ZAA day zang ding
LAMKA, May 10: Zogam Artistes Association (ZAA) in hongtung ding May 23, 2008 chiang in ‘Twist & Shout’ chih thupi zang in ZAA Day, YPA Hall, Upper Lamka ah zang ding uhi. Hiai hun zatna sun hun in Group dance Competition sai ding ua, nitak hun in concert nei ding uhi. Hiai hunah Artistes laklutthak teng in lasakna neivek ding uhi. Hiai Concert bel ZAA leh MZI, Mizoram in ‘Music for Mautaam 2008’ chih Lamka a a neihding ua kisakkholhna leng hingal hi. Group Dance Competition a tel utte’n Laizom Musika, Tedim Road Lamka ah entry form ngahtheih ding hi.
Horticulture & S.C Minister in Fair-cum-Exhibition hongkhia
Pearson khua ah Farmer Hostel bawlkhiak hiding – Dr. P. Das
LAMKA, May 10: Indian Council of Agriculture Research (ICAR) leh Department of Agriculture, Govt. of Manipur kithuah in Krishi Vigyan Kendra (KVK), Pearsonmun ah tuni’n ‘Farmers Fair-cum- Exhibition’ zat in om a, tua ah Mr. T. Phungzathang, Minister (Power/ Horti.& Soil Cons./Sc. Tech.) in Chief Guest hihna toh uap in Farmers Fair-cum- Exhibition’ hongkhia hi.
Chief Guest in a genna ah, Lamka a KVK omtheihna dia pan naktak a la ahihdan gen in hiai KVK pen Pearsonmun ah ommahleh District pumpi a ding ahihdan gen hi. Hiai KVK tungtawn in louneimite lak ah khanlohna hongtung ding a, nidang a hunbi neitak a haichi kichingte kumtawn a chiin dan theihna hong om ding ahihdan leng gen hi. Hiai tungtawn in louneimite’n haichi chi ding man niam theipen in ngah thei ding ua, a poimohte a ding in loan tanpha leng lak theih ding hi’n Chief Guest in gen hi.
President hihna toh uap Dr. P. Das, Dy. Director General (AE), ICAR New Delhi in a thugenna hun ah Phualpi solkal in gamsung a District teng a Krishi Vigyan Kendra (KVK) koih ding in panla lel ahihdan gen in gamsung a rural district 599 omlakah tuchiang in district 561 ah KVK koihna ding in sanction bawlkhit ahihdan leh Mal-Suah (NE) ah leng Krishi Vigyan Kendra (KVK) 65 omta ahihdan gen hi. KVK Pearsonmun ah Farmer Hostel hon hiding a, huai ah louneimite’n training a neih hun un om thei ding uhi. Training neih chiang in louneimite’n training a telman sum bangmah sen ngailou ding a, KVK in neek-le-tak teng siksak vek zel ding ahihdan gen hi. Hiai KVK ah louneimite kia hamphatpih ding hilou a, numeite’n leng hiai apan neek-le-taak bawldan tuamtuam sintheih ding ahihdan gen hi.
Tuni a‘Farmers Fair-cum- Exhibition’ honkhiatna hunzat ah Mr. Vumlunmang Vualnam, IAS, Secretary, Home & Horti. Dr. M.M. Adhikary, Ex Dean, BCKV, West Bangal, Mrs. R.K. Nayanasana Devi, Director of Agriculture, Govt. of Manipur, Dr. S.V. Ngachan, Director, ICAR Research Complex for NEH Reagion, Umiam, Meghalaya, Dr. R. Bhagabati, Joint Director, ICAR Arunachal Pradesh leh Dr. Chaltonlien Amo, Ex- Minister (Health) tel in official tamtak in uap uhi. Hiai ‘Farmers Fair-cum- Exhibition’ ah department tuamtuam 17 in a thil bawlkhiatte uh lahna leh zuakna nei ua, District 5 apan in louneimi 400 vel tel uhi.
Horciculture & Soil Conservation Minister Pu T. Phungzathang in mun tuamtuam a phakzoh sunnung dak 3.30 vel ding in Imphal ah kik suk nawn hi.
Building bawlna’ng suangphum
LAMKA, May 10: Krishi Vigyan Kendra (KVK), Pearsonmun a Administrative Building bawlna’ng mun a suangphum honkhiatna tuzing dak 10:00 in Dr. P. Das, Dy. Director General (AE), ICAR New Delhi nei hi.
Beneficiaries 215 in panpihna la
LAMKA, May 10
Namkal buaina ziak a thuakkha innkuante kiang a sum a panpihna Lamka Police Satation huangsung ah hawmkhiatna neihzom in om zel a, tuni’n Henglep Sub Division sung a piak ding a bikhiah mi 283 lakah mi 215 in panpihna Rs.10,000./- chiat sang uhi.
One Day Dist. Level Awareness Programme nei
LAMKA, May 10
Child Welfare Committee CCpur saina in tuni sunma dak 10:30 in KKL Complex IB Road ah One Day District Level Awareness Programme for Chld Care chih nei ua, S. Manglemjao Singh IPS SP/CCpur Chief Guest apang in hong hi.
Lamka khopi sung a naupang mun tuamtuam a kem mi 100 val tel ua, Resource Persons in Ms.Mala Lisam, Child Line, Imphal, Ms.Jaya Phiya, Social Worker, IWCMC, T. Haokip, Rtd. Ministry enhance associate leh Ms. Sangthan Chami ADPO/ECCE/SSA CCpur te pang uhi.
Tipaimukh MLA leh siluang hong tung
LAMKA, May 10
Ngursanglur MLA leh a team tea paisa May 5,2008 ni a Tipaimukh bial veh a zin mun tuamtuam pha kual a, May 8, 2008 zan Parbung agiak in huai mun ah a mah vengtu Ist IRB a Riflemen Th. Tompok singh (40) s/o T. Omesh Singh of Chanam Sandrok ihmulum a, a luang zan nitak zan dak 12:00 in Lamka hongtung uhi. Misi luang Lamka Police station ah zan giak sak ua, tuni zingkal a Post mortem bawl zawh in Ist IRB a Officer ten Imphal ah pawsuk uhi. Ngursanglur MLA leng tuni mah in Imphal ah pai suk hi.
Khua 2 a ding kial panpihna anntang pua
LAMKA, May 10
Relief fund US apan kial panpihna anntang bag 90 vel Christian Relief Committee Angel’s Place Congregation tungtawn in pia ua, tuni’n huai antang te Tuima khua ah bag 20 leh Bukpi khua ah bag 70 pe ding in gari a puakkhiak in om hi.
Hiai antang bel, Tuima leh Bukpi khua ah ann neilou diakte kiang ah a thawn in hawm ding uhi.
Rs. 1.4 lakhs in kilemna bawl
LAMKA, May 10
Zan nitak dak 6:40 vel a salem veng Tedim Road ah Gen Rebek (35) s/o Upa Lamtinpau of Simveng Maruti Van MN1K/4569 in phut lup toh kisai in tuni’n Gari neitu leh misi inn kuanten kihouna nei ua, Pupa dan in gari nei ten siliang puan a tuam in, Vok 1 gou a goh ban uah, a sum tang a Rs. 1,40,000/- in kilem uhi. Thutut kingah dan in, tuni’n Rs. 40,000/- pia ua, Rs. 1 lakh bel May 15, 2008 tan a piakkim ding in kilem uhi. Tuabanah, zan nitak mah a a phutkhak Mr. Khualzalal of Sinjawl inkuante toh kihouna nei nawn ua, tua ah Rs. 2000/- in kilem uhi.
VK Lalboi luang hongtung
LAMKA, May 10
Vungkhanlal @ VK Lalboi Ngaihte (30) s/o L. Siamzen of Singngat tullel a Jammu a CPWD nuai a Clerk kha 2 sem pan May 8, 2008 nitak dak 9:00 vel a internal bleeding ziak a si, aluang CPWD ten Lenna a hong thon in tuni sun dak 12:00 a Imphal Airport hongtung Lamka sunnung dak 3:00 in hong tung in hi. Lamka puaktun ahihnung in Thangkhochin Ngaihte, Hospital Pharmacy lane IB Road a inn ah hun sawt lou khawl nung un Singngat khua a vui ding in pua uhi. VK Lalboi Ngaihte bel Lamka Post a dia Article petu ahihziakin Lamka Post in suun mahmah hi.
Hq leh Block makai te’n meeting nei
LAMKA, May 10
Tuni sun dak 12:00 in Zogal hall ah Zomi Sangnaupang Pawlpi (ZSP) Hq. leh Block ten meeting nei ua, tukum sung a ZSP Golden Jubilee lawp ding toh kisai leh block sung tua sang a hatsem theih ding dan genkhawm uhi. ZSP in Block 10 nei a, huaite bel Singngat, Tuining, Imphal, Haupi, Kaihlamnuai, Lamka, Sugnu, Moreh, Gunpang leh Behiang ahi.
Rengkai Nungak pawl day 2008 zang
LAMKA, May 10
Rengkai Nungak pawl day 2008 kichi zatna tuni sunma dak 11:30 in Rengkai Community Hall ah nei ua, Jimmy Hrangate, Dy. Commandant, STC/BSF Chief Guest apang in, Dr. Lalzarzo MO Functional President a pang in Miss Joyce Lalrinpui PO/DRDA pen Guest of Honour in pang hi. Rengkai khua ah Nungak ngen 400 val tel uhi.
RIMS Director in Lamka pha
LAMKA, May 10
Dr. L. Fimate, Director RIMS in tuni sunma dak 9:30 in Lamka hong pha a, saikot leh mun tuamtuam pha in sunnung lam in Imphal ah kik nawn hi.
CDSU in EC guang
LAMKA, May 10
CDSU Executive in Ningani’n 2008-2010 sung CDSU vaipo ding kitelna a Election Commission member ding guang hi. Huai dungzui in Returning Officer di’n HSA Assembly Speaker Pu Lura guan in om a, Presiding Officer di’n SSPP Vice President Pu V. Thianlal, member di’n TKSU President Pu Suonkhomang leh MZP Executive member Pu Songtinpau guan in om uhi.
Nupi pawl Police te’n hawlkik
IMPHAL, May 10
MAFYF President Sapamcha Kangleipal kintak leh thunung thuma gen ding omlou a khah dia phutna in, tuni sunnung dak 2.20 vel dingin nupi pawl mi 30 vel ding Chief Minister bungalow ah lut sawm mahle uh Police in Police Imphal Head Post office kong a dal in, Nupi Lal Memorial Complex lamtan in hawlkik uhi.MAFYF President khahna ding toh kisai ngetna dan in, pawl tuamtuam tamtak in mat ahihni May 7 a kipan tunitan khawllou in Press release tamtak suahkheta uhi. Civil Society tuamtuamten mun tamtak a MAFYF President khahna ding phutna in sit-in-protest leng nei uhi.Hichibangkal ah, Ireland pansan Frontline (Protection of Human Rights Defender) a Director Mary Lawlor in zan May 9, 2008 in Chief Justice of India Justice K.G.Balkhrishna kiang ah Sapam Kangleipal mat ahihna poisak thu leh kintak a condition omlou a khahna dingin lai khak chih ahi.
Hiamgamna toh kisai in mass rally
IMPHAL, May 10
Manipur a Violence tuamtuam omte deihlouhna ziakin, Working Committee of Apunba Lup, Manipur makaih in, May 11, 2008 in 'Mass Rally cum Public meeting against the Violence in Manipur' om ding hi. Mass rally zinglam dak 9 apat Thangmeiband a THAU ground apat in Konung Lampak (Hapta Kangjeibung) tan om ding a, tua mun ah Public meeting om ding hi.Hiai Public meeting hun ah Presidium member dingin, Keisam Taruni President, All Manipur Women's Social Reformation & Development Samaj, A.K.Janaki Leima President, Momnu Eerik Khombi Lup leh L.Memchoubi President, Poirei Leimarol Meira Paibi Apunba te pang ding uhi.
Trade Union in PM kimuhpih ding
IMPHAL, May 10
All India Trade Union Congress leh Trade Union tuamtuam ten May 12, 2008 in New Delhi ah Prime Minister Dr. Manmohon Singh kimuhpihna nei ding uhi. Hiai hun ah thu tuamtuam point 10 tuanna charter of demand khat leng pelut ding uhi. Hiai hun a teldingin All India Trade Union Congress, Manipur a General Secretary L.Sotinkumar in tunin Delhi zuan in Imphal nusia hidan in thutut kingah hi.
Trade Union in PM kianga demand tuamtuam abawl dingte uh khenkhat bel, van man kiak niam sak ding, labour law kepbit ding, public sector te puahthak ding leh numeite thaman ding pasalte a toh kibang a bawl ding chihte ahi.May 13, 2008 in Delhi a Constitution Club ah Trade Union ten conference thupitak khat nei ding ua, tua hun a L.Sotinkumar leng hon kihel ngal ding hidan in leng kigen hi.
Commando te’n UNLF cadre 1 man
IMPHAL, May 10
Thoubal SP apat thutut kingah dan in, zan May 9, 2008 zinglam dak 8.40 in Thoubal Police Commando ten frisking abawl na uah, NH 39 in atotkhak YK College, Wangjing gei apat UNLF cadre Khundrakpam Dhamendra Singh (24) s/o Kh.Manichou Singh of Kha Potsangbam Maning leikai kichi mankhiak in om chih ahi.Thudang khat ah, Zan a KCP ten Canchipur a Standard Robart Higher Secondary School a bomb khat avakoih uh mohpaihna in, tunin hiai school a Class VII apat XII tan student leh teacher ten protest dharna a school kong uah nei uhi.
Governor in Engineering Insitute thak hongkhia
IMPHAL, May 10
Institution of Electronics & Telecommunication Engineer (IETE) Imphal Sub-centre adia building thak kibawl, Lamphel Langol lampi mun ah, tuni’n Manipur Governor Dr. SS. Sidhu in honkhia hi. Hiai hun ah President in S. Narauana President IETE leh Guest of honour in, Prof. K. Laxminarayanan te pang uhi.Hiai hun a Governor in agenna ah, India a IT in naktak a masawn ahihna ah, Indian economy a leng naktak a kilang pha ahihdan gen hi. Govt. of India nuai a Ministry of IT in 2008 sunga Internet connection 100 million target nei leh million khat mah Internet IT Cyber Cafe honkhiak ding tup leh ngim a nei ahihdan gen hi.Aban agenna ah, IETE 1953 a patkhiak ahihnung tunitan in mimal leh industrial organisation tuamtuam 72,000 bang member omta hi. Imphal Sub-centre IETE in BE level adingin regular coaching class leng nei hi.
Black Widow cadre 12 kaplup in om, 4 liam
GUWAHATI, May 10 NNN
North Cachar Hills district headquarter Haflong apat kilometer 90 vel a gamla, Assam-Nagaland-Manipur border a Haralu ah Kiginni sunma dak 11 ding vel in Army’ 4 Corps te’n Dima Halam Daogah (DHD) anti-talk faction Black Widow cadre 12 kaplum ua, a dang 4 naktak a kapliam uh hi’n thusuak in taklang hi.4 Corps spokesman Col. R. Kalia in kikaptuahna mun apat galvan 4 leh AK rifle tang 7 muhkhiak ahihdan gen mahleh, siluang phot a neihlouh dungzui ua helpawlte hi’n sepaihte hitaleh, a si-le-liam a omlam bel theilou ahihdan gen hi. Himahleh, hiai kikaptuahna a Black Widow cadre 12 kaplup a om hidia muanmohthu bel thusuak in taklang hi. Lemna leh muanna a om theihna dia Black Widow helpawlte’n central govt. toh kihou a lunggulh thu uh Assam sorkar in tuma zek in Union Ministry of Home Affairs kiang ah ana tut ngeita hi. Jewel Garlocha makaih Dimasa helpawl Black Widow faction in apaisa March 25 in Assam sorkar kiang ah kha 3 sung daih ding unilateral ceasefire ana puang a, khan awn June 26 in bei ding hi.Tuabangkal ah, Black Widow spokesman in Guwahati pansan thuthaksaite kiang ah sepaihte’n a cadre uh 12 kaplum a a dang 4 naktak a kapliam ahihdan uh puang leh Haralu a thiltung mohpaih kawm in ni 7 sung a Assam sorkar toh unilateral ceasefire a neih uapat kizukkik dia vauna bawl hi’n thusuak in taklang hi. Haralu ahihleh Zeme Naga-te khua hi a, helpawlte’n kibukna dia a zat mahmah uh khat ahi.
J & K ah police officer 2 sawl hi ding
Imphal, May 10
Cabinet in thupukna a bawl dungzui a Thoubal dist a Chajing leh Heirok mipite state govt in galvan a piak nung a helpawlte douna dia mivantangte galvan piak ding chihthu toh kisai a dan zuih ding Manipur govt in draft bawl sawm in hahtak in kisalel a, helpawlte douna ding mah a J & K govt in 2003 a apatkhiak Jammu and Kashmir Voluntary Force (JKLF) te’ nasepdan enkhe ding a leng state govt in Manipur police department apat senior police officer 2 (SP Thoubal Clay Khongsai, SDPO Imphal West AK Jhalajit) sawl sawm hi’n thusuak in taklang hi. Helpawlte apat kivenna dia Mufti govt in a bawlkhiak JKVF a village defense committee-te apat member bangzahhiam a tel banuah, special police officer leng bangzahhiam tel ua member 1 in Rs 2, 500/month mu zel uhi. Heirok leh Chajing mipite’n galvan a ngetna uh cabinet in a tawmtawp a 3 a veitak a genkhawm nung un mipite’ kiang a galvan piak ding chih thupukna bawl ua, village defense committee bawlkhiak kichi govt scheme dan a patkhiak hi ding chih a gen banuah, Heirol leh Chajing lou, mundang a leng a poimohdan a mipite galvan piak hi ding chi’n leng May 6 a cabinet meeting a neihna uah govt in thupukna bawl hi. Hiai meeting a thupukna a lak dang khat uh ahihleh, Village Defence Guard poimohna khuate DGP in a zonkhiak a, tuabang a galvan piak ngai khua a om leh, VDF poimohna khuate a nasep pat theih ahihna’ng hunbi neiteng a govt kiang a thusun a bawl chih ahi hi.
EC in British-te’ capital masapen laikhen
Shillong, May 10 NNN
North-East a British-te a hongluttunglai ua capital dia a zat masaknapen uh, Sohra (Cherrapunji) hi a, hiai mun a om Saitsohpen kichihna mun ahihleh, Sohra Syiems (Chiefs) te’ Royal pyre omna chauh hilou in, British te’n North-East a Police station a bawl masakna mun uh, NE a Presbyterian Church om masakna pen ahih banah, welsh missionary 1 Thomas Jones’ nuai a Khasi laimal puahphatna munpi leng hi a, NE ading leh a diak a Meghalaya adia historical site poimoh mahmah khat ana hisek mahleh, election commission in delimitation a bawlziak in Sohra apat Saitsohpen kekkhe ding a, Shella constituency ah belh ding hi. Sohra laizangtak a om hiai Saitsohpen ahihleh, Khasi patriot minthang mahmah Tirot Singh Syiem’ monument omna chauh hilou in, kum 100 a upa English officialte’ kivuina ahih banah, khangthu poimoh taktak gelhlouh a omte’ kipatna ahih ziak in Shella constituency ah om leh, Saitsohpen chih minvuah hinawnlou ding a, mindang piak in omta ding hi. Saitsohpen ichih, Sohra Syiemship (Chiefdom) nuai a om ahih ziak in khangthu chikmah a mang ngeilou ding apat leh Syiem lalgam apat politics thil ziak a kekkhiat ding deihlou in hiaimun a teng mipite’n Election Commission’ nasep delimitation process a deihlouhna uh etsakna in Seppatni chiang in public meeting thupitak neihsawm uh ahihdan leh, academician-te leh tourist te’n Saitsohpen omna mun kan ding ua, Shella constituency chih in omleh, theilou ding uh ahihdante gen in a lungkimlouhthu uh khenkhat in gen uhi.
www.zogam.com
LAMKA, May 10: Zogam Artistes Association (ZAA) in hongtung ding May 23, 2008 chiang in ‘Twist & Shout’ chih thupi zang in ZAA Day, YPA Hall, Upper Lamka ah zang ding uhi. Hiai hun zatna sun hun in Group dance Competition sai ding ua, nitak hun in concert nei ding uhi. Hiai hunah Artistes laklutthak teng in lasakna neivek ding uhi. Hiai Concert bel ZAA leh MZI, Mizoram in ‘Music for Mautaam 2008’ chih Lamka a a neihding ua kisakkholhna leng hingal hi. Group Dance Competition a tel utte’n Laizom Musika, Tedim Road Lamka ah entry form ngahtheih ding hi.
Horticulture & S.C Minister in Fair-cum-Exhibition hongkhia
Pearson khua ah Farmer Hostel bawlkhiak hiding – Dr. P. Das
LAMKA, May 10: Indian Council of Agriculture Research (ICAR) leh Department of Agriculture, Govt. of Manipur kithuah in Krishi Vigyan Kendra (KVK), Pearsonmun ah tuni’n ‘Farmers Fair-cum- Exhibition’ zat in om a, tua ah Mr. T. Phungzathang, Minister (Power/ Horti.& Soil Cons./Sc. Tech.) in Chief Guest hihna toh uap in Farmers Fair-cum- Exhibition’ hongkhia hi.
Chief Guest in a genna ah, Lamka a KVK omtheihna dia pan naktak a la ahihdan gen in hiai KVK pen Pearsonmun ah ommahleh District pumpi a ding ahihdan gen hi. Hiai KVK tungtawn in louneimite lak ah khanlohna hongtung ding a, nidang a hunbi neitak a haichi kichingte kumtawn a chiin dan theihna hong om ding ahihdan leng gen hi. Hiai tungtawn in louneimite’n haichi chi ding man niam theipen in ngah thei ding ua, a poimohte a ding in loan tanpha leng lak theih ding hi’n Chief Guest in gen hi.
President hihna toh uap Dr. P. Das, Dy. Director General (AE), ICAR New Delhi in a thugenna hun ah Phualpi solkal in gamsung a District teng a Krishi Vigyan Kendra (KVK) koih ding in panla lel ahihdan gen in gamsung a rural district 599 omlakah tuchiang in district 561 ah KVK koihna ding in sanction bawlkhit ahihdan leh Mal-Suah (NE) ah leng Krishi Vigyan Kendra (KVK) 65 omta ahihdan gen hi. KVK Pearsonmun ah Farmer Hostel hon hiding a, huai ah louneimite’n training a neih hun un om thei ding uhi. Training neih chiang in louneimite’n training a telman sum bangmah sen ngailou ding a, KVK in neek-le-tak teng siksak vek zel ding ahihdan gen hi. Hiai KVK ah louneimite kia hamphatpih ding hilou a, numeite’n leng hiai apan neek-le-taak bawldan tuamtuam sintheih ding ahihdan gen hi.
Tuni a‘Farmers Fair-cum- Exhibition’ honkhiatna hunzat ah Mr. Vumlunmang Vualnam, IAS, Secretary, Home & Horti. Dr. M.M. Adhikary, Ex Dean, BCKV, West Bangal, Mrs. R.K. Nayanasana Devi, Director of Agriculture, Govt. of Manipur, Dr. S.V. Ngachan, Director, ICAR Research Complex for NEH Reagion, Umiam, Meghalaya, Dr. R. Bhagabati, Joint Director, ICAR Arunachal Pradesh leh Dr. Chaltonlien Amo, Ex- Minister (Health) tel in official tamtak in uap uhi. Hiai ‘Farmers Fair-cum- Exhibition’ ah department tuamtuam 17 in a thil bawlkhiatte uh lahna leh zuakna nei ua, District 5 apan in louneimi 400 vel tel uhi.
Horciculture & Soil Conservation Minister Pu T. Phungzathang in mun tuamtuam a phakzoh sunnung dak 3.30 vel ding in Imphal ah kik suk nawn hi.
Building bawlna’ng suangphum
LAMKA, May 10: Krishi Vigyan Kendra (KVK), Pearsonmun a Administrative Building bawlna’ng mun a suangphum honkhiatna tuzing dak 10:00 in Dr. P. Das, Dy. Director General (AE), ICAR New Delhi nei hi.
Beneficiaries 215 in panpihna la
LAMKA, May 10
Namkal buaina ziak a thuakkha innkuante kiang a sum a panpihna Lamka Police Satation huangsung ah hawmkhiatna neihzom in om zel a, tuni’n Henglep Sub Division sung a piak ding a bikhiah mi 283 lakah mi 215 in panpihna Rs.10,000./- chiat sang uhi.
One Day Dist. Level Awareness Programme nei
LAMKA, May 10
Child Welfare Committee CCpur saina in tuni sunma dak 10:30 in KKL Complex IB Road ah One Day District Level Awareness Programme for Chld Care chih nei ua, S. Manglemjao Singh IPS SP/CCpur Chief Guest apang in hong hi.
Lamka khopi sung a naupang mun tuamtuam a kem mi 100 val tel ua, Resource Persons in Ms.Mala Lisam, Child Line, Imphal, Ms.Jaya Phiya, Social Worker, IWCMC, T. Haokip, Rtd. Ministry enhance associate leh Ms. Sangthan Chami ADPO/ECCE/SSA CCpur te pang uhi.
Tipaimukh MLA leh siluang hong tung
LAMKA, May 10
Ngursanglur MLA leh a team tea paisa May 5,2008 ni a Tipaimukh bial veh a zin mun tuamtuam pha kual a, May 8, 2008 zan Parbung agiak in huai mun ah a mah vengtu Ist IRB a Riflemen Th. Tompok singh (40) s/o T. Omesh Singh of Chanam Sandrok ihmulum a, a luang zan nitak zan dak 12:00 in Lamka hongtung uhi. Misi luang Lamka Police station ah zan giak sak ua, tuni zingkal a Post mortem bawl zawh in Ist IRB a Officer ten Imphal ah pawsuk uhi. Ngursanglur MLA leng tuni mah in Imphal ah pai suk hi.
Khua 2 a ding kial panpihna anntang pua
LAMKA, May 10
Relief fund US apan kial panpihna anntang bag 90 vel Christian Relief Committee Angel’s Place Congregation tungtawn in pia ua, tuni’n huai antang te Tuima khua ah bag 20 leh Bukpi khua ah bag 70 pe ding in gari a puakkhiak in om hi.
Hiai antang bel, Tuima leh Bukpi khua ah ann neilou diakte kiang ah a thawn in hawm ding uhi.
Rs. 1.4 lakhs in kilemna bawl
LAMKA, May 10
Zan nitak dak 6:40 vel a salem veng Tedim Road ah Gen Rebek (35) s/o Upa Lamtinpau of Simveng Maruti Van MN1K/4569 in phut lup toh kisai in tuni’n Gari neitu leh misi inn kuanten kihouna nei ua, Pupa dan in gari nei ten siliang puan a tuam in, Vok 1 gou a goh ban uah, a sum tang a Rs. 1,40,000/- in kilem uhi. Thutut kingah dan in, tuni’n Rs. 40,000/- pia ua, Rs. 1 lakh bel May 15, 2008 tan a piakkim ding in kilem uhi. Tuabanah, zan nitak mah a a phutkhak Mr. Khualzalal of Sinjawl inkuante toh kihouna nei nawn ua, tua ah Rs. 2000/- in kilem uhi.
VK Lalboi luang hongtung
LAMKA, May 10
Vungkhanlal @ VK Lalboi Ngaihte (30) s/o L. Siamzen of Singngat tullel a Jammu a CPWD nuai a Clerk kha 2 sem pan May 8, 2008 nitak dak 9:00 vel a internal bleeding ziak a si, aluang CPWD ten Lenna a hong thon in tuni sun dak 12:00 a Imphal Airport hongtung Lamka sunnung dak 3:00 in hong tung in hi. Lamka puaktun ahihnung in Thangkhochin Ngaihte, Hospital Pharmacy lane IB Road a inn ah hun sawt lou khawl nung un Singngat khua a vui ding in pua uhi. VK Lalboi Ngaihte bel Lamka Post a dia Article petu ahihziakin Lamka Post in suun mahmah hi.
Hq leh Block makai te’n meeting nei
LAMKA, May 10
Tuni sun dak 12:00 in Zogal hall ah Zomi Sangnaupang Pawlpi (ZSP) Hq. leh Block ten meeting nei ua, tukum sung a ZSP Golden Jubilee lawp ding toh kisai leh block sung tua sang a hatsem theih ding dan genkhawm uhi. ZSP in Block 10 nei a, huaite bel Singngat, Tuining, Imphal, Haupi, Kaihlamnuai, Lamka, Sugnu, Moreh, Gunpang leh Behiang ahi.
Rengkai Nungak pawl day 2008 zang
LAMKA, May 10
Rengkai Nungak pawl day 2008 kichi zatna tuni sunma dak 11:30 in Rengkai Community Hall ah nei ua, Jimmy Hrangate, Dy. Commandant, STC/BSF Chief Guest apang in, Dr. Lalzarzo MO Functional President a pang in Miss Joyce Lalrinpui PO/DRDA pen Guest of Honour in pang hi. Rengkai khua ah Nungak ngen 400 val tel uhi.
RIMS Director in Lamka pha
LAMKA, May 10
Dr. L. Fimate, Director RIMS in tuni sunma dak 9:30 in Lamka hong pha a, saikot leh mun tuamtuam pha in sunnung lam in Imphal ah kik nawn hi.
CDSU in EC guang
LAMKA, May 10
CDSU Executive in Ningani’n 2008-2010 sung CDSU vaipo ding kitelna a Election Commission member ding guang hi. Huai dungzui in Returning Officer di’n HSA Assembly Speaker Pu Lura guan in om a, Presiding Officer di’n SSPP Vice President Pu V. Thianlal, member di’n TKSU President Pu Suonkhomang leh MZP Executive member Pu Songtinpau guan in om uhi.
Nupi pawl Police te’n hawlkik
IMPHAL, May 10
MAFYF President Sapamcha Kangleipal kintak leh thunung thuma gen ding omlou a khah dia phutna in, tuni sunnung dak 2.20 vel dingin nupi pawl mi 30 vel ding Chief Minister bungalow ah lut sawm mahle uh Police in Police Imphal Head Post office kong a dal in, Nupi Lal Memorial Complex lamtan in hawlkik uhi.MAFYF President khahna ding toh kisai ngetna dan in, pawl tuamtuam tamtak in mat ahihni May 7 a kipan tunitan khawllou in Press release tamtak suahkheta uhi. Civil Society tuamtuamten mun tamtak a MAFYF President khahna ding phutna in sit-in-protest leng nei uhi.Hichibangkal ah, Ireland pansan Frontline (Protection of Human Rights Defender) a Director Mary Lawlor in zan May 9, 2008 in Chief Justice of India Justice K.G.Balkhrishna kiang ah Sapam Kangleipal mat ahihna poisak thu leh kintak a condition omlou a khahna dingin lai khak chih ahi.
Hiamgamna toh kisai in mass rally
IMPHAL, May 10
Manipur a Violence tuamtuam omte deihlouhna ziakin, Working Committee of Apunba Lup, Manipur makaih in, May 11, 2008 in 'Mass Rally cum Public meeting against the Violence in Manipur' om ding hi. Mass rally zinglam dak 9 apat Thangmeiband a THAU ground apat in Konung Lampak (Hapta Kangjeibung) tan om ding a, tua mun ah Public meeting om ding hi.Hiai Public meeting hun ah Presidium member dingin, Keisam Taruni President, All Manipur Women's Social Reformation & Development Samaj, A.K.Janaki Leima President, Momnu Eerik Khombi Lup leh L.Memchoubi President, Poirei Leimarol Meira Paibi Apunba te pang ding uhi.
Trade Union in PM kimuhpih ding
IMPHAL, May 10
All India Trade Union Congress leh Trade Union tuamtuam ten May 12, 2008 in New Delhi ah Prime Minister Dr. Manmohon Singh kimuhpihna nei ding uhi. Hiai hun ah thu tuamtuam point 10 tuanna charter of demand khat leng pelut ding uhi. Hiai hun a teldingin All India Trade Union Congress, Manipur a General Secretary L.Sotinkumar in tunin Delhi zuan in Imphal nusia hidan in thutut kingah hi.
Trade Union in PM kianga demand tuamtuam abawl dingte uh khenkhat bel, van man kiak niam sak ding, labour law kepbit ding, public sector te puahthak ding leh numeite thaman ding pasalte a toh kibang a bawl ding chihte ahi.May 13, 2008 in Delhi a Constitution Club ah Trade Union ten conference thupitak khat nei ding ua, tua hun a L.Sotinkumar leng hon kihel ngal ding hidan in leng kigen hi.
Commando te’n UNLF cadre 1 man
IMPHAL, May 10
Thoubal SP apat thutut kingah dan in, zan May 9, 2008 zinglam dak 8.40 in Thoubal Police Commando ten frisking abawl na uah, NH 39 in atotkhak YK College, Wangjing gei apat UNLF cadre Khundrakpam Dhamendra Singh (24) s/o Kh.Manichou Singh of Kha Potsangbam Maning leikai kichi mankhiak in om chih ahi.Thudang khat ah, Zan a KCP ten Canchipur a Standard Robart Higher Secondary School a bomb khat avakoih uh mohpaihna in, tunin hiai school a Class VII apat XII tan student leh teacher ten protest dharna a school kong uah nei uhi.
Governor in Engineering Insitute thak hongkhia
IMPHAL, May 10
Institution of Electronics & Telecommunication Engineer (IETE) Imphal Sub-centre adia building thak kibawl, Lamphel Langol lampi mun ah, tuni’n Manipur Governor Dr. SS. Sidhu in honkhia hi. Hiai hun ah President in S. Narauana President IETE leh Guest of honour in, Prof. K. Laxminarayanan te pang uhi.Hiai hun a Governor in agenna ah, India a IT in naktak a masawn ahihna ah, Indian economy a leng naktak a kilang pha ahihdan gen hi. Govt. of India nuai a Ministry of IT in 2008 sunga Internet connection 100 million target nei leh million khat mah Internet IT Cyber Cafe honkhiak ding tup leh ngim a nei ahihdan gen hi.Aban agenna ah, IETE 1953 a patkhiak ahihnung tunitan in mimal leh industrial organisation tuamtuam 72,000 bang member omta hi. Imphal Sub-centre IETE in BE level adingin regular coaching class leng nei hi.
Black Widow cadre 12 kaplup in om, 4 liam
GUWAHATI, May 10 NNN
North Cachar Hills district headquarter Haflong apat kilometer 90 vel a gamla, Assam-Nagaland-Manipur border a Haralu ah Kiginni sunma dak 11 ding vel in Army’ 4 Corps te’n Dima Halam Daogah (DHD) anti-talk faction Black Widow cadre 12 kaplum ua, a dang 4 naktak a kapliam uh hi’n thusuak in taklang hi.4 Corps spokesman Col. R. Kalia in kikaptuahna mun apat galvan 4 leh AK rifle tang 7 muhkhiak ahihdan gen mahleh, siluang phot a neihlouh dungzui ua helpawlte hi’n sepaihte hitaleh, a si-le-liam a omlam bel theilou ahihdan gen hi. Himahleh, hiai kikaptuahna a Black Widow cadre 12 kaplup a om hidia muanmohthu bel thusuak in taklang hi. Lemna leh muanna a om theihna dia Black Widow helpawlte’n central govt. toh kihou a lunggulh thu uh Assam sorkar in tuma zek in Union Ministry of Home Affairs kiang ah ana tut ngeita hi. Jewel Garlocha makaih Dimasa helpawl Black Widow faction in apaisa March 25 in Assam sorkar kiang ah kha 3 sung daih ding unilateral ceasefire ana puang a, khan awn June 26 in bei ding hi.Tuabangkal ah, Black Widow spokesman in Guwahati pansan thuthaksaite kiang ah sepaihte’n a cadre uh 12 kaplum a a dang 4 naktak a kapliam ahihdan uh puang leh Haralu a thiltung mohpaih kawm in ni 7 sung a Assam sorkar toh unilateral ceasefire a neih uapat kizukkik dia vauna bawl hi’n thusuak in taklang hi. Haralu ahihleh Zeme Naga-te khua hi a, helpawlte’n kibukna dia a zat mahmah uh khat ahi.
J & K ah police officer 2 sawl hi ding
Imphal, May 10
Cabinet in thupukna a bawl dungzui a Thoubal dist a Chajing leh Heirok mipite state govt in galvan a piak nung a helpawlte douna dia mivantangte galvan piak ding chihthu toh kisai a dan zuih ding Manipur govt in draft bawl sawm in hahtak in kisalel a, helpawlte douna ding mah a J & K govt in 2003 a apatkhiak Jammu and Kashmir Voluntary Force (JKLF) te’ nasepdan enkhe ding a leng state govt in Manipur police department apat senior police officer 2 (SP Thoubal Clay Khongsai, SDPO Imphal West AK Jhalajit) sawl sawm hi’n thusuak in taklang hi. Helpawlte apat kivenna dia Mufti govt in a bawlkhiak JKVF a village defense committee-te apat member bangzahhiam a tel banuah, special police officer leng bangzahhiam tel ua member 1 in Rs 2, 500/month mu zel uhi. Heirok leh Chajing mipite’n galvan a ngetna uh cabinet in a tawmtawp a 3 a veitak a genkhawm nung un mipite’ kiang a galvan piak ding chih thupukna bawl ua, village defense committee bawlkhiak kichi govt scheme dan a patkhiak hi ding chih a gen banuah, Heirol leh Chajing lou, mundang a leng a poimohdan a mipite galvan piak hi ding chi’n leng May 6 a cabinet meeting a neihna uah govt in thupukna bawl hi. Hiai meeting a thupukna a lak dang khat uh ahihleh, Village Defence Guard poimohna khuate DGP in a zonkhiak a, tuabang a galvan piak ngai khua a om leh, VDF poimohna khuate a nasep pat theih ahihna’ng hunbi neiteng a govt kiang a thusun a bawl chih ahi hi.
EC in British-te’ capital masapen laikhen
Shillong, May 10 NNN
North-East a British-te a hongluttunglai ua capital dia a zat masaknapen uh, Sohra (Cherrapunji) hi a, hiai mun a om Saitsohpen kichihna mun ahihleh, Sohra Syiems (Chiefs) te’ Royal pyre omna chauh hilou in, British te’n North-East a Police station a bawl masakna mun uh, NE a Presbyterian Church om masakna pen ahih banah, welsh missionary 1 Thomas Jones’ nuai a Khasi laimal puahphatna munpi leng hi a, NE ading leh a diak a Meghalaya adia historical site poimoh mahmah khat ana hisek mahleh, election commission in delimitation a bawlziak in Sohra apat Saitsohpen kekkhe ding a, Shella constituency ah belh ding hi. Sohra laizangtak a om hiai Saitsohpen ahihleh, Khasi patriot minthang mahmah Tirot Singh Syiem’ monument omna chauh hilou in, kum 100 a upa English officialte’ kivuina ahih banah, khangthu poimoh taktak gelhlouh a omte’ kipatna ahih ziak in Shella constituency ah om leh, Saitsohpen chih minvuah hinawnlou ding a, mindang piak in omta ding hi. Saitsohpen ichih, Sohra Syiemship (Chiefdom) nuai a om ahih ziak in khangthu chikmah a mang ngeilou ding apat leh Syiem lalgam apat politics thil ziak a kekkhiat ding deihlou in hiaimun a teng mipite’n Election Commission’ nasep delimitation process a deihlouhna uh etsakna in Seppatni chiang in public meeting thupitak neihsawm uh ahihdan leh, academician-te leh tourist te’n Saitsohpen omna mun kan ding ua, Shella constituency chih in omleh, theilou ding uh ahihdante gen in a lungkimlouhthu uh khenkhat in gen uhi.
www.zogam.com
No comments:
Post a Comment