ZSP Golden Jubilee Bulletin | May 14 - 22, 2008 | Issue: I Vol. II

ZSP AWARD

Zou sung a sangnaupangte kitaidemna lam a mi kiphal, sangnaupang ngaina leh khantouna diing deina in kumteng in tam anuoi a teng in ZSP Meritorious Award chi’n ana tuoh uhi.

(L) Rev. T. Doupu Award – Topper in Zou MIL, Class X : Donated by Pu T. Hangkhanpau, President, UZO and MLA Singngat A/C and family.
Pu (L) Thangkhanlal Award – Overall Topper, Class X : Donated by Pi Chingkhokim and family
Ka Pu (L) Saipu Award – Topper in Zou MIL, Class XII : Donated by Upa Khamzathawng, MPS, ASP (Retd) and family.
(L) Pu Suahzahau Award– Overall Topper, Class XII : Donated by Pu P. Chinzakhup, Ex-President, UZO

Tamteng ban ah Discipline tuomtuom a Award donate utte a diing in kot hon ahi zing hi.

.........................

LAWCHINGTAH IN ZOU

ZSP Gen. Hqtr. saina in One Day Seminar on Carrer Guidance May 9, 2008 in lawchingtah in zouta uhi. Tuahun ah, Resource Person in UK a zilna zou Dr. David Vumlallian pang a, sangnaupang 150 valte’n phattuompi mama uh chithu kiza hi.

..........................

INTERACTION MEET

ZSP gen. Hqtr. saina in Gen. Hqtr. leh Blockte’n May 10, 2008 in Zogal Hall, Zoveng a kikhopna nei uhi. Tua hun ah, Block 7te apat Report leh mailam hun a panlah ding dan zong kikupkhawmna nei uhi. Second Session ah, ZSP Golden Jubilee lopna diing toh kisai a panlahkhawm diing dan genkhawm ua, Sport leh Culture lampang uong bawl diing chi thu zong genkhawm uhi.

...........................

ZSP Gen. Hqtr. VAIPOTE

President : Pu Khamchinmang
Vice President : Pu Robert Zamminlun
Secretary : Pu John Chinlianmang
Jt. Secretary : Pu Mark Ginlianmang
Secretary (Org) : Pu Kamkhanhau
Finance Secretary : Pu Chinlunmang
Treasurer : Pi Chiinmuankim
Secretary (Women) : Pi Niangboi
Secretaries : Pu Khaisuankhup (Pub. Rel)
Pu Chinzakham (Culture)
Pu Nengchinlam (Sports)
Pu Chinzakhup (Music)
Pu Lallianmang (Info & Pub)
Pu Donglamthang (Info & Pub)

..........................

LAIBU

Zou sung a Laibu gielkha tapou in – Laibu min, a kisut kum Pu T. Lamkhothawng leh Pu T. Kamhau, Zomi Colony kung ah a piehthei gige hi. Lamka Khopi pulam ate’n ZSP Block/Branch, President ahilouleh Secretary kung ah zong a piehthei gige diing hi.

...........................

ZSP HSLC leh HSSLCte thei diing

HSLC leh HSSLC I-Div. a pass teng in na Marksheet uh Photocopy khat chiet May 31, 2008 tan a ZSP Ghq. Office ah Meritorious Award a diing in piehthei ahi.

........................

PIEHTHEI GIGE

ZSP Golden Jubile a diing Article pe-utte’n June 30, 2008 tan in Pu T. Lamkhothawng leh Pu T. Kamhau, Zomi Colony kung ah a piehthei gige hi. Thei diing

* Zou haam a gielte’n MIL Standard zui diing.
* Editing apoimaw bang in Souvenir Board in a bawlthei diing.
* Pom-le-pomlou diing Souvenir Board thuneina ahi diing.

NGETNA

District dang leh State tuomtuom a um Zou Sangnaupangte’n na Result uh ngainuom huoi tah mai tami Bulletin a suodiing in hing thot un.

.....................

KOI A UM KIA DIEI

Pu T. Thongzadou, ZSP President masapen in ana pang a, ama khu Indian Army sung ah Leutenant Colonel tan in ana retired ta hi. Tualeh, ama’n ta 4 (li) a nei a, amaute zong Gazzetted Officer rank ngen in a khangsang hi. A tate leh ahina uh –

1) Ms. Chindeikim – Doctor
2) Mr. T. Ginlunmang – Leutenant Colonel, Indian Army
3) Ms. Siamhoiching – Deputy Commandent, CRPF, leh
4) Mr. T. Thanglianhau – Assistant Commandant, BSF.

ZSP khangthu a diing in etton tah leh pahtat huoi vawt innkuon ahi uhi. Pasian in puitou zelta hen.

.......................

GOLDEN JUBILEE OPINION POLL (NGAIDAN)

ZSP Golden Jubilee thawm ging in, kawl-lu-kawl-taw dengkha in, a thawm ging khuong/tawm kitum ging bang in ka bilha ah a ging zingta hi. Ahun lah ka ngaituo chieng in ha 6/7 vel maimai um in ka thei nalai a, ka lungsim a kipah in hunluite ka geldoh vengvung mai hi. “Oh ! where are the days of Singtom ZSP, here it sounds and echoed against the valleys and Zodawn”. A thupi diing dan ka ngaituo chieng in ngahla tentun veng; ‘hing tung meng in ! zing zou nuom veng, na liim ah guol toh laamtang kai nuom ing, aw ! ZSP Golden Jubilee’. Pasian in Committee member teng guolzawlta hen

....................

Editorial.. .........

I ngahla uh HSSLC Result kipuonkhiet toh kituoh in khenkhat a diing in kipahna a suoh a, khenkhat a diing in mittui luonna a suoh hi. Bangteng hitaleh, lawchinna nga tengteng na un-un ZSP Golden Jubilee Bulletin tungtawn in kipahpina thu ka hing puong uhi.

Tutung ZSP apat sangnaupangte’n na bawl hoi mama ua, kum dang a toh tekah in Pass Percentage a hoi mama a, tami Bulletin kisuotan a thei in –

I Division : 25;
II Division : 32; tualeh,
III Division leh Compartment ah zong hunkhop khat a um nalai hi.

Tuni’n tamtah i lawching ua, tamtah i lawsam uhi. A
lawchingte’n zong kipah dan siem a, a lawsamte’n zong puohzang dan siem a poimaw hi.

Koima damsung a lawching a umsih hi. Khatvei teitei mihing hina dawl ah lawsapna i tuoh diing mawng ahi. Tom Landry in “Na lawsap chieng in a thuoh dan siem in (recognize resistance)”; tualeh, Robert Stephenson in “Lungkiet lam mite theisahlou diing” ana chi hi. Tuajieh in, lawsapna khu huntawp ahisia, tupna kitup tah na neipou leh tunia lawchingte zong khatvei tei na delpha veve diing hi. Mi doilohte bou a lungke bai a, tup-le-ngim a neisih uhi.

Mi thupite’n bang a gen uai, en vai – India Prime Minister 11na Pu Chandra Shekar in “Khatvei tei India Prime Minister hi diing ka tup ahi’ ana chi a; tualeh, Abraham Lincoln in Class V a simlai peh in US President hi diing a ut thu ana gen ngaita hi. A tupna uh a tuhdet jieh un mi lawching a suoh mai uhi. Amaute zong a damsung un lawsapna lienpi tah tuohsa mihing ana hi ua, eite’n zong i lawsapnate uh manghil in tupna sang tah toh kipantha kia in i khandawng tha hoi laite ze-tha kia vai.

“Na tupna (goal) na tunna diing in nikhat in kalkhat suon zel in” – Anon

READ MORE