Wednesday, May 14, 2008

Zo nungah, Zo tangval ma kisui bou vai

By: John Pauno Zo

Leitung ah zotezong minamkhat leh nampiching khat ihiban ah, zongaina, zotawndan, zolai, zotangthu akiching a neite ihi ban-ah, minamdang tesang a zong hamkulthu leh hamkulmut nidanglai pupaham,tulaikhangt haham chibang te aneite ih hihi. Tuojieh in minamdangte zong thupi mu/sangmu va-aih sihvai in, zong neumu tuonsih vai. amazong eitesang in hauzawh, pilzawh, meihoizawh, duangchingzawh tuon a, pasien in asiem ahituon louhi, eiman ihina ithupibawl a, ikisahteipi leh minamdang tenzong ahing toisangpi dingahi nabou hi. Nahina khu koima petheituom sih vateh, tuojeih in ihina kipuophat vai-in eileh kitoisang zawvou vai.

Izosung ah Nungah hi-in Tangval hitaleh ibawlkhel itelkhiel iminam punlouna leh iminam midangten einuaisie a, akhang khang isup na thupipen ahi leh zonungah zotangval ikizonlo leh ikisuikhalou na in tampi tah itheikhalou namun ah, eina lampiel sah maw hi.

ZO NUNGAH:

Izo nungah themkhat aguoldang te sang in laihingsiem henlen, gamtuom,muntuom ah, laisim ahei ahisihleh sumsui ahei in, hingom henlen minamdang tawh hunsot siemkhat hingkigawp leh ahina nangawn manghil in, hinkhuo mangtampi iomban ah, zotangval keitawh kituoding keilevel omsih chilungsim hingkuopai phuat in, a zotangval te hingneumu sim pai, akungah tangval te avahoh leh zong limtah in welcome sengkhol lou in, ama kipawlpi minamdang te tawh etkah in nuaisie simmaw bawl simpong maw hi. Tuochieng tangval tezong hawhnuom loupai in gensiet suhgawp pai in, koikiten/ngaih zawh sang in, kigensiet tuonan omtuo a, tuopen ipunlou naleh ichitawm na lienpenpen ahi hi.

ZOTANGVAL

Zotangval zong tuomabang in, laisiem na B.A, M.A, Phd, ahilou leh Dr khat hing hihenlen hitaleh I Zonungahte talawm zitheiding khatzong omlou chiphuat in, ama leh ama koimathei khalou in, nakibuoisah/ nakithupisah mama hi. I Zo nungah temawnmawng laisiemlah omlou omdanhoi lah omlou ahisihleh kitup minamdang te omdanzong theilou guolkhantou bang inlah khangtoulou kichei/vondan lah theilou chimaw in, a zotangval pakung khat ma ah gensie maw in lungkieh theina ding eileh eikisui pongmaw in, tampi tah iom hi.tammi khat leh khat ikigensiet zawhna in angsuh niem a, khatlehkhat kisinmaw na van-ah kisui/hel thadah na kizonthadah na in ahing tut hi.eileh ei kisimmaw zawh hilou a,tuo a,ZONUNGAH/TANGVAL leh ahingkhangkhie ding zovontawi te ikithupi se ding a, ikigenpha ding a, ikisui/zong tangtang dinghi chipen ichi-inam ading ikhantou naleh ingaina tukip ihinazong hinghi pan ding ahi zawh hi.minamtuom chia iminthansah pen pa/nu zong I innsung ah bang ahingtu giap eileh? zonungah/tangval sangin zong bangma ahituon kanvawtsih hi.

PILNA SIEMNA SINNA THU:

Naneu apat, gentheitah a, nanu/pa ten lai ahingsimsah, pilna siemna nangahzawh chieng agah nane kuon a tuomi agan neding pen nami nasahilou a, minamtuom khat in anepen pamailou amah? Nang in minam nungah/tangval khat nakitenpi pen nazo nungah/tangval khat aval suo zeu maw hi. Zi ichipen iphal ahitajieh in, bangma nait-thei leh naphuldapthei hitalou hi. Tuojieh in heisung ah innsung ah pasal-lam sang in numeilam thuneizawh teiteimaw a, pasal lam innkuonpiten agal et-tamzawh maw hi.Ahin eimami leheimami hileipen akoikoi azangchituon lou in, a nih in deibang in kibualtheituo hi. Gentheitah a, pilna sienna nasuipen agah nazomipi tema in neteitei bou heh.tuojieh in ZONUNGAH/TANGVAL MA KISUI/LA/TENG bou vai.ipu ipa thupil ah tawlehlu kitheisa,zawn leh ngau kitheisa,aking atui a al kitheisa nachi van ngut hi.

Imite adding a, deihsah natawh ikigen nate amanlou adihlou leh ngaidan kibanglou tampi tah omkha va tuote kigensie lou a, ikigensawn kia leh iminam ahoizawh pen a,ikidopsang thei nading pen hoi tah in pan la zawh vai.Mangpa'n zonungah/tangval tusang in khatlehkhat kisui zawh semsem ding in hingsiem zawh tahen. Kalungdam.

Source: www.pu-zo.com

No comments:

Post a Comment