Sualluih thu in kho nih buaina piangsak
Aizawl Nov 26(NNN): Phuaibuang village in numei sualluih thu toh kisai in Khawlian zotna lampi teng Kiginni apan khaktan vek uh a, huai in buaina sousang sak thei ding dinmun ah om lel hi. Tuni in Khawlian Students Union in thusuah bawl ua, huai ah, Khawlian in hiai bang thiltung theikha lou uh ahihdan gen in, Phuaibuang khote’n zuauthu aphuah tawm uh ahi chi uhi.
Thusuak in ataklatna ah, Laldingngheta of Khawilian in November ni 18 nitak in angaihzawng nu Ely of Phuaibuang village taipih a, a zingchiang in a numei nawkik hi’n kigen hi. Khawlian khote gen dan in, numeite lemsakpihna tel in Mr Laldingngheta in taipih hi’n gen ua, a numei nu’n a zingchiang in a inn lam uh zotsan mahleh, Lalding sungkuante’n palai kha in anumei sapkik sawm uh hi’n Khawlian thusuak in gen ua, Phuaibuang village te’n hiai thei gegu kawm in Khawlian te hih minsiat sawm uh hi’n ngai uhi. Hiai thu toh kisai thu saupi suak ding in kilang a, Phuaibuang khote gendan in, numeinu sualluih a om hizaw ahihdan taklang ua, Lalding leh a lawmte’n thagum in dainawl ah kaikhia in, kisual huan uh chi uhi. Hiai thu in kho nih te kal a peituah lai in, Phuaibuang khote’n lampi khaktan in, Khawlian mi himhim Phuaibuang a alut ding a phallouh ban uah, Phuibuang leh Khawlian kal lampi khaktan in kikawmtuahna buai zou hial hi’n thusuak in gen hi. Saitual police station in thil omdan suizui lel in, kho nih kal ah lemna bawl teitei sawm in panla lel uhi.
Pensionerte’n Pay Book piaklut ngai
Lamka Nov 26: Treasury Officer/CCpur apan thutut kingah dan in Treasury Office/CCpur tawn a pension loh lateng in Treasury office ah a kintheilam a Pensioner Pay Book piaklut ngai ding hi. Pay Book pelutlou pensioner-te bill kibawlsaklou ding hidan inleng thutut kingah hi.
WAD zatna Power Minister in uap ding
Lamka Nov 26: District AIDS Committee (DAC)/CCpur saina in hongtung ding December 1, 20077:30 apan in ‘STOP AIDS KEEP THE PROMISE-LEADERSHIP’ chih thupi azang in World AIDS Day (WAD)-2007 zatna omding hi. Hiai WAD zatna ah Power Minister Pu T. Phungzathang in Chief Guest hihna toh uap ding a, Dr. Lalzakung Tusing leh DC/CCpur Pu Sumant Singh ten Function President leh Guest of Honour hihna toh uap ding ua, tuabanah, NGO tuamtuam tamtak inleng uap ding uhi chiang in New Lamka YPA Hall ah zing dak
Ex-gratia Screening nei ding
Lamka Nov 26: District Level Screening Committee for Ex-gratia in hongtung ding November 29, 200712:00 in DCs Chamber ah meeting nei ding uhi. Hiai hunah Ex-gratia ngetna tuamtuam 10 val omte screening nei ding uhi. sun dak
Discharge Certificate piaklut ngai
Lamka Nov 26: National Rural Health Mission nuai a Janani Suraksha Yojana (JSY) tungtawn a October 2007 sung a Lamka Damdawi Inn a naunei 98 te leh Lamka Nursing Home a naunei 27te kiang ah panpihna sum piak ding toh kisai in tunitan in naunei mi 30 valzek kia in Discharge certificate Xerox copy pelut pan uhi. Hiai naunei panpihna sum muding mi 125 te’n avek ua Discharge Certificate Xerox copy CMO/CCpur a apiaklut kim ma uh kuamah sum piak hilou ding hidan in thutut kingah hi. Hiai JSY scheme bel naunei nupite a nau neihzoh phet ua neklim a taksap laitak ua apoimoh bang ua zat ding ua panpihna piak ding himahleh thilpaidan diklouh ziak in panpihna sum in kial laplou hi.
Workshop om ding
Lamka Nov 26: SSA/CCpur saina in hongtung ding November 29, 2007 zing dak 10:30 apan in IB Road a Synod Hall ah ‘One Day Workshop on Quality Dimension & Monitoring NCERT Format for BRP, CRP’ neih hiding hi. Hiai Workshop honkhiatna SSA-DMC/CCpur Mr. Joseph Lalrothang nei ding a, Mr. Subhon Singh, State Co-ordinator (Pedagogy) leh Mr. L. Mangi Singh, Asst. State Co-ordinator (Pedagogy) te’n sinsak ding uhi.
WAD Kidemna om ding
Lamka Nov 26: District AIDS Committee (DAC)/CCpur saina in World AIDS Day (WAD)-2007 toh kisai in hongtung ding November 27, 2007 zing dak 10:00 apan in Synod Hall, IB Road ah kidemna/Competition tuamtuam neih hidng hi. Hiai hunah World AIDS Day (WAD)-2007 thupi ‘ STOP AIDS KEEP THE PROMISE-LEADERSHIP’ chih thupi a zang in Class VIII-XII kikalte ading in Quiz, Slogan, Essay leh Painting kidemna omding hi. Slogan ah Thumal (words) 10-15 kikal zattheih ding a, Essay ah thumal 1000 tan zattheih ding hi. Hiai kidemna chi 4 te ah kipahman kibang piak hiding hi.1st Prize in Rs.1000/-, 2nd Prize Rs. 800/- leh 3rd Prize in Rs. 300/- chiat hiding hi.
NREGS toh kisai meeting
Lamka Nov 26: National Rural Employment Guarantee Scheme (NREGS) toh kisai in tuni sunnung dak 1:30 in DC/CCpur makaih in DC Conference Hall ah ADC/CCpur, SDO khenkhat leh BDO teng banah DRDA Staff-te toh meeting nei uhi. Hiai hun ah Job Card toh kisai a card neitu dingte khut tungna hiam chih tel in NREGS sepsuahna dia poimoh tuamtuam kikup khawmna nei uhi.
ISBT nasep kipanta
Lamka Nov 26: Inter-State Bus Terminal (ISBT) ding mun sehkholh a om bangin Pangzawl khosak ah nnasep kipanta a apaisa November 8, 2007 apan in Contractor te’n Bull Dozer 2 zang in lei laihmai (leveling) panta uhi.
Pressmen te vau
Lamka Nov 26: Lamka khopi pansan thuthaksaite laka khenkhat in tuni sunnung in Lamka Damdawi Inn a damloute avakan hun un damlou khat ompihte laka khat in Pressman te’n damloupa damlouh dan adot uh leh ‘Hiai khawng nou suah ngailou lou, na suah ngeingei uh leh…’ chi a Press-te avau banah damloupa’n adamlouhdan agen ngeingei leh kintak a damdawi inn apan puakkhiat di’n leng vau zomah hi. Huai banah Presste kiang ah kiphasak na hi uhiam chi in alawmte sam di’n kisa mahleh a ompih a lawmdangte’n a khouhziak un bangmah chilou in dai thak thei hi.
Rayburn College NCC kuan
Lamka Nov 26: Rayburn College, New Lamka a National Cadet Corps apan cadet 70 te November 27- December 1, 2007 sung Imphal a Unit Office a Combine Annual Training Camp a tel ding in kuankhia uhi. Huailou in November 25, 2007 in NCC Unit office, Imphal ah NCC Day zatna om a huai ah Rayburn College apan NCC te’n Karate, Civil defence, Fire fighting leh Battle drill lahna nei ua mi 30 in RIMS ah Sisan piakna (Blood donation) nei uhi. Amau tagah kepna khenkhat vehna leng vanei uhi.
Deputy Speaker ambush ah suakta, IRB personel 2 leh civil driver liam
IMPHAL NOV 26: Delhi Jail a tang lai, Andro AC apan 9th Manipur Legislative Assembly a MLA dia telching a om, tulel a Deputy Speaker hihna lenlel Th. Shyamkumar, tuni zinglam dak 10.45 vel dingin, Imphal East district a Lamlai Police station huamsung, Oksu leh Ningthemcha kikal ah ambush in om a, himahleh vangphat huaitak in Dy. Speaker bel suakta hi. Hiai ambush-na ah, ama escort 1st IRB personel 2 leh Civil driver khat ua, amaute bel serious lokei mahle uh, JN hospital a etkawl in om uhi. Thutut kingahdan in, tuni a Dy. Speaker Th. Shyamkumar in, Health and FW minister Ph. Parijat tenna Inn Lamlai a, kitenna programme toh kisai vohoh kiklam tuabang ambush tuak hi’n thutut kingah hi. Dy. Speaker team te gari 5 kizui in, Oksu leh Ningthemcha kikal a singlei aphak phet un, Dy. Speaker tuanna Ambassador car in tua lei apelh zoh toh kiton in, theihkholh louh in IED bomb hattak khat meltheihlouhten supuak ua, escort te Gypsy khat in siatloh hi. Bomb puah toh kiton in meltheihlouh ambush tute’n kapzui ngal ua, Dy. Speaker escort ten leng kapthuk in minute 20 vel kikap tuahna om hidan in leng kigen hi. Hiai thiltung a IRB personel 2 liamte bel, Hav. Karotlung leh rifleman Talent Shyam Kom hi ua, civil driver min bel Md. Waziruddin ahi. Dy. Speaker in tuni nitaklam dak 2 vel in JN hospital ah, liamte vaveh a, tua hun a thuthak saimite dotna Dy. Speaker in adawnna ah, hichibang a ambush bawlkhum ahihna naktak a mohpaih ahihdan leh hichibang gamtatna pen terrorist te gamtat hidan in gen hi. Hiai ambush-na mun gei a BSF ROP omte kianga, ambush bawlte omna lam thau leh bomb a kap dia a ngetna a limsaklouh ziak un Dy. Speaker in nuam saklouh thu leng taklang hi. Aban agenna ah, ambush-na mun a ama escort khat in ama hinna humbitna dia gari apat kaikhia a lampi gei a kuaksunga a omsak phathuai a sak dan leh tua mun a, Imphal East Commando te minute 15 vel zoh a avatun pahna tung uah phat huai asakdan leng thuthak saimite kiang ah gen hi. Ama hinkhua a helpawl kuamah apan 'vauna' ngahlou ahihdan leng gen hi. Hiai ambush-na mun ah security force tamsem lutbeh in Imphal East Police commando leh BSF ten combing operation bawl mahle uh mat a neihlam uh theih hilou a, a kipuang leng om tuanlou hi. Deputy Speaker Th. Shyamkumar bel, 9th Legislative Assembly a Andro AC apat MLA telching ahihkia hilou in, Delhi a Jail tanglai MLA dia teelching leng ahi.
CM in Irilbung lei leh water supply scheme hongkhia
IMPHAL NOV 26: Manipur govt. in Non Lapseable Central Pool of Resources (NLCPR) nuai a Central Sponsored Scheme tuamtuam aneih te semsuah zel in, tunin' leng Imphal East district sunga Irilbung lei kibawl thak leh Irilbung water supply scheme nuai a water treatment plant kibawl thak honkhiakna Chief Minister O.Ibobi Singh in nei hi.
Hiai hunte ah, minister tuamtuam K.Ranjit, T.N.Haokip, Md.Alauddin Khan, L.Jeyantakumar ban ah PDA Chairman Dr.Kh.Loken leh MLA Th.Lokeshwor Singh ten leng CM zui uhi. Irilbung lei kibawl thak bel, July 3, 1989 a M/S Rajpath Contractors & Engineers Private Ltd. te abawl pat uh ahi. Irilbung lei bawl thak bel, 78.00mm asau leh 11.15mm alian leng ahi. Hiai lei bawlna sum lut zah Rs 206.00 lakh ahi. Irilbung Water Supply scheme bel, NLCPR nuai a Rs 816.60 lakh lut a January 2003 a kibawlpan June 2007 a zoh ahi. Hiai Water treatment Plant bel, 6.81 MLD capacity nei, hihban ah, mihing inkuan 50,000 te kianga tui dawn ding pezou dia gen hi. Tuni a Lei kibawl thak leh water supply scheme thak honkhiakna hun a khuallian apang, CM in agenna ah, Manipur a govt. nasep te kuapeuh in a hoihlou lam mawk gengen sanga, kichian tak a nasep ding sepsuah louh omte gen zaw dingin ngetna bawl hi. Huaiban ah, NLCPR nuai a Manipur a Lei kibawl tengteng March 2008 tan a zohsiang ding chih govt. in tup anei ahihdan leng gen hi. Manipur a project tuamtuam te sepsuah na ding asum omlou hilou in, subuai tu tuamtuam te ziaka zekai sek ahihdan leng gen hi. Hichibang ahihna ah, kuapeuh in govt. kithuahpih a subuai lou dingin leng ngetna nei hi. Aban agenna ah, tuban kum thum sunga greater Imphal sung kilawmna te naktak a kikheng omding hidan in leng taklang hi.
Dissident MLA te observer hong hohma hongkik lou ding
IMPHAL NOV 26: Manipur Chief Minister O.Ibobi Singh khenkhiak sawm a panla Congress MLA tulel a Delhi a omten, Manipur a Congress makaih SPF sorkal dinmun enkhe dia AICC observer honghoh ma Manipur a hongkik sawmlou uh hidan in kigen hi.
CM O.Ibobi Singh deihlouh te lak a kigen MPCC President Gaikhangam Nov 25 in Imphal hongtung mahleh, Nov 27 vel a Delhi hohnawn dia gintak ahi. Hichibang kal ah, Congress senior minister Y.Erabot leng tuni a Delhi zin hidan in kigen hi. CM in Delhi a AICC high command te akimuhpih nungin, Manipur a sorkal dinmun toh kisai a Governor leng kimuhpih dia lamet ahi. Himahleh, Governor Dr.SS.Sidhu bel Guwahati a zin Nov 29 vel a Manipur honkik nawn dingin leng kigen hi. Hichibang kal ah, Manipur a Congress makaih sorkal dinmun enkhe dingin AICC apat North East incharge leng hi, Prithviraj Chauhan Nov 29 ahihkei leh 30 a Manipur hongpha dia gintak thu kileng om hi. O.Ibobi khenkhiak sawm ten bel, athil phut uh lohching ngei dingin kilam en mahle uh, amaute makaih ding leader tungtang ah bel, thuchian bangmah gentheilou dinmun a om uh hidan in leng kigen hi. Tulel a Delhi a om Congress MLA 15 velten, tunitan a om man uh sum sen bangzah phet aneita ding uam chih leng ngaihdan omthei suak hi.
Meghalaya state kigal gingsa in om
Shillong, Nov 26(NNN): Meghalaya Goverrment in tuni in Police leh security force te kiang ah thupiak nei in, abiiktak in Garo Hills bialsung lak security sukkhauh in om a, Liberation Achik elite force (LEAF) leh Achik National Liberation Front (ANLF) helpawlte gamtatna nang ding in State Government ki mansa in om ta hi. Thusuak kingah dan in, helpawl nih te’n ahihleh, Garo Hills bial a om suang meihol lakkhiakna munte tel in office tuamtuam ah demand letter pia uh a, ni 15 sung ngei a sukfel ahih keileh, LEAF leh ANLF pawl gamtang ding in vauna pia uhi. Deputy Inspector General (DIG), Western Range Mr.F.D.Sangma in agenna ah, helpawlte’n lehkha thehdalh uh kichi pen thutak mah ahihdan gen in, Nengkhra-Tobu route apan gamtatsawm ahihdan uh muhsuah in om a, tu in hiai route ah security khauhtak a koih ahihdan taklang uhi. LEAF Chief Peter Marak leng tuma zek in kaplup in om a, huai thangpaihna dan a LEAF leh ANLF in gamtatsawm hiding un muanmoh thu kigen hi.
Police Bazar ah meikang thupitak om
Shillong, Nov 26(NNN): Tu zingkal in Shillong khopi sung a om Police Bazar ah meikang thupitak om a, huai ah Dawr inn 5 kangtum dimdem in a sum a tuat in Crore 15 man bang van kangthum dimdem hi’n kigen hi. Thusuak kingah dan in, Shillong kho laizangtak a om Police Bazar ah zinglam dak 3 vel ding in akipatna theihlouh meikuang thupitak khat om a, huai in silh le teen zuakna dawr thum banah, electric part zuakna dawr khat peh in kangthum dimdem a, van tamtak kangtum in, laktheih ding om manglou hi’n kigen a, dawr sung a kikoih van tuamtuam leh electric vante Crore 15 man bang phazou ding hidanin gen uhi.
Source: www.zogam.com
Aizawl Nov 26(NNN): Phuaibuang village in numei sualluih thu toh kisai in Khawlian zotna lampi teng Kiginni apan khaktan vek uh a, huai in buaina sousang sak thei ding dinmun ah om lel hi. Tuni in Khawlian Students Union in thusuah bawl ua, huai ah, Khawlian in hiai bang thiltung theikha lou uh ahihdan gen in, Phuaibuang khote’n zuauthu aphuah tawm uh ahi chi uhi.
Thusuak in ataklatna ah, Laldingngheta of Khawilian in November ni 18 nitak in angaihzawng nu Ely of Phuaibuang village taipih a, a zingchiang in a numei nawkik hi’n kigen hi. Khawlian khote gen dan in, numeite lemsakpihna tel in Mr Laldingngheta in taipih hi’n gen ua, a numei nu’n a zingchiang in a inn lam uh zotsan mahleh, Lalding sungkuante’n palai kha in anumei sapkik sawm uh hi’n Khawlian thusuak in gen ua, Phuaibuang village te’n hiai thei gegu kawm in Khawlian te hih minsiat sawm uh hi’n ngai uhi. Hiai thu toh kisai thu saupi suak ding in kilang a, Phuaibuang khote gendan in, numeinu sualluih a om hizaw ahihdan taklang ua, Lalding leh a lawmte’n thagum in dainawl ah kaikhia in, kisual huan uh chi uhi. Hiai thu in kho nih te kal a peituah lai in, Phuaibuang khote’n lampi khaktan in, Khawlian mi himhim Phuaibuang a alut ding a phallouh ban uah, Phuibuang leh Khawlian kal lampi khaktan in kikawmtuahna buai zou hial hi’n thusuak in gen hi. Saitual police station in thil omdan suizui lel in, kho nih kal ah lemna bawl teitei sawm in panla lel uhi.
Pensionerte’n Pay Book piaklut ngai
Lamka Nov 26: Treasury Officer/CCpur apan thutut kingah dan in Treasury Office/CCpur tawn a pension loh lateng in Treasury office ah a kintheilam a Pensioner Pay Book piaklut ngai ding hi. Pay Book pelutlou pensioner-te bill kibawlsaklou ding hidan inleng thutut kingah hi.
WAD zatna Power Minister in uap ding
Lamka Nov 26: District AIDS Committee (DAC)/CCpur saina in hongtung ding December 1, 20077:30 apan in ‘STOP AIDS KEEP THE PROMISE-LEADERSHIP’ chih thupi azang in World AIDS Day (WAD)-2007 zatna omding hi. Hiai WAD zatna ah Power Minister Pu T. Phungzathang in Chief Guest hihna toh uap ding a, Dr. Lalzakung Tusing leh DC/CCpur Pu Sumant Singh ten Function President leh Guest of Honour hihna toh uap ding ua, tuabanah, NGO tuamtuam tamtak inleng uap ding uhi chiang in New Lamka YPA Hall ah zing dak
Ex-gratia Screening nei ding
Lamka Nov 26: District Level Screening Committee for Ex-gratia in hongtung ding November 29, 200712:00 in DCs Chamber ah meeting nei ding uhi. Hiai hunah Ex-gratia ngetna tuamtuam 10 val omte screening nei ding uhi. sun dak
Discharge Certificate piaklut ngai
Lamka Nov 26: National Rural Health Mission nuai a Janani Suraksha Yojana (JSY) tungtawn a October 2007 sung a Lamka Damdawi Inn a naunei 98 te leh Lamka Nursing Home a naunei 27te kiang ah panpihna sum piak ding toh kisai in tunitan in naunei mi 30 valzek kia in Discharge certificate Xerox copy pelut pan uhi. Hiai naunei panpihna sum muding mi 125 te’n avek ua Discharge Certificate Xerox copy CMO/CCpur a apiaklut kim ma uh kuamah sum piak hilou ding hidan in thutut kingah hi. Hiai JSY scheme bel naunei nupite a nau neihzoh phet ua neklim a taksap laitak ua apoimoh bang ua zat ding ua panpihna piak ding himahleh thilpaidan diklouh ziak in panpihna sum in kial laplou hi.
Workshop om ding
Lamka Nov 26: SSA/CCpur saina in hongtung ding November 29, 2007 zing dak 10:30 apan in IB Road a Synod Hall ah ‘One Day Workshop on Quality Dimension & Monitoring NCERT Format for BRP, CRP’ neih hiding hi. Hiai Workshop honkhiatna SSA-DMC/CCpur Mr. Joseph Lalrothang nei ding a, Mr. Subhon Singh, State Co-ordinator (Pedagogy) leh Mr. L. Mangi Singh, Asst. State Co-ordinator (Pedagogy) te’n sinsak ding uhi.
WAD Kidemna om ding
Lamka Nov 26: District AIDS Committee (DAC)/CCpur saina in World AIDS Day (WAD)-2007 toh kisai in hongtung ding November 27, 2007 zing dak 10:00 apan in Synod Hall, IB Road ah kidemna/Competition tuamtuam neih hidng hi. Hiai hunah World AIDS Day (WAD)-2007 thupi ‘ STOP AIDS KEEP THE PROMISE-LEADERSHIP’ chih thupi a zang in Class VIII-XII kikalte ading in Quiz, Slogan, Essay leh Painting kidemna omding hi. Slogan ah Thumal (words) 10-15 kikal zattheih ding a, Essay ah thumal 1000 tan zattheih ding hi. Hiai kidemna chi 4 te ah kipahman kibang piak hiding hi.1st Prize in Rs.1000/-, 2nd Prize Rs. 800/- leh 3rd Prize in Rs. 300/- chiat hiding hi.
NREGS toh kisai meeting
Lamka Nov 26: National Rural Employment Guarantee Scheme (NREGS) toh kisai in tuni sunnung dak 1:30 in DC/CCpur makaih in DC Conference Hall ah ADC/CCpur, SDO khenkhat leh BDO teng banah DRDA Staff-te toh meeting nei uhi. Hiai hun ah Job Card toh kisai a card neitu dingte khut tungna hiam chih tel in NREGS sepsuahna dia poimoh tuamtuam kikup khawmna nei uhi.
ISBT nasep kipanta
Lamka Nov 26: Inter-State Bus Terminal (ISBT) ding mun sehkholh a om bangin Pangzawl khosak ah nnasep kipanta a apaisa November 8, 2007 apan in Contractor te’n Bull Dozer 2 zang in lei laihmai (leveling) panta uhi.
Pressmen te vau
Lamka Nov 26: Lamka khopi pansan thuthaksaite laka khenkhat in tuni sunnung in Lamka Damdawi Inn a damloute avakan hun un damlou khat ompihte laka khat in Pressman te’n damloupa damlouh dan adot uh leh ‘Hiai khawng nou suah ngailou lou, na suah ngeingei uh leh…’ chi a Press-te avau banah damloupa’n adamlouhdan agen ngeingei leh kintak a damdawi inn apan puakkhiat di’n leng vau zomah hi. Huai banah Presste kiang ah kiphasak na hi uhiam chi in alawmte sam di’n kisa mahleh a ompih a lawmdangte’n a khouhziak un bangmah chilou in dai thak thei hi.
Rayburn College NCC kuan
Lamka Nov 26: Rayburn College, New Lamka a National Cadet Corps apan cadet 70 te November 27- December 1, 2007 sung Imphal a Unit Office a Combine Annual Training Camp a tel ding in kuankhia uhi. Huailou in November 25, 2007 in NCC Unit office, Imphal ah NCC Day zatna om a huai ah Rayburn College apan NCC te’n Karate, Civil defence, Fire fighting leh Battle drill lahna nei ua mi 30 in RIMS ah Sisan piakna (Blood donation) nei uhi. Amau tagah kepna khenkhat vehna leng vanei uhi.
Deputy Speaker ambush ah suakta, IRB personel 2 leh civil driver liam
IMPHAL NOV 26: Delhi Jail a tang lai, Andro AC apan 9th Manipur Legislative Assembly a MLA dia telching a om, tulel a Deputy Speaker hihna lenlel Th. Shyamkumar, tuni zinglam dak 10.45 vel dingin, Imphal East district a Lamlai Police station huamsung, Oksu leh Ningthemcha kikal ah ambush in om a, himahleh vangphat huaitak in Dy. Speaker bel suakta hi. Hiai ambush-na ah, ama escort 1st IRB personel 2 leh Civil driver khat ua, amaute bel serious lokei mahle uh, JN hospital a etkawl in om uhi. Thutut kingahdan in, tuni a Dy. Speaker Th. Shyamkumar in, Health and FW minister Ph. Parijat tenna Inn Lamlai a, kitenna programme toh kisai vohoh kiklam tuabang ambush tuak hi’n thutut kingah hi. Dy. Speaker team te gari 5 kizui in, Oksu leh Ningthemcha kikal a singlei aphak phet un, Dy. Speaker tuanna Ambassador car in tua lei apelh zoh toh kiton in, theihkholh louh in IED bomb hattak khat meltheihlouhten supuak ua, escort te Gypsy khat in siatloh hi. Bomb puah toh kiton in meltheihlouh ambush tute’n kapzui ngal ua, Dy. Speaker escort ten leng kapthuk in minute 20 vel kikap tuahna om hidan in leng kigen hi. Hiai thiltung a IRB personel 2 liamte bel, Hav. Karotlung leh rifleman Talent Shyam Kom hi ua, civil driver min bel Md. Waziruddin ahi. Dy. Speaker in tuni nitaklam dak 2 vel in JN hospital ah, liamte vaveh a, tua hun a thuthak saimite dotna Dy. Speaker in adawnna ah, hichibang a ambush bawlkhum ahihna naktak a mohpaih ahihdan leh hichibang gamtatna pen terrorist te gamtat hidan in gen hi. Hiai ambush-na mun gei a BSF ROP omte kianga, ambush bawlte omna lam thau leh bomb a kap dia a ngetna a limsaklouh ziak un Dy. Speaker in nuam saklouh thu leng taklang hi. Aban agenna ah, ambush-na mun a ama escort khat in ama hinna humbitna dia gari apat kaikhia a lampi gei a kuaksunga a omsak phathuai a sak dan leh tua mun a, Imphal East Commando te minute 15 vel zoh a avatun pahna tung uah phat huai asakdan leng thuthak saimite kiang ah gen hi. Ama hinkhua a helpawl kuamah apan 'vauna' ngahlou ahihdan leng gen hi. Hiai ambush-na mun ah security force tamsem lutbeh in Imphal East Police commando leh BSF ten combing operation bawl mahle uh mat a neihlam uh theih hilou a, a kipuang leng om tuanlou hi. Deputy Speaker Th. Shyamkumar bel, 9th Legislative Assembly a Andro AC apat MLA telching ahihkia hilou in, Delhi a Jail tanglai MLA dia teelching leng ahi.
CM in Irilbung lei leh water supply scheme hongkhia
IMPHAL NOV 26: Manipur govt. in Non Lapseable Central Pool of Resources (NLCPR) nuai a Central Sponsored Scheme tuamtuam aneih te semsuah zel in, tunin' leng Imphal East district sunga Irilbung lei kibawl thak leh Irilbung water supply scheme nuai a water treatment plant kibawl thak honkhiakna Chief Minister O.Ibobi Singh in nei hi.
Hiai hunte ah, minister tuamtuam K.Ranjit, T.N.Haokip, Md.Alauddin Khan, L.Jeyantakumar ban ah PDA Chairman Dr.Kh.Loken leh MLA Th.Lokeshwor Singh ten leng CM zui uhi. Irilbung lei kibawl thak bel, July 3, 1989 a M/S Rajpath Contractors & Engineers Private Ltd. te abawl pat uh ahi. Irilbung lei bawl thak bel, 78.00mm asau leh 11.15mm alian leng ahi. Hiai lei bawlna sum lut zah Rs 206.00 lakh ahi. Irilbung Water Supply scheme bel, NLCPR nuai a Rs 816.60 lakh lut a January 2003 a kibawlpan June 2007 a zoh ahi. Hiai Water treatment Plant bel, 6.81 MLD capacity nei, hihban ah, mihing inkuan 50,000 te kianga tui dawn ding pezou dia gen hi. Tuni a Lei kibawl thak leh water supply scheme thak honkhiakna hun a khuallian apang, CM in agenna ah, Manipur a govt. nasep te kuapeuh in a hoihlou lam mawk gengen sanga, kichian tak a nasep ding sepsuah louh omte gen zaw dingin ngetna bawl hi. Huaiban ah, NLCPR nuai a Manipur a Lei kibawl tengteng March 2008 tan a zohsiang ding chih govt. in tup anei ahihdan leng gen hi. Manipur a project tuamtuam te sepsuah na ding asum omlou hilou in, subuai tu tuamtuam te ziaka zekai sek ahihdan leng gen hi. Hichibang ahihna ah, kuapeuh in govt. kithuahpih a subuai lou dingin leng ngetna nei hi. Aban agenna ah, tuban kum thum sunga greater Imphal sung kilawmna te naktak a kikheng omding hidan in leng taklang hi.
Dissident MLA te observer hong hohma hongkik lou ding
IMPHAL NOV 26: Manipur Chief Minister O.Ibobi Singh khenkhiak sawm a panla Congress MLA tulel a Delhi a omten, Manipur a Congress makaih SPF sorkal dinmun enkhe dia AICC observer honghoh ma Manipur a hongkik sawmlou uh hidan in kigen hi.
CM O.Ibobi Singh deihlouh te lak a kigen MPCC President Gaikhangam Nov 25 in Imphal hongtung mahleh, Nov 27 vel a Delhi hohnawn dia gintak ahi. Hichibang kal ah, Congress senior minister Y.Erabot leng tuni a Delhi zin hidan in kigen hi. CM in Delhi a AICC high command te akimuhpih nungin, Manipur a sorkal dinmun toh kisai a Governor leng kimuhpih dia lamet ahi. Himahleh, Governor Dr.SS.Sidhu bel Guwahati a zin Nov 29 vel a Manipur honkik nawn dingin leng kigen hi. Hichibang kal ah, Manipur a Congress makaih sorkal dinmun enkhe dingin AICC apat North East incharge leng hi, Prithviraj Chauhan Nov 29 ahihkei leh 30 a Manipur hongpha dia gintak thu kileng om hi. O.Ibobi khenkhiak sawm ten bel, athil phut uh lohching ngei dingin kilam en mahle uh, amaute makaih ding leader tungtang ah bel, thuchian bangmah gentheilou dinmun a om uh hidan in leng kigen hi. Tulel a Delhi a om Congress MLA 15 velten, tunitan a om man uh sum sen bangzah phet aneita ding uam chih leng ngaihdan omthei suak hi.
Meghalaya state kigal gingsa in om
Shillong, Nov 26(NNN): Meghalaya Goverrment in tuni in Police leh security force te kiang ah thupiak nei in, abiiktak in Garo Hills bialsung lak security sukkhauh in om a, Liberation Achik elite force (LEAF) leh Achik National Liberation Front (ANLF) helpawlte gamtatna nang ding in State Government ki mansa in om ta hi. Thusuak kingah dan in, helpawl nih te’n ahihleh, Garo Hills bial a om suang meihol lakkhiakna munte tel in office tuamtuam ah demand letter pia uh a, ni 15 sung ngei a sukfel ahih keileh, LEAF leh ANLF pawl gamtang ding in vauna pia uhi. Deputy Inspector General (DIG), Western Range Mr.F.D.Sangma in agenna ah, helpawlte’n lehkha thehdalh uh kichi pen thutak mah ahihdan gen in, Nengkhra-Tobu route apan gamtatsawm ahihdan uh muhsuah in om a, tu in hiai route ah security khauhtak a koih ahihdan taklang uhi. LEAF Chief Peter Marak leng tuma zek in kaplup in om a, huai thangpaihna dan a LEAF leh ANLF in gamtatsawm hiding un muanmoh thu kigen hi.
Police Bazar ah meikang thupitak om
Shillong, Nov 26(NNN): Tu zingkal in Shillong khopi sung a om Police Bazar ah meikang thupitak om a, huai ah Dawr inn 5 kangtum dimdem in a sum a tuat in Crore 15 man bang van kangthum dimdem hi’n kigen hi. Thusuak kingah dan in, Shillong kho laizangtak a om Police Bazar ah zinglam dak 3 vel ding in akipatna theihlouh meikuang thupitak khat om a, huai in silh le teen zuakna dawr thum banah, electric part zuakna dawr khat peh in kangthum dimdem a, van tamtak kangtum in, laktheih ding om manglou hi’n kigen a, dawr sung a kikoih van tuamtuam leh electric vante Crore 15 man bang phazou ding hidanin gen uhi.
Source: www.zogam.com
No comments:
Post a Comment