Numei naupang sualluih in om; Pu-pa ngeina dan in kihou
Lamka Nov 24: Rengkai Bible Hill a om numei naupang kum 9 lel a upa Ms Niangnu ( A mintak sel ahi) d/o Mr. Lampu (A mintak sel ahi) a nu-le-pate omlouh kal in Mr. Khamminthang Leivang (25) s/o Kaizagin of Sahei Road, New Lamka in suallui hi. Hiai bang thil a tun lai in a Ms Niangnu’ nu-le-pate bel Tuibuang a om a Pu uh a sih ziaka Tuibuang a giak uh hi’n thutut kingah hi.
Lamka Post reporter in a inkuanpihte a houlimpihna ah, hiai thil tun nitak in Niangnu leh upa pasal naupang inn ngak in om ua, amau unau leng a veng ua apute uh inn a laisim di’n huai nitak in va hoh, laisim khin nitak dak 8:00 vel in inn ah pai uhi. Inn atun un lum dinga a kisaklaitak un Mr. Khamminthang Leivang in va tutpih nilouh in nidang a kho khat ah ana tengkhawm ngei ahihziak un kimeltheih mahmah uhi.
Nidang bangloutak in Mr. Khamminthang in a sualluih numei naupang sanggampa Mr. Kapmuanlal kho lai ah pawtkhe ding in sawl nilouh a, himahleh Kapmuanlal in nitak sawtnung a pawt hun nawnlou leh pawtna’ng leng theilou ahihdan gen in pawtkhe utlou hi. Atawp in Khamminthang inleng Kapmuanlal kiang ah honzui in kei toh i pawt ding chi’n pawtkhiatpih in a innkhang lam ua tuilou jau lak a inn kibawllel kiang khat ah Khamminthang in ka daileen suak, hia’h hon na ngak in chi’n a tonpih pasal naupang Khupmuanlal nusia in naupangte inn lam zuan hi.
Huchihlai in sualluih a om numei naupang Niangnu inleng a sanggampa Khamminthang in apawtkhiatpih ziak a lunghimoh, a nung ua delhzui toh Khamminthang pen Kapmuanlal omna sakzek ah kituak kha uhi. Khamminthang inleng numei naupangpe’n man in a sam in kai a, a sanggampa omna kiangzek loulai ah paipih hi. Kapmuanlal in a sanggamnu hutkhiatsawm in vanaih mahleh Khamminthang in a taklam liang ana suksak in sawnpai hi. Khamminthang inleng Niangu underpant suahsak ngal a, a kalchip mahleh a phei naktak a tupsak in a kal kaksak kawm in a chilphih in numei naupang sianthouna suk botloh sak amah leh a inkuanpihte’n gen uhi.
Khamminthang ekteh zen a pang ahihman in a ek khoihkhakna khutte a Niangnu sanggampa Kapmuanlal puan-ak ah siaksiang zomahlai hi’n leng gen uhi. Khamminthang in a tup gitlouhna teng a zoh in hiai panpihtu bei unaute gel paipih in a inn uah vakha in nitak dak 11:00 tanphial va tutpih lai hi’n leng gen uhi. Kapmuanlal inleng Khamminthang kiangah na thil omdan mi kiang ah ka gen di a chih leh Khamminthang in Mi kiang a na genleh nang hih ahi ka chi ding chi’n dawng hi. Naupangte geel chimoh leh lauthawng in kuamah kiang ah gen ngamlou in huai Nilaini zan ihmu ngamlou in zan hak ua, a Nu-le-pa a hong tuntak un a nu-le-pate kiang uah thil omdan gen uhi. Hiai thiltung toh kisai in Police ah report piak hilou a sualluihtu innkuan/dongta te leh sualluih a om innkuan/dongta te pu-pa ngeina dan in kihouna nei ua, himahleh hiai thu sut ahihtan in a kihouna uh theihchet omlou hi.
Lamka khopi tuinek kihhuai; DC in EE/PHED noh
Lamka Nov 24: Lamka khopi tuidawn ding kiningching leh siangthou ahihtheih na’ng awlmoh in Central Sorkal in NLCPR tungtawn in Rs. 21 crores hon pekhin a, hiai pen 2002 Christmas Gift chih hihial mahleh tunitan in Lamka khopi ah dawn ding tui siangthou kiningching omnailou hi.
Tukal sung pumpi tui hongkaite dawntak ding omlou in niin theih mahmah taksa damtheihna lauhuai ngen Lamka khopi supply a ahihziakin Lamka Post palai in tuni’n Bungmual a Tanky te etkhiatna leh tuilakna bul etkhiatna nei hi. Lamka khopi tuinek ding Lanva lui apan zawl hi a, hiai tuidawn ding zawlna mun saklam ah quarry (Suanglakna) apan suangla garite’n luidung tawn in tai ua, tuabanah, luibang apan suang lakkhiat ziak in khoubang kichim sekte’n tui suni’n ahihdan va mukhia hi.
Bungmual a Tanky 6 omte avek in tuini’n in dim a, tuini’n/buannawi tam ziakin tanky taw ah dat in tui kikhaihsiangna teng hubing gai a, tu in khopi sung ah tuikai sianglouh ngen kaisak in om hi. PHED Department Official khenkhat apan thukiza dan in hiai buangmual a tanky 6 omte lak 2te khaihkang (drained) a ataw a filter hubingtu buannawite nisa haikeu sak a hahsiang ding sawm mahle uh zanlam teng khophatlouh ziak in buannawite keu thei nailou ahihdan gen ua, himahleh mipite’n bel khophat nung leng sawtkuam mahmah nawnta ahihman in, hiai pen ngaihsaklouh ziak mah ahi chih a kim-le-kiangte apan thutut kingah hi. Huchibang a Khopi sung a ding damtheihhuailou (unhygienic) tak tui kaisak ahihtoh kisai in DC/CCpur Mr. Sumant Singh, IAS in EE(PHED)/CCpur kiang ah kintak a panla ding in theihsakna tuni’n bawl hi.
MLA khenkhat in Lamka pha
Lamka Nov 24: Manipur Legislative Forum on HIV/AIDS pawl a khenkhat in tuni zing dak 10:00 vel in Lamka hongpha in mun tuamtuam phakual uhi. Tuni a MLA Lamka hongphate bel Manipur Legislative Forum on HIV/AIDS a Vice President Mr.M. Thohrii, Manipur Legislative Forum on HIV/AIDS Secretary Dr.I.Ibohalbi leh Member Dr. H. Borajao te hi ua, amaute MACS a Dy. Director tel in official tuamtuam in hon zui uhi. Amaute’n SHALOM Hospice, Lamka Damdawi Inn banah MSF Town Clinic te pha uhi.
Khawnvaktui hongtung
Lamka Nov 24: CCpur District Quota ading Khawnvaktui (SK Oil) tanker 9 tuni sunnung dak 1:00 in Lamka puaktun in om hi. Hiai khawnvaktuite bel security khauhtak venbitna nuai ah puaktun hi a, dealer-te kiang ah piakkhiat in om ngal hi.
SDO te’n survey ding
Lamka Nov 24: District sung a singtangdawn lam a louneimite louma mautaam ziak a lohsapna nasatak om a mipite kial panta uhi. Hiai toh kisai in DC/CCpur Mr. Sumant Singh, IAS in District sung a SDO teng kiang ah louma a lohsapna toh kisai survey hoihtak a bawl a Natural Calamity Relief tungtawn panpihna piaktheih dia bawl chiat ding in theisak hi.
Die-in-harness demand committee in nuakna patnawn sawm
IMPHAL NOV 24: Manipur govt. nuai a semtu khatpeuh naseplai a site sungkuante die-in-scheme nuai a sepna piak ding govt. a nohna dia kibawlkhia All Manipur Die-in-harness Scheme demand committee in nuakna khauhtak patnawn sawm uh hi’n tuni sunnung dak 1 in Demand Committee palaite’n Manipur Press Club ah thuthak saimite kiang ah gen uhi.
Demand committee a President L. Maipak in agenna ah, Manipur govt. in June 15, 2000 a hichibang die-in-harness scheme omsa a phiat himahleh, demand committee ten helna leh kiphinna tuamtuam ni 52 sung NH tegel a economic blockade, govt. office 11 vel hihsiat leh sit-in-protest tamveitak a neih nungin, Govt.in December 16, 2006 in hiai scheme phiatsa hingsak thak nawn ahihdan gen hi.
Himahleh, govt. in die-in-harness scheme a hamphatpih thei dingte a dia kam lakthakna dite a, 5% piak ding a hih amin maimai ahihdan gen in, tuni chianga 1998 apat 2007 tan die-in-harness adia applicant 1500 val bang pending omta ahihdan gen hi. Govt. in Dec 16, 2006 a hiai scheme revive abawl nung tuni tanpha hiai nuai a appointment piak kuamah leng om theih hinailou.
Hichibang kal ah, Manipur govt. in govt. semtu khat hisam Manipur Police IGP khat leh tuma zek a Social Welfare a CDPO sihna tuakte die-in-harness scheme adia cabinet lemsak banga Grade III a highest post apiak leng govt. in khentuam nei hidan in lungkim louh thu President in taklang hi.
Hichibangkal ah, demand committee in tuni’ Chief Minister kiang ah memorandum khat pelut ua, tua ah 5% pen omsak louh dingin ngetna bawl uhi. Govt. in Nov 29, 2007 tan dawnna lungtun huai a apiak kei leh, demand committee in helna khauhtak nungtolh lou dia Nov 29 nunga neihna ding committee in thupukna neikhin ahihdan leng President in gen hi.
National Festival of Classical Dance Manipur ah om ding
IMPHAL NOV 24: Department of Art & Culture Govt. of Manipur, Eastern Zonal Cultural Centre, Kolkata leh North East Zone Cultural Centre, Dimapur kithuah in VIII Bhayachandra National Festival of Classical Dance, Kangla Manipur ah November 27 - 30, 2007 sung in om ding hi. Hiai hun honkhiakna Nov 27, 2pm in Kangla a Govindaji Temple ah om dinga, tua hun ah khuallian leh President in Manipur Chief Minister O.Ibobi Singh leh Assembly Speaker Dr. S. Budhichandra Singh te pang ding uhi.
Chandel a Kuki body tuamtuam in joint meeting nei ding
IMPHAL NOV 24: Kuki Inpi Manipur in Election neihna ding toh kisai a thusuah abawl toh kiton in, Kuki Chiefs Assn, Chandel leh KSO Chandel Dist. in tuni’n executive meeting nei ua tua hun ah, hongtung ding November 29, 2007 zinglam dak 11 a Kuki Inn, Imphal a Emergency meeting neih ding thupuak uhi. Hiai meeting ding ah KCA leh KSO Chandel Block President leh Secretary te, KUMHUR, KWU, HTC Moreh leh Public leh Social leader tuamtuamte paikhom a Kuki Inpi Chandel district election ding tungtang genkhom ding uhi.
11th Bi-ennial Flower Exhibition
IMPHAL NOV 24: International Plant Growers' Association, Imphal saina in, 11th Bi-ennial Flower Exhibition, 2007 kichi om ding hi.
Hiai exhibition ding honkhiakna Nov 25, 2007 nitaklam dak 2 in, J.N.Manipur Dance Academy Complex ah om ding a, tua hun ah khuallian in Edn/Seri/Tpt minister L. Jeyantakumar, President in Dr. Kh. Loken Chairman PDA leh Guest of honour dingin Director, Horticulture & SC Kh.Kirankumar Singh te pang ding uhi.
IED kikam mun nih ah mukhia
IMPHAL NOV 24: Police apat thutut kingah dan in tuni zinglam dak 9 leh sunnung dak 12.20 vel dingin Tedim road a Yumnam Khunou leh Oinam kikal mun nih ah, meltheihlouh helpawl hidia gintak ten IED a kam uh ROP Bishnupur police ten mukhia in, a khonung in puakzak sak uhi. Tuni a hiai lampi tawn a VIP bangzah hiam paikha ding om ziakin, Bishnupur Police te ROP apaina lam ua atuahkhak uh hidan in leng kigen hi.
Tulai in niteng phial in mun tuamtuam ah security force leh VIP ten a totkhak ding lampite ah bomb kikam muhkhiak om gige hi.
UNLF kum 43 chingta
IMPHAL NOV 24: Phaijang helpawl United National Liberation Front kiphuhkhiak nung tuni’n kum 43 chingta hi. Hiai hun toh kituak in tuni’n Imphal East leh West district sunga mun khat tuak ah, UNLF apang sisate suunna hun zat in om a, tua hun ah misi sungkuante kiang ah thilpiak leng pia uh hi’n kigen hi. Hiai district nih apat mi 300 vel paikhom in an nekkhomna leng nei uhi.
Siluang pua Police gari in mikhat phulum
IMPHAL NOV 24: Imphal West district sung Wangoi Police station a Mini tata 407 MN 01/5400 in siluang khat RIMS morgue a koihdia honpua in, tuni zinglam dak 10.45 vel in Oinam Lamkhai, Mayai lampi gei a bus stand a Bus khat khawllai apelhna lam ah numei naupang khat phulum hi.
Thutut kingahdan in Bus apat kumkhia numei naupang Rebia @ Olivia (10) d/o (L) Md. Ali of Irong Makha leikai apa sanggamnu Abi (19) toh bus a kumkhia naupang in lampi akantan leh thakhat a Police gari hongtai in a phutkhak hi a, RIMS puaktung himahleh damzoulou a si hidan in kigen hi.
Alehlam ah, Wangoi Police in siluang apuak Wahengbam Ibochouba (45) s/o Athoi of Waheng leikai, Wangoi hi a, Brabati College a Manipuri Lecturer semlel ahihban ah, zan nitak a meltheihlouhten tem a, a satlup uh hi a, Dec 4, 2007 a zinei ding hidan in leng kigen hi.
Hiai tualthahna toh kisai in JAC khat bawlkhiak in om a, tuni’n Wangoi bazar ah tualthahna ziaka, lungkimlouh latsakna dingin sit-in-protest leng nei uhi. Tuamun apat Wangoi PS tan rally nei ua, tua ah CM ading OC tungtawn in memorandum khat leng pelut uhi. Memorandum ah tualthat tute govt. in Nov 25, 2007 tan a mankhe dingin ngen kawm in misi inkuanpihte kianga ex-gratia piak ding inleng ngen uhi.
Anganwadi helpers leh workers result phiat din ngen
IMPHAL NOV 24: Movement for Tribal People's Right Manipur in apaisa, Nov 22, 2007 a Manipur CM kianga memorandum apiakna uah, Social Welfare (ICDS) nuai a Anganwadi Workers leh Helphers lakna ding leh Anganwadi Centre honna dia approved list adia Govt. Order no. 5/11/2007-SW(ICDS) dated 28/9/2007 Govt. in phiat dingin ngen uhi.
MTPRM President S. Ramhaoleng thusuak dan in, Anganwadi centre hon khiakna dia selection SW minister in ama deihdan a apei ahihdan leh, Anganwadi Workers leh Helpers lakna dia DPC omlou ahihman in dan toh kituaklou ahihdan taklang hi. Hichibang a CM in a kituahpih action lak a neih keileh diklou liahkhuh ahihban ah amah leng kigolh chihna suak ding hidan inleng MTPRM thusuak in taklang hi.
NSCN IM in November 25 tan hun tawp pia
Dimapur, Nov 24(NNN): NSCN IM thusuak kingah dan in, November 23 ni a Niuland mun a Hovishe village a NSCN Faction nih a Minister (Kilonser) te’n thupukna abawl utoh kisai NSCN IM in ngai poimoh mahmah in, tuni in NSCN-IM leader te makaih in Council Headquarter Camp Hebron ah neih in om a, NSCN-IM general secretary Thuingaleng Muivah in kikhopna makaih hi. NSCN-IM thusuak in ataklatna ah, tuni in NSCN IM top leader kikhopna om a, huai ah makai poimoh teng tel kim in thil tung tuamtuam te genkhopna nei ua, Naga helpawlte lak a ki unauna om ding bel deih vek uh ahihdan puang uh a, himahleh, ki unauna leh ki pumkhatna I chih in lampi diktak a zuih ding uh ahi chi uhi. NSCN Khaplang Kilonser A.Z.Jami in agenna ah, zan a Niuland mun a thupukna om pen Naga Nampi adia pomtuak ahihdan taklang hi. NSCN-IM thusuak in agen leuleu na ah, November 23 Niuland declaration kichi pen "unofficial" ahihdan gen ua, NSCN-IM Kilo-kilonser (home minister) Azheto Chophy in bangziak leh bangthu toh kisai a NSCN K toh kilemna bawl mawk hiam chih thuneitu sangzaw te kiang a agenkhiak ma hiai thu pen NSCN IM in pomtheilou ding ahihdan taklang uhi.
NSCN-IM thusuak in agenbehna ah, Niuland declaration pen hoih mahmah a, himahleh, phalna om lou a, NSCN IM makai huai hun a va kihel kha teng in Council Headquarter ah zingchiang (Pathianni) November 25 a report pe teitei ding in theisak uh a, huai hun ah Niuland a NSCN IM ai-oh a va tel teng telkim chiat ding in theisak uhi.
SC Jamir in Nagaland ah ambush tuak
Dimapur, Nov 24(NNN): Nagaland Chief Minister lui leh Goa Governor S.C.Jamir tu zingkal in thah sawm in om mah leh, lamdang tak in suakta nawn hi’n kigen hi. Official thusuak kingah dan in, SC Jamir tenna kho taktak ahihleh, Mokokchung hi a, tu zingkal in amah a tenna Inn a om lai meltheihlouh galvan tawi pawl khat in a inn va bu kaap uh chih thu thang masa mahleh, huai pen thuzuau hi’n kigen hi. Hiai toh kisai NSCN IM thusuak in taklatna ah, SC Jamir tung ah kuamah helpawl in thau khalou ahihdan taklang in, mite’n amah ahehpih theihna ding uleh, Congress pawl in Nagaland a vai ahawm zoh na ding ua, election pre-plan ahi chi uhi. Thusuak in ataklatdan in, S.C.Jamir in Goa zotsawm in Dimapur airport zuan masa a, Changki village atun utoh kiton bomb phum guuk 9 puakzaak hi’n kigen hi. Tu zingkal dak 6:28 am in Mokokchung apan Km 11 a gamla Changki village ah bomb puahzaak sak hi a, himahleh IRB sepaihte’n Governor hunkhia man uh hi’n kigen hi. SC Jamir leh a zi tuanna Car tung a VIP light bel se dimdem hi’n kigen a, metre 2 kiim kot lampi bel se mahmah zou hi’n thusuak in taklang hi. Police te’n two-inch mortar bomb puaklou 2 leh 303 rifle tang 10 ban ah telephone gui feet 100 vel musuah uh hi’n kigen hi. NSCN IM in bel SC Jamir kichi sikha bangbang ahih ziak in, thil omlou pi om a genthei ahihdan taklang ua, NSCN IM in Nagaland leitang sik theilou dia khaam na abawl uh himahleh, hehpihna ziak in siiksak ua, thiltung lou pi leh a thahsawm kuamah omlou pi ambush dan a a tangkoupih pen nuihzaat huai leh amah leh amah kisel phou maimai ahi chi uhi.
Assam ah Namkal buaina piang
Guwahati, Nov 24(NNN): Guwahati Medical College & Hospital ah tuni in damlou tamtak kipawlut a, GMC khangthu ading in Nurse leh semtute ading in tawlni pen a chiamteh in om hi. Thusuak kingah dan in, tuni in Adivasi leh tualsung mi (Assamese) te kalah buaina liantak piang in, kisat tuahna tanpha tung a, nitaklam dak 7 tan in damdawi inn ah damlou puaklut ding om zungzung hi.
GMC kichi Guwahati adia damdawi inn lianpen himahleh, ward leh lupna leng kidaih zoulou in varanda ah tamtak giahsak in om uhi. Christopher Hemrang in a genna ah, kua hiam ka theikei, ka lutang ah, siik chiang in ahon khen uh chi hi. Junior Doctors Association (JDA) pawl in tulai a strike aneih ziak uh ahihzawk mah toh damlou enkoltu ding kidaih zou mahmah lou uh hi’n kigen hi.
Hospital Suptd MM Deka in agenna ah, Adivasi leh Assamese te buaina ziak in GMC chauh ah damlou 200 val kipaw lut ta ahihdan gen in, GMC in a etkol zohlouh teng, Mahandra Mohan Choudhury Hospital Panbazar ah koih a om ahihdan gen hi. Thusuak in ataklatna ah, Adivasi pawl in tuni in Schedule tribe status ngetna ziak in lamlian zuihna nei ua, huai ah Assamese te toh buaina piangkha hi’n kigen a, hiai thu sut ahihtan in mi 5 in sihna tuak in, gari 12 val halsiat in om a, dawr 30 val haltum in om hi.
Buaina a kipat toh kiton in Adivasis mi 40,000 vel lamlian dung ah kikhoh khia in, hiamhei chi tuamtuam tawi ua, Assamese a muhkhak khak uh vau ngaluh hi’n kigen a, tuabang mah in Dispur area apan Assamese tamtak kikhawm in buaina kuang pha deuhdeuh ding dinmun ah om lel hi. Adivasi pawl in ahihleh, Independent MLA Tara Prasad Das gari chauh tum ua himahleh, Assamese pawl in a vanan ziak ua tuabang thil piang hidanin leng thusuak dang khat kingah hi.
www.zogam.com
Lamka Nov 24: Rengkai Bible Hill a om numei naupang kum 9 lel a upa Ms Niangnu ( A mintak sel ahi) d/o Mr. Lampu (A mintak sel ahi) a nu-le-pate omlouh kal in Mr. Khamminthang Leivang (25) s/o Kaizagin of Sahei Road, New Lamka in suallui hi. Hiai bang thil a tun lai in a Ms Niangnu’ nu-le-pate bel Tuibuang a om a Pu uh a sih ziaka Tuibuang a giak uh hi’n thutut kingah hi.
Lamka Post reporter in a inkuanpihte a houlimpihna ah, hiai thil tun nitak in Niangnu leh upa pasal naupang inn ngak in om ua, amau unau leng a veng ua apute uh inn a laisim di’n huai nitak in va hoh, laisim khin nitak dak 8:00 vel in inn ah pai uhi. Inn atun un lum dinga a kisaklaitak un Mr. Khamminthang Leivang in va tutpih nilouh in nidang a kho khat ah ana tengkhawm ngei ahihziak un kimeltheih mahmah uhi.
Nidang bangloutak in Mr. Khamminthang in a sualluih numei naupang sanggampa Mr. Kapmuanlal kho lai ah pawtkhe ding in sawl nilouh a, himahleh Kapmuanlal in nitak sawtnung a pawt hun nawnlou leh pawtna’ng leng theilou ahihdan gen in pawtkhe utlou hi. Atawp in Khamminthang inleng Kapmuanlal kiang ah honzui in kei toh i pawt ding chi’n pawtkhiatpih in a innkhang lam ua tuilou jau lak a inn kibawllel kiang khat ah Khamminthang in ka daileen suak, hia’h hon na ngak in chi’n a tonpih pasal naupang Khupmuanlal nusia in naupangte inn lam zuan hi.
Huchihlai in sualluih a om numei naupang Niangnu inleng a sanggampa Khamminthang in apawtkhiatpih ziak a lunghimoh, a nung ua delhzui toh Khamminthang pen Kapmuanlal omna sakzek ah kituak kha uhi. Khamminthang inleng numei naupangpe’n man in a sam in kai a, a sanggampa omna kiangzek loulai ah paipih hi. Kapmuanlal in a sanggamnu hutkhiatsawm in vanaih mahleh Khamminthang in a taklam liang ana suksak in sawnpai hi. Khamminthang inleng Niangu underpant suahsak ngal a, a kalchip mahleh a phei naktak a tupsak in a kal kaksak kawm in a chilphih in numei naupang sianthouna suk botloh sak amah leh a inkuanpihte’n gen uhi.
Khamminthang ekteh zen a pang ahihman in a ek khoihkhakna khutte a Niangnu sanggampa Kapmuanlal puan-ak ah siaksiang zomahlai hi’n leng gen uhi. Khamminthang in a tup gitlouhna teng a zoh in hiai panpihtu bei unaute gel paipih in a inn uah vakha in nitak dak 11:00 tanphial va tutpih lai hi’n leng gen uhi. Kapmuanlal inleng Khamminthang kiangah na thil omdan mi kiang ah ka gen di a chih leh Khamminthang in Mi kiang a na genleh nang hih ahi ka chi ding chi’n dawng hi. Naupangte geel chimoh leh lauthawng in kuamah kiang ah gen ngamlou in huai Nilaini zan ihmu ngamlou in zan hak ua, a Nu-le-pa a hong tuntak un a nu-le-pate kiang uah thil omdan gen uhi. Hiai thiltung toh kisai in Police ah report piak hilou a sualluihtu innkuan/dongta te leh sualluih a om innkuan/dongta te pu-pa ngeina dan in kihouna nei ua, himahleh hiai thu sut ahihtan in a kihouna uh theihchet omlou hi.
Lamka khopi tuinek kihhuai; DC in EE/PHED noh
Lamka Nov 24: Lamka khopi tuidawn ding kiningching leh siangthou ahihtheih na’ng awlmoh in Central Sorkal in NLCPR tungtawn in Rs. 21 crores hon pekhin a, hiai pen 2002 Christmas Gift chih hihial mahleh tunitan in Lamka khopi ah dawn ding tui siangthou kiningching omnailou hi.
Tukal sung pumpi tui hongkaite dawntak ding omlou in niin theih mahmah taksa damtheihna lauhuai ngen Lamka khopi supply a ahihziakin Lamka Post palai in tuni’n Bungmual a Tanky te etkhiatna leh tuilakna bul etkhiatna nei hi. Lamka khopi tuinek ding Lanva lui apan zawl hi a, hiai tuidawn ding zawlna mun saklam ah quarry (Suanglakna) apan suangla garite’n luidung tawn in tai ua, tuabanah, luibang apan suang lakkhiat ziak in khoubang kichim sekte’n tui suni’n ahihdan va mukhia hi.
Bungmual a Tanky 6 omte avek in tuini’n in dim a, tuini’n/buannawi tam ziakin tanky taw ah dat in tui kikhaihsiangna teng hubing gai a, tu in khopi sung ah tuikai sianglouh ngen kaisak in om hi. PHED Department Official khenkhat apan thukiza dan in hiai buangmual a tanky 6 omte lak 2te khaihkang (drained) a ataw a filter hubingtu buannawite nisa haikeu sak a hahsiang ding sawm mahle uh zanlam teng khophatlouh ziak in buannawite keu thei nailou ahihdan gen ua, himahleh mipite’n bel khophat nung leng sawtkuam mahmah nawnta ahihman in, hiai pen ngaihsaklouh ziak mah ahi chih a kim-le-kiangte apan thutut kingah hi. Huchibang a Khopi sung a ding damtheihhuailou (unhygienic) tak tui kaisak ahihtoh kisai in DC/CCpur Mr. Sumant Singh, IAS in EE(PHED)/CCpur kiang ah kintak a panla ding in theihsakna tuni’n bawl hi.
MLA khenkhat in Lamka pha
Lamka Nov 24: Manipur Legislative Forum on HIV/AIDS pawl a khenkhat in tuni zing dak 10:00 vel in Lamka hongpha in mun tuamtuam phakual uhi. Tuni a MLA Lamka hongphate bel Manipur Legislative Forum on HIV/AIDS a Vice President Mr.M. Thohrii, Manipur Legislative Forum on HIV/AIDS Secretary Dr.I.Ibohalbi leh Member Dr. H. Borajao te hi ua, amaute MACS a Dy. Director tel in official tuamtuam in hon zui uhi. Amaute’n SHALOM Hospice, Lamka Damdawi Inn banah MSF Town Clinic te pha uhi.
Khawnvaktui hongtung
Lamka Nov 24: CCpur District Quota ading Khawnvaktui (SK Oil) tanker 9 tuni sunnung dak 1:00 in Lamka puaktun in om hi. Hiai khawnvaktuite bel security khauhtak venbitna nuai ah puaktun hi a, dealer-te kiang ah piakkhiat in om ngal hi.
SDO te’n survey ding
Lamka Nov 24: District sung a singtangdawn lam a louneimite louma mautaam ziak a lohsapna nasatak om a mipite kial panta uhi. Hiai toh kisai in DC/CCpur Mr. Sumant Singh, IAS in District sung a SDO teng kiang ah louma a lohsapna toh kisai survey hoihtak a bawl a Natural Calamity Relief tungtawn panpihna piaktheih dia bawl chiat ding in theisak hi.
Die-in-harness demand committee in nuakna patnawn sawm
IMPHAL NOV 24: Manipur govt. nuai a semtu khatpeuh naseplai a site sungkuante die-in-scheme nuai a sepna piak ding govt. a nohna dia kibawlkhia All Manipur Die-in-harness Scheme demand committee in nuakna khauhtak patnawn sawm uh hi’n tuni sunnung dak 1 in Demand Committee palaite’n Manipur Press Club ah thuthak saimite kiang ah gen uhi.
Demand committee a President L. Maipak in agenna ah, Manipur govt. in June 15, 2000 a hichibang die-in-harness scheme omsa a phiat himahleh, demand committee ten helna leh kiphinna tuamtuam ni 52 sung NH tegel a economic blockade, govt. office 11 vel hihsiat leh sit-in-protest tamveitak a neih nungin, Govt.in December 16, 2006 in hiai scheme phiatsa hingsak thak nawn ahihdan gen hi.
Himahleh, govt. in die-in-harness scheme a hamphatpih thei dingte a dia kam lakthakna dite a, 5% piak ding a hih amin maimai ahihdan gen in, tuni chianga 1998 apat 2007 tan die-in-harness adia applicant 1500 val bang pending omta ahihdan gen hi. Govt. in Dec 16, 2006 a hiai scheme revive abawl nung tuni tanpha hiai nuai a appointment piak kuamah leng om theih hinailou.
Hichibang kal ah, Manipur govt. in govt. semtu khat hisam Manipur Police IGP khat leh tuma zek a Social Welfare a CDPO sihna tuakte die-in-harness scheme adia cabinet lemsak banga Grade III a highest post apiak leng govt. in khentuam nei hidan in lungkim louh thu President in taklang hi.
Hichibangkal ah, demand committee in tuni’ Chief Minister kiang ah memorandum khat pelut ua, tua ah 5% pen omsak louh dingin ngetna bawl uhi. Govt. in Nov 29, 2007 tan dawnna lungtun huai a apiak kei leh, demand committee in helna khauhtak nungtolh lou dia Nov 29 nunga neihna ding committee in thupukna neikhin ahihdan leng President in gen hi.
National Festival of Classical Dance Manipur ah om ding
IMPHAL NOV 24: Department of Art & Culture Govt. of Manipur, Eastern Zonal Cultural Centre, Kolkata leh North East Zone Cultural Centre, Dimapur kithuah in VIII Bhayachandra National Festival of Classical Dance, Kangla Manipur ah November 27 - 30, 2007 sung in om ding hi. Hiai hun honkhiakna Nov 27, 2pm in Kangla a Govindaji Temple ah om dinga, tua hun ah khuallian leh President in Manipur Chief Minister O.Ibobi Singh leh Assembly Speaker Dr. S. Budhichandra Singh te pang ding uhi.
Chandel a Kuki body tuamtuam in joint meeting nei ding
IMPHAL NOV 24: Kuki Inpi Manipur in Election neihna ding toh kisai a thusuah abawl toh kiton in, Kuki Chiefs Assn, Chandel leh KSO Chandel Dist. in tuni’n executive meeting nei ua tua hun ah, hongtung ding November 29, 2007 zinglam dak 11 a Kuki Inn, Imphal a Emergency meeting neih ding thupuak uhi. Hiai meeting ding ah KCA leh KSO Chandel Block President leh Secretary te, KUMHUR, KWU, HTC Moreh leh Public leh Social leader tuamtuamte paikhom a Kuki Inpi Chandel district election ding tungtang genkhom ding uhi.
11th Bi-ennial Flower Exhibition
IMPHAL NOV 24: International Plant Growers' Association, Imphal saina in, 11th Bi-ennial Flower Exhibition, 2007 kichi om ding hi.
Hiai exhibition ding honkhiakna Nov 25, 2007 nitaklam dak 2 in, J.N.Manipur Dance Academy Complex ah om ding a, tua hun ah khuallian in Edn/Seri/Tpt minister L. Jeyantakumar, President in Dr. Kh. Loken Chairman PDA leh Guest of honour dingin Director, Horticulture & SC Kh.Kirankumar Singh te pang ding uhi.
IED kikam mun nih ah mukhia
IMPHAL NOV 24: Police apat thutut kingah dan in tuni zinglam dak 9 leh sunnung dak 12.20 vel dingin Tedim road a Yumnam Khunou leh Oinam kikal mun nih ah, meltheihlouh helpawl hidia gintak ten IED a kam uh ROP Bishnupur police ten mukhia in, a khonung in puakzak sak uhi. Tuni a hiai lampi tawn a VIP bangzah hiam paikha ding om ziakin, Bishnupur Police te ROP apaina lam ua atuahkhak uh hidan in leng kigen hi.
Tulai in niteng phial in mun tuamtuam ah security force leh VIP ten a totkhak ding lampite ah bomb kikam muhkhiak om gige hi.
UNLF kum 43 chingta
IMPHAL NOV 24: Phaijang helpawl United National Liberation Front kiphuhkhiak nung tuni’n kum 43 chingta hi. Hiai hun toh kituak in tuni’n Imphal East leh West district sunga mun khat tuak ah, UNLF apang sisate suunna hun zat in om a, tua hun ah misi sungkuante kiang ah thilpiak leng pia uh hi’n kigen hi. Hiai district nih apat mi 300 vel paikhom in an nekkhomna leng nei uhi.
Siluang pua Police gari in mikhat phulum
IMPHAL NOV 24: Imphal West district sung Wangoi Police station a Mini tata 407 MN 01/5400 in siluang khat RIMS morgue a koihdia honpua in, tuni zinglam dak 10.45 vel in Oinam Lamkhai, Mayai lampi gei a bus stand a Bus khat khawllai apelhna lam ah numei naupang khat phulum hi.
Thutut kingahdan in Bus apat kumkhia numei naupang Rebia @ Olivia (10) d/o (L) Md. Ali of Irong Makha leikai apa sanggamnu Abi (19) toh bus a kumkhia naupang in lampi akantan leh thakhat a Police gari hongtai in a phutkhak hi a, RIMS puaktung himahleh damzoulou a si hidan in kigen hi.
Alehlam ah, Wangoi Police in siluang apuak Wahengbam Ibochouba (45) s/o Athoi of Waheng leikai, Wangoi hi a, Brabati College a Manipuri Lecturer semlel ahihban ah, zan nitak a meltheihlouhten tem a, a satlup uh hi a, Dec 4, 2007 a zinei ding hidan in leng kigen hi.
Hiai tualthahna toh kisai in JAC khat bawlkhiak in om a, tuni’n Wangoi bazar ah tualthahna ziaka, lungkimlouh latsakna dingin sit-in-protest leng nei uhi. Tuamun apat Wangoi PS tan rally nei ua, tua ah CM ading OC tungtawn in memorandum khat leng pelut uhi. Memorandum ah tualthat tute govt. in Nov 25, 2007 tan a mankhe dingin ngen kawm in misi inkuanpihte kianga ex-gratia piak ding inleng ngen uhi.
Anganwadi helpers leh workers result phiat din ngen
IMPHAL NOV 24: Movement for Tribal People's Right Manipur in apaisa, Nov 22, 2007 a Manipur CM kianga memorandum apiakna uah, Social Welfare (ICDS) nuai a Anganwadi Workers leh Helphers lakna ding leh Anganwadi Centre honna dia approved list adia Govt. Order no. 5/11/2007-SW(ICDS) dated 28/9/2007 Govt. in phiat dingin ngen uhi.
MTPRM President S. Ramhaoleng thusuak dan in, Anganwadi centre hon khiakna dia selection SW minister in ama deihdan a apei ahihdan leh, Anganwadi Workers leh Helpers lakna dia DPC omlou ahihman in dan toh kituaklou ahihdan taklang hi. Hichibang a CM in a kituahpih action lak a neih keileh diklou liahkhuh ahihban ah amah leng kigolh chihna suak ding hidan inleng MTPRM thusuak in taklang hi.
NSCN IM in November 25 tan hun tawp pia
Dimapur, Nov 24(NNN): NSCN IM thusuak kingah dan in, November 23 ni a Niuland mun a Hovishe village a NSCN Faction nih a Minister (Kilonser) te’n thupukna abawl utoh kisai NSCN IM in ngai poimoh mahmah in, tuni in NSCN-IM leader te makaih in Council Headquarter Camp Hebron ah neih in om a, NSCN-IM general secretary Thuingaleng Muivah in kikhopna makaih hi. NSCN-IM thusuak in ataklatna ah, tuni in NSCN IM top leader kikhopna om a, huai ah makai poimoh teng tel kim in thil tung tuamtuam te genkhopna nei ua, Naga helpawlte lak a ki unauna om ding bel deih vek uh ahihdan puang uh a, himahleh, ki unauna leh ki pumkhatna I chih in lampi diktak a zuih ding uh ahi chi uhi. NSCN Khaplang Kilonser A.Z.Jami in agenna ah, zan a Niuland mun a thupukna om pen Naga Nampi adia pomtuak ahihdan taklang hi. NSCN-IM thusuak in agen leuleu na ah, November 23 Niuland declaration kichi pen "unofficial" ahihdan gen ua, NSCN-IM Kilo-kilonser (home minister) Azheto Chophy in bangziak leh bangthu toh kisai a NSCN K toh kilemna bawl mawk hiam chih thuneitu sangzaw te kiang a agenkhiak ma hiai thu pen NSCN IM in pomtheilou ding ahihdan taklang uhi.
NSCN-IM thusuak in agenbehna ah, Niuland declaration pen hoih mahmah a, himahleh, phalna om lou a, NSCN IM makai huai hun a va kihel kha teng in Council Headquarter ah zingchiang (Pathianni) November 25 a report pe teitei ding in theisak uh a, huai hun ah Niuland a NSCN IM ai-oh a va tel teng telkim chiat ding in theisak uhi.
SC Jamir in Nagaland ah ambush tuak
Dimapur, Nov 24(NNN): Nagaland Chief Minister lui leh Goa Governor S.C.Jamir tu zingkal in thah sawm in om mah leh, lamdang tak in suakta nawn hi’n kigen hi. Official thusuak kingah dan in, SC Jamir tenna kho taktak ahihleh, Mokokchung hi a, tu zingkal in amah a tenna Inn a om lai meltheihlouh galvan tawi pawl khat in a inn va bu kaap uh chih thu thang masa mahleh, huai pen thuzuau hi’n kigen hi. Hiai toh kisai NSCN IM thusuak in taklatna ah, SC Jamir tung ah kuamah helpawl in thau khalou ahihdan taklang in, mite’n amah ahehpih theihna ding uleh, Congress pawl in Nagaland a vai ahawm zoh na ding ua, election pre-plan ahi chi uhi. Thusuak in ataklatdan in, S.C.Jamir in Goa zotsawm in Dimapur airport zuan masa a, Changki village atun utoh kiton bomb phum guuk 9 puakzaak hi’n kigen hi. Tu zingkal dak 6:28 am in Mokokchung apan Km 11 a gamla Changki village ah bomb puahzaak sak hi a, himahleh IRB sepaihte’n Governor hunkhia man uh hi’n kigen hi. SC Jamir leh a zi tuanna Car tung a VIP light bel se dimdem hi’n kigen a, metre 2 kiim kot lampi bel se mahmah zou hi’n thusuak in taklang hi. Police te’n two-inch mortar bomb puaklou 2 leh 303 rifle tang 10 ban ah telephone gui feet 100 vel musuah uh hi’n kigen hi. NSCN IM in bel SC Jamir kichi sikha bangbang ahih ziak in, thil omlou pi om a genthei ahihdan taklang ua, NSCN IM in Nagaland leitang sik theilou dia khaam na abawl uh himahleh, hehpihna ziak in siiksak ua, thiltung lou pi leh a thahsawm kuamah omlou pi ambush dan a a tangkoupih pen nuihzaat huai leh amah leh amah kisel phou maimai ahi chi uhi.
Assam ah Namkal buaina piang
Guwahati, Nov 24(NNN): Guwahati Medical College & Hospital ah tuni in damlou tamtak kipawlut a, GMC khangthu ading in Nurse leh semtute ading in tawlni pen a chiamteh in om hi. Thusuak kingah dan in, tuni in Adivasi leh tualsung mi (Assamese) te kalah buaina liantak piang in, kisat tuahna tanpha tung a, nitaklam dak 7 tan in damdawi inn ah damlou puaklut ding om zungzung hi.
GMC kichi Guwahati adia damdawi inn lianpen himahleh, ward leh lupna leng kidaih zoulou in varanda ah tamtak giahsak in om uhi. Christopher Hemrang in a genna ah, kua hiam ka theikei, ka lutang ah, siik chiang in ahon khen uh chi hi. Junior Doctors Association (JDA) pawl in tulai a strike aneih ziak uh ahihzawk mah toh damlou enkoltu ding kidaih zou mahmah lou uh hi’n kigen hi.
Hospital Suptd MM Deka in agenna ah, Adivasi leh Assamese te buaina ziak in GMC chauh ah damlou 200 val kipaw lut ta ahihdan gen in, GMC in a etkol zohlouh teng, Mahandra Mohan Choudhury Hospital Panbazar ah koih a om ahihdan gen hi. Thusuak in ataklatna ah, Adivasi pawl in tuni in Schedule tribe status ngetna ziak in lamlian zuihna nei ua, huai ah Assamese te toh buaina piangkha hi’n kigen a, hiai thu sut ahihtan in mi 5 in sihna tuak in, gari 12 val halsiat in om a, dawr 30 val haltum in om hi.
Buaina a kipat toh kiton in Adivasis mi 40,000 vel lamlian dung ah kikhoh khia in, hiamhei chi tuamtuam tawi ua, Assamese a muhkhak khak uh vau ngaluh hi’n kigen a, tuabang mah in Dispur area apan Assamese tamtak kikhawm in buaina kuang pha deuhdeuh ding dinmun ah om lel hi. Adivasi pawl in ahihleh, Independent MLA Tara Prasad Das gari chauh tum ua himahleh, Assamese pawl in a vanan ziak ua tuabang thil piang hidanin leng thusuak dang khat kingah hi.
www.zogam.com
No comments:
Post a Comment