi hun sungin zomi te a tawm pen 10,000 ( tul 10 ) val in tua pawi ah ih uap pih na.
Catholic thuzui te bek hi lo in pawlpi dang tampi pan in zong lungdam pih na, muak na, pahtawi na, an-kuang umpih na tampi zong om a, sum mahmah tawh zong kipan pih hi. Gtn...Catholic thuzui a hih lo hangin Singapore a om U Hang Khan Lian leh a inn kuan pih te in tua pawi ah ei sum Ks. 500,000/- ( Tengh 5 ) tawh zong huh hi cih thu ka thei kha hi.
4. 2006 October kha sungin Kalaymyo –Tahan a om pawlpi tuamtuam pan zomi te ki tanau na ( ZOFA ) bawlung ( tukpeng ) kimawl na ah team ( 16 ) ki-helh thei na.
5. 2006 kum sung mah in zomi te vai-hawm na tawh Sisan ki sam te, ki-piak thei na, Association khat Kalaymyo ah ki-phuan khia hi.
6. Khua tampi ah zong khuasung khangno khempeuh nopna, dahna te ah ki pumkhat in, semkhawm, pangkhawm in zong tampi ihom khin ta hi.
7. A khawk khawk leh a munmun ah zong zomi te ki tanau na bawlung(tukpeng ) ki mawl na te kumsim mah in om kawi kawi hi.
8. Zonet pan a leitung a om zomi khempeuh ki thu za thei a ih om na;
9. Zo aw hi ta leh ( Tongsan ) Kalaymyo pan a kal khat 1 vei a kihawm, ki thu-zak thei na lai leh pawlpi dang tuamtuam te lai hawm te, etc.
10. University, College, Institute tuamtuam pan in zong zomi siamsin sang nau pang te kipawl na tuamtuam te zong om hi.
11. Zomi te om na khempeuh ah kumsim in Zomi Nam ni ( Chin National Day ) leh khuado, sial-sawm cih te ki bawl hi.
THUKHUP NA :
Leitung a om zomi khempeuh te khalam, taksa lam , cidam na lam leh pil na lam ah khang to semsem a, ih om thei na dingin, a kua ma peuh ki pawlkhop theih na, gel-khawm, semkhawm, hawmkhawm, pangkhawm thei a ih om ding kisam mah mah hi. Hih bang na sep na te ah: ( a ) a tawntung in Pasaian thupi sak masa ding; ( b ) Mipi te i liangko kikim a na sep khop na te om ding; leh ( c ) Pasian gam leh leitang zaih
semsem na ding sep na leh ngim na te zong a hi ding kisam mahmah ding hi.( Cf: 1 Cor 10 : 31 ). Hih bang a ih nasep khop te khempeuh ah:
( a ) A tawntung in Pasian pen a thupi pen ah omsak dending(
Christ-Center Community );
( b ) Mipi dawng te tawh liangko kikim a nasep khop na te om ding(
Community Orientation );
( c ) Pasian gam tangzaih semsem na ding sepna leh ngimna te zong a
hih ding kisam mahmah ding hi( 1 Cor 10: 31 ).
Kei – Nang – leh Ei teng ( I – You – We ) in tu leh tu a, ma
pangkhawm a,ih zogam leh minam khanto na dingin, ei teng kithuah a,
semkhawm, zuunkhawm a ih om thei na dingin Khasiangtho Pasian in hong
panpih hen la, ih biak Topa in gualzawh na thupha hong pia in Zogam,
zo lei-tang leh zomi te hong pal-luun tawntung ta hen! "Na gam kong
cidam sak ding hi ci in Topa in hong kamciam hi ( 2Chro 7 : 14 )".
( Cf: Act 2:46 ; Act 4 : 32 ; Neh 2 : 17 ; Is 58 : 7 ).
Lungdam na tawh
Presented by:
Fr. Andrew Go Lian
Zamboanga city @ Asia's Latin City,
( S )Philippines.
Dated: 18 / 11 / 2007 ( Sunday )
P'S:: A sim mimal khatciat te ih biak Topa'n thupha hongpia ta hen!
WELCOME Any comment !
Leitung bup a om zomi khempeuh pumkhat a ih om thei na ding vai-hawm na leh geel na pen hoih ka sa mah mah a, a geel cil leh a ngaihsun masa te tung ah mimal min tawh lungdam ka ko nuam lai hi.
Leitung a om zomi khempeuh te pen pawlpi tuamtuam, behleh phung ki bang lo a tuamtuam, ngei-na, zatdan, tawndan a tuamtuam, updan sandan a tuamtuam, zawn na hauh na kibang lo, pilna siam na kibang lo a tuamtuam te ih hih mah bangin mitampi te in hong theipih, hong telpih zo na dingin a nuai a te ki sam ka sa hi.
I. A masa in ei zomi te sung khempeuh ah "UNITY IN DIVERSITY", kibat loh na tuamtuam pan pumkhat a om khawm thei na ding kisam hi. Tedim, Sihzang, Saizang,Vangteh,Dim,Teizang,Phaileng,Khuano,Hualngo,Thangkhal, Thado, Zo, etc leh sim leh maal cihdan in ih kibat lo hangin ei teng khempeuh ki thukhat a, pumkhat a ih omthei na ding pen " UNITY IN DIVERSITY" a hi hi.( Cf: Gal 3: 28 ).
II. Tua khit ciangin ei sung ah ( NGOs – Non-Government Organizations ) tuamtuam te, a dang Organizations a tuamtuam te leh Associations te, Gtn…UNDP, UNICEF, WORLD VISION , etc te a hi Internationnal, National, leh Local a nasep nate limtak in kantel masa leng hoih ding hi.
III. VISION ( or OBJECTIVE )( Ngim-na )leh MISSION ( sepkhiat na) nei loh pha mawh ding hi. ( Cf: Prov 29 : 18 ). Hih VISION leh MISSION pen long-term and short-term plan ( hun-sau leh hun-tom geel na )in khen thei lai leng hoih lai ding hi. Hih bang a nasep na pen tuhun Momno ( khangno ) te ding laimai thak ( New Generation page ) ei te'n ih at lo a phamawh hun hong tung ta hi cih thu zong telsiam ni.
Hih ih VISION ( Ngim-na ) pen mi tampi te in hong thei pih, hong tel sak, hong san zawh na dingun " Awareness Program", muh na thei na te hilh cian na or mun tuamtuam a om Zomi te kiang ah ih ngim na te limtak in pulak ding ki sam hi. Hih ngim na pen tuhun i hong " Challenge" hong toh na leh "Demand" hong nget thu te hi ci-in ka um hi. ( Cf: Is 58:7; 1Jn 3:17 ).
Hih ngim na pen hi thei leh:
( a ) Spiritual ( Khalam khan toh na ding),
( b )Intellectual ( pil na lam ah khan to na ding );
( c ) Physical ( pumpi cidam na lam ) leh ,
( d ) Social ( Khanto na , na sep na te huam zo leng hoih ding hi.
Gamdang a cihmawh gen thei a om te bang ci bangin gumkhia, honkhia in, a mau a dingin, a mau tawh kituak na sep bang ci bangin zonsak, vaihawm sak ding cih dan a hi zongin, ih zogam leh malgam a om cimawh, genthei, a zawngkhal khempeuh te i nuntak na eite in ih hotkhiat zawh na ding leh ih lapsang to zo na dingin ngim na te zong nei zo pah leng hoih ding hi.( Cf: Lk 4: 16 – 18 ).
IV. Beneficiary ( Phat-tuam na ) bang ngah ding cih zong limtak a genkhiat ding leh mitam pi te in a tel thei na ding un limtak ki pumpiak zo in, lungduai tak a gensiam mahmah kul ding hi.
Tua ih ngim-na te khat khit ciang khat, ih genkhit ciangin, tua ngim-na te bang ci bangin a banban in sepkhiat na nei ding cih te zong kisam ding hi. Tua ban ah sum lo in vai kihawm thei lo a hih mah bangin sumngah thei na dingin FUND RAISING bang ci bawl ding cih thu zong kisam pah ding hi.
V. Hih leitung a om zomi khempeuh ki pawl na a pian zawh na dingin ih om na ciat ah mite tawh kilem na, kipum khat na, (Community Organizaing – CO ), Fellowship & Friendship te, Seminar and Workshop te limtak a nei lo phamawh ding hi.
VI. Mi te tawh COLLABORATION( Cooperation ) khut kilen a sem-khawm, pang khawm a om thei na lungsim hoih kisam hi.
VII. Ih om na ciat pan in CO-ORDINATION – Net-working System tawh sem-khawm, leh kizom diamdiam a ih om ding kisam mah mah ding hi. A mun mun ah thukhen na pen mipi te i thukim na tawh hi hen la, makai pa bek i thu hi kei ta hen.
VIII. Community Organizing Participatory Action Research ( Copar ) a hi, ih vekpi a ma pangkhawm, ki-kum khawm thei a, a hoih pen ding a thu khensat nate neithei a om ding kisam hi.
IX. Leitung a om Jews ( Israel ) mi te khempeuh in a om na ciat pan un Net-working System tawh ( kizom kim thei in ) a mau khempeuh te a tawntung in On line pan in pumkhat in om uh cih thu ka za a, ei te in zong et-teh huai sa mahmah ing.
X. Ih lawm Lusei ( MIZO ) khangno – Yong Men Association ( YMA ) te zong nopna, dahna ah ki pumkhat in a om nate uh ih thei hi. Gtn… in zan a Aizawl a misi pen hih YMA te hanciam na tawh tuni in misi luang-hawm pen Kalaymyo- Tahan hong tung zo hi.
XI. A khuakhua leh a munmun a om te pen "Basic Human Community ( BHC ) ci-in min vawh in, ei i om na ciat ah hih ih ngim na te a tangtun na dingin makai ( President); makai huh ( Vice Presient ), Secretary, Joint Secretary, Members, etc te limtak kitel a semkhawm a om thei ding kisam hi.
Tua a munmun pan a makai teng leh member teng pen minam leh gam a ding a, a kipia mi, a hih thei na zah uh tawh a semnuam mi, aituam phat-tuam na ding bangmah ngaihsun lo a, gam leh minam a it, a vei me hi-in a hih thei na zahzah uh tawh a semnuam mi te hi leh hoih pen ding hi. ( Cf: 1Tim 3:1-13 ).
XII. A munmun a om makai teng pen leitung bup zomi te kipawl na ah Adviser te hong hipah ding uh hi. Thang Ho leh Lian Do te in, mimtang-tangtang phel hawm uh hi a ki cih mah bangin, a mauteng pen, khat leh khat phim leh khau ki-zop bang a, Net-working system hong nei den ding uh thupi pen pen ding hi. Hih bang nasep pen mikhat bek i sep ding hilo in, TEAM WORK ( Kipawl khawm a sepding nasep ) hi ding hi.
XIII. Makai ( Leader / President ) te pen Heroic Leadership and Servant Leadership " tangpi-tangta te (mipi ) a ding na sem nuam mi, zogam leh zomi khempeuh…. khalam, cidam na lam, pilna lam, khanto na ding a, na sem nuam mi leh a ki pum-piak zomi te " hi leh hoih pen lai ding hi. Tuaban ah a mau te pen, ( a )Guiding leader and not dominating leader ( a ukcip makai nam hi lo in lampi a lak makai hi ding hi ), ( b ) Animating leader ( Mite pen pil na siamna a pia makai hi ding ) hi, ( c ) Animator ( mipi te ding a pilna siam na a pia te a hih na te uh zong kithei siam ding kisam hi.
XIV. Makai khempeuh te pen Participatory Leadership Qualification( Kua ma peuh tawh, thu leh la kikum khawm thei, sepkhop theih na makaih dan , vaihawm dan siam na ) a nei te hi leh zong hoih semsem dinga, vaikhem peuh ah a mau i thu zang lo in mipi tawh kikum khawm thei, lawm te tung ah zong Empowerment or Delegation Power a hi
nasep-silbawl hawm sawn thei na te zong a nei dending uh zong kisam ding hi. Cih nop na ah a mau bek bek in vai khempeuh buai pihlo ding.
XV. Tua ban ah a kilawm thudot na ( Guiding Questions ) te zong seminar and workshop bawl na te ah kisam a, a mau te pen tuabang hun ciang mipi te a huh or lamlak ( Guide )or Facilitator sem te hong hizel ding uh hi.
XVI. Leitung bup, Gam khempeuh leh a munmun a, makai te pen, kum 1 in 1 vei or kum 2 in, 1 vei ta kiteel phat zeel thei na ding BY LAW or Constitution zong nei huai sa ing. Hih makai te makaih dan pen... ( a ) Emerging leadership ( mite tawh kipawl khawm thei makaih na ); ( b ) Team leadership( ki-pawl khawm a makaih na ); ( c ) Rotating leadership ( ki-khel zelzel makaih na ) te zong theitel ding kisam mahmah hi.
XVII. Hih Adviser teng in a om na mun leh phual ciat pan un a tawntungin khat leh khat Online pan in ki thuza den in ih khanto semsem na dingun, UNDP, UNICEF, WORLD VISION, etc te, a dang NGOs ( Non- Gorernment Organizations ) te leh Associations a tuamtuam te i By Law or Constitutions te lim tak study in, ei mi, ei gam tawh a kinai thei leh a kilawm theithei in hong sem zo uh leh hoih mahmah ding hi.
XVIII. Tua a khuakhua leh a munmun, a gamgam pan a makai tengin kumkhat in a tawm pen 1 vei or 2 vei Follow up Program leh Evaluation , et-phat kik na , te hong neithei in, ih thahat na ( lawh-ci'n na ) leh thanem na te mu thei a hong om den ding uh kisam mahmah ding hi. Mihing khat pen biak na a nei mi hi ta leh hi ta kei leh a ma i mun ah mi thupi khat a hih na te telsiam a, tu bang mite, tua pawl te, hi ci – in neu-et na dan zang lo a, a ma i hih na tungtawn a, zahtak na ih piak theiding kisam hi.
XIX. Tua makai (leader ) te pen, khanto na ding a hilh te ( Animators ) te zong kici thei, tua mah bangin Facilitator ( huhsia, or Guide ) cihdan in zong ki ci theihi. Animator or facilitator te pen mipi te a huh ding bek hi uh a, mipi tung ah siasem ding te hi lo uh hi. A mau in thukhen lo in, mipi te in a mau leh a mau in thu khat peuh peuh khensat na nei uh leh hoih zaw hi
XX. Topa Jesu in nungzui pi ( 12 ) te ban ah a dang nungzui 70 or 72 te zong Pasian thugen dingin na sawl hi( Luke 10 : 1-11, 17- 21 ). Hih thu limtak in en-leng Toppa Jesu in nungzui pi 12 bek na sep na pia lo in a dang 70 or 72 te zong na pia a, tua in thu-um mi khempeuh pen Pasian gam tangzaih semsem na ding a, Missionary semdingin tavuan ( duty ) ih neih na hong musak a, tua mah bangin ih kha nuntak na leh leitung taksa khan-to na ding nasep na ah Pasian' nasem te leh ei a kua ma peuh in ma pang-khawm a ih om thei ding kisam cih thu zong hong musak hi.Pasian nasem te hawm-thawh bawl a, ih gensiat sangin, a mau te tawh mapang khawm thei a ih om ding pen kisam mahmah cih thu phawk ni.
A tung a kong gen thu leh la khempeuh te pen kei I muh na bek hi in, no i muh na tawh gawm khawm in, STRATEGY or ( Strategic Planing )a hi: sepdan, bawl-dan limtak in kikum khawm thei leng hoih mahmah ding in lam-et na ka nei hi.
Tu ciangciang ei zomi te ki pumkhat a, ih sepkhop a thupi pawl khat
kei i muh na :
1. 2004 kum in INDIA a om ei zomi khempeuh kipawl khawm in GOSPEL Alone a cih VCD khat hong hawm khia uh hi.
2. 2005 December 1-2, in Tedim ah zomi khempeuh kipawl in HALELUIJAH CHORUS LAPI sak na om hi.
3. 2006 May 5-6 in Kalaymyo ah Bishop Lian Khen Bishop ( Siadaw –Tuulpi zaa ) ngah na pawi ah pawlpi tuamtuam pan mi 500 te in Haleluijah Lapi pen vaidawn na ah sak na leh , pawi hun sungin zomi te a tawm pen 10,000 ( tul 10 ) val in tua pawi ah ih uap pih na.
Catholic thuzui te bek hi lo in pawlpi dang tampi pan in zong lungdam pih na, muak na, pahtawi na, an-kuang umpih na tampi zong om a, sum mahmah tawh zong kipan pih hi. Gtn...Catholic thuzui a hih lo hangin Singapore a om U Hang Khan Lian leh a inn kuan pih te in tua pawi ah ei sum Ks. 500,000/- ( Tengh 5 ) tawh zong huh hi cih thu ka thei kha hi.
4. 2006 October kha sungin Kalaymyo –Tahan a om pawlpi tuamtuam pan zomi te ki tanau na ( ZOFA ) bawlung ( tukpeng ) kimawl na ah team ( 16 ) ki-helh thei na.
5. 2006 kum sung mah in zomi te vai-hawm na tawh Sisan ki sam te, ki-piak thei na, Association khat Kalaymyo ah ki-phuan khia hi.
6. Khua tampi ah zong khuasung khangno khempeuh nopna, dahna te ah ki pumkhat in, semkhawm, pangkhawm in zong tampi ihom khin ta hi.
7. A khawk khawk leh a munmun ah zong zomi te ki tanau na bawlung(tukpeng ) ki mawl na te kumsim mah in om kawi kawi hi.
8. Zonet pan a leitung a om zomi khempeuh ki thu za thei a ih om na;
9. Zo aw hi ta leh ( Tongsan ) Kalaymyo pan a kal khat 1 vei a kihawm, ki thu-zak thei na lai leh pawlpi dang tuamtuam te lai hawm te, etc.
10. University, College, Institute tuamtuam pan in zong zomi siamsin sang nau pang te kipawl na tuamtuam te zong om hi.
11. Zomi te om na khempeuh ah kumsim in Zomi Nam ni ( Chin National Day ) leh khuado, sial-sawm cih te ki bawl hi.
THUKHUP NA :
Leitung a om zomi khempeuh te khalam, taksa lam , cidam na lam leh pil na lam ah khang to semsem a, ih om thei na dingin, a kua ma peuh ki pawlkhop theih na, gel-khawm, semkhawm, hawmkhawm, pangkhawm thei a ih om ding kisam mah mah hi. Hih bang na sep na te ah: ( a ) a tawntung in Pasaian thupi sak masa ding; ( b ) Mipi te i liangko kikim a na sep khop na te om ding; leh ( c ) Pasian gam leh leitang zaih
semsem na ding sep na leh ngim na te zong a hi ding kisam mahmah ding hi.( Cf: 1 Cor 10 : 31 ). Hih bang a ih nasep khop te khempeuh ah:
( a ) A tawntung in Pasian pen a thupi pen ah omsak dending(
Christ-Center Community );
( b ) Mipi dawng te tawh liangko kikim a nasep khop na te om ding(
Community Orientation );
( c ) Pasian gam tangzaih semsem na ding sepna leh ngimna te zong a
hih ding kisam mahmah ding hi( 1 Cor 10: 31 ).
Kei – Nang – leh Ei teng ( I – You – We ) in tu leh tu a, ma
pangkhawm a,ih zogam leh minam khanto na dingin, ei teng kithuah a,
semkhawm, zuunkhawm a ih om thei na dingin Khasiangtho Pasian in hong
panpih hen la, ih biak Topa in gualzawh na thupha hong pia in Zogam,
zo lei-tang leh zomi te hong pal-luun tawntung ta hen! "Na gam kong
cidam sak ding hi ci in Topa in hong kamciam hi ( 2Chro 7 : 14 )".
( Cf: Act 2:46 ; Act 4 : 32 ; Neh 2 : 17 ; Is 58 : 7 ).
Lungdam na tawh
Presented by:
Fr. Andrew Go Lian
Zamboanga city @ Asia's Latin City,
( S )Philippines.
Dated: 18 / 11 / 2007 ( Sunday )
P'S:: A sim mimal khatciat te ih biak Topa'n thupha hongpia ta hen!
WELCOME Any comment !
No comments:
Post a Comment