Lamka, June 11: Lamka khopi apan Km 3 vel a om Saikot a Chawilien Cancer Medicine Research Agency (CCMRA) toh kisai leh a nasepdan tuamtuam thuthang diklou om chih ziakin CCMRA information and publicity secretary Joseph L. Infimate in tuni’n press conference sam hi.
Hiai hun a Mr L Infimate in press-te’ mai a a genna ah, Saikot a om Shri Chawilien Hmar (Saikot Doctor) in ‘Chawilien Damdawi’ toh kisai a sep ding a kul leh poimoh bangkim semzel dia, April, 2008 a Chawilien Cancer Medicine Research Agency (CCMRA) kichi bawlkhiak a om ahihdan gen hi. CCMRA toh kisai L Fimate in hilhchetna a bawlna ah, hiai Agency in Saikot a om Chawilien Hmar’ inn mun mahmah a, Care Centre 1 neilel ahihdan gen a, hiai mun chauh a, singteh louhing apat damdawi bawlkhiak leh a thawn a hawmkhia ahihdan gen hi.
Chawilien’ Cancer Agency toh kisai thuthang diklou khenkhat om L Infimate in press-te’ mai a hilhchetna ah, CCMRA chihlouh mun dang koimah a Agency neilou ahihdan gen hi. L Infimate in a genzelna ah, mipite khualna ziak leh, ngetna a muh dungzui a, Department of Life Science, Manipur University toh 4th May, 2008 a Agreement suai kai uh hi’n gen hi. Hiai kilemna toh kisai L Infimate in a genna ah, Scientific Investigation of Anti-Cancer Property in the Chawilien’s Cancerdamdawi kichi research khat, ‘Chawilien Damdawi’ Life Science Department, MU in bawl ding hi’n gen a, Agreement a bawl dungzui ua research chauh petmah bawlthei ding ahihdan gen hi.
Chawilien Damdawi a sianthou louh ziak a damtheihhuailou chi a newspaper khenkhat in a suah uh toh kisai L Infimate in a hilhchetna ah, pilvangtak leh ngenteltak a Chawiliendamdawi bawlkhiak a om ahihdan CCMRA in kimuangtak leh thei-chiantak a genkhe ngam hi’n gen hi. Damdawi, mipite’ lak a hawmkhiakna toh kisai L Infimate in a genna ah, CCMRA in Chawilien damdawi zalentak in a thawn in hawmkhia a, mipite’n leng amau’ deihtelna leh a mau’ ki-ngamna ziak a damdawi la leh dawn uh ahihdan gen, a damdawi dawn ziak uh hiam, thildang ziak hiam a, damdawi a dawnzoh ua, a tung ua, thil deihhuailou tung a omleh Agency hi’n Chawilien Hmar hileh, a moh pua omlou ding ahihdan leng gen hi. Chawilien’ damdawi, mipite’n a mau’ utna ziak liuliau ua a dawn uh ahihdan L Infimate in a etsakna a genna ah, hiai damdawi bawlkhetu Chawilien chihlouh, a mah damdawi bawl dawn ziak a dam masa penpen Lalhmangai w/o Lalremruot a dam dan gen hi. L Infimate in a gendan in, Chawilien a damzoh sawtlou in cancer ziak a damlou a lupna ngak Saikot a om Lalhmangai w/o Lalremruot, a damdawi a dawn utleh dawn utlouh thu dong a, himahleh, phutluihlou ahihdan leng hilh hi. L Infimate in a genzelna ah, Ms Lalhmangai in leng damdawi gingta a adawn leh, dam ahihdan gen hi.
L Infimate in a gendan in, Mr Chawilien i chih, pastor leh elder leng hilou, mi maimai 1 ahihdan gen a, himahleh, amah leh a damdawi lunggulh a damdawi la, mi lakh- 2 phial bang phata ahihdan gen hi. Tuni Nilaini in leng mi 14 dam ua, hiaite’ lak ah, Keishamthong, Imphal a om a kal kaal a cancer nei Sophia (24) kichi khat leng dam a, a neu apat mitdel Sumrei (14) s/o Damhring of Truchumba, Chandel leng dam tuabanah blood cancer L.Ngamboi (54) of Sielmat leng damsiang hi.
L Infimate apat thu kimu dan in, nitaklam dak 7 vel ding apat meiteite leh pangalte damdawi la ut in kivual ua, a panmun uh a mansak ding uh a lauh ziak ua, innsung a giak dia leng sapkhiakzohlouh a om uh hi’n gen a, meiteite 200 val in leng a baan ua a butte uh haltum uh ahihdan gen hi. L Infimate in a genzelna ah, Bible leng a deih a tam luat ziak un niteng in hawmkhia ua, tamtak hawmkheta uh ahihdan gen a, damloute khenkhat in Chawilien’ puan leh a khe khawng khoihle uh dam dia a kigintak ziak ua, a sawkpunpun pawl bang om uh ahihdan leng gen hi.
Tutan a damdawi koi laklak apat mu uh hiam chih dotna a L Infimate in a dawnna ah, Kotlian lam apat hideuh hi’n gen a, bag khat Rs 20 a leizel uh ahihdan gen a, damdawi bawlna dia kizang singteh pen, sing khang nuam mahmah chi ahihziakin vangphathuai tuanse ahihdan leng gen hi. L Infimate in a gendan in, midang in Chawilien’ damdawi ‘patent’ ana bawl ding uh lauh ziak a, amau’ Agency in ‘patent’ bawlna dia panla ahihdan leng gen hi.
Cancer damdawi kei muhkhiak masak ahi - Darhmingliana Famhoite
Sum-le-pai etlahna ziak lel ahizaw - CCMRA
IMPHAL, June 11 NNN: Manipur University in Saikot a Chawilien in cancer damdawi a muhkhiak a ‘damdawi’ om taktak ahihdan chetna a bawl zoh nung un Saikot khomi mah Darhmingliana Famhoite in hiai damdawi amau sungkuan in muhkhe masa leh zang masa uh ahihdan thuthak saite kiang ah gen hi. Tuni Nilaini a Darhmingliana Famhoite in a genna ah Chawilien leng aman hiai damdawi zang a a etkol masak ahihdan gen hi’n thusuak in taklang hi.
Saikot High School a Headmaster Darhmingliana Famhoite in Nilaini a a genna ah, hiai damdawi ama pa (L) Hniepa in zang masapen a, huangvulh-gantate a damlouh chiang ua etkolna dia a zat zel hi’n gen hi. Darhmingliana in a gendan in Chawilien leng a sanggam (pate unau) hi a, damdawi inn tuamtuam a etkol dia amah mahmah in a taivialpih hi’n gen hi. A natna theihkhiak ahih in damdawi inn apat, innmun a ki-etkol a utna bang in damdawi inn apat Chawilien pawtsak in om hi. A natna ziak a a bil kiang a bawk leng hiai damdawi ziak a March 2007 a mang hi’n Darhminglian in Chawilien damna tungtang gen hi.
Huai banah, hiai damdawi kepbitna dia Manipur Society Registration Act 1989 nuai a 25 May 2008 a The New Life Herbarium Society (415 of 2008) min ana khum hi’n Darhmingliana in gen a, hiai damdawi chiing dia Mizoram a pem dia Mizoram Health Minister apat chialna mu mahleh Manipur in hiai damdawi tung a thuneihna a mansuah khak ding lauhna ziak a chialna pomlou ahihdan gen hi.
Hiai damdawi suina dia May 31 a six-member committee kibawlkhia ahihdan leh huai committee a Dr H Birkumar, Scientist in-charge, North East Institute of Science and Technology; Dr Th. Sobita, Botany department, DM College of Sciences, Imphal; Kh Rakesh, Manipur Science and Technology Education College (MASTEC), Prof N Rajmohan, Manipur University chemistry department; Th. Brojendro, Oriental college; leh Sukumar Haobam, industrial designer tel uh hi’n leng gen hi. Committee in damdawi toh kisai sui mahle uh tutan a bangmah muhsuah taktak neilou uh hi’n thusuak in taklang hi.
Darhmingliana in hiai damdawi ama muhkiak masak hidan a a gen toh kisai in Lamka Post in Chawilien Cancer Medicine Research Agency (CCMRA), media i/c a houpihna ah Darhmingliana pen lehkhasiam, mi fel leh piltak ahihman in ‘patent rights’ tungtawn a sum tamtak muhtheihna ahihdan a theih ziak a hiai bang a kampau nei ahihman in thupi ngaihlou uh ahihdan Lamka Post palai theisak hi.
The Lamka Post June 12, 2008
Source: http://zogam.com/index.php?option=com_content&task=view&id=3427
Hiai hun a Mr L Infimate in press-te’ mai a a genna ah, Saikot a om Shri Chawilien Hmar (Saikot Doctor) in ‘Chawilien Damdawi’ toh kisai a sep ding a kul leh poimoh bangkim semzel dia, April, 2008 a Chawilien Cancer Medicine Research Agency (CCMRA) kichi bawlkhiak a om ahihdan gen hi. CCMRA toh kisai L Fimate in hilhchetna a bawlna ah, hiai Agency in Saikot a om Chawilien Hmar’ inn mun mahmah a, Care Centre 1 neilel ahihdan gen a, hiai mun chauh a, singteh louhing apat damdawi bawlkhiak leh a thawn a hawmkhia ahihdan gen hi.
Chawilien’ Cancer Agency toh kisai thuthang diklou khenkhat om L Infimate in press-te’ mai a hilhchetna ah, CCMRA chihlouh mun dang koimah a Agency neilou ahihdan gen hi. L Infimate in a genzelna ah, mipite khualna ziak leh, ngetna a muh dungzui a, Department of Life Science, Manipur University toh 4th May, 2008 a Agreement suai kai uh hi’n gen hi. Hiai kilemna toh kisai L Infimate in a genna ah, Scientific Investigation of Anti-Cancer Property in the Chawilien’s Cancerdamdawi kichi research khat, ‘Chawilien Damdawi’ Life Science Department, MU in bawl ding hi’n gen a, Agreement a bawl dungzui ua research chauh petmah bawlthei ding ahihdan gen hi.
Chawilien Damdawi a sianthou louh ziak a damtheihhuailou chi a newspaper khenkhat in a suah uh toh kisai L Infimate in a hilhchetna ah, pilvangtak leh ngenteltak a Chawiliendamdawi bawlkhiak a om ahihdan CCMRA in kimuangtak leh thei-chiantak a genkhe ngam hi’n gen hi. Damdawi, mipite’ lak a hawmkhiakna toh kisai L Infimate in a genna ah, CCMRA in Chawilien damdawi zalentak in a thawn in hawmkhia a, mipite’n leng amau’ deihtelna leh a mau’ ki-ngamna ziak a damdawi la leh dawn uh ahihdan gen, a damdawi dawn ziak uh hiam, thildang ziak hiam a, damdawi a dawnzoh ua, a tung ua, thil deihhuailou tung a omleh Agency hi’n Chawilien Hmar hileh, a moh pua omlou ding ahihdan leng gen hi. Chawilien’ damdawi, mipite’n a mau’ utna ziak liuliau ua a dawn uh ahihdan L Infimate in a etsakna a genna ah, hiai damdawi bawlkhetu Chawilien chihlouh, a mah damdawi bawl dawn ziak a dam masa penpen Lalhmangai w/o Lalremruot a dam dan gen hi. L Infimate in a gendan in, Chawilien a damzoh sawtlou in cancer ziak a damlou a lupna ngak Saikot a om Lalhmangai w/o Lalremruot, a damdawi a dawn utleh dawn utlouh thu dong a, himahleh, phutluihlou ahihdan leng hilh hi. L Infimate in a genzelna ah, Ms Lalhmangai in leng damdawi gingta a adawn leh, dam ahihdan gen hi.
L Infimate in a gendan in, Mr Chawilien i chih, pastor leh elder leng hilou, mi maimai 1 ahihdan gen a, himahleh, amah leh a damdawi lunggulh a damdawi la, mi lakh- 2 phial bang phata ahihdan gen hi. Tuni Nilaini in leng mi 14 dam ua, hiaite’ lak ah, Keishamthong, Imphal a om a kal kaal a cancer nei Sophia (24) kichi khat leng dam a, a neu apat mitdel Sumrei (14) s/o Damhring of Truchumba, Chandel leng dam tuabanah blood cancer L.Ngamboi (54) of Sielmat leng damsiang hi.
L Infimate apat thu kimu dan in, nitaklam dak 7 vel ding apat meiteite leh pangalte damdawi la ut in kivual ua, a panmun uh a mansak ding uh a lauh ziak ua, innsung a giak dia leng sapkhiakzohlouh a om uh hi’n gen a, meiteite 200 val in leng a baan ua a butte uh haltum uh ahihdan gen hi. L Infimate in a genzelna ah, Bible leng a deih a tam luat ziak un niteng in hawmkhia ua, tamtak hawmkheta uh ahihdan gen a, damloute khenkhat in Chawilien’ puan leh a khe khawng khoihle uh dam dia a kigintak ziak ua, a sawkpunpun pawl bang om uh ahihdan leng gen hi.
Tutan a damdawi koi laklak apat mu uh hiam chih dotna a L Infimate in a dawnna ah, Kotlian lam apat hideuh hi’n gen a, bag khat Rs 20 a leizel uh ahihdan gen a, damdawi bawlna dia kizang singteh pen, sing khang nuam mahmah chi ahihziakin vangphathuai tuanse ahihdan leng gen hi. L Infimate in a gendan in, midang in Chawilien’ damdawi ‘patent’ ana bawl ding uh lauh ziak a, amau’ Agency in ‘patent’ bawlna dia panla ahihdan leng gen hi.
Cancer damdawi kei muhkhiak masak ahi - Darhmingliana Famhoite
Sum-le-pai etlahna ziak lel ahizaw - CCMRA
IMPHAL, June 11 NNN: Manipur University in Saikot a Chawilien in cancer damdawi a muhkhiak a ‘damdawi’ om taktak ahihdan chetna a bawl zoh nung un Saikot khomi mah Darhmingliana Famhoite in hiai damdawi amau sungkuan in muhkhe masa leh zang masa uh ahihdan thuthak saite kiang ah gen hi. Tuni Nilaini a Darhmingliana Famhoite in a genna ah Chawilien leng aman hiai damdawi zang a a etkol masak ahihdan gen hi’n thusuak in taklang hi.
Saikot High School a Headmaster Darhmingliana Famhoite in Nilaini a a genna ah, hiai damdawi ama pa (L) Hniepa in zang masapen a, huangvulh-gantate a damlouh chiang ua etkolna dia a zat zel hi’n gen hi. Darhmingliana in a gendan in Chawilien leng a sanggam (pate unau) hi a, damdawi inn tuamtuam a etkol dia amah mahmah in a taivialpih hi’n gen hi. A natna theihkhiak ahih in damdawi inn apat, innmun a ki-etkol a utna bang in damdawi inn apat Chawilien pawtsak in om hi. A natna ziak a a bil kiang a bawk leng hiai damdawi ziak a March 2007 a mang hi’n Darhminglian in Chawilien damna tungtang gen hi.
Huai banah, hiai damdawi kepbitna dia Manipur Society Registration Act 1989 nuai a 25 May 2008 a The New Life Herbarium Society (415 of 2008) min ana khum hi’n Darhmingliana in gen a, hiai damdawi chiing dia Mizoram a pem dia Mizoram Health Minister apat chialna mu mahleh Manipur in hiai damdawi tung a thuneihna a mansuah khak ding lauhna ziak a chialna pomlou ahihdan gen hi.
Hiai damdawi suina dia May 31 a six-member committee kibawlkhia ahihdan leh huai committee a Dr H Birkumar, Scientist in-charge, North East Institute of Science and Technology; Dr Th. Sobita, Botany department, DM College of Sciences, Imphal; Kh Rakesh, Manipur Science and Technology Education College (MASTEC), Prof N Rajmohan, Manipur University chemistry department; Th. Brojendro, Oriental college; leh Sukumar Haobam, industrial designer tel uh hi’n leng gen hi. Committee in damdawi toh kisai sui mahle uh tutan a bangmah muhsuah taktak neilou uh hi’n thusuak in taklang hi.
Darhmingliana in hiai damdawi ama muhkiak masak hidan a a gen toh kisai in Lamka Post in Chawilien Cancer Medicine Research Agency (CCMRA), media i/c a houpihna ah Darhmingliana pen lehkhasiam, mi fel leh piltak ahihman in ‘patent rights’ tungtawn a sum tamtak muhtheihna ahihdan a theih ziak a hiai bang a kampau nei ahihman in thupi ngaihlou uh ahihdan Lamka Post palai theisak hi.
The Lamka Post June 12, 2008
Source: http://zogam.com/index.php?option=com_content&task=view&id=3427
No comments:
Post a Comment