Mipi zat dingin Flyover honkhiak hita; CM thugenlai a damtheihna buaisia in puakkhiak in om
IMPHAL NOV 30: Imphal Khwairambam bazar a mipi paisuk paitou leh gari taituah kizing mahmah venna ding khualna akibawl, Bir Tikendrajit Flyover bridge tuni’n mipi zattheih dingin honkhiak in omta hi. Hiai honkhiakna hun ah khuallian in Manipur Governor Dr. SS. Sidhu pang a, Functional President in in Chief Minister O. Ibobi Singh pang hi.
CM in athugen azoh madeuh in tuidawn a, tuazoh in pautheilou in adamtheihna chauh ziakin, buaisia a kikhopna mun apat a bungalow adin puakkhiak in om hi.
Tuni a Flyover bridge honkhiakna hun ah, Council of ministers, MLAs, Civil leh Police top ranking official te ban ah, senior citizens tamtak leng kihel uhi. Flyover honkhiakna Governor in aneih zoh in, ama makaih in khe in Flyover zuihsuakna leng minister leh MLA te ban ah official tamtak in nei ngal uhi.
Hiai hun ah welcome address genna PDA Chairman Dr. Kh. Loken in nei a, Flyover toh kisai genna NBCC a Additional General Manager Mr. K.P.Ghosh in nei hi. Khuallian apang Governor Dr. SS. Sidhu in agenna ah, Manipur a hichibang Flyover kibawl amapsapen ahihna ah, tuni Manipur a dia 'Red letter day' ahihdan gen hi. Manipur a khantouhna toh kisai nasep tuamtuam a govt. kithuahpihna mipin pechiat dingin leng ngen hi.
Chief Minister in agenna ah, Flyover kibawl ahun bikhiah sunga zoh ahihlouhna ziak tuamtuam agenna ah, Manipur a kum khat sunga nasep theihna (working season) kha 5/6 lel ahihziak, anti social elements tuamtuam apat sukbuai ziak, akim le kianga building leh tengsa te hawlkhiakna hun sawttak alutziak leh vanzat poimoh tuamtuamte Dimapur leh Guwahati lam ngen apat puaklut ahihna ah, bandh leh economic blockade ten nasep zekai sak tuan mahmah ahihdan leng gen hi.
Tuabanah, tulel a bazar sunga kibawl New market leh Laxmi market te kumnawn 2008 March tan a zoh dia govt. in ngim ahihdan leng CM in gen a, Purana market leng akinlam a bawlpat hidingin gen a, tua adinga DPR leng zohsa himahleh, Ngathu zuakna building phelsiat dingin samlai ahihziaka nasep pattheih louh hidan in gen hi. Imphal khopi sunga lampi nuamlou taktak a omte leng March 2008 tan a black topping bawlzoh vek hidingin gen a, tuabanah, Manipur a Hill district HQ teng leh Sub-divisional HQ teng leng Special Plan Assistance 60% senga puah hidingin CM in genbeh hi.
Inter State Bus Terminus ding Khuman Lampak a bawlkhiakna dia Planning commission of India in Rs 35 crores honpia hidan in leng gen a, Imphal khopi sunga ninte buakkhiakna ding Garbage disposal site ding Lamdeng Imphal West a 100 acres alian gam om leng JNURM nuai a Rs 25/26 crores lut a bawl hidingin gen a, vanzat poimoh tuamtuamte leng leikhiak hipahta dingin taklang hi.
Delimitation toh kisai All Political Party meeting ah genkhom 2001 census pansan a Delimitation neih ahihleh buaina chial suak ding - O.Joy
IMPHAL NOV 30: Manipur a 2001 census pansan a Assembly constituency 60 omte a Delimitation neihna ding, Delimitation Commission of India in pan alak touhzel toh kisai in, tuni’n Manipur People's party in Central Committee meeting poimohtak MPP office ah nei ua, tua ah 2001 census diklou ahihman in, hiai dungzui a Manipur a Delimitation neih hithei
lou ding ahihdan leh nan theihtawp a nang ding in thupukna la uh hi’n tuni’n MPP makaite’n thuthaksaite mai ah gen uhi.
Hiai hun ah MPP President Dr. L. Chandramani, MLA O. Joy, MLA Dr. Ng. Bijoy, MLA R.K. Anand leh MLA I. Ibohanbi te kihel uhi. MPP President in agenna ah, Manipur a 2001 census diklou ahihdan All Political Party meeting in leng genkhomta ahih ban uah, hiai toh kisai a Delimitation bawllouhna dia Supreme Court of India a case khat All Political Party min a file hidan in gen hi. Hiai case toh kisai hearing Supreme court a January 25, 2008 chianga om ding ahihdan leng President in gen hi.
Delimitation Commission a Associate member MLA O.Joy in agenna ah, Delimitation Commission in 2001 census pansan a nasep a sawm teitei leh buaina chial suak lel ding ahihman in kintak a atawpsan dingin gen hi. Manipur kekna dia thil sailouh hoih dingin leng taklang hi. Aban agenna ah, Delimitation Commission a Associate member apang
Manipur apat, amah (O.Joy) chihlouh, Lok Sabha MP nih Manicharanamei, Dr.Th.Meinya, Phungzathang Tonsing, Gaikhangam, Ph.Parijat leh O.Ibobi Singh CM te hidan in leng gen hi. 2001 census pansan a Delimitation bawlna dia Working paper toh kisai velkhomna dia December 10, 2007 chianga Election Commission of India office, New Delhi a meeting om ding hidan inleng O. Joy in taklang hi.
Thudang khat ah, tuni nitaklam dak 5 vel apat CM Secretariat ah Chief Minister makaihna in All Political Party meeting khat neih in om a, tua hun ah hun paisa a 2001 census pansan a AC 60 te Delimitation neih theihlouh dia agensa uh pomkipna neithak ding uhi.
2001 census pansan a Manipur a Delimitation bawl hileh, Valley a Assembly seat 40 te 35 in kiamsuk dinga, singtang a 19 pen 23 in pung dia Kangpokpi unreserved leng ST reserved hidia SC a seat khat leng 2 in pung ding chih ahi.
Bir Tikendrajit Flyover bridge omdan:
Sum lutzah : Rs 2492.95 lacs
Nasep pat hun : March 2003
Nasep zoh hun : January 1, 2007
Sum muhna : Ministry of Urban Dev. Govt. of India
Implementing Agency : National Building Construction Company Pvt. Ltd
Work Execution : Flyover M/S Buildworth Pvt. Ltd. Guwahati, RCC Pavement & Drain M/S H.Mangilal Singh
Consultant : M/S Consulting Engineering Services Pvt. Ltd. New Delhi
Length : 628.40 metres
Width : 8.5 metres
DHS Executive Meeting ding
Lamka Nov 30: District Health Society/CCpur a Executive Committee in hongtung ding December 3, 2007 sunma dak 11:00 in CMO/CCpur Chambers ah meeting ding uhi. Hiai hun ah District sung a PHC leh CHC a in-charge Medical Officer teng leng a telvek uh ngai ding hi.
KIC in Election nei
Lamka Nov 30: Kuki Inpi Churachandpur Office, Tuibuang ah tuni zing dak 10:00 apan in 2007-2009 kikal KIC vaipo ding telna nei uhi. Hiai hun ah President ding in Mr. Khaipao Haokip, Vice- President ding in Mr. Lamkhohen Kipgen leh Mr. S. Thangpi Gangte banah Secretary ding in Tongkhothang te telching uhi.
EBC Kumsim khawmpi omding
Lamka Nov 30: Evangelical Baptist Convention saptuam in hongtung ding December 8-11, 2007 sung in New Lamka EBC Hebron Biakinn ah Kumsim Khawmpi 59na nei ding uhi. Hiai Khawmpi thupi ‘Toupa lam ah kik nawn ni.’(Hosia 6:1) chih pansan in Rev. Dr. Geoff Pound in thugen ding hi. Hiai khawmpi ah Upa 36 leh Pastor 6 in ordination tang ding ua, Director ding khat telna leng neih hiding hi. Kum nawn Budget ding in Rs. 2.95 Crores proposal leng genkhawm ding uhi.
Leilawn apan kia
Lamka Nov 30: Mr. Holminlun (16) S/o. Lunkai of Dewlahland tulel a JNV, Tuinom a Class XI simlai tuni sunma dak 11:00 vel in JNV Tuinom a Advance Khristmas zatna ding Hall cheilai leilawn feet 12 vel asang apan kia in alu tatkha in a veilam bil apan in si pawt a Lamka Damdawi Inn ah etkol in omlel hi.
ZRO in theihsakna bawl
Lamka Nov 30: Zomi Re-Unification Organisation (ZRO) Ciimnuai a Ministry of Home Affairs a Secretary in Theihsakna abawl kimu in ataklat dan in December 1, 2007 apan January 31, 2008 kikal sung in nitak dak 5:30 nung a zuzuakna dawrte hon leh zuzuak kham ahihdan taklang hi. Huaibanah hiai hun sung mah in Crackers/Bazaar Bomb zuak leh haalpuak leng kham ahihdan taklang in hiai theihsakna ngeingaihloute atuah bangbang uh moh akipuak ding uh ahihdan leng taklang hi.
Golden Jubilee lawm ding
Lamka Nov 30: Evangelical Organization Church (EOC) in hong tung ding Dec 12-16, 2007 sung Mata khua ah EOC kum 50 chin, Golden Jubilee lawpna nei ding uhi. Hiai hun ah Rev. James Ehraman(USA), Rev. Lucy Dimnu, Rev. Kh. Khaizakham, Rev. Joel Kime (USA), Dr. Th. Lambawi leh Rev. S. Lalpi Vaiphei ten tanchinhoih gen ding uhi.
CM tunin buaise mahleh, adamtheihna normal
IMPHAL NOV 30: BT.Flyover honkhiakna tuni a neih ahihlai in President apang Manipur Chief Minister O.Ibobi Singh in a thugen azoh dingkuan zinglam dak 10.35 a tuidawn zou buaisia in a personel bodyguard ten lentang man in, a thugen zomthei nawnlou in om hi. Amah buaisiat phet in, akim leh kianga omten buaipih pah ua, dak 10.45 vel in kikhopna mun apat a tutna Chair toh zawnkhiak in om a, a Car a tuangsak in CM bungalow adin puakkhiak in om hi. Amah omlouh ziakin, ama mun kikhopna omlai teng ah Speaker Dr. S. Budhichandra in luah hi.
Tuni a Secretary to CM Mr.P.K.Singh in thusuah abawlna ah, tuni a Flyover honna programme a kihel CM damtheihna toh kisai a buaisia himahleh, doctor ten test ding teng a test nung un bangkim report normal hidan in taklang hi.
Thusuak dan in CM temperature chauh ziak leh annek hun kichup louh ziaka tuabang thiltung ahihna tung ah CM in leng tuni a huchibang buaisiatna a tuah poisa mahmah hidan inleng CM Secretary thusuak in taklang hi.
Combined force ten mi 3 kaplum, galvan nih musuah
IMPHAL NOV 30: Police apat thutut kingah dan in, tuni zinglam dak 11.15 vel dingin Imphal East Police commando leh 32 Assam Rifle kigawm combined force ten Irilbung PS huamsung, Kyamgei Takhok Mapal lak a helpawl om chih thuguk atheih ziakun, tuamun lak vadap uhi.
Police thusuak in a taklatna ah, operation a neihlaitak un helpawl hidia muanmoh ten anakap ua, security ten leng leng kapthuk ua, tua ah helpawl hidia muanmoh min 2 kaplum uhi. Police thusuak dan in, Police ten siluang nihte apat AK 56 khat leh atang 5, tanghawm 8 ban ah 9mm Pistol khat leh atang 2 ban ah ahawm 2 musuah uh chih ahi. Siluang te meltheih dingin RIMS morgue ah koih in om uhi.
Tuabangkal ah, J&K Light Infantry pawl leh helpawl khat tuni zinglam dak 6.30 in Chandel district a om Tuiting khua ah kikaptuah ua, tua ah helpawl a tel 1 kaplum ua, amah apan AK-47 rifle leh a tang bangzah hiam mukhia ua, tuate ban ah lampi ah 7IED kikam mukhia in lakhe ngal uhi.
Moreh ah Tower bawl hilel
Paoboi Touthang
Moreh, Nov-30: Reliance Company in hun bangtan hiam paita apan Tower a bawl un tuni chiang in 35% vel zouta uh hi’n thutut kingah hi.
Hiai toh kisai Lamka post palai in a dotna ah Headmistry in Foundation 50% kibawl pen duhthusam a batlouh ziak a a thak a akibawl thak ziak a neuchik zekai kha hi’n theisak hi.
Moreh Exchange.100/kyat.3100/
Moreh galtaite Christmas zat theih kinemlou
Paoboi Touthang
Moreh, Nov-30: Phaijang helpawlte bawlsiatna thuakzoulou a Moreh khopi a galtai Kukite’n Christmas amau khua chiat a zat ding lungulh mahle uh zat theih kinemlou ahihdan uh Lamka Post palai kiang ah theisak uhi.
Lamka Post palai in amaute ahoulimpihna ah, inn a a nutsiat uh buh-le-balte Myanmar gam apan guta pawl khat in khat leng hawilou a gusiang khinvek uh hi’n gen ua, Christmas lunglengtak a amau kho mun chiat a zat ding kichi pen tu-le-tu dinmun a hitheilou ding hi’n leng gen uhi.
SC Jamir in thuzuau in Nagate pikei hen: NSCN IM, NSCN IM in Jamir tungtang ah thusuah bawl
Dimapur, Nov 30(NNN): Goa Governor Dr S.C. Jamir in Nagaland Politics ah ka lut nawn maithei a chih nung dakkal tamlou pai in NSCN IM Headquarters camp Hebron in zapah in tuni mah in dawnna pe ngal uh a, Nagaland state sung ama ziak a buai ahihdan genkawm in, NSCN-K General Secretary (Prime Minister) Kitovi Zhimomi toh a houlimna thugukte uh NSCN IM kembit chitchet ahihdan puang uhi. NSCN IM thusuak in ataklatna ah, tuni in a genkhiak utlouh uleh a puankhiak utlouh uh puangkheta uh ahihdan puang uh a, SC Jamir in ambush ka tuak achih hun in, Dimapur a a tenna Inn Chumukedima ah om khin ahihdan puang ua, thu zuaupipi in SC Jamir in Naga mipite pimang sawm uh ahi chi hi.
NSCN-IM thusuak in ataklat zelna ah, November 23 nitak dak 7 in Mokokchung ah MLA 2 in S.C. Jamir Scorpio gari nih in pikhia in, Dimapur a a tenna Inn Chumukedima tun uh a, a zingchiang in ambush dan deuh in koih uh ahi chi uhi. NSCN IM thusuak in agenbehna ah, a zingchiang zingkal in kuama theihlouh in SC Jamir car vom khat ah thundan deuh a kineih in meltheihlouh helpawlte ki ambush sak uh a, huai hun in lungmuangtak in SC Jamir Dimapur tungkhinta ahi chi uhi. Hiai thusuah pen NSCN IM utdan hilou ahihdan taklang kawm in, himahleh, SC Jamir apan chouna (challenge) sangtak a ngah ziak ua thil om dan hoihtak a suizui in, a puankhiak khong uh ahihdan NSCN IM in taklang uhi.
Hibang a S. C. Jamir in Naga milip khemhai leh bum sawm ahihna ah, NSCN IM adia thudik puankhiak louhngal lampi omlou ahihman in, thudik puangzom zel ding uh ahihdan taklang ua, SC Jamiri in helpawl kizop pih hoihtak nei ahihdan a chiansem na ahi chi uhi. Indo-Naga ceasefire sukbuai sawmna ziak a Jamir lemgelna tengteng a kisaipih te’n zakhinvek ta uh ahi chi uhi.
S. C. Jamir leh Khaplang Group General Secretary Kitovi in plan hoihtak bawl in Nagaland ah President Rule tanpha koihsawm uh ahihdan taklang uhi. SC Jamir ambush a om a, amah khat vei mah leng a car apan pawtkhe lou in kichi omtheilou ahihdan taklang kawm in, IRB pawl SC Jamir in khem lumlet sawm in, amohteng khuksak sawm hizaw ahihdan NSCN IM in taklang uhi. NSCN IM in Naga Namte ading in nna tamtak semkheta a, ambush tuamtuam bawl in, lohching thei mahmah a, SC Jamir ambush ut hileh, tuabang ningneng a nasem lou ding uh ahihdan uleng taklang uhi.
Company tamtak in Meghalaya enlah
Shillong, Nov 30(NNN): Meghalaya state sung a hydel power thupitak tunkhiak ding toh kisai in company tuamtuam 32 val in enlah uh ahihdan puang uh a, huai lak ah, Essar, Jindal leh Athena group te telkha in, Meghalaya ah power supply tungtawn a sum dawnna thupitak khat patsuah theih ahihdan gen uhi. Meghalaya Government in ahihleh, Private sector te kiang ah 4000 megawatts power tanpha chiam uhi. Deputy Chief Minister hihna leh Power Minister hihna lenkhawm Dr.Mukul Sangma in agenna ah, company tamtak in Meghalaya ah investment bawl ut uh ahihdan theih hi a, huai kawmkam in Government in kong zapi hong in, Build 0perate and Tranfer (BOT) basis tanpha chiam in, himahleh, company te tung ah thuneihna bangkim state Government in tawiding ahihdan gen hi. Meghalaya khangthu adia kilamdang mahmah ahihleh, tukum in Meghalaya in power ziak in Rs 22 crore manloh a, huai te hukbitna ding in Company te’n Rs 22 Crore a deposit masak uh ngai ding hi’n kigen hi.
Moaist ambush ah Mizo sepaih 9 si Sihna tuakte’n Rs 15 Lakh chiat sangding
Aizawl Nov 30(NNN): Chattisgarh a Moaist helpawlte gamtatna khendai dia kuan 2nd Mizoram Rifles apan mi 9 in sihna atuah utoh kisai in aluangte uh zingchiang in Lengpui Airport puaktung in om ding a, huai ah mi tamtak in ana vaidawn ding uhi. Thusuak in ataklatna ah, sihna tuak mi 9 te ahihleh, BSF lenna in Raipur apan Aizawl puak tung hiding ua, zinglam dak 7 in Raipur ah Chattisgarh Government in zahna pe masa ding hi. Huai hun a sihna tuak mah Mizo Battalion apan T.K. Chalapan luang ahihleh, atenna mun ah nitaklam in puak hiding a, a tenna mun Kerala Alaty District a Venmoi tan puaktung hiding in kigen hi. Tuni in ahihleh, Kolasib a om a zi leh tate’n Chennai ana zuan khinta uhi. Adjutant Narayan Thapa in agenna ah, sihna tuak mi 9 te luang ahihleh, Deputy Commandant C. Lalnunmawia makaihna in personnel 3 in aluang hon pawding uh a, Raipur apan Lengpui airport tut hiding a, aban teng state Government khut a ngak ahihdan gen hi. Zan in Chattisgarh state sung a bomb puak ah mi 11 in sihna tuak a, huai lak ah civil mi hidan in kigen a, bomb ahihleh, ser 7 a gik puakzaak hidanin kigen hi.
Mizoram Governor Lt. Gen. M.M. Lakhera leh Chief Minister Zoramthanga banah, Chhattisgarh Chief Minister Raman Singh leh Opposition Leader Mahendra Karma te’n thiltung naktak in mohpaih uh a, Chhattisgarh Mizo Battalion Family Welfare Association pawl in leng naktak in mohpaih uhi. Zingchiang zinglam dak 11 in Lengpui Airport ah Mizo mipi sang tamtak in siluang 9 te vaidawnna neiding uh a, huai ding toh kisai in traffic lamte leng mansa in om ta uhi. Chief Minister Zoramthanga, Home Minister Tawnluia, Chief Secretary Haukhum Hauzel, Director General of Police Rokhuma leh SP teng in hankuang tung ah paak piakna neiding uhi. P.C. Lalchhuanawma, Commandant in agenna ah sihna tuak sepaih khat in Rs 15 lakh zelsang ding uh a, Chhattisgarh government in Rs 5 Lakh leh Chhattisgarh government a Insurance policy tungtawn in Rs 10 Lakh sang chiat ding uh ahidan gen uhi.
NEC in sum ahawmkhiakdan
Falguny Rajkumar, Secretary North East Council in agendan in, April 1, 2007-November 29, 2007 sung in hiai anuai abang in NE state te ah sum hawm in om hi.
1. Arunachal Pradesh Rs.. 19,05,00,000
2. Assam Rs. 45,25,57,700
3. Manipur Rs. 22,23,60,000
4. Meghalaya Rs. 14,18,00,000
5. Mizoram Rs. 27,56,15,100
6. Nagaland Rs. 33,71,05,100
7. Tripura Rs. 11,95,00,000
8. Sikkim Rs. 25,16,95,000
TOTAL Rs. 199,11,32,900
Other Agencies Rs. 92,10,86,900
Grand Total Rs. 291,22,19,800
www.zogam.com
IMPHAL NOV 30: Imphal Khwairambam bazar a mipi paisuk paitou leh gari taituah kizing mahmah venna ding khualna akibawl, Bir Tikendrajit Flyover bridge tuni’n mipi zattheih dingin honkhiak in omta hi. Hiai honkhiakna hun ah khuallian in Manipur Governor Dr. SS. Sidhu pang a, Functional President in in Chief Minister O. Ibobi Singh pang hi.
CM in athugen azoh madeuh in tuidawn a, tuazoh in pautheilou in adamtheihna chauh ziakin, buaisia a kikhopna mun apat a bungalow adin puakkhiak in om hi.
Tuni a Flyover bridge honkhiakna hun ah, Council of ministers, MLAs, Civil leh Police top ranking official te ban ah, senior citizens tamtak leng kihel uhi. Flyover honkhiakna Governor in aneih zoh in, ama makaih in khe in Flyover zuihsuakna leng minister leh MLA te ban ah official tamtak in nei ngal uhi.
Hiai hun ah welcome address genna PDA Chairman Dr. Kh. Loken in nei a, Flyover toh kisai genna NBCC a Additional General Manager Mr. K.P.Ghosh in nei hi. Khuallian apang Governor Dr. SS. Sidhu in agenna ah, Manipur a hichibang Flyover kibawl amapsapen ahihna ah, tuni Manipur a dia 'Red letter day' ahihdan gen hi. Manipur a khantouhna toh kisai nasep tuamtuam a govt. kithuahpihna mipin pechiat dingin leng ngen hi.
Chief Minister in agenna ah, Flyover kibawl ahun bikhiah sunga zoh ahihlouhna ziak tuamtuam agenna ah, Manipur a kum khat sunga nasep theihna (working season) kha 5/6 lel ahihziak, anti social elements tuamtuam apat sukbuai ziak, akim le kianga building leh tengsa te hawlkhiakna hun sawttak alutziak leh vanzat poimoh tuamtuamte Dimapur leh Guwahati lam ngen apat puaklut ahihna ah, bandh leh economic blockade ten nasep zekai sak tuan mahmah ahihdan leng gen hi.
Tuabanah, tulel a bazar sunga kibawl New market leh Laxmi market te kumnawn 2008 March tan a zoh dia govt. in ngim ahihdan leng CM in gen a, Purana market leng akinlam a bawlpat hidingin gen a, tua adinga DPR leng zohsa himahleh, Ngathu zuakna building phelsiat dingin samlai ahihziaka nasep pattheih louh hidan in gen hi. Imphal khopi sunga lampi nuamlou taktak a omte leng March 2008 tan a black topping bawlzoh vek hidingin gen a, tuabanah, Manipur a Hill district HQ teng leh Sub-divisional HQ teng leng Special Plan Assistance 60% senga puah hidingin CM in genbeh hi.
Inter State Bus Terminus ding Khuman Lampak a bawlkhiakna dia Planning commission of India in Rs 35 crores honpia hidan in leng gen a, Imphal khopi sunga ninte buakkhiakna ding Garbage disposal site ding Lamdeng Imphal West a 100 acres alian gam om leng JNURM nuai a Rs 25/26 crores lut a bawl hidingin gen a, vanzat poimoh tuamtuamte leng leikhiak hipahta dingin taklang hi.
Delimitation toh kisai All Political Party meeting ah genkhom 2001 census pansan a Delimitation neih ahihleh buaina chial suak ding - O.Joy
IMPHAL NOV 30: Manipur a 2001 census pansan a Assembly constituency 60 omte a Delimitation neihna ding, Delimitation Commission of India in pan alak touhzel toh kisai in, tuni’n Manipur People's party in Central Committee meeting poimohtak MPP office ah nei ua, tua ah 2001 census diklou ahihman in, hiai dungzui a Manipur a Delimitation neih hithei
lou ding ahihdan leh nan theihtawp a nang ding in thupukna la uh hi’n tuni’n MPP makaite’n thuthaksaite mai ah gen uhi.
Hiai hun ah MPP President Dr. L. Chandramani, MLA O. Joy, MLA Dr. Ng. Bijoy, MLA R.K. Anand leh MLA I. Ibohanbi te kihel uhi. MPP President in agenna ah, Manipur a 2001 census diklou ahihdan All Political Party meeting in leng genkhomta ahih ban uah, hiai toh kisai a Delimitation bawllouhna dia Supreme Court of India a case khat All Political Party min a file hidan in gen hi. Hiai case toh kisai hearing Supreme court a January 25, 2008 chianga om ding ahihdan leng President in gen hi.
Delimitation Commission a Associate member MLA O.Joy in agenna ah, Delimitation Commission in 2001 census pansan a nasep a sawm teitei leh buaina chial suak lel ding ahihman in kintak a atawpsan dingin gen hi. Manipur kekna dia thil sailouh hoih dingin leng taklang hi. Aban agenna ah, Delimitation Commission a Associate member apang
Manipur apat, amah (O.Joy) chihlouh, Lok Sabha MP nih Manicharanamei, Dr.Th.Meinya, Phungzathang Tonsing, Gaikhangam, Ph.Parijat leh O.Ibobi Singh CM te hidan in leng gen hi. 2001 census pansan a Delimitation bawlna dia Working paper toh kisai velkhomna dia December 10, 2007 chianga Election Commission of India office, New Delhi a meeting om ding hidan inleng O. Joy in taklang hi.
Thudang khat ah, tuni nitaklam dak 5 vel apat CM Secretariat ah Chief Minister makaihna in All Political Party meeting khat neih in om a, tua hun ah hun paisa a 2001 census pansan a AC 60 te Delimitation neih theihlouh dia agensa uh pomkipna neithak ding uhi.
2001 census pansan a Manipur a Delimitation bawl hileh, Valley a Assembly seat 40 te 35 in kiamsuk dinga, singtang a 19 pen 23 in pung dia Kangpokpi unreserved leng ST reserved hidia SC a seat khat leng 2 in pung ding chih ahi.
Bir Tikendrajit Flyover bridge omdan:
Sum lutzah : Rs 2492.95 lacs
Nasep pat hun : March 2003
Nasep zoh hun : January 1, 2007
Sum muhna : Ministry of Urban Dev. Govt. of India
Implementing Agency : National Building Construction Company Pvt. Ltd
Work Execution : Flyover M/S Buildworth Pvt. Ltd. Guwahati, RCC Pavement & Drain M/S H.Mangilal Singh
Consultant : M/S Consulting Engineering Services Pvt. Ltd. New Delhi
Length : 628.40 metres
Width : 8.5 metres
DHS Executive Meeting ding
Lamka Nov 30: District Health Society/CCpur a Executive Committee in hongtung ding December 3, 2007 sunma dak 11:00 in CMO/CCpur Chambers ah meeting ding uhi. Hiai hun ah District sung a PHC leh CHC a in-charge Medical Officer teng leng a telvek uh ngai ding hi.
KIC in Election nei
Lamka Nov 30: Kuki Inpi Churachandpur Office, Tuibuang ah tuni zing dak 10:00 apan in 2007-2009 kikal KIC vaipo ding telna nei uhi. Hiai hun ah President ding in Mr. Khaipao Haokip, Vice- President ding in Mr. Lamkhohen Kipgen leh Mr. S. Thangpi Gangte banah Secretary ding in Tongkhothang te telching uhi.
EBC Kumsim khawmpi omding
Lamka Nov 30: Evangelical Baptist Convention saptuam in hongtung ding December 8-11, 2007 sung in New Lamka EBC Hebron Biakinn ah Kumsim Khawmpi 59na nei ding uhi. Hiai Khawmpi thupi ‘Toupa lam ah kik nawn ni.’(Hosia 6:1) chih pansan in Rev. Dr. Geoff Pound in thugen ding hi. Hiai khawmpi ah Upa 36 leh Pastor 6 in ordination tang ding ua, Director ding khat telna leng neih hiding hi. Kum nawn Budget ding in Rs. 2.95 Crores proposal leng genkhawm ding uhi.
Leilawn apan kia
Lamka Nov 30: Mr. Holminlun (16) S/o. Lunkai of Dewlahland tulel a JNV, Tuinom a Class XI simlai tuni sunma dak 11:00 vel in JNV Tuinom a Advance Khristmas zatna ding Hall cheilai leilawn feet 12 vel asang apan kia in alu tatkha in a veilam bil apan in si pawt a Lamka Damdawi Inn ah etkol in omlel hi.
ZRO in theihsakna bawl
Lamka Nov 30: Zomi Re-Unification Organisation (ZRO) Ciimnuai a Ministry of Home Affairs a Secretary in Theihsakna abawl kimu in ataklat dan in December 1, 2007 apan January 31, 2008 kikal sung in nitak dak 5:30 nung a zuzuakna dawrte hon leh zuzuak kham ahihdan taklang hi. Huaibanah hiai hun sung mah in Crackers/Bazaar Bomb zuak leh haalpuak leng kham ahihdan taklang in hiai theihsakna ngeingaihloute atuah bangbang uh moh akipuak ding uh ahihdan leng taklang hi.
Golden Jubilee lawm ding
Lamka Nov 30: Evangelical Organization Church (EOC) in hong tung ding Dec 12-16, 2007 sung Mata khua ah EOC kum 50 chin, Golden Jubilee lawpna nei ding uhi. Hiai hun ah Rev. James Ehraman(USA), Rev. Lucy Dimnu, Rev. Kh. Khaizakham, Rev. Joel Kime (USA), Dr. Th. Lambawi leh Rev. S. Lalpi Vaiphei ten tanchinhoih gen ding uhi.
CM tunin buaise mahleh, adamtheihna normal
IMPHAL NOV 30: BT.Flyover honkhiakna tuni a neih ahihlai in President apang Manipur Chief Minister O.Ibobi Singh in a thugen azoh dingkuan zinglam dak 10.35 a tuidawn zou buaisia in a personel bodyguard ten lentang man in, a thugen zomthei nawnlou in om hi. Amah buaisiat phet in, akim leh kianga omten buaipih pah ua, dak 10.45 vel in kikhopna mun apat a tutna Chair toh zawnkhiak in om a, a Car a tuangsak in CM bungalow adin puakkhiak in om hi. Amah omlouh ziakin, ama mun kikhopna omlai teng ah Speaker Dr. S. Budhichandra in luah hi.
Tuni a Secretary to CM Mr.P.K.Singh in thusuah abawlna ah, tuni a Flyover honna programme a kihel CM damtheihna toh kisai a buaisia himahleh, doctor ten test ding teng a test nung un bangkim report normal hidan in taklang hi.
Thusuak dan in CM temperature chauh ziak leh annek hun kichup louh ziaka tuabang thiltung ahihna tung ah CM in leng tuni a huchibang buaisiatna a tuah poisa mahmah hidan inleng CM Secretary thusuak in taklang hi.
Combined force ten mi 3 kaplum, galvan nih musuah
IMPHAL NOV 30: Police apat thutut kingah dan in, tuni zinglam dak 11.15 vel dingin Imphal East Police commando leh 32 Assam Rifle kigawm combined force ten Irilbung PS huamsung, Kyamgei Takhok Mapal lak a helpawl om chih thuguk atheih ziakun, tuamun lak vadap uhi.
Police thusuak in a taklatna ah, operation a neihlaitak un helpawl hidia muanmoh ten anakap ua, security ten leng leng kapthuk ua, tua ah helpawl hidia muanmoh min 2 kaplum uhi. Police thusuak dan in, Police ten siluang nihte apat AK 56 khat leh atang 5, tanghawm 8 ban ah 9mm Pistol khat leh atang 2 ban ah ahawm 2 musuah uh chih ahi. Siluang te meltheih dingin RIMS morgue ah koih in om uhi.
Tuabangkal ah, J&K Light Infantry pawl leh helpawl khat tuni zinglam dak 6.30 in Chandel district a om Tuiting khua ah kikaptuah ua, tua ah helpawl a tel 1 kaplum ua, amah apan AK-47 rifle leh a tang bangzah hiam mukhia ua, tuate ban ah lampi ah 7IED kikam mukhia in lakhe ngal uhi.
Moreh ah Tower bawl hilel
Paoboi Touthang
Moreh, Nov-30: Reliance Company in hun bangtan hiam paita apan Tower a bawl un tuni chiang in 35% vel zouta uh hi’n thutut kingah hi.
Hiai toh kisai Lamka post palai in a dotna ah Headmistry in Foundation 50% kibawl pen duhthusam a batlouh ziak a a thak a akibawl thak ziak a neuchik zekai kha hi’n theisak hi.
Moreh Exchange.100/kyat.3100/
Moreh galtaite Christmas zat theih kinemlou
Paoboi Touthang
Moreh, Nov-30: Phaijang helpawlte bawlsiatna thuakzoulou a Moreh khopi a galtai Kukite’n Christmas amau khua chiat a zat ding lungulh mahle uh zat theih kinemlou ahihdan uh Lamka Post palai kiang ah theisak uhi.
Lamka Post palai in amaute ahoulimpihna ah, inn a a nutsiat uh buh-le-balte Myanmar gam apan guta pawl khat in khat leng hawilou a gusiang khinvek uh hi’n gen ua, Christmas lunglengtak a amau kho mun chiat a zat ding kichi pen tu-le-tu dinmun a hitheilou ding hi’n leng gen uhi.
SC Jamir in thuzuau in Nagate pikei hen: NSCN IM, NSCN IM in Jamir tungtang ah thusuah bawl
Dimapur, Nov 30(NNN): Goa Governor Dr S.C. Jamir in Nagaland Politics ah ka lut nawn maithei a chih nung dakkal tamlou pai in NSCN IM Headquarters camp Hebron in zapah in tuni mah in dawnna pe ngal uh a, Nagaland state sung ama ziak a buai ahihdan genkawm in, NSCN-K General Secretary (Prime Minister) Kitovi Zhimomi toh a houlimna thugukte uh NSCN IM kembit chitchet ahihdan puang uhi. NSCN IM thusuak in ataklatna ah, tuni in a genkhiak utlouh uleh a puankhiak utlouh uh puangkheta uh ahihdan puang uh a, SC Jamir in ambush ka tuak achih hun in, Dimapur a a tenna Inn Chumukedima ah om khin ahihdan puang ua, thu zuaupipi in SC Jamir in Naga mipite pimang sawm uh ahi chi hi.
NSCN-IM thusuak in ataklat zelna ah, November 23 nitak dak 7 in Mokokchung ah MLA 2 in S.C. Jamir Scorpio gari nih in pikhia in, Dimapur a a tenna Inn Chumukedima tun uh a, a zingchiang in ambush dan deuh in koih uh ahi chi uhi. NSCN IM thusuak in agenbehna ah, a zingchiang zingkal in kuama theihlouh in SC Jamir car vom khat ah thundan deuh a kineih in meltheihlouh helpawlte ki ambush sak uh a, huai hun in lungmuangtak in SC Jamir Dimapur tungkhinta ahi chi uhi. Hiai thusuah pen NSCN IM utdan hilou ahihdan taklang kawm in, himahleh, SC Jamir apan chouna (challenge) sangtak a ngah ziak ua thil om dan hoihtak a suizui in, a puankhiak khong uh ahihdan NSCN IM in taklang uhi.
Hibang a S. C. Jamir in Naga milip khemhai leh bum sawm ahihna ah, NSCN IM adia thudik puankhiak louhngal lampi omlou ahihman in, thudik puangzom zel ding uh ahihdan taklang ua, SC Jamiri in helpawl kizop pih hoihtak nei ahihdan a chiansem na ahi chi uhi. Indo-Naga ceasefire sukbuai sawmna ziak a Jamir lemgelna tengteng a kisaipih te’n zakhinvek ta uh ahi chi uhi.
S. C. Jamir leh Khaplang Group General Secretary Kitovi in plan hoihtak bawl in Nagaland ah President Rule tanpha koihsawm uh ahihdan taklang uhi. SC Jamir ambush a om a, amah khat vei mah leng a car apan pawtkhe lou in kichi omtheilou ahihdan taklang kawm in, IRB pawl SC Jamir in khem lumlet sawm in, amohteng khuksak sawm hizaw ahihdan NSCN IM in taklang uhi. NSCN IM in Naga Namte ading in nna tamtak semkheta a, ambush tuamtuam bawl in, lohching thei mahmah a, SC Jamir ambush ut hileh, tuabang ningneng a nasem lou ding uh ahihdan uleng taklang uhi.
Company tamtak in Meghalaya enlah
Shillong, Nov 30(NNN): Meghalaya state sung a hydel power thupitak tunkhiak ding toh kisai in company tuamtuam 32 val in enlah uh ahihdan puang uh a, huai lak ah, Essar, Jindal leh Athena group te telkha in, Meghalaya ah power supply tungtawn a sum dawnna thupitak khat patsuah theih ahihdan gen uhi. Meghalaya Government in ahihleh, Private sector te kiang ah 4000 megawatts power tanpha chiam uhi. Deputy Chief Minister hihna leh Power Minister hihna lenkhawm Dr.Mukul Sangma in agenna ah, company tamtak in Meghalaya ah investment bawl ut uh ahihdan theih hi a, huai kawmkam in Government in kong zapi hong in, Build 0perate and Tranfer (BOT) basis tanpha chiam in, himahleh, company te tung ah thuneihna bangkim state Government in tawiding ahihdan gen hi. Meghalaya khangthu adia kilamdang mahmah ahihleh, tukum in Meghalaya in power ziak in Rs 22 crore manloh a, huai te hukbitna ding in Company te’n Rs 22 Crore a deposit masak uh ngai ding hi’n kigen hi.
Moaist ambush ah Mizo sepaih 9 si Sihna tuakte’n Rs 15 Lakh chiat sangding
Aizawl Nov 30(NNN): Chattisgarh a Moaist helpawlte gamtatna khendai dia kuan 2nd Mizoram Rifles apan mi 9 in sihna atuah utoh kisai in aluangte uh zingchiang in Lengpui Airport puaktung in om ding a, huai ah mi tamtak in ana vaidawn ding uhi. Thusuak in ataklatna ah, sihna tuak mi 9 te ahihleh, BSF lenna in Raipur apan Aizawl puak tung hiding ua, zinglam dak 7 in Raipur ah Chattisgarh Government in zahna pe masa ding hi. Huai hun a sihna tuak mah Mizo Battalion apan T.K. Chalapan luang ahihleh, atenna mun ah nitaklam in puak hiding a, a tenna mun Kerala Alaty District a Venmoi tan puaktung hiding in kigen hi. Tuni in ahihleh, Kolasib a om a zi leh tate’n Chennai ana zuan khinta uhi. Adjutant Narayan Thapa in agenna ah, sihna tuak mi 9 te luang ahihleh, Deputy Commandant C. Lalnunmawia makaihna in personnel 3 in aluang hon pawding uh a, Raipur apan Lengpui airport tut hiding a, aban teng state Government khut a ngak ahihdan gen hi. Zan in Chattisgarh state sung a bomb puak ah mi 11 in sihna tuak a, huai lak ah civil mi hidan in kigen a, bomb ahihleh, ser 7 a gik puakzaak hidanin kigen hi.
Mizoram Governor Lt. Gen. M.M. Lakhera leh Chief Minister Zoramthanga banah, Chhattisgarh Chief Minister Raman Singh leh Opposition Leader Mahendra Karma te’n thiltung naktak in mohpaih uh a, Chhattisgarh Mizo Battalion Family Welfare Association pawl in leng naktak in mohpaih uhi. Zingchiang zinglam dak 11 in Lengpui Airport ah Mizo mipi sang tamtak in siluang 9 te vaidawnna neiding uh a, huai ding toh kisai in traffic lamte leng mansa in om ta uhi. Chief Minister Zoramthanga, Home Minister Tawnluia, Chief Secretary Haukhum Hauzel, Director General of Police Rokhuma leh SP teng in hankuang tung ah paak piakna neiding uhi. P.C. Lalchhuanawma, Commandant in agenna ah sihna tuak sepaih khat in Rs 15 lakh zelsang ding uh a, Chhattisgarh government in Rs 5 Lakh leh Chhattisgarh government a Insurance policy tungtawn in Rs 10 Lakh sang chiat ding uh ahidan gen uhi.
NEC in sum ahawmkhiakdan
Falguny Rajkumar, Secretary North East Council in agendan in, April 1, 2007-November 29, 2007 sung in hiai anuai abang in NE state te ah sum hawm in om hi.
1. Arunachal Pradesh Rs.. 19,05,00,000
2. Assam Rs. 45,25,57,700
3. Manipur Rs. 22,23,60,000
4. Meghalaya Rs. 14,18,00,000
5. Mizoram Rs. 27,56,15,100
6. Nagaland Rs. 33,71,05,100
7. Tripura Rs. 11,95,00,000
8. Sikkim Rs. 25,16,95,000
TOTAL Rs. 199,11,32,900
Other Agencies Rs. 92,10,86,900
Grand Total Rs. 291,22,19,800
www.zogam.com
No comments:
Post a Comment