Editorial, Manipur Express May 17, 2008
Kitatsat hetlou a Bandh omna state kichi koilai hihiam chih dotna kibawl lehang, lehkha thei leh theilou kuapeuh in Manipur ahi chi’n dawnna pechiat ding uhi.Manipur state bangkhop a bandh om thithe leitung koilai mun mah ah omlou hi. Adikdik gen in a kuakua Ministry om in Political party khat peuh in Manipur state ah vaihawmna len le uleng Bandh kichi om thouthou dingin gintak-huai hi. General Strike/Blockade/dharna chihte Manipur mipite lungtang ah chi (seed) bang a tuh in a om khinta chih theih hi.
Bandh om a chimtak huaidan leh kuadang sang mah in mipi vantang in a thuaklawhdan Newspaper hi’n govt lam hitaleh taklang thithe mahle uleng bangpi phatuam tuanlou tawh kibang hi. State Government in civil organization tuamtuamte ban ah, asang asim Joint Action Committee(JAC) tuamtuamte akipan demand omte khat khit in khatkhat in abanban in kihoulempih mahle uh bandh pen a zia om deuh dingin kilang mahleh kuamah lungkimsak zawhvek hilou khop in om veve a,Government in leng MoU leh adangdangte leng ngaidau gawp vek hi’n kilang hi.
Peaceful agitation kichi Manipur ah thang mahmah a, Gandhian policy i zuihna mahmah uh ahi hi. Himahleh, peaceful agitation ziak in thil demand ibawl pen zekai ade aw chihtheih in om hi. Violence deuh a gamtatna om chiangin, ahihkei leh, misi luang nih le thum a kikham chiangin state Government bil va sikkhapan mah bang in kilang in om thei mawk hi.A poimawh bel tuni chiangin mipi tamtak lungsim ah masawnna ding leh khantouhna ding lam a fel sang mahin kiphindan ding, dharna, sit-in-protest leh hiamgam taka kiphindan ding lampi tuamtuama kizatna lam ah i ngaihsutna(mid-set) uh hahzatpen maimah i hi uhiam chihtheih ding in om hi.
Ahihziak in Government adinga buaihuai mahmah ding khat om hi.Aziakbel i tenna gam uh disturbed area nuai a om ahih dungzui in i buai chiang in buai petmah uh a, Government in pawl khat a houpih sung in buaina dang khat om man zel in mun tuamtuam buai vengvung a, state Government adingin leng thil saidan ah lung-ap huai hun tam mahmah ding in kilang hi.
Bangteng bangteng hileleng, Government mawhpuakna alian veve hi. Kua pawl hiam in bandh ding chi in tangkoupih mahle uleng state government in thagum zang alampi a sukvang ngeingei ding uh ahi. Khawpi tuamtuam i et chiang in state Police force a hat ngeingei leh kuaman a mawkmai in bandh bawl ngamlou uhi. Manipur state i et leh a ut teng in state life-line kichi National Highway No. 39 leh NH No. 54 khawng bandh zialzial thei ua, state Government ihmu tawh kibang lel hi. Inter district kikawmtuahnate bel bandh in a zou maithei a, himahleh highway-te bel bandh in a zawh ding hilou hi.
Bangziak a hiai gen i hiam i chih leh Manipur ah sepaih tampi petmah om in miksi hon kizui mah bang in om nuaunuau petmah uhi. Pangei ah Manipur Police Training Centre om a, huai ah recruitment a lakthak mi tamtak training in om gige uhi. District chih ah Army adim in om a Police Force, MR leh IRB om lai hi. Bandh/Strike/economic blockade a om ni khua a, bangziak a bandh bawltute’n gari hihsia a, lampi lai dangtan a tyre leh a tuamtuam zalentak a halthei uhiam chihte kidot tham ahi hi. State Government hat taktak hilebel bandh pen pawlkhat in bawl mahle uleng kikawmtuahna lampi hihbuai zoulou himhim ding in koihthei uhi.
I gennop khat ahihleh Manipur Rifles chauh leng battalion tamtak om a, IRB in
behlap zawmah in security force kichi himhim state sung ah tamlaw mahmah hi. Bandh bawl ahih dek chiang in Government in bandh bawlna area teng ah security adim in koih uhenla, Imphal a om Ist leh IInd MR teng chauh in leng hih ding neilou a a om sang un bandh bawlna area ah chiangpum khat tawh va ding maimai le uleng phatuam mahmah ding hi. Panggei a trainingte bang leng zat theih ding in om a, bandh na area neu mahmah ahihziak in a vangkim in army leh BSF te khawng patrolling danin kivial leh sak hehu le uh bandh bawl hileleng, kikawmtuahna bangmah buailou ding hi.
State Government in armed forces/security-te zatdan (utilize) dan a siam ding uh ahi. Bandh / strike leh adangdang a om dek chiang in sepaih tamtak bandh na area ah kintak in sawllut le uh nautang ading in phatuam mahmah ding a, sepaih asing asim om ahihna ah, a zatdan a siam uh deihhuai mahmah hi. Imphal chauh ah leng sepaih tam mahmah a District dang a a buaidek leh Imphal a sepaih omte lak a bangzah hiam sawlkhia uhen la, District chih a security force omte tawh pangkhawm in thagum in lampi hongsak in amau leng opkhum deuh le uh chihhuai mahmah hi.
www.manipurexpress.com
Kitatsat hetlou a Bandh omna state kichi koilai hihiam chih dotna kibawl lehang, lehkha thei leh theilou kuapeuh in Manipur ahi chi’n dawnna pechiat ding uhi.Manipur state bangkhop a bandh om thithe leitung koilai mun mah ah omlou hi. Adikdik gen in a kuakua Ministry om in Political party khat peuh in Manipur state ah vaihawmna len le uleng Bandh kichi om thouthou dingin gintak-huai hi. General Strike/Blockade/dharna chihte Manipur mipite lungtang ah chi (seed) bang a tuh in a om khinta chih theih hi.
Bandh om a chimtak huaidan leh kuadang sang mah in mipi vantang in a thuaklawhdan Newspaper hi’n govt lam hitaleh taklang thithe mahle uleng bangpi phatuam tuanlou tawh kibang hi. State Government in civil organization tuamtuamte ban ah, asang asim Joint Action Committee(JAC) tuamtuamte akipan demand omte khat khit in khatkhat in abanban in kihoulempih mahle uh bandh pen a zia om deuh dingin kilang mahleh kuamah lungkimsak zawhvek hilou khop in om veve a,Government in leng MoU leh adangdangte leng ngaidau gawp vek hi’n kilang hi.
Peaceful agitation kichi Manipur ah thang mahmah a, Gandhian policy i zuihna mahmah uh ahi hi. Himahleh, peaceful agitation ziak in thil demand ibawl pen zekai ade aw chihtheih in om hi. Violence deuh a gamtatna om chiangin, ahihkei leh, misi luang nih le thum a kikham chiangin state Government bil va sikkhapan mah bang in kilang in om thei mawk hi.A poimawh bel tuni chiangin mipi tamtak lungsim ah masawnna ding leh khantouhna ding lam a fel sang mahin kiphindan ding, dharna, sit-in-protest leh hiamgam taka kiphindan ding lampi tuamtuama kizatna lam ah i ngaihsutna(mid-set) uh hahzatpen maimah i hi uhiam chihtheih ding in om hi.
Ahihziak in Government adinga buaihuai mahmah ding khat om hi.Aziakbel i tenna gam uh disturbed area nuai a om ahih dungzui in i buai chiang in buai petmah uh a, Government in pawl khat a houpih sung in buaina dang khat om man zel in mun tuamtuam buai vengvung a, state Government adingin leng thil saidan ah lung-ap huai hun tam mahmah ding in kilang hi.
Bangteng bangteng hileleng, Government mawhpuakna alian veve hi. Kua pawl hiam in bandh ding chi in tangkoupih mahle uleng state government in thagum zang alampi a sukvang ngeingei ding uh ahi. Khawpi tuamtuam i et chiang in state Police force a hat ngeingei leh kuaman a mawkmai in bandh bawl ngamlou uhi. Manipur state i et leh a ut teng in state life-line kichi National Highway No. 39 leh NH No. 54 khawng bandh zialzial thei ua, state Government ihmu tawh kibang lel hi. Inter district kikawmtuahnate bel bandh in a zou maithei a, himahleh highway-te bel bandh in a zawh ding hilou hi.
Bangziak a hiai gen i hiam i chih leh Manipur ah sepaih tampi petmah om in miksi hon kizui mah bang in om nuaunuau petmah uhi. Pangei ah Manipur Police Training Centre om a, huai ah recruitment a lakthak mi tamtak training in om gige uhi. District chih ah Army adim in om a Police Force, MR leh IRB om lai hi. Bandh/Strike/economic blockade a om ni khua a, bangziak a bandh bawltute’n gari hihsia a, lampi lai dangtan a tyre leh a tuamtuam zalentak a halthei uhiam chihte kidot tham ahi hi. State Government hat taktak hilebel bandh pen pawlkhat in bawl mahle uleng kikawmtuahna lampi hihbuai zoulou himhim ding in koihthei uhi.
I gennop khat ahihleh Manipur Rifles chauh leng battalion tamtak om a, IRB in
behlap zawmah in security force kichi himhim state sung ah tamlaw mahmah hi. Bandh bawl ahih dek chiang in Government in bandh bawlna area teng ah security adim in koih uhenla, Imphal a om Ist leh IInd MR teng chauh in leng hih ding neilou a a om sang un bandh bawlna area ah chiangpum khat tawh va ding maimai le uleng phatuam mahmah ding hi. Panggei a trainingte bang leng zat theih ding in om a, bandh na area neu mahmah ahihziak in a vangkim in army leh BSF te khawng patrolling danin kivial leh sak hehu le uh bandh bawl hileleng, kikawmtuahna bangmah buailou ding hi.
State Government in armed forces/security-te zatdan (utilize) dan a siam ding uh ahi. Bandh / strike leh adangdang a om dek chiang in sepaih tamtak bandh na area ah kintak in sawllut le uh nautang ading in phatuam mahmah ding a, sepaih asing asim om ahihna ah, a zatdan a siam uh deihhuai mahmah hi. Imphal chauh ah leng sepaih tam mahmah a District dang a a buaidek leh Imphal a sepaih omte lak a bangzah hiam sawlkhia uhen la, District chih a security force omte tawh pangkhawm in thagum in lampi hongsak in amau leng opkhum deuh le uh chihhuai mahmah hi.
www.manipurexpress.com
No comments:
Post a Comment