“Boss Toni”, “Concert khat ki mawh bawl leh”, “Na luvun ka hawh deh” leh a dng dng.
Zawng Eh Film Company te siam mama uh. Koima a en ut lou umlou mawh. Et ut huai ki sa chiat sam hi. North Campus-Gandhi Vihar vel va vah tan.. bang genna a hiai chi jong theilou pi in I unaute Zou Paupu The Hero dialoque ngen in a ki hou ua Chiam nui na in a jang ua a nui khawm va duam uhi. Zothai, Zou Paupu theikhalou vaang mama leh kilawm. Zothai Hit kai a eilawi Box Office ah kumkhat phial Top kai den hi. Aban ah Zou Paupu The Hero in Box Office khenkia. I market uh hoi leh mawh hausat theina vai ahi mawh hi. Banah i IT knowledge uh ngiam non tuanlou ahi kilang. A sound jong Stodio a ki khum bang va iya.
Tambang pen chiintah mama hi. I mi nam uh ahoilam a I phoukhiat na uh khat jong ahi. Kaloite khat in Zouthai a Zou Lunneo Singngat lamte sa mawh. Siam sa mama hiding hiven “Siam sam e maw” ang chikei hi. Iki jilna uh jong hi, sumsuina jong lah hiveve, ban ah I nam I ham miten a thei na khat uh jong hinalai. Ki mang mawng mawng lou ahi. Abeina hinailou in Zo(u) suan te a ding a Lingua Franca siamkhait theina hoitah khat jong ahi nalai hi. Ham I chi pen Pu Lalpu gen bang in kholai a Nupi hamkhial khat, mikhat tawt ham ahilouleh naupangte thu gen pou a hing ki pan thatha ahi lel tah hi. Ei ham siamloute te ham dante pou a jong hing piang koikoi thei veve ahi.
A daahuai mama khat, Zou Paupu The Hero a Paupu zi in a chiing’ a chi pen bang a china e chi theilou ki um valong. Delhi umthei a ‘achiing ‘ bang china e chi theilou bang a chi ut huai phial hi. Pawlsawm ka simlai in ka class uah ka lawite uh nungah khat in MIL bu a “men chiim”(landslide) chi thuteng angtel leh bang china e chi a’ng thei ta vanuh sih hi. Tuophet in ka lawite lah ua khat in eng bawl in “Zo dawn lam a aga thei sing chikhat, a ga amin chiang a I neh leh tui mama ,a ga min thei mawng mawng lou khat ahi” chin a hil hi. Ita I nau ten ei ham nasan a theilou uleh koi ingaw ta diei? Koi amaw diei? Kolte lah hisam lou, Kolham maimai siam, zei zawma. Pahtat a huai na um thou nanleh eima ham I thei lou pen zum huai zaw hi. Duh dah lou vai hi jaw a, Pilna, khantouna hijolou in motna , khansuhna leh manthaina lam juan I hi china ahijaw hi.
Tuaban ah pichingpi, lawmngai thei hita, eiham nasan giel thei lou. Love Letter sapham a giel ding achi leh asapham thei in lah dai vet lou, eimi Laisiangthou jang theilou, hoisih, changkang sih chi poupou, ei ham a sim theilou man uh, a simsiamlou manuh ahilam lah ki thei maw lou chi tampi ki um ta hi. Laithot I gel chiangin eima ham ma in gielin Biahinn I kai chiangin eima Laisiangthoute ma tawi in eima Laate ma sa in hilei I biah uh I Pasian uh jong kipah diah ding in ka gingta hi. Pu Hang Do Lian in a genna ah, “Ken kahile Vantung ka tun chiang, Pasian kumtawn a kaphat chiang in Zoham ma jangh lai vang” a chi a thupi ka sa mama a jaatat na ka piahi.
Midang hamdang jangte toh Iki hou chiang in eima ham ahithei tan in jah sawm chiat vai. Ei ham a hamsiamloute mawh nuisat sat nonsih vai, hil thaw in sudih jaw vai. A daahuai sawnsawn kia khat in I lamkaite penpen in kisiamsah deu in akihoupi te’n amau ham theilou hing sa kha va chi hileh kilawm in a ki houpi te uh ham siamlou sasan jang phuat uhi. Tampen a hoina umthou nanleh a dihlou lam hijaw ding ahi. Banah I zi namdang I ham kibahpi ahilou jiah a I sungte ham va jahding china a umsih a jong Pasal vai la deu jaw hi. Hing nuainet giap va un Paalou-Tuai, thumang hing kichi van I nualam apat in ahing nui sansan giap ding uhi. Pilvang leila maw Sanggam???
Eiham ma ngaina, kem leh khangsah ding in koipou I kichial vangut uhi. Tuohileh mite ham jang nonlou in miten I ham ahing jang zaw ta ding uhi.
Gualzawlna nah maw ???!!
>> For Zokuomthawn Latest Printed Edition
Zawng Eh Film Company te siam mama uh. Koima a en ut lou umlou mawh. Et ut huai ki sa chiat sam hi. North Campus-Gandhi Vihar vel va vah tan.. bang genna a hiai chi jong theilou pi in I unaute Zou Paupu The Hero dialoque ngen in a ki hou ua Chiam nui na in a jang ua a nui khawm va duam uhi. Zothai, Zou Paupu theikhalou vaang mama leh kilawm. Zothai Hit kai a eilawi Box Office ah kumkhat phial Top kai den hi. Aban ah Zou Paupu The Hero in Box Office khenkia. I market uh hoi leh mawh hausat theina vai ahi mawh hi. Banah i IT knowledge uh ngiam non tuanlou ahi kilang. A sound jong Stodio a ki khum bang va iya.
Tambang pen chiintah mama hi. I mi nam uh ahoilam a I phoukhiat na uh khat jong ahi. Kaloite khat in Zouthai a Zou Lunneo Singngat lamte sa mawh. Siam sa mama hiding hiven “Siam sam e maw” ang chikei hi. Iki jilna uh jong hi, sumsuina jong lah hiveve, ban ah I nam I ham miten a thei na khat uh jong hinalai. Ki mang mawng mawng lou ahi. Abeina hinailou in Zo(u) suan te a ding a Lingua Franca siamkhait theina hoitah khat jong ahi nalai hi. Ham I chi pen Pu Lalpu gen bang in kholai a Nupi hamkhial khat, mikhat tawt ham ahilouleh naupangte thu gen pou a hing ki pan thatha ahi lel tah hi. Ei ham siamloute te ham dante pou a jong hing piang koikoi thei veve ahi.
A daahuai mama khat, Zou Paupu The Hero a Paupu zi in a chiing’ a chi pen bang a china e chi theilou ki um valong. Delhi umthei a ‘achiing ‘ bang china e chi theilou bang a chi ut huai phial hi. Pawlsawm ka simlai in ka class uah ka lawite uh nungah khat in MIL bu a “men chiim”(landslide) chi thuteng angtel leh bang china e chi a’ng thei ta vanuh sih hi. Tuophet in ka lawite lah ua khat in eng bawl in “Zo dawn lam a aga thei sing chikhat, a ga amin chiang a I neh leh tui mama ,a ga min thei mawng mawng lou khat ahi” chin a hil hi. Ita I nau ten ei ham nasan a theilou uleh koi ingaw ta diei? Koi amaw diei? Kolte lah hisam lou, Kolham maimai siam, zei zawma. Pahtat a huai na um thou nanleh eima ham I thei lou pen zum huai zaw hi. Duh dah lou vai hi jaw a, Pilna, khantouna hijolou in motna , khansuhna leh manthaina lam juan I hi china ahijaw hi.
Tuaban ah pichingpi, lawmngai thei hita, eiham nasan giel thei lou. Love Letter sapham a giel ding achi leh asapham thei in lah dai vet lou, eimi Laisiangthou jang theilou, hoisih, changkang sih chi poupou, ei ham a sim theilou man uh, a simsiamlou manuh ahilam lah ki thei maw lou chi tampi ki um ta hi. Laithot I gel chiangin eima ham ma in gielin Biahinn I kai chiangin eima Laisiangthoute ma tawi in eima Laate ma sa in hilei I biah uh I Pasian uh jong kipah diah ding in ka gingta hi. Pu Hang Do Lian in a genna ah, “Ken kahile Vantung ka tun chiang, Pasian kumtawn a kaphat chiang in Zoham ma jangh lai vang” a chi a thupi ka sa mama a jaatat na ka piahi.
Midang hamdang jangte toh Iki hou chiang in eima ham ahithei tan in jah sawm chiat vai. Ei ham a hamsiamloute mawh nuisat sat nonsih vai, hil thaw in sudih jaw vai. A daahuai sawnsawn kia khat in I lamkaite penpen in kisiamsah deu in akihoupi te’n amau ham theilou hing sa kha va chi hileh kilawm in a ki houpi te uh ham siamlou sasan jang phuat uhi. Tampen a hoina umthou nanleh a dihlou lam hijaw ding ahi. Banah I zi namdang I ham kibahpi ahilou jiah a I sungte ham va jahding china a umsih a jong Pasal vai la deu jaw hi. Hing nuainet giap va un Paalou-Tuai, thumang hing kichi van I nualam apat in ahing nui sansan giap ding uhi. Pilvang leila maw Sanggam???
Eiham ma ngaina, kem leh khangsah ding in koipou I kichial vangut uhi. Tuohileh mite ham jang nonlou in miten I ham ahing jang zaw ta ding uhi.
Gualzawlna nah maw ???!!
>> For Zokuomthawn Latest Printed Edition
No comments:
Post a Comment