SAMA Tourney leh Veng sports nei ding
Lamka Nov 29: Songtal khua ah hongtung ding December 3-5, 2007 sung 44th SAMA Tournament leh 19th Veng Sports kithuah thupitak in neiding uhi.Hiai hunah Bialtu MLA Mr. V. Hangkhanlian leh Mr. Langkhanpau Guite te’n Chief Guest hihna toh uap ding uhi.
Pensioners’ Meet om ding
Lamka, Nov 29: Evangelical Baptist Convention saptuam nuai a Worker pension sateng in December ni 6 2007 chiang in a EBCWPA President Rev V Thangsuan Ex-Director EBC tenna Inn Bungmual Silo-am veng a Annual conference neiding uh a, huai ah Upa Thangchinlian Guite SDC(Retd) in Special Guest dan in uap ding hi.
EFCI Saptuam in ngaihdam ngen
Aizawl, Nov 29(NNN): Evangelical Free Church of India (EFCI), Aizawl nuai a Building Committee in tuni a thusuah abawlna uah, Ramhlun South mun a Biakinn alamsawm ziak ua men achip kholohna ah poisakthu puang in, mipi kiang ah ngaihdamna ngen uhi. EFCI thusuak in ataklatna ah, EFCI in Biakinn alam sawmna ziak un, Ramhlun South mipite buaizaak gawp uh a, kisuang lah mahmah uh ahihdan gen in, EFCI kisiamtan lou ahihdan leng puang uhi. Thusuak in agendan in, EFCI Aizawl in Ramhlun South a Biakdanga tenna Inn kiang a Biakinn lam ding toh kisai in April 2007 in panlak kipan uh a, huai veng mipite lemsakna toh lam a om ahihdan gen ua, State Geology & Mining Department te’n leng lemsakpihna pia uh ahihdan gen hi. Vuahzuk dan a buai gige ziak in aleitang leng patauh huai dinmun a aom ziak in, nasep khawl charchar ua, November 13 in Biak inn lam sunzom nawn uh ahihdan gen uhi. Veng mi khenkhat in silpauline zanglou uh chi a ngohna abawl uh zuauthu ahihdan taklangin, vengsung mite ahi theiliai tan sukbuailouh EFCI sawmdan ahi chi’n EFCI thusuak in taklang hi.
Anaesthetist 1 in tuni’n joined
Lamka Nov 29: Lamka Damdawi Inn a Anaesthetist ding in Dr. Dinamani Singh in tuni’n Medical Superintendent kiangah joining Report pia hi. Lamka Damdawi Inn a Anaesthetist kidaihlouh ziak a hunsawtpi apan in Routine Operation neihtheihlouh in Emergency operation kia neih in omsek pen tuni’n Anaesthetist khat in hong joined tak ziak in ngeina bang a Routine Operation neihding in Medical Superintendent in thusuah bawl hi.
Training in kuan ding
Lamka Nov 29: National Plant Protection Training Institute, Hyderabad ah hongtung ding December 5-12, 2007 sung ‘Safety Use of Insecticide & Pesticide’ chih training om ding hi. Huai training ah Horti. & SC/CCpur apan in Mr. W. Ibomcha, Soil Conservation Officer leng vatel ding hi.
Youth Festival tuni’n zou
Lamka Nov 29: District Youth Affairs & Sports Office /CCpur saina a in zan apan in Lamka Community Hall ah District Level Youth Festival –cum- Social Harmony 2007 zat in om hi.
Hiai Festival ah Youth Centre tuamtuam apan in tuailai tamtak paikhawm ua, zan in Folk song kidenma neih hi a, tuni’n Cultural Dance kidemna neih in om nawn hi. Hiai kidemnate ah Khoirentak Youth Centre, Simveng Youth Centre leh Bungmual Youth Centre apan tuailaite tel uhi. Hiai kidemnate a khatna late Imphal a State Level Youth Festival 2007 neih hunchiang in District ai-oh in kuan ding uhi.
Re-sensitization Training kipan
Lamka Nov 29: SSA/CCpur saina in tuni sunma dak 11:30 apan in Synod House, Hill Town ah ‘2 Days Re-sensitization Training of District and Block SSA Personnel on Integrated Education for Disabled Children (IED)’ kipan a, Training honkhiatna DMC-SSA/CCpur Mr. Joseph Lalrothang in nei hi. Tuni’n ‘Proper identification of Disabled children, at School’ chih thupi azang in Dr. L. Guite in sinsak a, Dr. Y. Premchand in ‘Early identification of Disabilities Children at home by parents’ chih thupi azang in sinsak hi.
Ex-gratia Screening
Lamka Nov 29: District Level Screening Committee for Ex-gratia in tuni sunnung dak 1:00 in DCs Office ah meeting nei ua, ex-gratia ngetna tuamtuam 14 omte screening nei in State Government ah forward ding in recommend vek uhi.
College Foundation Day hunsuan
Lamka Nov 29: CCpur. Govt. College in hongtung ding November 30, 2007 zing dak 10:30 apan in a College uah 43rd Foundation Day zatna nei ding chih himahleh Contract basis teacher te’n General strike a puanziak un a hunsuan gamla thak uhi.
Dakkal 24 sung bandh kipan; CDCBTA in gum
IMPHAL NOV 29: All Manipur Hill Districts Contract Basis Teacher's Association in, govt. a demand abawlte uh limsak louh ziaka, lungkim louh latsakna dia general strike neih dia thupuan a bawlsa bang un, tunitak dak 6.30 apan in kipanta a, zingchiang November 30, 2007 nitak dak 6:30 in bei ding hi.
Association thusuak dan in hiai general strike in, education toh kisai, schools, sahkhua leh water supply, medical leh electricity tebel huapkha lou ding hi. Hiai contract basis teachers te helna neih ding All Tribal Students Union Manipur in leng gum ding ahihdan uh thusuah bawlta uhi.
Hiai toh kisai in CCpur District Contract Basis Teachers’ Assn. inleng gup thu puang ua, Medical toh kisai leh final exam dingte bel huam khalou ding hi’n taklang uhi.
B.T. Flyover zuihdan ding thupuan bawl
IMPHAL NOV 29: Bir Tikendrajit Flyover lei Nov 30, 2007 apat zuihtheih dia honkhiak ding ahihtoh kiton in tuni'n Transport Commissioner H. Imocha Singh in Flyover thuthak om nawn masiah zuihdan ding thusuah bawl hi.
Heavy leh Medium vehicle te, niteng zinglam dak 7 apat nitak dak 7 sungin hiai leitung ah taitheilou ding hi. Light Motor Vehicles leh Two wheelers te taithei vek dinga, himahleh Flyover nawl ah kinga/koih hitheilou ding hi. Khe a zuih, Thellas, Bawng gari, Richshaws leh awl chikchik a tai peuhmahten zuih hitheilou ding hi. Flyover tung ah kihei (U-turns) chih leng hitheilou ding. B.T.Flyover lei nuai a mun awngte a gari park chih leng omtheilou dingin thusuak in taklang hi.
FCS minister in FCI Director kimuhpih
IMPHAL NOV 29: Tulel a Manipur a Antang leh Chini FCS leh FCI godown a stock dinmun a tawmluat ziakin, Manipur in Antang leh Chini quato a neihte State a puaklutna dingin, FCS minister Y. Erabot Singh in FCI a Chairman cum Managing Director Shri Alok Sinha kimuhpihna nei hidan in tuni’n FCS Director Ph. Ratan in thusuah bawl hi.
Thusuak in a kitaklang dan in, FCS minister in FCI Director a kimuhpihna ah, Director in a kinlam a Manipur a ding Antang leh Chini puaklut pah hidingin thuchiam bawl hi.
AIDS toh kisai Motor rally om
IMPHAL NOV 29: Hongtung ding Dec 1, World Aids Day ding toh kisai in, tuni’n MACS saina in Imphal khopi sung ah, Two wheeler zangin 'motor rally' neih in om hi. Hiai motor rally khahkhiakna Lamphelpat a MACS office, RD Wing apat MACS Deputy Director Dr. Manikanta in nei hi. Hiai hun a Deputy Director in agenna ah, Manipur a AIDS doudalna nasep paitou jel pen, tuban kum nga sunga agah lohching ngei dia a lemet thu taklang hi.
Imphal East Police ten helpawl tuamtuam mankhia
IMPHAL NOV 29: Imphal East Police SP in tuni a thusuah a bawlna ah, zan Nov 28, 2007 zinglam dak 9 vel dinga Imphal East Police commando ten Mantripukhri, Koirengei lak a dapna uah, NNLA activist 4 matkhiak ahihdan taklang hi.
Thusuakin a taklat dan in, mat a om NNLA member te bel, (L) Ch. Indrajit of Koirengei bazar tapa thum, Chanamthabam Sanatomba (28) S/S Section Commander, Chanamthabam Amujao (30) leh Chanamthaba Naoba (22) ban ah Thoudam Thabung @ Shankar (24) s/o Th.Nongyai Singh of Keikol hi ua, amaute apat Maruti 800 MN -05 A/1733, NNLA a Finance Secretary in suai a kaih Demand letter khat hi a, mipi leh govt. official te lak a sum dawng a kizang uh hi’n leng kipuang uhi.
Huailou in, zan zinglam dak 9 vel mah in IE Commando leh 32 Assam Rifle ten Khongman Atom leirak lak a dapna uah, UNLF activist khat Lisham Iboshana @ Jojo @ Michael @ Kengba (28) s/o L. Shamungou of Khongman Lisham leirak mankhia uhi. Ama kipuandan in, hiai pawl Dec 2006 a zompan leh tulel a Finance section nuai a sem hi uhi.
Huailou in, zan zinglam dak 11 in leng IE Commando ten PULF activist khat Keikhu
area lak apat PULF member Md.Weshim Whaque @ Chunnu (32) s/o (L) Haji Abdul Haque of Keikhu Awang leikai mankhia uhi.
Jaintia Hills ah numei tung a thangtatna uangsemsem
Shillong, Nov 29 NNN Meghalaya a Jaintia Hills district ah numeite tung a thangtatna uangsemsem mah hidan in tuni’n Meghalaya State Women's Commission (MSWC) puang hi.
Jaintia Hills district ah numei leh naupang tung a thangtatna toh kisai om mun mahmah a, hiai bang thiltung toh kisai om mun mahmah ahihdan, Khliehriat leh Lad Rymbai a National Highway dung a thiltung a om toh kiton in MSWC Chairperson Dr. Biloris Lyndem in puang hi.
Dr. Lyndem in a genna ah, Jaintia Hills district ah tukum kia in numei pawngsualna case 18 tak chiamteh a om ahihdan gen in, MSWC in numei tung a thangtatna douna dia panlak, a diak a, pawngsualna, ding dan gel lel ahi chi hi.
MSWC Chairperson in a genzelna ah, a tawmtawp a numei constable 5 tan bek a omna, numei tung a thangtatna toh kisai buaipih ding, special women’n cell phuhkhiak ding chi hi. Tulel in, police station luipen, Jowai police station ah leng numei inspector 2 kia om a, huai kia hilou in, Meghalaya a dia pawngsualna case tamna pen leng Jowai mah himahleh, National Highway dung ahihziak mah in Khliehriat leh Lad Rymbai ah pawngsualna kichi uang mahmah hidan in Dr. Lyndem in gen hi.
Jaintia Hills district ah, 2005 kum in pawngsualna case 3 chiamteh a ompen 2006 in case 10 in pungtou hi.
BLFM in kiphinna patsawm
Agartala, Nov 29(NNN): Bru Liberation Front of Mizoram (BLFM) helpawl apan surrender te’n Mizoram state kiang ah ngetna tuamtuam nei in, bangziak a Government in helpawl tuamtuam apan kipekhete kithuahpihna pia a, Bru apan BLFM helpawl surrender te ngaidau uhiam chih dotna bawl kawm in, December 15 apan sihtan pha ann ngawl a nuakna neihsawm uh hi’n kigen hi. BLFM thusuak in ataklatna ah, December 15 2007 tan a Government in BLFM surrender-te tung a hamphatna bangmah apiak kei ualeh, cadre surrender 804 te’n nuakna pannnawn dng ua, banghiam thiltung a om leh, Mizoram MNF Government in amohpaw ding ahihdan uh taklang uhi. E J Chorokhy, Secretariat member BLFM in agenna ah, Mizoram state Government in kamsiamna leh maitaina ziak liauliau in Bru helpawlte apan member tamtak ana kaikhia uh a, tuni chiang in amaute adia hamphatna bangmah omlou in, khutdoh in vaak maimah ua, singnuai gammual a om amaute adia gilvahnang ahihnaak leh lamlui tawnnawn dia mansa vek a om ta uh ahihdan gen hi. Mizoram Assembly election naihtaak ziak in tulai Mizoram bouruak theihaktak a om lel hi’n leng thusuak in taklang hi.
Gari gutu mi 4 matkhiak in om
Aizawl, Nov 29: Mizoram state sung apan gari gukmang sawm a, Myanmar gamsung a zuak sawm pasal li matkhiak a om hidanin kigen hi. Thusuak in agendan in, pasal li te’n Mizoram state sung mun tuamtuam apan gari pei nihnei guksawm in kisa beem ten uh a, Young Mizo Association Khawbung village leh Village Council head Pu F. Zothanmawia te makaihna in mi 4 te gari nih toh Indo-Myanmar gamgi zul ah matkhiak a om uh hi’n kigen hi. Matkhiak a om mi 4 te ahihleh, Dalkhen, Liannang, Ngindo Nang leh Lang ate hidanin kigen a, amaute’n Aizawl khopi apan gari peinihnei Rs. 30,000 a alei uh ahihdan gen ua, aguuk uh hilou dan in kipuang uh hi’n kigen hi. Mat a om mi 4 te apan YMA member te’n 30,000 Kyat (Burma currency) mankhia uh a, India sum Rs. 20,000 leng mukhia uh hi’n kigen hi. Thusuak in ataklat zelna ah, tulel in Mizoram ah Pulsar motorbike in Rs. 60,000 man a, himahleh, amau nih bangchi dan a Rs 30,000 a leithei mawk uhiam chih dotna liantak om hi.
Naga Hoho in Emergency meeting sam
Kohima, Nov 29(NNN): Naga Nampi sung a kikhenzaakna chi kituh toh kisai in tulai in Nagaland gamsung leh Manipur a District tuamtuam apan mipi tamtak in thawmhau huai sa in hamhaihtak in om uh a, hiai toh kisai in, Naga Hoho in December 2 in Kohima a Hotel Japfu ah emergency meeting poimoh tak sam in, Hoho a panna neikhempeuh kuamah ki awngsut theilou ding in leng theihsakna bawl uhi. NSCN-K thusuak in ataklatna ah, NSCN K in Naga helpawlte lak ah lemna leh muanna lunggulh mahmah a, himahleh, Naga Hoho, Naga Students Federation (NSF) leh Naga Peoples Movement for Human Rights (NPMHR) pawl hiai kilemna suaikaihna ah atellouh ding uh ahi chi uhi.
Naga Hoho thusuak in ataklatna ah, Naga Namsung a ki itna, kituahna leh khantouhna kichi Hoho tup le ngim ahihdan taklang ua, himahleh, amau te poimohlou a lemna leh muanna om ding, kipumkhatna om ding chih pen thil lamdang mahmah suak ahihdan taklang ua, bangteng hileh, helpawlte lak ah kipumkhatna om naak leh Hoho in pomsiam ahihdan taklang uhi. Naga Hoho bel Naga civil society tuamtuam te lak a alianpen ahi uhi.
Naga Hoho thusuak in agenbehna ah, Emergency meeting hun ah, NPMHR, NSF, NMA, CNBC, NBCC leh NCF apan palai teng paikhawm vek ding uh a, tuabanah, Naga tribe tuamtuam apan President tengleng alou theilou a apaikhop uh ngaiding hidan in gen uhi. Neingulo Krome, General Secretary, Naga Hoho in ataklat behna ah, Naga Nampi sung ah kideidanna abei theileh vualzawlna thupitak hiding ahihdan gen a, himahleh, thil namtui leh namsia kal om ahihna ah, Naga Hoho paizel ding dan December 2 in chiang mahmah ding ahi chi hi.
NE ah zengnatna kichi himhim beita
Imphal, Nov 29(NNN): Dr. L.Iboyaima Singh, National Surveillance Medical Officer (NPSP) World Health Organisation (WHO) in tuni a agenna ah, kumlui July leh September 2006 kikal in Manipur tel in India Malsuah bial ah polio toh kisai naktak in gen in om a, huai in nasep thupitak nei in, NE bial ah polio tamtak hawmkhiak in om a, tuni chiang in naupang muanmoh huai theiding om nawnlou khop in Polio apan North East bial suakta ahi chi hi.
Dr. Iboyaima Singh in agenbehna ah, Union Health Ministry kipahpih huai law mahmah ahihdan gen in, kumteng December leh January in India gamsung mun tuamtuam ah polio hawmzaak hisek a, UP leh Bihar ah immunisation programme in zuisek mah leh,state Health Deparment panlak khelhziak in hun bangtan hiam lut lai ding ahihdan gen in, India Malsuah bial bel Free from Polio hita ahi chi hi. National Polio Surveilance Project (NPSP) thusuak in ataklatna ah, P-1 leh p-3 hiii te ziak in, Uttar Pradesh, Bihar leh Andhra Pradesh naktak a nawk ahihdan gen in, Uttaranchal, Maharastra, Delhi, Gujarat, Rajasthan leh Orissa in hiai hii naktak a doulel uh ahihdan gen hi.
West Bengal leh Myanmar ah bel Polio uang mahmah ding in om lel a, p-3 natna hii pua leng naupang hunkhop om ding in kigen hi. November 23 2007 tan in, India gamsung mun tuamtuam ah a taktak a zengnatna nei naupang 411 om a, 1988 kum in khovel pumpi gam tuamtuam 125 ah zengnatna nei 3,50,000 om a, tuni chiang in zengnatna nei naupang kiam mahmah ta a, tukum ngial in a percent gending om nawnlou khop in kiam ahi chi uhi.
Central team in MZR veh ding
Aizawl Nov 29(NNN): Mautaam kialpi toh kisai in, Central team in Mizoram state vehna nei ding a, huai hun ah, Ministry tuamtuam 6 apan official te paikhawm in, Mizoram state sung ah Mautaam kialpi bangzahta a thupi ding hiam chih suichetna va neih sawm uh hi’n kigen hi. Mizoram Disaster Management & Rehabilitation Secretary K. Riachho in agenna ah, Mizoram ah mautaam thupi mahmah ding a, Government of India kiang ah Mizoram Government in Rs 124.11 crore panpihna ngen a, huai ziak a Central apan official hongzin dek uh ahihdan gen hi.
Aman agenbehna ah, Central team te’n Mizoram vehna aneih chiang un, singtang dawn a zusa leh khaupe te neeksiat buhte etpihna neih hiding in gen a, a tak a thiltung te amuh uh poimoh mah ahihdan taklang hi. Tulel in ahihleh, Central Government in Mautaam panpihna ding in Mizoram kiang ah Calamity Relief Fund tungtawn in Rs 12.93 crore pekhia uh a, Mizoam in kidaihzou lou ding a chih ziak in, DM&R department nuai mah ah, Rs 3.67 crore sawk ua, tuazoh in SGRY nuai ah Rs 44 lakh koihkhe nawn uhi. National Rural Employment Guarantee Scheme nuai mah ah State Government in sum a tam thei lamlam kaihlut sawm in panla lel uhi.
Open Letter to
Pu K. Ranjit singh, the Hon’ble
PWD Minister, Manipur, relating to works bill payment of outstanding liabilities of the Govt. to contractors in respect of churachandpur Division, PWD, Manipur.
Hon’ble Sir,
As you are aware and as is the office of the Chief Engineer Manipur PWD, funds for payment against maintenance Works have been irregular since the year 2002. Pending works bills to the tune of more than 2 crores have been stalled till date.
Now that more than two crores of rupees have been released toward payment of maintenance works bills in respect of CCpur PWD, you are urged to please oversee to it that maintenance works completed by the month of April 2005 be paid in commiseration with the plight of the long suffering poor contractor on priority.
The balanced amount after payment of bills left out between the said period may only be paid to subsequence works order holders and works accomplished thereafter.
I write open letter as a vicious wrangling to garner maximum amount of bill payment by recent works order holders; and the office of the chief Enginer, PWD is said to have been inducing the EE/CCpur Division PWD to issue bill payment cheque out of turn by abusing his authority as the chief engineer Manipur PWD.
And so, your honour is caution to oversee that norm prvail at law and equity.
Faithfully Your’s
Hanglianthang Hanghal
Sr. Adviser, CCpur Contractor Assn.
www.zogam.com
Lamka Nov 29: Songtal khua ah hongtung ding December 3-5, 2007 sung 44th SAMA Tournament leh 19th Veng Sports kithuah thupitak in neiding uhi.Hiai hunah Bialtu MLA Mr. V. Hangkhanlian leh Mr. Langkhanpau Guite te’n Chief Guest hihna toh uap ding uhi.
Pensioners’ Meet om ding
Lamka, Nov 29: Evangelical Baptist Convention saptuam nuai a Worker pension sateng in December ni 6 2007 chiang in a EBCWPA President Rev V Thangsuan Ex-Director EBC tenna Inn Bungmual Silo-am veng a Annual conference neiding uh a, huai ah Upa Thangchinlian Guite SDC(Retd) in Special Guest dan in uap ding hi.
EFCI Saptuam in ngaihdam ngen
Aizawl, Nov 29(NNN): Evangelical Free Church of India (EFCI), Aizawl nuai a Building Committee in tuni a thusuah abawlna uah, Ramhlun South mun a Biakinn alamsawm ziak ua men achip kholohna ah poisakthu puang in, mipi kiang ah ngaihdamna ngen uhi. EFCI thusuak in ataklatna ah, EFCI in Biakinn alam sawmna ziak un, Ramhlun South mipite buaizaak gawp uh a, kisuang lah mahmah uh ahihdan gen in, EFCI kisiamtan lou ahihdan leng puang uhi. Thusuak in agendan in, EFCI Aizawl in Ramhlun South a Biakdanga tenna Inn kiang a Biakinn lam ding toh kisai in April 2007 in panlak kipan uh a, huai veng mipite lemsakna toh lam a om ahihdan gen ua, State Geology & Mining Department te’n leng lemsakpihna pia uh ahihdan gen hi. Vuahzuk dan a buai gige ziak in aleitang leng patauh huai dinmun a aom ziak in, nasep khawl charchar ua, November 13 in Biak inn lam sunzom nawn uh ahihdan gen uhi. Veng mi khenkhat in silpauline zanglou uh chi a ngohna abawl uh zuauthu ahihdan taklangin, vengsung mite ahi theiliai tan sukbuailouh EFCI sawmdan ahi chi’n EFCI thusuak in taklang hi.
Anaesthetist 1 in tuni’n joined
Lamka Nov 29: Lamka Damdawi Inn a Anaesthetist ding in Dr. Dinamani Singh in tuni’n Medical Superintendent kiangah joining Report pia hi. Lamka Damdawi Inn a Anaesthetist kidaihlouh ziak a hunsawtpi apan in Routine Operation neihtheihlouh in Emergency operation kia neih in omsek pen tuni’n Anaesthetist khat in hong joined tak ziak in ngeina bang a Routine Operation neihding in Medical Superintendent in thusuah bawl hi.
Training in kuan ding
Lamka Nov 29: National Plant Protection Training Institute, Hyderabad ah hongtung ding December 5-12, 2007 sung ‘Safety Use of Insecticide & Pesticide’ chih training om ding hi. Huai training ah Horti. & SC/CCpur apan in Mr. W. Ibomcha, Soil Conservation Officer leng vatel ding hi.
Youth Festival tuni’n zou
Lamka Nov 29: District Youth Affairs & Sports Office /CCpur saina a in zan apan in Lamka Community Hall ah District Level Youth Festival –cum- Social Harmony 2007 zat in om hi.
Hiai Festival ah Youth Centre tuamtuam apan in tuailai tamtak paikhawm ua, zan in Folk song kidenma neih hi a, tuni’n Cultural Dance kidemna neih in om nawn hi. Hiai kidemnate ah Khoirentak Youth Centre, Simveng Youth Centre leh Bungmual Youth Centre apan tuailaite tel uhi. Hiai kidemnate a khatna late Imphal a State Level Youth Festival 2007 neih hunchiang in District ai-oh in kuan ding uhi.
Re-sensitization Training kipan
Lamka Nov 29: SSA/CCpur saina in tuni sunma dak 11:30 apan in Synod House, Hill Town ah ‘2 Days Re-sensitization Training of District and Block SSA Personnel on Integrated Education for Disabled Children (IED)’ kipan a, Training honkhiatna DMC-SSA/CCpur Mr. Joseph Lalrothang in nei hi. Tuni’n ‘Proper identification of Disabled children, at School’ chih thupi azang in Dr. L. Guite in sinsak a, Dr. Y. Premchand in ‘Early identification of Disabilities Children at home by parents’ chih thupi azang in sinsak hi.
Ex-gratia Screening
Lamka Nov 29: District Level Screening Committee for Ex-gratia in tuni sunnung dak 1:00 in DCs Office ah meeting nei ua, ex-gratia ngetna tuamtuam 14 omte screening nei in State Government ah forward ding in recommend vek uhi.
College Foundation Day hunsuan
Lamka Nov 29: CCpur. Govt. College in hongtung ding November 30, 2007 zing dak 10:30 apan in a College uah 43rd Foundation Day zatna nei ding chih himahleh Contract basis teacher te’n General strike a puanziak un a hunsuan gamla thak uhi.
Dakkal 24 sung bandh kipan; CDCBTA in gum
IMPHAL NOV 29: All Manipur Hill Districts Contract Basis Teacher's Association in, govt. a demand abawlte uh limsak louh ziaka, lungkim louh latsakna dia general strike neih dia thupuan a bawlsa bang un, tunitak dak 6.30 apan in kipanta a, zingchiang November 30, 2007 nitak dak 6:30 in bei ding hi.
Association thusuak dan in hiai general strike in, education toh kisai, schools, sahkhua leh water supply, medical leh electricity tebel huapkha lou ding hi. Hiai contract basis teachers te helna neih ding All Tribal Students Union Manipur in leng gum ding ahihdan uh thusuah bawlta uhi.
Hiai toh kisai in CCpur District Contract Basis Teachers’ Assn. inleng gup thu puang ua, Medical toh kisai leh final exam dingte bel huam khalou ding hi’n taklang uhi.
B.T. Flyover zuihdan ding thupuan bawl
IMPHAL NOV 29: Bir Tikendrajit Flyover lei Nov 30, 2007 apat zuihtheih dia honkhiak ding ahihtoh kiton in tuni'n Transport Commissioner H. Imocha Singh in Flyover thuthak om nawn masiah zuihdan ding thusuah bawl hi.
Heavy leh Medium vehicle te, niteng zinglam dak 7 apat nitak dak 7 sungin hiai leitung ah taitheilou ding hi. Light Motor Vehicles leh Two wheelers te taithei vek dinga, himahleh Flyover nawl ah kinga/koih hitheilou ding hi. Khe a zuih, Thellas, Bawng gari, Richshaws leh awl chikchik a tai peuhmahten zuih hitheilou ding hi. Flyover tung ah kihei (U-turns) chih leng hitheilou ding. B.T.Flyover lei nuai a mun awngte a gari park chih leng omtheilou dingin thusuak in taklang hi.
FCS minister in FCI Director kimuhpih
IMPHAL NOV 29: Tulel a Manipur a Antang leh Chini FCS leh FCI godown a stock dinmun a tawmluat ziakin, Manipur in Antang leh Chini quato a neihte State a puaklutna dingin, FCS minister Y. Erabot Singh in FCI a Chairman cum Managing Director Shri Alok Sinha kimuhpihna nei hidan in tuni’n FCS Director Ph. Ratan in thusuah bawl hi.
Thusuak in a kitaklang dan in, FCS minister in FCI Director a kimuhpihna ah, Director in a kinlam a Manipur a ding Antang leh Chini puaklut pah hidingin thuchiam bawl hi.
AIDS toh kisai Motor rally om
IMPHAL NOV 29: Hongtung ding Dec 1, World Aids Day ding toh kisai in, tuni’n MACS saina in Imphal khopi sung ah, Two wheeler zangin 'motor rally' neih in om hi. Hiai motor rally khahkhiakna Lamphelpat a MACS office, RD Wing apat MACS Deputy Director Dr. Manikanta in nei hi. Hiai hun a Deputy Director in agenna ah, Manipur a AIDS doudalna nasep paitou jel pen, tuban kum nga sunga agah lohching ngei dia a lemet thu taklang hi.
Imphal East Police ten helpawl tuamtuam mankhia
IMPHAL NOV 29: Imphal East Police SP in tuni a thusuah a bawlna ah, zan Nov 28, 2007 zinglam dak 9 vel dinga Imphal East Police commando ten Mantripukhri, Koirengei lak a dapna uah, NNLA activist 4 matkhiak ahihdan taklang hi.
Thusuakin a taklat dan in, mat a om NNLA member te bel, (L) Ch. Indrajit of Koirengei bazar tapa thum, Chanamthabam Sanatomba (28) S/S Section Commander, Chanamthabam Amujao (30) leh Chanamthaba Naoba (22) ban ah Thoudam Thabung @ Shankar (24) s/o Th.Nongyai Singh of Keikol hi ua, amaute apat Maruti 800 MN -05 A/1733, NNLA a Finance Secretary in suai a kaih Demand letter khat hi a, mipi leh govt. official te lak a sum dawng a kizang uh hi’n leng kipuang uhi.
Huailou in, zan zinglam dak 9 vel mah in IE Commando leh 32 Assam Rifle ten Khongman Atom leirak lak a dapna uah, UNLF activist khat Lisham Iboshana @ Jojo @ Michael @ Kengba (28) s/o L. Shamungou of Khongman Lisham leirak mankhia uhi. Ama kipuandan in, hiai pawl Dec 2006 a zompan leh tulel a Finance section nuai a sem hi uhi.
Huailou in, zan zinglam dak 11 in leng IE Commando ten PULF activist khat Keikhu
area lak apat PULF member Md.Weshim Whaque @ Chunnu (32) s/o (L) Haji Abdul Haque of Keikhu Awang leikai mankhia uhi.
Jaintia Hills ah numei tung a thangtatna uangsemsem
Shillong, Nov 29 NNN Meghalaya a Jaintia Hills district ah numeite tung a thangtatna uangsemsem mah hidan in tuni’n Meghalaya State Women's Commission (MSWC) puang hi.
Jaintia Hills district ah numei leh naupang tung a thangtatna toh kisai om mun mahmah a, hiai bang thiltung toh kisai om mun mahmah ahihdan, Khliehriat leh Lad Rymbai a National Highway dung a thiltung a om toh kiton in MSWC Chairperson Dr. Biloris Lyndem in puang hi.
Dr. Lyndem in a genna ah, Jaintia Hills district ah tukum kia in numei pawngsualna case 18 tak chiamteh a om ahihdan gen in, MSWC in numei tung a thangtatna douna dia panlak, a diak a, pawngsualna, ding dan gel lel ahi chi hi.
MSWC Chairperson in a genzelna ah, a tawmtawp a numei constable 5 tan bek a omna, numei tung a thangtatna toh kisai buaipih ding, special women’n cell phuhkhiak ding chi hi. Tulel in, police station luipen, Jowai police station ah leng numei inspector 2 kia om a, huai kia hilou in, Meghalaya a dia pawngsualna case tamna pen leng Jowai mah himahleh, National Highway dung ahihziak mah in Khliehriat leh Lad Rymbai ah pawngsualna kichi uang mahmah hidan in Dr. Lyndem in gen hi.
Jaintia Hills district ah, 2005 kum in pawngsualna case 3 chiamteh a ompen 2006 in case 10 in pungtou hi.
BLFM in kiphinna patsawm
Agartala, Nov 29(NNN): Bru Liberation Front of Mizoram (BLFM) helpawl apan surrender te’n Mizoram state kiang ah ngetna tuamtuam nei in, bangziak a Government in helpawl tuamtuam apan kipekhete kithuahpihna pia a, Bru apan BLFM helpawl surrender te ngaidau uhiam chih dotna bawl kawm in, December 15 apan sihtan pha ann ngawl a nuakna neihsawm uh hi’n kigen hi. BLFM thusuak in ataklatna ah, December 15 2007 tan a Government in BLFM surrender-te tung a hamphatna bangmah apiak kei ualeh, cadre surrender 804 te’n nuakna pannnawn dng ua, banghiam thiltung a om leh, Mizoram MNF Government in amohpaw ding ahihdan uh taklang uhi. E J Chorokhy, Secretariat member BLFM in agenna ah, Mizoram state Government in kamsiamna leh maitaina ziak liauliau in Bru helpawlte apan member tamtak ana kaikhia uh a, tuni chiang in amaute adia hamphatna bangmah omlou in, khutdoh in vaak maimah ua, singnuai gammual a om amaute adia gilvahnang ahihnaak leh lamlui tawnnawn dia mansa vek a om ta uh ahihdan gen hi. Mizoram Assembly election naihtaak ziak in tulai Mizoram bouruak theihaktak a om lel hi’n leng thusuak in taklang hi.
Gari gutu mi 4 matkhiak in om
Aizawl, Nov 29: Mizoram state sung apan gari gukmang sawm a, Myanmar gamsung a zuak sawm pasal li matkhiak a om hidanin kigen hi. Thusuak in agendan in, pasal li te’n Mizoram state sung mun tuamtuam apan gari pei nihnei guksawm in kisa beem ten uh a, Young Mizo Association Khawbung village leh Village Council head Pu F. Zothanmawia te makaihna in mi 4 te gari nih toh Indo-Myanmar gamgi zul ah matkhiak a om uh hi’n kigen hi. Matkhiak a om mi 4 te ahihleh, Dalkhen, Liannang, Ngindo Nang leh Lang ate hidanin kigen a, amaute’n Aizawl khopi apan gari peinihnei Rs. 30,000 a alei uh ahihdan gen ua, aguuk uh hilou dan in kipuang uh hi’n kigen hi. Mat a om mi 4 te apan YMA member te’n 30,000 Kyat (Burma currency) mankhia uh a, India sum Rs. 20,000 leng mukhia uh hi’n kigen hi. Thusuak in ataklat zelna ah, tulel in Mizoram ah Pulsar motorbike in Rs. 60,000 man a, himahleh, amau nih bangchi dan a Rs 30,000 a leithei mawk uhiam chih dotna liantak om hi.
Naga Hoho in Emergency meeting sam
Kohima, Nov 29(NNN): Naga Nampi sung a kikhenzaakna chi kituh toh kisai in tulai in Nagaland gamsung leh Manipur a District tuamtuam apan mipi tamtak in thawmhau huai sa in hamhaihtak in om uh a, hiai toh kisai in, Naga Hoho in December 2 in Kohima a Hotel Japfu ah emergency meeting poimoh tak sam in, Hoho a panna neikhempeuh kuamah ki awngsut theilou ding in leng theihsakna bawl uhi. NSCN-K thusuak in ataklatna ah, NSCN K in Naga helpawlte lak ah lemna leh muanna lunggulh mahmah a, himahleh, Naga Hoho, Naga Students Federation (NSF) leh Naga Peoples Movement for Human Rights (NPMHR) pawl hiai kilemna suaikaihna ah atellouh ding uh ahi chi uhi.
Naga Hoho thusuak in ataklatna ah, Naga Namsung a ki itna, kituahna leh khantouhna kichi Hoho tup le ngim ahihdan taklang ua, himahleh, amau te poimohlou a lemna leh muanna om ding, kipumkhatna om ding chih pen thil lamdang mahmah suak ahihdan taklang ua, bangteng hileh, helpawlte lak ah kipumkhatna om naak leh Hoho in pomsiam ahihdan taklang uhi. Naga Hoho bel Naga civil society tuamtuam te lak a alianpen ahi uhi.
Naga Hoho thusuak in agenbehna ah, Emergency meeting hun ah, NPMHR, NSF, NMA, CNBC, NBCC leh NCF apan palai teng paikhawm vek ding uh a, tuabanah, Naga tribe tuamtuam apan President tengleng alou theilou a apaikhop uh ngaiding hidan in gen uhi. Neingulo Krome, General Secretary, Naga Hoho in ataklat behna ah, Naga Nampi sung ah kideidanna abei theileh vualzawlna thupitak hiding ahihdan gen a, himahleh, thil namtui leh namsia kal om ahihna ah, Naga Hoho paizel ding dan December 2 in chiang mahmah ding ahi chi hi.
NE ah zengnatna kichi himhim beita
Imphal, Nov 29(NNN): Dr. L.Iboyaima Singh, National Surveillance Medical Officer (NPSP) World Health Organisation (WHO) in tuni a agenna ah, kumlui July leh September 2006 kikal in Manipur tel in India Malsuah bial ah polio toh kisai naktak in gen in om a, huai in nasep thupitak nei in, NE bial ah polio tamtak hawmkhiak in om a, tuni chiang in naupang muanmoh huai theiding om nawnlou khop in Polio apan North East bial suakta ahi chi hi.
Dr. Iboyaima Singh in agenbehna ah, Union Health Ministry kipahpih huai law mahmah ahihdan gen in, kumteng December leh January in India gamsung mun tuamtuam ah polio hawmzaak hisek a, UP leh Bihar ah immunisation programme in zuisek mah leh,state Health Deparment panlak khelhziak in hun bangtan hiam lut lai ding ahihdan gen in, India Malsuah bial bel Free from Polio hita ahi chi hi. National Polio Surveilance Project (NPSP) thusuak in ataklatna ah, P-1 leh p-3 hiii te ziak in, Uttar Pradesh, Bihar leh Andhra Pradesh naktak a nawk ahihdan gen in, Uttaranchal, Maharastra, Delhi, Gujarat, Rajasthan leh Orissa in hiai hii naktak a doulel uh ahihdan gen hi.
West Bengal leh Myanmar ah bel Polio uang mahmah ding in om lel a, p-3 natna hii pua leng naupang hunkhop om ding in kigen hi. November 23 2007 tan in, India gamsung mun tuamtuam ah a taktak a zengnatna nei naupang 411 om a, 1988 kum in khovel pumpi gam tuamtuam 125 ah zengnatna nei 3,50,000 om a, tuni chiang in zengnatna nei naupang kiam mahmah ta a, tukum ngial in a percent gending om nawnlou khop in kiam ahi chi uhi.
Central team in MZR veh ding
Aizawl Nov 29(NNN): Mautaam kialpi toh kisai in, Central team in Mizoram state vehna nei ding a, huai hun ah, Ministry tuamtuam 6 apan official te paikhawm in, Mizoram state sung ah Mautaam kialpi bangzahta a thupi ding hiam chih suichetna va neih sawm uh hi’n kigen hi. Mizoram Disaster Management & Rehabilitation Secretary K. Riachho in agenna ah, Mizoram ah mautaam thupi mahmah ding a, Government of India kiang ah Mizoram Government in Rs 124.11 crore panpihna ngen a, huai ziak a Central apan official hongzin dek uh ahihdan gen hi.
Aman agenbehna ah, Central team te’n Mizoram vehna aneih chiang un, singtang dawn a zusa leh khaupe te neeksiat buhte etpihna neih hiding in gen a, a tak a thiltung te amuh uh poimoh mah ahihdan taklang hi. Tulel in ahihleh, Central Government in Mautaam panpihna ding in Mizoram kiang ah Calamity Relief Fund tungtawn in Rs 12.93 crore pekhia uh a, Mizoam in kidaihzou lou ding a chih ziak in, DM&R department nuai mah ah, Rs 3.67 crore sawk ua, tuazoh in SGRY nuai ah Rs 44 lakh koihkhe nawn uhi. National Rural Employment Guarantee Scheme nuai mah ah State Government in sum a tam thei lamlam kaihlut sawm in panla lel uhi.
Open Letter to
Pu K. Ranjit singh, the Hon’ble
PWD Minister, Manipur, relating to works bill payment of outstanding liabilities of the Govt. to contractors in respect of churachandpur Division, PWD, Manipur.
Hon’ble Sir,
As you are aware and as is the office of the Chief Engineer Manipur PWD, funds for payment against maintenance Works have been irregular since the year 2002. Pending works bills to the tune of more than 2 crores have been stalled till date.
Now that more than two crores of rupees have been released toward payment of maintenance works bills in respect of CCpur PWD, you are urged to please oversee to it that maintenance works completed by the month of April 2005 be paid in commiseration with the plight of the long suffering poor contractor on priority.
The balanced amount after payment of bills left out between the said period may only be paid to subsequence works order holders and works accomplished thereafter.
I write open letter as a vicious wrangling to garner maximum amount of bill payment by recent works order holders; and the office of the chief Enginer, PWD is said to have been inducing the EE/CCpur Division PWD to issue bill payment cheque out of turn by abusing his authority as the chief engineer Manipur PWD.
And so, your honour is caution to oversee that norm prvail at law and equity.
Faithfully Your’s
Hanglianthang Hanghal
Sr. Adviser, CCpur Contractor Assn.
www.zogam.com
No comments:
Post a Comment